JKW-KABUM-14-PHA-023-001

🚧 This website is under continued development. We appreciate your patience!

First text in section. Back to Volume PageNext Text

Wylie title
Location	mkhyen brtse'i bka' 'bum Volume 14, sde tshan 23, Text 1, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. yak+sha dzam+b+ha la ljang gu'i gtor 'bul 'dod rgu'i snying po. In 'jam dbyangs mkhyen brtse'i dbang po'i bka' 'bum, Vol. 14: 319-323. Khams sde dge rdzong sar dgon: Rdzong sar blo gros phun tshogs, 2020.
Genre

1 Texts in this Section (sde tshan or chos tshan)

1 369-373	སྔ་འགྱུར་སྡོམ་པ་གསུམ་གྱི་བརྒྱུད་པའི་བླ་མ་རྣམས་ལ་གསོལ་བ་འདེབས་པ། snga 'gyur sdom pa gsum gyi brgyud pa'i bla ma rnams la gsol ba 'debs pa Lineage Supplications - brgyud 'debs   ·   Vows - sdom pa	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

སྔ་འགྱུར་སྡོམ་གསུམ་བརྒྱུད་འདེབས།

༄༅། །སྔ་འགྱུར་སྡོམ་པ་གསུམ་གྱི་བརྒྱུད་པའི་བླ་མ་རྣམས་ལ་གསོལ་བ་འདེབས་པ་བཞུགས་སོ།། །།

ཨོཾ་སྭསྟི། འདིར་སྔ་འགྱུར་གཙོ་བོར་གྱུར་པའི་སྡོམ་པ་གསུམ་གྱི་བླ་མ་བརྒྱུད་པ་རྣམས་ལ་གསོལ་བ་འདེབས་པའི་རིམ་པ་འགའ་ཞིག་ཕྱོགས་གཅིག་ཏུ་བཀོད་པ་ལ། ཐོག་མར་སོ་ཐར་སྡོམ་རྒྱུད་ཀྱི་བརྒྱུད་འདེབས་ནི། མཚན་དཔེའི་གཟུགས་སྐུ་མཐོང་དང་ཚངས་དབྱངས་གསུང་། །ལན་ཅིག་ཐོས་པའི་མོད་ལ་སྲིད་ཞིའི་གདུང་། །རབ་བསལ་ཁྱོད་ཐུགས་རྣམ་མཁྱེན་ལ་སྦྱོར་བ། །ཀུན་མཁྱེན་ཉི་མའི་གཉེན་ལ་གསོལ་བ་འདེབས། །ཤཱ་རིའི་བུ་དང་རྒྱལ་རིགས་སྒྲ་གཅན་འཛིན། །བྲམ་ཟེའི་བཙུན་པ་རཱ་ཧུ་ལ་གུཔྟ། །འཕགས་མཆོག་ཀླུ་སྒྲུབ་སློབ་དཔོན་ལེགས་ལྡན་འབྱེད། །དཔལ་སྦས་ཡེ་ཤེས་སྙིང་པོར་གསོལ༴ །གངས་ཅན་བསྟན་པའི་ཉི་མ་ཞི་བ་འཚོ། །སྦ་རིགས་རཏྣ་གཙང་པ་རབ་གསལ་ཞབས། །ཤཱཀྱ་མུ་ནེ་གཡོར་པོ་དགེ་བ་འབྱུང་། །དགོངས་པ་རབ་གསལ་ཞབས་ལ༴ ཀླུ་མེས་ཚུལ་ཤེ་རྡོ་རྗེ་རྒྱལ་མཚན་དང་། །སྣེ་པོ་གྲགས་རྒྱལ་འབྲེ་ཆེན་ཤེས་རབ་འབར། །བརྩོན་འགྲུས་འབར་དང་གཞོན་ནུ་སེང་གེའི་ཞབས། །གྲོ་སྟོན་བདུད་རྩི་གྲགས་ལ༴ མཆིམས་ཆེན་ནམ་མཁའ་གྲགས་དང་གྲགས་ཤེ་བ། །མཆིམས་སྟོན་བློ་བཟང་གྲགས་པ་ཀུན་རྒྱལ་རྗེ། །གྲུབ་པ་ཤེས་རབ་པཎ་ཆེན་དགེ་འདུན་གྲུབ། །གནས་རྙིང་ཀུན་དགའི་མཚན་ལ༴ དགེ་འདུན་རྒྱ་མཚོ་དགེ་ལེགས་དཔལ་བཟང་པོ། །ཁ་སྐོང་ནི། དཔལ་འབྱོར་རྒྱ་མཚོ་དཀོན་མཆོག་ཆོས་འཕེལ་དང་། དཀོན་མཆོག་བསྟན་འཛིན་ངག་དབང་ཆོས་ཀྱི་དཔལ། །ཆོས་ཀྱི་གྲགས་པ་རྣམས་ལ༴ དྷརྨ་པ་ཏཱི་ཨཽ་ཌཱི་ཡཱ་ན་དང་། །པདྨའི་མཚན་ཅན་རྡོར་འཛིན་གསང་སྔགས་ཞབས། །བཀའ་དྲིན་མཉམ་མེད་རིག་འཛིན་བཟང་པོ་སྟེ། །མཁན་བརྒྱུད་དམ་པ་རྣམས་ལ༴ ཞེས་སོ། །ངན་སོང་གནས་གསུམ་སྡུག་བསྔལ་དྲག་པོས་མནར། །མི་དང་འདོད་ལྷ་འགྱུར་བའི་དུཿཁས་གཟིར། །གཟུགས་དང་གཟུགས་མེད་འདུ་བྱེད་འཆིང་བས་བཅིངས། །འཁོར་བའི་རང་མཚང་མངོན་སུམ་མཐོང་བར་ཤོག །ཚུལ་དེས་བཅོས་མིན་ཡིད་འབྱུང་ངེས་པ་ལྔ། །ཡོངས་བྲལ་ད་ཆོག་སྒོ་ནས་གསོལ་བཞིའི་ལས། །འཁྲུལ་མེད་ཆོ་གས་ཚངས་སྤྱོད་དཔལ་ཐོབ་སྟེ། །ངུར་སྨྲིག་འཛིན་པའི་མཆོག་ཏུ་འགྱུར་པར་ཤོག །མཐའ་གཉིས་སྤངས་པའི་བསོད་སྙོམས་ཟས་ཀྱིས་འཚོ། །ཤིང་དྲུང་ཙོག་པུ་ཙམ་གྱི་གནས་མལ་དང་། །རྙེད་བླ་ཕྱག་དར་ཁྲོད་པའི་ངུར་སྨྲིག་གོས། གཞན་གྱིས་སྤྱད་ཟིན་སྨན་ལ་བསྟེན་པར་ཤོག །ཕམ་པ་བཞི་དང་ལྷག་མ་བཅུ་གསུམ་གྲངས། །སྤང་ལྟུང་སུམ་ཅུ་ལྟུང་བྱེད་བཅུ་ཕྲག་དགུ། །སོར་བཤགས་བཞི་དང་ཉེས་བྱས་བརྒྱ་བཅུ་གཉིས། །བག་ཡོད་བརྟན་པོས་ཚུལ་བཞིན་སྲུང་བར་ཤོག །གཞན་གྱིས་ཁྲོ་དང་མཚོན་སོགས་ཉེ་བར་བརྡེག །གཤེ་དང་མཚང་འདྲུ་ལ་སོགས་གནོད་ཀུན་ལ། །དྲན་ཤེས་བརྟན་པོས་གཉེན་པོ་ལེགས་བསྟེན་ནས། །རྟག་ཏུ་བཟོད་པའི་གོ་ཆ་བགོ་བར་ཤོག །མཁན་སློབ་དགེ་བའི་བཤེས་ལ་མཆོག་ཏུ་དད། །ཚངས་པ་མཚུངས་པར་སྤྱོད་ལ་གཅིག་ཏུ་གུས། །སྡེ་སྣོད་ལུང་ལ་རབ་སྦྱངས་བསླབ་པ་གསུམ། །མངོན་པར་རྟོགས་པས་བདག་རྒྱུད་ཕྱུག་པར་ཤོག །བག་ཡོད་མཐུན་པའི་རླུང་གིས་ཚུལ་ཁྲིམས་གཟིངས། །མངོན་མཐོའི་རིན་ཆེན་གླིང་བགྲོད་ཐར་པའི་ནོར། །ལྷག་བསམ་རྒྱལ་མཚན་རྩེ་མོར་ཡོངས་བཀོད་ནས། །འགྲོ་རྣམས་ཕན་བདེའི་འདོད་དགུས་ཚིམ་བྱེད་ཤོག ། ༈

[edit]

snga 'gyur sdom gsum brgyud 'debs/ @#/__/snga 'gyur sdom pa gsum gyi brgyud pa'i bla ma rnams la gsol ba 'debs pa bzhugs so//__// oM swasti/__'dir snga 'gyur gtso bor gyur pa'i sdom pa gsum gyi bla ma brgyud pa rnams la gsol ba 'debs pa'i rim pa 'ga' zhig phyogs gcig tu bkod pa la/__thog mar so thar sdom rgyud kyi brgyud 'debs ni/__mtshan dpe'i gzugs sku mthong dang tshangs dbyangs gsung /__/lan cig thos pa'i mod la srid zhi'i gdung /__/rab bsal khyod thugs rnam mkhyen la sbyor ba/__/kun mkhyen nyi ma'i gnyen la gsol ba 'debs/__/shA ri'i bu dang rgyal rigs sgra gcan 'dzin/__/bram ze'i btsun pa rA hu la gup+ta/__/'phags mchog klu sgrub slob dpon legs ldan 'byed/__/dpal sbas ye shes snying por gsol=__/gangs can bstan pa'i nyi ma zhi ba 'tsho/__/sba rigs rat+na gtsang pa rab gsal zhabs/__/shAkya mu ne g.yor po dge ba 'byung /__/dgongs pa rab gsal zhabs la=__klu mes tshul she rdo rje rgyal mtshan dang /__/sne po grags rgyal 'bre chen shes rab 'bar/__/brtson 'grus 'bar dang gzhon nu seng ge'i zhabs/__/gro ston bdud rtsi grags la=__mchims chen nam mkha' grags dang grags she ba/__/mchims ston blo bzang grags pa kun rgyal rje/__/grub pa shes rab paN chen dge 'dun grub/__/gnas rnying kun dga'i mtshan la=__dge 'dun rgya mtsho dge legs dpal bzang po/__/kha skong ni/__dpal 'byor rgya mtsho dkon mchog chos 'phel dang /__dkon mchog bstan 'dzin ngag dbang chos kyi dpal/__/chos kyi grags pa rnams la=__d+harma pa tI au DI yA na dang /__/pad+ma'i mtshan can rdor 'dzin gsang sngags zhabs/__/bka' drin mnyam med rig 'dzin bzang po ste/__/mkhan brgyud dam pa rnams la=__zhes so/__/ngan song gnas gsum sdug bsngal drag pos mnar/__/mi dang 'dod lha 'gyur ba'i duHkhas gzir/__/gzugs dang gzugs med 'du byed 'ching bas bcings/__/'khor ba'i rang mtshang mngon sum mthong bar shog__/tshul des bcos min yid 'byung nges pa lnga/__/yongs bral da chog sgo nas gsol bzhi'i las/__/'khrul med cho gas tshangs spyod dpal thob ste/__/ngur smrig 'dzin pa'i mchog tu 'gyur par shog__/mtha' gnyis spangs pa'i bsod snyoms zas kyis 'tsho/__/shing drung tsog pu tsam gyi gnas mal dang /__/rnyed bla phyag dar khrod pa'i ngur smrig gos/__gzhan gyis spyad zin sman la bsten par shog__/pham pa bzhi dang lhag ma bcu gsum grangs/__/spang ltung sum cu ltung byed bcu phrag dgu/__/sor bshags bzhi dang nyes byas brgya bcu gnyis/__/bag yod brtan pos tshul bzhin srung bar shog__/gzhan gyis khro dang mtshon sogs nye bar brdeg__/gshe dang mtshang 'dru la sogs gnod kun la/__/dran shes brtan pos gnyen po legs bsten nas/__/rtag tu bzod pa'i go cha bgo bar shog__/mkhan slob dge ba'i bshes la mchog tu dad/__/tshangs pa mtshungs par spyod la gcig tu gus/__/sde snod lung la rab sbyangs bslab pa gsum/__/mngon par rtogs pas bdag rgyud phyug par shog__/bag yod mthun pa'i rlung gis tshul khrims gzings/__/mngon mtho'i rin chen gling bgrod thar pa'i nor/__/lhag bsam rgyal mtshan rtse mor yongs bkod nas/__/'gro rnams phan bde'i 'dod dgus tshim byed shog___/__!_