JKW-KABUM-20-WA-001-047

🚧 This website is under continued development. We appreciate your patience!

Previous Text Back to Volume PageNext Text

Wylie title
Location	mkhyen brtse'i bka' 'bum Volume 20, sde tshan 1, Text 47, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 20: . Khams sde dge rdzong sar dgon: Rdzong sar blo gros phun tshogs, 2020.
Genre	Official Letters - chab shog

1 Texts in this Section (sde tshan or chos tshan)

47 82-84	གསང་བདག་ཧོ་ཐོག་ཐུའི་འཕྲིན་ལན། gsang bdag ho thog thu'i 'phrin lan Official Letters - chab shog   ·   Replies to Questions - dris lan	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

གསང་བདག་ཧོ་ཐོག་ཐུའི་འཕྲིན་ལན། གསང་བདག་ཧོ་ཐོག་ཐུའི་འཕྲིན་ལན་ནོ། །འཇི༷གས་བྲ༷ལ་བདེ་བ་ཆེན་པོ་དང་། །ཆོ༷ས་དབྱིང༷ས་སྟོང་པ་ཟུང་འཇུག་པའི། །རྡོ༷་རྗེ༷་འཛིན་པ་ངུར་སྨྲིག་ཟོལ། །ཕྱག་འཚལ་ཡེ་ཤེས་སྐུ་ཅན་ལའོ། །གུས་པས་གསོལ་བ། གསང་བའི་བདག་པོའི་གཟུགས་ཀྱི་སྐུ། །ཕྱག་ན་པདྨའི་རིག་སྔགས་གསུང་། །ཡེ་ཤེས་རབ་ཏུ་འབར་བའི་ཐུགས། །སྲིད་ཞིའི་བླ་ན་མཛེས་པ་ནས། །རྣམ་པར་དཀར་བའི་ཕྲིན་ལས་ནི། །ཟབ་མོ་སངས་རྒྱས་སྤྱོད་ཡུལ་བར། །རྟག་ཅིང་ཁྱབ་དང་ལྷུན་གྲུབ་པར། །གུས་པའི་བློ་མིག་ཉིན་བཞིན་གྲོལ། །ལྷག་པར་འདི་ནས་བྱང་ཆུབ་བར། །གཞལ་དཀའི་བཀའ་དྲིན་རྗེས་བསྐྱངས་ཤིང་། །ཉེ་བའི་བཀའ་གླེགས་ལེ་ཚན་གསུམ། །རིམ་བཞིན་སྤྱི་བོར་སོན་པ་ན། །ཉི་མས་ཀུན་ལ་སྙོམས་མོད་ཀྱང་། །པདྨོ་ལྷག་པར་ཁ་ཕྱེ་བཞིན། །འཇིག་རྟེན་གསུམ་གྱི་མགོན་པོ་གང་། །བདག་ཉིད་ཁོ་ནར་གཟིགས་པར་ངེས། །དེ་སླད་དད་དང་སྤྲོ་བ་ཡི། །དངོས་པོ་གཟུགས་ཅན་ཉིད་གྱུར་ན། །འཆི་མེད་ལམ་གྱི་ཕ་མཐའ་ལས། །རིང་དུ་འགོངས་པའི་ངོ་མཚར་ཐོབ། །རྡོ་རྗེ་འཛིན་པ་དཔལ་ལྡན་ཞབས། །ཐུགས་བསམ་དག་པའི་ཆུ་སྐྱེས་ཚལ། །སླར་ཡང་གསུང་གི་བདུད་རྩི་དེས། །རེག་པས་ཉིན་མཚན་ཀུན་ཏུ་དགོད། །མཚམས་ཞུས། བརྟན་པར་གྱུར་ཅིག་བསྐལ་པ་བརྒྱར། །གྲུབ་པའི་མེ་ཏོག་ཁྱོད་ཅིག་ཅེས། །གསོལ་འདེབས་མགྲིན་པའི་ཏམྦུ་ར། །བསྒྲེང་ལ་ངལ་བའི་སྐབས་མི་དབྱེ། །དེ་སྲིད་དུ་ཡེ་ཤེས་གཟིགས་པ་དམ་པས་གཞར་ཡང་མི་འདོར་བར་ཅི་གནང་། ཞུ་མཚོན་བཅས་གུས་པས་ཕུལ། །

[edit]

gsang bdag ho thog thu'i 'phrin lan/ gsang bdag ho thog thu'i 'phrin lan no/___/'jiXgs braXl bde ba chen po dang /___/choXs dbyingaXs stong pa zung 'jug pa'i/___/rdoX rjeX 'dzin pa ngur smrig zol/___/phyag 'tshal ye shes sku can la'o/___/gus pas gsol ba/___gsang ba'i bdag po'i gzugs kyi sku/___/phyag na pad+ma'i rig sngags gsung /___/ye shes rab tu 'bar ba'i thugs/___/srid zhi'i bla na mdzes pa nas/___/rnam par dkar ba'i phrin las ni/___/zab mo sangs rgyas spyod yul bar/___/rtag cing khyab dang lhun grub par/___/gus pa'i blo mig nyin bzhin grol/___/lhag par 'di nas byang chub bar/___/gzhal dka'i bka' drin rjes bskyangs shing /___/nye ba'i bka' glegs le tshan gsum/___/rim bzhin spyi bor son pa na/___/nyi mas kun la snyoms mod kyang /___/pad+mo lhag par kha phye bzhin/___/'jig rten gsum gyi mgon po gang /___/bdag nyid kho nar gzigs par nges/___/de slad dad dang spro ba yi/___/dngos po gzugs can nyid gyur na/___/'chi med lam gyi pha mtha' las/___/ring du 'gongs pa'i ngo mtshar thob/___/rdo rje 'dzin pa dpal ldan zhabs/___/thugs bsam dag pa'i chu skyes tshal/___/slar yang gsung gi bdud rtsi des/___/reg pas nyin mtshan kun tu dgod/___/mtshams zhus/___brtan par gyur cig bskal pa brgyar/___/grub pa'i me tog khyod cig ces/___/gsol 'debs mgrin pa'i tam+bu ra/___/bsgreng la ngal ba'i skabs mi dbye/___/de srid du ye shes gzigs pa dam pas gzhar yang mi 'dor bar ci gnang /___zhu mtshon bcas gus pas phul/___/