JKCL-KABUM-12-NA-016

Previous Text"NA" is not a number. Back to Volume Page"NA" is not a number.Next Text "NA" is not a number.

Wylie title
Location	chos kyi blo gros bka' 'bum Volume , Text 16, Pages (Folios to )
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation
Genre	"NA" is not a number.

1 Texts in this Section (sde tshan or chos tshan)

59-60	རྒྱལ་ཀུན་མཁྱེན་ནུས་བརྩེ་བའི་ཡེ་ཤེས་ཀྱི་ཕུང་པོ་སྐུ་ཞབས་རིན་པོ་ཆེའི་མཆོག་སྤྲུལ་དམ་པའི་༧ཞབས་པད་དུ་སོགས། rgyal kun mkhyen nus brtse ba'i ye shes kyi phung po sku zhabs rin po che'i mchog sprul dam pa'i zhabs pad du sogs Official Letters - chab shog	Text page View PDF
	[[|འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ()]]

"NA" is not a number.

Tibetan Text

Wylie

[edit]

རྒྱལ་ཀུན་མཁྱེན་ནུས་བརྩེ་བའི་ཡེ་ཤེས་ཀྱི་ཕུང་པོ་སྐུ་ཞབས་རིན་པོ་ཆེའི་མཆོག་སྤྲུལ་དམ་པའི་༧ཞབས་པད་དུ། གུས་པས་ཞུ་གསོལ། དེང་། མཐའ་ཀླས་པའི་བསྟན་འགྲོ་སྤྱི་དང་། ཁྱད་པར་སྔ་འགྱུར་རྡོ་རྗེ་ཐེག་པའི་བཀའ་གཏེར་གྱི་བསྟན་པ་རིན་པོ་ཆེ་གསལ་བར་བྱེད་པའི་དཔུང་གཉེན་དུ་འཚོ་ཞིང་གཞེས་པ་དང་། ད་ལམ་འདི་གར་ཆེད་དུ་ཕེབས་ཏེ། བླ་མ་གོང་མའི་འབྲེལ་ཟབ་ཆོས་དམ་ལ་དགོངས་ཏེ། ལུགས་གཉིས་ཀྱི་གཟིགས་ཁྱབ་ཚད་མེད་པ་དང་། ཁྱད་པར་རྐྱེན་སེལ་སྲི་གཅོད་ཀྱི་འདུར་དང་། རང་གཏེར་གྱི་ཚེ་སྒྲུབ་ཟབ་མོས་བཀའ་དབང་སོགས་སྩལ་བ་བཀའ་དྲིན་གང་ཆེར་གྱུར་པ་ལ་དད་སྤྲོའི་ལེགས་འབུལ་མཎྜལ་མཚོན་བྱེད་བཀྲ་ཤིས་པའི་ལྷ་རེག །གསང་གསུམ་གཞན་དུ་མི་འགྱུར་བ་བཞུགས་མཚོན། སྐུ་རྟེན་སྒྲོལ་སྐུ་ལི་སེར་རྙིང་པ་བྱིན་ལྡན། གསུང་རྟེན་འཇམ་དཔལ་མཚན་བརྗོད། ཐུགས་རྟེན་རྒྱ་དྲིལ་རྙིང་ལེགས་དབུ་ཕྱག་རང་འགྲིགས། མངག་འཐགས་དམར་པོ་ཐ་ན་གཅིག །རྒྱ་གར་ཐེར་གཟན། གོ་ཐེར་ཤམ་ཐབས། ཅིན་ཁེབས་སྐུ་སྟོད་གཅིག །བཟང་གོས་སེར་པོ་ཁ། རྡི་ཁྲ་ཛར་ལྡན། ཁ་ཆེ་སྤོས་ཤེལ་ལེགས་པ་གཅིག །བྱེ་རུ་གཅིག །འབང་ཚང་གསེར་ལྗང་བརྡུང་གི་རྣ་ལོང་བྱེར་ཙབ་ཅན་ཡ་གཅིག །གཟིག་ལྤགས་གཅིག །སྲམ་ལྤགས། རྟ་ཕོ་གཅིག །ད་གོར་ཉིས་བརྒྱ་ཐམ་པ། བཞུགས་གདན་གམ་གྲུམ་སྔོ་ཁྲ་འབྲུག་རིས་ཅན། རས་དཀར་བཅས་མ་འདྲེས་བཅོ་བརྒྱད་ཀྱི་གྲངས་ལྡན་དངོས་འབྱོར་བདོག་པ་ཤིན་ཏུ་ཕྲའང་ནང་བརྩེས་བཞེས་གྲུབ་པ་དང་། སླད་ཀྱི་ཆར་ཡང་། པ༵དྨའི༵་མཆོག་བསྟན་སྔ་འགྱུར་བུམ་པ་བཟང་། །གར༵་གྱི་དབ༵ང་ཕྱུག་བདུད་རྩིའི་ལེགས་གསོས་ཏེ། །ཕྲིན་ལས༵་རྣམ་བཞི་རྒྱུན་གྱིས་རབ༵་ཏུ་ཁྱབ། ཐར་གླིང༵་སྣང་བ་རྒྱས་པ༵ར་མཛད་དུ་གསོལ། །གསེར་གྱི་ཉི་མ་ཡུན་དུ་བརྟན་པ་དང་། །བཀྲ་ཤིས་ཟླ་བ་གསར་པ་ཚེས་གྱུར་ཅིང་། །རྣམ་དག་སློབ་ཚོགས་རྒྱུ་སྐར་ཕྲེང་བ་ཡི། །ཀུན་མཁྱེན་བསྟན་པའི་རྒྱལ་མཚན་སྒྲེངས་ཏུ་གསོལ། །ཐུབ༵་པའི་བ༵སྟན་པ་ཡུན་དུ་གནས་པ་དང་། །གཞན༵་ལ་ཕན་པ་མཐའ་ཡས་འབྱུང་བའི་གཏེར། །ཀུན༵་དག༵འི་སྐྱེད་ཚལ་དར་ལ་བབ་པ་ཡི། །ཕུན་ཚོགས་དགེ་ལེགས་རྟག་ཁྱབ་ལྷུན་གྲུབ་ཤོག །སརྦ་དཱ་མངྒ་ལཾ།། །།

[edit]

rgyal kun mkhyen nus brtse ba'i ye shes kyi phung po sku zhabs rin po che'i mchog sprul dam pa'i 7zhabs pad du/__gus pas zhu gsol/__deng /__mtha' klas pa'i bstan 'gro spyi dang /__khyad par snga 'gyur rdo rje theg pa'i bka' gter gyi bstan pa rin po che gsal bar byed pa'i dpung gnyen du 'tsho zhing gzhes pa dang /__da lam 'di gar ched du phebs te/__bla ma gong ma'i 'brel zab chos dam la dgongs te/__lugs gnyis kyi gzigs khyab tshad med pa dang /__khyad par rkyen sel sri gcod kyi 'dur dang /__rang gter gyi tshe sgrub zab mos bka' dbang sogs stsal ba bka' drin gang cher gyur pa la dad spro'i legs 'bul maN+Dal mtshon byed bkra shis pa'i lha reg__/gsang gsum gzhan du mi 'gyur ba bzhugs mtshon/__sku rten sgrol sku li ser rnying pa byin ldan/__gsung rten 'jam dpal mtshan brjod/__thugs rten rgya dril rnying legs dbu phyag rang 'grigs/__mngag 'thags dmar po tha na gcig__/rgya gar ther gzan/__go ther sham thabs/__cin khebs sku stod gcig__/bzang gos ser po kha/__rdi khra dzar ldan/__kha che spos shel legs pa gcig__/bye ru gcig__/'bang tshang gser ljang brdung gi rna long byer tsab can ya gcig__/gzig lpags gcig__/sram lpags/__rta pho gcig__/da gor nyis brgya tham pa/__bzhugs gdan gam grum sngo khra 'brug ris can/__ras dkar bcas ma 'dres bco brgyad kyi grangs ldan dngos 'byor bdog pa shin tu phra'ang nang brtses bzhes grub pa dang /__slad kyi char yang /__pa~Xd+ma'i~X mchog bstan snga 'gyur bum pa bzang /__/gara~X gyi dba~Xng phyug bdud rtsi'i legs gsos te/__/phrin lasa~X rnam bzhi rgyun gyis raba~X tu khyab/__thar glinga~X snang ba rgyas pa~Xr mdzad du gsol/__/gser gyi nyi ma yun du brtan pa dang /__/bkra shis zla ba gsar pa tshes gyur cing /__/rnam dag slob tshogs rgyu skar phreng ba yi/__/kun mkhyen bstan pa'i rgyal mtshan sgrengs tu gsol/__/thuba~X pa'i ba~Xstan pa yun du gnas pa dang /__/gzhana~X la phan pa mtha' yas 'byung ba'i gter/__/kuna~X dga~X'i skyed tshal dar la bab pa yi/__/phun tshogs dge legs rtag khyab lhun grub shog__/sarba dA mang+ga laM//___//