JKW-KABUM-02-KHA-001-035

🚧 This website is under continued development. We appreciate your patience!

Previous Text Back to Volume PageNext Text

བློ་གསལ་བསླབ་བྱ་ལ་བསྐུལ་བའི་གཏམ་གཞན་ལ་ཕན་པའི་བདུད་རྩི།

Wylie title	blo gsal bslab bya la bskul ba'i gtam gzhan la phan pa'i bdud rtsi
Location	mkhyen brtse'i bka' 'bum Volume 2, sde tshan 1, Text 35, Pages 162-164 (Folios 81b6 to 82b2)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. blo gsal bslab bya la bskul ba'i gtam gzhan la phan pa'i bdud rtsi. In 'jam dbyangs mkhyen brtse'i dbang po'i bka' 'bum, Vol. 2: 162-164. Khams sde dge rdzong sar dgon: Rdzong sar blo gros phun tshogs, 2020.
Genre	Discourses - gtam
Colophon	།ཅེས་པ་འདི་ཡང་བྱ་བྲལ་བ་མཁྱེན་བརྩེའི་དབང་པོས་རང་ཉིད་ལ་ལྟོས་པ་རྣམས་ཀྱི་ཆེད་དུ་སྙིང་ནས་ཕན་པའི་ཡིད་ཀྱིས་གདམས་པ་དགེ་ལེགས་སུ་གྱུར་ཅིག །སརྦ་དཱ་ཀ་ལྱཱ་ཎཾ་བྷ་བ་སྟུ།།
	ces pa 'di yang bya bral ba mkhyen brtse'i dbang pos rang nyid la ltos pa rnams kyi ched du snying nas phan pa'i yid kyis gdams pa dge legs su gyur cig__/sarba dA ka l+yA NaM b+ha ba stu/

1 Texts in this Section (sde tshan or chos tshan)

35 162-164	བློ་གསལ་བསླབ་བྱ་ལ་བསྐུལ་བའི་གཏམ་གཞན་ལ་ཕན་པའི་བདུད་རྩི། blo gsal bslab bya la bskul ba'i gtam gzhan la phan pa'i bdud rtsi Discourses - gtam	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

བློ་གསལ་བསླབ་བྱ་ལ་སྐུལ་པའི་གཏམ་གཞན་ལ་ཕན་པའི་བདུད་རྩི་ཞེས་བྱ་བ། ན་མོ་གུ་རུ་བྷྱཿ ཀ༷་ཡེ་གསོན་དང་བློ་ལྡན་གྲོགས་པོ་དག །ཁ༷་ཙམ་མ་ཡིན་དམ་ཆོས་བསྒྲུབ་འདོད་ན། །ག༷་རུ་མཆིས་ཀྱང་ལམ་སྟོན་བཤེས་གཉེན་མཆོག །ང༷་རྒྱལ་སྤངས་ཤིང་རྩེ་གཅིག་གུས་པས་བསྙེན། །ཅ༷་ག་ཟང་ཟིང་ནོར་གྱིས་མི་མཚོན་པའི། །ཆ༷་ལུགས་ཆོས་མཐུན་དལ་འབྱོར་རྟེན་ཐོབ་ནས། །ཇ༷་ཆང་འདོད་ཡོན་འདུ་འཛིར་མ་ཆགས་པར། །ཉ༷་གང་ཟླ་བཞིན་ཡོན་ཏན་རྫོགས་པར་མཛོད། །ཏ༷་ལའི་ནགས་འདབས་ལ་སོགས་དབེན་པ་དང་། །ཐ༷་དད་སྤྱོད་ཡུལ་གྲོང་དུ་གནས་ཀྱང་རུང་། །ད༷་གཟོད་ཙ་ན་ནམ་འཆི་ངེས་མེད་ཅེས། །ན༷་མར་འདུས་བྱས་ངང་ཚུལ་དྲན་པར་བྱ། །པཱ༷་ར་མི་ཏའི་དམ་ཆོས་མ་བསྒྲུབས་ན། །ཕ༷་རོལ་ལས་ཀྱི་རྗེས་སུ་འབྲང་བའི་ཕྱིར། །བ༷་མཆོག་དཔག་བསམ་ཤིང་དང་བུམ་བཟང་ལྟར། །མ༷་ལུས་འདོད་འབྱུང་བསོད་ནམས་རྒྱ་ཆེར་སྤེལ། །ཙ༷་ཀྲ་ལྟ་བུར་འཁོར་བའི་ཁམས་གསུམ་འདིར། །ཚ༷་གྲང་ལ་སོགས་སྡུག་བསྔལ་མི་ཟད་པས། །ཛ༷་ཧུའི་རྒྱུན་བཞིན་ངེས་པར་འབྱུང་བའི་སེམས། །ཝ༷་ལྟར་རི་སུལ་འགྲིམས་ནས་རྟག་ཏུ་བསྒོམ། །ཞྭ༷་བཞིན་བླ་མ་དཀོན་མཆོག་གཙུག་ཏུ་བཀུར། །ཟ༷་ལྟར་རྩུབ་པའི་བསམ་སྦྱོར་རིང་དུ་སྤོངས། །འ༷་ཅག་ཁོ་ན་ཙམ་མིན་གཞན་དོན་ཕྱིར། །ཡ༷་བྲལ་མ་ཡིན་བྱང་ཆུབ་སེམས་གཉིས་བསྐྱེད། །ར༷་མ་ཎ་བཞིན་སྙིང་སྟོབས་ཆེར་བཟུང་ནས། །ལ༷་ལ་ཙམ་མིན་རྣམ་ཀུན་ཆོས་སྤྱོད་བཅུ། །ཤ༷་སྟག་འབད་ན་དལ་འབྱོར་དོན་ལྡན་ཞིང་། །ས༷་གསུམ་སྙན་པའི་རོལ་མོས་ཁྱབ་པར་འགྱུར། །ཧ༷་ཅང་ཚིག་དོན་སྦྱོར་བ་མ་མཆིས་མོད། །སྙིང་ནས་ཕན་པའི་བསམ་པས་གདམས་པ་འདིས། །ཨ༷་ཡིག་སྐྱེ་མེད་དོན་གྱི་འཇམ་པའི་དབྱངས། །མཐའ་ཀླས་ཡིད་ཅན་ཀུན་གྱིས་རྟོགས་གྱུར་ཅིག །ཅེས་པ་འདི་ཡང་བྱ་བྲལ་བ་མཁྱེན་བརྩེའི་དབང་པོས་རང་ཉིད་ལ་ལྟོས་པ་རྣམས་ཀྱི་ཆེད་དུ་སྙིང་ནས་ཕན་པའི་ཡིད་ཀྱིས་གདམས་པ་དགེ་ལེགས་སུ་གྱུར་ཅིག །སརྦ་དཱ་ཀ་ལྱཱ་ཎཾ་བྷ་བ་སྟུ།། །། ༈

[edit]

blo gsal bslab bya la bskul ba'i gtam gzhan la phan pa'i bdud rtsi/__ blo gsal bslab bya la skul pa'i gtam gzhan la phan pa'i bdud rtsi zhes bya ba/_na mo gu ru b+h+yaH__kaX ye gson dang blo ldan grogs po dag__/khaX tsam ma yin dam chos bsgrub 'dod na/_/gaX ru mchis kyang lam ston bshes gnyen mchog__/ngaX rgyal spangs shing rtse gcig gus pas bsnyen/_/caX ga zang zing nor gyis mi mtshon pa'i/_/chaX lugs chos mthun dal 'byor rten thob nas/_/jaX chang 'dod yon 'du 'dzir ma chags par/_/nyaX gang zla bzhin yon tan rdzogs par mdzod/_/taX la'i nags 'dabs la sogs dben pa dang /_/thaX dad spyod yul grong du gnas kyang rung /_/daX gzod tsa na nam 'chi nges med ces/_/naX mar 'dus byas ngang tshul dran par bya/_/pAX ra mi ta'i dam chos ma bsgrubs na/_/phaX rol las kyi rjes su 'brang ba'i phyir/_/baX mchog dpag bsam shing dang bum bzang ltar/_/maX lus 'dod 'byung bsod nams rgya cher spel/_/tsaX kra lta bur 'khor ba'i khams gsum 'dir/_/tshaX grang la sogs sdug bsngal mi zad pas/_/dzaX hu'i rgyun bzhin nges par 'byung ba'i sems/_/waX ltar ri sul 'grims nas rtag tu bsgom/_/zhwaX bzhin bla ma dkon mchog gtsug tu bkur/_/zaX ltar rtsub pa'i bsam sbyor ring du spongs/_/'aX cag kho na tsam min gzhan don phyir/_/yaX bral ma yin byang chub sems gnyis bskyed/_/raX ma Na bzhin snying stobs cher bzung nas/_/laX la tsam min rnam kun chos spyod bcu/_/shaX stag 'bad na dal 'byor don ldan zhing /_/saX gsum snyan pa'i rol mos khyab par 'gyur/_/haX cang tshig don sbyor ba ma mchis mod/_/snying nas phan pa'i bsam pas gdams pa 'dis/_/aX yig skye med don gyi 'jam pa'i dbyangs/_/mtha' klas yid can kun gyis rtogs gyur cig__/ces pa 'di yang bya bral ba mkhyen brtse'i dbang pos rang nyid la ltos pa rnams kyi ched du snying nas phan pa'i yid kyis gdams pa dge legs su gyur cig__/sarba dA ka l+yA NaM b+ha ba stu//___//_!