JKW-KABUM-20-WA-001-007

🚧 This website is under continued development. We appreciate your patience!

First section in volume. Back to Volume PageLast section in volume.

Wylie title		page=1
Location	mkhyen brtse'i bka' 'bum Volume 1, sde tshan 7, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation
Genre	Collected Works - Selected - bka' 'bum

Tibetan Text

Wylie

[edit]

ཀཿཐོག་སི་ཏུ་ཆོས་ཀྱི་བློ་གྲོས་པའི་ཞལ་སྔ་ལ་ཕུལ་བའི་ཞུ་ཡིག ། མཆོག་སྤྲུལ་རིན་པོ་ཆེ་ཆོས་ཀྱི་བློ་གྲོས་པའི་ཞལ་སྔ་ལ་ཕུལ་བའི་ཞུ་ཡིག །ཤླིཥསུཏརུཔརཱསིདྡྷཾ། ཚནྡོབྷུཛགཤིཤུསུཏེ། ཏྲིསསུརབྷྱབནཻཀཤྲཱི ཛཡཏུནསམདྷརྨོདྷཱི། །མཁས་པས་བསྔགས་འོས་ཡོན་ཏན་མེ་ཏོག་གིས། །འཁྱུད་པའི་གྲུབ་པ་མཆོག་གི་ལྗོན་བཟང་ནི། །ལྷར་བཅས་འཇིག་རྟེན་གསུམ་གྱི་དཔྱིད་གཅིག་པུ། །མཚུངས་མེད་ཆོས༷་ཀྱི༷་བློ༷་གྲོས༷་རྒྱལ་གྱུར་ཅིག ༡ །འདི་ན་བསིལ་བའི་རེག་བྱ་མ་ཉམས་པ། །ཐང་ཆུ་དཀར་པོའི་འོད་ཀྱིས་རྒྱས་བཏབ་པའི། །སྨན་མཛད་ཐུགས་རྗེའི་ཟིལ་དངར་ཅུང་ཟད་ཙམ། །ཐོབ་པ་ཡིས་ཀྱང་གཞལ་དཀའི་གདུང་བ་འཕྲོག ༢ །འཛུམ་པའི་པདྨོ་དུད་པས་སཱ་ལའི་ཀླུང་། །མཛེས་སྟེར་འབྱུང་བའི་དུས་ཀྱི་ལྷན་སྐྱེས་ཏེ། །དམ་པའི་ངང་ཚུལ་རྟག་པར་འཆར་ལས་གཞན། །སྲིད་འདིར་སྣང་བ་སྦྱིན་མཁས་གཉིས་པ་མེད། ༣ །གང་ཕྱིར་དེ་ཡི་བརྗོད་པ་ཡི་གེའི་ཕྲེང་། །གཟུགས་སུ་གྱུར་ན་མཁའ་མཐའ་བརྟུལ་སྙམ་པའི། །མོས་གུས་དཔྱིད་ཀྱིས་རབ་བཟུང་བྷྲ་མ་རཿ །བསམ་གཏན་བདུད་རྩིས་འཚོ་བའི་མནལ་ལ་གཡུར། ༤ །ཤེས་བྱ་བདེན་པའི་ཕྱོགས་སུ་ཡིད་ཕྱོགས་ཀྱང་། །ཤེས་པ་རྫུན་གྱི་རི་མོ་མངོན་སུམ་པས། །མཐའ་གཉིས་དབུ་མར་བསྙིལ་བའི་གྲགས་དཀར་གྱི། །འབབ་སྟེགས་ཉམས་དགར་འཛེགས་སླད་གཅིག་ཏུ་འདུན། ༥ ། སླར་ཡང་སྙིགས་མར་སྤྱོད་པའི་བསྟན་དང་འགྲོའི། །ངལ་བཅས་གདུང་བ་བཀྲུ་བའི་འཇུག་ངོགས་མཆོག །ཕན་བདེའི་འདོད་དགུ་སྦྱིན་ཁྱོད་བསྐལ་བརྒྱའི་བར། །ཏིཥྛནྟུ་ཞེས་ཤིས་བརྗོད་མེ་ཏོག་འཐོར། ༦ །ཞེས་འདི་སྒྲ་དབྱངས་རྒྱ་མཚོའི་དབང་ཕྱུག་མ། །ཉམས་བརྒྱད་གར་གྱིས་རོལ་པའི་ཟེག་མ་ཙམ། །སྙིང་དབུས་རྫིང་བུར་རྟག་པར་ངལ་འཚོ་བའི། །གཙུག་ལག་སྨྲ་བ་གཞོན་ནུའི་མགྲིན་ལས་སོ། ༧ །སརྦ་དཱ་ཤྲེ་ཡསྶིངྷྱནྟུ།། །། ༈

[edit]

kaHthog si tu chos kyi blo gros pa'i zhal snga la phul ba'i zhu yig_/___ mchog sprul rin po che chos kyi blo gros pa'i zhal snga la phul ba'i zhu yig__/sh+liShasutaruparAsid+d+haM/___tshan+dob+hudzagashishusute/___trisasurab+h+yabanaikashrI__dzayatunasamad+harmod+hI/___/mkhas pas bsngags 'os yon tan me tog gis/___/'khyud pa'i grub pa mchog gi ljon bzang ni/___/lhar bcas 'jig rten gsum gyi dpyid gcig pu/___/mtshungs med chosaX kyiX bloX grosaX rgyal gyur cig__1__/'di na bsil ba'i reg bya ma nyams pa/___/thang chu dkar po'i 'od kyis rgyas btab pa'i/___/sman mdzad thugs rje'i zil dngar cung zad tsam/___/thob pa yis kyang gzhal dka'i gdung ba 'phrog__2__/'dzum pa'i pad+mo dud pas sA la'i klung /___/mdzes ster 'byung ba'i dus kyi lhan skyes te/___/dam pa'i ngang tshul rtag par 'char las gzhan/___/srid 'dir snang ba sbyin mkhas gnyis pa med/___3__/gang phyir de yi brjod pa yi ge'i phreng /___/gzugs su gyur na mkha' mtha' brtul snyam pa'i/___/mos gus dpyid kyis rab bzung b+h+ra ma raH__/bsam gtan bdud rtsis 'tsho ba'i mnal la g.yur/___4__/shes bya bden pa'i phyogs su yid phyogs kyang /___/shes pa rdzun gyi ri mo mngon sum pas/___/mtha' gnyis dbu mar bsnyil ba'i grags dkar gyi/___/'bab stegs nyams dgar 'dzegs slad gcig tu 'dun/___5__/_slar yang snyigs mar spyod pa'i bstan dang 'gro'i/___/ngal bcas gdung ba bkru ba'i 'jug ngogs mchog__/phan bde'i 'dod dgu sbyin khyod bskal brgya'i bar/___/tiSh+Than+tu zhes shis brjod me tog 'thor/___6__/zhes 'di sgra dbyangs rgya mtsho'i dbang phyug ma/___/nyams brgyad gar gyis rol pa'i zeg ma tsam/___/snying dbus rdzing bur rtag par ngal 'tsho ba'i/___/gtsug lag smra ba gzhon nu'i mgrin las so/___7__/sarba dA shre yas+sing+h+yan+tu//__//__!