JKW-KABUM-17-TSA-002-053

Previous Text Back to Volume PageNext Text

Wylie title
Location	mkhyen brtse'i bka' 'bum Volume 17, sde tshan 2, Text 53, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 17: . Khams sde dge rdzong sar dgon: Rdzong sar blo gros phun tshogs, 2020.
Genre	Medicine Texts - gso ba rig pa

1 Texts in this Section (sde tshan or chos tshan)

53 436-439	ཡང་སྨན་གྱི་སྦྱོར་སྡེ་འགའ། yang sman gyi sbyor sde 'ga' Medicine Texts - gso ba rig pa	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

ཡང་སྨན་གྱི་སྦྱོར་སྡེ་འགའ། ན་མོ་གུ་རུ་བྷཻཥ་ཛྱ་ཡ། །མི་ཐོད་རྙིང་པ་འབྲུག་རུས་ཏིགྟ་གསུམ། །སུམ་གཉིས་བསྡུས་ཐང་མགོ་ནད་སེལ་བར་བྱེད། །སྐྱེར་པ་མཁན་སྐྱ་བསྡུས་པའི་ཁུ་བ་ལས། །དོམ་མཁྲིས་བཏབ་བཏང་སྣ་ཁྲག་འཛག་པ་གཅོད། །ནག་མཚུར་༥སེང་ཕྲོམ་ཨ་རུའི་གྲང་ཐང་གིས། །མཁུར་བཀང་ཁ་ཡི་ཁྲག་ནད་ཟུག་གཟེར་འཇོམས། །བོང་ང་ཤིང་མངར་སྤང་རྒྱན་དཀར་བསྡུས་ཁུར། །ཅུ་གང་ཀར་སྦྱར་སྐད་འགགས་ཚ་སྐམ་སེལ། །སྲོ་ལོ་ཤིང་མངར་རྒྱ་སྐྱེགས་ག་དུར་ཐང་། །གློ་ཡི་ཁྲག་ཚད་གཟེར་དང་ལུད་པ་སེལ། །དུག་ཉུང་བོང་དཀར་ག་དུར་བ་ལེ་ཀའི། །ཐང་གིས་རྒྱུ་ལོང་སྣོད་ཚད་མ་ལུས་སེལ། །དེ་ལ་ཀ་པེད་འབྲས་བཏབ་ཚ་འཁྲུ་གཅོད། །སྒ་དང་ཤིང་ཀུན་བསྡུས་པའི་ཁུ་བ་ལ། །ཁ་རུ་ཚྭ་བཏབ་སྙིང་རླུང་སེལ་བར་བྱེད། །ཁ་རུ་ཚྭ་དང་ཟི་ར་པི་པི་ལིང་། །ཤིང་ཚ་ལ་ལ་ཕུད་དང་ཕོ་བ་རིས། །ཐང་གིས་ཁ་ཟས་མི་འཇུ་སྐྱུགས་པ་སེལ། །གྲང་སེལ་བཅའ་སྒ་རྒྱམ་ཚྭ་ཨ་རུ་ར། ཚན་མོས་དྲོད་ཆུང་གྲང་བ་མ་ལུས་སེལ། ། ༈ ག་བུར་བཟང་པོ་དྲུག་དང་ཨ་ག་རུ། །ཙནྡན་དཀར་དམར་ཨཏྤལ་གེ་སར་གཉིས། །རུ་ཏ་ཟི་ར་དཀར་པོ་བ་ལེ་ཀ །ཤིང་ཚ་ཆུ་སྲིན་སྡེར་མོ་པུ་ཤེལ་རྩེ། །སྤང་སྤོས་རྡོ་དྲེག་དམར་པོ་འབུ་སུ་ཧང་། །ཚ་གྲང་འབྲས་བུ་གསུམ་དང་ཚ་བ་གསུམ། །གུར་གུམ་༧ཅུ་གང་གི་ཝང་གཙོ་བོ་ལ། །ཤིང་མངར་རུ་རྟ་རྒུན་འབྲུམ་ཨ་ཀྲོང་བཞི། །བསྡེབས་པས་གློ་ཡི་ཚད་པ་སེལ་བར་བྱེད། །གི་ཝཾ་ཙནྡན་ཅུ་གུར་ཏིག་ཏ་དང་། །བ་ཤ་ཧོང་ལེན་བོང་དཀར་གཙོ་བོ་བརྒྱད། ། ༈ ཨ་གར་ཛཱ་ཏི་སྙིང་ཞོ་ཅུ་གང་སྤོས། །རུ་ཏ་ཨ་རུ་ནཱ་ག་གེ་སར་བརྒྱད། །བྲག་ཞུན་༩གླ་གུར་སུག་སྨེལ་དོམ་མཁྲིས་དང་། །བོང་དཀར་འཇིབ་རྩི་ཨ་རུ་ག་དུར་དགུ། ། དོམ་མཁྲིས་གསེར་མེ་དུག་ཉུང་གླ་སྒང་པ། །བོང་དཀར་བ་ལེ་རེ་སྐོན་མཁྲིས་ཕྱེ་བདུན། །ཅོང་ཞི་སེ་འབྲུ་བཞི་དང་ཨ་རུ་ར། །ཛཱ་ཏི་མ་ནུ་འུ་སུ་སྐྱུ་རུ་ར། །རྒྱམ་ཚྭ་སྒ་བཅས་ཅོང་ཞི་ཅུར་ནིས་སོ། །གུར་གུམ་ལི་ཤི་གི་ཝཾ་བསེ་རུ་མཚལ། །ཙན་དུག་གླ་རྩི་འཇམ་འབྲས་བོང་ང་དཀར། །རུ་ཏ་འབྲས་གསུམ་གུར་གུམ་བཅུ་གསུམ་མོ། །བསིལ་གསུམ་ཨུཏྤལ་སེ་འབྲུ་པི་པི་ལིང་། །ཤིང་ཚ་ཀ་ར་བཞི་འགྱུར་ཅུ་གང་བདུན། །ཚ་གྲང་ཆ་སྙོམས་དྭང་ག་འབྱེད་པར་བྱེད། །རྒུན་འབྲུམ་ཤིང་མངར་གློ་ནད་རྙིང་པ་སེལ། །ཙནྡན་གི་ཝཾ་ཚ་བ་གབ་རྙིང་སེལ། །ཅུ་གང་བདེ་བྱེད་ཆུང་འབྲིང་ཆེན་པོར་བཤད། །ལི་ཅུ་ཤིང་སྤང་རུ་རྟ་ཨ་རུ་དྲུག །རྒུན༧་ཅུ་གུར་ཤིང་མངར་གླ་སྒང་ཤིང་ཚ་སེ། །སེ་འབྲུ་ཤིང་ཚ་ཕོ་བ་རིས་དང་གསུམ། །ཁ་ཟས་མི་འཇུ་སྐད་འགགས་དབུགས་མི་བདེ། །ཁྱད་པར་ཁ་རུ་ཚྭ་བསྣན་སེ་འབྲུ་བཞི། །སྦོ་འཁྲོགས་སྐྲན་དང་མ་ཞུ་སྐྱུགས་པ་སེལ། །ཀ་རཉྫ་དང་བཅའ་སྒ་ཙི་ཏྲ་ཀ །བྱི་ཏངྒ་དང་ཨ་རུ་པི་པི་ལིང་། །དེ་སྟེང་ཁ་རུ་ཚྭ་དང་ཤིང་ཀུན་དང་། །ན་ལེ་ཤམ་སྡེབ་ཕོ་བ་སྦོས་པ་འཇོམས། །ཚྭ་གསུམ་སྡེབས་པས་མ་ཞུ་འཇུ་བར་བྱེད། །ད་ཏྲིག་སྨག་དང་ཐ་རམ་ལོ་ཙན་སྤོད། །བཙོད་ཁྲག་ལུག་མུར་བདུན་གྱིས་འཁྲུ་བ་གཅོད། །ཤིང་མངར་འབྲས་དང་བསེ་ཡབ་བྱི་ཏང་ཀ །གོ་སྙོད་འུ་སུ་དྲུག་པས་སྐྱུགས་པ་གཅོད། །བྱི་ཏང་ཀ་དང་སྒོག་སྐྱ་མ་རུ་རྩེ། །སོ་མ་རཱ་ཛ་དྲེས་འབྲུ་ཕུར་ཐལ་དང་། །གླ་རྩི་ཚ་གྲང་རྟས་བསྒྱུར་སྲིན་སྨན་མཆོག ། ༈ ཟི་ར་བཅའ་སྒ་ཤིང་ཀུན་བྱི་ཏང་ཀ །རྒྱ་ཚྭ་སྦྲངས་སྦྱར་རིལ་བུས་སོ་སྲིན་འཇོམས། ། ༈

[edit]

yang sman gyi sbyor sde 'ga'/ na mo gu ru b+haiSha dz+ya ya/__/mi thod rnying pa 'brug rus tig+ta gsum/__/sum gnyis bsdus thang mgo nad sel bar byed/__/skyer pa mkhan skya bsdus pa'i khu ba las/__/dom mkhris btab btang sna khrag 'dzag pa gcod/__/nag mtshur 5seng phrom a ru'i grang thang gis/__/mkhur bkang kha yi khrag nad zug gzer 'joms/__/bong nga shing mngar spang rgyan dkar bsdus khur/__/cu gang kar sbyar skad 'gags tsha skam sel/__/sro lo shing mngar rgya skyegs ga dur thang /__/glo yi khrag tshad gzer dang lud pa sel/__/dug nyung bong dkar ga dur ba le ka'i/__/thang gis rgyu long snod tshad ma lus sel/__/de la ka ped 'bras btab tsha 'khru gcod/__/sga dang shing kun bsdus pa'i khu ba la/__/kha ru tshwa btab snying rlung sel bar byed/__/kha ru tshwa dang zi ra pi pi ling /__/shing tsha la la phud dang pho ba ris/__/thang gis kha zas mi 'ju skyugs pa sel/__/grang sel bca' sga rgyam tshwa a ru ra/__tshan mos drod chung grang ba ma lus sel/___/_!_ga bur bzang po drug dang a ga ru/__/tsan+dan dkar dmar at+pal ge sar gnyis/__/ru ta zi ra dkar po ba le ka__/shing tsha chu srin sder mo pu shel rtse/__/spang spos rdo dreg dmar po 'bu su hang /__/tsha grang 'bras bu gsum dang tsha ba gsum/__/gur gum 7cu gang gi wang gtso bo la/__/shing mngar ru rta rgun 'brum a krong bzhi/__/bsdebs pas glo yi tshad pa sel bar byed/__/gi waM tsan+dan cu gur tig ta dang /__/ba sha hong len bong dkar gtso bo brgyad/__/_!_a gar dzA ti snying zho cu gang spos/__/ru ta a ru nA ga ge sar brgyad/__/brag zhun 9gla gur sug smel dom mkhris dang /__/bong dkar 'jib rtsi a ru ga dur dgu/__/_dom mkhris gser me dug nyung gla sgang pa/__/bong dkar ba le re skon mkhris phye bdun/__/cong zhi se 'bru bzhi dang a ru ra/__/dzA ti ma nu 'u su skyu ru ra/__/rgyam tshwa sga bcas cong zhi cur nis so/__/gur gum li shi gi waM bse ru mtshal/__/tsan dug gla rtsi 'jam 'bras bong nga dkar/__/ru ta 'bras gsum gur gum bcu gsum mo/__/bsil gsum ut+pal se 'bru pi pi ling /__/shing tsha ka ra bzhi 'gyur cu gang bdun/__/tsha grang cha snyoms dwang ga 'byed par byed/__/rgun 'brum shing mngar glo nad rnying pa sel/__/tsan+dan gi waM tsha ba gab rnying sel/__/cu gang bde byed chung 'bring chen por bshad/__/li cu shing spang ru rta a ru drug__/rgun7 cu gur shing mngar gla sgang shing tsha se/__/se 'bru shing tsha pho ba ris dang gsum/__/kha zas mi 'ju skad 'gags dbugs mi bde/__/khyad par kha ru tshwa bsnan se 'bru bzhi/__/sbo 'khrogs skran dang ma zhu skyugs pa sel/__/ka rany+dza dang bca' sga tsi tra ka__/byi tang+ga dang a ru pi pi ling /__/de steng kha ru tshwa dang shing kun dang /__/na le sham sdeb pho ba sbos pa 'joms/__/tshwa gsum sdebs pas ma zhu 'ju bar byed/__/da trig smag dang tha ram lo tsan spod/__/btsod khrag lug mur bdun gyis 'khru ba gcod/__/shing mngar 'bras dang bse yab byi tang ka__/go snyod 'u su drug pas skyugs pa gcod/__/byi tang ka dang sgog skya ma ru rtse/___/so ma rA dza dres 'bru phur thal dang /___/gla rtsi tsha grang rtas bsgyur srin sman mchog__/_!_zi ra bca' sga shing kun byi tang ka___/rgya tshwa sbrangs sbyar ril bus so srin 'joms/__/__!