JKW-KABUM-17-TSA-002-007

🚧 This website is under continued development. We appreciate your patience!

Previous Text Back to Volume PageNext Text

ཟླ་ཤེལ་འཆི་མེད་བདུད་རྩི་རིལ་བུའི་སྦྱོར་བ་འཆི་མེད་བཅུད་ལེན།

Wylie title	zla shel 'chi med bdud rtsi ril bu'i sbyor ba 'chi med bcud len
Location	mkhyen brtse'i bka' 'bum Volume 17, sde tshan 2, Text 7, Pages 216-217 (Folios 35b4 to 36a6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. zla shel 'chi med bdud rtsi ril bu'i sbyor ba 'chi med bcud len. In 'jam dbyangs mkhyen brtse'i dbang po'i bka' 'bum, Vol. 17: 216-217. Khams sde dge rdzong sar dgon: Rdzong sar blo gros phun tshogs, 2020.
Genre	Medicine Texts - gso ba rig pa

1 Texts in this Section (sde tshan or chos tshan)

7 216-217	ཟླ་ཤེལ་འཆི་མེད་བདུད་རྩི་རིལ་བུའི་སྦྱོར་བ་འཆི་མེད་བཅུད་ལེན། zla shel 'chi med bdud rtsi ril bu'i sbyor ba 'chi med bcud len Medicine Texts - gso ba rig pa	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

ཟླ་ཤེལ་འཆི་མེད་བདུད་རྩི་རིལ་བུའི་སྦྱོར་བ་འཆི་མེད་བཅུད་ལེན་བཞུགས་སོ། །ཨོཾ་ཨ་ཐཱ། རིགས་ཀུན་ཁྱབ་བདག་དཔལ་ལྡན་བླ་མ་དང་། །དབྱེར་མེད་སྨན་རྒྱལ་གུ་ཎའི་ཞབས་པདྨོ། །གཙུག་གཏོར་ནོར་བུའི་ཁང་བུར་ངལ་བསོས་པས། །སྔོན་མེད་བདུད་རྩིའི་སྨན་སྦྱོར་འདི་ལྟར་ཤར། །རྒྱལ་པོ་ཅོང་ཞི་དུལ་མ་ཆ་བཞི་ལ། །བཙུན་མོ་བྲག་ཞུན་སླད་མེད་ཆ་གཉིས་ཏེ། །བློན་པོ་ཨ་རུ་རུ་རྟ་ཧོང་ལེན་དང་། །ཨུཏྤལ་མ་ནུ་པྲི་ཡང་བ་ཤ་ཀ །ལྕགས་ཀྱི་ཕྱེ་མ་རྣམས་ནི་ཆ་རེ་རེ། །འཁོར་འབངས་ཨ་གར་ཏིག་ཏ་པི་པི་ལིང་། །བཟང་དྲུག་བ་རུ་སླེ་ཏྲེས་དངུལ་ཆུ་དང་། །རྒྱམ་ཚྭ་མིང་ཅན་གླ་རྩི་གུ་གུལ་ནག །ད་ལིས་སྲད་ནག་ཉི་དགའ་ལི་ག་དུར། །དཔའ་བོ་དཀར་པོ་བྱེའུ་ལ་ཕུག་དང་། །ཆུ་སེར་སྨན་གསུམ་རྣམས་ནི་ཆ་ཕྱེད་རེ། །ཞིབ་བཏགས་སེ་འབྲུ་སྐྱུ་རུ་ཆ་གཉིས་དང་། །སྟར་ཞུན་ཆ་གཅིག་སྤྱི་བཞུར་དེ་ཡི་ཕྱེད། །ལེགས་པར་སྦྱར་བའི་ཁུ་བས་འདམ་བཏགས་བྱ། །ལག་ལེན་མན་ངག་གནད་དང་ལྡན་པ་ཡིས། །རིལ་བུ་སྲན་མ་འཕོས་པ་ཙམ་དུ་དྲིལ། །བྱིན་རླབས་ཤིས་པ་བརྗོད་ཅིང་པར་བུར་བཅངས། །ལྔ་བདུན་དགུ་སོགས་ནད་སྟོབས་སྦྱར་ལ་གཏོང་། །བཞི་བརྒྱ་རྩ་བཞིའི་ནད་རྣམས་མ་ལུས་པ། །འདི་ཡིས་མི་སེལ་བ་ནི་ག་ལ་ཡོད། །ཁྱད་པར་ཁྲག་མཁྲིས་བད་ཀན་སྨུག་པོ་དང་། །རྨུ་འོར་སྐྱ་སྦབས་དྲེགས་གྲུམ་ཚ་བ་རྙིངས། །རྩ་དཀར་ཆུ་སེར་དངོས་དང་སྦྱར་དུག་རྣམས། །སེལ་བྱེད་འཆི་མེད་བདུད་རྩི་མངོན་སུམ་མོ། །དེ་ལྟར་བརྩམས་ལས་བྱུང་བའི་དགེ་ཚོགས་ནི། །ཟླ་གཞོན་བྱེ་བའི་ཁེངས་པ་བསྙིལ་བ་དེས། །འགྲོ་ཀུན་རྒྱུ་འབྲས་ནད་ཀྱིས་གདུངས་བ་ལས། །རང་གྲོལ་སྨན་པའི་རྒྱལ་པོ་མངོན་གྱུར་ཤོག ༈ །

[edit]

zla shel 'chi med bdud rtsi ril bu'i sbyor ba 'chi med bcud len/ zla shel 'chi med bdud rtsi ril bu'i sbyor ba 'chi med bcud len bzhugs so/__/oM a thA/__rigs kun khyab bdag dpal ldan bla ma dang /__/dbyer med sman rgyal gu Na'i zhabs pad+mo/__/gtsug gtor nor bu'i khang bur ngal bsos pas/__/sngon med bdud rtsi'i sman sbyor 'di ltar shar/__/rgyal po cong zhi dul ma cha bzhi la/__/btsun mo brag zhun slad med cha gnyis te/__/blon po a ru ru rta hong len dang /__/ut+pal ma nu pri yang ba sha ka__/lcags kyi phye ma rnams ni cha re re/__/'khor 'bangs a gar tig ta pi pi ling /__/bzang drug ba ru sle tres dngul chu dang /__/rgyam tshwa ming can gla rtsi gu gul nag__/da lis srad nag nyi dga' li ga dur/__/dpa' bo dkar po bye'u la phug dang /__/chu ser sman gsum rnams ni cha phyed re/__/zhib btags se 'bru skyu ru cha gnyis dang /__/star zhun cha gcig spyi bzhur de yi phyed/__/legs par sbyar ba'i khu bas 'dam btags bya/__/lag len man ngag gnad dang ldan pa yis/__/ril bu sran ma 'phos pa tsam du dril/__/byin rlabs shis pa brjod cing par bur bcangs/___/lnga bdun dgu sogs nad stobs sbyar la gtong /___/bzhi brgya rtsa bzhi'i nad rnams ma lus pa/__/'di yis mi sel ba ni ga la yod/__/khyad par khrag mkhris bad kan smug po dang /__/rmu 'or skya sbabs dregs grum tsha ba rnyings/__/rtsa dkar chu ser dngos dang sbyar dug rnams/__/sel byed 'chi med bdud rtsi mngon sum mo/__/de ltar brtsams las byung ba'i dge tshogs ni/____/zla gzhon bye ba'i khengs pa bsnyil ba des/__/'gro kun rgyu 'bras nad kyis gdungs ba las/__/rang grol sman pa'i rgyal po mngon gyur shog__!__/