JKW-KABUM-19-DZA-001-017

🚧 This website is under continued development. We appreciate your patience!

Previous Text Back to Volume PageNext Text

Wylie title
Location	mkhyen brtse'i bka' 'bum Volume 19, sde tshan 1, Text 17, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 19: . Khams sde dge rdzong sar dgon: Rdzong sar blo gros phun tshogs, 2020.
Genre	History Texts - lo rgyus  ·  Religious History Texts - chos 'byung

1 Texts in this Section (sde tshan or chos tshan)

17 167-186	དཔལ་ལྡན་ས་སྐྱར་བརྗོད་གཞི་བྱས་པའི་འབེལ་གཏམ་ས་སྐྱའི་གདུང་རབས་སོགས། dpal ldan sa skyar brjod gzhi byas pa'i 'bel gtam sa skya'i gdung rabs sogs History Texts - lo rgyus   ·   Religious History Texts - chos 'byung	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

དཔལ་ལྡན་ས་སྐྱར་བརྗོད་གཞི་བྱས་པའི་འབེལ་གཏམ་ས་སྐྱའི་གདུང་རབས་སོགས། ༄༅། །ན་མསྶརྦ་ཛྙཱ་ཡ། གནས་ཕུན་སུམ་ཚོགས་པ་ནི། །འདི་ལྟར་བསྟན་རྩིས་ལ་མདོ་རྒྱུད་ནས་གསུང་ཚུལ་ཐ་དད་པའི་དབང་གིས། མཁས་པ་རྣམས་བཞེད་སྲོལ་མི་མཐུན་པ་མང་ན་ཡང་། དཾཥྟྭ་ས་ནའི་འབུམ་ཊཱི་ཀ་དང་། དབྱིག་གཉེན་ཞབས་ཀྱི་གནོད་འཇོམས། སློབ་དཔོན་འཇམ་དཔལ་གྲགས་པ་སོགས་ཀྱི་བཞེད་པ་བཞིན། མཁས་པ་ཕལ་ཆེར་ལྔ་སྟོང་དུ་འཐད་པར་བཞེད་ལ། དེ་བཞིན་སངས་རྒྱས་ཀྱི་འཁྲུངས་རྩིས་ཀྱང་མི་མཐུན་པ་མང་ཡང་། རྗེ་བཙུན་ས་སྐྱ་པའི་དགོངས་པ་ནི། ལུགས་ཀྱི་བསྟན་བཅོས་ཞེས་བྱ་བ་ལ། གཡུལ་བརྟན་འོག་ཏུ་ཉིས་སྟོང་དང་། །དགའ་བྱེད་འོག་ཏུ་བརྒྱད་བརྒྱ་ན། །ཞེས་སོགས་བཤད་པ་བཞིན། རྩོད་དུས་ཀྱི་རྒྱལ་པོ་སྐྱབས་སེང་མཆེད་ལྔའི་གཅེན་གཡུལ་བརྟན་ནས་བརྩམས་ལོ་ཉིས་སྟོང་ཉེ་བ་ན་སྟོན་པ་ས་ཕོ་འབྲུག་ལ་སྐུ་བལྟམས། བརྒྱད་ཅུ་པ་མེ་ཕག་ལ་གཤེགས། དེ་ནས་བརྒྱ་དང་སོ་བདུན་ན་དགའ་བྱེད་འབྱུང་ཞེས་རྟོག་གེ་འབར་བར་བཤད་པས། སློབ་དཔོན་བསོད་ནམས་རྩེ་མོ་དང་། ཆོས་རྗེ་ས་པཎྜི་ཏས་འདི་ལ་བརྟེན་ནས་བསྟན་རྩིས་བརྩམས་པར་བཞེད་ཅིང་། དེས་ན་ལྔ་བརྒྱ་ཕྲག་བཅུ་ལས། དང་པོར་དགྲ་བཅོམ། གཉིས་པར་ཕྱིར་འོང་། གསུམ་པར་རྒྱུན་ཞུགས་ཏེ་ཡེ་ཤེས་ཁོང་ཆུད་ཀྱི་ལེའུ་གསུམ། དེ་ནས་ལྔ་བརྒྱ་ཕྲག་གསུམ་ལ་རིམ་བཞིན། ཤེས་རབ། །ཏིང་འཛིན། ཚུལ་ཁྲིམས་བསླབ་པ་གཙོར་སྟོན་གསུམ་ལ་སྒྲུབ་པའི་དུས་ཀྱི་ལེའུ་ཟེར། དེ་ནས་ལྔ་བརྒྱ་ཕྲག་གསུམ་ལ། མངོན་པ། མདོ་སྡེ། འདུལ་བ་རྣམས་སྟོན་པ་མང་དུ་འབྱུང་བས་ན་ལུང་གི་ལེའུ་གསུམ། བཅུ་པ་ལྔ་བརྒྱ་ཕྲག་ཐ་མ་ལ་རབ་བྱུང་རྟགས་ཙམ་མ་གཏོགས་ལྟ་སྤྱོད་རྣལ་མ་མེད་པས་རྟགས་ཙམ་འཛིན་པའི་ལེའུར་བཞེད་པ་ལས། མངོན་པའི་དུས་ཀྱི་ལྔ་བརྒྱ་ཕྲག་གཅིག་གི་སྟེང་ནས་ཉིས་བརྒྱ་དང་ལྔ་ཐེམ། དྲུག་ཏུ་སླེབ་པ་རབ་བྱུང་གསུམ་པའི་ནང་གི་བག་མེད་ཅེས་པ་ཆུ་གླང་ལོའི་ཁྲུམས་ཟླའི་ཡར་ཚེས་ལ། ཁ་བ་ཅན་གྱི་སའི་དུམ་བུ་གསུམ་པའི་བར་པ། རུ་ལག་གི་སའི་ཆ། གཙང་སྟོད་གྲམ་པ་ཡུལ་གྱི་ཁྱད་པར་དགེ་བ་བརྒྱད་དམ་བཅུ་ཚང་བ། བླ་མ་མཉམ་མེད་པས། རྡོ་རྗེའི་རང་བཞིན་རྡོ་རྗེའི་གདན་ལ་བྱང་གི་འདབ་ཆགས་ས་ཡི་སྙིང་པོ་དཔག་ཚད་བཅུ་ཕྲག་བཅུ་བགྲོད་པ། །ཞེས་དང་། ཡང་དེ་ཉིད་ཀྱིས། ཤར་རི་འགྲོ་ལྡན་སྤྱི་གཙུག་ལྟར་མཐོ་ལྷོ་ན་རྟ་མཆོག་རྒྱུག་ལྟའི་ཆུ། །ནུབ་རི་མཚན་མ་རྨ་བྱའི་མདོངས་ལྡན་བྱང་རི་ལྷུན་པོ་འདབ་བཟང་རི། །རི་དྭགས་རྒྱལ་པོ་བཞད་པའི་གདོང་པ་དབུས་ཀྱི་ས་འཛིན་དཔལ་ཀུན་འཛིན། །དེ་ཕྱིར་རྒྱལ་བའི་གདན་ས་མཆོག་འདི་བྱང་ཆུབ་སྙིང་པོ་མ་ལགས་གྲང་། །ཞེས་ཤར་རི་བྲག་ཆུང་གླང་པོའི་གཙུག་ལྟར་མཐོ་བ། ལྷོར་གྲུབ་ཆུ་རྟ་མཆོག་རིན་ཆེན་ལྟར་རྒྱུག་པ། ནུབ་ཆུ་མིག་རྫིང་ཁ་རྨ་བྱའི་མདོངས་དང་ལྡན་པ། བྱང་དཔོན་པོ་རི་མཁའ་ལྡིང་གི་གཤོག་པ་ལྟར་བརྒྱངས་པ། དབུས་ཀྱི་ས་དཀར་ལོགས་འདི་རི་དྭགས་ཀྱི་རྒྱལ་པོ་སེང་གེ་མངོན་པར་འགྱིང་བ་དང་འདྲ་བ། ཉི་མ་འཆར་སྔ་ཞིང་ནུབ་བུལ་བ། ལྷོ་ཕྱོགས་ཀྱི་རི་རིན་ཆེན་ཕུང་པོ་བརྡལ་བ་ལྟ་བུ། ཇོ་མོ་སྟག་འཚེར་གདུགས་ཀྱི་དབྱིབས་སོགས་ལོགས་བཀྲ་ཤིས་རྟགས་བརྒྱད། གནམ་འཁོར་ལོ་རྩིབས་བརྒྱད། ས་པདྨ་འདབ་བརྒྱད་དགེ་མཚན་ཐམས་ཅད་མངོན་པར་ཚང་བ་དཔལ་ས་སྐྱའི་ཆོས་གྲྭ་ཆེན་པོ་ཞེས་གྲགས་པའི་སྤྲིང་ཡིག་སྲིད་པ་གསུམ་ན་གསལ་བ་དེ་ཉིད་དུ། སྟོན་པ་ཕུན་སུམ་ཚོགས་པ་གདུང་རབ་རིན་པོ་ཆེ་ཇི་ལྟར་བྱོན་པའི་ཚུལ་ནི། ཡུལ་མཐོ་ཞིང་གཙང་བ་མངའ་རིས་ཀྱི་སྟོད་དམ། བྱང་གི་ཤེལ་ཚྭ་རྒྱལ་མོའི་གང་འགྲམ་དུ་འོད་གསལ་གནམ་ལྷ་མཆེད་གསུམ་བྱོན། གཅུང་པོ་གཡུ་སེར་སྲས་བཞི་བྱོན་པ་ཡབ་བཅས་ལྷ་ཡུལ་དུ་བྱོན། བར་པ་གཡུ་རིང་དང་དམུ་བཟའ་ལྡེམ་བུ་ལས། སྲས་མ་སངས་སྤུན་བདུན་བྱོན་པའི་གཅེན་དྲུག་ཡབ་བཅས་པའང་ལྷ་ཡུལ་དུ་གཤེགས། བདུན་པ་མ་སངས་སྤྱི་རྗེ་དང་ཐོག་ལྕམ་འུར་མོའི་སྲས་དཔའ་བོ་སྟག །དེ་དང་ཀླུ་ལྕམ་དྲ་མའི་སྲས་སྟག་པོ་འོད་ཅན་ཏེ། འདི་རྣམས་བར་སྣང་ལ་བཞུགས་པར་བཞེད། དེ་དང་མོན་བཟའ་འཚོ་མོ་རྒྱལ་གྱི་སྲས་གཡའ་སྤང་སྐྱེས་རྣམས་ནི་ལྷའི་གདུང་རབས་སོ། །དེས་སྲིན་པོ་ཁྲག་མིག་མ་བསད། དེའི་ཆུང་མ་གཡའ་འབྲུག་སི་ལི་མ་འཕྲོག་སྟེ་ཁབ་ཏུ་བཞེས་པས། ལྷ་དང་སྲིན་པོ་འཐབ་པའི་བར་དུ་སྐྱེས་པས་འཁོན་བར་སྐྱེས། དེ་དང་བཙན་བཟའ་ལྕམ་བུ་སྒྲོན་གྱི་སྲས་དཀོན་པ་རྗེ་གུང་སྟག་གམ་ཆེའམ་འཁོན་དཔལ་པོ་ཆེ། དེ་དང་རླངས་བཟའ་ནེའུ་ཆུང་མའི་སྲས་གཅེན་ཀླུ་དབང་སྲུང་དང་། གཅུང་རྡོ་རྗེ་རིན་ཆེན། ཕྱི་མའི་ལྕམ་འགྲོ་མགོན་གཡང་ལོན་སྐྱིད་ལ། སྲས་བདུན་བྱོན་པའི། ཆེ་བ་མང་ཡུལ། དེ་འོག་གུང་ཐང་། དེ་འོག་སྲད། དེ་འོག་གཉལ་ལོ་རོ། དེ་འོག་མྱང་ཤ་བ་རྣམས་ལ་སྐུ་བརྒྱུད་འཕེལ་ཡང་ངོས་འཛིན་དང་བྲལ་ཞིང་སྐུ་བརྒྱུད་མ་འཁྲིགས་སྡེ་གསུམ་དུ་གྲགས། དྲུག་པ་ཤེས་རབ་ཡོན་ཏན་གཡའ་ལུང་དུ་བཞུགས། སྲས་གཉིས་ཀྱི་ཆུང་བ་ཁ་བ་སོ་སྟག་ཏུ་བྱོན་པས། ལ་སྟོད་བྱང་གི་འཁོན་ཚོ་རྣམས་འཕེལ་བར་བཤད། ཆེ་བ་ཡོན་ཏན་འབྱུང་བ་ལ་སྲས་གསུམ་བྱོན་པའི་སྲས་ཚུལ་ཁྲིམས་རྒྱལ་པོ་སྟེ། དེ་ལ་ཡང་སྲས་གསུམ་བྱོན་པའི་བར་པ་བརྡལ་བའི་ཚང་ཚིང་དུ་བྱོན། ཐོག་མཐའ་གཉིས་གཡའ་ལུང་དུ་བཞུགས་པའི་ཆེ་བ་གཙུག་ཏོར་ཤེས་རབ་ལ་སྲས་བདུན་གཅུང་དང་བཅས་པ་ལ་འཁོན་ཚོ་བརྒྱད་དུ་གྲགས་པའི་ལྔ་པ་དགེ་སྐྱབས་ཤབ་ཏུ་བྱོན་པའི་སྲས་གཉིས་ཀྱི་གཅུང་ལས་ཤབ་སྟོད་ཀྱི་འཁོན་ཚོ་གྱེས། གཅེན་པོ་དགེ་མཐོང་སྲས་བལ་པོ། དེ་སྲས་ཤཱཀྱ་བློ་གྲོས། དེ་སྲས་ཤེས་རབ་ཚུལ་ཁྲིམས་དང་། དཀོན་མཆོག་རྒྱལ་པོ་གཉིས་ལས། ཤེས་རབ་ཚུལ་ཁྲིམས་གཉིས་གསང་སྔགས་སྔ་འགྱུར་གྱི་བདག་པོ་གྲུབ་པའི་སར་བཞུགས་པ་ཤ་སྟག་བྱོན། ཀླུ་དབང་སྲུང་སྐུ་མཆེད་ནི་མཁན་སློབ་གཉིས་ཀྱི་སློབ་མ་ཡིན། གཞན་རྣམས་མ་ངེས། འཁོན་དཀོན་མཆོག་རྒྱལ་པོ་ཤིང་ཁྱིར་འཁྲུངས། ཡབ་དང་། གཅེན་འབྲོག་མི། འཁྱིན་ལོ་ཙཱ་བ། སེ་སྟོན། འགོས་ལོ། པཎྜི་ཏ་ཤེས་རབ་གསང་བ། རྨ་ལོ་ཙཱ། མལ་ལོ། བ་རི། གནམ་ཁའུ་པ་སྐུ་མཆེད། འཁོན་སྒྱི་ཆུ་བ། སྐྱུ་ར་ཨ་སེང་སོགས་ལས་གསན་པ་རྒྱ་ཆེར་མཛད། བཞི་བཅུ་པ་ཆུ་གླང་ལོར་ས་སྐྱ་བཏབ། ང་དགུ་པ་ཆུ་སྤྲེལ་ལོར་ཡུམ་གུ་གུར་ཞང་མོར་ས་ཆེན་འཁྲུངས། རེ་དགུ་པ་ཆུ་རྟར་གཤེགས། དེ་སྲས་ས་ཆེན་ཀུན་དགའ་སྙིང་པོས། འཇམ་དབྱངས། སྒྲོལ་མ། མི་གཡོ་བ། བིར་ཝ་པ། ནག་པོ་པ། །ག་ཡ་དྷ་ར། ནགས་ཁྲོད་པ། ཀོ་ཏྲ་ལི། ཡབ། བ་རི་བ། བྲང་ཏི་དར་མ་སྙིང་པོ། ཁྱུང་རིན་ཆེན་གྲགས། དཔལ་མེ་དིག་པ། མེས་ལྷང་འཚེར། ཁའུ་པ། སྐྱི་ཆུ་བ། མལ་ལོ། པུ་ཧྲང་ལོ་ཆུང་། སྐྱུ་ར་ཨ་སྐྱབས། པདྨ་ཧྲཱིཿ ཛྙཱ་ན་བཛྲ། བྷ་དྲ་རཱ་ཧུ་ལ། དགེ་བཤེས་རྔོག དཔལ་རྒྭ་ལོ་སོགས་ལས་གསན་པ་རྒྱ་ཆེར་མཛད། ཞལ་སློབ་ཀྱང་། མཆོག་ཐོབ་གསུམ། བཟོད་ཐོབ་བདུན། གཞོན་ནུའི་སར་གནས་པ་གཅིག། གཞན་ཡང་དཔལ་ཆེན་རྒྭ་ལོ། ཟླ་རྒྱལ། ཕག་གྲུ། རྟ་ནག་ཕག་སྟོན། རྒྱལ་ཚྭ་ཏལ་ཕུག་པ། དབྱར་སྟོན་སྡུམ་པ། གཤེན་རྡོར་སེང་། གཤེན་དགོན་དཀར་བ། ཞང་སྟོན་སུམ་ཐོག་པ་དང། སྤེ་དམར་བ། བྲག་དམར་གཞུ། སྐྱུ་ར་ཨ་སེང་། ནཻ་ཙོ་སྦལ་སྟོན། ལྷོ་བྲག་དཀར་སྟོན། འཛང་སྟོན་འཛའ་ནེ། བསོད་ནམས་རྡོ་རྗེ། གཉགས་སྟོན་དབང་རྒྱལ། རྒྱ་སྒོམ་ཚུལ་ཁྲིམས་བྲག །མི་ཉག་པྲཛྙཱ་ཛྭ་ལ། ཁམ་པ་སྒ་སེང་། འ་འུ་མ་སོགས་བསམ་གྱིས་མི་ཁྱབ། རེ་བདུན་པ་ས་སྟག་ལ་གཤེགས། དེ་ལ་བཙུན་མོ་དང་ཚ་རོང་དང་ཇོ་ལྕམ་ཕུར་མོར་སྲས་ཀུན་དགའ་འབར། གཉིས་པ་ཚ་རོང་འོད། སྒྲོན་མའི་སྲས་བསོད་ནམས་རྩེ་མོ། གྲགས་པ་རྒྱལ་མཚན། དཔལ་ཆེན་འོད་པོ་སྟེ་གསུམ་བྱོན། དེ་ཡང་དཔལ་ཆེན་འོད་པོ་ཡབ་ང་དགུ་པ་ལྕགས་རྟ་ལ་འཁྲུངས། ལྕམ་གར་བུ་ཉི་ཁྲི་ལ་ས་པཎ་དང་། ཟངས་ཚ་བསོད་ནམས་རྒྱལ་མཚན་གཉིས་བྱོན། ང་བཞི་པ་ཆུ་ཕག་ལ་གཤེགས། ཕྱི་མ་ཡབ་སོ་ལྔ་བཞེས་པ་ཆུ་འབྲུག་ལ་འཁྲུངས། ང་དྲུག་ས་ཕག་ལ་གཤེགས། །དེ་ལ་བཙུན་མོ་ལྔ་ཡོད་པའི་དང་པོ་ཚ་སྣ་ཀུན་སྐྱིད། རྒྱལ་པོའི་སྲས་སུ་འཕགས་པ་རིན་པོ་ཆེ་དང་། འགྲོ་མགོན་ཕྱག་ན་པདྨོ་གཉིས་འཁྲུངས། ཕྱི་མའི་བཙུན་མོར་མགལ། ཆོས་འབུལ། ཞྭ་ལུ་མཁའ་འགྲོ་འབུམ་གསུམ་ལས་ཕྱི་མའི་སྲས་དྷརྨ་བ་ལ། དེའི་ལྕམ་དཔལ་སྟག་གཉིས་ཀྱི་ཕྱི་མར་རཏྣ་བྷ་དྲ་བལྟམས། ཟངས་ཚའི་བཙུན་མོ་གཉིས་པ་ཆུ་མདོ་མར། །རིན་ཆེན་རྒྱལ་མཚན་ལྕམ་བཅས་བྱུང་། གསུམ་པ་གུང་ཐང་ལྷ་གཅིག་མཛེས་མ་བསོད་ནམས་འབུམ་དང་། ཉི་འབུམ་ཞེས་ལྕམ་གཉིས་དང་། བཞི་པར་གཡའ་ལུང་ཧོར་ལྕམ་ལའང་སྲས་མོ་གཅིག །ལྔ་པ་མཛེས་མའི་ཉེ་གནས་རྡོ་རྗེ་གདན་ལ། ཡབ་ང་ལྔ་ས་ཁྱིར་ཡེ་ཤེས་འབྱུང་གནས་འཁྲུངས། སོ་བདུན་ཤིང་ཁྱིར་གཤེགས། དེ་ལ་བཙུན་མོ་ལྷས་འབུམ་མའི་སྲས་སུ། ཡབ་ཀྱིས་ཉེར་ལྔ་བཞེས་པ་ཆུ་ཁྱི་ལ་བདག་ཉིད་ཆེན་པོ་བཟང་པོ་དཔལ་བལྟམས། རེ་གསུམ་ཤིང་བྱིར་གཤེགས། དེ་ལས་སྨན་རྩེ་མ་དང་། ལུང་ཞུད་བཙུན་མོ་དྲུག་སྟེ་བདུན་གྱི། དང་པོ་སྨན་རྩེའི་སྲས་ཆུང་ངུ་ནས་གཤེགས། ། ༈ ལུང་ཕུད་དང་པོ་རྒྱལ་པོའི་ལྕམ་མུ་དགོན་གྱི་སྲས་སུ་བསོད་ནམས་བཟང་པོ་ལྕམ་སྲིང་གཉིས། བསོད་ནམས་བཟང་པོའི་བཙུན་མོ་བུདྡྷ་གན་གྱི་སྲས་སུ་རཏྣ་བྷ་དྲ་བཅས། ། ༈ ལུང་ཕུད་གཉིས་པ་མང་མཁར་སོག་སྦེ་ངང་མོར། ཏི་ཤྲཱི་ཀུན་དགའ་བློ་གྲོས་བྱོན་པ་སྟེ་སྤྱི་ལ་དབང་བསྒྱུར་བའི་གདུང་རབས་སྲས་སུ་གྲགས་པ་རྣམས་སོ། ། ༈ དེ་ལས་གྱེས་པ་གཞི་ཐོག་བླ་བྲང་གི་གདུང་རབས་ནི། ལུང་ཕུད་གསུམ་པ་གླང་མཚོན་སྤེ་མ་ནམ་མཁའ་རྒྱལ་མོར། ཡབ་ཞེ་བཞི་པ་ཤིང་སྦྲུལ་ལོར་མཁས་བཙུན་ནམ་མཁའ་ལེགས་པ་འཁྲུངས། སོ་དགུ་པ་ཆུ་ལུག་ལ་གཤེགས། ཡབ་དང་ཆོས་རྗེ་ནོར་བཟང་དཔལ་སོགས་བསྟེན་ཅིང་། ཞལ་སློབ་བླ་མ་དམ་པ་སོགས་སོ། །ནམ་མཁའ་བཤེས་གཉེན་དང་ནམ་མཁའ་རྒྱལ་མཚན་གཉིས་ནི་དེའི་གཅུང་ངོ་། །མཁས་བཙུན་ཆེན་པོའི་བཙུན་མོ་ངམ་རིང་ཁང་གསར་མ་དགེ་འདུན་འབུམ་ལ། ཡབ་སོ་ལྔ་ས་ཡོས་ལོར་ཀུན་དགའ་རིན་ཆེན་འཁྲུངས། རེ་གཅིག་པ་ས་ཡོས་ལ་གཤེགས། དེའི་དབུ་བླ་ནི། ཆོས་རྗེ་བླ་མ། མཉམ་མེད་གྲགས་རྒྱལ། ཞང་སྟོན་དབང་ཕྱུག་རྒྱལ། མགོན་རྒྱལ། འཇམ་སྔོན། གུང་རུ་སོགས་བསྟེན་ཅིང་ཞལ་སློབ་ཀྱང་མང་རབ་བྱུང་འདྲ། བཙུན་མོ་གཉིས་ཀྱི་དང་པོ་ཉི་ཐོག་ནམ་སར་བློ་གྲོས་རྒྱལ་མཚན་འཁྲུངས། དེའི་བཙུན་མོ་ས་སྐྱ་རྒྱལ་མོ་སྐྱིད་ལ་ཀུན་དགའ་དབང་ཕྱུག་བལྟམས། བཙུན་མོ་གཉིས་པ་མཉམ་མེད་དབོན་མོ་མ་གཅིག་དགེ་མ་ལ། གྲགས་པ་བློ་གྲོས། ཀུན་དགའ་བློ་གྲོས། གཞན་ཡང་ལྕམ་གཅིག་བཅས་འཁྲུངས། གྲགས་བློའི་བཙུན་མོ་བྲག་དཀར་མར་བློ་གྲོས་དབང་ཕྱུག་འཁྲུངས་པ་རྣམས་ནི་གཞི་ཐོག་བླ་བྲང་བའི་གདུང་རབ་བོ། ། ༈ དེ་ནས་བླ་བྲང་རིན་ཆེན་སྒང་བའི་གདུང་རབས་ནི། ལུང་ཕུད་དྲུག་པ་ཞྭ་ལུ་གཞོན་འབུམ་གྱི་སྲས་སུ་ཀུན་དགའ་ཉི་མ། དོན་ཡོད་རྒྱལ་མཚན། བསོད་ནམས་རྒྱལ་མཚན་ཏེ་སྐུ་མཆེད་གསུམ་ལས། དོན་ཡོད་རྒྱལ་མཚན་ཡབ་ཉེར་དགུ་པ་ལྕགས་ཁྱིར་འཁྲུངས། སོ་ལྔ་ཤིང་སྤྲེལ་ལ་གཤེགས། དེས་ཡབ་དང་བསོད་ནམས་གྲགས་པ། དཔལ་ལྡན་སེང་གེ། གྲགས་པ་སེང་གེ། དཔང་ལོ་ཙཱ་བ། བསོད་ནམས་དཔལ། རྒྱལ་སྲས་ཐོགས་མེད། ཆོས་དཔལ་བཟང་སོགས་བསྟེན་ནས་ཚོགས་ཆོས་གསུངས། ཞལ་སློབ་ཀྱང་ཤིན་ཏུ་མང་། དེའི་བཙུན་མོ་ཞྭ་ལུ་མ་ཡོན་ཏན་དཔལ་འབུམ་གྱི་སྲས་སུ་ཉི་མ་རྒྱལ་མཚན་དང་། ཟླ་བ་རྒྱལ་མཚན་གཉིས་བལྟམས་པའི་ཕྱི་མ་ལ། བླ་ཆེན་ཀུན་དགའ་རྒྱལ་མཚན་ཞེས་གྲགས་པ་དེ་ཡབ་སོ་ལྔ་ཤིང་སྤྲེལ་ལ་འཁྲུངས། ས་ཁྱི་དོན་ལྔར་གཤེགས། དེའི་བླ་མ་ནི། བླ་མ་དམ་པ། མཉམ་མེད་གྲགས་རྒྱལ་སོགས་བསྟེན། ཞལ་སློབ་ཀྱང་ས་བཟང་འཕགས་པ། ཐེག་ཆེན་ཀུན་དགའ་བཀྲ་ཤིས་སོགས་སོ། །བཙུན་མོ་ཞྭ་ལུ་མ་ནམ་མཁའ་རྒྱལ་མོར། ཡབ་ང་ལྔ་པ་ས་སྟག་ལོར་འཇམ་དབྱངས་ནམ་མཁའ་རྒྱལ་མཚན་འཁྲུངས། དོན་ལྔ་ཆུ་འབྲུག་ལ་གཤེགས། དེས་ཡབ་དང་། ཐེག་ཆེན་རྗེ་བསོད་ནམས་རྒྱལ་མཆོག །རྡོ་རྗེ་རྒྱལ་མཚན་སོགས་ལ་བསྟེན། དེའི་གཅུང་བདག་ཆེན་ཞྭ་ལུ་བ་བསོད་ནམས་རྒྱལ་མཚན་ལྕམ་མོ་གཉིས་དང་བཅས་པར་སྲས་ལྕམ་སྲིང་བཞིར་གྲགས། ནམ་མཁའ་རྒྱལ་མཚན་བཙུན་མོ་ཁྲོ་མདའ་མ་དཔལ་འབྱུང་རྒྱལ་མོར་སྲས་མོ་བཞི། སྲས་གཉིས་ཀྱི་ཆེ་བ་རྒྱ་གར་ཤེས་རབ་རྒྱལ་མཚན་དང་། ཆུང་བ་རྡོ་རྗེ་འཆང་བློ་གྲོས་རྒྱལ་མཚན་ནོ། ། ༈ བདག་ཆེན་ཞྭ་ལུ་བའི་བཙུན་མོ་ཡུམ་མ་གཅིག་ཀུན་དགའ་འབུམ་ལ་གྲགས་པ་རྒྱལ་མཚན་འཁྲུངས་ཏེ། དེ་རྣམས་ནི་བླ་བྲང་རིན་ཆེན་སྒང་པའི་གདུང་རབས་སུ་གྲགས་པའོ། ། ༈ དེ་ནས་ལྷ་ཁང་བླ་བྲང་པའི་གདུང་རབས་ནི། ལུང་ཕུད་བཙུན་མོ་བཞི་པ་ཤ་གཟུགས་མ་ཀུན་དགའ་ནམ་མཁའི་རྒྱལ་མཚན་ཞེས་བྱ་བའི་སྲས་སུ་ངག་དབང་ཀུན་དགའ་ལེགས་པའི་འབྱུང་གནས་དང་། ཀུན་དགའ་རྒྱལ་མཚན་གཉིས་འཁྲུངས་པའི། ཕྱི་མ་ཡབ་ཞེ་དགུ་པ་ལྕགས་ཁྱིར་འཁྲུངས། ཞེ་དགུ་ས་ཁྱིར་གཤེགས། དེ་ལ་བཙུན་མོ་གཉིས་ཀྱི། དང་པོ་ཁ་ཕྱར། ཡབ་ཉེར་གསུམ་ཆུ་སྤྲེལ་ལ་ཆོས་ཀྱི་རྒྱལ་མཚན་འཁྲུངས། ཉེར་བརྒྱད་ས་ཕག་ལ་གཤེགས། བཙུན་མོ་གཉིས་པར་ལུང་བསོད་ནམས་དཔལ་མོའི་སྲས་སུ་གཅུང་པོ་བློ་བཟང་རྒྱལ་བ་འཁྲུངས། ཆོས་ཀྱི་རྒྱལ་མཚན་གྱི་བཙུན་མོ་དང་པོ་ཆུ་མདོ་རྒྱལ་མོ་མཚོར་ཐེག་ཆེན་ཆོས་ཀྱི་རྒྱལ་པོ་དང་། གཉིས་པ་ཉང་སྟོད་སྲས་སྐྱབས་ལ་དྷརྨ་དྷྭ་ཛ་དང་། རྡོ་རྗེ་རིན་ཆེན་གཉིས་བལྟམས། གསུམ་པ་ལྷོ་པ་དཔལ་ལྡན་འབུམ་ལ་བསོད་ནམས་བཀྲ་ཤིས་ཡབ་ཉེར་གཅིག་ཆུ་འབྲུག་ལོར་འཁྲུངས། ང་དྲུག་མེ་ཕག་ལ་གཤེགས། དེའི་དབུ་བླ་ནི། གཞི་ཐོག་པ་ཀུན་རིན། མ་ཏི་པཎ་ཆེན། ཆོས་རྗེ་བླ་མ་སོགས་བསྟེན། ཞལ་སློབ་ཀྱང་མང་དུ་བྱུང་། དེའི་བཙུན་མོ་བྱང་མོ་མ་གཅིག་ནམ་པར། ཡབ་གཤེགས་པའི་ས་ཕོ་བྱི་ལོར་བདེ་ལེགས་བཀྲ་ཤིས་བལྟམས། དེའི་དགུང་གྲངས་དབུ་བླ་ཞལ་སློབ་སོགས་མི་གསལ། དེའི་བཙུན་མོ་བྱང་བདག་སྲས་མོར། བསོད་ནམས་རྒྱལ་མཚན། ཤཱཀྱ་སེང་གེ། དོན་གྲུབ་རྒྱལ་མཚན། བསམ་འགྲུབ་རྒྱལ་མཚན་ཏེ་སྲས་བཞི་བྱོན། ཤཱཀ༷་སེང་བཙུན་མོ་དང་པོ། བོ་གཅུང་དབོན་མོན། ཀུན་བཀྲས། ཀུན་རྒྱལ། ཀུན་སྙིང་སྟེ་གསུམ། གཉིས་པ་མ་གཅིག་ཡུམ་བར་རིན་ཆེན་རྒྱལ་མཚན་ཞེས་སྐུ་མཆེད་མཚན་འདྲ་བ་རྣམ་གཉིས་འཁྲུངས། ཀུན་དགའ་རྒྱལ་མཚན་བཙུན་མོ་གླིང་ཁ་དཔོན་དཀར་མོར་ཆོས་ཀྱི་རྒྱལ་མཚན་དང་། ཀུན་དགའ་ལེགས་པ་འཁྲུངས་པ་རྣམས་ནི་ལྷ་ཁང་བླ་བྲང་པའི་གདུང་རབས་སོ། ། ༈ དེ་ནས་དུས་མཆོད་བླ་བྲང་ཞེས་ད་ལྟའི་རྩ་བའི་གདུང་རབས་ནི། ལུང་ཕུད་ལྔ་པ་རེ་མདའ་མ་ཉི་མ་རིན་ཆེན་གྱི་སྲས་སུ་ཉི་མ་ལྕམ་གཅིག །ཀུན་དགའ་ལེགས་འབྱུང་དང་གསུམ་འཁྲུངས་པའི། ཕྱི་མ་ཡབ་ཞེ་བདུན་ས་སྤྲེལ་ལ་བལྟམས། ཉེར་དགུ་མེ་བྱིར་གཤེགས། དེའི་བཙུན་མོ་དང་པོ་གུང་ཐང་ཀུན་སྐྱོང་མར་ལྕམ་གཅིག་འཁྲུངས། གཉིས་པ་ངམ་རིང་དགེ་འདུན་འབུམ་གྱི་སྲས་བསོད་ནམས་བློ་གྲོས་དང་། སྐུ་འབྲིང་ནི་ཆུང་ངུར་གཤེགས། གྲགས་པ་རྒྱལ་མཚན་ཏེ་རྣམ་པ་གསུམ་གྱི་ཕྱི་མ་ཡབ་གཤེགས་པའི་མེ་བྱིར་འཁྲུངས། ཞེ་གཉིས་ས་སྦྲུལ་ལ་གཤེགས། དེས་ཆོས་རྗེ། གཅེན་བྲག་ཕུག་པ། མཉམ་མེད་པ་སོགས་བསྟེན་ནས་ཞལ་སློབ་མི་གསལ་བ། དེའི་བཙུན་མོ་དང་པོ་ལྷ་རིན་མར་ཀུན་དགའ་ལེགས་པའི་བློ་གྲོས་དང་། རྣམ་སྲས་རྒྱལ་མཚན་མཆེད་གཉིས་བྱོན། གཉིས་པ་སྟག་ཚང་སྲས་འདྲེན་མར་འཇམ་དབྱངས་ཆོས་རྒྱལ་བལྟམས་པ་ལས། རྣམ་སྲས་རྒྱལ་མཚན་ཡབ་ཉེར་ལྔ་པ་ལྕགས་ཁྱིར་འཁྲུངས། ཞེ་དགུ་ས་བྱིར་གཤེགས། བླ་མ་དམ་པ་དང་། བསོད་ནམས་བློ་གྲོས་སོགས་བསྟེན། དེའི་བཙུན་མོ་དང་པོ་རྟ་ནག་གྲུ་གུར་དབང་ཀུན་དགའ་ལེགས་པའི་བློ་གྲོས་དང་། གཉིས་པ་ཡན་འབྲོག་བསོད་ནམས་འབུམ་དང་། ཡབ་བཞི་བཅུའི་ཚེ་ནམ་མཁའ་ལེགས་པ་འཁྲུངས། ཞེ་དྲུག་ཤིང་བྱིར་གཤེགས། དེས་འབྲོམ་སྟོན་སེང་གེ་བསྟེན། ཞལ་སློབ་ཀྱང་མང་དུ་ཡོད་སྙམ། སྐུ་མཆེད་དུ་གཏོགས་པའི་ལྕམ་ལྔའང་འཁྲུངས། བཙུན་མོ་དང་པོ་ཡར་འབྲོག་དཔལ་ཆེན་ལ་ལྕམ་གཉིས་དང་། གཉིས་པ་མི་ཉག་བཙུན་མ་སྐྱིད་ལ་ནམ་མཁའ་རྒྱལ་མཚན་ཡབ་སོ་བདུན་ཤིང་ཡོས་ལོར་འཁྲུངས། ཉེར་དགུ་ཆུ་ལུག་ལོར་གཤེགས། དེའི་བླ་སློབ་མི་གསལ་ཞིང་། ལྕམ་ལྔའང་འཁྲུངས། བཙུན་མོ་དང་པོ་ཤངས་མཐོང་སྨོན་པར་ལྕམ་གཅིག །གཞོན་པར་སློབ་དཔོན་རིན་ཆེན་རྒྱལ་བ་འཁྲུངས། གསུམ་པ་རྣམ་གླིང་དཔལ་འབྱོར་བཟང་མོར་ཡབ་ཉེར་བཞི་པ་ས་སྟག་ལ་ནམ་མཁའ་བཀྲ་ཤིས་འཁྲུངས། ཞེ་དྲུག་ཆུ་ཕག་ལ་གཤེགས། དེས་སྟག་ཚང་ལོ་ཙཱ། མི་ཉག་གྲགས་རྡོར་སོགས་བསྟེན་ཅིང་ཞལ་སློབ་ཀྱང་མང་དུ་བྱོན། བཙུན་མོ་དམའ་ཟེ་ཧོར་མོ་ཚེ་བརྟན་གྱི་སྲས་སུ་ས་ལོ་ཀུན་དགའ་བསོད་ནམས། ངག་གི་དབང་ཕྱུག །འཇམ་དཔལ་གྲགས་པ། སངས་རྒྱས་ཚེ་བརྟན་ཏེ་སྐུ་མཆེད་བཞི་བྱོན། ཕྱི་མ་ཡབ་སོ་ལྔ་ཆུ་བྱིར་བལྟམས། ལྔ་བཅུ་ལྕགས་གླང་ལ་གཤེགས། དེས་མུས་ཆེན་སངས་རྒྱས་རིན་ཆེན། ས་ལོ་འཇམ་པའི་རྡོ་རྗེ་སོགས་བརྟེན་ཅིང་ཞལ་སློབ་ཀྱང་མང་དུ་བྱོན་སྙམ། ཡར་འབྲོག་བུ་འདྲེན་སྐྱིད་ཁབ་ཏུ་བཞེས། སྲས་སྐུ་མཆེད་གཉིས་བྱོན་པའི་དང་པོ་ནས་ཕྱིས་བྱོན་རྩེ་དོང་བླ་བྲང་པའི་གདུང་རབས་རྣམས་མཆེད་པ་སྟེ། དེ་ཡང་བདག་ཆེན་ཀུན་དགའ་བསམ་འགྲུབ་ཡབ་ཉེར་བཞི་ཤིང་ཕག་ལོར་འཁྲུངས། ང་བརྒྱད་ཆུ་སྤྲེལ་ལ་གཤེགས། ས་ལོ། དཀོན་ལྷུན། ཀུན་དགའ་ལེགས་གྲུབ། སྨིན་གླིང་ལོ་ཆེན་སོགས་བསྟེན། ཞལ་སློབ་ཀྱང་མང་ངོ་། །བཙུན་མོ་བདེ་སྐྱིད་གླིང་པ་མ་གཅིག་ལ། ཡབ་སོ་ལྔ་ས་བྱར་ཀུན་དགའ་བདེ་ལེགས་བལྟམས་ཤིང་། བཞི་བཅུ་ས་བྱིར་གཤེགས། དེས་ཀུན་དགའ་ལེགས་གྲུབ། ཀུན་དགའ་རྒྱལ་མཚན། ཡབ་དཀོན་མཆོག་དཔལ་ལྡན། ཐར་པཎ། བྱམས་པ་རབ་བརྟན་སོགས་བསྟེན། ཞལ་སློབ་ཀྱང་མང་། བཙུན་མོ་རྟ་ནག་བྱ་བཟང་དཔལ་བུ་ཁྲིད་ལ། རྩེ་དོང་ཁྲི་ཆེན་བསོད་ནམས་ལྷུན་གྲུབ། ཚེ་དབང་ཧོར་སོགས་བསོད་ནམས་རྒྱལ་མཚན། འཇིག་རྟེན་རྒྱ་ཧོར་རྣམ་གསུམ་ལས། ཕྱི་མ་ཡབ་སུམ་ཅུ་ས་སྟག་ལ་བལྟམས། ཞེ་བརྒྱད་ཤིང་གླང་གཤེགས། གཅེན་བགྲེས་པ། ཐར་པཎ། བྱམས་པ་རབ་བརྟན། ཆོས་འོད་ཟེར་སོགས་བསྟེན། ཞལ་སློབ་ཁ་ཤས་བྱུང་། བཙུན་མོ་སྟག་ལུང་མ་ནོར་འཛོམས་བུ་ཁྲིད་ལ། བསོད་ནམས་བློ་གྲོས། བྱམས་པ་བསོད་ནམས་ལྷུན་གྲུབ། ངག་དབང་བསོད་ནམས་ལྷུན་གྲུབ་གསུམ་བྱོན་པའི་ཕྱི་མ་ཡབ་སོ་དྲུག་ཆུ་གླང་ལོར་འཁྲུངས། རེ་བཞི་མེ་འབྲུག་ལ་གཤེགས། དེས་གཅེན་དང་། ཨ་མེས་ཞབས་སོགས་བསྟེན། ཞལ་སློབ་ཀྱང་འགའ་ཞིག་བྱུང་། བཙུན་མོ་ཡོལ་གདོང་མ་ནོར་བུ་ཁྲིད་ལ། བསྟན་འཛིན་དབང་། བསོད་ནམས་འཕགས་པ། བསོད་ནམས་དབང་རྒྱལ་གསུམ་ལས། ཕྱི་མ་ཡབ་སོ་དྲུག་པ་ཤིང་བྱར་བལྟམས། རེ་དྲུག་ལྕགས་སྟག་ལ་གཤེགས། དེས་གཅེན་བགྲེས་པ། ངག་དབང་བསྟན་རྡོར་སོགས་བསྟེན། ཞལ་སློབ་ཀྱང་འགའ་ཞིག་བྱུང་། བཙུན་མོ་སྟག་ལུང་མ་བཀྲ་ཤིས་ཚེ་རིང་ལ། ཀུན་དགའ་ཚེ་དབང་རིག་འཛིན་དང་། ངག་དབང་ནོར་བུ་རྒྱན་པ་གཉིས། ཡང་ཕལ་མོ་ཞིག་ལས་སྲས་གཅིག་སྟེ་གསུམ་བྱོན་པའི་ནོར་བུ་རྒྱལ་མཚན་གྱི་བཙུན་མོར་བྱ་སྒོམ་ཚེ་རིང་བུ་ཁྲིད་བཞེས་མོད། ཡབ་སྲས་དེ་རྣམས་ཀྱི་རིང་གདན་ས་འཐོར་ནས་ཡུན་རིང་སོང་བས། ཕྱིས་ངག་དབང་ཀུན་དགའ་བློ་གྲོས་ཀྱིས་དགུང་ལོ་བཅོ་ལྔ་བཞེས་པའི་ཚེ་སླར་ཕྱག་ཏུ་འབྱོར་ཏེ། ཕྱིས་བྱོན་རྩེ་གདོང་བླ་བྲང་གི་གདུང་རབས་སུ་གྲགས་པ་རྣམས་སོ། ། ༈ གོང་གི་ཀུན་དགའ་བསམ་འགྲུབ་ཀྱི་གཅུང་སྔགས་འཆང་ཀུན་དགའ་རིན་ཆེན་ཡབ་ཉེར་དྲུག་པ་མེ་གླང་ལོར་འཁྲུངས། རེ་བརྒྱད་ཤིང་སྤྲེལ་ལ་གཤེགས། ས་ལོ་དཀོན་ལྷུན། འཕགས་ཆེན་བཀྲ་ཤིས་དཔལ་ལྡན། སྤྱན་སྔ་ངག་དབང་ཆོས་གྲགས། རྗེ་བཙུན་སངས་རྒྱས་སེང་གེ། མཁན་ཆེན་ལེགས་པའི་བློ་གྲོས་བརྟེན་ནས་ཞལ་སློབ་དང་མཛད་པ་རྒྱ་ཆེ། བཙུན་མོ་གསུམ་གྱི་དང་པོ་ཤར་གླིང་མར་སྲས་མོ་གཉིས། གཉིས་པ་གདོང་དགའ་མར་བགྲེས་པ་བསོད་ནམས་ལེགས་འཛོམ་ལས། འཇམ་དབྱངས་བསོད་ནམས་དབང་པོ་དང་སྲས་མོ་གསུམ། གསུམ་པ་གཞོན་པ་བཀྲ་ཤིས་དཔལ་གྱི་བུ་ཁྲིད་ལས། ཡབ་ཞེ་བདུན་པར་སྔགས་འཆང་གྲགས་པ་བློ་གྲོས་འཁྲུངས། ང་ལྔ་མེ་སྦྲུལ་ལ་གཤེགས། དེས་ཡབ་དང་། གཅེན། སྤྱན་སྔ་དཀོན་མཆོག་རྒྱལ་པོ། ཐར་པཎ་སོགས་བསྟེན། ཞལ་སློབ་ཀྱང་མང་། བྱང་བདག་ལྷ་སྲས་བསོད་ནམས་རྒྱལ་པོར། སྲས་དྲུག་བྱོན་པའི་དང་པོ་གཉིས་དང་། བཞི་པ་ཆུང་ངུ་ནས་གཤེགས། གསུམ་པ་སྒར་ཆེན་མཐུ་སྟོབས་དབང་ཕྱུག །ལྔ་པ་སྔགས་འཆང་ཀུན་དགའ་དབང་རྒྱལ་དང་། དྲུག་པ་འཇམ་མགོན་ཨ་མེས་ཞབས་ཀུན་དགའ་བསོད་ནམས་ཡབ་སོ་ལྔ་མེ་བྱ་ལོར་བལྟམས། ས་ཕག་རེ་དྲུག་ལ་གཤེགས། ཁུ་བོ་མཆེད། ཁྲི་ཆེན་བསོད་ནམས་ལྷུན་གྲུབ། གཅེན་པོ་གཉིས། གཅིག་ཆོས་མུས་ཆེན་སངས་རྒྱས་རྒྱལ་མཚན། ཐར་པཎ། མོ་པ་སྤྱན་སྔ་ཀུན་དགའ་དོན་གྲུབ། ནགས་དགོན་སྦྱིན་པ་གྲགས། འབུམ་ཆེན་ཀུན་དགའ་དཔལ། རྡོ་རྗེ་འཆང་དབང་རབ། མཁན་ཆེན་ངག་ཆོས་ལ་སོགས་བསྟེན། ཞལ་སློབ་མཐའ་ཀླས། སྐུ་མཆེད་གསུམ་ལ་སྡེ་སྲིད་ལྷན་རྩེ་མའི་ཉེ་གནས། ཚ་ཤོད་མཐོང་སྨན་བུ་སྲིང་མ་བཀྲ་ཤིས་དཔལ་གྱི་བུ་བསྐྱེད་ཅེས་བྱ་བ་ཁབ་ཏུ་བཞེས་པར་ལྕམ་གཅིག་དང་། གདུང་གཅིག་ཕེབས་པ་ཆུང་ངུ་ནས་གཤེགས། དེ་ནས་ཀོ་ཅག་འགྲོ་མགོན་འཇིགས་བྲལ་གྱི་སྲས་མོ་ཨཽ་ཌྱིན་སྐྱབས་མ་བཞེས་པར། ཡབ་ཞེ་གཉིས་པ་ས་སྟག་ལ་འཇམ་དབྱངས་བསོད་ནམས་དབང་ཕྱུག་བལྟམས། ཞེ་བརྒྱད་ཤིང་གླང་ལ་གཤེགས། དེས་ཡབ། ངག་དབང་རྣམ་རྒྱལ། རིན་ཆེན་བསོད་ནམས་མཆོག་གྲུབ། ཀ་སྤེ་བ་བསྟན་པ་རབ་རྒྱས། བྱང་བདག་བསོད་ནམས་གྲགས་པ། ལ་རུ་བ་ངག་དབང་དཔལ་བཟང་སོགས་བསྟེན་ནས་ཉིད་ཀྱི་རིགས་སྲས་སོགས་ཞལ་སློབ་ཀྱང་མང་དུ་བསྐྲུན། མགོན་དེའི་བཙུན་མོར་བདག་ཆེན་ཤར་པ་པད་དཀར་བུ་ཁྲིད་བཞེས་པར་ཡབ་བཅུ་དགུ་མེ་སྤྲེལ་ལོར་ངག་དབང་ཀུན་དགའ་བཀྲ་ཤིས་འཁྲུངས། ང་དྲུག་ཤིང་ཡོས་ལ་གཤེགས། དེས་འཇམ་མགོན་ཨ་མེས་ཞབས། ཡབ་རྗེ། ངག་དབང་རྣམ་རྒྱལ། བསྟན་པ་རབ་རྒྱས། ལྷུན་གྲུབ་དཔལ་ལྡན། བཟང་པོ་རྒྱལ་མཚན། སངས་རྒྱས་ཕུན་ཚོགས། སྨིན་གླིང་ལོ་ཆེན། ཛ་ལུང་པ། བཅོ་བརྒྱད་ཆེན་མོ་སོགས་བསྟེན། ཞལ་སློབ་ཀྱང་མང་། དེའི་གཅུང་གཞོན་ནུ་ནས་གཤེགས། བཙུན་མོ་དང་པོ་སྣེའུ་གདོང་མ་བཀྲ་ཤིས་དབང་མོར་སྲས་མི་མངའ། ཕྱིས་བཅོ་བརྒྱད་པའི་སྲས་མོ་བསྟན་འཛིན་བསོད་ནམས་བཟང་མོར་གདུང་གཉིས་བལྟམས་ཀྱང་ཆུང་ངུ་ནས་གཤེགས། དེས་ཡབ་རྗེ་བསོད་ནམས་རིན་ཆེན་ཡབ་ལྔ་བཅུ་བཞེས་པ་ཤིང་བྱིར་འཁྲུངས། སོ་བདུན་པ་ལྕགས་བྱར་གཤེགས། དེས་ཡབ་རྗེ། བསྟན་འཛིན་ཕུན་ཚོགས། བཅོ་བརྒྱད་པ་མཁྱེན་བརྩེ་རབ་བརྟན། བྱམས་པ་ལྷ་དབང་རིག་འཛིན། མཆོད་དཔོན་དཀོན་མཆོག་བློ་གྲོས། སྤྲོ་ལུང་བ་མང་ཐོས་བསོད་ནམས་ཆོས་འཕེལ། གོང་དཀར་བློ་གྲོས་དབང་ཕྱུག །ངོར་ཆེན་བསོད་ནམས་བཟང་པོ། ཐར་རྩེ་རྡོ་རྗེ་འཆང་། ཐུབ་བསྟན་ཚུལ་ཁྲིམས་བཟང་པོ། ལྷ་ཁང་མཁན་པོ་དབང་ཕྱུག་ཕུན་ཚོགས། ཛ་ལུང་པ་ཕྲིན་ལས་རྡོ་རྗེ་སོགས་བསྟེན། ཞལ་སློབ་ཀྱང་མང་། ཐར་རྩེ་རྗེ། གནས་གསར་རྗེ། བྲག་རྩ་རྗེ། ཀུན་བློ་སྐུ་མཆེད་སོགས་བསྟན་འཛིན་མང་དུ་བསྐྲུན། དེ་ལ་བཙུན་མོ་དང་པོ་བཞད་ཆོས་མའི་སྲས་གཉིས་ཆུང་ངུ་ནས་གཤེགས། ཕྱི་མ་འགྲོ་མགོན་མ་བསོད་ནམས་དཔལ་གྱི་དབང་མོ་དེ་ཉིད་ནི་ལང་གྲོ་དཀོན་མཆོག་འབྱུང་གནས་ཀྱི་རྒྱུད་ཀོ་ཅག་སྔགས་པ་འགྲོ་མགོན་པའི་སྲས་མོ་སྟེ། དེ་ལ་སྲས་མོ་བཞི་དང་རྒྱུད་གསུམ་སྟེ་བདུན་བྱོན་པ་ལས། དྲུག་པའི་བཙུན་མོར་སྒེར་མ་བཀྲ་ཤིས་དབྱངས་ཅན་ལས་ད་ལྟའི་རྗེ་བཙུན་གྲུང་འདི་ཉིད་དང་། གསུམ་པ་ནི་ས་ཆེན་ཀུན་དགའ་བློ་གྲོས་ཡབ་ཉེར་ལྔ་ས་བྱར་འཁྲུངས། ང་ལྔ་ཆུ་ཡོས་ལ་གཤེགས། དེའི་བཙུན་མོ་དང་པོ་རུ་ཐོག་ཚེས་ལུང་རྒྱལ་མོའི་སྲས་མོ་ཕུན་ཚོགས་ཚེ་རིང་མར་ལྕམ་གཅིག་དང་། གཉིས་པ་སྐལ་བཟང་བདེ་སྐྱིད་བུ་ཁྲིད་ལས། ཡབ་སོ་ལྔ་པ་ཆུ་ལུག་ལོར་དབང་སྡུད་སྙིང་པོ་དང། སོ་བརྒྱད་མེ་ཁྱི་ལོར་ཀུན་དགའ་ཕན་བདེ་རྒྱ་མཚོ་སྐུ་མཆེད་གཉིས་འཁྲུངས་སོ། །སརྦ་མངྒ་ལཾ།། །། ༈

[edit]

dpal ldan sa skyar brjod gzhi byas pa'i 'bel gtam sa skya'i gdung rabs sogs/ @#/_/na mas+sarba dz+nyA ya/__gnas phun sum tshogs pa ni/__/'di ltar bstan rtsis la mdo rgyud nas gsung tshul tha dad pa'i dbang gis/__mkhas pa rnams bzhed srol mi mthun pa mang na yang /__daMSh+t+wa sa na'i 'bum TI ka dang /__dbyig gnyen zhabs kyi gnod 'joms/__slob dpon 'jam dpal grags pa sogs kyi bzhed pa bzhin/__mkhas pa phal cher lnga stong du 'thad par bzhed la/__de bzhin sangs rgyas kyi 'khrungs rtsis kyang mi mthun pa mang yang /__rje btsun sa skya pa'i dgongs pa ni/__lugs kyi bstan bcos zhes bya ba la/__g.yul brtan 'og tu nyis stong dang /__/dga' byed 'og tu brgyad brgya na/__/zhes sogs bshad pa bzhin/__rtsod dus kyi rgyal po skyabs seng mched lnga'i gcen g.yul brtan nas brtsams lo nyis stong nye ba na ston pa sa pho 'brug la sku bltams/__brgyad cu pa me phag la gshegs/__de nas brgya dang so bdun na dga' byed 'byung zhes rtog ge 'bar bar bshad pas/__slob dpon bsod nams rtse mo dang /__chos rje sa paN+Di tas 'di la brten nas bstan rtsis brtsams par bzhed cing /__des na lnga brgya phrag bcu las/__dang por dgra bcom/__gnyis par phyir 'ong /__gsum par rgyun zhugs te ye shes khong chud kyi le'u gsum/__de nas lnga brgya phrag gsum la rim bzhin/__shes rab/__/ting 'dzin/__tshul khrims bslab pa gtsor ston gsum la sgrub pa'i dus kyi le'u zer/__de nas lnga brgya phrag gsum la/__mngon pa/__mdo sde/__'dul ba rnams ston pa mang du 'byung bas na lung gi le'u gsum/__bcu pa lnga brgya phrag tha ma la rab byung rtags tsam ma gtogs lta spyod rnal ma med pas rtags tsam 'dzin pa'i le'ur bzhed pa las/__mngon pa'i dus kyi lnga brgya phrag gcig gi steng nas nyis brgya dang lnga them/__drug tu sleb pa rab byung gsum pa'i nang gi bag med ces pa chu glang lo'i khrums zla'i yar tshes la/__kha ba can gyi sa'i dum bu gsum pa'i bar pa/__ru lag gi sa'i cha/__gtsang stod gram pa yul gyi khyad par dge ba brgyad dam bcu tshang ba/__bla ma mnyam med pas/__rdo rje'i rang bzhin rdo rje'i gdan la byang gi 'dab chags sa yi snying po dpag tshad bcu phrag bcu bgrod pa/__/zhes dang /__yang de nyid kyis/__shar ri 'gro ldan spyi gtsug ltar mtho lho na rta mchog rgyug lta'i chu/__/nub ri mtshan ma rma bya'i mdongs ldan byang ri lhun po 'dab bzang ri/__/ri dwags rgyal po bzhad pa'i gdong pa dbus kyi sa 'dzin dpal kun 'dzin/__/de phyir rgyal ba'i gdan sa mchog 'di byang chub snying po ma lags grang /__/zhes shar ri brag chung glang po'i gtsug ltar mtho ba/__lhor grub chu rta mchog rin chen ltar rgyug pa/__nub chu mig rdzing kha rma bya'i mdongs dang ldan pa/__byang dpon po ri mkha' lding gi gshog pa ltar brgyangs pa/__dbus kyi sa dkar logs 'di ri dwags kyi rgyal po seng ge mngon par 'gying ba dang 'dra ba/__nyi ma 'char snga zhing nub bul ba/__lho phyogs kyi ri rin chen phung po brdal ba lta bu/__jo mo stag 'tsher gdugs kyi dbyibs sogs logs bkra shis rtags brgyad/__gnam 'khor lo rtsibs brgyad/__sa pad+ma 'dab brgyad dge mtshan thams cad mngon par tshang ba dpal sa skya'i chos grwa chen po zhes grags pa'i spring yig srid pa gsum na gsal ba de nyid du/__ston pa phun sum tshogs pa gdung rab rin po che ji ltar byon pa'i tshul ni/__yul mtho zhing gtsang ba mnga' ris kyi stod dam/__byang gi shel tshwa rgyal mo'i gang 'gram du 'od gsal gnam lha mched gsum byon/__gcung po g.yu ser sras bzhi byon pa yab bcas lha yul du byon/__bar pa g.yu ring dang dmu bza' ldem bu las/__sras ma sangs spun bdun byon pa'i gcen drug yab bcas pa'ang lha yul du gshegs/__bdun pa ma sangs spyi rje dang thog lcam 'ur mo'i sras dpa' bo stag__/de dang klu lcam dra ma'i sras stag po 'od can te/__'di rnams bar snang la bzhugs par bzhed/__de dang mon bza' 'tsho mo rgyal gyi sras g.ya' spang skyes rnams ni lha'i gdung rabs so/__/des srin po khrag mig ma bsad/__de'i chung ma g.ya' 'brug si li ma 'phrog ste khab tu bzhes pas/__lha dang srin po 'thab pa'i bar du skyes pas 'khon bar skyes/__de dang btsan bza' lcam bu sgron gyi sras dkon pa rje gung stag gam che'am 'khon dpal po che/__de dang rlangs bza' ne'u chung ma'i sras gcen klu dbang srung dang /__gcung rdo rje rin chen/__phyi ma'i lcam 'gro mgon g.yang lon skyid la/__sras bdun byon pa'i/__che ba mang yul/__de 'og gung thang /__de 'og srad/__de 'og gnyal lo ro/__de 'og myang sha ba rnams la sku brgyud 'phel yang ngos 'dzin dang bral zhing sku brgyud ma 'khrigs sde gsum du grags/__drug pa shes rab yon tan g.ya' lung du bzhugs/__sras gnyis kyi chung ba kha ba so stag tu byon pas/__la stod byang gi 'khon tsho rnams 'phel bar bshad/__che ba yon tan 'byung ba la sras gsum byon pa'i sras tshul khrims rgyal po ste/__de la yang sras gsum byon pa'i bar pa brdal ba'i tshang tshing du byon/__thog mtha' gnyis g.ya' lung du bzhugs pa'i che ba gtsug tor shes rab la sras bdun gcung dang bcas pa la 'khon tsho brgyad du grags pa'i lnga pa dge skyabs shab tu byon pa'i sras gnyis kyi gcung las shab stod kyi 'khon tsho gyes/__gcen po dge mthong sras bal po/__de sras shAkya blo gros/__de sras shes rab tshul khrims dang /__dkon mchog rgyal po gnyis las/__shes rab tshul khrims gnyis gsang sngags snga 'gyur gyi bdag po grub pa'i sar bzhugs pa sha stag byon/__klu dbang srung sku mched ni mkhan slob gnyis kyi slob ma yin/__gzhan rnams ma nges/__'khon dkon mchog rgyal po shing khyir 'khrungs/__yab dang /__gcen 'brog mi/__'khyin lo tsA ba/__se ston/__'gos lo/__paN+Di ta shes rab gsang ba/__rma lo tsA/__mal lo/__ba ri/__gnam kha'u pa sku mched/__'khon sgyi chu ba/__skyu ra a seng sogs las gsan pa rgya cher mdzad/__bzhi bcu pa chu glang lor sa skya btab/__nga dgu pa chu sprel lor yum gu gur zhang mor sa chen 'khrungs/__re dgu pa chu rtar gshegs/__de sras sa chen kun dga' snying pos/__'jam dbyangs/__sgrol ma/__mi g.yo ba/__bir wa pa/__nag po pa/__/ga ya d+ha ra/__nags khrod pa/__ko tra li/__yab/__ba ri ba/__brang ti dar ma snying po/__khyung rin chen grags/__dpal me dig pa/__mes lhang 'tsher/__kha'u pa/__skyi chu ba/__mal lo/__pu hrang lo chung /__skyu ra a skyabs/__pad+ma hrIH__dz+nyA na badz+ra/__b+ha dra rA hu la/__dge bshes rngog__dpal rgwa lo sogs las gsan pa rgya cher mdzad/__zhal slob kyang /__mchog thob gsum/__bzod thob bdun/__gzhon nu'i sar gnas pa gcig/__gzhan yang dpal chen rgwa lo/__zla rgyal/__phag gru/__rta nag phag ston/__rgyal tshwa tal phug pa/__dbyar ston sdum pa/__gshen rdor seng /__gshen dgon dkar ba/__zhang ston sum thog pa dang/__spe dmar ba/__brag dmar gzhu/__skyu ra a seng /__nai tso sbal ston/__lho brag dkar ston/__'dzang ston 'dza' ne/__bsod nams rdo rje/__gnyags ston dbang rgyal/__rgya sgom tshul khrims brag__/mi nyag pradz+nyA dz+wa la/__kham pa sga seng /__'a 'u ma sogs bsam gyis mi khyab/__re bdun pa sa stag la gshegs/__de la btsun mo dang tsha rong dang jo lcam phur mor sras kun dga' 'bar/__gnyis pa tsha rong 'od/__sgron ma'i sras bsod nams rtse mo/__grags pa rgyal mtshan/__dpal chen 'od po ste gsum byon/__de yang dpal chen 'od po yab nga dgu pa lcags rta la 'khrungs/__lcam gar bu nyi khri la sa paN dang /__zangs tsha bsod nams rgyal mtshan gnyis byon/__nga bzhi pa chu phag la gshegs/__phyi ma yab so lnga bzhes pa chu 'brug la 'khrungs/__nga drug sa phag la gshegs/__/de la btsun mo lnga yod pa'i dang po tsha sna kun skyid/__rgyal po'i sras su 'phags pa rin po che dang /__'gro mgon phyag na pad+mo gnyis 'khrungs/__phyi ma'i btsun mor mgal/__chos 'bul/__zhwa lu mkha' 'gro 'bum gsum las phyi ma'i sras d+harma ba la/__de'i lcam dpal stag gnyis kyi phyi mar rat+na b+ha dra bltams/__zangs tsha'i btsun mo gnyis pa chu mdo mar/__/rin chen rgyal mtshan lcam bcas byung /__gsum pa gung thang lha gcig mdzes ma bsod nams 'bum dang /__nyi 'bum zhes lcam gnyis dang /__bzhi par g.ya' lung hor lcam la'ang sras mo gcig__/lnga pa mdzes ma'i nye gnas rdo rje gdan la/__yab nga lnga sa khyir ye shes 'byung gnas 'khrungs/__so bdun shing khyir gshegs/__de la btsun mo lhas 'bum ma'i sras su/__yab kyis nyer lnga bzhes pa chu khyi la bdag nyid chen po bzang po dpal bltams/__re gsum shing byir gshegs/__de las sman rtse ma dang /__lung zhud btsun mo drug ste bdun gyi/__dang po sman rtse'i sras chung ngu nas gshegs/___/__!_lung phud dang po rgyal po'i lcam mu dgon gyi sras su bsod nams bzang po lcam sring gnyis/__bsod nams bzang po'i btsun mo bud+d+ha gan gyi sras su rat+na b+ha dra bcas/___/__!_lung phud gnyis pa mang mkhar sog sbe ngang mor/__ti shrI kun dga' blo gros byon pa ste spyi la dbang bsgyur ba'i gdung rabs sras su grags pa rnams so/___/__!_de las gyes pa gzhi thog bla brang gi gdung rabs ni/__lung phud gsum pa glang mtshon spe ma nam mkha' rgyal mor/__yab zhe bzhi pa shing sbrul lor mkhas btsun nam mkha' legs pa 'khrungs/__so dgu pa chu lug la gshegs/__yab dang chos rje nor bzang dpal sogs bsten cing /__zhal slob bla ma dam pa sogs so/__/nam mkha' bshes gnyen dang nam mkha' rgyal mtshan gnyis ni de'i gcung ngo /__/mkhas btsun chen po'i btsun mo ngam ring khang gsar ma dge 'dun 'bum la/__yab so lnga sa yos lor kun dga' rin chen 'khrungs/__re gcig pa sa yos la gshegs/__de'i dbu bla ni/__chos rje bla ma/__mnyam med grags rgyal/__zhang ston dbang phyug rgyal/__mgon rgyal/__'jam sngon/__gung ru sogs bsten cing zhal slob kyang mang rab byung 'dra/__btsun mo gnyis kyi dang po nyi thog nam sar blo gros rgyal mtshan 'khrungs/__de'i btsun mo sa skya rgyal mo skyid la kun dga' dbang phyug bltams/__btsun mo gnyis pa mnyam med dbon mo ma gcig dge ma la/__grags pa blo gros/__kun dga' blo gros/__gzhan yang lcam gcig bcas 'khrungs/__grags blo'i btsun mo brag dkar mar blo gros dbang phyug 'khrungs pa rnams ni gzhi thog bla brang ba'i gdung rab bo/___/__!_de nas bla brang rin chen sgang ba'i gdung rabs ni/__lung phud drug pa zhwa lu gzhon 'bum gyi sras su kun dga' nyi ma/__don yod rgyal mtshan/__bsod nams rgyal mtshan te sku mched gsum las/__don yod rgyal mtshan yab nyer dgu pa lcags khyir 'khrungs/__so lnga shing sprel la gshegs/__des yab dang bsod nams grags pa/__dpal ldan seng ge/__grags pa seng ge/__dpang lo tsA ba/__bsod nams dpal/__rgyal sras thogs med/__chos dpal bzang sogs bsten nas tshogs chos gsungs/__zhal slob kyang shin tu mang /__de'i btsun mo zhwa lu ma yon tan dpal 'bum gyi sras su nyi ma rgyal mtshan dang /__zla ba rgyal mtshan gnyis bltams pa'i phyi ma la/__bla chen kun dga' rgyal mtshan zhes grags pa de yab so lnga shing sprel la 'khrungs/__sa khyi don lngar gshegs/__de'i bla ma ni/__bla ma dam pa/__mnyam med grags rgyal sogs bsten/__zhal slob kyang sa bzang 'phags pa/__theg chen kun dga' bkra shis sogs so/__/btsun mo zhwa lu ma nam mkha' rgyal mor/__yab nga lnga pa sa stag lor 'jam dbyangs nam mkha' rgyal mtshan 'khrungs/__don lnga chu 'brug la gshegs/__des yab dang /__theg chen rje bsod nams rgyal mchog__/rdo rje rgyal mtshan sogs la bsten/__de'i gcung bdag chen zhwa lu ba bsod nams rgyal mtshan lcam mo gnyis dang bcas par sras lcam sring bzhir grags/__nam mkha' rgyal mtshan btsun mo khro mda' ma dpal 'byung rgyal mor sras mo bzhi/__sras gnyis kyi che ba rgya gar shes rab rgyal mtshan dang /__chung ba rdo rje 'chang blo gros rgyal mtshan no/___/__!_bdag chen zhwa lu ba'i btsun mo yum ma gcig kun dga' 'bum la grags pa rgyal mtshan 'khrungs te/__de rnams ni bla brang rin chen sgang pa'i gdung rabs su grags pa'o/___/__!_de nas lha khang bla brang pa'i gdung rabs ni/__lung phud btsun mo bzhi pa sha gzugs ma kun dga' nam mkha'i rgyal mtshan zhes bya ba'i sras su ngag dbang kun dga' legs pa'i 'byung gnas dang /__kun dga' rgyal mtshan gnyis 'khrungs pa'i/__phyi ma yab zhe dgu pa lcags khyir 'khrungs/__zhe dgu sa khyir gshegs/__de la btsun mo gnyis kyi/__dang po kha phyar/__yab nyer gsum chu sprel la chos kyi rgyal mtshan 'khrungs/__nyer brgyad sa phag la gshegs/__btsun mo gnyis par lung bsod nams dpal mo'i sras su gcung po blo bzang rgyal ba 'khrungs/__chos kyi rgyal mtshan gyi btsun mo dang po chu mdo rgyal mo mtshor theg chen chos kyi rgyal po dang /__gnyis pa nyang stod sras skyabs la d+harma d+h+wa dza dang /__rdo rje rin chen gnyis bltams/__gsum pa lho pa dpal ldan 'bum la bsod nams bkra shis yab nyer gcig chu 'brug lor 'khrungs/__nga drug me phag la gshegs/__de'i dbu bla ni/__gzhi thog pa kun rin/__ma ti paN chen/__chos rje bla ma sogs bsten/__zhal slob kyang mang du byung /__de'i btsun mo byang mo ma gcig nam par/__yab gshegs pa'i sa pho byi lor bde legs bkra shis bltams/__de'i dgung grangs dbu bla zhal slob sogs mi gsal/__de'i btsun mo byang bdag sras mor/__bsod nams rgyal mtshan/__shAkya seng ge/__don grub rgyal mtshan/__bsam 'grub rgyal mtshan te sras bzhi byon/__shAkaX seng btsun mo dang po/__bo gcung dbon mon/__kun bkras/__kun rgyal/__kun snying ste gsum/__gnyis pa ma gcig yum bar rin chen rgyal mtshan zhes sku mched mtshan 'dra ba rnam gnyis 'khrungs/__kun dga' rgyal mtshan btsun mo gling kha dpon dkar mor chos kyi rgyal mtshan dang /__kun dga' legs pa 'khrungs pa rnams ni lha khang bla brang pa'i gdung rabs so/___/__!_de nas dus mchod bla brang zhes da lta'i rtsa ba'i gdung rabs ni/__lung phud lnga pa re mda' ma nyi ma rin chen gyi sras su nyi ma lcam gcig__/kun dga' legs 'byung dang gsum 'khrungs pa'i/__phyi ma yab zhe bdun sa sprel la bltams/__nyer dgu me byir gshegs/__de'i btsun mo dang po gung thang kun skyong mar lcam gcig 'khrungs/__gnyis pa ngam ring dge 'dun 'bum gyi sras bsod nams blo gros dang /__sku 'bring ni chung ngur gshegs/__grags pa rgyal mtshan te rnam pa gsum gyi phyi ma yab gshegs pa'i me byir 'khrungs/__zhe gnyis sa sbrul la gshegs/__des chos rje/__gcen brag phug pa/__mnyam med pa sogs bsten nas zhal slob mi gsal ba/__de'i btsun mo dang po lha rin mar kun dga' legs pa'i blo gros dang /__rnam sras rgyal mtshan mched gnyis byon/__gnyis pa stag tshang sras 'dren mar 'jam dbyangs chos rgyal bltams pa las/__rnam sras rgyal mtshan yab nyer lnga pa lcags khyir 'khrungs/__zhe dgu sa byir gshegs/__bla ma dam pa dang /__bsod nams blo gros sogs bsten/__de'i btsun mo dang po rta nag gru gur dbang kun dga' legs pa'i blo gros dang /__gnyis pa yan 'brog bsod nams 'bum dang /__yab bzhi bcu'i tshe nam mkha' legs pa 'khrungs/__zhe drug shing byir gshegs/__des 'brom ston seng ge bsten/__zhal slob kyang mang du yod snyam/__sku mched du gtogs pa'i lcam lnga'ang 'khrungs/__btsun mo dang po yar 'brog dpal chen la lcam gnyis dang /__gnyis pa mi nyag btsun ma skyid la nam mkha' rgyal mtshan yab so bdun shing yos lor 'khrungs/__nyer dgu chu lug lor gshegs/__de'i bla slob mi gsal zhing /__lcam lnga'ang 'khrungs/__btsun mo dang po shangs mthong smon par lcam gcig__/gzhon par slob dpon rin chen rgyal ba 'khrungs/__gsum pa rnam gling dpal 'byor bzang mor yab nyer bzhi pa sa stag la nam mkha' bkra shis 'khrungs/__zhe drug chu phag la gshegs/__des stag tshang lo tsA/__mi nyag grags rdor sogs bsten cing zhal slob kyang mang du byon/__btsun mo dma' ze hor mo tshe brtan gyi sras su sa lo kun dga' bsod nams/__ngag gi dbang phyug__/'jam dpal grags pa/__sangs rgyas tshe brtan te sku mched bzhi byon/__phyi ma yab so lnga chu byir bltams/__lnga bcu lcags glang la gshegs/__des mus chen sangs rgyas rin chen/__sa lo 'jam pa'i rdo rje sogs brten cing zhal slob kyang mang du byon snyam/__yar 'brog bu 'dren skyid khab tu bzhes/__sras sku mched gnyis byon pa'i dang po nas phyis byon rtse dong bla brang pa'i gdung rabs rnams mched pa ste/__de yang bdag chen kun dga' bsam 'grub yab nyer bzhi shing phag lor 'khrungs/__nga brgyad chu sprel la gshegs/__sa lo/__dkon lhun/__kun dga' legs grub/__smin gling lo chen sogs bsten/__zhal slob kyang mang ngo /__/btsun mo bde skyid gling pa ma gcig la/__yab so lnga sa byar kun dga' bde legs bltams shing /__bzhi bcu sa byir gshegs/__des kun dga' legs grub/__kun dga' rgyal mtshan/__yab dkon mchog dpal ldan/__thar paN/__byams pa rab brtan sogs bsten/__zhal slob kyang mang /__btsun mo rta nag bya bzang dpal bu khrid la/__rtse dong khri chen bsod nams lhun grub/__tshe dbang hor sogs bsod nams rgyal mtshan/__'jig rten rgya hor rnam gsum las/__phyi ma yab sum cu sa stag la bltams/__zhe brgyad shing glang gshegs/__gcen bgres pa/__thar paN/__byams pa rab brtan/__chos 'od zer sogs bsten/__zhal slob kha shas byung /__btsun mo stag lung ma nor 'dzoms bu khrid la/__bsod nams blo gros/__byams pa bsod nams lhun grub/__ngag dbang bsod nams lhun grub gsum byon pa'i phyi ma yab so drug chu glang lor 'khrungs/__re bzhi me 'brug la gshegs/__des gcen dang /__a mes zhabs sogs bsten/__zhal slob kyang 'ga' zhig byung /__btsun mo yol gdong ma nor bu khrid la/__bstan 'dzin dbang /__bsod nams 'phags pa/__bsod nams dbang rgyal gsum las/__phyi ma yab so drug pa shing byar bltams/__re drug lcags stag la gshegs/__des gcen bgres pa/__ngag dbang bstan rdor sogs bsten/__zhal slob kyang 'ga' zhig byung /__btsun mo stag lung ma bkra shis tshe ring la/__kun dga' tshe dbang rig 'dzin dang /__ngag dbang nor bu rgyan pa gnyis/__yang phal mo zhig las sras gcig ste gsum byon pa'i nor bu rgyal mtshan gyi btsun mor bya sgom tshe ring bu khrid bzhes mod/__yab sras de rnams kyi ring gdan sa 'thor nas yun ring song bas/__phyis ngag dbang kun dga' blo gros kyis dgung lo bco lnga bzhes pa'i tshe slar phyag tu 'byor te/__phyis byon rtse gdong bla brang gi gdung rabs su grags pa rnams so/___/__!_gong gi kun dga' bsam 'grub kyi gcung sngags 'chang kun dga' rin chen yab nyer drug pa me glang lor 'khrungs/__re brgyad shing sprel la gshegs/__sa lo dkon lhun/__'phags chen bkra shis dpal ldan/__spyan snga ngag dbang chos grags/__rje btsun sangs rgyas seng ge/__mkhan chen legs pa'i blo gros brten nas zhal slob dang mdzad pa rgya che/__btsun mo gsum gyi dang po shar gling mar sras mo gnyis/__gnyis pa gdong dga' mar bgres pa bsod nams legs 'dzom las/__'jam dbyangs bsod nams dbang po dang sras mo gsum/__gsum pa gzhon pa bkra shis dpal gyi bu khrid las/__yab zhe bdun par sngags 'chang grags pa blo gros 'khrungs/__nga lnga me sbrul la gshegs/__des yab dang /__gcen/__spyan snga dkon mchog rgyal po/__thar paN sogs bsten/__zhal slob kyang mang /__byang bdag lha sras bsod nams rgyal por/__sras drug byon pa'i dang po gnyis dang /__bzhi pa chung ngu nas gshegs/__gsum pa sgar chen mthu stobs dbang phyug__/lnga pa sngags 'chang kun dga' dbang rgyal dang /__drug pa 'jam mgon a mes zhabs kun dga' bsod nams yab so lnga me bya lor bltams/__sa phag re drug la gshegs/__khu bo mched/__khri chen bsod nams lhun grub/__gcen po gnyis/__gcig chos mus chen sangs rgyas rgyal mtshan/__thar paN/__mo pa spyan snga kun dga' don grub/__nags dgon sbyin pa grags/__'bum chen kun dga' dpal/__rdo rje 'chang dbang rab/__mkhan chen ngag chos la sogs bsten/__zhal slob mtha' klas/__sku mched gsum la sde srid lhan rtse ma'i nye gnas/__tsha shod mthong sman bu sring ma bkra shis dpal gyi bu bskyed ces bya ba khab tu bzhes par lcam gcig dang /__gdung gcig phebs pa chung ngu nas gshegs/__de nas ko cag 'gro mgon 'jigs bral gyi sras mo au D+yin skyabs ma bzhes par/__yab zhe gnyis pa sa stag la 'jam dbyangs bsod nams dbang phyug bltams/__zhe brgyad shing glang la gshegs/__des yab/__ngag dbang rnam rgyal/__rin chen bsod nams mchog grub/__ka spe ba bstan pa rab rgyas/__byang bdag bsod nams grags pa/__la ru ba ngag dbang dpal bzang sogs bsten nas nyid kyi rigs sras sogs zhal slob kyang mang du bskrun/__mgon de'i btsun mor bdag chen shar pa pad dkar bu khrid bzhes par yab bcu dgu me sprel lor ngag dbang kun dga' bkra shis 'khrungs/__nga drug shing yos la gshegs/__des 'jam mgon a mes zhabs/__yab rje/__ngag dbang rnam rgyal/__bstan pa rab rgyas/__lhun grub dpal ldan/__bzang po rgyal mtshan/__sangs rgyas phun tshogs/__smin gling lo chen/__dza lung pa/__bco brgyad chen mo sogs bsten/__zhal slob kyang mang /__de'i gcung gzhon nu nas gshegs/__btsun mo dang po sne'u gdong ma bkra shis dbang mor sras mi mnga'/__phyis bco brgyad pa'i sras mo bstan 'dzin bsod nams bzang mor gdung gnyis bltams kyang chung ngu nas gshegs/__des yab rje bsod nams rin chen yab lnga bcu bzhes pa shing byir 'khrungs/__so bdun pa lcags byar gshegs/__des yab rje/__bstan 'dzin phun tshogs/__bco brgyad pa mkhyen brtse rab brtan/__byams pa lha dbang rig 'dzin/__mchod dpon dkon mchog blo gros/__spro lung ba mang thos bsod nams chos 'phel/__gong dkar blo gros dbang phyug__/ngor chen bsod nams bzang po/__thar rtse rdo rje 'chang /__thub bstan tshul khrims bzang po/__lha khang mkhan po dbang phyug phun tshogs/__dza lung pa phrin las rdo rje sogs bsten/__zhal slob kyang mang /__thar rtse rje/__gnas gsar rje/__brag rtsa rje/__kun blo sku mched sogs bstan 'dzin mang du bskrun/__de la btsun mo dang po bzhad chos ma'i sras gnyis chung ngu nas gshegs/__phyi ma 'gro mgon ma bsod nams dpal gyi dbang mo de nyid ni lang gro dkon mchog 'byung gnas kyi rgyud ko cag sngags pa 'gro mgon pa'i sras mo ste/__de la sras mo bzhi dang rgyud gsum ste bdun byon pa las/__drug pa'i btsun mor sger ma bkra shis dbyangs can las da lta'i rje btsun grung 'di nyid dang /__gsum pa ni sa chen kun dga' blo gros yab nyer lnga sa byar 'khrungs/__nga lnga chu yos la gshegs/__de'i btsun mo dang po ru thog tshes lung rgyal mo'i sras mo phun tshogs tshe ring mar lcam gcig dang /__gnyis pa skal bzang bde skyid bu khrid las/__yab so lnga pa chu lug lor dbang sdud snying po dang/__so brgyad me khyi lor kun dga' phan bde rgya mtsho sku mched gnyis 'khrungs so/__/sarba mang+ga laM//____//_!_