JKW-KABUM-23-'A-001-014

🚧 This website is under continued development. We appreciate your patience!

Previous Text Back to Volume PageNext Text

བདེ་ཆེན་རྡོ་རྗེའི་ཉེ་རྒྱུ་ལ་སྐུལ་བའི་གླུ་བདེ་བ་ཆེན་པོའི་རོལ་མོ།

Wylie title	bde chen rdo rje'i nye rgyu la skul ba'i glu bde ba chen po'i rol mo
Location	mkhyen brtse'i bka' 'bum Volume 23, sde tshan 1, Text 14, Pages 27-29 (Folios 14a6 to 15a3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. bde chen rdo rje'i nye rgyu la skul ba'i glu bde ba chen po'i rol mo. In 'jam dbyangs mkhyen brtse'i dbang po'i bka' 'bum, Vol. 23: 27-29. Khams sde dge rdzong sar dgon: Rdzong sar blo gros phun tshogs, 2020.
Genre

Tibetan Text

Wylie

[edit]

བདེ་ཆེན་རྡོ་རྗེའི་ཉེ་རྒྱུ་ལ་སྐུལ་བའི་གླུ་བདེ་བ་ཆེན་པོའི་རོལ་མོ་ཞེས་བྱ་བ། ཨ་ཧོ་སུ་ཁཾ་སིདྡྷི་བྷ་བ་ཏུ། ཀ་དག་གནས་ལུགས་མྱུར་དུ་རྟོགས་པ་ཞིག་འདོད་ན། །ཁ་ཙམ་མ་ཡིན་གསང་ཆེན་མྱུར་ལམ་ལ་སྦྱངས་ནས། །ག་བུར་འཛིན་པའི་དཔལ་ཅན་རིག་མ་ལ་སྤྱོད་དང་། །ང་བདག་ལས་འདས་ཉམས་མྱོང་ལྷུག་པ་རུ་སྐྱེའོ། །ཅ་ག་ཕན་ཚུན་བལྟ་རེས་ཆགས་སྤྱོད་ཀྱིས་བསྐུལ་ཞིང་། །ཆ་ལགས་ངུར་སྨྲིག་བཙུན་ཚུགས་ཅི་དགའ་རུ་དོར་ཏེ། །ཇ་ཆང་སྐྱེམས་ཀྱིས་མཚོན་མིན་སྙོམས་འཇུག་གི་ངལ་འཚོ། །ཉ་རྒྱས་ཟླ་བའི་བདུད་རྩི་ངོམས་མེད་དུ་དྲངས་ཤིག །ཏ་ཐཱ་ག་ཏའི་སྙིང་པོ་བདེ་ཆེན་གྱི་གནས་ལུགས། །ཐ་དད་ཡུལ་ན་མི་འདུག་རང་སེམས་དང་ལྷན་སྐྱེས། །ད་ལྟར་མཁའ་གསང་མཉམ་སྦྱར་འཁྲུལ་འཁོར་ལ་བརྟེན་ནས། །ན་མར་གསང་བ་ཆེན་པོའི་དགའ་སྟོན་ལ་སྤྱོད་ཅིག །པཱ་ར་མི་ཏའི་གཞུང་ལས་ཆེས་ཆེར་དུ་འཕགས་པ། །ཕ་མཐའ་ཡས་པའི་གསང་ཆེན་ཐབས་མཁས་ཀྱི་སྤྱོད་པར། །བ་ལང་ལྟ་བུའི་སྐལ་ཆད་ཉན་ཐོས་ཀུན་སྐྲག་ཀྱང་། །མ་རྨོངས་རིག་འཛིན་བྱེ་བའི་ཤུལ་ལམ་ལ་ཞུགས་ཤིག །ཙ་མ་ར་ལྟར་ཁེངས་ལྡན་སྲ་མཁྲེག་གི་རྡོ་རྗེ། །ཚ་དྲོད་ལང་ཚོ་དར་བའི་པདྨ་རུ་བསྣུན་ནས། །ཛ་དྲག་མ་ཡིན་དལ་བུའི་བསྲུབ་སྦྱོར་གྱི་བྱེད་པས། །ཝ་ལེར་དཔེ་ཡི་ཡེ་ཤེས་རང་རྒྱུད་ལ་སྐྱེད་ཅིག །ཞ་ཉེ་མ་འདྲེས་དངུལ་ཆུའི་མདངས་འཛིན་གྱི་ཐིག་ལེ། །ཟ་མ་མོ་བཙུན་བྷ་གའི་རེག་བྱ་ཡིས་དྲངས་ཏེ། །འ་ཅག་རྒྱུ་འབྲས་དགའ་བཞིའི་རྩེད་འཇོ་ལ་རོལ་པས། །ཡ་མཚན་དོན་གྱི་ཡེ་ཤེས་མངོན་སུམ་དུ་ལྟོས་ཤིག །རྭ་ཅོ་ལྟ་བུའི་ཐེག་དམན་སྲུང་སྡོམ་ཀུན་དོར་ནས། །ལ་ལ་ཙམ་མིན་གསང་རྒྱུད་རྒྱ་མཚོ་ཡི་སྙིང་པོ། །ཤཱ་བ་རི་སོགས་གྲུབ་ཆེན་མཐའ་དག་གི་ཐུགས་བཅུད། །ས་བཅུའི་དབང་ཕྱུག་དགྱེས་པའི་ཐེམ་སྐས་ལ་འཛེགས་ཤིག །ཧ་ལོའི་མེ་ཏོག་ལྟ་བུའི་མཚར་སྡུག་གི་གཟུགས་དང་། །ཨ་ཧྃ་གསང་བའི་སྒྲ་སོགས་རྨད་བྱུང་གི་འདོད་ཡོན། །ཧ་ཧའི་གད་མོ་དང་བཅས་བག་ཡངས་སུ་སྤྱོད་པས། །ཨ་དོན་འཆི་མེད་གྲུབ་པའི་སྨོན་ལམ་ཞིག་ཞུའོ།། །། ༈

[edit]

bde chen rdo rje'i nye rgyu la skul ba'i glu bde ba chen po'i rol mo/ bde chen rdo rje'i nye rgyu la skul ba'i glu bde ba chen po'i rol mo zhes bya ba/__a ho su khaM sid+d+hi b+ha ba tu/__ka dag gnas lugs myur du rtogs pa zhig 'dod na/__/kha tsam ma yin gsang chen myur lam la sbyangs nas/__/ga bur 'dzin pa'i dpal can rig ma la spyod dang /__/nga bdag las 'das nyams myong lhug pa ru skye'o/__/ca ga phan tshun blta res chags spyod kyis bskul zhing /__/cha lags ngur smrig btsun tshugs ci dga' ru dor te/__/ja chang skyems kyis mtshon min snyoms 'jug gi ngal 'tsho/__/nya rgyas zla ba'i bdud rtsi ngoms med du drangs shig__/ta thA ga ta'i snying po bde chen gyi gnas lugs/__/tha dad yul na mi 'dug rang sems dang lhan skyes/__/da ltar mkha' gsang mnyam sbyar 'khrul 'khor la brten nas/__/na mar gsang ba chen po'i dga' ston la spyod cig__/pA ra mi ta'i gzhung las ches cher du 'phags pa/__/pha mtha' yas pa'i gsang chen thabs mkhas kyi spyod par/__/ba lang lta bu'i skal chad nyan thos kun skrag kyang /__/ma rmongs rig 'dzin bye ba'i shul lam la zhugs shig__/tsa ma ra ltar khengs ldan sra mkhreg gi rdo rje/__/tsha drod lang tsho dar ba'i pad+ma ru bsnun nas/__/dza drag ma yin dal bu'i bsrub sbyor gyi byed pas/__/wa ler dpe yi ye shes rang rgyud la skyed cig__/zha nye ma 'dres dngul chu'i mdangs 'dzin gyi thig le/__/za ma mo btsun b+ha ga'i reg bya yis drangs te/__/'a cag rgyu 'bras dga' bzhi'i rtsed 'jo la rol pas/__/ya mtshan don gyi ye shes mngon sum du ltos shig__/rwa co lta bu'i theg dman srung sdom kun dor nas/__/la la tsam min gsang rgyud rgya mtsho yi snying po/_/shA ba ri sogs grub chen mtha' dag gi thugs bcud/__/sa bcu'i dbang phyug dgyes pa'i them skas la 'dzegs shig__/ha lo'i me tog lta bu'i mtshar sdug gi gzugs dang /__/a ha~M gsang ba'i sgra sogs rmad byung gi 'dod yon/__/ha ha'i gad mo dang bcas bag yangs su spyod pas/__/a don 'chi med grub pa'i smon lam zhig zhu'o//___//___!_