JKW-KABUM-02-KHA-002-030

🚧 This website is under continued development. We appreciate your patience!

First section in volume. Back to Volume PageLast section in volume.

Wylie title		page=1
Location	mkhyen brtse'i bka' 'bum Volume 2, sde tshan 28, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation
Genre	Collected Works - Selected - bka' 'bum

Tibetan Text

Wylie

[edit]

ཞབས་བརྟན་དགེ་ལེགས་རྟག་པ་དམ་པ། དགེ་ལེགས་རྟག་པ་དམ་པའི་སྣང་བ་ཡིས། །ཕུན་ཚོགས་ཚེ་ཡི་ཨུཏྤལ་རྒྱས་པ་དང་། །ཡེ་ཤེས་མཆོག་གི་འབྲས་བུ་དར་མཛད་པ། །འཆི་མེད་མགོན་པོས་རྟག་ཏུ་སྐྱོངས་གྱུར་ཅིག ༡ །གང་ཞིག་གཟོད་ནས་རབ་ཞིའི་བདུད་རྩི་དང་། །མི་ཕྱེད་བྱང་ཆུབ་སྙིང་པོར་རོ་གཅིག་ཀྱང་། །རྒྱལ་བའི་མྱུ་གུ་གཞོན་ནུའི་ཚུལ་འཆང་བ། །བསྐལ་པ་རྒྱ་མཚོར་འཚོ་གཞེས་བརྟན་གྱུར་ཅིག ༢ །བསོད་ནམས་བྱེ་བའི་ཆ་ཤས་ཡོངས་རྫོགས་པའི། །མཚན་དཔེ་ཟླ་བ་ནོར་བུའི་སྒེག་འཆང་བ། །སྲིད་ཞིའི་བདེ་འབྱུང་རལ་པའི་ནགས་ཀླུང་དུ། །འཆི་བ་མེད་པའི་དགེ་མཚན་བརྙེས་གྱུར་ཅིག ༣ །ཚིག་ལ་སྒྲ་དང་དོན་ལ་གཏན་ཚིགས་ཀྱི། །དཔྱད་པས་གཙང་བར་བྱས་པའི་ལེགས་བཤད་ཀྱི། །སྤྲིང་ཡིག་སྲིད་པ་གསུམ་ན་རབ་སྙན་པས། །རྒྱལ་བསྟན་ཉིན་ལས་ཉིན་མོར་མཛད་གྱུར་ཅིག ༤ །རང་བཞིན་ཇི་ལྟའི་གནས་ལུགས་མངོན་གྱུར་བཞིན། །རྣམ་པ་ཇི་སྙེད་ཤེས་བྱ་ཀུན་གཟིགས་པའི། །ཐུགས་རྗེའི་འཇུག་པ་ཞིང་འདིའི་གདུལ་བྱ་ལ། །ལྷག་པར་དུས་ལས་ཡོལ་མེད་དགོངས་གྱུར་ཅིག ༥ །ཡོན་ཏན་རྒྱ་མཚོའི་དཔལ་གྱིས་འབྱོར་པ་དང་། །ཕྲིན་ལས་རྟག་ཁྱབ་ལྷུན་གྱིས་གྲུབ་པ་དང་། །དེས་ཀྱང་བསྟན་འགྲོར་ཕན་བདེའི་མཆོག་སྦྱིན་པའི། །ངོ་མཚར་ནམ་ཡང་ནུབ་པ་མེད་གྱུར་ཅིག ༦ །མདོར་ན་རྒྱལ་བསྟན་སྤྱི་དང་སྙིང་པོའི་ལམ། །སྣང་མཛད་ཆོས་ཀྱི་ཉི་མ་གཅིག་གྱུར་ཏེ། །བསྐལ་བརྒྱར་ཞབས་བརྟན་བྱང་ཆུབ་སྤྱོད་མཆོག་གི །བཀྲ་ཤིས་སྣང་བས་ས་གསུམ་ཁྱབ་གྱུར་ཅིག ༧ །སརྦ་དཱ་ཀ་ལྱཱ་ཎཾ་བྷ་བ་ཏུ།། །།

[edit]

zhabs brtan dge legs rtag pa dam pa/__ dge legs rtag pa dam pa'i snang ba yis/_/phun tshogs tshe yi ut+pal rgyas pa dang /_/ye shes mchog gi 'bras bu dar mdzad pa/_/'chi med mgon pos rtag tu skyongs gyur cig__1__/gang zhig gzod nas rab zhi'i bdud rtsi dang /_/mi phyed byang chub snying por ro gcig kyang /_/rgyal ba'i myu gu gzhon nu'i tshul 'chang ba/_/bskal pa rgya mtshor 'tsho gzhes brtan gyur cig__2_/bsod nams bye ba'i cha shas yongs rdzogs pa'i/_/mtshan dpe zla ba nor bu'i sgeg 'chang ba/_/srid zhi'i bde 'byung ral pa'i nags klung du/_/'chi ba med pa'i dge mtshan brnyes gyur cig__3__/tshig la sgra dang don la gtan tshigs kyi/_/dpyad pas gtsang bar byas pa'i legs bshad kyi/_/spring yig srid pa gsum na rab snyan pas/_/rgyal bstan nyin las nyin mor mdzad gyur cig__4__/rang bzhin ji lta'i gnas lugs mngon gyur bzhin/_/rnam pa ji snyed shes bya kun gzigs pa'i/_/thugs rje'i 'jug pa zhing 'di'i gdul bya la/_/lhag par dus las yol med dgongs gyur cig__5__/yon tan rgya mtsho'i dpal gyis 'byor pa dang /_/phrin las rtag khyab lhun gyis grub pa dang /_/des kyang bstan 'gror phan bde'i mchog sbyin pa'i/_/ngo mtshar nam yang nub pa med gyur cig__6__/mdor na rgyal bstan spyi dang snying po'i lam/_/snang mdzad chos kyi nyi ma gcig gyur te/_/bskal brgyar zhabs brtan byang chub spyod mchog gi__/bkra shis snang bas sa gsum khyab gyur cig__7__/sarba dA ka l+yA NaM b+ha ba tu//__//