JKW-KABUM-14-PHA-009

🚧 This website is under continued development. We appreciate your patience!

Previous Section"PHA" is not a number. Back to Volume Page"PHA" is not a number.Next Section "PHA" is not a number.

Wylie title
Location	mkhyen brtse'i bka' 'bum Volume , sde tshan 9, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation
Genre	Collected Works - Selected - bka' 'bum "PHA" is not a number.

1 Texts in this Section (sde tshan or chos tshan)

133-134	སྐུ་གསུམ་རིགས་འདུས་ཀྱི་བླ་མ་བརྒྱུད་པའི་གསོལ་འདེབས། sku gsum rigs 'dus kyi bla ma brgyud pa'i gsol 'debs Lineage Supplications - brgyud 'debs	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

"PHA" is not a number.

Tibetan Text

Wylie

[edit]

གྲོལ་ཐིག་སྐོར་ལ། སྐུ་གསུམ་རིགས་འདུས་བརྒྱུད་འདེབས་ལྡེབ།

༄༅། །པདྨའི་ཞལ་གདམས་རྩ་གསུམ་མཐོང་བ་རང་གྲོལ་གྱི་སྙན་བརྒྱུད་ཡི་གེ་མེད་པའི་ཆོས་སྡེ་སྐུ་གསུམ་རིགས་འདུས་ཀྱི་བླ་མ་བརྒྱུད་པའི་གསོལ་འདེབས་བཞུགས་སོ། ། ཨེ་མ་ཧོཿ འོག་མིན་རྣམ་དག་གདོད་མའི་ཞིང་ཁམས་ནས། །ཆོས་སྐུའི་བླ་མ་ཀུན་བཟང་ཡབ་ཡུམ་ལ། །གསོལ་བ་འདེབས་སོ་འཇའ་ལུས་འགྲུབ་པར་ཤོག །ངེས་པ་ལྔ་ལྡན་ལོངས་སྐུའི་ཞིང་ཁམས་ནས། །ལོངས་སྐུའི་བླ་མ་རྡོར་སེམས་རིགས་ལྔ་ལ། །གསོལ་བ་འདེབས་སོ་འཇའ་ལུས༴ །སྟོང་གསུམ་མི་མཇེད་བྱེ་བ་ཕྲག་བརྒྱ་ན། །སྤྲུལ་སྐུའི་བླ་མ་དགའ་རབ་རྡོ་རྗེ་ལ། །གསོལ་བ་འདེབས་སོ༴ འཕགས་པའི་ཡུལ་གྱི་དུར་ཁྲོད་བརྒྱད་སོགས་ནས། །པཎ་གྲུབ་རིག་འཛིན་གྲུབ་ཆེན་བརྒྱད་རྣམས་ལ། །གསོལ་བ་འདེབས་སོ༴ །བྲག་དམར་བསམ་ཡས་དབུ་རྩེ་རིགས་གསུམ་ནས། །ཨོ་རྒྱན་པདྨ་རྗེ་འབངས་གྲོགས་གསུམ་ལ། །གསོལ་བ་འདེབས་སོ༴ ཤཱནྟ་པཱུ་རི་སྔགས་ཀྱི་གྲོང་ཁྱེར་ནས། །བརྡ་ཤོག་བཀའ་བབས་པྲཛྙཱ་རསྨི་ལ། །གསོལ་བ་འདེབས་སོ༴ ལས་རླུང་རྣམ་དག་དབུ་མའི་ཕོ་བྲང་ནས། །དོན་བརྒྱུད་བཀའ་བབས་པདྨ་དབང་ཆེན་ལ། །གསོལ་བ་འདེབས་སོ༴ དེ་ལྟར་གསོལ་བཏབ་རྩེ་གཅིག་དད་པའི་མཐུས། སྣང་སྲིད་འཁོར་འདས་སྐུ་གསུམ་རིགས་འདུས་ཀྱི། །ལྷ་སྔགས་ཆོས་ཉིད་ངོ་བོར་རྒྱས་ཐེབས་ནས། །སྐུ་གསུམ་པདྨ་འོད་དུ་གྲོལ་བར་ཤོག །ཁྱད་པར་རྫོགས་ཆེན་འབུམ་ཕྲག་དྲུག་ཅུ་བཞིའི། །རྒྱུད་ཀྱི་བཅུད་ཐིག་པདྨའི་ཐུགས་ཀྱི་མཐིལ། །སྙན་བརྒྱུད་ཡི་གེ་མེད་པའི་རྫོགས་རིམ་གྱིས། །རིག་འཛིན་བླ་མའི་དཀྱིལ་འཁོར་བསྒྲུབས་པའི་མཐུས། །རླུང་སེམས་དབུ་མའི་གནས་སུ་ཆུད་པར་ཤོག །ཡས་བབས་མས་བརྟན་དགའ་བཞིའི་འགྲོས་བཟང་པོས། །ཀུན་རྫོབ་བྱང་སེམས་དབབ་ཟློག་རྩལ་འབྱོངས་ཏེ། །འཁོར་ལོ་དྲུག་གི་རྩ་མདུད་གྲོལ་ནས་ཀྱང་། །དོན་དམ་བྱང་སེམས་བཅུད་དུ་སྨིན་པར་ཤོག །འབྱུང་བཞི་ཟད་སར་ཟབ་མོའི་ཏིང་འཛིན་གྱིས། །རགས་ལུས་མི་སྣང་སྤྲུལ་བསྒྱུར་རྩལ་ཆེན་འབྱོངས། །དོན་དམ་རིག་པ་ཚད་ལ་ཕེབས་པའི་ཀློང་། །སྣང་བཞིའི་རྩལ་རྫོགས་འཇའ་ལུས་འགྲུབ་པར་ཤོག །ཅེས་པའང་ལུང་བསྟན་དུས་ལ་བབ་པའི་ཚེ། སྒྲུབ་བརྩོན་ཀཱིརྟིའི་མཚན་ཅན་སོགས་འགས་སྐུལ་མ་གནང་བ་བཞིན་ཨཽཌི་ཡཱ་ནའི་སློབ་དཔོན་ཆེན་པོས་བྱིན་གྱིས་བརླབས་པའི་མཁྱེན་བརྩེའི་ལྷས་སོ།། །།མངྒ་ལཾ།། །།

[edit]

grol thig skor la/__sku gsum rigs 'dus brgyud 'debs ldeb/ @#/_/pad+ma'i zhal gdams rtsa gsum mthong ba rang grol gyi snyan brgyud yi ge med pa'i chos sde sku gsum rigs 'dus kyi bla ma brgyud pa'i gsol 'debs bzhugs so/__/ e ma hoH__'og min rnam dag gdod ma'i zhing khams nas/__/chos sku'i bla ma kun bzang yab yum la/__/gsol ba 'debs so 'ja' lus 'grub par shog__/nges pa lnga ldan longs sku'i zhing khams nas/__/longs sku'i bla ma rdor sems rigs lnga la/__/gsol ba 'debs so 'ja' lus=__/stong gsum mi mjed bye ba phrag brgya na/__/sprul sku'i bla ma dga' rab rdo rje la/__/gsol ba 'debs so=__'phags pa'i yul gyi dur khrod brgyad sogs nas/__/paN grub rig 'dzin grub chen brgyad rnams la/__/gsol ba 'debs so=__/brag dmar bsam yas dbu rtse rigs gsum nas/__/o rgyan pad+ma rje 'bangs grogs gsum la/__/gsol ba 'debs so=__shAn+ta pU ri sngags kyi grong khyer nas/__/brda shog bka' babs pradz+nyA rasmi la/__/gsol ba 'debs so=__las rlung rnam dag dbu ma'i pho brang nas/__/don brgyud bka' babs pad+ma dbang chen la/__/gsol ba 'debs so=__de ltar gsol btab rtse gcig dad pa'i mthus/__snang srid 'khor 'das sku gsum rigs 'dus kyi/__/lha sngags chos nyid ngo bor rgyas thebs nas/__/sku gsum pad+ma 'od du grol bar shog__/khyad par rdzogs chen 'bum phrag drug cu bzhi'i/__/rgyud kyi bcud thig pad+ma'i thugs kyi mthil/__/snyan brgyud yi ge med pa'i rdzogs rim gyis/__/rig 'dzin bla ma'i dkyil 'khor bsgrubs pa'i mthus/__/rlung sems dbu ma'i gnas su chud par shog__/yas babs mas brtan dga' bzhi'i 'gros bzang pos/__/kun rdzob byang sems dbab zlog rtsal 'byongs te/__/'khor lo drug gi rtsa mdud grol nas kyang /__/don dam byang sems bcud du smin par shog__/'byung bzhi zad sar zab mo'i ting 'dzin gyis/__/rags lus mi snang sprul bsgyur rtsal chen 'byongs/__/don dam rig pa tshad la phebs pa'i klong /__/snang bzhi'i rtsal rdzogs 'ja' lus 'grub par shog__/ces pa'ang lung bstan dus la bab pa'i tshe/__sgrub brtson kIrti'i mtshan can sogs 'gas skul ma gnang ba bzhin auDi yA na'i slob dpon chen pos byin gyis brlabs pa'i mkhyen brtse'i lhas so//__//mang+ga laM//__//