JKW-KABUM-11-DA-014-001

🚧 This website is under continued development. We appreciate your patience!

First text in section. Back to Volume PageNext Text

Wylie title
Location	mkhyen brtse'i bka' 'bum Volume 11, sde tshan 14, Text 1, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 11: 241-. Khams sde dge rdzong sar dgon: Rdzong sar blo gros phun tshogs, 2020.
Genre

1 Texts in this Section (sde tshan or chos tshan)

1 403-409	རིགས་བྱེད་མའི་སྒོམ་བཟླས་སྲིད་གསུམ་ཡིད་འཕྲོག། rigs byed ma'i sgom bzlas srid gsum yid 'phrog Activity Manual - las byang	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

༄༅། །རིག་བྱེད་མའི་སྒོམ་བཟླས་སྙིང་པོར་དྲིལ་བ་སྲིད་གསུམ་ཡིད་འཕྲོག་ཅེས་བྱ་བ་བཞུགས་སོ།། །། ན་མོ་གུ་རུ་ཀུ་རུ་ཀུ་ལླཱ་པ་དཱ་ཡ། འདིར་བསྡུས་པའི་ཚུལ་གྱིས་རྗེ་བཙུན་མ་ཀུ་རུ་ཀུ་ལླེ་བསྒོམ་པར་འདོད་པས་བདེ་བའི་སྟན་ལ་བསམ་གཏན་གྱི་སྤྱོད་ལམ་དང་ལྡན་པས་འཁོད། སྐྱབས་ཡུལ་གསལ་གདབ། སྐྱབས་སེམས་ནི། བདག་སོགས་འགྲོ་ཀུན་བྱང་ཆུབ་བར། །བླ་མ་དཀོན་མཆོག་རྣམ་གསུམ་ལ། །གུས་པས་སྐྱབས་མཆི་གཞན་དོན་ཕྱིར། །ཟབ་མོའི་རྣལ་འབྱོར་བསྒོམ་པར་བགྱི། །ཞེས་ཅི་ནུས་དང་། བསོད་ནམས་ཀྱི་ཚོགས་བསགས་པ་ནི། །རང་ཉིད་སྐད་ཅིག་ཞལ་གཅིག་ཕྱག་གཉིས་མདའ་གཞུ་འཛིན་པ་རྗེ་བཙུན་མར། །གསལ་བའི་ཐུགས་ནས་འོད་འཕྲོས་པས། །བླ་མ་ཀུ་རུ་ཀུལླེའི་ཚོགས། །མདུན་གྱི་ནམ་མཁར་སྤྱན་དྲངས་གྱུར། །ན་མོ་གུ་རུ་ཤྲཱི་ཀུ་རུ་ཀུལླེ་མཎྜ་ལེ་བྷྱཿ ཨོཾ་གུ་རུ་ཤྲཱི་ཀུ་རུ་ཀུལླེ་མཎྜལ་ས་པ་རི་ཝཱ་ར་ཨརྒྷཾ། པཱ་དྱཾ། པུཥྤེ། དྷཱུ་པེ། ཨཱ་ལོ་ཀེ། གནྡྷེ། ནཻ་བིདྱཱ། ཤཔྟ་པྲ་ཏཱི་ཙྪ་སྭཱ་ཧཱ། དཀོན་མཆོག་གསུམ་ལ་བདག་སྐྱབས་མཆི། །སྡིག་པ་ཐམས་ཅད་སོ་སོར་བཤགས། །འགྲོ་བའི་དགེ་ལ་རྗེས་ཡི་རངས། །སངས་རྒྱས་བྱང་ཆུབ་ཡིད་ཀྱིས་གཟུང་། །སངས་རྒྱས་ཆོས་དང་ཚོགས་མཆོག་ལ། །བྱང་ཆུབ་བར་དུ་སྐྱབས་སུ་མཆི། །རང་གཞན་དོན་ནི་རབ་བསྒྲུབ་ཕྱིར། །བྱང་ཆུབ་སེམས་ནི་བསྐྱེད་པར་བགྱི། །བྱང་ཆུབ་མཆོག་གི་སེམས་ནི་བསྐྱེད་བགྱིས་ནས། །སེམས་ཅན་ཐམས་ཅད་བདག་གིས་མགྲོན་དུ་གཉེར། །བྱང་ཆུབ་སྤྱོད་མཆོག་ཡིད་འོང་སྤྱད་པར་བགྱི། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ལན་གསུམ། སེམས་ཅན་བདེ་ལྡན་སྡུག་བསྔལ་བྲལ། །བདེ་ལས་ཉམས་མེད་བཏང་སྙོམས་ཤོག །ཚོགས་ཞིང་རང་ལ་ཐིམ་པར་གྱུར། །ཡེ་ཤེས་ཀྱི་ཚོགས་བསགས་པ་ནི། ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོ྅་ཧཾ། ཞེས་བརྗོད་པས་ཆོས་ཐམས་ཅད་འོད་གསལ་སྟོང་ཉིད་དུ་བསམ་ལ་བློ་བཞག །སྟོང་པའི་ངང་ལས་ཕྱི་རོལ་ཏུ། །དུར་ཁྲོད་བརྒྱད་ཀྱིས་བསྐོར་བའི་དབུས། །པད་ཉི་ཧཱུྃ་ཡིག་ཡོངས་གྱུར་ལས། །སྣ་ཚོགས་རྡོ་རྗེ་ཧཱུྃ་གིས་མཚན། །འོད་འཕྲོས་རྡོ་རྗེའི་སྲུང་འཁོར་གྱུར། །དེ་དབུས་པྃ་ལས་པདྨ་དང་། །པྃ་ལས་ཉི་དཀྱིལ་མི་རོའི་སྟེང་། །ཧྲཱིཿལས་ཨུཏྤལ་ཧྲཱིཿས་མཚན་པའི། །འོད་ཀྱིས་འཕགས་མཆོད་འགྲོ་སྒྲིབ་སྦྱངས། །བརྟན་གཡོའི་དངོས་ཀུན་ལྷར་བྱས་ཏེ། །ཚུར་འདུས་ཡོངས་སུ་གྱུར་པ་ལས། །བདག་ཉིད་སྐད་ཅིག་རྗེ་བཙུན་མ། །དམར་གསལ་ཞལ་གཅིག་ཕྱག་བཞིས་མཛེས། །བཅུ་དྲུག་ན་ཚོད་འཛུམ་ཁྲོའི་ཉམས། །དམར་ཟླུམ་སྤྱན་གསུམ་གཡོན་དུ་གཟིགས། དབུ་སྐྲ་དམར་སྣུམ་གྱེན་དུ་བསྐྱོད། །ཐོད་སྐམ་ལྔ་དང་དར་དཔྱངས་བཅིངས། །མགོ་རློན་ལྔ་བཅུའི་དོ་ཤལ་འཕྱང་། །རྩ་ཕྱག་ཨུཏྤལ་མདའ་གཞུ་དང་། །ལྷག་མ་ལྕགས་ཀྱུ་ཞགས་པ་འཛིན། །རབ་ཏུ་སྒེག་ཅིང་ཆགས་པའི་ཚུལ། །རིན་ཆེན་རུས་རྒྱན་སྟག་ཤམ་ཅན། །གཡས་བསྐུམ་གཡོན་བརྐྱང་གར་སྟབས་འགྱིང་། །མཐོང་ཐོས་དྲན་པས་ཡིད་འཕྲོག་ཅིང་། །འོད་འབར་ཉི་མའི་རྒྱབ་ཡོལ་མཛད། །གནས་གསུམ་འབྲུ་གསུམ་འོད་ཟེར་གྱིས། །ཡེ་ཤེས་སེམས་དཔའ་ས་མཱ་ཛཿ ཨོཾ་ཤྲཱི་ཀུ་རུ་ཀུལླེ་ཨརྒྷཾ། པཱ་དྱཾ། པུཥྤེ། དྷཱུ་པེ། ཨཱ་ལོ་ཀེ། གནྡྷེ། ནཻ་བི་དྱཱ། ཤཔྡ་པྲ་ཏཱི་ཙྪ་སྭཱ་ཧཱ། ཛཿཧཱུྃ་བྃ་ཧོ་རང་ལ་ཐིམ། སླར་ཡང་དབང་ལྷ་སྤྱན་དྲངས་ནས། །ཡེ་ཤེས་བདུད་རྩིས་དབང་བསྐུར་བས། །སྐུ་གང་སྒྲིབ་དག་རིགས་ཀྱི་བདག །འོད་དཔག་མེད་པས་དབུར་བརྒྱན་གྱུར། །ཨོཾ་ཤྲཱི་ཀུ་རུ་ཀུལླེ། ཨརྒྷཾ། པཱ་དྱཾ། པུཥྤེ། དྷཱུ་པེ། ཨཱ་ལོ་ཀེ། གནྡྷེ། ནཻ་བི་དྱཱ། ཤཔྡ་པྲ་ཏཱི་ཙྪ་སྭཱ་ཧཱ། ཞེས་པས་ཕྱི་མཆོད་དང་། ཨོཾ་ཨཱཿཧཱུྃ་ཧ་ཧོ་ཧྲཱིཿས་ནང་མཆོད་བྱིན་གྱིས་བརླབས་ལ་ཨོཾ་ཨཱཿཧཱུྃ་གིས་མྱངས་པས་བདེ་བ་ཆེན་པོའི་ཡེ་ཤེས་སྐྱེས་པར་བསམ། བརྩེ་བས་རྗེས་ཆགས་པདྨ་རཱ་གའི་མདོག །ཞལ་གཅིག་ཕྱག་བཞི་ཞབས་གཉིས་མཛེས་པའི་སྐུ། །ཡེ་ཤེས་མདའ་གཞུ་ཨུཏྤལ་ལྕགས་ཀྱུ་འཛིན། །རྗེ་བཙུན་རིག་བྱེད་མ་ལ་ཕྱག་འཚལ་ལོ། །ཞེས་བསྟོད། བཟླས་པ་བྱ་བ་ནི། རང་གི་སྙིང་གར་ཉི་མའི་སྟེང་། །ཧྲཱིཿམཐར་སྔགས་ཕྲེང་དམར་པོས་བསྐོར། །འོད་འཕྲོས་སྲིད་ཞིའི་ཕུན་ཚོགས་ཀུན། །ཐོག་པ་མེད་པར་དབང་བསྡུས་གྱུར། །ཨོཾ་ཀུ་རུ་ཀུལླེ་ཧྲཱིཿསྭཱ་ཧཱ། ཞེས་མི་ཚིག་གིས་བར་མཆོད་པར་ཅི་ནུས་སུ་བཟླ། ཐུན་ལས་ལྡང་བ་ན། གནས་གསུམ་དུ་རྡོ་རྗེ་གསུམ་གྱི་ངོ་བོ་འབྲུ་གསུམ་གྱིས་མཚན་པར་མོས་ལ། ཨོཾ་ཨཱཿཧཱུྃ་ཞེས་བརྗོད། དགེ་བ་འདི་ཡིས་མྱུར་དུ་བདག །རིག་བྱེད་དབང་མོ་འགྲུབ་གྱུར་ནས། །འགྲོ་བ་གཅིག་ཀྱང་མ་ལུས་པ། །དེ་ཡི་ས་ལ་འགོད་པར་ཤོག །ཚེ་རིང་ནད་མེད་འབྱོར་ལྡན་ཞིང་། །འགྲོ་ཀུན་རྟག་ཏུ་འདུན་པ་དང་། །ཇི་ལྟར་བསམ་པའི་དོན་རྣམས་ཀུན། །ཆོས་བཞིན་འགྲུབ་པར་མཛད་དུ་གསོལ། །འབད་དང་རྩོལ་བས་མ་གོས་པ། །ཡིད་བཞིན་ནོར་བུ་དཔག་བསམ་བཞིན། །སེམས་ཅན་རེ་བ་སྐོང་མཛད་པ། །བསམ་པ་འགྲུབ་པའི་བཀྲ་ཤིས་ཤོག །ཅེས་སོགས་བསྔོ་སྨོན་ཤིས་བརྗོད་ཇི་ལྟར་རིགས་པ་བྱས་ཏེ་སྤྱོད་ལམ་ལ་འཇུག །ཐུན་མཚམས་ཐམས་ཅད་དུ་སྣང་གྲགས་རྟོག་གསུམ་རྗེ་བཙུན་མའི་གསང་བ་གསུམ་དུ་ཤེས་པའི་ལམ་ཁྱེར་དང་མ་བྲལ་བའི་སྒོ་ནས་སྤྱོད་ལམ་དགེ་བའི་རྩ་བས་དུས་འདའ་བར་བྱའོ། །ཞེས་པའང་འོད་གསལ་ལྷའི་རིགས་ལས་སོན་པའི་ནོར་འཛིན་སྐྱོང་བའི་དབང་མོ་མཆོག་གི་ཐུགས་དམ་ཉམས་གཞེས་སུ་འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་ཚར་ཆེན་རྡོ་རྗེ་འཆང་གི་གསུང་རབ་ཇི་ལྟ་བར་མདོར་བསྡུས་ཚིགས་བཅད་ཀྱི་ཕྲེང་བར་བསྡེབས་པའི་དགེ་ལེགས་མཆོག་ཏུ་གྱུར་ཅིག །སརྦ་དཱ་སིདྡྷི་བ་ར་སྥཱུཊ་བྷཱུ་ཡཱཏ།། །། ༈

[edit]

rigs byed ma'i sgom bzlas srid gsum yid 'phrog/ @#/__/rig byed ma'i sgom bzlas snying por dril ba srid gsum yid 'phrog ces bya ba bzhugs so//__// na mo gu ru ku ru ku l+lA pa dA ya/__'dir bsdus pa'i tshul gyis rje btsun ma ku ru ku l+le bsgom par 'dod pas bde ba'i stan la bsam gtan gyi spyod lam dang ldan pas 'khod/__skyabs yul gsal gdab/__skyabs sems ni/__bdag sogs 'gro kun byang chub bar/__/bla ma dkon mchog rnam gsum la/__/gus pas skyabs mchi gzhan don phyir/__/zab mo'i rnal 'byor bsgom par bgyi/__/zhes ci nus dang /__bsod nams kyi tshogs bsags pa ni/__/rang nyid skad cig zhal gcig phyag gnyis mda' gzhu 'dzin pa rje btsun mar/__/gsal ba'i thugs nas 'od 'phros pas/__/bla ma ku ru kul+le'i tshogs/__/mdun gyi nam mkhar spyan drangs gyur/__/na mo gu ru shrI ku ru kul+le maN+Da le b+h+yaH__oM gu ru shrI ku ru kul+le maN+Dal sa pa ri wA ra ar+g+haM/__pA d+yaM/__puSh+pe/__d+hU pe/__A lo ke/__gan+d+he/__nai bid+yA/__shap+ta pra tI ts+tsha swA hA/__dkon mchog gsum la bdag skyabs mchi/__/sdig pa thams cad so sor bshags/__/'gro ba'i dge la rjes yi rangs/__/sangs rgyas byang chub yid kyis gzung /_/sangs rgyas chos dang tshogs mchog la/__/byang chub bar du skyabs su mchi/__/rang gzhan don ni rab bsgrub phyir/__/byang chub sems ni bskyed par bgyi/__/byang chub mchog gi sems ni bskyed bgyis nas/__/sems can thams cad bdag gis mgron du gnyer/__/byang chub spyod mchog yid 'ong spyad par bgyi/__/'gro la phan phyir sangs rgyas 'grub par shog__/lan gsum/__sems can bde ldan sdug bsngal bral/__/bde las nyams med btang snyoms shog__/tshogs zhing rang la thim par gyur/__/ye shes kyi tshogs bsags pa ni/__oM shU n+ya tA dz+nyA na badz+ra swa b+hA wa at+ma ko\u0f85 haM/__zhes brjod pas chos thams cad 'od gsal stong nyid du bsam la blo bzhag__/stong pa'i ngang las phyi rol tu/__/dur khrod brgyad kyis bskor ba'i dbus/__/pad nyi hU~M yig yongs gyur las/__/sna tshogs rdo rje hU~M gis mtshan/__/'od 'phros rdo rje'i srung 'khor gyur/__/de dbus pa~M las pad+ma dang /__/pa~M las nyi dkyil mi ro'i steng /__/hrIHlas ut+pal hrIHsa mtshan pa'i/__/'od kyis 'phags mchod 'gro sgrib sbyangs/__/brtan g.yo'i dngos kun lhar byas te/__/tshur 'dus yongs su gyur pa las/__/bdag nyid skad cig rje btsun ma/__/dmar gsal zhal gcig phyag bzhis mdzes/__/bcu drug na tshod 'dzum khro'i nyams/__/dmar zlum spyan gsum g.yon du gzigs/__dbu skra dmar snum gyen du bskyod/__/thod skam lnga dang dar dpyangs bcings/__/mgo rlon lnga bcu'i do shal 'phyang /__/rtsa phyag ut+pal mda' gzhu dang /__/lhag ma lcags kyu zhags pa 'dzin/__/rab tu sgeg cing chags pa'i tshul/__/rin chen rus rgyan stag sham can/__/g.yas bskum g.yon brkyang gar stabs 'gying /__/mthong thos dran pas yid 'phrog cing /__/'od 'bar nyi ma'i rgyab yol mdzad/__/gnas gsum 'bru gsum 'od zer gyis/__/ye shes sems dpa' sa mA dzaH__oM shrI ku ru kul+le ar+g+haM/__pA d+yaM/__puSh+pe/__d+hU pe/__A lo ke/__gan+d+he/__nai bi d+yA/__shap+da pra tI ts+tsha swA hA/__dzaHhU~M ba~M ho rang la thim/__slar yang dbang lha spyan drangs nas/__/ye shes bdud rtsis dbang bskur bas/__/sku gang sgrib dag rigs kyi bdag__/'od dpag med pas dbur brgyan gyur/__/oM shrI ku ru kul+le/__ar+g+haM/__pA d+yaM/__puSh+pe/__d+hU pe/__A lo ke/__gan+d+he/__nai bi d+yA/__shap+da pra tI ts+tsha swA hA/__zhes pas phyi mchod dang /__oM AHhU~M ha ho hrIHsa nang mchod byin gyis brlabs la oM AHhU~M gis myangs pas bde ba chen po'i ye shes skyes par bsam/__brtse bas rjes chags pad+ma rA ga'i mdog____/zhal gcig phyag bzhi zhabs gnyis mdzes pa'i sku/__/ye shes mda' gzhu ut+pal lcags kyu 'dzin/__/rje btsun rig byed ma la phyag 'tshal lo/__/zhes bstod/__bzlas pa bya ba ni/__rang gi snying gar nyi ma'i steng /__/hrIHmthar sngags phreng dmar pos bskor/__/'od 'phros srid zhi'i phun tshogs kun/__/thog pa med par dbang bsdus gyur/__/oM ku ru kul+le hrIHswA hA/__zhes mi tshig gis bar mchod par ci nus su bzla/__thun las ldang ba na/__gnas gsum du rdo rje gsum gyi ngo bo 'bru gsum gyis mtshan par mos la/__oM AHhU~M zhes brjod/__dge ba 'di yis myur du bdag__/rig byed dbang mo 'grub gyur nas/__/'gro ba gcig kyang ma lus pa/__/de yi sa la 'god par shog__/tshe ring nad med 'byor ldan zhing /__/'gro kun rtag tu 'dun pa dang /__/ji ltar bsam pa'i don rnams kun/__/chos bzhin 'grub par mdzad du gsol/__/'bad dang rtsol bas ma gos pa/__/yid bzhin nor bu dpag bsam bzhin/__/sems can re ba skong mdzad pa/__/bsam pa 'grub pa'i bkra shis shog__/ces sogs bsngo smon shis brjod ji ltar rigs pa byas te spyod lam la 'jug__/thun mtshams thams cad du snang grags rtog gsum rje btsun ma'i gsang ba gsum du shes pa'i lam khyer dang ma bral ba'i sgo nas spyod lam dge ba'i rtsa bas dus 'da' bar bya'o/__/zhes pa'ang 'od gsal lha'i rigs las son pa'i nor 'dzin skyong ba'i dbang mo mchog gi thugs dam nyams gzhes su 'jam dbyangs bla ma dgyes pa'i 'bangs mkhyen brtse'i dbang pos tshar chen rdo rje 'chang gi gsung rab ji lta bar mdor bsdus tshigs bcad kyi phreng bar bsdebs pa'i dge legs mchog tu gyur cig__/sarba dA sid+d+hi ba ra s+phUT b+hU yAta//____//__!_