JKW-KABUM-11-DA-011-003

🚧 This website is under continued development. We appreciate your patience!

Previous Text Back to Volume PageLast text in section.

གནས་བརྟན་ཕྱག་མཆོད་དང་འབྲེལ་བར་ཆོ་ག་མདོར་བསྡུས་བྱ་ཚུལ།

Wylie title	gnas brtan phyag mchod dang 'brel bar cho ga mdor bsdus bya tshul
Location	mkhyen brtse'i bka' 'bum Volume 11, sde tshan 11, Text 3, Pages 352-361 (Folios 7b3 to 12a1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. gnas brtan phyag mchod dang 'brel bar cho ga mdor bsdus bya tshul. In 'jam dbyangs mkhyen brtse'i dbang po'i bka' 'bum, Vol. 11: 352-361. Khams sde dge rdzong sar dgon: Rdzong sar blo gros phun tshogs, 2020.
Genre	Homage - phyag 'tshal  ·  Liturgy - ngag 'don  ·  Offering Rituals - mchod sbyin  ·  Ritual and Liturgical Texts - cho ga phyag len
Deity	shAkya thub pa, gnas brtan bcu drug
Lotsawa House Link	https://www.lotsawahouse.org/tibetan-masters/jamyang-khyentse-wangpo/sixteen-arhats-longer
Colophon	ཞེས་པའང་མཉྫུ་གྷོ་ཥས་བྲིས་པ་དགེ། །།སརྦ་མངྒ་ལཾ།།
	zhes pa'ang many+dzu g+ho Shas bris pa dge/__//sarba mang+ga laM//

1 Texts in this Section (sde tshan or chos tshan)

3 352-361	གནས་བརྟན་ཕྱག་མཆོད་དང་འབྲེལ་བར་ཆོ་ག་མདོར་བསྡུས་བྱ་ཚུལ། gnas brtan phyag mchod dang 'brel bar cho ga mdor bsdus bya tshul Ritual and Liturgical Texts - cho ga phyag len   ·   Liturgy - ngag 'don   ·   Homage - phyag 'tshal   ·   Offering Rituals - mchod sbyin	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

གནས་བརྟན་ཕྱག་མཆོད་དང་འབྲེལ་བར་ཆོ་ག་མདོར་བསྡུས་བྱ་ཚུལ་བཞུགས། ཨོཾ་སྭསྟི། །པཎ་ཆེན་ཤཱཀྱ་ཤྲིས་མཛད་པར་གྲགས་པའི་གནས་བརྟན་ཕྱག་མཆོད་དང་འབྲེལ་བར་ཆོ་ག་མདོར་བསྡུས་ཙམ་བྱ་ཚུལ་གྱི་ངག་འདོན་ནི། སངས་རྒྱས་ཆོས་ཚོགས་ལན་གསུམ། སེམས་ཅན་ཐམས་ཅད་བདེ་བ་དང་སོགས། སྐྱབས་གནས་དཀོན་མཆོག་གསུམ་གྱི་བདེན་པ་དང་། །རྒྱལ་བ་སྲས་བཅས་རྣམས་ཀྱི་བྱིན་རླབས་དང་། །ཚོགས་གཉིས་མངའ་ཐང་ཆོས་དབྱིངས་དག་སྟོབས་ཀྱིས། །སྣོད་བཅུད་བདེ་ཅན་ཞིང་གི་བཀོད་པའི་དབུས། །ཡིད་འཕྲོག་ནོར་བུའི་གཞལ་མེད་ཁང་ཆེན་པོར། །རིན་ཆེན་སེང་ཁྲི་པད་ཟླའི་གདན་མཆོག་དང་། །དངོས་བཤམས་གཟུངས་རིག་མོས་སྟོབས་ཀྱིས་སྤྲུལ་པའི། །མཆོད་སྤྲིན་རྒྱ་མཚོས་གང་ཞིང་སྤྱོད་གྱུར་ཅིག །ཅེས་དང་། ན་མོ་རཏྣ་ཏྲ་ཡཱ་ཡ་སོགས་མཆོད་པའི་སྤྲིན་གྱི་སྔགས་ལན་གསུམ་རོལ་མོ་བཅས་བྱ། སྤོས་བཏུལ་ཞིང་གདངས་དང་བཅས། ལག་མཐིལ་ལྟར་མཉམ་རིན་ཆེན་གྱིས་སྤྲས་པ། །ལྗོན་ཤིང་ཆུ་མཚོས་བརྒྱན་པའི་ས་གཞིའི་དབུས། །རིན་ཆེན་ལས་གྲུབ་གྲུ་བཞི་སྒོ་བཞི་པ། །པདྨ་ཉི་ཟླས་བརྒྱན་པའི་གདན་སྟེང་དུ། །ཐུགས་རྗེས་རྩོད་པའི་དུས་ཀྱི་གདུལ་བྱ་རྣམས། །རྣམ་གྲོལ་ལམ་ལ་འགོད་མཛད་འགྲོ་བའི་མགོན། །ཐུབ་པ་མཆོག་དང་གནས་བརྟན་ཆེན་པོ་རྣམས། །འཁོར་དང་བཅས་པ་གནས་འདིར་གཤེགས་སུ་གསོལ། །ཕྱོགས་བཅུའི་རྒྱལ་བ་སྲས་བཅས་ཐམས་ཅད་དང་། །ཤེས་རབ་མེ་འབར་ཉོན་མོངས་མཚོ་སྐེམས་ཤིང་། །རྣམ་གྲོལ་བསོད་ནམས་ཞིང་དུ་བཀའ་སྡོད་པ། །ཕྱོགས་བཅུའི་ཉན་ཐོས་དགེ་འདུན་བཞུགས་སོ་འཚལ། །ཡོན་སྦྱོར་མཆོད་པའི་གནས་སུ་སྤྱན་འདྲེན་གྱིས། །འགྲོ་བའི་དོན་ཕྱིར་མཆོད་ཀྱིས་གཤེགས་སུ་གསོལ། །འགྲོ་བའི་མགོན་པོ་ཤཱཀྱ་སེང་གེ་ཡིས། །སངས་རྒྱས་བསྟན་པ་གང་གི་ཕྱག་ཏུ་བཞག །གསུང་རབ་རིན་ཆེན་སྒྲོམ་གྱི་ཁ་འབྱེད་པའི། །ཆོས་སྐྱོང་དགྲ་བཅོམ་ཆེན་པོ་བཞུགས་སོ་འཚལ། །དམ་ཆོས་སྤེལ་བའི་སླད་དུ་སྤྱན་འདྲེན་གྱིས། །འགྲོ་བའི་དོན་ཕྱིར་མཆོད་ཀྱིས་གཤེགས་སུ་གསོལ། །ཐུབ་པས་བཀའ་བསྒོས་བསྟན་པའི་རྒྱལ་མཚན་འཛིན། །ཡན་ལག་འབྱུང་དང་མི་ཕམ་ནགས་ན་གནས། །དུས་ལྡན་རྡོ་རྗེ་མོ་བུ་བཟང་པོ་དང་། །གསེར་བེའུ་བྷ་ར་དྷྭ་ཛ་གསེར་ཅན་མཆོག །འཕགས་པ་བ་ཀུ་ལ་དང་སྒྲ་གཅན་འཛིན། །ལམ་བསྟན་བྷ་ར་དྷྭ་ཛ་བསོད་སྙོམས་ལེན། །ལམ་བསྟན་ཀླུའི་སྡེ་སྦེད་བྱེད་མི་ཕྱེད་པ། །དགྲ་བཅོམ་གནས་བརྟན་ཆེན་པོ་དེ་དག་ཚིག་རྐང་ནི། འདི་གཉིས་ཆད་དམ་སྙམ། །བསོད་ནམས་རིན་ཆེན་གླིང་དུ་སྤྱན་འདྲེན་གྱིས། །འགྲོ་བའི་དོན་ཕྱིར་མཆོད་ཀྱིས་གཤེགས་སུ་གསོལ། །སྤངས་དང་ཡེ་ཤེས་ཕུན་ཚོགས་སངས་རྒྱས་ཀྱང་། །གདུལ་བྱའི་དབང་གིས་ཉན་ཐོས་ཚུལ་འཛིན་པ། །ཁྱད་པར་ཅན་གྱི་ཕྲིན་ལས་ཆོས་སྐྱོང་བའི། །གནས་བརྟན་བཅུ་དྲུག་འདིར་བྱོན་གདན་ལ་བཞུགས། །བདེ་གཤེགས་བཀའ་ལུང་གཙོར་མཛད་བསྟན་པ་སྲུང་། །རང་དོན་དོར་ནས་འཁོར་བའི་ནགས་ཚལ་དུ། །གཞན་དོན་ལྷུར་མཛད་གནས་བརྟན་བཅུ་དྲུག་པོ། །དམ་བཅས་ཐུགས་རྗེའི་དབང་གིས་གནས་འདིར་གཤེགས། །དགེ་བསྙེན་སྐྱབས་གསོལ་བདེན་པའི་ཚིག་བརྟན་པ། །དཀོན་མཆོག་གསུམ་གྱི་ཞབས་འབྲིང་མཆིས་སོ་འཚལ། །བསོད་ནམས་རིན་ཆེན་ཞིང་དུ་སྤྱན་འདྲེན་གྱིས། །འགྲོ་བའི་དོན་ཕྱིར་མཆོད་ཀྱིས་གཤེགས་སུ་གསོལ། །རོལ་མོ་བཅས་སྤྱན་དྲང་། ཇི་སྙེད་སུ་དག་སོགས་ནས། བདག་གིས་བསྟོད། དེ་ནས། མཚུངས་མེད་ལྟ་བས་མི་ངོམས་ཤིང་། གསེར་གྱི་མདོག་ཅན་མཛེས་པའི་སྐུ། །ཞལ་གཅིག་ཕྱག་གཉིས་སྐྱིལ་ཀྲུང་བཞུགས། །ས་གནོན་མཉམ་བཞག་མཛད་ཕྱག་འཚལ། །བླ་མའི་སྐུ་ཚེ་བརྟན་པ་དང་། །བསྟན་པ་རྒྱས་པར་བྱིན་གྱིས་རློབས། གངས་རི་ཆེན་པོ་ཏི་སེ་ལ། །འཕགས་པའི་གནས་བརྟན་ཡན་ལག་འབྱུང་། །དགྲ་བཅོམ་སྟོང་དང་སུམ་བརྒྱས་བསྐོར། །སྤོས་ཕོར་རྔ་ཡབ་འཛིན་ཕྱག་འཚལ། །བླ་མའི་སྐུ་ཚེ་བརྟན་པ་དང་། །བསྟན་པ་རྒྱས་པར་བྱིན་གྱིས་རློབས། །དྲང་སྲོང་རི་ཡི་ཤེལ་ནགས་ན། །འཕགས་པའི་གནས་བརྟན་མི་ཕམ་པ། །དགྲ་བཅོམ་བརྒྱ་ཕྲག་གཅིག་གིས་བསྐོར། །ཕྱག་གཉིས་མཉམ་བཞག་མཛད་ཕྱག་འཚལ། །བླ་མའི་སྐུ་ཚེ་བརྟན་པ་དང་། །བསྟན་པ་རྒྱས་པར་བྱིན་གྱིས་རློབས། །ལོ་མ་བདུན་པའི་རི་ཕུག་ན། །འཕགས་པའི་གནས་བརྟན་ནགས་ན་གནས། །དགྲ་བཅོམ་སྟོང་དང་བཞི་བརྒྱས་བསྐོར། །སྡིགས་མཛུབ་རྔ་ཡབ་འཛིན་ཕྱག་འཚལ། །བླ་མའི་སྐུ་ཚེ་བརྟན་པ་དང་། །བསྟན་པ་རྒྱས་པར་བྱིན་གྱིས་རློབས། །འཛམ་བུ་གླིང་གི་ཟངས་གླིང་ན། །འཕགས་པའི་གནས་བརྟན་དུས་ལྡན་ནི། །དགྲ་བཅོམ་སྟོང་དང་ཆིག་བརྒྱས་བསྐོར། །གསེར་གྱི་རྣ་ཀོར་འཛིན་ཕྱག་འཚལ། །བླ་མའི་སྐུ་ཚེ་བརྟན་པ་དང་། བསྟན་པ་རྒྱས་པར་བྱིན་གྱིས་རློབས། །སིངྒ་ལ་ཡི་གླིང་ན་ནི། །གནས་བརྟན་རྡོ་རྗེ་མོ་ཡི་བུ། །དགྲ་བཅོམ་ཆེན་པོ་སྟོང་གིས་བསྐོར། །སྡིག་མཛུབ་རྔ་ཡབ་འཛིན་ཕྱག་འཚལ། །བླ་མའི་སྐུ་ཚེ་བརྟན་པ་དང་། །བསྟན་པ་རྒྱས་པར་བྱིན་གྱིས་རློབས། །ཆུ་བོ་ཡ་མུ་ན་གླིང་ན། །འཕགས་པའི་གནས་བརྟན་བཟང་པོ་ནི། །དགྲ་བཅོམ་སྟོང་དང་ཉིས་བརྒྱས་བསྐོར། །ཆོས་འཆད་མཉམ་བཞག་མཛད་ཕྱག་འཚལ། །བླ་མའི་སྐུ་ཚེ་བརྟན་པ་དང་། །བསྟན་པ་རྒྱས་པར་བྱིན་གྱིས་རློབས། །གནས་མཆོག་ཁ་ཆེའི་ཡུལ་ན་ནི། །འཕགས་པའི་གནས་བརྟན་གསེར་བེའུ། །དགྲ་བཅོམ་ཆེན་པོ་ལྔ་བརྒྱས་བསྐོར། །རིན་ཆེན་ཞགས་པ་འཛིན་ཕྱག་འཚལ། །བླ་མའི་སྐུ་ཚེ་བརྟན་པ་དང་། །བསྟན་པ་རྒྱས་པར་བྱིན་གྱིས་རློབས། །ནུབ་ཀྱི་བ་ལང་སྤྱོད་ན་ནི། །བྷ་ར་དྷྭ་ཛ་གསེར་ཅན་ལ། །དགྲ་བཅོམ་ཆེན་པོ་བདུན་བརྒྱས་བསྐོར། །ཕྱག་གཉིས་མཉམ་བཞག་མཛད་ཕྱག་འཚལ། །བླ་མའི་སྐུ་ཚེ་བརྟན་པ་དང་། །བསྟན་པ་རྒྱས་པར་བྱིན་གྱིས་རློབས། །བྱང་གི་སྒྲ་མི་སྙན་ན་ནི། །འཕགས་པའི་གནས་བརྟན་བ་ཀུ་ལ། །དགྲ་བཅོམ་ཆེན་པོ་དགུ་བརྒྱས་བསྐོར། །ཕྱག་གཉིས་ནེའུ་ལེ་འཛིན་ཕྱག་འཚལ། །བླ་མའི་སྐུ་ཚེ་བརྟན་པ་དང་། །བསྟན་པ་རྒྱས་པར་བྱིན་གྱིས་རློབས། །པྲི་ཡང་ཀུ་ཡི་གླིང་ན་ནི། །འཕགས་པའི་གནས་བརྟན་སྒྲ་གཅན་འཛིན། །དགྲ་བཅོམ་སྟོང་དང་ཆིག་བརྒྱས་བསྐོར། །རིན་ཆེན་པྲོག་ཞུ་འཛིན་ཕྱག་འཚལ། །བླ་མའི་སྐུ་ཚེ་བརྟན་པ་དང་། །བསྟན་པ་རྒྱས་པར་བྱིན་གྱིས་རློབས། །བྱ་རྒོད་ཕུང་པོའི་རི་བོ་ལ། །འཕགས་པའི་གནས་བརྟན་ལམ་ཕྲན་བསྟན། །དགྲ་བཅོམ་སྟོང་དང་དྲུག་བརྒྱས་བསྐོར། །ཕྱག་གཉིས་མཉམ་བཞག་མཛད་ཕྱག་འཚལ། །བླ་མའི་སྐུ་ཚེ་བརྟན་པ་དང་། །བསྟན་པ་རྒྱས་པར་བྱིན་གྱིས་རློབས། །ཤར་གྱི་ལུས་འཕགས་གླིང་ན་ནི། །བྷ་ར་དྷྭ་ཛ་བསོད་སྙོམས་ལེན། །དགྲ་བཅོམ་སྟོང་ཕྲག་གཅིག་གིས་བསྐོར། །གླེགས་བམ་ལྷུང་བཟེད་འཛིན་ཕྱག་འཚལ། །བླ་མའི་སྐུ་ཚེ་བརྟན་པ་དང་། །བསྟན་པ་རྒྱས་པར་བྱིན་གྱིས་རློབས། །ལྷ་གནས་སུམ་ཅུ་རྩ་གསུམ་ན། །འཕགས་པའི་གནས་བརྟན་ལམ་བསྟན་ནི། །དགྲ་བཅོམ་ཆེན་པོ་དགུ་བརྒྱས་བསྐོར། །ཆོས་འཆད་གླེགས་བམ་འཛིན་ཕྱག་འཚལ། བླ་མའི་སྐུ་ཚེ་བརྟན་པ་དང་། །བསྟན་པ་རྒྱས་པར་བྱིན་གྱིས་རློབས། །རི་ཡི་རྒྱལ་པོ་ངོས་ཡངས་ལ། །འཕགས་པའི་གནས་བརྟན་ཀླུ་ཡི་སྡེ། །དགྲ་བཅོམ་སྟོང་དང་ཉིས་བརྒྱས་བསྐོར། །བུམ་པ་འཁར་གསིལ་འཛིན་ཕྱག་འཚལ། བླ་མའི་སྐུ་ཚེ་བརྟན་པ་དང་། །བསྟན་པ་རྒྱས་པར་བྱིན་གྱིས་རློབས། །རི་ཡི་རྒྱལ་པོ་བྷི་ཧུ་ལར། །འཕགས་པའི་གནས་བརྟན་སྦེད་བྱེད་ནི། །དགྲ་བཅོམ་སྟོང་དང་བཞི་བརྒྱས་བསྐོར། །ཕྱག་གཉིས་གླེགས་བམ་འཛིན་ཕྱག་འཚལ། །བླ་མའི་སྐུ་ཚེ་བརྟན་པ་དང་། །བསྟན་པ་རྒྱས་པར་བྱིན་གྱིས་རློབས། །རི་ཡི་རྒྱལ་པོ་གངས་ཅན་ལ། །འཕགས་པའི་གནས་བརྟན་མི་ཕྱེད་པ། །དགྲ་བཅོམ་སྟོང་ཕྲག་གཅིག་གིས་བསྐོར། །བྱང་ཆུབ་མཆོད་རྟེན་འཛིན་ཕྱག་འཚལ། །བླ་མའི་སྐུ་ཚེ་བརྟན་པ་དང་། །བསྟན་པ་རྒྱས་པར་བྱིན་གྱིས་རློབས། །འཕགས་པའི་དགེ་བསྙེན་དྷརྨ་ཏ། །རལ་པ་ཐོད་བཅིངས་གླེགས་བམ་ཁུར། །སྣང་མཐའ་མདུན་གྱི་མཁའ་ལ་གཟིགས། །རྔ་ཡབ་བུམ་པ་འཛིན་ཕྱག་འཚལ། །བླ་མའི་སྐུ་ཚེ་བརྟན་པ་དང་། །བསྟན་པ་རྒྱས་པར་བྱིན་གྱིས་རློབས། །བརྩོན་པའི་གོ་བགོས་མཐུ་སྟོབས་ལྡན། །སངས་རྒྱས་བསྟན་པ་ལེགས་བསྲུང་བ། །ཤར་ལྷོ་ནུབ་བྱང་ཕྱོགས་བཞི་ཡི། །རྒྱལ་ཆེན་བཞི་ལ་ཕྱག་འཚལ་ལོ། །ཞེས་ཚར་གསུམ་སོགས་ཅི་ནུས། མེ་ཏོག་དམ་པ་སོགས་ནས། མཆོད་པར་བགྱི། །ན་མོ་ར་ཏྲཱ་ཏྲ་ཡཱ་ཡ། ཨོཾ་ན་མོ་བྷ་ག་ཝ་ཏེ་བཛྲ་སཱ་ར་པྲ་མརྡྷ་ནེ། ཏ་ཐཱ་ག་ཏཱ་ཡ། ཨརྷ་ཏེ་སམྱཀྶཾ་བུདྡྷ་ཡ། ཏདྱ་ཐ། ཨོཾ་བཛྲེ་བཛྲེ། མ་ཧཱ་བཛྲེ། མ་ཧཱ་ཏེ་ཛོ་བཛྲེ། མ་ཧཱ་བིདྱཱ་བཛྲེ། མ་ཧཱ་བོ་དྷི་ཙིཏྟ་བཛྲེ། མ་ཧཱ་བོ་དྷི་མཎྜོ་པ་སཾ་ཀྲ་མ་ཎ་བཛྲེ་སརྦ་ཀརྨ་ཨཱ་བ་ར་ཎ་བི་ཤོ་དྷ་ན་བཛྲེ་སྭཱ་ཧཱ། །སྔགས་དང་རོལ་མོ་བཅས་བྱ། སྤྲོ་ན་མཎྜལ་ཅི་ནུས་དབུལ། འདོད་ཆགས་ཞེ་སྡང་སོགས་ནས། ཕྱིར་བསྔོའོ། །གཟུངས་བཟླ་བར་སྤྲོ་ན། ཐུབ་དབང་འཁོར་བཅས་ཀྱི་མཚན་ནས་བོས་ཏེ་ཐུགས་དམ་བསྐུལ་བར་བསམས་པས་མོས་གུས་རྩེ་གཅིག་པས། ཏདྱ་ཐཱ། ཨོཾ་མུ་ནི་མུ་ནི་མ་ཧཱ་མུ་ནི་ཤཱཀྱ་མུ་ན་ཡེ་སྭཱ་ཧཱ། །ཞེས་བརྒྱ་རྩ་སོགས་ཅི་ནུས་བཟླས་མཐར། སངས་རྒྱས་སྤྲུལ་པ་དགྲ་བཅོམ་འཕགས་པའི་ཚོགས། །འགྲོ་བའི་དོན་དུ་བསྟན་པ་སྐྱོང་མཛད་པ། །དཀོན་མཆོག་གསུམ་དངོས་གནས་བརྟན་བཅུ་དྲུག་གིས། །བསྟན་པ་ཡུན་རིང་གནས་པར་བྱིན་གྱིས་རློབས། །ཐུགས་རྗེའི་བདག་ཉིད་གནས་བརྟན་བཅུ་དྲུག་གིས། །འཁོར་ཚོགས་སྲིད་མཚོ་ལས་བརྒལ་ཉོན་མོངས་མེད། །ཁྲི་དང་དྲུག་སྟོང་བཞི་བརྒྱའི་ཚོགས་རྣམས་ཀྱིས། །བསྟན་པ་ཡུན་རིང་གནས་པར་བྱིན་གྱིས་རློབས། །སེམས་ཅན་ཀུན་གྱི་བསོད་གྱུར་དགྲ་བཅོམ་པ། །རིག་དང་ཞབས་ལྡན་སྐྱེ་དགུའི་སྦྱིན་གནས་ཆེ། །འཕགས་པའི་གང་ཟག་ཆེན་པོ་ཁྱེད་རྣམས་ཀྱིས། །བསྟན་པ་ཡུན་རིང་གནས་པར་བྱིན་གྱིས་རློབས། །བདག་གཞན་དགེ་བའི་རྩ་བ་འདི་ཡིས་ནི། །ཕན་བདེའི་འབྱུང་གནས་བསྟན་པ་འཕེལ་འགྱུར་ཞིང་། །སྡུག་བསྔལ་ཀུན་འབྱུང་མ་ལུས་རབ་སྤངས་ནས། །སྲིད་པའི་རྒྱ་མཚོ་མྱུར་དུ་སྐེམས་པར་ཤོག །བསོད་ནམས་རྒྱ་མཚོ་ཡོངས་སུ་རྫོགས་བྱེད་ཅིང་། །ཡེ་ཤེས་རྒྱ་མཚོ་རྣམ་པར་དག་གྱུར་ནས། །སྨོན་ལམ་རྒྱ་མཚོ་མ་ལུས་ཡོངས་རྫོགས་ནས། །ལུས་ཅན་ཀུན་ལ་ཁྱད་པར་འཕགས་པར་ཤོག །ཚོགས་གཉིས་མཐར་ཕྱིན་དུས་གསུམ་རྒྱལ་བ་ཡི། །ཕྲིན་ལས་བསྒྲུབ་ཅིང་ཡོན་ཏན་རྣམ་དབྱེ་མེད། །སྐལ་པ་མཉམ་པའི་གདུལ་བྱ་སྨིན་མཛད་པ། །མཉམ་མེད་བླ་མ་མཆོག་གི་བཀྲ་ཤིས་ཤོག །དུས་གསུམ་རྒྱལ་བ་སྲས་བཅས་ཐུགས་རྗེ་ཡིས། །ཉན་ཐོས་ཚུལ་དུ་སྲིད་པ་ཇི་སྲིད་པར། །བསྟན་པ་སྐྱོང་ཞིང་འགྲོ་བའི་དོན་མཛད་པ། །གནས་བརྟན་ཆེན་པོ་རྣམས་ཀྱི་བཀྲ་ཤིས་ཤོག །ཟབ་ཅིང་རྒྱ་ཆེའི་གཟིགས་པ་པོ། །ཡུལ་འཁོར་སྲུང་དང་འཕགས་སྐྱེས་པོ། །སྤྱན་མི་བཟང་དང་རྣམ་ཐོས་སྲས། །རྒྱལ་ཆེན་བཞི་ཡི་བཀྲ༴ ཕན་བདེ་འབྱུང་བའི་གནས་གཅིག་པོ། །བསྟན་པ་ཡུལ་རིང་གནས་པ་དང་། །བསྟན་འཛིན་སྐྱེས་བུ་དམ་པ་རྣམས། །སྐུ་ཚེ་རྒྱལ་མཚན་བརྟན་གྱུར་ཅིག །སྟོན་པ་འཇིག་རྟེན་ཁམས་སུ་བྱོན་པ་དང་། །བསྟན་པ་ཉི་འོད་བཞིན་ཏུ་གསལ་བ་དང་། །བསྟན་འཛིན་བུ་སློབ་དགེ་འདུན་མཐུན་པ་ཡིས། །བསྟན་པ་ཡུན་རིང་གནས་པའི་བཀྲ་ཤིས་ཤོག །ཅེས་སོགས་བཀྲ་ཤིས་ཅི་རིགས་བརྗོད་མཐར་རོལ་མོ་བྱའོ། །ཞེས་པའང་མཉྫུ་གྷོ་ཥས་བྲིས་པ་དགེ། །།སརྦ་མངྒ་ལཾ།།

[edit]

de nyid sogs khongs phud pa'i nag 'gros ma/ gnas brtan phyag mchod dang 'brel bar cho ga mdor bsdus bya tshul bzhugs/__oM swasti/__/paN chen shAkya shris mdzad par grags pa'i gnas brtan phyag mchod dang 'brel bar cho ga mdor bsdus tsam bya tshul gyi ngag 'don ni/__sangs rgyas chos tshogs lan gsum/__sems can thams cad bde ba dang sogs/__skyabs gnas dkon mchog gsum gyi bden pa dang /__/rgyal ba sras bcas rnams kyi byin rlabs dang /__/tshogs gnyis mnga' thang chos dbyings dag stobs kyis/__/snod bcud bde can zhing gi bkod pa'i dbus/__/yid 'phrog nor bu'i gzhal med khang chen por/__/rin chen seng khri pad zla'i gdan mchog dang /__/dngos bshams gzungs rig mos stobs kyis sprul pa'i/__/mchod sprin rgya mtshos gang zhing spyod gyur cig__/ces dang /__na mo rat+na tra yA ya sogs mchod pa'i sprin gyi sngags lan gsum rol mo bcas bya/__spos btul zhing gdangs dang bcas/__lag mthil ltar mnyam rin chen gyis spras pa/__/ljon shing chu mtshos brgyan pa'i sa gzhi'i dbus/__/rin chen las grub gru bzhi sgo bzhi pa/__/pad+ma nyi zlas brgyan pa'i gdan steng du/__/thugs rjes rtsod pa'i dus kyi gdul bya rnams/__/rnam grol lam la 'god mdzad 'gro ba'i mgon/__/thub pa mchog dang gnas brtan chen po rnams/__/'khor dang bcas pa gnas 'dir gshegs su gsol/__/phyogs bcu'i rgyal ba sras bcas thams cad dang /__/shes rab me 'bar nyon mongs mtsho skems shing /__/rnam grol bsod nams zhing du bka' sdod pa/__/phyogs bcu'i nyan thos dge 'dun bzhugs so 'tshal/__/yon sbyor mchod pa'i gnas su spyan 'dren gyis/__/'gro ba'i don phyir mchod kyis gshegs su gsol/__/'gro ba'i mgon po shAkya seng ge yis/__/sangs rgyas bstan pa gang gi phyag tu bzhag__/gsung rab rin chen sgrom gyi kha 'byed pa'i/__/chos skyong dgra bcom chen po bzhugs so 'tshal/__/dam chos spel ba'i slad du spyan 'dren gyis/__/'gro ba'i don phyir mchod kyis gshegs su gsol/__/thub pas bka' bsgos bstan pa'i rgyal mtshan 'dzin/__/yan lag 'byung dang mi pham nags na gnas/__/dus ldan rdo rje mo bu bzang po dang /__/gser be'u b+ha ra d+h+wa dza gser can mchog__/'phags pa ba ku la dang sgra gcan 'dzin/__/lam bstan b+ha ra d+h+wa dza bsod snyoms len/__/lam bstan klu'i sde sbed byed mi phyed pa/__/dgra bcom gnas brtan chen po de dag tshig rkang ni/__'di gnyis chad dam snyam/__/bsod nams rin chen gling du spyan 'dren gyis/__/'gro ba'i don phyir mchod kyis gshegs su gsol/__/spangs dang ye shes phun tshogs sangs rgyas kyang /__/gdul bya'i dbang gis nyan thos tshul 'dzin pa/__/khyad par can gyi phrin las chos skyong ba'i/__/gnas brtan bcu drug 'dir byon gdan la bzhugs/__/bde gshegs bka' lung gtsor mdzad bstan pa srung /__/rang don dor nas 'khor ba'i nags tshal du/__/gzhan don lhur mdzad gnas brtan bcu drug po/__/dam bcas thugs rje'i dbang gis gnas 'dir gshegs/__/dge bsnyen skyabs gsol bden pa'i tshig brtan pa/__/dkon mchog gsum gyi zhabs 'bring mchis so 'tshal/__/bsod nams rin chen zhing du spyan 'dren gyis/__/'gro ba'i don phyir mchod kyis gshegs su gsol/__/rol mo bcas spyan drang /__ji snyed su dag sogs nas/__bdag gis bstod/__de nas/__mtshungs med lta bas mi ngoms shing /__gser gyi mdog can mdzes pa'i sku/__/zhal gcig phyag gnyis skyil krung bzhugs/__/sa gnon mnyam bzhag mdzad phyag 'tshal/__/bla ma'i sku tshe brtan pa dang /__/bstan pa rgyas par byin gyis rlobs/__gangs ri chen po ti se la/__/'phags pa'i gnas brtan yan lag 'byung /__/dgra bcom stong dang sum brgyas bskor/__/spos phor rnga yab 'dzin phyag 'tshal/__/bla ma'i sku tshe brtan pa dang /__/bstan pa rgyas par byin gyis rlobs/__/drang srong ri yi shel nags na/__/'phags pa'i gnas brtan mi pham pa/__/dgra bcom brgya phrag gcig gis bskor/__/phyag gnyis mnyam bzhag mdzad phyag 'tshal/__/bla ma'i sku tshe brtan pa dang /__/bstan pa rgyas par byin gyis rlobs/__/lo ma bdun pa'i ri phug na/__/'phags pa'i gnas brtan nags na gnas/__/dgra bcom stong dang bzhi brgyas bskor/__/sdigs mdzub rnga yab 'dzin phyag 'tshal/__/bla ma'i sku tshe brtan pa dang /__/bstan pa rgyas par byin gyis rlobs/__/'dzam bu gling gi zangs gling na/__/'phags pa'i gnas brtan dus ldan ni/__/dgra bcom stong dang chig brgyas bskor/__/gser gyi rna kor 'dzin phyag 'tshal/__/bla ma'i sku tshe brtan pa dang /__bstan pa rgyas par byin gyis rlobs/__/sing+ga la yi gling na ni/__/gnas brtan rdo rje mo yi bu/__/dgra bcom chen po stong gis bskor/__/sdig mdzub rnga yab 'dzin phyag 'tshal/__/bla ma'i sku tshe brtan pa dang /__/bstan pa rgyas par byin gyis rlobs/__/chu bo ya mu na gling na/__/'phags pa'i gnas brtan bzang po ni/__/dgra bcom stong dang nyis brgyas bskor/__/chos 'chad mnyam bzhag mdzad phyag 'tshal/__/bla ma'i sku tshe brtan pa dang /__/bstan pa rgyas par byin gyis rlobs/__/gnas mchog kha che'i yul na ni/__/'phags pa'i gnas brtan gser be'u/__/dgra bcom chen po lnga brgyas bskor/__/rin chen zhags pa 'dzin phyag 'tshal/__/bla ma'i sku tshe brtan pa dang /__/bstan pa rgyas par byin gyis rlobs/__/nub kyi ba lang spyod na ni/__/b+ha ra d+h+wa dza gser can la/__/dgra bcom chen po bdun brgyas bskor/__/phyag gnyis mnyam bzhag mdzad phyag 'tshal/__/bla ma'i sku tshe brtan pa dang /__/bstan pa rgyas par byin gyis rlobs/__/byang gi sgra mi snyan na ni/__/'phags pa'i gnas brtan ba ku la/__/dgra bcom chen po dgu brgyas bskor/__/phyag gnyis ne'u le 'dzin phyag 'tshal/__/bla ma'i sku tshe brtan pa dang /__/bstan pa rgyas par byin gyis rlobs/__/pri yang ku yi gling na ni/__/'phags pa'i gnas brtan sgra gcan 'dzin/__/dgra bcom stong dang chig brgyas bskor/__/rin chen prog zhu 'dzin phyag 'tshal/__/bla ma'i sku tshe brtan pa dang /__/bstan pa rgyas par byin gyis rlobs/__/bya rgod phung po'i ri bo la/__/'phags pa'i gnas brtan lam phran bstan/__/dgra bcom stong dang drug brgyas bskor/__/phyag gnyis mnyam bzhag mdzad phyag 'tshal/__/bla ma'i sku tshe brtan pa dang /__/bstan pa rgyas par byin gyis rlobs/__/shar gyi lus 'phags gling na ni/__/b+ha ra d+h+wa dza bsod snyoms len/__/dgra bcom stong phrag gcig gis bskor/__/glegs bam lhung bzed 'dzin phyag 'tshal/__/bla ma'i sku tshe brtan pa dang /__/bstan pa rgyas par byin gyis rlobs/__/lha gnas sum cu rtsa gsum na/__/'phags pa'i gnas brtan lam bstan ni/__/dgra bcom chen po dgu brgyas bskor/__/chos 'chad glegs bam 'dzin phyag 'tshal/__bla ma'i sku tshe brtan pa dang /__/bstan pa rgyas par byin gyis rlobs/__/ri yi rgyal po ngos yangs la/__/'phags pa'i gnas brtan klu yi sde/__/dgra bcom stong dang nyis brgyas bskor/__/bum pa 'khar gsil 'dzin phyag 'tshal/__bla ma'i sku tshe brtan pa dang /__/bstan pa rgyas par byin gyis rlobs/__/ri yi rgyal po b+hi hu lar/__/'phags pa'i gnas brtan sbed byed ni/__/dgra bcom stong dang bzhi brgyas bskor/__/phyag gnyis glegs bam 'dzin phyag 'tshal/__/bla ma'i sku tshe brtan pa dang /__/bstan pa rgyas par byin gyis rlobs/__/ri yi rgyal po gangs can la/__/'phags pa'i gnas brtan mi phyed pa/__/dgra bcom stong phrag gcig gis bskor/__/byang chub mchod rten 'dzin phyag 'tshal/__/bla ma'i sku tshe brtan pa dang /__/bstan pa rgyas par byin gyis rlobs/__/'phags pa'i dge bsnyen d+harma ta/__/ral pa thod bcings glegs bam khur/__/snang mtha' mdun gyi mkha' la gzigs/__/rnga yab bum pa 'dzin phyag 'tshal/__/bla ma'i sku tshe brtan pa dang /__/bstan pa rgyas par byin gyis rlobs/__/brtson pa'i go bgos mthu stobs ldan/__/sangs rgyas bstan pa legs bsrung ba/__/shar lho nub byang phyogs bzhi yi/__/rgyal chen bzhi la phyag 'tshal lo/__/zhes tshar gsum sogs ci nus/__me tog dam pa sogs nas/__mchod par bgyi/__/na mo ra trA tra yA ya/__oM na mo b+ha ga wa te badz+ra sA ra pra mar+d+ha ne/__ta thA ga tA ya/__ar+ha te samyak+saM bud+d+ha ya/__tad+ya tha/__oM badz+re badz+re/__ma hA badz+re/__ma hA te dzo badz+re/__ma hA bid+yA badz+re/__ma hA bo d+hi tsit+ta badz+re/__ma hA bo d+hi maN+Do pa saM kra ma Na badz+re sarba karma A ba ra Na bi sho d+ha na badz+re swA hA/__/sngags dang rol mo bcas bya/__spro na maN+Dal ci nus dbul/__'dod chags zhe sdang sogs nas/__phyir bsngo'o/__/gzungs bzla bar spro na/__thub dbang 'khor bcas kyi mtshan nas bos te thugs dam bskul bar bsams pas mos gus rtse gcig pas/__tad+ya thA/__oM mu ni mu ni ma hA mu ni shAkya mu na ye swA hA/__/zhes brgya rtsa sogs ci nus bzlas mthar/__sangs rgyas sprul pa dgra bcom 'phags pa'i tshogs/__/'gro ba'i don du bstan pa skyong mdzad pa/__/dkon mchog gsum dngos gnas brtan bcu drug gis/__/bstan pa yun ring gnas par byin gyis rlobs/__/thugs rje'i bdag nyid gnas brtan bcu drug gis/__/'khor tshogs srid mtsho las brgal nyon mongs med/__/khri dang drug stong bzhi brgya'i tshogs rnams kyis/__/bstan pa yun ring gnas par byin gyis rlobs/__/sems can kun gyi bsod gyur dgra bcom pa/__/rig dang zhabs ldan skye dgu'i sbyin gnas che/__/'phags pa'i gang zag chen po khyed rnams kyis/__/bstan pa yun ring gnas par byin gyis rlobs/__/bdag gzhan dge ba'i rtsa ba 'di yis ni/__/phan bde'i 'byung gnas bstan pa 'phel 'gyur zhing /__/sdug bsngal kun 'byung ma lus rab spangs nas/__/srid pa'i rgya mtsho myur du skems par shog__/bsod nams rgya mtsho yongs su rdzogs byed cing /__/ye shes rgya mtsho rnam par dag gyur nas/__/smon lam rgya mtsho ma lus yongs rdzogs nas/__/lus can kun la khyad par 'phags par shog__/tshogs gnyis mthar phyin dus gsum rgyal ba yi/__/phrin las bsgrub cing yon tan rnam dbye med/__/skal pa mnyam pa'i gdul bya smin mdzad pa/__/mnyam med bla ma mchog gi bkra shis shog__/dus gsum rgyal ba sras bcas thugs rje yis/__/nyan thos tshul du srid pa ji srid par/__/bstan pa skyong zhing 'gro ba'i don mdzad pa/__/gnas brtan chen po rnams kyi bkra shis shog__/zab cing rgya che'i gzigs pa po/__/yul 'khor srung dang 'phags skyes po/__/spyan mi bzang dang rnam thos sras/__/rgyal chen bzhi yi bkra=__phan bde 'byung ba'i gnas gcig po/__/bstan pa yul ring gnas pa dang /__/bstan 'dzin skyes bu dam pa rnams/__/sku tshe rgyal mtshan brtan gyur cig__/ston pa 'jig rten khams su byon pa dang /__/bstan pa nyi 'od bzhin tu gsal ba dang /__/bstan 'dzin bu slob dge 'dun mthun pa yis/__/bstan pa yun ring gnas pa'i bkra shis shog__/ces sogs bkra shis ci rigs brjod mthar rol mo bya'o/__/zhes pa'ang many+dzu g+ho Shas bris pa dge/__//sarba mang+ga laM//