JKW-KABUM-21-ZHA-001-038

🚧 This website is under continued development. We appreciate your patience!

Previous Text Back to Volume PageNext Text

Wylie title
Location	mkhyen brtse'i bka' 'bum Volume 21, sde tshan 1, Text 37, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 21: . Khams sde dge rdzong sar dgon: Rdzong sar blo gros phun tshogs, 2020.
Genre

1 Texts in this Section (sde tshan or chos tshan)

38 102-107	ཡང་གཏོར་མ་ཆ་གསུམ་གྱི་ཆོ་ག་ཤིན་ཏུ་བསྡུས་པ་ཕན་བདེའི་དཔལ་སྟེར། yang gtor ma cha gsum gyi cho ga shin tu bsdus pa phan bde'i dpal ster Torma-offering Rituals - gtor chog	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

ཡང་གཏོར་མ་ཆ་གསུམ་གྱི་ཆོ་ག་ཤིན་ཏུ་བསྡུས་པ་ཕན་བདེའི་དཔལ་སྟེར། ༄༅། །གཏོར་མ་ཆ་གསུམ་གྱི་ཆོ་ག་ཤིན་ཏུ་བསྡུས་པ་ཕན་བདེའི་དཔལ་སྟེར་ཞེས་བྱ་བ་བཞུགས་སོ། །ན་མོ་གུ་རུ་ལོ་ཀེ་ཤྭ་རཱ་ཡ། །འདིར་གཏོར་མ་ཆ་གསུམ་གྱི་ཆོ་ག་ཤིན་ཏུ་མདོར་བསྡུས་པ་བཏང་བར་སྤྲོ་ན། དཀྱིལ་འཁོར་དང་འབྲེལ་བའི་ཚེ་སྒོ་ཁང་གི་ནང་ངམ། ཡོལ་བས་ཆོད་པའི་སར་བྱ་བའམ། རྒྱུན་གྱི་ཉམས་ལེན་ལྟ་བུར་གནས་གང་ཡང་རུང་བར་སྟེགས་ཀྱི་ཁར་ཕྱོགས་སྐྱོང་དང་། འབྱུང་པོ་ལ་ལྕོག་ཟླུམ་དཀར་པོ་རེ་རེ། བགེགས་ལ་ཆང་བུའི་གཏོར་མ། ཐུན་མོང་དུ་ཉེར་སྤྱོད་བཅས་ཕྱག་ལེན་བཞིན་ཏུ་བཤམས་ལ། དཀྱིལ་འཁོར་དང་འབྲེལ་བའི་ཚེ་ལྷ་གང་ཡིན་གྱི་ང་རྒྱལ་དང་། རྒྱུན་གྱི་རྣལ་འབྱོར་ལྟ་བུ་ལ་སྐྱབས་སེམས་སྔོན་དུ་འགྲོ་བས། རང་ཉིད་སྐད་ཅིག་གིས་ཐུགས་རྗེ་ཆེན་པོའི་སྐུར་གྱུར་པར་བསམ། གང་ལྟར་ཡང་གཏོར་མ་ཆ་དང་པོ་ཕྱོགས་སྐྱོང་ལ་འབུལ་བའི་ཕྱིར། ཨོཾ་སྭ་བྷཱ་བ་ཤུདྡྷཿསརྦ་དྷརྨཱཿསྭ་བྷཱ་བ་ཤུདྡྷོ྅་ཧཾ་ཞེས་ཆོས་ཉིད་རྣམ་དག་གི་སྔགས་དང་ཕྱག་རྒྱ་ལན་གསུམ་གྱི་སྟོང་པར་སྦྱངས། སྟོང་པའི་ངང་ལས་བྷྲཱུྃ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་གཏོར་མ་ཁ་དོག་དྲི་རོ་ནུས་པ་ཕུན་སུམ་ཚོགས་པ་བདུད་རྩིའི་རྒྱ་མཚོ་ཆེན་པོར་གྱུར། ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷྱཿསརྦ་ཐཱ་ཁཾ་ཨུངྒ་ཏེ་སྥ་ར་ཎ་ཧི་མཾ་ག་ག་ན་ཁཾ་སྭཱ་ཧཱ། །ཞེས་ནམ་མཁའ་མཛོད་ཀྱི་སྔགས་རྒྱ་ལན་གསུམ་གྱིས་བྱིན་བརླབས་ཏེ་རྒྱས་པར་སྤེལ། རང་གི་སྙིང་གའི་ས་བོན་ལས་བྱུང་བའི་འོད་ཟེར་གྱིས་ཕྱོགས་སྐྱོང་འཁོར་དང་བཅས་པ་སྤྱན་དྲངས་པར་གྱུར་པར་བསམས་ལ། ཨོཾ་ཨིནྡྲཱ་ཡ། ཨགྣ་ཡེ༔ ཡ་མཱ་ཡ༔ ནིརྟ་ཡེ༔ བ་རུ་ཎ་ཡེ༔ ཝཱ་ཡ་བེ༔ ཀུ་བེ་རཱ་ཡ༔ ཨི་ཤྭ་ནཱ་ཡ་ཨཱ་དི་ཡཏ་ཡེ༔ སཱུཪྻ་ཙནྡྲ་ས་པ་རི་ཝཱ་ར་བཛྲ་ས་མཱ་ཛཿཞེས་པས་སྤྱན་དྲངས། པདྨ་ཀ་མ་ལཱ་ཡ་སྟྭཾ་གྱིས་གདན་འབུལ། ཨོཾ་ཨིནྡྲཱ་ཡ༔ ཨགྣ་ཡེ༔ ཡ་མཱ་ཡ༔ ནིརྟ་ཡེ༔ བ་རུ་ཎ་ཡེ༔ ཝཱ་ཡ་ཝེ༔ ཀུ་བེ་རཱ་ཡ༔ ཨི་ཤཱ་ནཱ་ཡ་ཨཱ་དི་པ་ཏ་ཡེ༔ སཱུཪྻ་ཙནྡྲ་ས་པ་རི་ཝཱ་ར་ཨོཾ་ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ་ཨདྱ་ནུ་ཏྭ་ནྣཏྭཏ་ཨོཾ་ཨཱཿཧཱུྃ་ཕཊ་སྭཱ་ཧཱཿལན་གསུམ་གྱིས་གཏོར་མ་འབུལ། ཨོཾ་ད་ཤ་དེཀ྄་ལོ་ཀ་པཱ་ལ་ས་པ་རི་ཝཱ་ར་ཨརྒྷཾ་ནས་ཤབྡ་པྲ་ཏཱིཙྪ་སྭཱ་ཧཱས་མཆོད། ཧྲཱིཿ དབང་པོ་དྲང་སྲོང་གཤིན་རྗེ་སྲིན་པོ་སྟེ༔ ཆུ་ལྷ་རླུང་བདག་གནོད་སྦྱིན་དབང་ལྡན་དང་༔ ཉི་ཟླ་དབང་ཆེན་བདག་པོ་འཁོར་བཅས་ལ༔ རང་རང་མཐུན་རྫས་གཏོར་མ་འདི་འབུལ་གྱི༔ འདོད་པའི་དངོས་གྲུབ་འགྲུབ་པའི་ཕྲིན་ལས་མཛོད༔ ཅེས་ཕྲིན་ལས་གསོལ་ལ། ཨོཾ་ད་ཤ་དེཀ྄་ལོ་ཀ་པཱ་ལ་ས་པ་རི་ཝཱ་ར་གཙྪཿས་གཤེགས་སུ་གསོལ། ཆ་གཉིས་པ་གཞི་བདག་དང་འབྱུང་པོ་ལ་སྦྱིན་ཏེ། སྭ་བྷཱ་ཝས་སྦྱང་། ན་མཿསརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་བྷྱཿསརྦ་ཐཱ་ཁཾ་ཨུཏྒ་ཏེ་སྥ་ར་ཎ་ཧི་མཾ་ག་ག་ན་ཁཾ་སྭཱ་ཧཱ། ལན་གསུམ་གྱིས་བྱིན་གྱིས་བརླབས་ཏེ་རྒྱས་པར་སྤེལ། རང་གི་སྙིང་གའི་ས་བོན་ལས་བྱུང་བའི་འོད་ཟེར་གྱིས་གཞི་བདག་འབྱུང་པོའི་ཚོགས་རྣམས་སྤྱན་དྲངས་པར་གྱུར། ཨོཾ་ལོ་ཀ་པ་ལ་བྷཱུ་མི་པ་ཏི་ས་པ་རི་ཝཱ་ར་བཛྲ་ས་མཱ་ཛཿས་སྤྱན་དྲངས། པདྨ་ཀ་མ་ལཱ་ཡ་སྟྭཱཾ་གྱིས་གདན་ཕུལ། ཨོཾ་ལོ་ཀ་པཱ་ལ་བྷཱུ་མི་པ་ཏི་ས་པ་རི་ཝཱ་ར་ཨོཾ་ཨ་ཀཱ་རོ་སོགས་ལན་གསུམ་གྱིས་གཏོར་མ་ཕུལ། ཨོཾ་ལོ་ཀ་པཱ་ལ་བྷཱུ་མི་པ་ཏི་ས་པ་རི་ཝཱ་ར་ཨརྒྷཾ་ནས་ཤབྡ་པྲ་ཏཱིཙྪ་སྭཱ་ཧཱཿས་མཆོད། ཧྲཱིཿ བཞི་བདག་གནས་བདག་འབྱུང་པོའི་ཚོགས༔ མཆོད་གཏོར་དམ་པ་འདི་བཞེས་ལ༔ མི་དགེ་ཕྲག་དོག་མེད་པར་མཛོད༔ ཞི་བདེའི་མཐུན་རྐྱེན་སྒྲུབ་ཏུ་གསོལ༔ ཅེས་ཕྲིན་ལས་གསོལ། ཨོཾ་ལོ་ཀ་པཱ་ལ་བྷཱུ་མི་པ་ཏི་ས་པ་རི་ཝཱ་ར་གཙྪས་གཤེགས། ཆ་གསུམ་པ་བགེགས་ལ་བསྔོ་སྟེ། ཨོཾ་ཧ་ཡ་གྲཱི་བ་ཧཱུྃ་ཕཊ༔ རང་ཉིད་སྐད་ཅིག་གིས་ཁྲོ་བོ་རྟ་མགྲིན་འཇིགས་སུ་རུང་བའི་སྐུར་གྱུར། སྭ་བྷཱ་ཝས་སྦྱང་། ན་མསྶརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་བྷྱཿསརྦ་ཐཱ་ཁཾ་ཨུཏྒ་ཏེ་སྥ་ར་ཎ་ཧི་མཾ་ག་ག་ན་ཁཾ་སྭཱ་ཧཱས་སྤེལ། རང་གི་སྙིང་ག་ནས་འོད་ཟེར་ལྕགས་ཀྱུ་ལྟ་བུ་འཕྲོས་པས་བགེགས་ཀྱི་རིགས་རྣམས་མདུན་ཏུ་བཀུག་སྟེ་ཞི་ཞིང་དུལ་བའི་ཚུལ་གྱིས་འཁོད་པར་གྱུར། ལྕགས་ཀྱུའི་ཕྱག་རྒྱ་དང་བཅས། ཨོཾ་བི་ནཱ་ཡ་ཀེ་ཤྭ་ར་སརྦ་བིགྷྣ་ན་ཨངྐུ་ཤ་ཛ་ཛཿས་མགྲོན་དགུག །དེ་བཞིན་གཤེགས་པ་རིན་ཆེན་མང་ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་མཛེས་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐུ་འབྱམས་ཀླས་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པ་ཐམས་ཅད་དང་ཡོངས་སུ་བྲལ་བ་ལ་ཕྱག་འཚལ་ལོ། །ཞེས་བདེ་གཤེགས་བཞིའི་མཚན་བརྗོད་པ་སྔོན་ཏུ་འགྲོ་བས། ན་མཿསརྦ་ཏ་ཐཱ་ག་ཏ་ཨ་བ་ལོ་ཀི་ཏེ་ཨོཾ་སཾ་བྷཱ་ར་སཾ་བྷ་ར་ཧཱུྃ༔ ཞེས་ལན་གསུམ་གྱིས་གཏོར་མ་བསྔོ། ཧྲཱིཿ གང་དག་སྒྲུབ་ལ་མི་དགའ་བ༔ བི་ནཱ་ཡ་ཀ་དགའ་རབ་དབང་༔ བདུད་ཀྱི་ཚོགས་རྣམས་གཏོར་མ་ལོངས༔ ཞི་དང་ཕན་སེམས་ལྡན་པར་མཛོད༔ ཨོཾ་བི་ནཱ་ཡ་ཀེ་ཤྭ་ར་སརྦ་བིགྷྣན་གཙྪས་མགྲོན་རྣམས་རང་གནས་གཤེགས་པར་བསམས་ལ། གང་དག་གདུག་པའི་སེམས་འཆང་བ་དེ་དག་འདིར་མ་གནས་པར་གཞན་ཏུ་དེངས་ཤིག །གལ་ཏེ་མི་འགྲོ་ན་ཁྲོ་བོའི་ཡེ་ཤེས་རྡོ་རྗེ་མེ་རབ་ཏུ་འབར་བ་འདིས་ཁྱེད་རྣམས་ཀྱི་མགོ་བོ་ཚལ་པ་བརྒྱར་འགས་པར་འགྱུར་ཏ་རེ། ཞེས་དང་། ཨོཾ་ཧ་ཡ་གྲཱི་བ་ཧཱུྃ་ཕཊ༔ དང་། སུམྦྷ་སོགས་བརྗོད་པས་བསྐྲད། འབྱུང་པོ་གང་དག་འདིར་ནི་ལྷག་གྱུར་ཏམ་ཞེས་སོགས་ཀྱིས་སྨོན་ལམ་གདབ་བོ། །ཞེས་པའང་ཆོས་ཀྱི་རྒྱལ་པོ་འགྲོ་འདུལ་མཆོག་གྱུར་བདེ་ཆེན་གླིང་པའི་ཟབ་གཏེར་ཐུགས་རྗེ་ཆེན་པོ་པདྨ་གཙུག་ཏོར་གྱི་ཆོ་ག་ལས་ཇི་ལྟར་འབྱུང་བ་བཞིན་ངག་འདོན་བཀླག་པས་གྲུབ་པར་མཁྱེན་བརྩེའི་དབང་པོས་བྲིས་པ་དགེ་ལེགས་སུ་གྱུར་ཅིག ། ༈

[edit]

yang gtor ma cha gsum gyi cho ga shin tu bsdus pa phan bde'i dpal ster/ @#/_/gtor ma cha gsum gyi cho ga shin tu bsdus pa phan bde'i dpal ster zhes bya ba bzhugs so/__/na mo gu ru lo ke shwa rA ya/__/'dir gtor ma cha gsum gyi cho ga shin tu mdor bsdus pa btang bar spro na/__dkyil 'khor dang 'brel ba'i tshe sgo khang gi nang ngam/__yol bas chod pa'i sar bya ba'am/__rgyun gyi nyams len lta bur gnas gang yang rung bar stegs kyi khar phyogs skyong dang /__'byung po la lcog zlum dkar po re re/__bgegs la chang bu'i gtor ma/__thun mong du nyer spyod bcas phyag len bzhin tu bshams la/__dkyil 'khor dang 'brel ba'i tshe lha gang yin gyi nga rgyal dang /__rgyun gyi rnal 'byor lta bu la skyabs sems sngon du 'gro bas/__rang nyid skad cig gis thugs rje chen po'i skur gyur par bsam/__gang ltar yang gtor ma cha dang po phyogs skyong la 'bul ba'i phyir/__oM swa b+hA ba shud+d+haHsarba d+harmAHswa b+hA ba shud+d+ho\u0f85 haM zhes chos nyid rnam dag gi sngags dang phyag rgya lan gsum gyi stong par sbyangs/__stong pa'i ngang las b+h+rU~M las rin po che'i snod yangs shing rgya che ba'i nang du gtor ma kha dog dri ro nus pa phun sum tshogs pa bdud rtsi'i rgya mtsho chen por gyur/__na maHsarba ta thA ga te b+h+yo bi shwa mu khe b+h+yaHsarba thA khaM ung+ga te s+pha ra Na hi maM ga ga na khaM swA hA/__/zhes nam mkha' mdzod kyi sngags rgya lan gsum gyis byin brlabs te rgyas par spel/__rang gi snying ga'i sa bon las byung ba'i 'od zer gyis phyogs skyong 'khor dang bcas pa spyan drangs par gyur par bsams la/__oM in+d+rA ya/__ag+na ye:__ya mA ya:__nirta ye:__ba ru Na ye:__wA ya be:__ku be rA ya:__i shwa nA ya A di yata ye:__sUR+Ya tsan+d+ra sa pa ri wA ra badz+ra sa mA dzaHzhes pas spyan drangs/__pad+ma ka ma lA ya s+t+waM gyis gdan 'bul/__oM in+d+rA ya:__ag+na ye:__ya mA ya:__nirta ye:__ba ru Na ye:__wA ya we:__ku be rA ya:__i shA nA ya A di pa ta ye:__sUR+Ya tsan+d+ra sa pa ri wA ra oM a kA ro mu khaM sarba d+harmA NAM ad+ya nu twa n+natwata oM AHhU~M phaT swA hAHlan gsum gyis gtor ma 'bul/__oM da sha deka? lo ka pA la sa pa ri wA ra ar+g+haM nas shab+da pra tIts+tsha swA hAs mchod/__hrIH__dbang po drang srong gshin rje srin po ste:__chu lha rlung bdag gnod sbyin dbang ldan dang :__nyi zla dbang chen bdag po 'khor bcas la:__rang rang mthun rdzas gtor ma 'di 'bul gyi:__'dod pa'i dngos grub 'grub pa'i phrin las mdzod:__ces phrin las gsol la/__oM da sha deka? lo ka pA la sa pa ri wA ra gats+tshaHsa gshegs su gsol/__cha gnyis pa gzhi bdag dang 'byung po la sbyin te/__swa b+hA was sbyang /__na maHsarba ta thA ga ta b+h+yo bi shwa mu khe b+h+yaHsarba thA khaM ut+ga te s+pha ra Na hi maM ga ga na khaM swA hA/__lan gsum gyis byin gyis brlabs te rgyas par spel/__rang gi snying ga'i sa bon las byung ba'i 'od zer gyis gzhi bdag 'byung po'i tshogs rnams spyan drangs par gyur/__oM lo ka pa la b+hU mi pa ti sa pa ri wA ra badz+ra sa mA dzaHsa spyan drangs/__pad+ma ka ma lA ya s+t+wAM gyis gdan phul/__oM lo ka pA la b+hU mi pa ti sa pa ri wA ra oM a kA ro sogs lan gsum gyis gtor ma phul/__oM lo ka pA la b+hU mi pa ti sa pa ri wA ra ar+g+haM nas shab+da pra tIts+tsha swA hAHsa mchod/__hrIH__bzhi bdag gnas bdag 'byung po'i tshogs:__mchod gtor dam pa 'di bzhes la:__mi dge phrag dog med par mdzod:__zhi bde'i mthun rkyen sgrub tu gsol:__ces phrin las gsol/__oM lo ka pA la b+hU mi pa ti sa pa ri wA ra gats+tshas gshegs/__cha gsum pa bgegs la bsngo ste/__oM ha ya grI ba hU~M phaT:__rang nyid skad cig gis khro bo rta mgrin 'jigs su rung ba'i skur gyur/__swa b+hA was sbyang /__na mas+sarba ta thA ga ta b+h+yo bi shwa mu khe b+h+yaHsarba thA khaM ut+ga te s+pha ra Na hi maM ga ga na khaM swA hAs spel/__rang gi snying ga nas 'od zer lcags kyu lta bu 'phros pas bgegs kyi rigs rnams mdun tu bkug ste zhi zhing dul ba'i tshul gyis 'khod par gyur/__lcags kyu'i phyag rgya dang bcas/__oM bi nA ya ke shwa ra sarba big+h+na na ang+ku sha dza dzaHsa mgron dgug___/de bzhin gshegs pa rin chen mang la phyag 'tshal lo/__/de bzhin gshegs pa gzugs mdzes dam pa la phyag 'tshal lo/__/de bzhin gshegs pa sku 'byams klas la phyag 'tshal lo/__/de bzhin gshegs pa 'jigs pa thams cad dang yongs su bral ba la phyag 'tshal lo/__/zhes bde gshegs bzhi'i mtshan brjod pa sngon tu 'gro bas/__na maHsarba ta thA ga ta a ba lo ki te oM saM b+hA ra saM b+ha ra hU~M:__zhes lan gsum gyis gtor ma bsngo/__hrIH__gang dag sgrub la mi dga' ba:__bi nA ya ka dga' rab dbang :__bdud kyi tshogs rnams gtor ma longs:__zhi dang phan sems ldan par mdzod:__oM bi nA ya ke shwa ra sarba big+h+nan gats+tshas mgron rnams rang gnas gshegs par bsams la/__gang dag gdug pa'i sems 'chang ba de dag 'dir ma gnas par gzhan tu dengs shig__/gal te mi 'gro na khro bo'i ye shes rdo rje me rab tu 'bar ba 'dis khyed rnams kyi mgo bo tshal pa brgyar 'gas par 'gyur ta re/__zhes dang /__oM ha ya grI ba hU~M phaT:__dang /_sum+b+ha sogs brjod pas bskrad/__'byung po gang dag 'dir ni lhag gyur tam zhes sogs kyis smon lam gdab bo/__/zhes pa'ang chos kyi rgyal po 'gro 'dul mchog gyur bde chen gling pa'i zab gter thugs rje chen po pad+ma gtsug tor gyi cho ga las ji ltar 'byung ba bzhin ngag 'don bklag pas grub par mkhyen brtse'i dbang pos bris pa dge legs su gyur cig__/__!