JKW-KABUM-21-ZHA-002-028

First section in volume. Back to Volume PageLast section in volume.

Wylie title		page=1
Location	mkhyen brtse'i bka' 'bum Volume 2, sde tshan 28, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation
Genre	Collected Works - Selected - bka' 'bum

Tibetan Text

Wylie

[edit]

ཛཾ་ནག་བུམ་བཅའ་ཚུལ། ཁ་ཆེ་པཎ་ཆེན་ལུགས་གྱི་ཛམྦྷ་ལ་ནག་པོའི་གཏེར་བུམ་མཐིང་ཀ་མདུན་རྟགས་ཐོད་ཁྲག་དང་། ནོར་སྐྱུགས་ཀྱིས་མཚན་པའི་ནང་དུ་བུམ་རྫས་ཉེར་ལྔ་དང་རིན་ཆེན་འབྲུ་སྨན་སོགས་ཀྱིས་བཀང་བའི་དབུས། འདི་ཉིད་ཀྱི་སྐུ་མཚན་ཉིད་དང་ལྡན་པ་ལ། ན་མོ་རཏྣ་ཏྲཱ་ཡཱ་ཡ། ན་མོ་མ་ཎི་བྷ་དྲཱ་ཡ། མ་ཧཱ་ཡཀྵ་སེ་ནཱ་པ་ཏ་ཡེ། ཨོཾ་ཛམྦྷ་ལ་ཛ་ལེནྡྲཱ་ཡ་སྭཱ་ཧཱ། ཨོཾ་ཛམྦྷ་ལ་ཛ་ལེནྡྲཱ་ཡ་སརྦ་བྷཀྵ་དྷ་ན་བྷ་དྲཱ་རྦ་ཝཱ་ཤཾ་ཀུ་རུ་སྭཱ་ཧཱ། ཞེས་དང་། དབྱངས་གསལ་རྟེན་སྙིང་། འབད་དང་རྩོལ་བས་མ་གོས་པའི། །ཞེས་སོགས་བཀྲ་ཤིས་དང་། སུ་པྲ་ཏིཥྛ་བཅས་མཐིང་ཤོག་ལ་གསེར་གྱིས་བྲིས། དཔལ་ཅན་གྱི་རྫས་དང་དྲི་བཟང་པོས་བྱུགས་པའི་ཤོག་དྲིལ་བཅུག་པ་གཞུག །དེའི་མདུན་དུ་རང་གང་འདོད་པའི་རིན་ཆེན་ཟས་ནོར་སོགས་དངོས་སམ་རི་མོར་བྲིས་པ་དང་། ཨ་ག་རུ་ནག་པོ། མེ་ཏོག་སྔོན་པོ་སོགས་དཀོར་ཆས་ཕྱུར་བུར་གཏམས་པའི་ཁར་རིན་པོ་ཆེའི་ལྗོན་ཤིང་གིས་བརྒྱན། མུ་ཏིག་གི་ཕྲེང་བ་དང་། དར་དམར་པོས་མགུལ་ཆིངས་བྱའོ། །དེའི་མདུན་དུ་རྟ་མཆོག་སྔོན་པོ་རྒྱན་ལྡན་སྒ་སྲབ་ཀྱིས་སྤྲས་པ་ལ། རང་གང་འདོད་ཀྱི་ཟས་ནོར་ས་སྤྱིན་ལྟ་བུ་ལས་བཅོས་ཏེ་ཁལ་དུ་བཀལ། སྲབ་ནས་ལྕགས་ཀྱུས་བཏབ་ཅིང་། སྒའི་ཕྱི་རུ་ལ་རྟ་ལྕགས་སེར་པོ་ལྕགས་འབྲས་སྔོན་པོས་བྱས་པ་གདགས་ལ་བཞག་གོ ། ༈

[edit]

dzaM nag bum bca' tshul/__ kha che paN chen lugs gyi dzam+b+ha la nag po'i gter bum mthing ka mdun rtags thod khrag dang /__nor skyugs kyis mtshan pa'i nang du bum rdzas nyer lnga dang rin chen 'bru sman sogs kyis bkang ba'i dbus/__'di nyid kyi sku mtshan nyid dang ldan pa la/__na mo rat+na trA yA ya/__na mo ma Ni b+ha drA ya/__ma hA yak+Sha se nA pa ta ye/__oM dzam+b+ha la dza len+d+rA ya swA hA/__oM dzam+b+ha la dza len+d+rA ya sarba b+hak+Sha d+ha na b+ha drA rba wA shaM ku ru swA hA/__zhes dang /__dbyangs gsal rten snying /__'bad dang rtsol bas ma gos pa'i/__/zhes sogs bkra shis dang /__su pra tiSh+Tha bcas mthing shog la gser gyis bris/__dpal can gyi rdzas dang dri bzang pos byugs pa'i shog dril bcug pa gzhug__/de'i mdun du rang gang 'dod pa'i rin chen zas nor sogs dngos sam ri mor bris pa dang /__a ga ru nag po/__me tog sngon po sogs dkor chas phyur bur gtams pa'i khar rin po che'i ljon shing gis brgyan/__mu tig gi phreng ba dang /__dar dmar pos mgul chings bya'o/__/de'i mdun du rta mchog sngon po rgyan ldan sga srab kyis spras pa la/__rang gang 'dod kyi zas nor sa spyin lta bu las bcos te khal du bkal/__srab nas lcags kyus btab cing /__sga'i phyi ru la rta lcags ser po lcags 'bras sngon pos byas pa gdags la bzhag go_/_!