JKW-KABUM-06-CHA-005

From Khyentse Lineage - A Tsadra Foundation Project
Revision as of 08:25, 19 May 2021 by Mort (talk | contribs)
Previous Section Back to Volume PageLast section in volume.

Wylie title JKW-KABUM-06-CHA-005.pdf
Location mkhyen brtse'i bka' 'bum
Volume 6, sde tshan 5, Pages (Folios to )
Author འཇམ་དབྱངས་མཁྱེན་བརྩེའི་དབང་པོ་
Less details More details
Citation 'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 6: 1-. Khams sde dge rdzong sar dgon: Rdzong sar blo gros phun tshogs, 2020.
Genre

1 Texts in this Section (sde tshan or chos tshan)

571-651
གསང་བ་སྔགས་ཀྱི་སྨོན་ལམ་འདོད་འཇོའི་དགའ་སྟོན་གྱི་འགྲེལ་བཤད་བདུད་རྩིའི་ཀླུང་ཆེན།
 gsang ba sngags kyi smon lam 'dod 'jo'i dga' ston gyi 'grel bshad bdud rtsi'i klung chen
Commentaries - 'grel pa
  ·  
Detailed Explanation - rnam bshad
 Text page
View PDF
[[|འཇམ་དབྱངས་མཁྱེན་བརྩེའི་དབང་པོ་ ()]]
[edit]
གསང་བ་སྔགས་ཀྱི་སྨོན་ལམ་འདོད་འཇོའི་དགའ་སྟོན་གྱི་འགྲེལ་བཤད་བདུད་རྩིའི་ཀླུང་ཆེན།

༄༅། །གསང་བ་སྔགས་ཀྱི་སྨོན་ལམ་འདོད་འཇོའི་དགའ་སྟོན་གྱི་འགྲེལ་བཤད་བདུད་རྩིའི་ཀླུང་ཆེན་ཞེས་བྱ་བ་བཞུགས་སོ། ། ཧེ་རུ་ཀ་དཔལ་རྡོ་རྗེ་འཆང་ལ་ཕྱག་འཚལ་ལོ། །ཟུང་འཇུག་འོད་གསལ་འདུས་མ་བྱས་པའི་དབྱིངས། །ངེས་པ་ལྔ་ལྡན་ལོངས་སྤྱོད་རྫོགས་པའི་སྐུ། །གང་འདུལ་གདུལ་བྱའི་མོས་ངོར་སྤྲུལ་པའི་གར། །སྟོན་མཛད་དཔལ་ལྡན་བླ་མར་གུས་ཕྱག་འཚལ། །བཻ་རོའི་རྣམ་འཕྲུལ་འགྲོ་འདུལ་གླིང་པ་ཡི། །འཆོས་སྐྱོབ་གཉིས་ལྡན་བདུད་རྩིའི་ཀླུང་ཆེན་ལས། །སྔགས་ཀྱི་སྨོན་ལམ་འདོད་འཇོའི་དགའ་སྟོན་ཉིད། །གོ་གསལ་ཉུང་ངུའི་ངག་གིས་འདི་ན་འགྲོལ། །འདི་ལ་བཞི། མཚན་གྱི་དོན། མཆོད་པར་བརྗོད་པ། གཞུང་གི་དོན། མཇུག་གི་དོན་ཏོ། །དང་པོ་ནི། གསང་བ་སྔགས་ཀྱི་སྨོན་ལམ་འདོད་འཇོའི་དགའ་སྟོན་ཅེས་བྱ་བ་བཞུགས་སོ། །ཞེས་པ། ཉན་རང་སོགས་གདུལ་བྱ་ཐུན་མོང་བའི་སྣོད་དུ་མ་གྱུར་པས་གསང་བ་སྟེ། ཀུན་མཁྱེན་རང་བྱུང་རྡོ་རྗེས། ཕྱི་ནང་ཉན་ཐོས་སྤྱོད་ཡུལ་མིན། །མཐའ་དྲུག་གིས་བཅིངས་ནང་གི་དོན། །ཅེས་གསུངས་པ་ལྟར་རོ། །ཡིད་ཤེས་བདེ་མྱུར་གྱི་སྒོ་ནས་སྐྱོབས་པར་བྱེད་པས་ན་སྔགས་ཏེ། ཇི་སྐད་དུ་ཡང་། འདོད་པའི་ལོངས་སྤྱོད་ལྔ་པོ་ལ། །ཅི་བདེ་བར་ནི་སྤྱད་པས་འགྲུབ། །ཅེས་སོ། །དེའི་ལམ་དང་འབྲས་བུའི་ཆོས་ཐམས་ཅད་རང་གི་དོན་ལ་ཡོངས་སུ་རྫོགས་པར་སྨོན་པས་ན་སྨོན་ལམ་དེ་གྲུབ་པའི་འབྲས་བུ་སྔགས་ཀྱི་དངོས་གྲུབ་དམན་འབྲིང་མཆོག་ལ་བརྟེན་ནས་གནས་སྐབས་དང་མཐར་ཐུག་གི་འདོད་པ་ཐམས་ཅད་ཡིད་བཞིན་དུ་འཇོ་བས་དགའ་སྟོན་སྤེལ་བར་བྱེད་པས་ན་གཞུང་འདིའི་མཚན་ལ་དེ་སྐད་ཅེས་བྱ་བ་སྟེ་དཔེའི་སྒོ་ནས་མཚན་དུ་བཏགས་པའོ། །གཉིས་པ་ནི། དུས་གསུམ་རྒྱལ་བ་སྲས་བཅས་མ་ལུས་དང་། །འགྲོ་བའི་སྐྱབས་གྱུར་པདྨ་སཾ་བྷ་ཝ། །སྲིད་ཞིའི་རྒུད་པ་ཀུན་སེལ་རཏྣའི་ཞབས། །མི་འབྲལ་སྙིང་ནས་གུས་པས་ཕྱག་བགྱིའོ། །ཞེས་པ་ནི། འདས་མ་འོངས་ད་ལྟའི་དུས་གསུམ་གཤེགས་པ་དང་བཞུགས་པ་དང་འབྱོན་པར་འགྱུར་པའི་བདུད་བཞིའི་དགྲ་ལས་རྒྱལ་བའི་རྒྱལ་བ་སྟེ་སངས་རྒྱས་དཀོན་མཆོག་དང་། དེ་དག་གི་སྲས་བྱང་ཆུབ་སེམས་དཔའ་ཉན་རང་དང་བཅས་པ་ནི་དགེ་འདུན་དཀོན་མཆོག་དང་། དེ་དག་གི་རྒྱུད་ལ་བཞུགས་པའི་འགོགས་ལམ་གྱི་བདེན་པ་ནི་ཆོས་དཀོན་མཆོག །འགོགས་བདེན་ནི་སངས་རྒྱས་འཕགས་པའི་རྒྱུད་ཀྱི་སྒྲིབ་གཉིས་སྤངས་པའི་སྤངས་ཆ། ཉན་ཐོས་དགྲ་བཅོམ་པའི་རྒྱུད་ཀྱི་ཉོན་སྒྲིབ་སྤངས་པའི་སྤངས་ཆ། ལམ་བདེན་ནི་སངས་རྒྱས་འཕགས་པའི་ཐུགས་རྒྱུད་ཀྱི་རྣམ་མཁྱེན། ཉན་ཐོས་དགྲ་བཅོམ་པའི་ཐུགས་རྒྱུད་ཀྱི་སྟོང་ཉིད་མངོན་སུམ་དུ་རྟོགས་པའི་མཁྱེན་པ་རྣམས་སོ། །དེ་དག་གིས་སྤྱིར་དཀོན་མཆོག་གསུམ་ལ་ཕྱག་མཛད་པའོ། །འགྲོ་བ་ལྷ་དང་བཅས་པའི་སྐྱབས་གནས་གཅིག་པུར་གྱུར་པ་པདྨ་སཾ་བྷ་ཝ་སྟེ། པདྨ་ཡང་དག་པར་འབྱུང་བའམ་པདྨའི་འབྱུང་གནས་ཏེ། ཐོག་མར་པད་སྡོང་ལས་འཁྲུངས་པར་མ་ཟད། ཨིནྡྲ་བོ་དྷིས་སྤྱན་དྲངས་པའི་ལམ་གང་དུ་བཞག་པར་པདྨ་རེ་འཁྲུངས་པས་མཚན་དུ་དེ་ལྟར་གསོལ་བར་གྲགས། སློབ་དཔོན་རྡོ་རྗེ་གདན་པས། དགེ་སློང་ལུས་ལ་ཕྱག་རྒྱར་ལྡན། །ལྷོ་ནུབ་སྲིན་པོའི་ཁ་གནོན་མཛད། །པདྨཱ་ཀ་ར། ཞེས་གསུངས་པའི་གྲུབ་བརྙེས་ཀྱི་སློབ་དཔོན་དམ་པ་སྟེ། དེ་དག་གིས་བྱེ་བྲག་ཏུ་གངས་ཅན་འགྲོ་བའི་སྐྱབས་གནས་ལ་ཕྱག་མཛད་པའོ། །སྲིད་དང་ཞི་བའི་མི་མཐུན་པའི་རྒུད་པ་ཐམས་ཅད་སེལ་བའི་བྱེད་པོ་ཡིད་བཞིན་གྱི་ནོར་བུ་རིན་པོ་ཆེ་དང་ཆོས་མཚུངས་པ་ཆོས་རྒྱལ་རིན་ཆེན་ཕུན་ཚོགས་ཏེ། པདྨ་གླིང་པའི་གཏེར་ལུང་ལས། རྒྱ་གར་རིག་འཛིན་ཧཱུྃ་ཀ་ར༔ འབྲི་ཡི་ཕྱོགས་སུ་རཏྣའི་མིང་༔ ཞེས་དང་། འབྲི་ཞེས་བྱ་བ་ཁ་བའི་ཀློང་གསེབ་ཏུ༔ རྨུ་རྒོད་འགྲོ་འདུལ་བྱང་ཆུབ་སེམས་ལྡན་པ༔ ཐུགས་རྗེ་ཆེན་པོས་བྱིན་གྱིས་བརླབས་པའི་བུ༔ ཞེས་གསུངས་པ་ལྟར་རོ། །དེ་དག་གིས་ཁྱད་པར་དུ་རྩ་བའི་བླ་མ་ལ་ཕྱག་མཛད་པའོ། །དེའང་ཕྱག་མཛད་པའི་ཚུལ་ནི་རབ་ལྟ་བ་མཇལ་བའི་ཕྱག་སྟེ་དུས་གསུམ་འདུ་འབྲལ་མེད་པར་ཡིད་རབ་ཏུ་དྭངས་བའི་སྒོ་ནས་སོ། །དེའང་སློབ་དཔོན་ཀླུ་སྒྲུབ་ཀྱིས། ཇི་ལྟར་ཆུ་ལ་ཆུ་བཞག་དང་། །ཇི་ལྟར་མར་ལ་མར་བཞག་ལྟར། །རང་གི་རང་རིག་ཡེ་ཤེས་ནི། །ལེགས་མཐོང་གང་ཡིན་འདིར་ཕྱག་མིན། །ཅེས་སོ། །གསུམ་པ་ལ་གཉིས། མི་རྟག་པའི་གཏམ་གྱིས་བློ་ཆོས་ལ་བསྐུལ་བ་དང་། ལམ་གྱི་རིམ་པ་དངོས་རྒྱུད་ལ་བརྟེན་པའོ། །དང་པོ་ནི། ཚེ་འདིའི་ལོངས་སྤྱོད་རྨི་ལམ་དགའ་སྟོན་བཞིན། །ལང་ཚོའི་དཔལ་ཡང་འཇའ་ཚོན་ལྟ་བུ་སྟེ། །ཚེ་སྲོག་མི་རྟག་གློག་གི་ཟློས་གར་བཞིན། །འཇིག་རྟེན་ཕུན་ཚོགས་ཀུན་ལ་དབང་བསྒྱུར་ཀྱང་། །སྟོན་དུས་མཛེས་པའི་སྤྲིན་དཀར་ཕུང་པོ་བཞིན། །སྐད་ཅིག་མི་རྟག་འཇིག་པའི་ཚུལ་ཅན་དུ། །མཐོང་ནས་སྲིད་པར་ཡིད་ནི་འབྱུང་བར་ཤོག །ཅེས་པ་སྟེ། ཚེ་འདིར་སྣང་གི་ལོངས་སྤྱོད་གནས་གྲོགས་སོགས་རྨི་ལམ་གྱི་དགའ་སྟོན་ལྟ་བུ་སྟེ། ཏིང་འཛིན་རྒྱལ་པོ་ལས། ཇི་ལྟར་རྨི་ལམ་ན་ཡང་འདོད་པ་སྟེན་པ། །སྐྱེས་བུ་སད་པར་གྱུར་ན་མི་མཐོང་སྟེ། །བྱིས་པ་ཤིན་ཏུ་འདོད་ལ་ཆགས་ཤིང་ཞེན། །ཆོས་རྣམས་ཐམས་ཅད་དེ་བཞིན་ཤེས་པར་གྱིས། །ཞེས་སོ། །དེ་བཞིན་དུ་གཟུགས་དང་ལང་ཚོ་ཁ་དོག་རྒྱན་གོས་ཀྱི་དཔལ་འབྱོར་ཀུན་འཇའ་ཚོན་ལྟ་བུར་སྙིང་པོ་མེད་དེ། ཇི་སྐད་དུ་ཡང་། མི་རྟག་ལུས་ལ་སྙིང་པོ་མེད། །ནམ་མཁར་ཤར་བའི་འཇའ་ཚོན་འདྲ། །བདེན་པར་བཟུང་ཀྱང་ཡལ་ནས་འགྲོ། །ཞེས་སོ། །སྐྱེས་བུའི་ཚེ་སྲོག་ནི་མི་རྟག་སྟེ་རླུང་དམར་ནང་གི་མར་མེའམ་བར་སྣང་དུ་གློག་འགྱུ་བ་ལྟར་སྐད་ཅིག་གིས་མི་རྟག་སྟེ། རྗེ་བདག་ཉིད་ཆེན་པོས། དལ་བའི་རྟེན་འདི་ཡིད་བཞིན་ནོར་ལས་ལྷག །རྙེད་དཀའ་འཇིག་སླ་ནམ་མཁའི་གློག་དང་འདྲ། །ཞེས་སོ། འཇིག་རྟེན་ཚེ་འདིའི་ཕུན་ཚོགས་འཁོར་ལོས་སྒྱུར་རྒྱལ་དུ་གྱུར་ཏེ་གླིང་བཞི་ལ་མངའ་དབང་བསྒྱུར་ཀྱང་སྙིང་པོ་མེད་དོ། །སྟོན་དུས་ཀྱི་སྤྲིན་དཀར་ཕུང་པོ་དབྱིབས་ངོ་མཚར་བ་སྣ་ཚོགས་ཤར་ཡང་ད་ལྟ་རང་ཡོད་འཕྲོ་ལ་མེད་འགྲོ་བ་ལྟར་ཤེས་པར་བྱ་སྟེ། མགོན་པོ་ཀླུས། བརྒྱ་བྱིན་འཇིག་རྟེན་མཆོད་འོས་གྱུར་ནས་ཀྱང་། །ལས་ཀྱི་དབང་གིས་ཕྱིར་ཡང་ས་སྟེང་ལྷུང་། །འཁོར་ལོས་བསྒྱུར་བ་ཉིད་དུ་གྱུར་ནས་ཀྱང་། །འཁོར་བ་དག་ན་ཡང་བྲན་ཉིད་དུ་འགྱུར། །ཞེས་སོ། །དེ་ལྟར་སྐད་ཅིག་ཀྱང་མི་སྡོད་ཅིང་འགྱུར་བའི་ཚུལ་རིག་ནས་སྲིད་པ་སྟེ་འཁོར་བ་ནས་ཡིད་དབྱུང་སྟེ་ངེས་འབྱུང་གི་བསམ་པ་རྣམ་པར་དག་པ་རྒྱུད་ལ་སྐྱེ་བར་ཤོག་ཅིག་པ་སྟེ། ཇི་སྐད་དུ་ཡང་། དལ་འབྱོར་རྙེད་དཀའ་ཚེ་ལ་ལོང་མེད་པ། །ཡིད་ལ་གོམས་པས་ཚེ་འདིའི་སྣང་ཞེན་ལྡོག །ཅེས་སོ། །དེ་དག་གིས་འཆི་བ་མི་རྟག་པ་དང་ངན་འགྲོའི་སྡུག་བསྔལ་སོགས་སྐྱེས་བུ་ཆུང་ངུའི་ལམ་དང་། ཐར་པ་དོན་གཉེར་གྱི་བློ་བསྐྱེད་པ་སོགས་སྐྱེས་བུ་འབྲིང་གི་ལམ་རྣམས་བསྟན་པ་ཡིན་ཏེ། བྱང་ཆུབ་ལམ་གྱི་སྒྲོན་མ་ལས། གང་ཞིག་ཐབས་ནི་གང་དག་གིས། །འཁོར་བའི་བདེ་བ་ཙམ་དག་ལ། །རང་ཉིད་དོན་དུ་གཉེར་བྱེད་པ། །སྐྱེས་བུ་དེ་ནི་ཐ་མར་ཤེས། །སྲིད་པའི་བདེ་ལ་རྒྱབ་ཕྱོགས་ཤིང་། །སྡིག་པའི་ལས་ལས་ལྡོག་བདག་ཉིད། །གང་ཞིག་རང་ཞི་ཙམ་དོན་གཉེར། །སྐྱེས་བུ་དེ་ནི་འབྲིང་ཞེས་བྱ། །ཞེས་གསུངས་པ་ལྟར་རོ། །གཉིས་པ་ལ་གཉིས། ལམ་གྱི་རྩ་བ་བཤེས་གཉེན་བསྟེན་ཚུལ། བསྟེན་ནས་ལམ་ལ་ཇི་ལྟར་སློབ་པའི་ཚུལ་ལོ། །དང་པོ་ནི། བདེ་ལེགས་དངོས་གྲུབ་ཀུན་གྱི་འབྱུང་གནས་ནི། །མཚན་ཉིད་ཀུན་ལྡན་ཐེག་མཆོག་བཤེས་གཉེན་ཏེ། །དྲན་པ་ཡིས་ཀྱང་སྲིད་ཞིའི་འཇིགས་འཕྲོག་ལ། །མི་ཕྱེད་དད་པས་ཚུལ་བཞིན་བསྟེན་པར་ཤོག །ཅེས་པ་གནས་སྐབས་མངོན་མཐོའི་བདེ་བ་དང་། མཐར་ཐུག་ངེས་ལེགས་ཀྱི་འབྲས་བུའམ། དངོས་གྲུབ་ཐམས་ཅད་ཀྱི་འབྱུང་གནས་ནི་མདོ་རྒྱུད་ནས་ཇི་སྐད་བཤད་པའི་མཚན་ཉིད་ཀུན་ལྡན་གྱི་བླ་མ་ཐེག་པ་མཆོག་གི་བཤེས་གཉེན་བསྟེན་དགོས་ཏེ། ཡོན་ཏན་རིན་པོ་ཆེའི་སྡུད་པ་ལས། སློབ་མ་བཟང་པོ་བླ་མར་གུས་ལྡན་དེ་དག་གིས། །བླ་མ་མཁས་པ་དག་ལ་རབ་ཏུ་བསྟེན་པར་བྱ། །ཅི་ཕྱིར་ཞེ་ན་མཁས་པའི་ཡོན་ཏན་དེ་ལས་འབྱུང་། །ཞེས་གསུངས་པས་སོ། །ཇི་ལྟ་བུ་ཞིག་བསྟེན་ཅེ་ན། དྲན་པ་ཙམ་གྱིས་ཀྱང་སྲིད་ཞིའི་འཇིགས་པ་འཕྲོག་པ་སྟེ་ཞི་བར་བྱེད་པ་སོགས་བཙལ་དགོས་ཏེ། བསྟན་བཅོས་ཤེས་བྱ་ཀུན་ཁྱབ་ལས། འཐད་པ་ལུང་རིགས་དཔེ་ཡི་སྒོ་ནས་བཙལ། །ཅེས་པ་ལྟར་རོ། །དེ་ཡང་ཐེག་ཆེན་དགེ་བའི་བཤེས་གཉེན་ཆོས་བཅུ་ལྡན་དང་། སྔགས་ཀྱི་རྡོ་རྗེ་སློབ་དཔོན་དེ་ཉིད་བཅུ་ལྡན་དེ། བསམ་སྦྱོར་ཕུན་སུམ་ཚོགས་པའི་སྒོ་ནས་ལེགས་པར་བསྟེན་ནས་མི་ཕྱེད་པའི་དད་པ་བརྟན་པོ་སྟེ་བདུད་ལས་ཀྱིས་དད་པ་ལྡོག་ཏུ་མི་བཏུབ་པ་སྟེ་ཚུལ་བཞིན་དུ་བསྟེན་པར་ཤོག་ཅིག་པའོ། །གཉིས་པ་ལ་གཉིས། ལམ་གྱི་རྩ་བ་སྤྱིར་བསྟན་པ་དང་། སོ་སོའི་ལམ་རྒྱས་པར་བཤད་པའོ། །དང་པོ་ནི། །དེ་ལྟར་དགེ་བའི་བཤེས་ལས་རྙེད་པའི་དོན། །རྟེན་གྱི་སྐྱབས་གྱུར་བླ་མ་དཀོན་མཆོག་གསུམ། །ཡིད་ལ་འབྲལ་མེད་གདུང་བས་གསོལ་འདེབས་ཤིང་། །འགྲོ་ཀུན་ཕ་མར་ཤེས་པའི་སྙིང་རྗེ་ཡིས། །ཀུན་གྱི་སྡུག་བསྔལ་རང་གིས་ལེན་པ་དང་། །བདག་གི་བདེ་དགེ་མ་ལུས་གཞན་ལ་བཏང་། །བླ་མེད་བདེ་ལ་བདག་གིས་འགོད་བྱ་ཞེས། །སེམས་ནི་བྱང་ཆུབ་དམ་པར་བསྐྱེད་བྱས་ནས། །ཕྱིན་དྲུག་སྤྱོད་པས་ཉིན་མཚན་འདའ་བར་ཤོག །ཅེས་པ་ནི་དེ་ལྟར་དགེ་བའི་བཤེས་གཉེན་བསྟེན་ནས་ཐོག་མར་དེ་ལས་རྙེད་པའི་དོན་ཞི་བདེ་དོན་གཉེར་ཙམ་མ་ཡིན་པར་སྐྱེས་བུ་ཆེན་པོའི་སྐྱབས་འགྲོའི་གནད་མ་འཁྲུལ་བར་ཤེས་པར་བྱས་ཏེ། གནས་སྐབས་ཙམ་མ་ཡིན་པའི་གཏན་གྱི་སྐྱབས་གནས་སུ་འོས་པ། བླ་མ་དང་དཀོན་མཆོག་གསུམ་ལ་སྙིང་ཐག་པ་ནས་སྐྱབས་སུ་འགྲོ་ཞིང་། དེ་ནས་ཐེག་པ་ཆེན་པོའི་ལམ་གྱི་རྩ་བ་སེམས་ཅན་ཐམས་ཅད་ཕ་མར་ཤེས་པར་བྱས་ཏེ། རྗེ་བཙུན་བཞད་པ་རྡོ་རྗེས། འགྲོ་དྲུག་སེམས་ཅན་ཕ་མ་ལ། །བྱས་པ་དྲིན་དུ་མི་གཟོ་ན། །ཐེག་པ་དམན་པར་གོལ་བའི་སྐྱོན། །དེ་ཕྱིར་བརྩེ་བ་ཆེན་པོ་ཡིས། །བྱང་ཆུབ་སེམས་ལ་འབད་ཀྱང་འཚལ། །ཅེས་གསུངས་པ་ལྟར། འགྲོ་ཀུན་ཕ་མར་ཤེས་ནས་སྙིང་རྗེ་ཆེན་པོས་མ་གྱུར་སེམས་ཅན་ཀུན་གྱི་སྡུག་བསྔལ་རང་གིས་ལེན་པ་དང་། བདག་གི་བདེ་བ་དགེ་བའི་རྩ་བ་གཞན་ལ་བཏང་ནས་བླ་ན་མེད་པའི་བདེ་བ་དམ་པ་ལ་བདག་གིས་དགོད་པར་བྱའོ་ཞེས་ལྷག་བསམ་ཚད་མེད་པ་དང་ལྡན་པའི་སྨོན་སེམས་བསྐྱེད་ཅིང་། འཇུག་པའི་སྤྱོད་པ་སྦྱིན་སོགས་ཕར་ཕྱིན་དྲུག་ལ་ཉིན་མཚན་དུས་འདའ་བར་ཤོག་ཅིག་སྨོན་པའོ། །དེའི་ལམ་སྤྱིའི་རྩ་བ་སྐྱབས་སུ་འགྲོ་བ་དང་། བྱེ་བྲག་ཐེག་ཆེན་གྱི་རྩ་བ་སེམས་བསྐྱེད་པ་གཉིས་བསྟན་ཏོ། །གཉིས་པ་ལ་གཉིས། རྒྱུ་མཚན་ཉིད་ཀྱི་ཐེག་པ་དང་། འབྲས་བུ་གསང་སྔགས་རྡོ་རྗེ་ཐེག་པ་ལ་བསླབ་ཚུལ་ལ་སྨོན་པའོ། །དང་པོ་ལ་གཉིས། སྐྱེས་བུ་གསུམ་གྱི་ལམ་གྱིས་བློ་སྦྱོང་བའི་ཚུལ་ལ་སྨོན་པ་དང་། སྡེ་སྣོད་གསུམ་གྱི་སྒྲུབ་པ་ཉམས་ལེན་སྙིང་པོར་དྲིལ་བས་སྨོན་པའོ། །དང་པོ་ལ་གསུམ། སྐྱེས་བུ་ཆུང་ངུ་། འབྲིང་། ཆེན་པོའི་ལམ་ལ་སྨོན་པའོ། །དང་པོ་ནི། མངོན་མཐོ་སྒྲུབ་བྱེད་རྒྱལ་བའི་གསུང་རབས་ཀུན། །དོན་རྣམས་སྐྱེས་བུ་ཆུང་ངུའི་ལམ་དང་ནི། །ཞེས་པ་ནི། ཕྱི་མ་མངོན་མཐོ་ལྷ་མིའི་གོ་འཕང་ཐོབ་པའི་རྒྱུ་མི་དགེ་སྤང་ཞིང་དགེ་བཅུའི་ལམ་བསྒྲུབ་པ་དང་། དུས་ཁྲིམས་ཀྱི་བསླབ་པ་ལ་གནས་པ་སོགས་ཏེ། རིན་ཆེན་ཕྲེང་བ་ལས། དང་པོ་མངོན་པར་མཐོ་བའི་ཆོས། །ཕྱིས་ནས་ངེས་པར་ལེགས་པ་འབྱུང་། །ཞེས་སོ། །གཉིས་པ་ནི། ཐར་པ་སྒྲུབ་པའི་ཐབས་ལ་བརྩོན་པ་ཡི། །ཆོས་ཀྱི་རྣམ་གྲངས་ཀུན་གྱི་བརྗོད་བྱའི་དོན། །སྐྱེས་བུ་འབྲིང་གི་ལམ་གྱི་རིམ་པ་སྟེ། །ངེས་པར་འབྱུང་བས་སྲིད་ལས་གྲོལ་བར་ཤོག །ཅེས་པ་ནི། རང་དོན་ཞི་བདེ་ཙམ་ལ་དམིགས་ནས་ཐར་པའི་གོ་འཕང་གཉེར་བ་སྐྱེས་བུ་འབྲིང་གི་ལམ་སྟེ། གཉིས་ཀའང་ཐེག་པ་ཆེན་པོའི་ལམ་སྟེགས་ཡིན་པས་དེ་དག་ལ་བརྟེན་ནས་ངེས་འབྱུང་གི་བློ་ཁྱད་པར་ཅན་བསྐྱེད་ཅིང་། སྲིད་པའི་སྡུག་བསྔལ་བཙོན་དོང་ལྟ་བུ་ལས་གྲོལ་བར་ཤོག་ཅིག་སྨོན་པའང་ལས་དང་པོ་པའི་ལམ་གྱི་འཇུག་ངོགས་ཁྱད་པར་ཅན་ཏེ། ཇི་སྐད་དུའང་། རྣམ་དག་ངེས་འབྱུང་མེད་པར་སྲིད་མཚོ་ཡི། །བདེ་འབྲས་དོན་གཉེར་ཞི་བའི་ཐབས་མེད་པས། །སྲིད་ལ་བརྐམས་པ་ཡིས་ཀྱང་ལུས་ཅན་རྣམས། །ཀུན་ནས་འཆིང་ཕྱིར་ཐོག་མར་ངེས་འབྱུང་བཙལ། །ཅེས་གསུངས་པས་སོ། །གསུམ་པ་ནི། རྣམ་མཁྱེན་གོ་འཕང་མྱུར་དུ་སྒྲུབ་པའི་ཐབས། །རྒྱུ་དང་འབྲས་བུའི་ཐེག་ཆེན་རྣམ་གཉིས་ལས། །ཇི་བཞིན་གསུང་བའི་གསང་བ་མ་ལུས་པ། །སྐྱེས་བུ་ཆེན་པོའི་ལམ་གྱི་རིམ་པ་སྟེ། །བདག་གིས་མ་ལུས་ཉེ་བར་བླངས་པ་ལས། །ཆོས་རྣམས་ཐམས་ཅད་རྨི་ལམ་སྣང་བ་བཞིན། །སྣང་ཙམ་དེ་ལ་ཡུལ་གྱི་སྟེང་ཉིད་དུ། །གྲུབ་པའི་ངོ་བོ་རྡུལ་ཙམ་མ་མཆིས་ཀྱང་། །ལས་འབྲས་བསླུ་བ་མེད་པར་ངེས་རྙེད་ནས། །བདེན་གཉིས་ཟབ་མོའི་གནད་ལ་གོམས་པར་ཤོག །ཅེས་པ་ནི། དེ་ལས་གཞན་དོན་དུ་རྣམ་པ་ཐམས་ཅད་མཁྱེན་པའི་གོ་འཕང་བསྒྲུབ་པར་སྟོན་པ་རྣམས་ནི་རྒྱུ་ཕ་རོལ་ཏུ་ཕྱིན་པ་དང་། འབྲས་བུ་གསང་སྔགས་རྡོ་རྗེའི་ཐེག་པ་ཆེན་པོ་གཉིས་ཡིན་ལ། དེ་གཉིས་ལས་གསུངས་པའི་སྤྱོད་པ་རྒྱ་ཆེ་བ་དང་། དོན་ཟབ་པའི་གསང་བ་མ་ལུས་པའི་སྐྱེས་བུ་ཆེན་པོའི་ལམ་གྱི་རིམ་པ་སྟེ། དེ་ཉམས་སུ་བླངས་པས་མཉམ་གཞག་གི་དོན་ཆོས་ཐམས་ཅད་རྨི་ལམ་གྱི་སྣང་བ་ལྟར་སྣང་ཙམ་ཉིད་ནས་ཡུལ་རང་ངོ་ནས་བདེན་པར་གྲུབ་པ་རྡུལ་ཙམ་ཡང་མེད་པར་རྟོགས་ཀྱང་། རྗེས་ཐོབ་ཀྱི་ཆ་ནས་ལས་འབྲས་བསླུ་བ་མེད་པར་ངེས་པ་རྙེད་ནས་བདེན་གཉིས་ཐ་དད་དུ་མི་འཛིན་པའི་ལམ་ཟབ་མོ་ལ་གོམས་པར་ཤོག་ཅིག་ཅེས་སྨོན་པའོ། །གཉིས་པ་ལ་གསུམ། འདུལ་བ། མདོ་སྡེ། མངོན་པའི་སྡེ་སྣོད་ལ་སློབ་པར་སྨོན་པའོ། །དང་པོ་ནི། འཁོར་ལོ་དང་པོ་འདུལ་བའི་སྡེ་སྣོད་ལས། ཉིས་བརྒྱ་ལྔ་བཅུ་སྤོང་བའི་ཚུལ་ཁྲིམས་དང་། །བཅུ་བདུན་བླང་བྱ་འཇུག་པའི་ཚུལ་ཁྲིམས་ཏེ། །ཀུན་གྱི་རྩ་བ་འགྲམ་གཞི་བརྟན་པོ་ནི། །ལྷག་པའི་ཚུལ་ཁྲིམས་འདུལ་སྡེ་ལ་གནས་ཤིང་། །ཞེས་པས། གཏན་ཁྲིམས་སོ་ཐར་རིས་བདུན་གྱི་ཡ་གྱལ། ཉིས་བརྒྱ་ལྔ་བཅུ་རྩ་གསུམ་གྱི་འདུལ་ཁྲིམས་ལ་གནས་པ་དང་། འཇུག་པའི་བསླབ་བྱ་གཞི་བཅུ་བདུན་ཏེ། འདུལ་བ་ལུང་ལས། རབ་བྱུང་གསོ་སྦྱོང་གཞི་དང་ནི། །དགག་དབྱེ་དབྱར་དང་ཀོ་ལྤགས་དང་། །སྨན་དང་གོས་དང་སྲ་བརྐྱང་དང་། །ཀཽའུ་ཤམྦྷི་དང་ལས་ཀྱི་གཞི། །དམར་སེར་ཅན་དང་གང་ཟག་དང་། །སྤོ་དང་གསོ་སྦྱོང་བཞག་པ་དང་། །གནས་མལ་དང་ནི་རྩོད་པ་དང་། །དགེ་འདུན་དབྱེན་རྣམས་བསྡུས་པ་ཡིན། །ཅེས་གསུངས་པ་ལྟར་བསླབ་པ་ཡོངས་སུ་སྦྱོང་བ་སོགས་རང་རྒྱུད་བསྡམས་པ་ནི་ཡོན་ཏན་ཀུན་གྱི་རྟེན་རྩིག་པའི་འགྲམ་གཞི་བརྟན་པོ་དང་ལྡན་པའི་དཔེ་ལྟར་ལྷག་པའི་ཚུལ་ཁྲིམས་རྣམ་དག་ལ་སྨོན་པ་སྟེ། དབྱིག་གཉེན་ཞབས་ཀྱིས། ཚུལ་གནས་ཐོས་དང་བསམ་ལྡན་པས། སྒོམ་པ་ལ་ནི་རབ་ཏུ་སྦྱོར། །ཅེས་སོ། །གཉིས་པ་ནི། བྱིང་རྒོད་དྲི་ཡི་བཞོན་པས་མི་གཡོ་བའི། །མངོན་རྟོགས་རིན་ཆེན་རྣམ་བཞིའི་རང་བཞིན་ཅན། །ཏིང་འཛིན་འཆི་མེད་རི་བོར་གནས་པའི་གཞི། །ཟབ་ཡང་མདོ་སྡེའི་གནས་ལ་འཇོག་པ་དང་། །ཞེས་པས། དེ་ལ་འཁོར་ལོ་བར་པའི་ངེས་བརྗོད་རྣམ་པར་ཐར་པའི་སྒོ་གསུམ་ནི་ལམ་གྱི་ངོ་བོ་ཡིན་ལ། དེའི་རང་བཞིན་བྱིང་རྒོད་ཀྱི་རླུང་གིས་མི་གཡོ་བའི་བསམ་གཏན་གྱི་མངོན་རྟོགས་ནི་རིན་ཆེན་གཞི་ལས་གྲུབ་པའི་རི་དབང་གི་སྟེང་ན་འཆི་མེད་ཀྱི་གྲོང་ཁྱེར་ལྟར་བརྟན་པའི་ཏིང་ངེ་འཛིན་གྱི་ཆོས་ཉིད་ནི་གཏིང་དཔག་དཀའ་བས་ཟབ་པ། རྒྱ་ཆེ་བས་ཡངས་པའི་དོན་ལ་མཉམ་པར་འཇོག་ཅིང་། རྗེས་ཐོབ་ལ་ཕ་རོལ་ཏུ་ཕྱིན་པ་དྲུག་དང་མི་འགལ་བར་སྤྱོད་པ་ནི་ལྷག་པའི་ཏིང་ངེ་འཛིན་གྱི་བསླབ་པ་ཡིན་ནོ། །གསུམ་པ་ནི། ཆོས་མངོན་གསལ་བའི་རྣམ་དབྱེ་མིག་སྟོང་ལྡན། །གནས་ལུགས་རྟོགས་པའི་ཡེ་ཤེས་ལག་ཉལ་གྱིས། །མཐར་ལྟའི་དམིགས་པ་འདུལ་བྱེད་ལྷ་ཡི་དབང་། །ཆོས་མངོན་ལྟ་ན་སྡུག་གི་གྲོང་ཁྱེར་དུ། །སྡེ་སྣོད་གསུམ་གྱི་རྗོད་བྱེད་ཚིག་རྣམས་དང་། །བརྗོད་བྱ་བསླབ་པ་རྣམ་གསུམ་མངོན་གྱུར་ཤོག །ཅེས་པ་ནི། འཁོར་ལོ་ཐ་མ་ཆོས་མངོན་པའི་སྡེ་སྣོད་མཚན་ཉིད་གསུམ་གྱི་རྣམ་དབྱེ་ཤིན་ཏུ་གསལ་བ་བརྒྱ་བྱིན་མིག་སྟོང་ལྡན་གྱི་གཟུགས་སུ་བཀོད་དེ། ཤེས་རབ་ཀྱི་བསླབ་པའི་དེ་ཁོ་ན་ཉིད་ཀྱི་དངོས་པོའི་གནས་ལུགས་མངོན་པར་རྟོགས་པས་ན་དེའི་ཡེ་ཤེས་ལ་དབང་པོའི་ལག་ན་ཉལ་བ་དྲང་སྲོང་ཞོ་འཐུང་གི་རུས་པ་ཕ་ལམ་གྱི་རང་བཞིན་ལས་གྲུབ་པའི་རྡོ་རྗེས་ཡོད་མེད་རྟག་ཆད་མཐར་ལྟའི་དམིགས་པ་འདུལ་བར་བྱེད་པས་ན་ལྷའི་དབང་པོ་དང་སྦྱར་བ་སྟེ། རྗོད་བྱེད་སྡེ་སྣོད་གསུམ་དང་། བརྗོད་བྱ་བསླབ་པ་གསུམ་ལ་སྨོན་ནས་མངོན་དུ་འགྱུར་བར་ཤོག་ཅིག་པའོ། །གཉིས་པ་འབྲས་བུ་གསང་སྔགས་རྡོ་རྗེ་ཐེག་པ་ལ་སློབ་པར་སྨོན་པའི་ཚུལ་ལ་གཉིས། ལམ་ལ་སྨོན་པ་དང་། འབྲས་བུ་ལ་སྨོན་པའོ། །དང་པོ་ལ་གཉིས། ལམ་གྱི་རྩ་བ་མཚན་ཉིད་དང་ལྡན་པའི་རྡོ་རྗེ་སློབ་དཔོན་བསྟེན་ཚུལ་དང་། བསྟེན་ནས་ལམ་ལ་བསླབ་ཚུལ་ལ་སྨོན་པའོ། །དང་པོ་ནི། དེ་ལྟར་རྒྱུ་ཡི་ཐེག་པས་རྒྱུད་སྦྱངས་ནས། །འབྲས་བུ་སྨིན་གྲོལ་རྡོ་རྗེ་ཐེག་པའི་ལམ། །ཉམས་ལེན་དྲོད་རྟགས་སྣང་བཞི་མངོན་གྱུར་ནས། །དམ་ཚིག་དབང་དང་ཤེས་རབ་རྒྱུན་འཆད་ཅིང་། །མན་ངག་ལུང་བཞིན་ཉམས་ཆགས་སྐོང་མཛད་པའི། །མཐོང་ཐོས་དྲན་རེག་སློབ་དཔོན་རྣམ་བཞི་ལས། །ཞེས་པ་ནི། དེ་ལ་ཐར་པ་དང་རྣམ་མཁྱེན་གྱི་ལམ་མཁན་ནི་བླ་མ་འབའ་ཞིག་ལ་རག་ལས་པས་རང་ཉིད་ཀྱིས་ཐོག་མར་ལམ་གྱི་རྩ་བ་བླ་མ་བསྟེན་པར་གསུངས་ཤིང་། བླ་མ་དེ་ཡང་རྡོ་རྗེ་ཐེག་པའི་སྨིན་གྲོལ་གྱི་ལམ་ལ་ཉམས་ལེན་མཐར་ཕྱིན་ནས་རང་དོན་དུ་དྲོད་རྟགས་ཐོབ་པ། ཁྱད་པར་དུ་ཐེག་པ་མཆོག་གི་སྣང་བཞིའི་ལམ་རྟགས་མངོན་དུ་གྱུར་པ་ཞིག་བསྟེན་ལ། དེ་ལ་དམ་ཚིག་གི་གནང་བཀག་དང་འབྲེལ་བ་དབང་༡། ཐོས་བསམ་གྱི་ཤེས་རབ་དང་འབྲེལ་བ་རྒྱུད༢། མན་ངག་གི་གོམས་པ་དང་འབྲེལ་བའི་ལུང་༣། འགལ་རྐྱེན་དང་ཉམས་ཆགས་བསྐང་༤བ་བཞིར་སྟོན་པའང་། དང་པོ་ལྷ་དང་གཞལ་ཡས་ཁང་ལ་སོགས་པའི་དེ་ཁོ་ན་ཉིད་མངོན་སུམ་དུ་སྟོན་པས་ན་མཐོང་བ་དང་༡། གཉིས་པས་གཞི་ལམ་འབྲས་གསུམ་གྱི་རྒྱུད་དོན་དབང་ཤེས་ལ་སྦྱོར་བས་ཐོས་པ་དང་། གསུམ་པས་དེ་ཁོ་ན་ཉིད་ཀྱི་གནས་ལུགས་རང་ལ་གནས་པ་ངོ་སྤྲོད་ཅིང་ལམ་གྱི་ངོ་བོ་དྲན་པ་ལ་སྦྱོར། བཞི་པས་ཉམས་ན་བཤགས་ཐབས་སྟོན་ཅིང་དག་ཚངས་ལ་རེག་ཏུ་འཇུག་པས་རྣམ་གྲངས་བཞིར་བསྟན་པ་ཡིན་ཅིང་། དྲུག་ཏུ་བསྟན་པ་སོགས་ཀྱང་ཡོད་དེ། གཤིན་རྗེ་དགྲ་ནག་གི་འགྲེལ་པ་ལྷན་ཅིག་སྐྱེས་སྣང་ལས། དམ་ཚིག་ཀློག་པ་སྦྱིན་པ་དང་། །འཆད་བྱེད་མན་ངག་སྟོན་པ་དང་། །དབང་བསྐུར་བ་དང་ལས་བྱེད་དང་། །དེ་རྣམས་སློབ་དཔོན་ཞེས་བཤད་དོ། །ཞེས་སོ། །གཉིས་པ་ལ་གཉིས། ཉམས་སུ་བླང་བྱའི་ལམ་སྤྱིར་བསྟན་པ་དང་། བྱེ་བྲག་ཏུ་བཤད་པའོ། །དང་པོ་ནི། རྒྱུད་སྡེ་བཞི་དང་རྫོགས་པ་ཆེན་པོའི་ལམ། །ལེགས་པར་བཤད་པའི་སྨིན་གྲོལ་ལམ་གྱི་གནད། །ཅེས་བྱ་སྤྱོད་རྣལ་འབྱོར་བླ་མེད་བཞི་དང་། ཐེག་པའི་རྩེ་མོ་རྫོགས་པ་ཆེན་པོའི་སྨིན་གྲོལ་གཉིས་ཀྱི་ལམ་གནད་རིམ་པར་ནོད་ནས་བསྟེན་གོམས་བྱ་ཞེས་སྤྱིར་བསྟན་ཏོ། །གཉིས་པ་ལ་དྲུག །ཀྲི་ཡ། ཨུ་པ། ཡོ་ག །མ་ཧཱ། ཨ་ནུ། ཨ་ཏིའི་ལམ་ལ་སྨོན་པའོ། །དང་པོ་ནི། ཆུ་དབང་སོགས་ཀྱིས་རང་རྒྱུད་སྨིན་བྱས་ནས། །མདུན་བསྐྱེད་ཐུགས་ཀར་ཡིག་འབྲུ་ས་བོན་བཀོད། །ཕྱི་ཡི་སྤྱོད་ལམ་དྲང་སྲོང་རྗེས་མཐུན་ཅིང་། །ནང་གི་ཉི་མ་རྣལ་འབྱོར་སྙིང་ལ་ཤར། །ལྷ་མོ་རྣམས་དང་ཕན་ཚུན་བལྟས་པ་ལས། །བྱུང་བའི་བདེ་བ་ལམ་བྱེད་ཀྲི་ཡའི་རྒྱུད། །རྗེ་དཔོན་ལྟ་བུར་དངོས་གྲུབ་ལེན་པ་དང་། །ཞེས་པས། དེ་ལ་སྔགས་སྡོམ་གྱི་ལམ་སྟེགས་སུ་བྱང་སྡོམ་ནི་ངེས་པར་དགོས་ལ། དེའི་སྟེང་དུ་སྔགས་ཕྱི་ནང་སོ་སོའི་དམ་ཚིག་དང་སྡོམ་པའི་གནང་བཀག་དང་མི་འགལ་བས་ཆུ་དང་ཅོད་པན་གྱིས་དབང་གི་སྨིན་པར་བྱ་སྟེ། ཡེ་ཤེས་གསང་བའི་རྒྱུད་ལས། བུམ་པ་ཆུ་ཡི་དབང་བསྐུར་བ། །བྱ་བའི་རྒྱུད་ལ་ཞུགས་པ་སྟེ། །ཞེས་སོ། །མདུན་བསྐྱེད་ཀྱི་ཐུགས་ཀར་ཡིག་འབྲུ་དང་བཅས་པའི་ལྷའི་རྣལ་འབྱོར་བསྒོམ་པ་དང་། ཕྱིའི་སྤྱོད་ལམ་ནི་ཁྲུས་དང་། གཙང་སྦྲ་དང་། དཀར་གསུམ་བཟའ་བ་དང་། སྨྱུང་བར་གནས་པའི་སྒོ་ནས་རྫོགས་ལྡན་དུས་ཀྱི་འདོད་པའི་ཀུན་སྤྱོད་ལྷ་མོ་ཕན་ཚུན་བལྟས་པ་ཙམ་གྱིས་བདེ་བ་ལམ་དུ་བྱེད་ཅིང་། མདུན་བསྐྱེད་ལས་རྗེ་དཔོན་ཚུལ་དུ་དངོས་གྲུབ་ལེན་པའོ། །གཉིས་པ་ནི། རྡོ་རྗེ་དྲིལ་བུའི་དབང་གིས་སྨིན་བྱས་ནས། །བདག་མདུན་གཉིས་ཀའི་ཐུགས་ཀར་ཡིག་འབྲུ་བཀོད། །ཕྱི་རོལ་བྱ་བའི་ཐབས་དང་ནང་གི་ནི། །ཟབ་མོའི་རྣལ་འབྱོར་ཆ་ལ་མཉམ་པར་སྤྱོད། །འཛུམ་ཞིང་དགོད་པའི་བདེ་བ་རྣམ་རོལ་པ། །ཡན་ལག་བཞི་ལ་གཞོལ་བ་ཨུ་པའི་རྒྱུད། །གྲོགས་པོ་ལྟ་བུར་དངོས་གྲུབ་ལེན་པར་བྱེད། །བྱ་སྤྱོད་གནས་ལ་ཚུལ་བཞིན་སྤྱོད་པར་ཤོག །ཅེས་པ་ནི། སྤྱོད་པའི་རྒྱུད་ལ། རྡོ་རྗེ་དྲིལ་བུ་མིང་དབང་དང་བཅས་པས་སྨིན་པར་བྱ་སྟེ། ཡེ་ཤེས་ཐིག་ལེ་ལས། རྡོ་རྗེ་དྲིལ་བུ་དེ་བཞིན་མིང་། །སྤྱོད་པའི་རྒྱུད་ལ་རབ་ཏུ་གསལ། །ཅེས་སོ། །བདག་མདུན་གཉིས་ཀ་ལྷའི་རྣམ་རོལ་དུ་གསལ་བའི་བཟླས་སྒོམ་དང་། ཕྱིའི་སྤྱོད་ལམ་བྱ་རྒྱུད་དང་མཐུན་ཅིང་། ནང་གི་རྣལ་འབྱོར་ཡོ་ག་ལྟར་བསྒོམ་པར་འདོད་པའི་ཀུན་སྤྱོད། ལྷ་མོ་དང་ཕན་ཚུན་འཛུམ་ཞིང་དཀོད་པའི་བདེ་བ་ལམ་དུ་བྱེད་པ། རྣལ་འབྱོར་ཡན་ལག་བཞི་ནི། རྣམ་སྣང་མངོན་བྱང་ལས། ཡི་གེ་དང་ནི་ཡི་གེ་སྦྱར། །དེ་བཞིན་གཞི་ལ་གཞིར་གྱུར་ཉིད། །ཅེས་པས་སོ། །མདུན་བསྐྱེད་ལས་གྲོགས་པོ་ལྟ་བུ་དངོས་གྲུབ་ལེན་པའོ། །དེ་ལྟར་བྱ་སྤྱོད་གཉིས་ཀྱི་མཚན་བཅས་མཚན་མེད་སོགས་ཀྱི་རྣལ་འབྱོར་ལ་ཚུལ་བཞིན་དུ་གནས་ཤིང་གོམས་པར་ཤོག་ཅིག་པའོ། །གསུམ་པ་ནི། སློབ་དཔོན་དབང་བསྐུར་རང་རྒྱུད་སྨིན་བྱས་ནས། །བདག་མདུན་གཉིས་ཀ་དག་པའི་ལྷ་རུ་བསྐྱེད། །ཡེ་ཤེས་སྤྱན་དྲངས་དེ་སྲིད་ང་རྒྱལ་བཟུང་། །ཕྱག་རྒྱ་བཞི་ཡི་རྒྱ་ལས་མི་འདའ་ཞིང་། །ཏིང་འཛིན་གསུམ་གྱི་ལང་ཚོས་སྙིང་ལ་འགྲོགས། །ལག་པའི་པདྨོ་འབྲེལ་བའི་བདེ་བས་ཚིམས། །ནང་གི་རྣལ་འབྱོར་གཙོ་བོར་གྱུར་པ་ཡི། །ཡོ་གའི་ལམ་གྱི་གཞི་ལ་རྣམ་གྲོལ་ཤོག །ཅེས་པ་ནི། དབང་སྔ་མའི་སྟེང་དུ་རྡོ་རྗེ་སློབ་དཔོན་གྱི་དབང་གིས་སྨིན་པར་བྱ་སྟེ། ཇི་སྐད་དུ། ཕྱིར་མི་ལྡོག་པ་བུམ་པའི་དབང་། །རྣལ་འབྱོར་རྒྱུད་དུ་གསལ་བར་བྱ། །ཞེས་སོ། །བདག་མདུན་གཉིས་ཀ་ལྷར་བསྐྱེད་ནས་ཡེ་ཤེས་པ་དགུག་ཅིང་གཞུག །ལྷར་སྣང་ལ་ང་རྒྱལ་བཟུང་ནས་དམ་ཚིག་གི་ཕྱག་རྒྱ་དང་། ཆོས་རྒྱ། ལས་རྒྱ། ཕྱག་རྒྱ་ཆེན་པོ་བཞིས་བཅིང་ཞིང་གདུལ་བྱའི་ཉོན་མོངས་པ་གཏི་མུག་དང་། ཞེ་སྡང་། འདོད་ཆགས། སེར་སྣ་བཞི་འདུལ་ཕྱིར་དུ་མ་བུ་བཞིའི་ཐ་སྙད་ཀྱི་སྨོན་པའི་ལྷར་སྣང་གི་དུམ་བུ་རེ་ལ་རྒྱས་འབྲིང་བསྡུས་གསུམ་གྱི་ཏིང་ངེ་འཛིན་གསུམ་གྱི་ལང་ཚོས་སྙིང་ལ་འགྲོགས་ནས་སམ། དང་པོ་སྦྱོར་བ༡། དཀྱིལ་འཁོར་རྒྱལ་མཆོག༢ །ལས་རྒྱལ་མཆོག་༣སྟེ་ཏིང་འཛིན་གསུམ་དང་། འདོད་པའི་ཀུན་སྤྱོད་ཀྱང་གཉིས་ལྡན་དང་མཚུངས་པས་ལག་བཅངས་ཀྱི་རྣམ་པ་ལམ་དུ་བྱེད་ལ། །ཕྱིའི་སྤྱོད་པ་གྲོགས་ཙམ་དུ་བསྟེན་པ་ལས། །གཙོ་བོར་ནང་གི་རྣལ་འབྱོར་ལ་བརྩོན་པ་སྟེ། ཡོ་གའི་ལམ་གྱི་གཞི་ལ་རྣམ་པར་གྲོལ་བར་ཤོག་ཅིག་ཅེས་སྨོན་པའོ། །བཞི་པ་ལ་དྲུག །ནང་པ་ཐབས་རྒྱུད་གསང་བ་བླ་མེད་ཀྱི་དོན་ལ་སྤྱིར་སྨོན་པ༡། འཆི་སྲིད་ཆོས་སྐུར་སྦྱོང་བ༢། བར་སྲིད་ལོངས་སྐུར་སྦྱོང་བ༣། སྐྱེ་སྲིད་སྤྲུལ་སྐུར་སྦྱོང་བ༤། བདེ་སྟོང་གི་ལྷ་སྐུ༥། འདུས་པའི་རིམ་ལྔ་མཐར་ཕྱིན་པར་༦སྨོན་པའོ། །དང་པོ་ནི། རྒྱུ་དབང་བསྐུར་ནས་རག་པའི་ཕུང་སོགས་རྣམས། །ཕྱི་ནང་སྣོད་བཅུད་གཞལ་ཡས་ལྷ་རྣམས་སུ། །དག་པའི་སྐུ་དང་མཆོག་དབང་གསུམ་བསྐུར་ནས། །བསྐྱེད་རིམ་ཚོགས་ཞིང་སྲུང་འཁོར་སྔོན་འགྲོ་བས། །རིམ་པ་ལྔ་དང་རྗེས་མཐུན་ལམ་གྱི་འགྲོས། །ཞེས་པས། ས་ཆོག་དང་། སྟ་གོན་དང་། རྡུལ་ཚོན་གྱི་བྱ་བ་དང་། ཆོ་གའི་ལམ་རིམ་ལ་སོགས་སྐྱེད་བྱེད་འགྲུབ་པའི་རྒྱུ་ཚོགས་མང་པོ་ལ་བརྟེན་དགོས་པས་ན་བུམ་དབང་རྗེས་འབྲངས་རིག་པའི་དབང་ལྔ་དང་བཅས་པ་ལ་རྒྱུ་དབང་དུ་བཞག་ལ། དག་བྱེད་དེ་རྣམས་ཀྱི་དག་བྱ་སློབ་མའི་རྒྱུད་ཀྱི་རགས་པའི་ཕུང་པོ་ལྔ་ནི་གཤེགས་པ་ལྔ། འབྱུང་བ་ལྔ་ནི་ཡུམ་ལྔ། དབང་ཡུལ་སེམས་དཔའ་སེམས་མ། མུ་བཞི་ལ་སོགས་པ་སྒོ་བ་ཡབ་ཡུམ་དུ་གནས་དག་པར་བྱེད་ཅིང་། དེ་བཞིན་དུ་ཕྱི་སྣོད་གཞལ་ཡས་ཁང་དང་། ནང་བཅུད་ལྷ་དང་ལྷ་མོའི་རང་བཞིན་དུ་རྣམ་པར་དག་པར་བྱེད་པ། དེའི་སྟེང་དུ་མཆོག་དབང་གོང་མ་གསུམ་ལས། གསང་དབང་གིས་ངག་གི་རླུང་། ཤེར་དབང་གིས་ཡིད་དང་ཐིག་ལེ། བཞི་པས་ཤེས་བྱའི་སྒྲིབ་པ་དག་སྟེ་རྒྱུད་སྨིན་ཅིང་སྐུ་བཞིའི་ས་བོན་ཐེབས། དེ་ནས་རིམ་པ་དང་པོ་བསྐྱེད་རིམ་གྱི་ཚོགས་ཞིང་ལ་བརྟེན་ནས་ཚོགས་བསགས་པ། སྲུང་འཁོར་བསྒོམ་པ་སྔོན་དུ་འགྲོ་བས་དངོས་གཞི་ལུས་ལྷ། ངག་སྔགས། སེམས་དེ་ཁོ་ན་ཉིད་ལ་གཞོལ་བས་སྒོ་གསུམ་རྡོ་རྗེ་གསུམ་དང་། ཀུན་རྫོབ་བདེན་པ་སྒྱུ་ལུས། དོན་དམ་བདེན་པ་འོད་གསལ་ཏེ། ཕ་རྒྱུད་གསང་བ་འདུས་པའི་རིམ་པ་ལྔ་དང་རྗེས་སུ་མཐུན་པ་ཞེས་པས་ལམ་གྱིས་འགྲོས་མཚུངས་སུ་སྦྱར་བ་སྟེ། རིམ་ལྔ་བསྡུས་གསལ་ལས། ལུས་དབེན་སྔགས་དང་སེམས་གསུམ་གྱི། །སྒྱུ་མ་མངོན་པར་བྱང་ཆུབ་པས། །ཟུང་འཇུག་རིམ་པ་ཤེས་པར་འགྱུར། །ཞེས་སོ། ། ༈ གཉིས་པ་ནི། ཁམས་དྲུག་ལྡན་པའི་མི་རྣམས་ཕུང་ཁམས་སོགས། །རིམ་གྱིས་ཐིམ་ནས་འཆི་བའི་རིམ་པའམ། །ཇི་ལྟར་མཚན་མོ་གཉིད་དུ་སོང་བའི་ཚེ། །ཡུལ་ལྔའི་ཤེས་པ་རིམ་གྱིས་ཡིད་དུ་ཐིམ། །དེ་ཡང་ཀུན་གཞིར་ཐིམ་པས་མི་རྟོག་པ། །རྩེ་གཅིག་སྣང་ཡུལ་མེད་པའི་ངང་དེ་ཉིད། །ཆོས་དབྱིངས་ཐིམ་པས་རང་བཞིན་སྤྲོས་དང་བྲལ། །མཐུན་པར་ལྷག་མོས་འོད་གསལ་དུ་འཇུག་པའི། །བར་འདིར་ཆོས་སྐུའི་རྣལ་འབྱོར་ལ་གནས་ཤིང་། །ཞེས་པ་ནི་འབྱུང་བ་ལྔ་དང་དྲི་བཅས་ཡེ་ཤེས་ཏེ་ཁམས་དྲུག་ལྡན་གྱི་མི་རྣམས་ཕུང་ཁམས་ཀྱི་ཚོགས་བྱས་ཤིང་ཐིམ་ཉམས་སུ་མྱོང་བའམ། དེ་དང་རྗེས་མཐུན་མཚན་མོ་གཉིད་དུ་ཕྱོགས་པའི་ཚེ་མཐོང་ཡུལ་གཟུགས་ལ་སོགས་པའི་དབང་པོའི་ཤེས་པ་ལྔ་རིམ་གྱིས་ནུབ་ནས་ཡིད་ཀྱི་རྣམ་པར་ཤེས་པ་ལ་ཐིམ། དེ་ཡང་ཀུན་གཞི་ལུང་མ་བསྟན། སེམས་མེད་པའི་གནས་སྐབས་ལྔའི་གཅིག་ཤོས་ལ་ཐིམ་པས་གཉིད་མཐུག་གང་དུའང་མི་རྟོག་པའི་ངང་དུ་ཐིམ། ཐིམ་པ་དེ་ཉིད་གཟུང་འཛིན་གྱི་ཆར་ཤར་བ་མ་ཡིན་ཡང་གོ་འབྱེད་པའི་ཆ་ནས་རླུང་སེམས་ཀྱིས་མ་བསླད་པའི་རིམ་པ་ནང་གསལ་ལྷུན་གྲུབ་ཆེན་པོར་ཤར་བ་ལ་ཆོས་དབྱིངས་སུ་ཐིམ་པའི་བརྡར་བཏགས་པ་སྟེ། རང་བཞིན་གྱིས་སྤྲོས་པ་དང་བྲལ་བ་དང་མཐུན་པར་ལྷག་མོས་འོད་གསལ་དུ་འཇུག་པའི་དུས་ཏེ་འཆི་བ་ཆོས་སྐུའི་རྣལ་འབྱོར་ཞེས་བྱའོ། །དེའང་ཞིབ་ཏུ་བཤད་ན། གང་དུ་འཚང་རྒྱ་བའི་གནས་གཞལ་ཡས་ཁང་བསྐྱེད་པ། དེར་འཚང་རྒྱ་བའི་བརྟེན་པ་ལྷ་བསྐྱེད་པ། ཇི་ལྟར་འཚང་རྒྱ་ཚུལ་ལྷག་མོས་འོད་གསལ་དུ་སྡུད་པ་སྟེ་བསྐྱེད་པ་དང་རྫོགས་པའི་རིམ་པའོ། །དེ་ཡང་ཀྱཻ་རྡོར་བརྟག་གཉིས་ལས། བསྐྱེད་པའི་རིམ་པའི་རྣལ་འབྱོར་གྱིས། །བརྟུལ་ཞུགས་ཅན་གྱི་སྤྲོས་པ་བསྒོམ། །སྤྲོས་པ་རྨི་ལམ་ལྟར་བྱས་ནས། །སྤྲོས་པ་ཉིད་ཀྱང་སྤྲོས་མེད་བྱ། །ཞེས་གསུངས་པ་ལྟར་རོ། །དེ་ཡང་རྫོགས་པའི་རིམ་པ་ལ། སྦྱང་གཞི་མི་ཐ་མལ་པ་འབྱུང་བ་རིམ་པས་བསྡུས་ཏེ་འཆི་བའི་ཚེ་ཐོག་མར་གཟུགས་ཕུང་། གཞི་དུས་ཀྱི་མེ་ལོང་ལྟ་བུའི་ཡེ་ཤེས་ས་ཁམས། མིག་གི་དབང་པོ། རང་རྒྱུད་ཀྱི་གཟུགས་ཐིམ་པ་རྣམས་འབྱུང་། དེའི་ཕྱི་རྟགས་ནི། གཟུགས་ཕུང་ཐིམ་དུས་ལུས་ཉམ་ཆུང་། མེ་ལོང་ཡེ་ཤེས་ཐིམ་དུས་མིག་མི་གསལ་ཞིང་རབ་རིབ་ཅན་ས་ཁམས་ཐིམ་པས་ལུས་ཤས་ཆེར་བསྐམས་ཤིང་ས་འོག་ཏུ་བྱིངས་པ་ལྟ་བུ། མིག་དབང་ཐིམ་དུས་མིག་འབྱེད་འཛུམ་མི་ཤེས། རང་རྒྱུད་ཀྱི་གཟུགས་ཐིམ་དུས་ལུས་ཀྱི་མདངས་ཡལ་ཅིང་ཉམས་སྟོབས་ཆུང་། ནང་རྟགས་སུ་སྨིག་རྒྱུ་ལྟ་བུའི་སྣང་བ་འབྱུང་། དབང་ཤེས་འཁོར་གྱི་ཚོར་བ་བདེ་སྡུག་མི་དྲན། དེའི་རྗེས་སུ་ཚོར་བའི་ཕུང་པོ་མཉམ་ཉིད་ཡིད་ཤེས་འཁོར་གྱི་ཚོར་བ་བདེ་སྡུག་མི་དྲན། ཡེ་ཤེས། རྣ་བའི་རྣ་བས་སྒྲ་མི་ཐོས་དབང་པོ། ཆུའི་ཁ་ཆུ་དང་རྣག་ཁྲག་སྐམ་ཁམས། རང་རྒྱུད་རྣ་བའི་ནང་གི་འུར་སྒྲ་མི་འབྱུང་། ཀྱི་སྒྲ་རྣམས་ཐིམ། ནང་རྟགས་སུ་དུ་བ་ལྟ་བུའི་སྣང་བ་ཕྱི་རྟགས་སུ་ཉེ་དུ་སོགས་ཀྱི་དོན་མི་དྲན། འབྱུང་། དེའི་རྗེས་སུ་ཉེ་དུ་སོགས་ཀྱི་མིང་མི་དྲན་འདུ་ཤེས་ཀྱི་ཕུང་པོ། མེ་དྲོད་ཡལ་ནས་བཟའ་བཏུང་མི་འཇུ་སོར། རྟོག་ཡེ་ཤེས་མེའི་ཁམས། སྣའི་དབང་པོ། སྣ་སྒོ་ནས་རླུང་ཕྱིར་དྲག་ཏུ་རྒྱུ་ཞིང་ནང་དུ་སྡུད་དཀའ། རང་རྒྱུད་ཀྱི་དྲི་ཐིམ། དྲི་མི་ཚོར། ནང་རྟགས་སུ་མཁའ་སྣང་འཆར། དེའི་རྗེས་སུ་འདུ་བྱེད་ཀྱི་ཕུང་པོ། ལུས་འགུལ་བསྐྱོད་མི་ནུས། བྱ་གྲུབ་ཡེ་ཤེས། ཕྱི་ནང་གི་བྱ་བ་དང་དགོས་པ་རྣམས་མི་དྲན། རླུང་གི་ཁམས། རླུང་བཅུ་རང་གནས་ནས་འཕོ། ལྕེའི་དབང་པོ། སྦོམ་ཞིང་ཐུང་ནག་པོ། རང་རྒྱུད་ཀྱི་རོ་རྣམས་ཐིམ། ལྕེས་རོ་མི་ཚོར། ནང་རྟགས་མར་མེ་ལྟར་འབར་བའི་སྣང་བ་འབྱུང་དེའི་རྗེས་སུ་རླུང་སྣང་བ་ལ་ཐིམ་པའི་སྣང་བ་རང་དུས་སུ་སྟོན་གནམ་གཡའ་དག་པ་ལ་ཟླ་འོད་ཀྱིས་ཁྱབ་པ་ལྟ་བུའི་དཀར་ལམ་པའི་སྣང་བ་འབྱུང་ལ། སྣང་བ་མཆེད་པ་ལ་ཐིམ་པའི་མཆེད་པ་རང་དུས་སུ་སྟོན་གནམ་གཡའ་དག་པ་ལ་ཉི་འོད་ཀྱིས་ཁྱབ་པ་ལྟ་བུའི་སྟོང་སང་དམར་ལམ་པའི་སྣང་བ་འབྱུང་། མཆེད་པ་ཉེར་ཐོབ་ལ་ཐིམ་པའི་ཉེར་ཐོབ་རང་དུས་སུ་སྟོན་གནམ་གཡའ་དག་པ་ལ་མཚན་གྱི་སྨག་མཐུག་པོས་ཁྱབ་པ་ལྟ་བུའི་སྟོང་སང་ནག་ལམ་པའི་སྣང་བ་འབྱུང་། ཉེར་ཐོབ་འོད་གསལ་ལ་ཐིམ་པའི་རང་དུས་སུ་སློང་བྱེད་ཀྱི་རྐྱེན་གསུམ་དང་བྲལ་བའི་ཐོ་རངས་ཀྱི་ནམ་མཁའི་རང་མདོག་ཇི་ལྟ་བའི་སྣང་བ་འབྱུང་སྟེ་འཆི་བ་འོད་གསལ་འཆར། འདི་མིང་གི་རྣམ་གྲངས། གཞིའི་ཆོས་སྐུ་དང་། མྱ་ངན་ལས་འདས་པ་དང་། ཀུན་སྟོང་དང་། ཐམས་ཅད་སྟོང་པ་ཞེས་ཀྱང་བྱ་སྟེ། མྱ་ངན་འདས་བཅས་ཀུན་སྟོང་དང་། །ཆོས་ཀྱི་སྐུར་ནི་བཤད་པ་ཡིན། །ཅེས་གསུངས་པའི་ཕྱིར་རོ། །ལྷག་མོས་འོད་གསལ་དུ་བསྡུ་བའི་རྣལ་འབྱོར་ལའང་བསྐྱེད་རིམ་པའི་ཆོས་སྐུ་ཞེས་ཀྱང་ཟེར། སྒྲུབ་པ་པོས་ལྷའི་ངོ་བོ་དབྱེར་མེད་དུ་མོས་ནས་གཉིས་སྣང་གི་སྤྲོས་པ་ཞི་བར་གནས་པའི་རྣལ་འབྱོར་ཡིན་པས་བསྐྱེད་རིམ་པའི་ཞི་གནས་ཞེས་ཀྱང་བྱའོ། །གོང་དུ་ཇི་སྐད་བཤད་པ་དེ་ལྟར་སྦྱང་གཞི་སྦྱོང་བྱེད་ཀྱི་རྣལ་འབྱོར་པ་སྒོམ་པ་ལ་འཆི་བ་ཆོས་སྐུར་འཆར་བའི་རྣལ་འབྱོར་ཞེས་བྱ་སྟེ། གཞིའི་འཆི་རིམ་དང་རྣམ་པ་མཐུན་ཅིང་སྒྲུབ་པ་པོ་རང་ཉིད་ཀྱི་མ་འོངས་པའི་འཆི་བ་སྦྱོང་བར་བྱེད། ལམ་རྫོགས་རིམ་གྱི་སྐབས་སུ་དཔེ་དོན་གྱི་འོད་གསལ་དང་རྣམ་པ་མཐུན། དེ་ལྟ་བུའི་འོད་གསལ་རང་རྒྱུད་ལ་སྐྱེ་བའི་དགེ་རྩ་སྨིན་བྱེད་ཁྱད་པར་ཅན་དུ་འགྱུར། འབྲས་བུ་སངས་རྒྱས་པའི་རྒྱལ་བའི་ཐུགས་ཆོས་ཀྱི་སྐུ་དང་རྣམ་པ་མཐུན་ཅིང་། ད་ལྟ་ནས་འབྲས་བུ་ལམ་བྱེད་ཀྱི་ཚུལ་དུ་བྱས་ནས་བསྒོམ་པའོ། །གསུམ་པ་ནི། གཉིད་དམ་འཆི་བའི་འོད་གསལ་ལུགས་ལྡོག་ཏུ། །སླར་ཡང་མཆེད་པས་ཀུན་གཞིའི་རྣམ་ཤེས་ལས། །ཡིད་ཉིད་གཅིག་པུ་ལངས་པས་རྨི་ལམ་སེམས། །དབང་པོ་ཀུན་ཚང་ཡིད་ཀྱི་ལུས་གྲུབ་པ། །ཞེས་པས། གནས་སྐབས་པ་གཉིད་དམ་མཐར་ཐུག་པ་འཆི་བ་གང་ཡིན་ཡང་མཚུངས་ཏེ། རང་བཞིན་གྱི་འོད་གསལ་དེ་སྔར་གྱི་ཀུན་གཞིའི་ངང་དུ་རྨུགས་པ་དེ་ཕྱིར་གསལ་དུ་མཆེད་པས་སྲོག་གི་རླུང་ཤིན་ཏུ་ཕྲ་བ་དང་། ལྷན་ཅིག་པའི་ཀུན་གཞིའི་རྣམ་ཤེས་ལས་ཡིད་ཉིད་གཅིག་པུར་ལངས་པས་རྨི་ལམ་གྱི་ལུས་གྲུབ་པ་ཡིན་ཏེ། མིང་གཞི་འདུས་པའི་ཕུང་པོ་ཅན་བར་དོ་དང་ཆོས་མཚུངས་པའོ། །དེ་ལའང་སྦྱང་གཞི་བར་དོའི་རྣམ་གཞག་ལ། འཆི་བ་འོད་གསལ་གྱི་བཞོན་པར་གྱུར་པའི་རླུང་གི་ཉེར་ལེན་དང་། སེམས་ཀྱི་ལྷན་ཅིག་བྱེད་རྐྱེན་བྱས་པ་ལ་བརྟེན་ནས་འཛམ་བུ་གླིང་པའི་མིར་སྐྱེ་འགྱུར་གྱི་བར་དོ་རླུང་གི་ལུས་ཅན་བཞིན་ལག་གི་རྣམ་པ་ཅན་ཕུང་པོ་རྙིང་པ་ལས་གོས་ལོགས་སུ་བྱེ་བའི་ཚུལ་གྱིས་དངོས་གནས་ལ་གྲུབ་པ་དེ་འབྱུང་ཞིང་། དེ་དང་དུས་མཉམ་དུ་ལུགས་ལྡོག་གི་ཉེར་ཐོབ་ནས་སྨིག་རྒྱུའི་བར་གྱི་རྟགས་རྣམས་འབྱུང་ལ། འཆི་བ་འོད་གསལ་འགགས་པ། བར་དོ་གྲུབ་པ། ལུགས་ལྡོག་གི་ཉེར་ཐོབ་སྐྱེས་པ་གསུམ་དུས་མཉམ་དུ་འབྱུང་ངོ་། །བར་དོ་དེ་ཡང་དབང་པོ་ཀུན་ཚང་བ། ཡན་ལག་དང་ཉིད་ལག་གཅིག་ཅར་རྫོགས་པ། རི་རབ་སོགས་ལ་ཐོགས་མེད་དུ་འགྲོ་ནུས་པ། ལས་ཀྱི་རྫུ་འཕྲུལ་སངས་རྒྱས་ཀྱིས་ཀྱང་དགག་མི་ནུས་ཏེ། མངོན་པ་མཛོད་ལས། དབང་པོ་ཀུན་ཚང་ཐོགས་མེད་རྒྱུ། །ལས་ཀྱི་རྫུ་འཕྲུལ་ཤུགས་དང་ལྡན། །ཞེས་གསུངས་པའི་ཕྱིར། མིང་གི་རྣམ་གྲངས། དྲི་ཟ། སྲིད་པ་བར་མ། ཡིད་ལས་བྱུང་། སྲིད་ཚོལ་དྲི་ཟའི་སེམས་ཅན་ཞེས་བྱ་བ་རྣམས་སོ། །དེའི་ནང་ནས་འཛམ་བུ་གླིང་པའི་མིར་སྐྱེ་བའི་བར་དོ་ནི་བྱིས་པ་ལོ་ལྔ་དྲུག་ལོན་པའི་བོངས་ཚོད་དུ་མཛོད་འགྲེལ་ལས་གསུངས། ངན་འགྲོའི་བར་དོ་ནི་མཚན་མོ་མུན་ནག་གིས་ཁྱབ་པ་ལྟ་བུ། བདེ་འགྲོའི་བར་དོ་ནི་མཚན་མོ་ཟླ་འོད་ཀྱིས་ཁྱབ་པའམ། སྣམ་བུ་དཀར་པོ་བརྐྱངས་པ་ལྟ་བུའི་རྣམ་པ་ཅན་དུ་སའི་དངོས་གཞི་ལས་གསུངས། དེའང་དམྱལ་བར་སྐྱེ་འགྱུར་གྱི་བར་དོ་ནི་སྡོང་དུམ་ཚིག་པ་ལྟ་བུ། ཡི་དྭགས་ཀྱི་བར་དོ་ནི་ཆུ་ལྟ་བུ། དུད་འགྲོའི་བར་དོ་ནི་དུ་བ་ལྟ་བུ། འདོད་པའི་ལྷ་མིའི་བར་དོ་ནི་གསེར་ལྟ་བུ། གཟུགས་ཁམས་སུ་སྐྱེ་བའི་བར་དོ་ནི་དཀར་པོ་མངལ་འཇུག་ལས་གསུངས། གཟུགས་མེད་དུ་སྐྱེ་བ་ལ་བར་དོ་མི་འབྱུང་ཞིང་། དེ་ནས་གནས་གཞན་དུ་སྐྱེ་ན་བར་དོ་འབྱུང་ངོ་། །ངན་འགྲོའི་བར་དོ་སྤྱི་བོའི་ཚུགས་ཐུར་དུ་འགྲོ་བ་དང་། མིའི་བར་དོ་ཐད་ཀ །ལྷའི་བར་དོ་སྟེང་དུ་འགྲོ་བ་སའི་དངོས་གཞི་ལས་གསུངས་སོ། །ཚེ་ཚད་ཞག་བདུན་རེ་དང་། དེའི་ནང་དུ་སྐྱེ་གནས་རྙེད་ན་སྐྱེ་བ་ལེན་ཅིང་། མ་རྙེད་ན་བདུན་ཕྲག་རེ་ནས་འཆི་ལ། ཡང་ལུས་གྲུབ་སྟེ་བདུན་ཕྲག་བདུན་ཚན་ལ་སྐྱེ་བ་ངེས་པར་ལེན་པ། བདུན་ཕྲག་རེའི་ནང་དུ་སྐྱེ་བ་ལེན་པ་ཡང་ཡོད་པས་བར་འདའ་བ་ཡང་ཁས་ལེན་ཅིང་། བར་དོའི་རྟེན་ལ་འཆི་ཆུང་ཇི་ཙམ་བྱས་ཀྱང་བར་སྲིད་རང་དུ་བསྡུ་ལ། སྲིད་པ་བཞི་ནི། འཆི་བ་དང་། སྐྱེ་བ་གཉིས་ཀྱི་བར་དུ་འབྱུང་བའི་སྲིད་པ་ནི་བར་སྲིད། སྐྱེས་ནས་འཆི་བ་ལ་མངོན་དུ་ཕྱོགས་པའི་བར་ནི་སྔོན་དུས་ཀྱི་སྲིད་པ། འཆི་བ་འོད་གསལ་ཉམས་སུ་མྱོང་བའི་དུས་ནི་འཆི་སྲིད། ཉིང་མཚམས་སྦྱར་ནས་མ་བཙས་པའི་བར་ནི་སྐྱེ་སྲིད་དུ་བྱེད་པའོ། །རྟེན་ངན་པའི་བར་དོ་གྲུབ་ནས་རྟེན་བཟང་པོར་མི་ལྡོག་པར་མཛོད་ལས་གསུངས་ཀྱང་། ཀུན་ལས་བཏུས་སུ། ཅི་སྟེ་ན་ཟློག་གོ་ཞེས་གསུངས་པ་ལྟར་འདིར་ཁས་བླང་ངོ་། །བར་དོ་བ་དེས་རང་གི་སྔ་མའི་ལུས་རྟེན་རྙིང་པ་མཐོང་ཡང་དེ་ལ་མི་འཇུག་པ་ནི། འབྲེལ་པ་ལས་སྟོབས་ཀྱིས་ཆད་པས་འཇུག་འདོད་ཀྱི་བློ་མི་སྐྱེ་བར་སའི་དངོས་གཞི་ལས་གསུངས་ཤིང་། ཡང་བར་དོ་རིགས་མཐུན་དང་། ལྷའི་མིག་གིས་མཐོང་བ་མཛོད་ལས་གསུངས་སོ། །བར་དོ་སྒྱུ་ལུས་ལོངས་སྐུར་ལྡང་བའི་མན་ངག་ལ་སྨོན་པ་དངོས་ནི། དེ་མཚུངས་སྐད་ཅིག་མངོན་བྱང་ལྔ་ལས་ནི། །དང་པོའི་མགོན་པོ་ལེགས་པར་བསྐྱེད་པའི་ཚུལ། །བར་དོ་སྒྱུ་ལུས་ལོངས་སྐུར་ལྡང་བར་ཤོག །ཅེས་པས། དེ་དང་མཚུངས་ལྡན་རྣམ་བྱང་བསྐྱེད་པའི་རིམ་པ་གདན་པདྨ་ལས་མངོན་པར་བྱང་ཆུབ་པ། གསུང་ཡིག་འབྲུ་ལས། ཐུགས་ཕྱག་མཚན་ལས། སྐུ་ཡོངས་སུ་རྫོགས་པ་ལས། ངོ་བོ་ཉིད་ཡེ་ཤེས་སེམས་དཔའ་ལས་མངོན་པར་བྱང་ཆུབ་པའི་དང་པོའི་མགོན་པོ་རིགས་ཐམས་ཅད་པའི་བདག་ཉིད་ཅན་དུ་ལྡང་བ་ནི་བར་དོ་སྒྱུ་ལུས་ལོངས་སྐུར་ལྡང་བའི་ཚུལ་བསྐྱེད་པའི་རིམ་པ་ལོངས་སྐུ་དང་པོ་མགོན་པོ་མངོན་བྱང་ལྔའི་སྒོ་ནས་བསྐྱེད་པ་ནི། མདོར་བྱས་ལས། འོད་གསལ་བར་ནི་རབ་ཞུགས་ནས། །ལྡང་བ་ཡང་ནི་བརྟག་པར་བྱ། །སྔགས་ཀྱི་སྐུ་ཡི་སྦྱོར་བ་ཡིས། །ལྷ་ཡི་གཟུགས་ལ་དམིགས་པར་བྱ། །ཞེས་སོགས་གསུངས་པ་ལྟར་རོ། །དེ་ལྟར་བསྒོམས་པ་ལ་བར་དོ་ལོངས་སྐུར་ཁྱེར་བའི་རྣལ་འབྱོར་ཞེས་བྱ་སྟེ། གཞི་ལ་འཛམ་བུ་གླིང་པའི་བར་དོ་དང་ཆོས་མཐུན་ཅིང་སྒྲུབ་པ་པོ་རང་ཉིད་ཀྱི་མ་འོངས་པའི་བར་དོ་སྦྱོང་བར་བྱེད། ལམ་རྫོགས་རིམ་གྱི་སྐབས་སུ་དག་མ་དག་གི་སྒྱུ་ལུས་གཉིས་དང་རྣམ་པ་མཐུན་ཅིང་། དེ་གཉིས་མྱུར་དུ་འགྲུབ་པའི་དགེ་རྩ་སྨིན་བྱེད་ཁྱད་པར་ཅན་དུ་འགྱུར། འབྲས་བུ་ལོངས་སྤྱོད་རྫོགས་པའི་སྐུ་དང་རྣམ་པ་མཐུན་ཅིང་ད་ལྟ་ནས་འབྲས་བུ་ལམ་བྱེད་ཀྱི་ཚུལ་དུ་བྱས་ནས་བསྒོམས་སྒྱུ་ལུས་ལོངས་སྐུར་ལྡང་བར་ཤོག་ཅིག་པའོ། །བཞི་པ་ནི། སླར་ཡང་སད་པའི་གནས་སྐབས་ཉིན་སྣང་དུ། །གདན་གསུམ་ལྷ་ཡི་སྐུ་རུ་ངེས་བྱས་ནས། །བར་དོའི་ལུས་དེ་མ་ཡི་མངལ་དུ་ནི། །ཞུགས་ཚུལ་དང་པོའི་མགོན་པོ་མི་བསྐྱོད་པའི། །སྐུ་ལས་ཞུགས་པས་རྡོ་རྗེའི་སེམས་བསྐྱེད་ཅིང་། །དེ་ལས་ལུས་དཀྱིལ་བཀོད་ཅིང་སྒོ་གསུམ་དག །བྱིན་གྱིས་བརླབས་ཤིང་སེམས་དཔའ་སུམ་བརྩེགས་སུ། །བྱས་ནས་རིག་མའི་འདོད་ཡོན་རྣམ་རོལ་ལས། །ཉིན་སྣང་སྐྱེ་ཤི་བར་དོ་གོམས་འདྲིས་ཀྱིས། །སྐྱེ་བ་སྤྲུལ་སྐུའི་རྣལ་འབྱོར་ལམ་བྱེད་ཤོག །ཅེས་པས་སད་པའི་གནས་སྐབས་དང་ཉིན་མོའི་སྣང་བ་ཐམས་ཅད་ཐམས་ཅད་དུ་བར་སྲིད་ཀྱི་ལུས་མའི་མངལ་དུ་ཉིང་མཚམས་སྦྱོར་བའི་བག་ཆགས་སྦྱོང་ཕྱིར་འཁོར་བའི་འདྲ་འབག་ལམ་དུ་བྱེད་པའོ། །ཕུང་ཁམས་གཉིས་གཤེགས་པ་གཤེགས་མ། སྐྱེ་མཆེད་སེམས་དཔའ་སེམས་མ། ཡན་ལག་ཁྲོ་བོ་ཁྲོ་མོའི་གདན་ཏེ་གདན་གསུམ་ཚང་པའི་སྐུར་ངེས་པར་བྱས། མངལ་དུ་འཇུག་ཀའི་སྲིད་བཅས་ཀྱི་ཤེས་པ་དེ་ཉིད་མགོན་པོ་མི་བསྐྱོད་པ་ལ་སོགས་པའི་བསྐྱེད་རིམ་སྒྱུ་མ་ལྟ་བུའི་ལྷ་སྐུར་ལྡང་བའི་སྔོན་དུ་གཞུང་ལྟར་རྡོ་རྗེའི་རྣལ་འབྱོར་དུ་སེམས་བསྐྱེད་ཅིང་། དེ་ལ་ལུས་དཀྱིལ་བཀོད་ཚུལ་སོ་སོའི་ལུགས་ལྟར་རམ། དོན་གྱི་ངག་དྲན་དང་། སྒོ་གསུམ་བྱིན་གྱིས་བརླབ། དམ་ཡེ་ཏིང་ངེ་འཛིན་སེམས་དཔའ་སུམ་བརྩེགས་ཀྱི་བསྐྱེད་རིམ་ལ་གནས་པས་ཤེར་དབང་ལྟར་རིག་མའི་འདོད་ཡོན་ལ་རྣམ་པར་རོལ་ནས་ཕ་མའི་འདུ་འཕྲོད་ལ་ཆགས་སྡང་སྤང་ཞིང་། དེ་ཡང་བར་དོར་ཚུལ་དེ་ལྟ་བུ་གྲུབ་པ་ལ་ད་ལྟའི་ཉིན་སྣང་ཐམས་ཅད་སྐྱེ་ཤི་བར་དོ་གསུམ་གང་རུང་དུ་གྲོལ་བྱེད་ཀྱི་གོམས་འདྲིས་ལ་སློབ་པ་ནི། སྐྱེ་བ་སྤྲུལ་སྐུའི་རྣལ་འབྱོར་ལམ་དུ་བྱེད་པ་ལ་སྨོན་པའོ། །སྦྱང་གཞི་མངལ་དུ་སྐྱེ་བ་ལེན་ཚུལ་མདོ་ཙམ་སྨོས་ན། ཕོ་མོ་གཉིས་སྙོམས་འཇུག་གི་ཚེ་བར་དོ་ཤི་བའི་རླུང་སེམས་ཕའི་ཁའམ། སྤྱི་བོ་ནས་འཇུག་སྟེ། རྡོར་ཕྲེང་ལས། སྔོན་ལས་རླུང་གི་རྣམ་ཤེས་ནི། །བརྒྱ་ལ་གང་ཚེ་འགྲོ་འགྱུར་ན། །ཕ་ཡི་ཁ་ལ་མཚུངས་པར་ལྡན། །ཅེས་སོ། །བར་དོ་ཤི་བའི་རླུང་སེམས་མངལ་དུ་འཇུག་ཅིང་། དེ་དང་དུས་མཉམ་དུ་སྨིག་རྒྱུ་ནས་འོད་གསལ་བར་གྱི་རྟགས་རྣམས་འབྱུང་ལ། འོད་གསལ་འགགས་པ་དང་བར་དོའི་རླུང་སེམས་མངལ་དུ་སྐྱེ་བ་བླངས་པ་དང་། ལུགས་ལྡོག་གི་ཉེར་ཐོབ་སྐྱེས་པ་རྣམས་དུས་མཉམ་ཞིང་། དེ་ནས་མཆེད་པ་ནས་སྨིག་རྒྱུའི་བར་གྱི་རྟགས་རྣམས་འབྱུང་། དེ་ནས་མེར་མེར་པོ་སོགས་ཞག་བདུན་ཕྲག་སོ་ལྔའི་ནང་དུ་ཕུང་ཁམས་སྐྱེ་མཆེད་ཡན་ལག་ཉིང་ལག་རྣམས་རྫོགས། བདུན་ཕྲག་སོ་དྲུག་པ་ལ་ཕྱིར་འབྱུང་འདོད་སྐྱེ། སོ་བདུན་པ་ལ་མངལ་ལ་དྲི་མི་ཞིམ་ཞིང་མི་གཙང་བའི་བློ་འབྱུང་། སོ་བརྒྱད་པ་ལ་ལས་རླུང་གིས་མགོ་མཇུག་ལྡོག་ནས་ཕྱིར་བཙས་ཏེ་མིག་ཤེས་ཀྱི་ཡུལ་དུ་གྱུར་ནས། བྱིས་པ། གཞོན་ནུ། དར་བབ། རྒན་པོའི་སྐབས་རྣམས་འབྱུང་ངོ་། །རང་བཞིན་གྱི་གནས་དེ་བཞིན་གཤེགས་པ་ཡབ་ཡུམ་སེམས་ཅན་འདུལ་བའི་ཕྱིར་དུ་སྙོམས་པར་ཞུགས་པ་ནི་ཕ་མ་གཉིས་སྙོམས་པར་འཇུག་པ་དང་ཆོས་མཐུན། བྱང་ཆུབ་ཀྱི་སེམས་ལས་གྲུབ་པའི་མི་བསྐྱོད་པས་ནམ་མཁའི་ཁམས་ཐམས་ཅད་ཁྱབ་པ་ནི་གཞི་ལ་བྱང་སེམས་དཀར་དམར་ཞུ་བས་ཕ་མ་གཉིས་ཀྱི་རྩ་སྟོང་ཕྲག་དོན་གཉིས་ཀྱི་ནང་གང་བ་དང་ཆོས་མཐུན་དེས་སེམས་ཅན་ཐམས་ཅད་ལ་བྱིན་གྱིས་བརླབས་པས་ཟག་པ་མེད་པའི་བདེ་བ་དང་ཡིད་བདེ་བ་དང་ཐོབ་པ་ནི་སེམས་ཅན་དུ་འདོགས་པའི་གཞི། ཕ་མ་གཉིས་ཀྱི་ཕུང་སོགས་བདེ་བས་བརྒྱལ་བ་དང་ཆོས་མཐུན། མི་བསྐྱོད་པ་ཐམས་ཅད་གཞལ་ཡས་ཁང་གི་ནང་དུ་གཅིག་ཏུ་འདྲེས་པ་ནི་ཁུ་ཁྲག་མངལ་དུ་འདྲེས་པ་དང་ཆོས་མཐུན། དེ་ལ་དང་པོའི་མགོན་པོ་ཞུགས་པ་ནི་བར་དོར་ཤི་ནས་སྐྱེ་གནས་སུ་ཞུགས་པ་དང་ཆོས་མཐུན། ལུས་རྟེན་གཞལ་ཡས་ཁང་དུ་བསྒོམ་པ་ལ་ལམ་དང་འབྲས་བུ་གཉིས་མ་གཏོགས་གཞི་ལ་ཆོས་མཐུན་སྦྱོར་རྒྱུ་མེད་ཀྱང་། བརྟེན་པ་ལྷ་བསྒོམ་པ་ལ་ཕུང་པོ་ལྔ་རིགས་ལྔར་བསྒོམ་པ་ནི་མངལ་གྱི་སེམས་ཅན་དེའི་ཕུང་པོ་ལྔ་གྲུབ་པ་དང་། ཁམས་བཞི་ཡུམ་བཞིར་བསྒོམ་པ་ནི་དེའི་ཁམས་བཞི་གྲུབ་པ་དང་། མིག་སོགས་སེམས་དཔར་བསྒོམ་པ་ནི་དེའི་མིག་སོགས་དབང་པོ་ལྔ་གྲུབ་པ་དང་། ཡུལ་ལྔ་རྡོ་རྗེ་མ་ལྔར་བསྒོམ་པ་ནི་དེའི་གཟུགས་སོགས་སྐྱེ་མཆེད་གྲུབ་པ་དང་། ཡན་ལག་ཁྲོ་བོར་བསྒོམ་པ་ནི་དེའི་ཡན་ལག་ཉིད་ལག་རྫོགས་པ་ཆོས་མཐུན། སྐུ་བྱིན་རླབས་ནི། དེའི་སྐྲ་བ་སྤུ་སེན་མོ་སོགས་ལུས་ཀྱི་གནས་སྐབས་རྫོགས་པ་དང་། གསུང་བྱིན་རླབས་ནི་དེའི་ངག་སྨྲ་བའི་གནས། བྱེད་པ་ལྕེ་རྐན་གྲུབ་པ་དང་། ཐུགས་བྱིན་རླབས་ནི་ཡིད་ཤེས། ཡུལ་ལ་འཇུག་པའི་དྲན་པ་རྫོགས་པར་གྲུབ་པ་དང་། སེམས་དཔའ་སུམ་བརྩེགས་བསྒོམ་པ་ནི་དེའི་རག་པ་གནས་སྐབས་པ་དང་། ཕྲ་བ་གཉུག་མའི་ལུས་གྲུབ་པ་དང་། རིགས་བདག་གིས་རྒྱས་འདེབས་པ་ནི་མངལ་གྱི་སེམས་ཅན་དེ་ཕྱིར་བཙས་པ་དང་ཆོས་མཐུན་དུ་སྦྱར་རོ། །གཞི་ལ་བར་དོ་འཛམ་བུ་གླིང་པའི་མངལ་ སྐྱེས་ཁམས་དྲུག་ལྡན་པར་སྐྱེ་བ་ལེན་པ་དང་ཆོས་མཐུན་ཅིང་། སྒྲུབ་པ་པོ་རང་ཉིད་ཀྱི་མ་འོངས་པའི་སྐྱེ་བ་སྦྱོང་བར་བྱེད། ལམ་རྫོགས་རིམ་གྱི་སྐབས་སུ་དག་དང་མ་དག་གི་སྒྱུ་ལུས་གཉིས་ཀྱི་ལམ་དུས་ཀྱི་ཕྲ་རགས་ཀྱི་སྤྲུལ་སྐུ་འཛིན་པ་དེ་དང་རྣམ་པ་མཐུན་ཅིང་། དེ་ལྟ་བུའི་དགེ་རྩ་སྨིན་བྱེད་ཁྱད་པར་ཅན་དུ་འགྱུར། འབྲས་བུ་སངས་རྒྱས་ཀྱི་སའི་ལོངས་སྤྱོད་རྫོགས་པའི་སྐུ་འདོད་ཁམས་ལ་སོགས་པར་ཕྲ་རགས་ཀྱི་སྤྲུལ་སྐུ་འཛིན་པ་དང་རྣམ་པ་མཐུན། ད་ལྟ་ནས་འབྲས་བུ་ལམ་བྱེད་ཀྱི་ཚུལ་དུ་བྱས་ནས་བསྒོམས་པས་དེ་ལྟ་བུ་མྱུར་དུ་འགྲུབ་པའི་ཐབས་མཁས་ཁྱད་པར་ཅན་དུ་འགྱུར་རོ། །ལུས་དཀྱིལ་ནི། གྲུབ་ཆེན་དྲིལ་བུ་པས། འགྲོ་བ་འདི་དག་རང་བཞིན་གྱིས། །གྲུབ་པའི་དཀྱིལ་འཁོར་གཉིས་མེད་པའོ། །ཞེས་པས་ལུས་དཀྱིལ་གྱི་བསྒྲུབ་གཞི་ལུས་ཀྱི་ཆ་དེ་དང་དེ་རྣམས་ནི། རང་སྐྱེས་ཙམ་ནས་རྫོགས་པར་ཡོད་པས་ན་ལུས་ལ་གནད་དུ་བསྣུན་ནས་བསྒོམས་པས་ཡང་དག་པའི་དོན་མཐོང་བར་འགྱུར་ཞིང་། སྒོམ་པའི་ཚུལ་ཡང་རྒྱུད་རྡོར་ཕྲེང་ལས། ལུས་ཀྱི་གཞལ་ཡས་ཁང་དུ་གྱུར། །སངས་རྒྱས་ཀུན་གྱི་ཡང་དག་བསྟེན། །ཅེས་དཀྱིལ་འཁོར་དང་། ལྷ་བསྒོམ་ཚུལ་ནི། རྩ་རྒྱུད་ལེའུ་བརྒྱད་པ་ལས། ནུ་མའི་དབུས་པར་སྤྱི་གཙུག་མཐའ་ཡི་བར། །ཆོ་ག་ཤེས་ནས་ཡང་ན་རྐང་པའི་བར། །ལྟེ་བ་སྐེད་པ་གསང་བ་རྒྱལ་པའི་སྲས། །རིགས་ལྔ་རྣམས་ནི་དགོད་པར་རབ་ཏུ་བྱ། །ཞེས་དང་། མདོར་བྱས་ལས། ཐླྷིཾ་མིག་ཏུ་བཀོད་ནས་ནི། །ས་ཡི་སྙིང་པོ་རྣམ་པར་བསྒོམ། །ཞེས་གསུངས་པ་ལྟར་ལུས་དཀྱིལ་བསྒོམས་ནས་སྒོ་གསུམ་བྱིན་གྱིས་བརླབ་པ་ནི། མདོར་བྱས་ལས། དེ་ལྟར་རིགས་གསུམ་དབྱེ་བ་ཡིས། །སོ་སོར་བྱིན་གྱིས་བརླབས་ནས་ནི། །བློ་དང་ལྡན་པའི་གསང་སྔགས་འདིས། །སླར་ཡང་ཐམས་ཅད་བདག་ཉིད་བྱ། །ཨོཾ་སརྦ་ཏ་ཐཱ་ག་ཏ་ཀཱ་ཡ་ཝཱ་ཀ་ཙིཏྟ་བཛྲ་སྭ་བྷ་ཝ་ཨཏྨ་ཀོ྅ཧཾ། ཞེས་གསུངས་པ་ལྟར་རོ། །དེ་ལྟར་སྒོ་གསུམ་བྱིན་གྱིས་བརླབས་པའི་དགོས་པ་ནི། རང་གི་སྒོ་གསུམ་ཐ་མལ་གྱི་སྣང་ཞེན་སྦྱང་བ་དང་། རང་དམ་ཚིག་པ་ལ་ཡེ་ཤེས་པ་བཅུག་ནས་ནུས་ལྡན་དུ་བྱ་བ་དང་། དེ་ལ་བརྟེན་ནས་ལམ་རྫོགས་རིམ་དང་མཐུན་པའི་འབྲས་བུའི་སྐབས་ཀྱི་རྡོ་རྗེ་གསུམ་མྱུར་དུ་འགྲུབ་པའི་ཆེད་ཡིན་ནོ། །སེམས་དཔའ་སུམ་བརྩེགས་བསྒོམ་པ་ནི། གསང་འདུས་རྩ་རྒྱུད་ལེའུ་བཅུ་གཉིས་པ་ལས། རྣམ་པའི་མཆོག་རྣམས་ཀུན་ལྡན་པ། །སྐུ་གསུང་ཐུགས་ཀྱི་རྡོ་རྗེ་ཅན། །སྙིང་གར་ཡེ་ཤེས་དམ་ཚིག་དང་། །ཅེས་སོགས་ཀྱིས་བསྟན་པར་བཞེད་ཅིང་། དམ་ཚིག་སེམས་དཔའ་ནི་རགས་པ་གནས་སྐབས་པའི་ལུས་དང་ཆོས་མཐུན། ཡེ་ཤེས་སེམས་དཔའ་ནི་ཕྲ་བ་གཉུག་མའི་ལུས། ཤིན་ཏུ་ཕྲ་བའི་རླུང་སེམས་ངོ་བོ་དབྱེར་མེད་དུ་གནས་པའི་རླུང་འོད་ཟེར་ལྔ་པ་དང་ཆོས་མཐུན། ཏིང་ངེ་འཛིན་སེམས་དཔའ་ནི་ཤིན་ཏུ་ཕྲ་བའི་སེམས་དང་ཆོས་མཐུན་ནོ། །དམ་ཚིག་སེམས་དཔའ་ཞེས་པའི་ངེས་ཚིག །དམ་ཚིག་གི་སྐད་དོད་ས་མ་ཡ་ལ། ས་མ་ཏི་ཡང་དག་པར་འགྲོ་བ་དང་། མཱ་ལི་ཏི་འདུ་བ་ལ་འཇུག་པས་ཡེ་ཤེས་པ་རྣམས་ཡང་དག་པར་འགྲོ་བ་དང་འདུ་བའི་གནས་ཡིན་པས་དམ་ཚིག་སེམས་ཅན་གྱི་དོན་ལ་སེམས་པས་སེམས་དཔའ། ཞེས་གསུངས་པས་སོ། །དེའི་ཐུགས་ཀར་ཡེ་ཤེས་སེམས་དཔའ་བསྒོམ་དགོས་ཏེ། མདོར་བྱས་ལས། སྙིང་གའི་དབུས་ན་གནས་པ་ཡི། །ཡེ་ཤེས་སེམས་དཔའ་རྣམ་པར་བསྒོམ། །ཏིང་འཛིན་སེམས་དཔའ་ཞེས་བྱ་བའི། །ཡི་གེ་ཧཱུྃ་ནི་དེ་རུ་དགོད། །ཅེས་པས་སོ། །ཡེ་ཤེས་སེམས་དཔའ་ཞེས་པའི་སྒྲ་དོན་ནི། ཡེ་ཤེས་ཀྱི་རང་བཞིན་ཡིན་པས་ན་ཕྲ་བ་སྟེ་ཡེ་ཤེས་ཀྱི་སེམས་དཔའོ། །ཏིང་འཛིན་སེམས་དཔའ་ཞེས་པ་ནི། གནས་འདི་ལ་རྩེ་གཅིག་ཏུ་དམིགས་ནས་བསྒོམས་པས་ཏིང་ངེ་འཛིན་མཆོག་ལྷན་ཅིག་སྐྱེས་པའི་ཡེ་ཤེས་སྐྱེས་ནས་སྒྲུབ་པ་པོ་ངེས་པར་ལེགས་པ་ལ་སྦྱོར་བས་ན་དེ་སྐད་ཅེས་བྱའོ། །རིགས་བདག་བསྒོམ་པ་ནི། གསང་འདུས་ལེའུ་བཅུ་གཉིས་པར། དབུ་རྒྱན་རྡོ་རྗེ་མཆོག་འཛིན་པ། །ཞེས་པས་བསྟན་ཏོ། །རིག་མའི་འདོད་ཡོན་ལ་རོལ་པ་ནི། དེ་ཡང་བདག་ཅག་གི་སྟོན་པས་ཀྱང་སྐུ་གསུམ་གྱི་གོ་འཕང་བརྙེས་ནས་གདུལ་བྱ་དམན་པ་ལ་མོས་པས་ཆགས་བྲལ་གྱི་སྤྱོད་པ། རྒྱ་ཆེན་པོ་ལ་མོས་པ་ལ་ཕ་རོལ་ཏུ་ཕྱིན་པའི་སྤྱོད་པ། ཟབ་མོ་ལ་ལྷག་པར་མོས་པ་ལ་འདོད་ཆགས་ཀྱི་སྤྱོད་པ་སྟེ། རྣམ་པ་གསུམ་བསྟན་པའི་ཕྲིན་ལས་མཛད་པའི་ནང་ནས་ཕྲིན་ལས་ཕྱི་མ་དང་མཐུན་པའོ། །རིག་མ་འདུ་བྱ་བ་མན་ཆད་འབྲས་བུ་སངས་རྒྱས་ཀྱི་མཛད་པ་རྣམ་པ་མཐུན་པ་ཡིན་ཏེ། རིག་མ་འདུ་བྱས་ནས་དཀྱིལ་འཁོར་རྒྱལ་མཆོག་གི་ལྷ་རྣམས་བསྐྱེད་དེ་སྤྲོས། སྤྱི་སྒོས་ཀྱི་མཛད་པ་མཛད་པར་བསྒོམ་པ་ནི་སངས་རྒྱས་སྐུའི་མཛད་པ་དང་རྣམ་པ་མཐུན། དེ་ནས་ཕྲ་མོ་བསྒོམ་པ་ནི་ཐུགས་ཀྱི་མཛད་པ་ནང་དུ་ཡང་དག་འཇོག་པ་ལ་ཞུགས་པ་དང་ཆོས་མཐུན། དེ་ནས་སྔགས་བཟླ་བ་ནི་ཆོས་སྟོན་པའི་གསུང་གི་མཛད་པ་དང་ཆོས་མཐུན། དེ་ནས་གཙོ་བོ་འོད་གསལ་དུ་ཞུགས་པ་ནི་ཞིང་དེར་སྐུ་དངོས་ཀྱི་གདུལ་བྱ་རྫོགས་ནས་མྱ་ངན་ལས་འདས་ཚུལ་སྟོན་པ་དང་ཆོས་མཐུན། དེ་ནས་ཚད་མེད་བཞིའི་ངོ་བོར་གྱུར་པའི་ལྷ་མོ་བཞིས་ཞུ་བ་གླུས་བསྐུལ་ཏེ་བཞེངས་པ་ནི། སླར་ཡང་ཐུགས་རྒྱུད་ཚད་མེད་བཞིས་བསྐུལ་ཏེ་ཞིང་གཞན་དུ་སྤྲུལ་པའི་སྐུའི་མཛད་པ་སྟོན་པ་དང་ཆོས་མཐུན། དེ་ནས་བསྟོད་པ་བྱེད་པ་ནི་སངས་རྒྱས་འཇིག་རྟེན་དུ་བྱོན་ནོ་ཞེས་སྙན་པ་བརྗོད་པ་དང་ཆོས་མཐུན། དེ་ནས་མཆོད་པ་ནི་ཞིང་དེའི་གདུལ་བྱ་རྣམས་ཀྱིས་མཆོད་པ་ཕུལ་བ་བདག་གིར་མཛད་པ་དང་ཆོས་མཐུན་པའི་ཕྱིར། དེས་ན་དགོས་པ་དེའི་ཕྱིར་རིག་མ་འདུ་བྱ་བ་ཡིན་ཅིང་། འདུ་བྱ་རྒྱུའི་རིག་མ་ལ། ཕྱག་རྒྱ་ཞེས་བརྗོད་པའི་རྒྱུ་མཚན་ཡོད་དེ། ཐབས་ཀྱི་རྡོ་རྗེས་དེ་ལྟ་བུའི་ཤེས་རབ་ལ་རྒྱས་གདབ་པར་བྱ་བ་ཡིན་པས་དེ་ལྟར་བརྗོད་པའི་ཕྱིར་ཏེ། བརྟག་གཉིས་ལས། རྡོ་རྗེ་འདིས་ནི་གདབ་པ་ཡིས། །དེས་ན་ཕྱག་རྒྱ་བརྗོད་པར་བྱ། །ཞེས་གསུངས་པའི་ཕྱིར། ཕྱག་རྒྱ་ལ་སྒྲས་བརྗོད་རིགས་ཀྱི་སྒོ་ནས་དབྱེ་ན། ལས་རྒྱ་དང་ཡེ་རྒྱ་གཉིས། དང་པོ་ནི། ལས་ཀྱིས་འཕངས་པའི་སྐྲ་དང་ནུ་མར་ལྡན་པའི་ཕྱག་རྒྱ་ཡིན་པས་ན་ལས་རྒྱ་ཞེས་བྱ། དེ་ལ་ཡང་ལས་བྱེད་ཚུལ་གྱི་སྒོ་ནས་སམ། རིགས་ལྔ་སོ་སོས་གཙོ་བོར་བསྟན་བྱ་ལྔ། སྨེ་ཤ་ཅན་གཅིག །བཙོ་བླག་མཁན་གཉིས། ཕྲེང་བརྒྱུད་མཁན་གསུམ། གར་མཁན་བཞི། བཟོ་བྱད་མཁན་གྱི་བུ་མོ་ལྔ། དྷཱུ་ཏཱིའི་མར་སྣའི་དབྱིབས་ཀྱི་སྒོ་ནས་དབྱེ་ན་པདྨ་ཅན་སོགས་རིགས་བཞི། ལམ་མཐོ་དམན་གྱི་སྒོ་ནས་དབྱེ་ན་སྔགས་སྐྱེས། ཞིང་སྐྱེས། ལྷན་སྐྱེས་ཀྱི་ཕོ་ཉ་གསུམ་མོ། །དེ་ལྟ་བུའི་ཕྱག་རྒྱ་དེ་ཉིད་ཐུན་མོང་མ་ཡིན་པའི་སྣོད་རུང་དུ་བྱས་པ། ལྷའི་རྣལ་འབྱོར་ཤིན་ཏུ་བརྟེན་ཅིང་བྱང་སེམས་འཕོ་མེད་དུ་ཕཊ་ཡིག་གི་སྟོབས་ཀྱིས་འཛིན་ནུས་པ་ཞིག་དགོས་སོ། །དེ་ལྟར་མིན་ན་ཉེས་པ་ཤིན་ཏུ་ཆེ་སྟེ། ཧེ་རུ་ཀ་མངོན་འབྱུང་ལས། རྣལ་འབྱོར་མེད་པར་རྣལ་འབྱོར་ཆོས། །ཕྱག་རྒྱ་ལ་ནི་བགྲོད་འགྱུར་དང་། །ཡེ་ཤེས་མེད་པར་ཡེ་ཤེས་ཚུལ། །དམྱལ་བར་འགྲོ་བ་ཐེ་ཚོམ་མེད། །ཅེས་གསུངས་པའི་ཕྱིར་རོ། །དེས་ན་ཡུལ་རྟེན་གཉིས་ཀ་མཚན་ཉིད་དང་མི་ལྡན་པའི་རྣལ་འབྱོར་པའི་རྣལ་འབྱོར་པས་ནི་ཡེ་རྒྱ་ལ་བརྟེན་དགོས་ཏེ། རྡོར་སེམས་སྒྲུབ་ཐབས་ལས། ཡང་ན། སྙིང་ག་ནས་ཡེ་ཤེས་ཀྱི་ཕྱག་རྒྱ་མངོན་པར་སྤྲུལ་ཏེ་ཞེས་སོགས་གསུངས་པ་ལྟར་རོ། །རིག་མའི་འདོད་ཡོན་ལ་རོལ་པའི་དགོས་པ་ནི། རྟེན་བརྟེན་པའི་དཀྱིལ་འཁོར་ཐམས་ཅད་བདེ་སྟོང་དབྱེར་མེད་ཀྱི་ཡེ་ཤེས་ཀྱི་རྣམ་རོལ་དུ་འཆར་བ་དང་། རྒྱུད་སྡེ་འོག་མ་གསུམ་ལས་འདས་པའི་འཁོར་རྩའི་བདེན་འཛིན་གྱི་གཉེན་པོ་མཆོག་ཏུ་གྱུར་པ་དང་། བསྐྱེད་རིམ་པའི་ཉོན་མོངས་ལམ་བྱེད་དང་། འདོད་ཡོན་ལམ་བྱེད་ཀྱི་གཙོ་བོར་འགྱུར་བ་དང་། དེ་ལ་བརྟེན་ནས་རྫོགས་པའི་རིམ་པའི་བདེ་ཆེན་འདྲེན་པའི་སྨིན་བྱེད་བླ་ན་མེད་པ་དང་། བསྐྱེད་རིམ་པའི་ལམ་གྱི་སྙིང་པོར་གྱུར་པའོ། །ལྔ་པ་ནི། དེ་ལྟར་རིམ་པ་དང་པོ་མཐར་ཕྱིན་ནས། །གསང་བའི་སྣ་རྩེ་ཨ་ཝ་དྷཱུ་ཏཱིའི་ནང་། །དྭངས་མའི་ཐིག་ལེ་རང་སེམས་དབྱེར་མེད་དུ། །གཟུང་བས་མཉམ་གཞག་དགའ་བཞིའི་ཏིང་འཛིན་དང་། །རྗེས་ཐོབ་རིགས་བརྒྱ་རིགས་ལྔ་རིགས་གསུམ་སོགས། །བདེ་སྟོང་དབྱེར་མེད་ལྷ་ཡི་རྣམ་རོལ་བསྒོམ། །ཞེས་པ་ནི། དེ་ལ་རིམ་པ་དང་པོ་བསྐྱེད་རིམ་གྱི་ལམ་ནས་ཕྱི་དོན་སྣང་བའི་བདེན་ཞེན་འགོགས་པ་མཐར་ཕྱིན་ནས། ནང་དོན་བདེ་སྟོང་གི་ལྷ་སྐུ་བསྒྲུབ་ཕྱིར་རང་རྡོ་རྗེ་འཆང་ཡབ་ཡུམ་དུ་གསལ་བའི་དབུས་དྲང་པོར་དབུ་མའི་ཡར་སྣ་སྨིན་མཚམས་དང་མར་སྣ་གསང་གནས་རྩེར་ཟུག་པའི་སྣར་འབར་འཛག་ཞུ་བདེའི་རྐྱེན་གྱིས་དྲངས་པའི་དྭངས་མའི་ཐིག་ལེ་འཕོ་ལ་ཁད་དང་རང་སེམས་དབྱེར་མེད་དུ་བཟུང་བའི་མཉམ་གཞག་ཏུ་དགའ་བ་དང་། མཆོག་དགའ་དང་། ཁྱད་དགའ་དང་། ལྷན་སྐྱེས་ཏེ་དགའ་བ་བཞིའི་ཏིང་འཛིན་བསྒོམ་ཞིང་དེའི་རྗེས་ཐོབ་ཏུ་མས་བརྟན་ལུགས་ལས་ལྡོག་པའི་ཐིག་ལེ་སྙིང་གར་དྲངས་པ་རྣམ་བྱང་གི་སྐུར་སྨིན་པ་ཞི་བ་བཞི་བཅུ་རྩ་གཉིས་དང་། དེའི་གདངས་དུང་ཁང་དུ་ཁྲག་འཐུང་ལྔ་བཅུ་རྩ་བརྒྱད་དུ་ཤར་བའི་རིགས་བརྒྱའམ། ཡང་ན་འཁོར་ལོ་ལྔ་རིགས་ལྔའམ། སྐུ་གསུང་ཐུགས་ཀྱི་གནས་གསུམ་དུ་རིགས་གསུམ་སོགས་སུ་གསལ་བའི་བདེ་སྟོང་དབྱེར་མེད་ཀྱི་ལྷར་སྣང་བསྒོམ་པ་གཞུང་ཚིག་གི་དངོས་བསྟན་ཡིན་ཅེས་མཁས་པ་དག་བཞེད་དོ། །འདུས་པའི་ལུགས་སུ། ཐ་མལ་གྱི་སྣང་ཞེན་རགས་པའི་ལྷའི་རྣལ་འབྱོར་གྱིས་གཅོད་ནུས་པའི་མཚམས་ནས་རྟོག་པའི་རྣལ་འབྱོར་ཕྲ་མོ་ལ་བསླབ་པ་ཐིག་ལེའི་ནང་དུ་དཀྱིལ་འཁོར་ཡོངས་རྫོགས་གསལ་པའི་ཕྲ་མོ་བསྒོམ་པ་དང་། རགས་པ་མཐར་མ་ཕྱིན་ཀྱང་ཕྲ་མོ་ཙམ་ཡང་བསྒོམ་པར་བཞེད་དེ། རྩ་རྒྱུད་ལེའུ་གསུམ་པ་ལས། རིན་ཆེན་ཆེན་པོ་ཁ་དོག་ལྔ། །ཡུངས་ཀར་གྱི་ནི་འབྲུ་ཚད་ཙམ། །སྣ་ཡི་རྩེ་མོར་ནན་ཏན་དུ། །རྣལ་འབྱོར་གྱིས་ནི་རྟག་ཏུ་བསྒོམ། །རིན་ཆེན་བརྟན་པར་གྱུར་ན་སྤྲོ། །བརྟན་པར་མ་གྱུར་མི་སྤྲོའོ། །ཞེས་གསུངས་པ་ལྟར། ཕྱག་མཚན་ལྷ་སྐུ་རིམ་པར་སྤྲོ་བསྡུ་བྱ། མཐར་འཇོག་པ་ན་རྩ་བའི་དམིགས་རྟེན་སྣ་བུག་ནས་དྲངས་ཏེ་སྙིང་གའི་ཏིང་འཛིན་སེམས་དཔའ་ལ་བསྡུ། དེ་བཞིན་དུ་གསང་བའི་སྣ་རྩེའི་ཐིག་ལེ་ལ་སེམས་བརྟན་པ་ན་རྡོ་རྗེ་དང་པདྨ་འདུ་བྱས་ཏེ། ཐིག་ལེ་དེ་ཉིད་ཡུམ་གྱི་པདྨར་ཕྱུང་བའི་ནང་དུ་རྟེན་དང་བརྟེན་པའི་དཀྱིལ་འཁོར་ཡོངས་རྫོགས་བསྒོམ་པ་ལ་སེམས་བརྟན་པའོ། །སྤྱིར་ཕར་ཕྱིན་ཐེག་པའི་སྐབས་སུ་ཡིད་ཤེས་རགས་པས་སྟོང་ཉིད་བསྒོམ། རྒྱུད་སྡེ་འོག་མ་གཉིས་ཀྱི་སྐབས་སུ་ཡེ་རྒྱ་དང་། བལྟས་པ་དང་། དགོད་པ་དང་། ལག་པ་བཅངས་པ་ལས་བྱུང་བའི་བདེ་བའི་སྟོང་ཉིད་བསྒོམ། བླ་མེད་ཀྱི་སྐབས་སུ་བདེན་འཛིན་དང་གཉིས་སྣང་འཁྲུལ་པའི་བག་ཆགས་གཡོ་བྱེད་ཀྱི་རླུང་སྙིང་གར་ཐིམ་པ་ལས་བྱུང་བའི་ལྷན་སྐྱེས་ཀྱི་བདེ་བས་སྟོང་ཉིད་བསྒོམ་པ་ཡིན་པའི་ཕྱིར། དེ་ལྟ་བུའི་ལྷན་སྐྱེས་ཀྱི་བདེ་སྟོང་དབྱེར་མེད་ཀྱི་བདེ་བ་དེ་ཡང་ཕྱི་ནང་གི་རྐྱེན་ཁྱད་པར་ཅན་གཉིས་པོ་གང་རུང་གི་སྒོ་ནས་བསྒྲུབ་དགོས་ཏེ། རང་དང་ཡུལ་རྟེན་མཚན་ཉིད་ཚང་བའི་ལས་རྒྱ་དང་། ཡེ་རྒྱ་གང་རུང་གི་དྷཱུ་ཏིའི་མར་སྣ་གཉིས་རྩེ་སྤྲད་དེ་སྙོམས་པར་འཇུག་པ་དང་། ཡང་ན་ནང་རྡོ་རྗེའི་ལུས་ལ་གནད་དུ་བསྣུན་ནས་བསྒྲུབ་དགོས་པའི་ཕྱིར། རྒྱུད་སྡེ་སོ་སོའི་ལམ་སྲོལ་གྱི་གནད་དུ་བསྣུན་ཚུལ་མི་འདྲ་བ་མང་དུ་ཡོད་ཀྱང་། དགའ་བ་བཞི་དང་སྟོང་པ་བཞིས་དྲངས་ནས་ལྷན་སྐྱེས་ཀྱི་བདེ་ཆེན་འདྲེན་པའོ། །ལམ་བསྒོམས་པ་དང་མ་བསྒོམས་པའི་གང་ཟག་གཉིས་ཀ་ལ་བྱང་སེམས་སྤྱི་བོ་ནས་རྟགས་ཀྱི་བར་འབབ་པ་ཡོད་ལ། བྱང་སེམས་ཞུ་སླ་བའི་རིགས་འགའ་ཞིག་ལ་དྷཱུ་ཏིར་དམིགས་པ་གནད་དུ་བསྣུན་མ་ཐག་ཏུ་བྱང་སེམས་འབབ་པ་ཡོད་པས། དེ་དག་ལ་ནི་མན་ངག་གི་སྟོབས་ཀྱིས་བཟློག་པ་དང་འགྲེམས་པ་སོགས་ཤེས་དགོས་ཀྱང་། རླུང་དབུ་མར་ཐིམ་པའི་བྱང་སེམས་འབབ་པ་ལ་ནི་དེ་ལྟར་བྱེད་མི་དགོས་ཏེ། དེ་ལ་ནི་བྱང་སེམས་གཡོ་བྱེད་ཀྱི་རླུང་རྣམས་ཐིམ་ཟིན་པའི་ཕྱིར། དེ་ལྟར་བྱང་སེམས་སྤྱི་བོ་ནས་མགྲིན་པ། སྙིང་ག །ལྟེ་བ། གསང་གནས་སུ་སླེབ་པ་ན་དགའ་བ་བཞིར་འཇོག་པ་རྡོ་རྗེ་ཕྲེང་བ་ལས་བཤད་ཅིང་། དེ་ལྟ་བུའི་དགའ་བ་བཞི་ལ་བྱང་སེམས་དཀར་པོ་འབབ་པའི་ཆ་ནས་དགའ་བ་རེ་རེ་ལ་བཞི་བཞིར་ཕྱེ་ནས་བཅུ་དྲུག་དང་། བྱང་སེམས་དམར་པོ་འབབ་པའི་ཆ་ནས་དགའ་བ་བཞི་པོ་རེ་རེ་ལ་གསུམ་དུ་ཕྱེ་བས་བཅུ་གཉིས་བཤད་དེ། ཕྱག་ཆེན་ཐིག་ལེ་ལས། རི་བོང་མཚན་མའི་ཆ་འདི་རྣམས། །གནས་བཞི་པོ་རེ་རེ་ལ་ཆ་བཞིར་བྱས་པའི་མཚམས་རེར་བདེ་བ་རེ་མྱོང་བ། དགའ་བའི་ཐིག་ལེ་བཅུ་དྲུག་སྟེ། །ཨཱ་ལིའི་ངོ་བོར་ཤེས་པར་བྱ། །འཁོར་ལོ་བཞི་རུ་རིམ་པ་ལས། །ཇི་སྐད་བཤད་རྣམས་དེ་ལྟར་ནའང་། །ཉི་མའི་བཅུ་གཉིས་རྣམས་སུ་བཤད། །གནས་བཞི་པོ་རེ་རེ་ལ་ཆ་གསུམ་དུ་བྱས་པའི་མཚམས་རེ་རྡུལ་འབབ་པའི་སྒོ་ནས། མཆན། ཅེས་གསུངས་པའི་ཕྱིར་རོ། །དེ་ལྟར་ཡས་བབ་དང་མས་བརྟན་གྱི་དགའ་བཞི་འདྲེན་པར་བྱའོ། ། སྔར་བཤད་པའི་ཕྲ་མོའི་རྣལ་འབྱོར་བསྒོམས་པས་རླུང་དབུ་མར་ཞུགས་གནས་ཐིམ་གསུམ་བྱས་པ་ལས་ཀུནྡ་ལྟ་བུའི་བྱང་སེམས་དབུ་མའི་ནང་དུ་བབས་པས་རེག་བྱ་ཁྱད་པར་ཅན་སྐྱེ། དེས་དམིགས་རྐྱེན་བྱས་པས་ལུས་ཚོར་བདེ་བ་སྐྱེ། དེས་དེ་མ་ཐག་རྐྱེན་བྱས་པས་ཡིད་བདེ་སྐྱེ། དེ་དང་སྟོང་ཉིད་ཕྲ་མོ་གཉིས་ཡུལ་ཡུལ་ཅན་དབྱེར་མེད་དུ་སྦྱར་ནས་རྩེ་གཅིག་ཏུ་མཉམ་པར་འཇོག །རྗེས་ཐོབ་ཏུ་གང་ཤར་ཐམས་ཅད་བདེ་སྟོང་གི་རྣམ་རོལ་དུ་འཆར་བ་དང་། དེ་ལྟ་བུའི་བདེ་སྟོང་དབྱེར་མེད་ཀྱི་ཡེ་ཤེས་ཀྱི་གཟུགས་རྣམས་ཀྱང་རིགས་བརྒྱ་རིགས་ལྔ་རིགས་གསུམ་དང་། ཁྱད་པར་ལུས་དབེན་མཐར་ཐུག་གསང་ཆེན་རིགས་གཅིག་བསྒོམ་པར་བྱས་ཏེ། བྲམ་ཟེ་ཆེན་པོ་ས་ར་ཧས། གཉིས་སུ་མི་བྱ་གཅིག་ཏུ་བྱ་བ་སྟེ། །རིགས་ལ་བྱེ་བྲག་དག་ཏུ་མ་འབྱེད་པར། །ཁམས་གསུམ་མ་ལུས་འདི་དག་ཐམས་ཅད་ནི། །འདོད་ཆགས་ཆེན་པོ་གཅིག་ཏུ་ཁ་དོག་སྒྱུར་ཅིག་དང་། ཞེས་སོགས་དང་། དེ་རིང་ཉིད་དུ་མགོན་པོ་ད་ལྟ་འཁྲུལ་པ་ཆད། །ཅེས་གསུངས་པའི་ཕྱིར་རོ། །རིགས་བརྒྱ་སོགས་ཀྱི་དབྱེ་ཚུལ་འདུས་པ་ལྟར་ན། བདེ་སྟོང་གི་རྒྱས་བཏབ་པའི་སྒོ་ནས་ཕུང་པོ་རེ་རེ་ལ་ཆ་ཤས་ལྔ་ལྔར་ཕྱེ་སྟེ། དེ་བཞིན་གཤེགས་པ་ལྔ་ལ་རིགས་ལྔ་ལྔར་ཕྱེ་ནས་བསྒོམ་པ་ནི་ཕུང་པོ་ལྔ་རིགས་ལྔར་བསྒོམ་པའི་ལུས་དབེན་ཡིན་ཏེ། རྩ་རྒྱུད་ལས། མདོར་ན་ཕུང་པོ་ལྔ་རྣམས་ནི། །སངས་རྒྱས་ལྔ་ནི་རབ་ཏུ་བསྒྲགས། །ཞེས་པས་སོ། །དེ་བཞིན་དུ་བདེ་སྟོང་གི་རྒྱས་བཏབ་པའི་ཁམས་བཞི་རེ་རེ་ལ་ལྔ་ལྔར་ཕྱེ་སྟེ་ཡུམ་བཞི་ལ་རིགས་ལྔ་ལྔར་ཕྱེ་ནས་བསྒོམ་པ་ནི་ཁམས་བཞིར་བསྒོམ་པའི་ལུས་དབེན་ཡིན་ཏེ། དེ་ཉིད་ལས། ས་ནི་སྤྱན་ཞེས་བྱ་བ་ཡིན། །ཆུ་ཡི་ཁམས་ནི་མཱ་མ་ཀཱི། །མེ་ནི་གོས་དཀར་མོ་ཡིན་ནོ། །རླུང་ནི་སྒྲོལ་མ་རབ་ཏུ་བསྒྲགས། །ཞེས་པས་སོ། །དེ་བཞིན་དུ་བདེ་སྟོང་གི་རྒྱས་བཏབ་པའི་སྐྱེ་མཆེད་དྲུག་རེ་རེ་ལ་ལྔ་ལྔར་ཕྱེ་སྟེ་ས་སྙིང་སོགས་དྲུག་པོ་ལ་རིགས་ལྔ་ལྔར་ཕྱེ་ནས་བསྒོམ་པ་ནི་མིག་སོགས་སེམས་དཔར་བསྒོམ་པའི་ལུས་དབེན་ཡིན་ཏེ། དེ་ཉིད་ལས། རྡོ་རྗེའི་སྐྱེ་མཆེད་ཉིད་དག་ཀྱང་། །བྱང་ཆུབ་སེམས་དཔའི་དཀྱིལ་འཁོར་མཆོག །ཅེས་པས་སོ། །དེ་བཞིན་དུ་བདེ་སྟོང་གི་རྒྱས་བཏབ་པའི་གཟུགས་སོགས་ཡུལ་ལྔ་རེ་རེ་ལ་ལྔ་ལྔར་ཕྱེ་སྟེ་རྡོ་རྗེ་མ་ལྔ་ལ་རིགས་ལྔ་ལྔར་ཕྱེ་ནས་བསྒོམ་པ་ནས་ཡུལ་ལྔ་རྡོ་རྗེ་མ་ལྔར་བསྒོམ་པའི་ལུས་དབེན་ཡིན་ཏེ། དེ་ཉིད་ལས། གཟུགས་སྒྲ་ལ་སོགས་སྔགས་པ་ཡི། །ལྷ་ཉིད་དུ་ནི་རྟག་ཏུ་བསྒོམ། །ཞེས་གསུངས་པའི་ཕྱིར། དེ་ནས་དམ་པ་རིགས་བརྒྱའི་ལྷ་རྣམས་རིགས་ལྔ་སོ་སོའི་སྐུ་མདོག་དང་། ཕྱག་མཚན་རང་གི་རྩ་བའི་ཕྱག་མཚན་འཛིན་པའོ། །ཁྲོ་བོ་བཅུ་དང་བྱམས་པ་ཀུན་བཟང་གཉིས་ལ་རྡོ་རྗེ་ཕྲེང་བར་ལུས་དབེན་གསུངས་ཀྱང་སྐབས་འདིར་མི་སྟོན་པའི་རྒྱུ་མཚན་ཡོད་དེ། རགས་པ་ཉེར་ལྔའི་སྐྱེ་རིམ་དང་ཐིམ་རིམ་གྱི་དབང་དུ་མཛད་ནས་མ་གསུངས་སོ། །དེས་ན་ལུས་དབེན་གྱི་ལྷ་ལ་རྒྱས་པར་ཕྱེ་ན་བརྒྱ་དྲུག་ཅུ། དེའི་སྟེང་དུ་དབྱེ་གཞིའི་ལྷ་སོ་གཉིས་བསྣན་པས་བརྒྱ་གོ་གཉིས་སོ། །སྒྱུ་འཕྲུལ་སྙིང་པོ་ལ། ལམ་རིམ་ལས། ཉི་ཁྲི་བཞི་སྟོང་དུས་གཅིག་གསལ། །ཅེས་དང་། ཁྲོ་བོ་ལ་སྟོང་བཞི་བརྒྱ་ལྔ་བཅུ་དང་། བདུན་ཁྲི་དྲུག་སྟོང་བརྒྱད་བརྒྱ་ལྔ་བཅུ་དང་། བསམ་ཡས་ལྷུན་གྲུབ་ཀྱི་དཀྱིལ་འཁོར་གསུངས་སོ། །བདེ་སྟོང་གི་རྒྱས་བཏབ་པའི་ས་ཆུ་མེ་རླུང་རྣམ་ཤེས་ལྔ། རྣམ་སྣང་། རིན་འབྱུང་། འོད་དཔག་མེད། དོན་གྲུབ། མི་བསྐྱོད་པ་སྟེ་རིགས་ལྔར་བསྒོམ་པ་ནི་དེ་ཉིད་རིགས་ལྔར་བསྒོམ་པའི་ལུས་དབེན་ཡིན་ཏེ། རྒྱུད་ཕྱི་མ་ལས། དེ་ཉིད་རྣམ་པ་ལྔ་རུ་བཤད། །ཅེས་པས་བསྟན་ཏེ། དམ་པ་རིགས་བརྒྱ་པོ་དེ་ཡང་རིགས་ལྔར་འདུ་ཞིང་། དབེན་གཞི་བརྒྱ་པོ་དེ་ཡང་དབེན་གཞི་ལྔར་འདུ་སྟེ། རྣམ་སྣང་ཉི་ཤུའི་དབེན་གཞི་ནི་རྩ་བའི་རྣམ་སྣང་གི་དབེན་གཞི་སོགས་སུ་འདུ་བའི་ཕྱིར་རོ། །བདེ་སྟོང་གི་རྒྱས་བཏབ་པའི་སྒོ་གསུམ་པོ་རིན་འབྱུང་དང་རྣམ་སྣང་གཉིས་སྐུ་རྡོ་རྗེ། དོན་གྲུབ་དང་འོད་དཔག་མེད་གསུང་རྡོ་རྗེ། རྡོ་རྗེ་འཆང་དང་མི་བསྐྱོད་པ་ཐུགས་རྡོ་རྗེར་བསྡུས་ནས་བསྒོམ་པ་ནི་གསང་བ་རིགས་གསུམ་དུ་བསྒོམ་པའི་ལུས་དབེན་ཡིན་ཏེ། རྒྱུད་ཕྱི་མ་ལས། གསང་བ་རྣམ་པ་གསུམ་དུ་བཤད། །ཅེས་པས་སོ། །དབེན་གཞི་ལྔ་པོ་དེ་ཡང་གསུམ་དུ་འདུ་སྟེ། ལུས་ངག་ཡིད་གསུམ་རྣམ་པར་དག་པ་རྡོ་རྗེ་གསུམ་གྱི་དབེན་གཞིར་འདུ་བས་སོ། །སྒོ་གསུམ་དང་ལྡན་པའི་སྒྲུབ་པ་པོ་རྡོ་རྗེ་གསུམ་དང་ལྡན་པའི་རྡོ་རྗེ་འཆང་གཅིག་ཏུ་བསྒོམ་པ་ནི་གསང་ཆེན་རིགས་གཅིག་གི་ལུས་དབེན་མཐར་ཐུག་ཡིན་ཏེ། རྒྱུད་ཕྱི་མ་ལས། ལྷག་པའི་ལྷ་ནི་གསང་ཆེན་ཏེ། །ཞེས་པས་སོ། །དྲུག་པ་ནི། སླར་ཡང་དབེན་པ་གསུམ་གྱི་རིམ་པ་དང་། །ཀུན་རྫོབ་སྒྱུ་མ་དོན་དམ་འོད་གསལ་ཉིད། །བདེན་གཉིས་དབྱེར་མེད་ཟུང་འཇུག་ཉམས་ལེན་རྣམས། །གསང་བ་སྙིང་པོ་དཔལ་ལྡན་འདུས་པ་དང་། །བསྐྱེད་པ་མ་ཧཱ་ཡོ་ག་ཇི་བཞིན་དུ། །བསྐྱེད་རྫོགས་ཟབ་མོའི་དོན་རྣམས་མངོན་གྱུར་ཤོག །ཅེས་པ་ནི། ལུས་དབེན་སྐུ་རྡོ་རྗེ། ངག་དབེན་གསུང་རྡོ་རྗེ། སེམས་དབེན་ཐུགས་རྡོ་རྗེ་གསུམ་གྱི་རྣལ་འབྱོར་ཕྲ་ཏིག་གི་བར་བསྒོམས་པའི་རྗེས་ལ་རྩ་གསུམ་འཁོར་ལོ་དྲུག་གི་བྱེད་པ་བཅིངས་པའི་དྷཱུ་ཏིའི་མར་སྣེར་ཉི་གདན་ལ་རང་སེམས་ཐིག་ལེ་སྔོན་པོའི་རྣམ་པར་ཕབ་པ་ལ་རླུང་སེམས་དབྱེར་མེད་དུ་དྲིལ་བས་དམིགས་པའི་རིམ་པ་ལ་བསླབ་པས་དབུ་མར་རླུང་ཞུགས་གནས་ཐིམ་གསུམ་གྱི་རྟགས་དང་། དེ་བཞིན་དུ་སྣང་མཆེད་ཐོབ་གསུམ། སྟོང་པ་བཞིའི་འོད་གསལ་དང་བཅས་པ་ངོས་བཟུང་ནས་ཆོས་ལོངས་སྤྲུལ་གསུམ་གྱི་བསྲེ་བ་གསུམ་ལ་བསླབ་པ་ནི་རང་ངོའི་མཉམ་གཞག་དང་། དབང་པོ་ཡུལ་ལས་འཇུག་དུས་གང་སྣང་སྟོང་པ་བདེ་བའི་ལྷ་སྐུར་འཆར་བ་ནི་རྗེས་ཐོབ་རྐྱང་པ་ཡིན་ནོ། །རྗེས་ལ་བསྒྲུབ་བྱ་བདེན་པ་གཉིས་ཀྱི་རྫོགས་རིམ་ལས་དང་པོ་ཀུན་རྫོབ་སྒྱུ་མ་ནི་འོད་གསལ་གྱི་བཞོན་པར་གྱུར་པའི་རླུང་གི་ཉེར་ལེན་དང་། རང་སེམས་ལྷན་ཅིག་སྐྱེས་པའི་རྐྱེན་ལས་རླུང་སེམས་ཙམ་ལས་གྲུབ་པའི་རྡོ་རྗེ་འཆང་གི་སྐུ་རྣམ་སྨིན་གྱི་ལུས་རྟེན་འདི་ལ་གོ་ས་གཞན་པ་ཞིག་ལྡང་བ་སྟེ། དེ་ནི་ལོངས་སྐུ་ལྟ་བུའི་བཞིན་ལག་གི་རྣམ་པ་ཅན་ཡིན་ཡང་། རྣམ་འཕྲུལ་དུ་མར་སྟོན་ནུས་ཤིང་། དེའི་བསྒྲུབ་གཞིའང་གཉིད་གྱི་འོད་གསལ་ལས་བྱུང་ཞིང་། རྨི་ལམ་གྱི་ལུས་ད་ལྟ་རྣམ་སྨིན་གྱི་ལུས་འདི་དང་འབྲེལ་བ་ཅན་ཡིན་ལ། སླད་ཀྱི་བར་དོ་ལོངས་སྐུར་འགྲུབ་པའི་ཉེར་ལེན་དུ་འགྱུར་བས་ན་སྒྱུ་མའི་སྐུ་ཞེས་བརྗོད་ཀྱིས། ལམ་གྱི་གནས་སྐབས་ན་སེམས་བསྐྱེད་ཀྱི་འཕེན་པས་སེམས་ཅན་ཐམས་ཅད་ཀྱི་སྒོ་གསུམ་དང་། སྒྱུ་ལུས་པའི་སྐུ་རྡོ་རྗེ་རྣམ་པར་སྣང་མཛད། གསུང་རྡོ་རྗེ་འོད་དཔག་མེད། ཐུགས་རྡོ་རྗེ་མི་བསྐྱོད་པར་གསལ་བའི་དམ་ཚིག་སེམས་དཔའ་ལ་སོ་སོའི་ཐུགས་ཀར་རིམ་བཞིན་སྐུ་གསུང་ཐུགས་ཀྱི་ཡི་གེ་གསུམ་གསལ་བ་ལ་ཡེ་ཤེས་སེམས་དཔའ། སོ་སོའི་མགོར་ཐིག་ལེ་ནཱ་ད་དང་བཅས་པའི་ཏིང་འཛིན་སེམས་དཔའ་སུམ་བརྩེགས་གསལ་ཞིང་སོ་སོའི་ཏིང་འཛིན་སེམས་དཔའ་ལས་འོད་ཟེར་འཕྲོས་པས་སྣོད་བཅུད་ཐམས་ཅད་འོད་དུ་ཞུ་བ་དམ་ཚིག་སེམས་དཔའ་དང་། དེ་འོད་དུ་ཞུ་བ་ཡེ་ཤེས་སེམས་དཔའ་ལ། དེ་འོད་དུ་ཞུ་བ་ཏིང་འཛིན་སེམས་དཔའ་ལ་ཐིམ་པའི་ངང་དུ་མཉམ་པར་བཞག་རང་གི་མེ་ལོང་ལ་ཧས་བཏབ་པ་བཞིན་བསྡུ་བ་རིལ་འཛིན། མཆན། པས་ཞུགས་གནས་ཐིམ་གསུམ་གྱི་རྟགས་སྣང་སྨིག་རྒྱུ་དུ་བ་ལ་སོགས་པ་དང་སྣང་མཆེད་ཐོབ་གསུམ་དང་སྟོང་པ་བཞི་འཆར་བའི་ཐམས་ཅད་སྟོང་པ་འོད་གསལ་ལ་མཉམ་པར་འཇོག །ལྷ་སྐུ་རིམ་གྱིས་བསྡུ་བ་ནི་རྗེས་གཞིག་དང་། དེ་ལས་ལྡང་བ་ན་མ་དག་པའི་སྒྱུ་ལུས་དག་པའི་སྒྱུ་ལུས་སུ་བསྒོམ་པའོ། །གཉིས་པ་དོན་དམ་འོད་གསལ་ནི། སྒྱུ་ལུས་ཀྱི་སེམས་དཔའ་སུམ་བརྩེགས། དེ་སྡུད་རིམ་གཉིད་ཀྱི་འོད་གསལ་དུ་བཅུག་པའི་སྟོང་ཉིད་ལ་མཉམ་པར་བཞག་པས་ཞུགས་གནས་ཐིམ་གསུམ་དང་། སྣང་མཆེད་ཐོབ་གསུམ་ཀྱི་རྗེས་སྟོང་བཞིའི་འོད་གསལ་ལྷན་སྐྱེས་ཀྱི་བདེ་བས་ཐབས་བྱས་ཏེ་དངོས་པོའི་གནས་ལུགས་མ་ནོར་བར་རྟོགས་པས་རང་རྒྱུད་ལྡན་གྱི་གང་ཟག་འཕགས་པར་སོང་། བར་ཆད་མེད་ལམ་རྒྱུད་ལ་སྐྱེས་ནས་བདེན་གཉིས་ཟུང་དུ་འཇུག་པའི་རྣལ་འབྱོར་མངོན་དུ་བྱེད་པ་བསྐྱེད་པ། མ་ཧཱ་ཡོ་གའི་བསྐྱེད་རྫོགས་ཟབ་མོའི་དོན་ལ་སྨོན་པ་ཡིན་ནོ། ། ༈ རིམ་ལྔ་འདི་ལ་དབྱེ་བསྡུའི་བཞེད་པ་མང་ཡང་། ཀླུ་སྒྲུབ་ཞབས་ཀྱི་རིམ་ལྔའི་མདོར་བསྟན་དུ། རྡོ་རྗེའི་བཟླས་༡པ། སེམས་ལ་དམིགས་༢པ། སྒྱུ་ལུས ༣། འོད་གསལ༤། ཟུང་འཇུག་༥དང་ལྔར་མཛད་པ་ཉིད་གྲགས་ཆེ་ཞེས་རྗེ་ཕྲིན་ལས་ཞབས་ཀྱིས་གསུངས། དབེན་པ་གསུམ་ནི། ལུས་དབེན་སྐུ་རྡོ་རྗེའི་ཏིང་ངེ་འཛིན་དང་། ངག་དབེན་གསུང་རྡོ་རྗེའི་ཏིང་ངེ་འཛིན་དང་། སེམས་དབེན་ཐུགས་རྡོ་རྗེའི་ཏིང་ངེ་འཛིན་རྣམས་སོ། །དེ་དག་ཀྱང་མཐར་ཐུག་གི་དོན་ལ། སྤྱོད་བསྡུས་ལས། བསྐྱེད་པའི་རིམ་པ་ནས་བརྩམས་ཏེ། ལུས་རྣམ་པར་དབེན་པའི་མཐར་ཐུག་པའི་བར་དུ་རྡོ་རྗེ་གསུམ་ལ་སོགས་པས་ཀྱང་མཚན་ཉིད་ལ་ལྷག་པར་མོས་པ་ཙམ་ལགས་ཏེ། དེ་བས་ན་ལུས་རྣམ་པར་དབེན་པ་ལ་ལྷའི་གཟུགས་མེད་དེ། ལུས་ནི་རྡུལ་ཕྲ་རབ་བསགས་པ་ཙམ་ཡིན་པའི་ཕྱིར་རོ། །རིག་རྣམ་པར་དབེན་པའི་མཐར་ཐུག་པ་ཡང་འཇུག་པ་ལ་སོགས་པའི་རིམ་གྱིས་རྡོ་རྗེའི་བཟླས་པ་ཙམ་ཡོངས་སུ་ཤེས་པ་སྟེ། དེ་ལའང་ལྷའི་རྣམ་པ་མེད་དེ། སྒྲ་རྣམས་ནི་བྲག་ཆ་ལྟ་བུ་ཡིན་པའི་ཕྱིར་རོ། །སེམས་རྣམ་པར་དབེན་པའི་མཐར་ཐུག་པ་ཡང་རང་བཞིན་གྱིས་སྣང་བ་ཙམ་ཡོངས་སུ་ཤེས་པ་ཙམ་དུ་ཟད་པས། དེར་ཡང་རྣམས་པ་ཐམས་ཅད་ཐམས་ཅད་ཀྱི་མཆོག་དང་ལྡན་པའི་ལྷ་སྐུའི་ངོ་བོ་རྙེད་པར་མི་འགྱུར་ཏེ། སེམས་ནི་སྣང་བ་ཙམ་ཡིན་པའི་ཕྱིར་རོ། །རིགས་པ་འདིས་ནི་ཀུན་རྫོབ་ལ་བརྟེན་ནས་གནས་པ་རྙེད་པ་མི་འགྱུར་རོ། །དེ་བས་ན་ཡེ་ཤེས་ཙམ་ཐ་མལ་གྱི་སྣང་ཞེན་འོད་གསལ་དུ་བསྡུས་པའི་ངང་ནས་རང་གི་སེམས་ལྷ་སྐུར་བསྐྱེད་པ་མཆན། གྱི་ལྷ་ཉིད་དུ་བསྐྱེད་པ་སློབ་དཔོན་གྱི་ཞལ་སྔ་ནས་རྟོགས་པར་བགྱིད་པར་འཚལ་ལོ། །ཞེས་གསུངས་པ་ལྟར། དབེན་གསུམ་མཐར་ཕྱིན་ནས་བདེན་གཉིས་སོ་སོའི་རྫོགས་རིམ་དང་། བདེན་གཉིས་ཟུང་འཇུག་གི་རྫོགས་རིམ་ལ། བསླབ་པར་བྱ་སྟེ། དང་པོ་ཀུན་རྫོབ་སྒྱུ་མའི་རྫོགས་རིམ་ནི། དེ་ཡང་སེམས་ཅན་རྣམས་ལ་རང་ཆས་སུ་ཡོད་པའི་ཤིན་ཏུ་ཕྲ་བའི་རླུང་སེམས་གཉིས་ནི་སྒྱུ་ལུས་ཀྱི་བསྒྲུབ་གཞི། དེ་ཉིད་ཐབས་ལ་མཁས་པའི་རྣལ་འབྱོར་པ་ལ་སྒྱུ་མའི་སྐུར་ཤར་ནས་འཚང་རྒྱ་བ་ཡིན་ཏེ། རིམ་ལྔ་ལས། འགྲོ་ཀུན་རང་དབང་མེད་པ་སྟེ། །རང་དབང་དུ་ནི་འབྱུང་མ་ཡིན། །དེ་ཡི་རྒྱུ་ནི་འོད་གསལ་བ། །འོད་གསལ་ཐམས་ཅད་སྟོང་པའོ། །སེམས་གང་གིས་ནི་བྱིས་པ་རྣམས། །འཁོར་བའི་འཆིང་བས་བཅིངས་གྱུར་པ། །སེམས་དེ་ཉིད་ཀྱི་རྣལ་འབྱོར་པ། །བདེ་གཤེགས་གནས་སུ་འགྲོ་བར་འགྱུར། །ཞེས་སོ། །མདོར་ན་སེམས་ཅན་སྐྱེ་འཆི་གནས་གསུམ་བར་དོ་དང་བཅས་པ་ཐམས་ཅད་རང་རྒྱུད་ཤིན་ཏུ་ཕྲ་བའི་རླུང་སེམས་ཀྱི་ཆོ་འཕྲུལ་དང་། ཤིན་ཏུ་ཕྲ་བའི་རླུང་སེམས་གཉིས་པོ་དེ་འགྲོ་བ་བཟང་ངན་སྣ་ཚོགས་སུ་འགྲོ་བར་གསུངས་ཏེ། རྡོ་རྗེ་ཕྲེང་བ་ལས། སྐྱེ་དང་གནས་དང་འཇིག་པ་དང་། །སྲིད་པ་བར་མར་གནས་པ་སྟེ། །ཇི་སྲིད་འཇིག་རྟེན་གྱིས་བཏགས་པ། །སེམས་ཀྱི་རླུང་གི་རྣམ་འཕྲུལ་ལོ། །ཞེས་གསུངས་པ་ལྟར་རོ། །རགས་པ་གནས་ཆུའི་ཚ་བ་ལྟ་བུ་སྐབས་པའི་ལུས་དང་། ཕྲ་བའི་ཆུའི་གཤེར་པ་ལྟ་བུ་གཉུག་མའི་ལུས་གཉིས་ལས། ཕྱི་མ་ནི་སྒྱུ་ལུས་ཀྱི་བསྒྲུབ་གཞིའོ། །སྒྱུ་ལུས་དེས། སེམས་ཅན་ཐམས་ཅད་ཀྱི་གཉུག་མའི་ལུས་ཀྱང་རང་གི་སྒྱུ་ལུས་དང་འདྲ་བ་མངོན་སུམ་དུ་མཐོང་ཞིང་། སྣོད་བཅུད་ཐམས་ཅད་ཀྱང་རང་རྒྱུ་རླུང་སེམས་ཙམ་གྱི་རྣམ་འཕྲུལ་དུ་མཐོང་བ་ཡིན་ཏེ། རིམ་ལྔ་ལས། དེ་བས་འདི་ལྟར་འགྲོ་བ་ཀུན། །སྒྱུ་མ་ལྟ་བུ་འདི་བཤད་དེ། །སྒྱུ་མ་ལྟ་བུའི་ཏིང་འཛིན་གནས། །ཐམས་ཅད་དེ་དང་འདྲ་བར་མཐོང་། །ཞེས་པས་སོ། །སྒྱུ་ལུས་དེ་དག་ཀྱང་། དཔེའི་འོད་གསལ་མཐར་ཐུག་འགགས་པ། ལུགས་ལྡོག་གི་ཉེར་ཐོབ་འཆར་བ། མ་དག་པའི་སྒྱུ་མའི་སྐུ་དངོས་གནས་གྲུབ་པ་གསུམ་དུས་མཉམ་དུ་འབྱུང་ལ། དེ་ལྟ་བུའི་སྐུ་སྟེ་སྒྱུ་མའི་དཔེ་བཅུ་གཉིས་ཀྱིས་མཚོན་ནས་སྟོན་པ་སྟེ། དཔེ་བཅུ་གཉིས་ནི། སྒྱུ་མ། ཆུ་ཟླ། མིག་ཡོར། སྨིག་རྒྱུ། རྨི་ལམ། བྲག་ཆའི་སྒྲ། དྲི་ཟའི་གྲོང་ཁྱེར། མིག་འཕྲུལ། ནམ་མཁའི་འཇའ། གློག །ཆུ་བུར། མེ་ལོང་ནང་གི་ཧེ་རུ་ཀའི་གཟུགས་བརྙན་རྣམས་ཡིན་ལ། དེ་ཡང་སྒྱུ་མའི་སྐུ་དེ་ཞལ་ཕྱག་གི་རྣམ་པ་ཅན་དུ་སྣང་ཡང་ཤ་རུས་གདོས་བཅས་ཀྱིས་སྟོང་པས་ན་སྒྱུ་མ་ལྟ་བུ༡། ལོངས་སྐུ་གཅིག་ཉིད་གདུལ་བྱ་གང་ན་ཡོད་པའི་སར་སྤྲུལ་པ་དུ་མ་སྟོན་པས་ཆུ་ཟླ་ལྟ་བུ༢། སྒྱུ་མའི་སྐུ་དེ་གྲི་མཚོན་ལ་སོགས་པས་བཅད་ཅིང་གཞིག་ཏུ་མེད་པས་ན་མིག་ཡོར་ཏེ་གྲིབ་མ་ལྟ་བུ༣། སྒྱུ་མའི་སྐུ་དེ་མི་བརྟན་ཅིང་གཡོ་བའི་རང་བཞིན་ཅན་ཞིག་ཡིན་པ་ནི་སྨིག་རྒྱུ་ལྟ་བུ༤། སྒྱུ་མའི་སྐུ་དེ་བསྒྲུབ་གཞི་སེམས་དབེན་མཐར་ཐུག་གི་དཔེའི་འོད་གསལ་གྱི་རླུང་སེམས་ལས་བྱུང་ཞིང་། ཕུང་པོ་རྙིང་པ་ལས་གོས་ལོགས་སུ་ཕྱེ་བ་དང་། སླར་ཡང་ཕུང་པོ་རྙིང་པ་ལ་འཇུག་པ་ཞིག་ཡིན་པ་ནི་རྨི་ལམ་ལྟ་བུ༥། སྒྱུ་མའི་སྐུ་དེ་ཕུང་པོ་རྙིང་པ་དང་རྟེན་ཐ་དད་ཡིན་ཀྱང་ཤེས་རྒྱུད་གཅིག་གིས་བསྡུས་པས་བྲག་ཆའི་སྒྲ་ལྟ་བུ༦། སྒྱུ་མའི་སྐུ་དེ་རྟེན་བརྟེན་པའི་དཀྱིལ་འཁོར་གྱི་རྣམ་པ་ཅན་ཞིག་ཡིན་པས་ན་དྲི་ཟའི་གྲོང་ཁྱེར་ལྟ་བུ༧། སྒྱུ་མའི་སྐུ་དེ་གཅིག་ཉིད་ཡིན་ཡང་དུ་མར་འཆར་ཞིང་དུ་མར་སྣང་བ་ཞིག་ཡིན་པ་ནི་མིག་འཕྲུལ་ལྟ་བུ༨། སྒྱུ་མའི་སྐུ་དེ་སྔོ་སེར་ལ་སོགས་པ་ཁ་དོག་མ་འདྲེས་པར་སོ་སོར་སྣང་བས་ན་ནམ་མཁའི་འཇའ་ཚོན་ལྟ་བུ༩། སྒྱུ་མའི་སྐུ་དེ་ཕུང་པོ་རྙིང་པའི་ནང་ན་གནས་པའི་སྐབས་སྲིད་པ་ཞིག་ཡིན་པ་ནི་སྤྲིན་ནག་པོའི་གསེབ་ན་གློག་འགྱུ་བ་ལྟ་བུ༡༠། སྒྱུ་མའི་སྐུ་དེ་སེམས་དབེན་མཐར་ཐུག་གི་དཔེའི་འོད་གསལ་ལས་ཆོས་གཞན་གྱིས་བར་མ་ཆོད་པར་ཐོལ་གྱིས་བྱུང་བ་ཞིག་ཡིན་པ་ནི་ཆུ་ལས་༡༡ཆུ་བུར་ཐོལ་གྱིས་བྱུང་བ་ལྟ་བུ། སྒྱུ་མའི་སྐུ་དེ་མཚན་དཔེས་སྤྲས་པའི་རྣམ་པ་ཅན་དུ་སྐད་ཅིག་གིས་གྲུབ་པ་ཞིག་ཡིན་པ་ནི་མེ་ལོང་ནང་གི་ཧེ་རུ་ཀའི་གཟུགས་༡༢བརྙན་ལྟ་བུའོ། །དེ་ལྟ་བུའི་སྒྱུ་ལུས་དེ་འགྲུབ་ན་ཚེ་འདིར་འཚང་རྒྱ་བར་ངེས་ལ། ཡོ་བྱད་གང་དགོས་ཐམས་ཅད་བསམ་པ་ཙམ་གྱིས་ནམ་མཁའ་ལས་རྙེད་པར་འགྱུར་ཞིང་། ཚངས་པ་དྲག་པོ་ལ་སོགས་པའི་འཇིག་རྟེན་པའི་ལྷ་རྣམས་ཀྱིས་མི་མཐོང་ཞིང་། དེར་མ་ཟད་སྒྱུ་ལུས་མ་ཐོབ་པའི་གང་ཟག་སུས་ཀྱང་མི་མཐོང་བར་སྤྱོད་བསྡུས་ལས་གསུངས་སོ། །དེ་ལ་མ་དག་པའི་སྒྱུ་ལུས་ཞེས་བརྗོད་པའི་རྒྱུ་མཚན་ནི་ཕུང་པོ་རྙིང་པ་དང་འབྲེལ་ཐག་མ་ཆོད་པ་དང་། ལས་ཉོན་གྱི་དབང་གིས་འཁོར་བར་སྐྱེ་བ་ལེན་པས་ན་དེ་ལྟར་བརྗོད་པའོ། །འཁོར་བར་འཁོར་ཞེས་པ་རྟག་པ་མཐའ་བཟུང་གི་སྒོ་ནས་གསུངས་པ་སྟེ། དཔེར་ན་རྒྱལ་བུ་གཞོན་ནུ་དོན་གྲུབ་རབ་ཏུ་མ་བྱུང་ན་འཁོར་ལོས་སྒྱུར་བའི་རྒྱལ་པོར་འགྱུར་ཞེས་རྒྱ་རོལ་ལས་གསུངས་པ་དང་ཚུལ་མཚུངས་ཏེ། གཞོན་ནུ་དོན་གྲུབ་རབ་ཏུ་བྱུང་ངེས་པ་བཞིན་དུ་སྒྱུ་ལུས་པ་དེས་ཀྱང་དོན་དམ་འོད་གསལ་ཚེ་དེ་ལ་མངོན་དུ་བྱེད་པར་ངེས་པས་སྒྱུ་ལུས་ཐོབ་ནས་ཚེ་འདིར་འཚང་རྒྱ་བས་ཁྱབ་པ་ཁས་ལེན་པའི་རྒྱུ་མཚན་ནི་དེས་ཡིན་ནོ། །གཉིས་པ་དོན་དམ་འོད་གསལ་གྱི་རྫོགས་རིམ་ནི། རིམ་པ་གསུམ་པའི་སྒྱུ་ལུས་པས་མཉམ་རྗེས་ཀྱི་དགེ་སྦྱོར་རྣམས་བསྐྱངས་པས་དོན་གྱི་འོད་གསལ་ཐོབ་ཏུ་ཉེ་བ་ན། བླ་མ་ལས་མཚན་ཕྱེད་ཀྱི་དུས་དབང་གསུམ་པ་དངོས་དབང་དང་། དེ་རྗེས་གདམས་ངག་ནོད། ཐོ་རངས་ཕྱི་ནང་གི་ཐ་མར་ཐབས་གཉིས་ལ་བརྟེན་ནས་རིམ་པ་བཞི་པའི་དོན་གྱི་འོད་གསལ་མངོན་དུ་བྱེད་པ་ཡིན་ནོ། །དེའི་ཚེ་མ་དག་པའི་སྒྱུ་ལུས་འགག་པ། ལྷན་སྐྱེས་ཀྱི་བདེ་བ་ཆེན་པོས་སྟོང་ཉིད་མངོན་སུམ་དུ་རྟོགས་པའི་སྔགས་བླ་མེད་ཀྱི་མཐོང་ལམ་དང་། བླ་མེད་ཀྱི་ས་དང་པོ་ཐོབ་པ། བདེན་འཛིན་ལྷན་སྐྱེས་དང་ཀུན་བརྟག་ས་བོན་དང་བཅས་པའི་དངོས་གཉེན་བར་ཆད་མེད་ལམ་རྒྱུད་ལ་སྐྱེས་པ་རྣམས་དུས་མཉམ་མོ། །དེས་ན་རིམ་པ་བཞི་པའི་དོན་གྱི་འོད་གསལ་མངོན་དུ་བྱེད་པའི་དུས་ནམ་ཕྱེད་དང་། སློབ་མི་སློབ་ཀྱི་ཟུང་འཇུག་ཐོག་མར་ཐོབ་པའི་དུས་ནི་ཐོ་རངས་ཡིན་པར་ངེས་སོ། །སྤྱོད་བསྡུས་ལས། རིམ་པ་འདི་ཉིད་ཀྱིས་བཅོམ་ལྡན་འདས་དཔལ་ཤཱཀྱ་ཐུབ་པ་ལ་དེ་བཞིན་གཤེགས་པ་ཐམས་ཅད་ཀྱི་སེ་གོལ་གྱི་སྒྲས་བསྐུལ་བར་གྱུར་པས། མི་གཡོ་བའི་ཏིང་ངེ་འཛིན་ལས་བཞེངས་ཏེ་བྱང་ཆུབ་ཀྱི་ཤིང་དྲུང་ལ་བཞུགས་ནས། ནམ་ཕྱེད་ཀྱི་དུས་སུ་འོད་གསལ་བ་མངོན་དུ་མཛད་དེ། སྒྱུ་མ་ལྟ་བུའི་ཏིང་ངེ་འཛིན་ལས་བཞེངས་ནས་འགྲོ་བ་རྣམས་ལ་སྟོན་པར་མཛད་པ་ཡིན་ནོ། །ཞེས་དང་། རྒྱ་ཆེ་རོལ་པ་ལས་ཀྱང་། ཤཱཀྱ་ཐུབ་པ་དེ་བཞིན་གཤེགས། །མངོན་པར་བྱང་ཆུབ་འདི་བཞེད་ནས། །སྟོང་པ་ཆེན་པོས་སངས་རྒྱས་ཉིད། །ཐོབ་པར་བྱ་ཞེས་མངོན་པར་དགོངས། །ནཻ་རཉྫ་ནའི་ཆུ་འགྲམ་དུ། །མི་གཡོ་ཏིང་འཛིན་ལ་ཞུགས་ལ། །དེ་ཚེ་རྒྱལ་བ་མཁའ་རྡོ་རྗེ། །ཏིལ་གྱི་གོང་བུ་གང་བཞིན་བཞུགས། །རྒྱལ་བའི་སྲས་ལ་སེ་གོལ་དང་། །དེ་ལ་དབྱངས་གཅིག་གིས་གསུངས་པ། །བསམ་གཏན་འདི་ནི་རྣམ་དག་མིན། །འདིས་ནི་མཐར་ཐུག་མི་ཐོབ་སྟེ། །ནམ་མཁའི་ངོས་ལྟར་མཆོག་གྱུར་པ། །འོད་གསལ་བ་ནི་དེ་དམིགས་ཤིག །འོད་གསལ་བ་ཡི་གནས་ཐོབ་ནས། །རབ་དགའི་གཟུགས་སུ་སྐྱེ་བར་འགྱུར། །ཞེས་པས་བསྟན་ཏོ། །བདེན་གཉིས་དབྱེར་མེད་ཀྱི་རྫོགས་རིམ་ནི། སྤྱོད་བསྡུས་རྡོ་རྗེ་ཐེག་པ་འདི་ལ་བསྐྱེད་རིམ་ལ་བསླབ་ནས་ས་བརྒྱད་པ་ཐོབ་སྟེ་ཇི་སྲིད་རྫོགས་རིམ་མ་ཐོབ་པ་དེ་སྲིད་དུ་དགེ་བའི་བཤེས་གཉེན་མཉེས་པར་བྱའོ། །སྐུ་དང་གསུང་དང་ཐུགས་མངོན་པར་རྟོགས་ནས་ས་བཅུ་ཐོབ་ཅེས་གསུངས་པའི་ཕྱིར། དེས་ན་བསྐྱེད་རིམ་མཐར་ཕྱིན་པ་ས་བརྒྱད་པ་དང་དོད་ཐུབ་དང་། ངག་དབེན་ས་དགུ་པ་དང་། སེམས་དབེན་སྒྱུ་ལུས་གཉིས་ས་བཅུ་པའི་དཀྱིལ་སྟོད་དང་དོད་ཐུབ་སྦྱོར་བའི་རྒྱུ་མཚན་ཡོད་དེ། ས་བརྒྱད་པར་ཞིང་དག་སྦྱོར་བ་ཐོབ་པ་ལྟར་བསྐྱེད་རིམ་མཐར་ཕྱིན་པས་སྣོད་བཅུད་དག་པའི་འཁོར་ལོའི་རྣམ་རོལ་དུ་བལྟ་ནུས་པ་དང་། ས་དགུ་པར་ཆོས་སྟོན་པའི་ངག་དག་པའི་ཡེ་ཤེས་ཐོབ་པ་ལྟར་ངག་དབེན་གྱི་སྐབས་སུ་ངག་གི་རྩ་བ་རླུང་ལ་དབང་ཐོབ་པ་དང་། བཅུ་པར་ལུས་ངན་པར་འགྱུར་བའི་བག་ཆགས་མ་ལུས་བཟང་པོར་བསྒྱུར་ནུས་ཤིང་འོད་ཟེར་ཆེན་པོའི་དབང་བསྐུར་ཐོབ་པ་བཞིན་དུ་སེམས་དབེན་མཐར་ཐུག་གི་རླུང་སེམས་ལྷར་བསྒྱུར་ནུས་པ་དང་། སྒྱུ་ལུས་པས་སངས་རྒྱས་རྣམས་ལས་དབང་བསྐུར་བ་ཐོབ་པས་དེ་ལྟར་སྦྱར་བ་ཡིན་པའི་ཕྱིར། རིམ་པ་ཐ་མ་གཉིས་ས་བཅུ་པའི་དཀྱིལ་སྨད་དང་དོད་ཐུབ་སྦྱོར་བའི་རྒྱུ་མཚན་ཡང་ཡོད་དེ། བསོད་ནམས་ཀྱི་ཚོགས་རྫོགས་པས་སྒྲིབ་པ་སྤོང་བ་ལ་ནུས་མཐུ་ཅན་དུ་གྱུར་པ་དང་། ལམ་གཞན་ལ་གསར་དུ་སློབ་མི་དགོས་པའི་འདོད་པ་མཚུངས་པས་དེ་ལྟར་སྦྱར་བ་ཡིན་ནོ། །དེ་ཡང་ལམ་ཐུན་མོང་བས་རྒྱུད་སྦྱངས་ནས་བསྒོམ་སྟོབས་ཀྱི་ཐོག་མར་རླུང་དབུ་མར་ཞུགས་གནས་ཐིམ་གསུམ་བྱེད་པའི་སྦྱང་བའི་ཡེ་ཤེས་སྐྱེས་ཁམ་ཚུན་ཆད་ཀྱི་ལམ་ཚོགས་ལམ་དང་། བསྒོམ་སྟོབས་ཀྱིས་ཐོག་མར་རླུང་དབུ་མར་ཞུགས་གནས་ཐིམ་གསུམ་བྱེད་པའི་སྣང་བའི་ཡེ་ཤེས་སྐྱེས་པ་ནས་མ་དག་པའི་སྒྱུ་ལུས་དོན་གྱི་འོད་གསལ་དུ་འཇུག་ཁ་མའི་བར་གྱི་ལམ་རྣམས་སྔགས་བླ་མེད་ཀྱི་སྦྱོར་ལམ་དང་། རིམ་པ་བཞི་པའི་དོན་གྱི་འོད་གསལ་མཐོང་ལམ་ས་དང་པོ་རབ་དགའ་དང་། སློབ་པའི་ཟུང་འཇུག་སྒོམ་ལམ་དེ་ལ་ས་དགུའི་རྣམ་དག་བྱེད་པ་ཡིན་ནོ། །རིམ་པ་གསུམ་པ་སྒྱུ་ལུས་པས་དོན་གྱི་འོད་གསལ་མངོན་ཏུ་མི་བྱེད་ན་འཁོར་བར་ལྡོག་སྟེ། སྤྱོད་བསྡུས་ལས། ཇི་སྲིད་དུ་སྣང་བ་གསུམ་མ་དག་པ་དེ་སྲིད་དུ་རྣམ་ཤེས་ཀྱིས་ཀུན་ཏུ་རྟོག་གོ། ། དེ་ཇི་སྲིད་པ་དེ་སྲིད་དུ་ཉོན་མོངས་པའི་བག་ཆགས་ཀྱི་རྒྱུན་དང་དེས་ནི་ཡང་སྲིད་པ་འགྱུར་བ་ཡིན། རིམ་པ་བཞི་པ་དོན་གྱི་འོད་གསལ་ནས་མི་ལྡོག་སྟེ། དེའི་སྐབས་སུ་འཁོར་བའི་དངོས་གཉེན་ལྷན་སྐྱེས་ཀྱི་བདེ་བས་སྟོང་ཉིད་མངོན་སུམ་དུ་རྟོགས་པའི་ཤེས་རབ་ཡོད་པའི་ཕྱིར་རོ། །རིམ་པ་བཞི་པ་དོན་གྱི་འོད་གསལ་ལས་ལངས་མ་ཐག་ཏུ་སློབ་པའི་ཟུང་འཇུག་གི་སྐུར་དག་པའི་སྒྱུ་ལུས་སུ་སྡང་བ་ལྡང་བ་ཡིན་ཏེ། སྤྱོད་བསྡུས་ལས་སྟོང་པ་བཞི་གཅིག་ཏུ་གྱུར་པ་ལས་ལྡང་བར་བཤད་ཅིང་། རིམ་ལྔ་ལས་ཀྱང་། ཇི་ལྟར་དྭངས་པའི་ཆུ་ཀླུང་ལས། །ཉ་དག་མྱུར་དུ་ལྡང་བ་ལྟར། །དེ་བཞིན་ཐམས་ཅད་སྟོང་གསལ་ལས། སྒྱུ་འཕྲུལ་དྲྭ་བ་འབྱུང་བར་བཤད། ཅེས་སོ། །ཉོན་སྒྲིབ་སྤངས་པས་རྣམ་གྲོལ་ལམ་ཐོབ་པ། རང་བརྒྱུད་ལྡན་གྱི་གང་ཟག་དགྲ་བཅོམ་པར་གྱུར་པ་སྤངས་བཟུང་འཇུག་ཐོབ་པ་དུས་མཉམ། མཆན། རླུང་དབུ་མར་ཞུགས་གནས་ཐིམ་གསུམ་བྱས་པ་ལས་བྱུང་བའི་ལྷན་སྐྱེས་ཀྱི་བདེ་བ་སྤངས་རྟོགས་ཟུང་དུ་འཇུག་པ་སྟེ། རིམ་ལྔ་ལས། ཀུན་རྫོབ་དང་ནི་དོན་དམ་གྱི། །རྣམ་དབྱེ་སོ་སོར་ཤེས་ནས་ནི། །གང་དུ་ཡང་དག་འདྲེས་གྱུར་པ། །ཟུང་དུ་འཇུག་པར་དེ་བཤད་དོ། །ཞེས་གསུངས་སོ། །དེ་ལ་མཚན་གྱི་རྣམ་གྲངས་ནི། སྒྱུ་འཕྲུལ་དྲྭ་བས་མངོན་སངས་རྒྱས་པ་དང་། འཁོར་བའི་རྒྱ་མཚོའི་ཕ་རོལ་ཏུ་སོན་པ་དང་། བྱ་བ་བྱས་པའི་རྣལ་འབྱོར་པ་ཆེན་པོ་དང་། བདེན་པ་གཉིས་ཀྱི་ཚུལ་ལ་གནས་པ་ཞེས་བྱའོ། ། ༈ ལྔ་པ་ལ་གཉིས་བསྐྱེད་དང་། རྫོགས་རིམ་ལ་སྨོན་པའོ། །དང་པོ་ནི། མཚན་ཉིད་ཀུན་ལྡན་བླ་མ་ཡབ་ཡུམ་ལས། །ལམ་དབང་ཟབ་མོས་ལེགས་པར་སྨིན་བྱས་ནས། །རྣམ་དག་དབང་ལྔའི་ཆུ་བོས་སྒྲིབ་གཉིས་ཀྱི། །དྲི་མ་ཀུན་བཀྲུས་སྐུ་བཞིའི་ས་བོན་བཞག །དམ་ཚིག་སྡོམ་པ་ཚུལ་བཞིན་བསྲུངས་པ་ལས། །ཟབ་མོའི་ལམ་བཟང་སྐྱེ་བའི་སྣོད་གྱུར་པས། །མ་དག་སྐྱེ་ཤི་བར་དོའི་སྣང་ཞེན་རྣམས། །ཡིད་ངོར་སྦྱངས་ནས་སྐུ་གསུམ་ལམ་ཁྱེར་བ། །སྦྱང་གཞི་སྦྱོང་བྱེད་ཚང་བའི་བསྐྱེད་རིམ་གྱིས། །རིམ་པ་དང་པོའི་ལམ་ལ་མངོན་གྱུར་ཤོག །ཅེས་པ་ནི། དེ་ལ་གཞི་ལམ་འབྲས་གསུམ་གྱི་རྒྱུད་དོན་ལ་དབང་འབྱོར་པའི་མཚན་ཉིད་ཀུན་ལྡན་གྱི་བླ་མ་ཡབ་ཡུམ་ཟུང་དུ་འཇུག་པའི་གདན་གསུམ་ལུས་ཀྱི་དཀྱིལ་འཁོར་ལས། སྐྱེ་བོ་ཐ་མལ་དང་ཐེག་པ་དམན་པས་ཐོས་སུའང་མི་རུང་བའི་ལམ་དུས་ཀྱི་གསང་བའི་དབང་ཟབ་མོས་སྨིན་པར་བྱས་ཤིང་། རྒྱུ་དབང་སྔོན་སོང་ལམ་དབང་དགའ་བཞིའི་ཡེ་ཤེས་དང་འཇུག་པ་གཅིག་པར་གནས་འགྱུར་བའི་རྣམ་དག་དབང་ལྔའི་ཆུ་བོས་ཉོན་སྒྲིབ་ཤེས་སྒྲིབ་གཉིས་ཀྱི་དྲི་མ་ཐམས་ཅད་བཀྲུས། སྐུ་གསུམ་ངོ་བོ་ཉིད་སྐུ་དང་བཅས་པའི་ས་བོན་རྒྱུད་ལ་བཞག །དེ་དག་གི་དུས་སུ་ཁས་བླངས་པའི་དམ་ཚིག་དང་སྡོམ་པའི་གནས་ཚུལ་བཞིན་དུ་བསྲུངས་པ་གང་ཞིག་ལམ་བདེན་རྒྱུད་ལ་སྐྱེ་བའི་སྣོད་དམ་རྟེན་དུ་གྱུར་པས། མ་དག་པ་འཁོར་བའི་གནས་སྐབས་ཀྱི་སྐྱེ་ཤི་བར་དོའི་སྣང་ཞེན་རང་རྒྱུད་པ་རྣམས་དག་པའི་ཡིད་ངོར་སྦྱོང་ཚུལ་ཉིན་སྣང་སད་དུས་ཀྱི་བསྐྱེད་རིམ་སྐྱེ་བ་སྤྲུལ་སྐུ། གཉིད་དུས་ཀྱི་སྡུད་རིམ་འཆི་བ་འོད་གསལ་ཆོས་སྐུ། བར་སྲིད་ཀྱི་ཡིད་ལུས་སྒྱུ་ལུས་ལོངས་སྐུ་སྟེ་སྐུ་གསུམ་ལམ་ཁྱེར་ནི། སྐྱེ་གནས་རྣམ་པ་བཞི་དང་མཐུན་པའི་འཁོར་བའི་འདྲ་འབག་ཁུ་རྡུལ་རླུང་གསུམ་དང་བཅས་པ་སྦྱང་གཞིར་བྱས་ནས་སྦྱོང་བྱེད་རྡོ་རྗེའི་ཆོ་ག་གསུམ་དང་ཐུན་མོང་མ་ཡིན་པའི་མངོན་བྱང་ལྔ་ཚང་བས་རྣམ་བྱང་བསྐྱེད་པའི་རིམ་པ་དང་མཐུན་ཅིང་། བུམ་དབང་གི་ལམ་རྫོགས་རིམ་གྱི་སྨིན་བྱེད་ཡིན་པས། རིམ་པ་དང་པོའི་ལམ་མངོན་དུ་གྱུར་པར་སྨོན་པའོ། །གཉིས་པ་ནི། ཕྱི་ནང་རང་ལུས་དཀྱིལ་འཁོར་ལྷ་ཡི་ཚོགས། །རྩ་ཡིག་བདུད་རྩི་དཔའ་བོ་རྣལ་འབྱོར་མ། །ཐིམ་ལུགས་བཞི་བསྒོམ་ཡེ་ཤེས་སྐྱེད་བྱེད་ཅིང་། །རྫོགས་རིམ་རྟོག་པ་འདྲེན་པའི་རྒྱུད་སྨིན་བྱས། །ཉི་ཟླའི་ལམ་ནས་དཀྱིལ་འཁོར་བཅུ་ཡི་རླུང་། །སྒྲ་གཅན་ལམ་དུ་ལོག་པའི་ཐབས་མཁས་ཀྱི། །མུན་པའི་ལམ་ནས་འབར་བའི་ཙཎྜ་ལིས། །ཧཾ་ཡིག་རི་བོང་འཛིན་པ་བཞུ་བ་ལས། །ལྷན་སྐྱེས་བདེ་བས་མཉམ་གཞག་དྲངས་པ་ཡིས། །འཁོར་འདས་ཆོས་རྣམས་ཀུན་གྱི་གནས་ལུགས་དང་། །དབྱེར་མེད་གྱུར་པ་དཔེ་ཡི་ཡེ་ཤེས་ཉིད། །སྒྱུ་འཕྲུལ་དྲྭ་བའི་སྐུ་རུ་ལངས་པ་ལས། །མ་དག་སྐྱེ་ཤིའི་འཕྲང་ལས་གྲོལ་བ་ཡི། །རྫོགས་རིམ་ཨ་ནུའི་ལམ་དུ་འཇུག་པར་ཤོག །ཅེས་པ་ནི། དེ་ལ་ཕྱི་སྣོད་སྣང་སྲིད་སྣོད་བཅུད་འཛིན་པ་དང་། ནང་རང་ལུས་ཕུང་ཁམས་སྐྱེ་མཆེད་དུ་ཞེན་པའི་འཁྲུལ་རྟོག་ཐམས་ཅད་དབྱིངས་ནས་རང་བཞིན་གྱིས་སངས་རྒྱས་པའི་གཙོ་དཀྱིལ་གཅིག་ཤོས་ནི་འཁོར་དུ་དག་པའི་ལྷ་ཚོགས་དང་། གཞན་རྡོ་རྗེའི་ལུས་ཀྱི་དངོས་པོ་རྩ་དང་ཡི་གེ་དབང་པོ། ཁམས་བདུད་རྩི་ནི་རྣལ་འབྱོར་མ་སྟེ། དེ་གཉིས་འཁྲིལ་སྦྱོར་གྱི་ཚུལ་ལས་བདེ་སྟོང་གི་མཆོད་པ་ལེན་པ། གཞན་ལུས་དང་སྙོམས་འཇུག་གི་ཞུ་བ། དེས་མཆོད་པའི་རྐྱེན་ལས་རླུང་དབུ་མར་ཞུགས་གནས་ཐིམ་གསུམ་འབྱུང་ཞིང་། དེ་ཡང་ཞུགས་པའི་རྟགས་སུ་སྣ་སྒོར་མཉམ་རྒྱུ། གནས་པའི་རྟགས་སུ་རྒྱུ་བ་རང་འགགས། ཐིམ་པའི་རྟགས་སུ་མཁའ་སྣང་། ས་ཆུ་མེ་རླུང་སྟེ་འབྱུང་བ་བཞི་པོ་གཅིག་ལ་གཅིག་ཤོས་ཐིམ་པའི་རྟགས་རིམ་པ་བཞིན། སྨིག་རྒྱུ། དུ་བ། མཁའ་སྣང་དང་། རླུང་སྣང་བ་ལ་ཐིམ་དུ་ཉེ་བ་ནི་མར་མེ་ཐིམ་པ་དངོས་ལྟར་དཀར་ལམ། སྣང་བ་མཆེད་པ་ལ་ཐིམ་པས་དམར་ལམ། མཆེད་པ་སྟེ་ཉེར་ཐོབ་ལ་ཐིམ་པས་ནག་ལམ། ཉེར་ཐོབ་འོད་གསལ་ལ་ཐིམ་པས་སྟོན་གནམ་གཡའ་དག་པ་ལྟ་བུ་སྟེ། གྲུབ་ཆེན་ལྭ་བ་པས། དང་པོ་རི་དྭགས་སྲེད་བཞིན་སྣང་བ་སྟེ། །མཚན་མ་གཉིས་པ་དུད་ཁའི་རྣམ་པ་ཅན། །གསུམ་པ་སྲིན་བུ་མེ་ཁྱེར་དང་འདྲ་བ། །བཞི་པ་སྒྲོན་མེ་འབར་བ་ལྟ་བུར་གསལ། །མཚན་མ་ལྔ་པ་རྣམ་པར་མ་བརྟགས་པར། །སྤྲིན་བྲལ་ནམ་མཁའ་ལྟ་བུར་སྣང་བ་ཡིན། །ཅེས་གསུངས་སོ། །དེ་ལ་རི་དྭགས་སྲེད་ནི་སྨིག་རྒྱུའོ། །རྟགས་བཞི་པོ་འདི་སྔ་མ་ལས། ཕྱི་མ་གསལ་དུ་སོང་བ་ལ་སྨིག་རྒྱུ་སོགས་དང་འདྲ་བར་གསུངས་ཀྱི། དེ་རྣམས་དང་འདྲ་བའི་སྣང་བ་འཆར་བ་ཡིན་ཅེས་པ་དང་། ཁ་ཅིག་རྟགས་ཅན་གྱི་ཤེས་པ་བརྟན་གཡོའི་ཚད་ཡིན་ཅེས་པ་དང་། ཁ་ཅིག་དུ་བ་སོགས་དང་འདྲ་བའི་སྣང་བ་འཆར་བ་ལ་བཞེད་པ་གསུམ་བྱུང་བ་ནི་ཕྱི་མ་ཉིད་ལེགས་པ་ཡིན་ནོ། །རླུང་གདུ་ཕུལ་ཆེ་ཆུང་སོགས་ཀྱི་གནད་ཀྱིས་རྒྱ་ཆེ་ཆུང་དང་། བརྟན་མི་བརྟན་སོགས་སྣ་ཚོགས་ཤིག་འོང་བས་མཐའ་གཅིག་ཏུ་མ་ངེས་སོ། །དུ་བ་ལ་སོགས་པ་འདི་རྣམས་ལ་སྲོག་དབུ་མར་སྡུད་པའི་ཐབས་ཁྱད་པར་ཅན་གྱི་སེམས་འཛིན་པ་དང་། དེ་ལྟ་བུ་མིན་པའི་སེམས་མི་རྟོག་པར་འཇོག་པ་བསྐྱངས་པ་རྣམས་ལའང་འབྱུང་གསུངས་སོ། །སྒྲ་བསྒྱུར་མར་པའི་ལུགས་ཀྱི་རིམ་ལྔའི་རྩ་ཚིག་བསྡུས་གསལ་ལས། དང་པོ་སྨིག་རྒྱུ་ལྟ་བུའི་ཉམས། །འོད་ཟེར་ལྔ་དང་བཅས་པ་འཆར། །གཉིས་པ་ཟླ་བ་ལྟ་བུ་སྣང་བ་དང་། །གསུམ་པ་ཉི་མའི་འོད་ཀྱིས་མཆེད་པ་འཁྲིགས། །ཐུན་མཚམས་ཀྱི་སྨག་ནག་པོས་ཁྱབ་པ་ལྟ་བུ་མཚམས་སྣང་ལས་ནི་ཐོབ་པ་སྟེ། །ཞེས་སོ། །སྨིག་རྒྱུ་ནས་ནམ་མཁའ་སྤྲིན་མེད་ཀྱི་བར་རྣམས་བར་མ་ཆད་དུ་འབྱུང་ངོ་། །ཕྱི་མ་བཞི་ནི་ཐིམ་ལུགས་བཞི་དང་། དཔེ་དོན་གྱི་འོད་གསལ་ལ་ངེས་པ་འདྲེན་པས་ཡེ་ཤེས་བསྐྱེད་ཅིང་། བསྒོམ་པ་ནི་རྫོགས་རིམ་གྱི་རྟོག་པ་འདྲེན་པའི་རྒྱུད་སྨིན་བྱེད་ཡིན་ལ། དེའི་ཐབས་སུ་གྱུར་པ་ནི་ཉི་ཟླའི་ལམ་སྟེ། རོ་རྐྱང་གཉིས་ནས་རྒྱུ་བ་བསྐྱེད་སྡུད་ཀྱི་རྣམ་པས་ཕྱེ་བའི་ས་ལ་སོགས་པ་ཡན་ལག་གི་རླུང་བཅུ་བསྡོམས་པས་དཀྱིལ་འཁོར་བཅུའི་རླུང་ངམ་སྒྲ་གཅན་གྱི་ལམ་དུ་འགོག་པའི་ཐབས་ལ་མཁས་པ་དང་། དེའང་མུན་པའི་ལམ་སྟེགས་དབུ་མའི་མར་སྣ་ནས་འབར་བའི་ཙཎྜ་ལིའམ། གཏུམ་མོའི་མེ་ཡར་སྣའི་ཧཾ་ཡིག་རི་བོང་འཛིན་པ་སྟེ་ཟླ་པའི་རང་བཞིན་གྱི་ཁམས་བཞུ་བ་ལས་རིམ་བཞིན་ཡས་བབས་མས་བརྟན་གྱི་དགའ་བ་བཞི་དང་ཁྱད་པར་ལྷན་ཅིག་སྐྱེས་པའི་བདེ་བ་ཆེན་པོས་མཉམ་གཞག་དྲངས་པ་དེའི་ངང་དུ་འཁོར་འདས་ཀྱི་ཆོས་ཐམས་ཅད་ཀྱི་རྫུན་ཕུགས་རྡིབ་ཅིང་། ཀུན་གྱི་གནས་ལུགས་གཅིག་དང་ཐ་དད་དབྱེར་མེད་དུ་གྱུར་པ་འདི་ནི་ངོ་བོ་ཉིད་ཀྱི་ཡེ་ཤེས་ཡིན་ལ། དེ་ཉིད་ལས་གདུལ་བྱ་གང་ཡོད་ཀྱི་སར་སྤྲུལ་པའི་སྐུ་གཅིག་ཅར་དུ་སྟོན་པའི་ཕྱིར་སྒྱུ་མ་ཡབ། འཕྲུལ་བ་ཡུམ། དྲྭ་བ་འབྲེལ་པ་སྟེ་རླུང་སེམས་ཙམ་ལས་གྲུབ་པའི་སྒྱུ་མའི་སྐུར་ལངས་ནས། མ་དག་པའི་གནས་སྐབས་ཀྱི་སྐྱེ་ཤིའི་འཕྲང་ལས་གྲོལ་པའི་མན་ངག་རྫོགས་པའི་རིམ་པ་ཐམས་ཅད་ཀྱི་དོན་ཨ་ནུ་ཡོ་གའི་ལམ་ལ་འཇུག་པར་སྨོན་པའོ། །བྱང་སེམས་ཞུ་བ་ལ་བརྟེན་ནས་དགའ་བཞི་སྐྱེད་ཚུལ་ནི། བྱང་སེམས་ཞུ་བས་གནས་གང་དུ་སླེབ་པ་ན་ཡས་བབས་ཀྱི་དགའ་བཞི་བསྐྱེད་ཚུལ་ནི། རྒྱུད་རྡོ་རྗེ་ཕྲེང་བ་ལས། དེ་རྗེས་ལུགས་འབྱུང་བཤད་བྱ་སྟེ། །བདེ་ཆེན་འཁོར་ལོ་སྤྱི་བོ་ལ། །དེ་ནི་དགའ་བ་བཤད་པ་ཡིན། །ལོངས་སྤྱོད་འཁོར་ལོར་མཆོག་དགའ་དང་། །དགའ་བྲལ་ཆོས་ཀྱི་འཁོར་ལོར་གནས། །སྤྲུལ་པའི་འཁོར་ལོར་ལྷན་ཅིག་སྐྱེས། །དགའ་བ་ཉམས་སུ་མྱོང་བར་བྱེད། །ཅེས་གསུངས་ཏེ། བྱང་སེམས་སྤྱི་བོ་ནས་མགྲིན་པར་སླེབ་པ་ན་དགའ་བ་དང་། མགྲིན་པ་ནས་སྙིང་གར་སླེབ་ན་མཆོག་དགའ་དང་། སྙིང་ག་ནས་ལྟེ་བར་སླེབ་ན་དགའ་བྲལ་དང་། ལྟེ་བ་ནས་གསང་གནས་ནོར་བུའི་རྩེར་སླེབ་པ་ན་ལྷན་ཅིག་སྐྱེས་པའི་དགའ་བ་སྐྱེ་ལ། མས་བརྟན་གྱི་སྐྱེས་ཚུལ་ཡང་། རྒྱུད་རྡོར་ཕྲེང་ལས། སྤྲུལ་པའི་འཁོར་ལོར་དགའ་བ་དང་། །མཆོག་དགའ་ཆོས་ཀྱི་འཁོར་ལོར་གནས། །ལོངས་སྤྱོད་བྲལ་བའི་དགའ་བ་དང་། །ལྷན་ཅིག་སྐྱེས་པ་བདེ་བ་ཆེ། །ལུགས་ལྡོག་རིམ་པ་ཞེས་ནི་གསུངས། །མས་བརྟན་གྱི་དུས་སུ་ལྡོག་པ་སྤྱི་བོར་མ་བརྟན་གྱི་བར་དུ་མི་བརྟན་ལ། སྤྱི་བོར་བརྟན་ན་བརྟན་པར་གསུངས་ཏེ། དེ་ཉིད་ལས། དེ་ནས་སྲོག་གི་སྟེང་དུ་ཡིད། །དེ་མི་མཐུན་པ་འབབ་པར་འགྱུར། །པདྨའི་ལྟེ་བའི་དབུས་གནས་པ། །གང་དེ་ཕྱི་ནས་བརྟན་གྱུར་པ། །དེ་ཚེ་མགོན་པོ་འགྲོ་མི་འགྱུར། །ཇི་ལྟར་བུ་ག་མེད་སྣོད་དུ། །ཆུ་རྣམས་ཟད་པ་མེད་གནས་ལྟར། །དེ་ཚེ་བདེ་བ་བརྟན་པར་འགྱུར། །བརྟན་པས་ལྷན་ཅིག་སྐྱེས་པའི་དགའ། །དེ་ཕྱིར་སངས་རྒྱས་མི་ཟད་པ། །རྣལ་འབྱོར་པ་ཡིས་ངེས་པར་འཐོབ། །ཅེས་སོ། །སྤྱིར་གཏུམ་མོ་བསྒོམ་པས་དྲོད་སྐྱེད། དྲོད་ལ་བརྟེན་ནས་རྩ་ནང་གི་བྱང་སེམས་ཞུ། དེ་ཞུ་བས་བདེ་བ་སྐྱེ། བདེ་བ་ལ་བརྟེན་ནས་མི་རྟོག་པ་སྐྱེ་བར་གསུངས་ཀྱང་། ལམ་སྒོམ་སྟོབས་ཀྱི་གཏུམ་མེ་འབར་བའི་དགོས་པ་ནི། ལྷན་ཅིག་སྐྱེས་པའི་ཡེ་ཤེས་བསྐྱེད་པའི་ཆེད་ཡིན་ལ། དེ་སྐྱེ་བ་ལ་བྱང་སེམས་ཞུ་ནས་འབབ་པ་དེ་སྤྱིར་ལྟེ་བ་མན་ཆད་དུ་སླེབ་པ་ཞིག་དང་། ཁྱད་པར་ནོར་བུར་སླེབས་ནས་ཕྱིར་མ་འཕོས་པར་རེ་ཞིག་གི་བར་དུ་གནས་པ་ཞིག་མེད་ན་ལྷན་སྐྱེས་མཚན་ཉིད་པ་མི་སྐྱེའོ། །ལྷན་སྐྱེས་རྫོགས་རིམ་པའི་བདེ་ཆེན་དུ་འཇོག་པ་ལ་ནི་རླུང་ཐིམ་པའི་དབང་གིས་གནས་པ་ཞིག་དགོས་སོ། །མཉམ་གཞག་གི་སྐབས་སུ་བདེ་སྟོང་མི་རྟོག་པ་བསྐྱངས་ལ། རྗེས་ཐོབ་ཏུ་སྤྱིར་ལྷན་ཅིག་སྐྱེས་པའི་དགའ་བ་སྐྱེས་ནས། དེ་ལས་ལངས་པའི་དུས་སུ་རང་ཤུགས་ཀྱིས་ཀྱང་ཡུལ་སྣང་བདེ་བར་འཆར་བ་ཞིག་འོང་མོད་ཀྱང་། རྗེས་ཀྱི་སྐབས་སུ་མཉམ་གཞག་གི་བདེ་སྟོང་གིས་ཡུལ་སྣང་གང་ཤར་ཐམས་ཅད་ལ་རྒྱས་བཏབ་ནས་བསྒོམས་ན་བདེ་བ་འབར་བས་ཁྱད་པར་དུ་འགྱུར་བ་དེ་ལྟར་བསྐྱང་ངོ་། །དྲུག་པ་ལ་བཞི། ཕྱི་སེམས་སྡེ། ནང་ཀློང་སྡེ། གསང་བ་མན་ངག་གི་སྡེ་གསུམ་ལ་སྨོན་པ། དེ་དག་གི་དོན་བསྡུ་བའོ། །དང་པོ་ནི། དོན་གྱི་ལྷན་ཅིག་སྐྱེས་པའི་ཡེ་ཤེས་ནི། །ཨ་ཏི་ཡེ་དག་རོ་མཉམ་ཆེན་པོ་ཉིད། །ཡོད་མིན་མེད་མིན་སྟོང་མིན་མི་སྟོང་མིན། །རང་བཞིན་གཤིས་ལ་གཞལ་ན་ཐམས་ཅད་མིན། །མེད་པ་མ་ཡིན་གཉིས་མེད་ཟུང་འཇུག་སྟེ། །རྟག་མིན་ཆད་མིན་སྨྲ་བསམ་བརྗོད་ལས་འདས། །རང་གནས་ཡེ་གནས་རྫོགས་པ་ཆེན་པོ་ནི། །ཀུན་མིན་ཕྱོགས་ཙམ་གཞལ་ན་ཐམས་ཅད་མིན། །བློ་ཡིས་བཀོད་ནས་དྲན་བསམ་བརྗོད་ལས་འདས། །རྣལ་མའི་དོན་ལ་ཀུན་མིང་བརྟགས་པ་ཙམ། །ཇི་ལྟར་སྣང་བ་འདི་ཡང་ཝལ་ལེ་བ། །ཚིག་གིས་མ་བསྐྱེད་ལྷ་སྔགས་ལྷུན་གྱིས་གྲུབ། །གང་ལྟར་བསམ་བརྗོད་འདས་པའི་རང་བཞིན་ཏེ། །ཨ་ཏིའི་དགོངས་དོན་ཚུལ་བཞིན་རྟོགས་པར་ཤོག །བསྐྱེད་པ་མ་ཧཱ་ཡོ་གའི་སྐབས་སུ་རིམ་པ་བཞི་པ་དོན་གྱི་འོད་གསལ། རྫོགས་པ་ཨ་ནུ་ཡོ་གའི་སྐབས་སུ་བདེ་སྟོང་ལྷན་ཅིག་སྐྱེས་པའི་ཡེ་ཤེས་གང་ཡིན་པ་དེ་ཨ་ཏི་ཡོ་ག་རྡོ་རྗེ་སྙིང་པོའི་སྐབས་སུ་ཡེ་གྲོལ་ཀ་དག་གི་ལྟ་བ་ཞེས་བྱ་སྟེ། སྦྱངས་པ་སྔོན་སོང་གི་དབང་པོ་རབ་ཏུ་གྱུར་པ་ལ། ལྟ་སྒོམ་གྱི་མཁྱེན་པ་དང་ལྡན་པའི་བླ་མ་རྡོ་རྗེ་སློབ་དཔོན་གྱིས་ཚིག་དབང་གི་སྐབས་སུ་ཚིག་གི་ངོ་སྤྲད་པ་ཉིད་ཡིན་ཏེ། དེའི་དོན་མདོ་ཙམ་བཤད་ན། གཤིས་ཡེ་ནས་དག་པས་ཡེ་དག །འཁོར་འདས་སྤངས་བླང་དུ་མི་འབྱེད་པའི་རོ་མཉམ། རྟོག་བྱ་དེ་ལས་ལྷག་པ་མེད་པས་ཆེན་པོ། ཆོས་ཐམས་ཅད་ཀྱི་ཆོས་ཉིད་ཡིན་པས་ཉིད། སྟོང་ཆ་ཀ་དག་གི་ངོས་ནས་གང་གྲུབ་པ་མེད་པའི་ཡོད་མིན་སྣང་ཆ་ལྷུན་གྲུབ་ཀྱི་ངོས་ནས་འཁོར་འདས་ཀྱི་འཆར་གཞི་བྱེད་པས་མེད་མིན། བློ་བྱས་སྤྱོད་ཡུལ་ལས་འདས་པས་སྟོང་མིན། རང་ངོ་ཀ་དག་ཏུ་གནས་པས་མི་སྟོང་མིན། རང་བཞིན་གཉུག་མ་དོན་དམ་པའི་གཤིས་ལ་བློས་གཞལ་ན་གཞལ་བྱའི་ཡུལ་ལས་འདས་པས་ཐམས་ཅད་མིན། གཞི་ཡེ་གྲོལ་ཀ་དག་གི་དགོངས་པ་ཆོས་སྐུའི་ཡེ་ཤེས་འགྲོ་ཀུན་ལ་གནས་པ་མེད་པ་མ་ཡིན། དེས་ན་མ་དག་འཁོར་བའི་གནས་སུ་འཁྲུལ་བཞིན་པའི་གནས་སྐབས་སུའང་། ཆོས་ཉིད་སངས་རྒྱས་སུ་གནས་པའི་འཁོར་འདས་གཉིས་མེད་ཟུང་འཇུག་ཆེན་པོར་གནས། དམིགས་བསམ་སྤྲོས་པ་ལས་འདས་པས་རྟག་པ་མ་ཡིན། སོ་སོ་རང་རིག་གི་ཡེ་ཤེས་ཀྱི་སྤྱོད་ཡུལ་ཡིན་པས་ཆད་པ་མ་ཡིན། མིང་ཐམས་ཅད་སྒྲོ་འདོགས་ཡིན་པས་སྨྲ་བའི་ཡུལ་ལས་འདས། རྟོགས་པ་ཐམས་ཅད་འཁྲུལ་པ་ཡིན་པས་བསམ་པའི་ཡུལ་ལས་འདས། ཚིག་ཐམས་ཅད་དངོས་པོ་མེད་པས་བརྗོད་པའི་ཡུལ་ལས་འདས། ཡེ་ནས་རང་བཞིན་གྱིས་གནས་པས་རང་གནས། ཐོག་མ་མེད་པའི་དུས་ནས་གནས་པ་ཡེ་གནས་སྣང་སྲིད་ཆོས་སྐུར་རྫོགས་པས་རྫོགས་པ། ཐེག་པ་ཐམས་ཅད་ཀྱི་རྩེ་རྒྱལ་ཡིན་པས་ཆེན་པོ། མཐའ་བརྒྱད་ཀྱི་སྤྲོས་པ་དང་བྲལ་བས་ཀུན་མིན། སྣང་སྟོང་ཕྱོགས་རེ་ཙམ་ནས་གཞལ་བ་འཁོར་འདས་རང་སར་བདེན་པ་ཐམས་ཅད་ཡིན། དོན་དམ་དཔྱོད་བྱེད་ཀྱི་བློ་ཡིས་གཞལ་ན་དྲན་བསམ་བརྗོད་པ་ལས་འདས་རྣལ་མ་ཆོས་ཉིད་ཀྱི་ངང་ནས་གང་སྒྲུབ་ཀྱི་གྲུབ་མཐའ་ཐམས་ཅད་མིང་ཙམ་བཏགས་པ་ཙམ་ཡིན་པས་དོན་ལ་མ་རེག །ཇི་ལྟར་སྣང་བཞིན་པའི་འཁྲུལ་སྣང་འདི་ཡང་སྒྱུ་མ་དང་། རྨི་ལམ་ལྟར་ཤར་བས་ཝལ་ལེ་བ་དགག་སྒྲུབ་དང་བྲལ། སྙིང་པོ་ཚིག་གིས་མ་བསྐྱེད་པར་ལྷ་སྔགས་ལྷུན་གྲུབ་ཏུ་གནས། གང་དུ་ཅི་ལྟར་བརྟགས་ཀྱང་བསམ་བརྗོད་ཐམས་ཅད་བྲལ་བའི་གནས་ལུགས་གཞོན་ནུ་མ་ལ་པྲ་ཕབ་པ་ལྟར་སོ་སོ་རང་གིས་རིག་པའི་ཡེ་ཤེས་ཀྱི་མཐོང་མེད་ཀྱི་ཚུལ་མཐོང་བ་ཨ་ཏི་ཡོ་ག་སྟེ་ཐེག་རྩེ་ཤིན་ཏུ་རྣལ་འབྱོར་གྱི་དགོངས་དོན་ཕྱིན་ཅི་མ་ལོག་པ་ཚུལ་བཞིན་དུ་རྟོགས་པར་ཤོག་ཅིག་པའོ། །གཉིས་པ་ནང་ཀློང་སྡེའི་དོན་ལ་སྨོན་པ་ནི། ཁྱད་པར་འོད་གསལ་རྡོ་རྗེ་སྙིང་པོའི་དོན། །རང་བཞིན་བབས་ཡིན་སྟོང་པས་ཕན་ཅི་ཡོད། །སོ་མ་རང་བཞག་མ་བཅོས་རང་ག་མ། །ཐ་མལ་ཤེས་པ་རང་གྲོལ་རྒྱལ་བའི་ལམ། །རང་རིག་རང་གྲོལ་གཉེན་པོ་བཅོས་མི་དགོས། །ཡེ་གྲོལ་བསྐྱར་གཞི་མེད་དེ་གདོད་མའི་ངང་། །ཅེར་གྲོལ་ངོ་བོ་མེད་དེ་བདེན་པས་སྟོང་། །རང་གྲོལ་སྙིང་པོ་མེད་དེ་རང་བཞག་ཉིད། །འགྱུ་གྲོལ་རང་སར་དག་སྟེ་སྐད་ཅིག་མ། །ཤར་གྲོལ་དུས་མཉམ་ཡིན་ཏེ་སྔ་ཕྱི་མེད། །མ་བཅོས་རང་བཞག་རང་བབས་ཀ་དག་ཀློང་། །ངོ་བོ་རང་བཞིན་ཐུགས་རྗེའི་དོན་རྟོགས་ཤོག །ཅེས་པས་ཁྱད་པར་འོད་གསལ་སོགས་རང་གི་ངོ་བོ་སྨོས་ཏེ་འཁོར་འདས་ཀྱི་ཆོས་ཐམས་ཅད་ཀུན་ཏུ་བཟང་མོའི་མཁའ་ཀློང་རྣམ་ཐར་གསུམ་ལྡན་གྱི་དབྱིངས་ནས་སངས་རྒྱས་པའི་དོན་ཁོང་དུ་ཆུད་ནས། དེ་གའི་ངང་ལ་རང་བཞིན་གྱིས་གནས་པའི་རང་བབས་ཡིན་ན། བློས་གསར་བྱུང་དུ་བསྒྲུབས་པའི་སྟོང་པས་ཕན་དུ་ཅི་ཞིག་ཡོད། སོ་མ། ངང་བཞག །མ་བཅོས། རང་ག་མ་སྟེ། སེམས་ལ་བཅོས་བསླད་མེད་པའི་དོན་བཞི་ལ། ཐ་མལ་གྱི་ཤེས་པའི་སྒྲར་བཏགས་ཏེ། རང་གིས་རང་གྲོལ་སྦྲུལ་གྱི་མདུད་པ་ལྟ་བུ་དེ་ནི་རྒྱལ་བ་ཐམས་ཅད་ཀྱི་ཤུལ་ལམ་ཡིན་པས་རྟོག་དཔྱོད་སྣ་ཚོགས་དང་། སྒྲིམ་གློད་ལ་སོགས་པའི་གཉེན་པོས་བཅོས་མི་དགོས། ཡེ་ནས་གྲོལ་ཚར་བས་བསྐྱར་བའི་གཞི་མེད། ལྟ་སྟངས་གཅིག་གི་ངང་ནས་ཅེར་གྱིས་གྲོལ་བས་ངོ་བོ་ཉིད་མེད་དེ། བདེན་པ་ཀུན་རྫོབ་པས་སྟོང་། རང་གྲོལ་ལ་གཉེན་པོ་གཞན་མེད་པས་རང་གར་བཞག །འགྱུ་བ་ངོ་ཤེས་ཙམ་ལས་གྲོལ་བས་རང་དག་སྐད་ཅིག་མ། ཤར་ཙམ་ཉིད་ནས་རང་ངོ་ཤེས་པས་ཆུ་ལ་རི་མོ་བྲིས་པ་ལྟར་ཤར་གྲོལ་དུས་མཉམ་ལ་སྔ་ཕྱི་མེད། བློས་སྤུ་ཙམ་མ་བཅོས་པའི་རང་བཞག་རང་བབས་ཀ་ནས་དག་པ་ཞེས་བྱ་སྟེ། ཐོག་མ་ནས་རྣམ་པར་དག་པའི་བྱ་བྲལ་ཀློང་གི་སྡེ་ཆེན་པོ་དེ་ནི། ངོ་བོ་སྟོང་པ། རང་བཞིན་གསལ་བ། ཐུགས་རྗེ་ཀུན་ཁྱབ་སྟེ་སྣ་ཚོགས་པ་གཅིག་ལ་རྣམ་པ་གསུམ་དུ་དབྱེ་བའི་དོན་རྟོགས་པར་ཤོག་ཅིག་སྨོན་པའོ། །དེའང་ཞིབ་ཏུ་བཤད་ན། ཁྱད་པར་འོད་གསལ་རྡོ་རྗེ་སྙིང་པོ་ཡེ་ཇི་བཞིན་པའི་དོན་དམ་སྟོན་པ་ལ་བཞི། ལྟ་བ་ངོ་སྤྲད་པ། སྒོམ་པ་ངང་ལ་བཞག་པ། སྤྱོད་པ་རང་གྲོལ་དུ་གཏོང་པ། འབྲས་བུ་མངོན་དུ་འགྱུར་བའོ། །དང་པོ་ནི། ད་ལྟ་རང་བབས་ཀྱི་ཤེས་པ་ཕྱིར་མི་སྤྲོ་བ་ནང་དུ་བཟུང་། རང་བཞིན་རང་བབས་ཀྱི་ངང་དུ་ལྷོད་ཀྱིས་གློད་ནས་བཞག་པས་མིང་འདོགས་སྤྱོད་པ་ཐམས་ཅད་དང་བྲལ་བར་འཆར་བ་དེ་གཉུག་མའི་ཡེ་ཤེས་རྫོགས་པ་ཆེན་པོ་ཡིན་པས། བློས་བྱས་ཐ་སྙད་ཀྱི་སྟོང་པས་ཕན་མ་བཏགས་པ་གནས་ལུགས་རང་བཞག་ཏུ་དེ་ཉིད་ལྟ་བའོ། །གཉིས་པ་ནི། དེ་ལྟར་གཅེར་མཐོང་རང་གྲོལ་དུ་ཤེས་པའི་ངང་དེ་ཉིད་མ་ཤོར་བར་སྐྱོང་བ་ནི་རང་དྭངས་རྒྱ་མཚོ་དྭངས་པ་ལྟ་བུའི་ཡེ་ཤེས་ལ་འཇོག་མིན་རང་བཞག་པ། དེ་ལས་རང་རྩལ་སྣང་ཞིང་འཕྲོ་ཡང་གཉེན་པོའི་བཅོས་བསྒྱུར་མི་བྱེད་པ་ནི་མ་བཅོས་རང་བབས་ཀྱི་རྩལ་ལས་གང་ཤར་གཤིས་སུ་གྲོལ་ནས་གཉུག་མའི་ངང་དེ་ཉིད་དུ་གནས་པ་ནི་རང་ག་མ། ཡིན་ལུགས་རྗེན་པར་འཇོག་པས་ཐ་མལ་གྱི་ཤེས་པ་དེ་ཉིད་རང་གྲོལ་དུ་གནས་པའི་རྒྱུན་བསྐྱངས་ནས་རྒྱལ་བའི་གོ་འཕང་ཐོབ་ཅིང་ས་ལམ་ཆིག་ཆོད་དུ་འགྱུར་བ་ནི་སྒོམ་པའོ། །གསུམ་པ་ནི། དེ་ལྟར་རང་གནས་རང་བཞག་གི་སྒོམ་པ་སྐྱོང་བའི་ཚེ། དགག་སྒྲུབ་དང་ཆགས་སྡང་གི་བློ་ལྡོག་ཤར་ན་དེ་ཉིད་རང་གྲོལ་དུ་གཏོང་བ་ལ་གྲོལ་ལུགས་ཀྱི་གནད་དྲུག་སྟེ། རང་གྲོལ་གཉེན་པོ་མེད་པའི་གནད་ཀྱིས་སྦྲུལ་གྱི་མདུད་པ་ལྟར་གྲོལ་བས་གཞན་གྱིས་བཅོས་མི་དགོས། ཡེ་གྲོལ་བསྐྱར་གཞི་མེད་པའི་གནད་ནམ་མཁའི་མདུད་པ་ལྟར་གྲོལ་བས་གདོད་མའི་ངང་ལ་གནས། ཅེར་གྲོལ་ངོ་བོ་མེད་པའི་གནད་ངོ་ཤེས་ཀྱི་མི་དང་འཕྲད་པ་ལྟར་གྲོལ་བའི་བདེན་པའི་སྒྲོ་འདོགས་ཀྱིས་སྟོང་། རང་གྲོལ་སྙིང་པོ་མེད་པའི་གནད་ཁང་སྟོང་དུ་རྐུན་མ་ཞུགས་པ་ལྟར་གྲོལ་བས་རང་བཞག་ལ་ཐོབ་ཤོར་མེད། འགྱུ་གྲོལ་རང་སར་དག་པའི་གནད་ཆུ་ལ་རི་མོ་བྲིས་པ་ལྟར་གྲོལ་བས་ཤེས་པ་སྐད་ཅིག་མའི་རྒྱུན་མི་མཐུད། ཤར་གྲོལ་དུས་མཉམ་ཡིན་པའི་གནད་ཆུ་ལ་རལ་གྲི་བསྣུན་པ་ལྟར་གྲོལ་བས་རྟོགས་པ་སྔ་ཕྱི་ཁྱད་མེད་པ་ནི་སྤྱོད་པ། བཞི་པ་ནི། དེ་ལྟར་མ་བཅོས་པར་རྟོགས། སྒོམ་པ་རང་བབས་སུ་བཞག །སྤྱོད་པ་རང་བབས་སུ་ལྷོད་པའི་གནས་སྐབས་ན་འབྲས་བུ་ཀ་དག་གི་ཀློང་དུ་གྲོལ་ཏེ། ངོ་བོ་སྟོང་པ་ཆོས་སྐུ། རང་བཞིན་གསལ་བ་ལོངས་སྐུ། ཐུགས་རྗེ་ཀུན་ཁྱབ་སྤྲུལ་པའི་སྐུ་གསུམ་རང་གནས་ཀྱི་ཡེ་ཤེས་མངོན་དུ་གྱུར་ནས་གང་ཟག་གི་མིའི་ལུས་ལ་དགོངས་པ་སངས་རྒྱས་སུ་རྟོགས་པ་ནི་འབྲས་བུའོ། །གསུམ་པ་མན་ངག་སྡེ་ལ་སྨོན་པ་ནི། ཤེས་རབ་རང་བྱུང་སྒྲོན་མའི་དབྱིངས་རུམ་ནང་། །རྒྱང་ཞགས་སྒྲོན་མས་རིག་གདངས་སྒོ་ཕྱེས་ནས། །དག་དབྱིངས་སྒྲོན་མས་སྣ་ཚོགས་རྒྱན་བཀྲམ་སྟེ། །ཐིག་ལེ་སྟོང་སྒྲོན་ཞི་ཁྲོའི་དཀྱིལ་འཁོར་རྫོགས། །དང་པོ་རྒྱུ་ཡིས་མ་བསྐྱེད་དབྱིངས་ལྔ་ཤར། །བར་དུ་རྐྱེན་གྱིས་མ་བསྐྱེད་ཚོམ་བུར་གྲུབ། །ཐ་མར་ལྟ་བའི་གནས་དག་དབྱིངས་རིག་འདྲེས། །ཡིད་དཔྱོད་དང་བྲལ་མངོན་སུམ་མཐར་ཕྱིན་ཤོག །ཅེས་པ་ནི། ཤེས་རབ་རང་བྱུང་གི་སྒྲོན་མ་ནི་སོ་སོར་རྟོག་པའི་ཤེས་རབ་ཡིན་ལ། རྒྱང་ཞག་ཆུའི་སྒྲོན་མ་ནི་འཆར་བའི་སྒོ་མིག་གི་དབང་པོ། དག་པ་དབྱིངས་ཀྱི་སྒྲོན་མ་ནི་འཆར་བའི་ཡུལ་ནམ་མཁའ་རྐྱེན་བྲལ། ཐིག་ལེ་སྟོང་པའི་སྒྲོན་མ་ནི་འཇའ་འོད་ཟླུམ་པོར་འཁྱིལ་བ་སྟེ། དེའི་ནང་དུ་རིག་པ་རྡོ་རྗེ་ལུ་གུ་རྒྱུད་བཅིངས་པས་རིམ་བཞིན་རིམ་པ་དེ་བཅུད་དུ་སྨིན་ནས་སྐུ་ཕྱེད་པ་དང་། རྐྱང་པ་དང་མཐར་གྱིས་ཞི་ཁྲོའི་སྐུ་ཡོངས་སུ་རྫོགས་པ་སྟེ། དེ་དག་ཀྱང་སྦྱོར་དྲུག་དང་ཕྲ་ཏིག་ལྟར་རླུང་སྦྱོར་ལ་སོགས་པའི་རྒྱུས་མ་བསྐྱེད། མུན་ཁང་དུ་བཅུད་ལེན་ལ་སོགས་པའི་རྐྱེན་གྱིས་མ་བསྐྱེད་པར་ཆོས་ཉིད་མངོན་སུམ། ཉམས་གོང་འཕེལ། རིག་པ་ཚད་ཕེབས་ཀྱིས་ཚོམ་བུའི་བར་གྲུབ་ནས་མཐར་གྱི་བལྟ་བྱ་ལྟ་བྱེད་ལས་བྱུང་བའི་ཆོས་ཉིད་ཀྱང་ཟད་ནས་དབྱིངས་རིག་འདྲེས་པའི་དགོངས་པ་ལ་སྦྱོར་བ་ཡིད་དཔྱོད་དང་བྲལ་བའི་དོན་ལ་སྨོན་པའོ། །ཡང་བསྐྱར་གོ་བདེར་བརྗོད་ན། ཤེས་རབ་རང་བྱུང་གི་སྒྲོན་མ་སྤྲོས་བྲལ་གཉུག་མའི་ཡེ་ཤེས་ཀ་དག་ཁྲེགས་ཆོད་ཀྱི་དགོངས་པ་རིག་སྟོང་ཟང་ཐལ་དུ་རྟོགས་པ་དེའི་དབྱིངས་ནས། འོད་གསལ་གྱི་སྣང་བ་དཔག་ཏུ་མེད་པ་འཆར་བའི་སྐབས་སུ་རྒྱང་ཞག་ཆུའི་སྒྲོན་མ་འོད་རྩ་དཀར་གྱི་སྐུད་པ་ལྟ་བུས་རིག་གདངས་འཆར་བའི་སྒོ་ཕྱེ་ནས། དག་པ་དབྱིངས་ཀྱི་སྒྲོན་མ་འོད་ལྔ་འཇའ་ཚོན་གྱི་སྣང་བས་ཞིང་ཁམས་དང་གཞལ་ཡས་ཀྱི་རྒྱན་བཀྲམ་སྟེ། ཐིག་ལེ་སྟོང་པའི་སྒྲོན་མ་འོད་ཁྱིམ་ཟླུམ་པོའི་རྣམ་པ་ལས། ཞི་ཁྲོའི་དཀྱིལ་འཁོར་དུ་འཆར་བ་སྟེ། དེ་ཡང་དང་པོ་ཆོས་ཉིད་མངོན་སུམ་གྱི་སྐབས་སུ་དེ་ཉིད་ཆེར་འཆར་ནས། རིག་པ་ཚད་ཕེབས་ཀྱི་ཚེ་རྐྱེན་གྱིས་མ་བསྐྱེད་པའི་སྣང་ཉམས་རིགས་ལྔ་ཡབ་ཡུམ་ཟུང་དུ་འབྲེལ་བའི་ཚོམ་བུའི་དཀྱིལ་འཁོར་དུ་གྲུབ། ཐ་མ་ཆོས་ཉིད་ཟད་པའི་གནས་སྐབས་སུ་ལྟ་བའི་གནད་དག་སྟེ་རིག་གདངས་ཚད་མེད་ཀྱི་སྣང་ཆ་དབྱིངས་སུ་བསྡུས་ནས། དབྱིངས་རིག་དབྱེར་མེད་དུ་བསྲེས། ཉམས་ཡིད་དཔྱོད་དང་བྲལ་བའི་ཆོས་ཉིད་སྣང་ཉམས་དབང་པོས་མངོན་སུམ་མཐོང་བ་འོད་གསལ་ཐོད་རྒལ་གྱི་ཉམས་ལེན་མཐར་ཕྱིན་དུ་ཤོག་ཅིག་པའོ། །དེ་དག་གི་དོན་བསྡུ་བ་ནི། ཁྲེགས་ཆོད་ལྟ་བས་སྲིད་ཁུངས་གདར་ཤ་བཅད། །ཐོད་རྒལ་བསྒོམས་པས་སྐུ་གསུམ་རྩལ་རྫོགས་ཏེ། །གདོད་ནས་རྣམ་དག་དང་པོའི་སངས་རྒྱས་ཉིད། །དབྱེར་མེད་ཐིག་ལེའི་གཟུགས་སུ་གང་སྣང་བ། །དེ་ལས་སྤྲོས་ཚེ་སྐུ་གསུམ་སྣོད་བཅུད་དང་། །བསྡུས་ཚེ་སྟོང་ཉིད་སྙིང་རྗེ་ཆོས་ཀྱི་སྐུ། །ཐིག་ལེ་ཉག་གཅིག་ཡིད་ཡུལ་གཡོ་མེད་ཤོག །ཅེས་པ་ནི། ཀ་དག་ཁྲེགས་ཆོད་ཀྱི་ལྟ་བས་སྲིད་པའི་ཁུངས་བདག་འཛིན་གྱི་རྩ་བ་བཅད་དེ། རང་གནས་ཆོས་ཉིད་ཀྱི་གདར་ཤ་བཅད། ལྷུན་གྲུབ་ཐོད་རྒལ་གྱི་ལམ་བསྒོམས་པས་སྐུ་གསུམ་རྩལ་རྫོགས་ནས། འབྲས་བུ་གྲོལ་བའི་ཀ་དག་གདོད་མའི་གཞི་རྣམ་པར་དག་པའི་ཆོས་ཉིད་དང་ངོ་བོ་དབྱེར་མེད་པ་གདོད་མའི་སངས་རྒྱས་ཀུན་ཏུ་བཟང་པོའི་དགོངས་པ་འཁོར་འདས་དབྱེར་མེད་ཐིག་ལེ་ཉག་གཅིག་ཏུ་སྣང་བ་དེ་ལས་སྤྲོས་པའི་ཚེ་ན་སྐུ་གསུམ་དག་པའི་ཞིང་ཁམས་སྣོད་བཅུད་དྭངས་པ་མ་འདྲེས་པ་སྣང་ཞིང་། བསྡུས་ཚེ་སྟོང་ཉིད་སྙིང་རྗེ་དབྱེར་མེད་པའི་རང་བཞིན་ཡེ་ཤེས་ཆོས་ཀྱི་སྐུའི་བདག་ཉིད་སྤྲོས་བྲལ་ཐིག་ལེ་ཉག་གཅིག་གི་ཡིད་ཡུལ་ལ་གཡོ་བ་མེད་པར་ཤོག་ཅིག་ཅེས་སྨོན་པའོ། །གཉིས་པ་འབྲས་བུའི་གོ་འཕང་སྤྱོད་ཚུལ་སྨོན་པ་ལ་གསུམ། འབྲས་བུ་སྐུ་གསུམ་དབྱེར་མེད་ལ་སྨོན་པ་དང་། ཕྲིན་ལས་ཀྱི་འཇུག་པ་ལ་སྨོན་པ་དང་། སྔགས་སྤྱོད་ཀྱི་རྟེན་ཁྱད་པར་ཅན་ལ་བརྟེན་ནས་འབྲས་བུ་དོན་དུ་གཉེར་བར་སྨོན་པའོ། །དང་པོ་ནི། སླར་ཡང་རྡོ་རྗེ་ལྟ་བུའི་ཏིང་འཛིན་གྱིས། །གཉིས་སྣང་འཁྲུལ་པའི་བག་ཆགས་ཀུན་བཅོམ་ནས། །རིམ་པ་བཞི་པའི་དོན་གྱི་འོད་གསལ་དང་། །དབྱེར་མེད་ལྷན་ཅིག་སྐྱེས་པ་བདེ་བའི་དངོས། །བདེན་གཉིས་ཟུང་དུ་འཇུག་པའི་ཧེ་རུ་ཀ །མཁའ་དབྱིངས་ཤར་བ་དབང་པོའི་གཞུ་བཞིན་དུ། །གསལ་མདངས་འོད་ཟེར་ལྔ་ཡི་དྲྭ་བ་ཅན། །སྟོབས་བཅུ་མི་འཇིགས་བཞི་དང་སོ་སོར་རིག །མ་འདྲེས་བཅོ་བརྒྱད་རྫོགས་པའི་སངས་རྒྱས་དང་། །བླ་མེད་ཡོན་ཏན་རང་བཞིན་གཞལ་མེད་ལས། །རྣམ་ཀུན་མཆོག་ལྡན་ངོ་བོ་ཆོས་ཀྱི་སྐུ། །རྣམ་པ་ལོངས་སྤྱོད་རྫོགས་སྐུ་གྲངས་མེད་ཀྱི། །སྤྲུལ་པའི་སྤྲིན་འཕྲོ་སྐུ་གསུམ་དབྱེར་མེད་ཤོག །ཅེས་པ་ནི། དེ་ཡང་འཇུག་པ་ལ་དབང་ཐོབ་ནས་གདོད་མའི་ནང་དབྱིངས་སུ་འཇུག་ཁ་མ་དེར། སླར་ཡང་རྡོ་རྗེ་ལྟ་བུའི་ཏིང་ངེ་འཛིན་གཞུ་བདུངས་བ་ལྟ་བུའི་གཉིས་སུ་སྣང་བ་དང་། དེ་ལས་བྱུང་བའི་འཁྲུལ་པའི་བག་ཆགས་ཀྱི་ལྷག་མར་གྱུར་པ་གནས་ངན་ལེན་གྱི་ཤེས་སྒྲིབ་ཕྲ་མོ་ཡན་ཆད་བཅོམ་སྟེ། རིམ་པ་བཞི་པའི་དོན་གྱི་འོད་གསལ་དེ་ཉིད་སློབ་པའི་ཟུང་འཇུག་གི་བསྒྲུབ་གཞི་ཡིན་པས་ངོ་བོ་གཅིག་པའི་ཆ་ནས་དབྱེར་མེད་ལྷན་ཅིག་སྐྱེས་པའི་བདེ་བའི་དངོས་གཞིར་བཤད་ལ། དེ་ཉིད་ལས་མི་སློབ་པའི་ཟུང་འཇུག་ཁ་སྦྱོར་ཡན་ལག་བདུན་ལྡན་གྱི་སྐུར་བཞེངས་པ་ལ་མཁའ་དབྱིངས་ཤར་བའི་དབང་པོའི་གཞུ་སྟེ། ནམ་མཁའ་ལ་འཇའ་ཚོན་ཤར་བའི་དཔེས་མཚོན་ནས་ཆོས་སྐུའི་གདངས་ལོངས་སྤྲུལ་གྱི་རྣམ་པའི་གཟུགས་སྐུ་གཉིས་སུ་གྲུབ་པ་ལ་སྟོབས་བཅུ་དང་མི་འཇིགས་པ་བཞི་ལ་སོགས་ཡོན་ཏན་མཐའ་དག་རྫོགས་པའི་སངས་རྒྱས་དང་། དེའི་བླ་ན་མེད་པའི་ཡོན་ཏན་གྱི་རང་བཞིན་གཞལ་དུ་མེད་པ་ཉིད་ལས། གཞོན་ནུ་མ་ལ་པྲ་ཕབ་པའི་སྣང་བ་ལྟར་རྣམ་པ་ཐམས་ཅད་པའི་མཆོག་དང་ལྡན་པའི་ཆོས་ཀྱི་སྐུ་དང་། དེའི་གདངས་རིགས་ལྔ་གངས་ཅན་མཚོ་བཞིན་ལག་གི་རྣམ་པ་ཅན་གྱི་ལོངས་སྤྱོད་རྫོགས་པའི་སྐུ་གྲངས་མེད་པར་ཤར་བ་དང་། དེ་ལས་སྤྲུལ་པའི་སྐུ་བསམ་གྱིས་མི་ཁྱབ་པའི་སྤྲིན་འཕྲོ་བ་ཅན་གྱི་སྐུ་གསུམ་ངོ་བོ་དབྱེར་མེད་ཐོབ་པར་ཤོག་ཅིག་ཅེས་སྨོན་པའོ། །གཉིས་པ་ནི། མཁར་ཁྱབ་གཟུགས་བཟུང་བགྲང་ཡས་སེམས་ཅན་ལ། །ཇི་སྙེད་ཁམས་དང་བསམ་པའི་དབྱེ་བ་བཞིན། །རང་རང་སྐད་དུ་རྒྱུ་དང་འབྲས་བུ་ཡི། །ཐེག་པ་གཉིས་ལས་བརྩམས་པའི་ཆོས་ཀྱི་ཚུལ། །ལེགས་པར་སྟོན་ལ་སྐྱོ་ངལ་མེད་པར་ཤོག །ཅེས་པ་ནི། དེ་ལྟར་རང་དོན་དུ་སྤངས་རྟོགས་མཐར་ཕྱིན་པའི་སངས་རྒྱས་སྐུ་གསུམ་གྱི་བདག་ཉིད་ཅན་དུ་གྲུབ་ནས། ནམ་མཁས་གར་ཁྱབ་ཏུ་རྣམ་སྨིན་གྱི་གཟུགས་སམ་ལུས་བཟུང་བའི་བགྲང་བ་ལས་འདས་པའི་སེམས་ཅན་གྱི་ཁམས་རྒྱ་མཚོ་ལྟ་བུ་ལ་ཇི་སྙེད་དེ་མང་པོའི་སྒྲས་དེ་སྙེད་སོ་སོའི་ཁམས་དང་བསམ་པའི་དབྱེ་བ་ཐ་དད་པ་བཞིན་རང་རང་སོ་སོའི་སྐད་དུ་རྒྱུ་དང་འབྲས་བུའི་ཐེག་པ་གཉིས་ལས་བརྩམས་པའི་ཆོས་ཀྱི་ཚུལ་རྒྱ་མཚོ་ལྟ་བུ་ལེགས་པར་འཆད་ཅིང་ལེགས་པར་སྟོན་པ་ལ་སྐྱོ་དུབ་དང་ངལ་བའི་གནས་མཐའ་དག་བཟོད་པར་ཤོག་ཅིག་པའོ། །གསུམ་པ་ནི། འདི་དང་བར་དོར་མཆོག་གི་གོ་འཕང་ནི། །ངེས་པར་འགྲུབ་པའི་ལམ་བཟང་མ་རེད་ན། །ཟབ་ལམ་འཕོ་བའི་རྣལ་འབྱོར་ལ་གོམས་པས། །རྣམ་ཤེས་མཁའ་སྤྱོད་གནས་སུ་འཕོ་བྱས་ཏེ། །བསྐྱེད་རྫོགས་ལམ་གྱི་རིམ་པས་འཕྲོ་མཐུད་ཤོག །ཅེས་པ་ནི། དེ་ལ་བསྐྱེད་རིམ་གྱི་སྒོ་ནས་རིག་འཛིན་བཞིའི་ལམ་རྫོགས་རིམ་གྱི་སྒོ་ནས། རྨི་ལམ། སྒྱུ་ལུས། བར་དོ། འོད་གསལ་ལ་སོགས་ཀྱི་གདམས་པ་ཉམས་འོག་ཏུ་ཆུད་ནས་ཚེ་འདི་འམ། བར་དོར་མཆོག་གི་གོ་འཕང་བགྲོད་པའི་ལམ་བཟང་གི་དངོས་གྲུབ་མ་བརྙེས་ན། མ་བསྒོམ་པར་འཚང་རྒྱ་བའི་ཟབ་ལམ་འཕོ་བའི་རྣལ་འབྱོར་ལས་འཁོར་བ་དང་འབྲེལ་བའི་སྒོ་བརྒྱད་ཡིག་འབྲུས་བཀག་ལ། གཙུག་ཏོར་རླུང་གི་འཁོར་ལོའི་སྒོ་ཕྱེ་ནས་རྣམ་པར་ཤེས་པ་ཨ་ཡིག་ལ་སོགས་པའི་རྣམ་པས་དག་པ་མཁའ་སྤྱོད་དང་། བདེ་བ་ཅན་དང་། མངོན་པར་དགའ་བ་ལ་སོགས་རང་བཞིན་སྤྲུལ་པའི་ཞིང་དུ་འཕོས་ནས་བསྐྱེད་རྫོགས་ལམ་ཀྱི་རིམ་པ་འཕྲོ་མཐུད་པར་ཤོག་ཅིག་ཅེས་སྨོན་པའོ། །གསུམ་པ་མཇུག་གི་དོན་ལ་གཉིས། གཞུང་དོན་འབྱེད་པའི་བློ་གྲོས་ཐོབ་པར་སྨོན་པ་དང་། སྐྱེ་བ་དང་ཚེ་རབས་ཐམས་ཅད་དུ་དཔལ་ལྡན་བླ་མ་དང་མི་འབྲལ་བར་སྨོན་པའོ། །དང་པོ་ནི། དེ་ལྟར་རྒྱུ་ལམ་འབྲས་བུའི་ཁྱད་པར་ལས། །སྐུ་དང་ཞིང་ཁམས་འཁོར་དང་མཛད་པ་ནི། །ཡོངས་སུ་དག་པའི་ཡེ་ཤེས་ལམ་ཉིད་དུ། །བྱེད་དང་མི་བྱེད་སྔགས་དང་ཕ་རོལ་ཕྱིན། །སོ་སོར་འབྱེད་པའི་བློ་གྲོས་དང་ལྡན་ཤོག །ཅེས་པ་ནི། རྒྱུ་ལམ་དུ་བྱས་ནས་འབྲས་བུ་ཕྱི་དུས་ན་སྨིན་པ་སྡེ་སྣོད་གསུམ་གྱི་ལམ་དང་། འབྲས་བུ་ལམ་དུ་བྱེད་པ། དཔེར་ན་རང་གི་ལུས་ངག་ཡིད་གསུམ་ལྷའི་སྐུ་གསུང་ཐུགས་ཀྱི་རྣམ་པ་ལམ་བྱེད་དང་། དེ་བཞིན་དུ་སྣོད་གཞལ་ཡས་ཁང་གི་ལམ་ཁྱེར་དང་། བཅུད་ཀྱི་སེམས་ཅན་ལྷ་དང་ལྷ་མོའི་རང་བཞིན་དུ་སྦྱོར་བ་དག་པའི་སྣོད་བཅུད་དང་། འོད་ཟེར་སྤྲོ་བསྡུས་སངས་རྒྱས་ཀྱི་ཕྲིན་ལས་རྣམ་པ་བཞིའི་མཛད་པ་ལམ་དུ་བྱེད་པ་སྟེ། དེ་བས་ན་སངས་རྒྱས་ཀྱི་སྐུ་དང་ཡེ་ཤེས་ཀྱི་ཁམས་ལ་ད་ལྟ་ནས་ཡོངས་སུ་དག་པའི་ཡེ་ཤེས་ཀྱི་ལམ་དུ་བྱེད་ནུས་པ་ནི་འབྲས་བུ་སྔགས་ཀྱི་ཐེག་པ་དང་། དེ་ལྟར་བྱེད་མི་ནུས་པ་ནི་ཕ་རོལ་ཏུ་ཕྱིན་པ་སྟེ། དེ་གཉིས་སོ་སོར་འབྱེད་ནུས་པའི་བློ་གྲོས་ཀྱི་སྤོབས་པ་ཁྱད་པར་ཅན་ཐོབ་པར་ཤོག་ཅིག་པར་སྨོན་པའོ། །གཉིས་པ་ནི། བདག་ཀྱང་འདི་ནས་ཚེ་རབས་ཐམས་ཅད་དུ། །རྗེ་བཙུན་བླ་མ་མཆོག་དང་མི་འབྲལ་ཞིང་། །དེས་གསུངས་གསུང་གི་བདུད་རྩི་མྱོང་བ་དང་། །དེ་དོན་སྒྲུབ་ལ་ཞུམ་པ་མེད་པ་ཡི། །ཚེ་རབས་ཀུན་ཏུ་ཡོངས་འཛིན་དམ་པ་དང་། །ནམ་ཡང་འབྲལ་མེད་རྗེས་སུ་འཛིན་གྱུར་ཅིག །ཅེས་པ་ནི། དམ་པའི་ཆོས་ཀྱི་མཚན་ཉིད་ནི་ཐོག་མཐའ་བར་གསུམ་དུ་དགེ་བ་ཞིག་ཡིན་ལ། དེ་ལྟར་དགེ་བར་བྱེད་པ་བླ་མ་དམ་པ་དགེ་བའི་བཤེས་གཉེན་གཅིག་པུ་ལ་རགས་ལས་ན་དུས་འདི་ནས་བཟུང་སྟེ་ཚེ་རབས་ཐམས་ཅད་དུ་བླ་མ་དང་མཇལ་བའི་རྒྱུ་རྐྱེན་རྟེན་འབྲེལ་ཚོགས་པ་དང་མཇལ་ནས་སྐད་ཅིག་ཀྱང་མི་འབྲལ་བར་ལུས་ངག་གིས་ཞབས་ཏོག་དང་། ཟང་ཟིང་གི་འབུལ་བ་དང་། སྒྲུབ་པའི་རྒྱལ་མཚན་འཛུགས་པ་སྟེ་མཉེས་པ་གསུམ་གྱིས་བརྟེན་ནས་ཅི་གསུང་གི་བཀའ་བསྒྲུབ་ཅིང་། ཁྱད་པར་གསུང་གི་བདུད་རྩི་དམ་པའི་ཆོས་ཀྱི་རོ་མྱངས་ནས་དེའི་སྒྲུབ་པ་ལ་ཞུམ་པ་མེད་པའི་སྙིང་སྟོབས་བསྐྱེད་པས་འདི་ཕྱི་གང་རུང་དུ་དངོས་གྲུབ་རྣམ་གཉིས་ཐོབ་ཅིང་། གལ་ཏེ་ཅུང་ཟད་འགྱངས་ན་རྒྱུ་མཐུན་གྱི་འབྲས་བུ་ལས་སྐྱེ་བ་ཕྱི་མར་ཡང་བླ་མ་མཚན་ཉིད་དང་ལྡན་པ་མཇལ་ནས་རྗེས་སུ་འཛིན་པར་ཤོག་ཅིག་པའོ། ། ཅེས་པ་འདི་ནི་མངའ་བདག་ཁྲི་སྲོང་ལྡེའུ་བཙན་གྱི་འབྲས་བུ་མཐར་ཕྱིན་པའི་སྐུ་མ་ཧཱ་པཎྜིཏ་འཇམ་དབྱངས་མཁྱེན་བརྩེའི་དབང་པོའི་ཞལ་སྔ་ནས་ཁྲིད་ལུང་ཟབ་ཅིང་རྒྱ་ཆེ་བ། གནས་མཆོག་འཆི་མེད་དཀར་མོ་སྟག་ཚང་བསམ་འགྲུབ་ཀེའུ་ཚང་གི་གཏེར་གནས་ཀྱི་སྒོ་དབྱེ་བའི་སྐབས་སུ་གནས་དེ་ཉིད་ཀྱི་དབུ་རྩེ་དང་གནས་ཀྱི་སྙིང་པོར། གཏེར་ཆེན་ཆོས་ཀྱི་རྒྱལ་པོ་མཆོག་གྱུར་བདེ་ཆེན་གླིང་པ་ཕྲིན་ལས་འགྲོ་འདུལ་རྩལ་ཡུམ་སྲས་གྲྭ་ཚང་དང་བཅས་པ་ལ། ཐུགས་དགྱེས་བཞིན་པའི་ངང་ནས་བསྩལ་བ་ཉིད་མི་བརྗེད་དྲན་གསོས་ཟིན་བྲིས་བྲི་འོས་ཞེས་མཆེད་གྲོགས་རྣམས་ཀྱིས་གསུངས་པ་དང་། ཁྱད་པར་ཡེ་ཤེས་ཌཱ་ཀི་བདེ་ཆེན་ཆོས་སྒྲོན་དང་། གནས་འཛིན་དགེ་བཤེས་མཁས་གྲུབ་དྷརྨ་རཱ་ཛ་བཅས་ཀྱི་གསུང་ངོ་མ་ལྡོག་པར་བྲིས་ཀྱང་། ད་ལམ་འཕྲལ་མཁོ་རང་གི་ཡིད་ལ་གོམས་ཕྱིར་བྲིས་པ་ཡིན་པས། ད་དུང་བཅོས་བསྒྱུར་འབྲི་བསྣན་སོགས་མང་དུ་དགོས་པས་དམ་པ་རྣམས་ཐུགས་མི་ཁྲེལ་བར་ཞུ། སརྦ་དཱ་ཀ་ལྱཱ་ཎཾ་བྷ་བ་ཏུ།། །།

ཤེས་རབ་ནས་ཞུ་བཅུག་ཐེངས་གསུམ་བྱས།

[edit]

gsang ba sngags kyi smon lam 'dod 'jo'i dga' ston gyi 'grel bshad bdud rtsi'i klung chen/ @#/_/gsang ba sngags kyi smon lam 'dod 'jo'i dga' ston gyi 'grel bshad bdud rtsi'i klung chen zhes bya ba bzhugs so/__/ he ru ka dpal rdo rje 'chang la phyag 'tshal lo/__/zung 'jug 'od gsal 'dus ma byas pa'i dbyings/__/nges pa lnga ldan longs spyod rdzogs pa'i sku/__/gang 'dul gdul bya'i mos ngor sprul pa'i gar/__/ston mdzad dpal ldan bla mar gus phyag 'tshal/__/bai ro'i rnam 'phrul 'gro 'dul gling pa yi/__/'chos skyob gnyis ldan bdud rtsi'i klung chen las/__/sngags kyi smon lam 'dod 'jo'i dga' ston nyid/__/go gsal nyung ngu'i ngag gis 'di na 'grol/__/'di la bzhi/__mtshan gyi don/__mchod par brjod pa/__gzhung gi don/__mjug gi don to/__/dang po ni/__gsang ba sngags kyi smon lam 'dod 'jo'i dga' ston ces bya ba bzhugs so/__/zhes pa/__nyan rang sogs gdul bya thun mong ba'i snod du ma gyur pas gsang ba ste/__kun mkhyen rang byung rdo rjes/__phyi nang nyan thos spyod yul min/__/mtha' drug gis bcings nang gi don/__/ces gsungs pa ltar ro/__/yid shes bde myur gyi sgo nas skyobs par byed pas na sngags te/__ji skad du yang /__'dod pa'i longs spyod lnga po la/__/ci bde bar ni spyad pas 'grub/__/ces so/__/de'i lam dang 'bras bu'i chos thams cad rang gi don la yongs su rdzogs par smon pas na smon lam de grub pa'i 'bras bu sngags kyi dngos grub dman 'bring mchog la brten nas gnas skabs dang mthar thug gi 'dod pa thams cad yid bzhin du 'jo bas dga' ston spel bar byed pas na gzhung 'di'i mtshan la de skad ces bya ba ste dpe'i sgo nas mtshan du btags pa'o/__/gnyis pa ni/__dus gsum rgyal ba sras bcas ma lus dang /__/'gro ba'i skyabs gyur pad+ma saM b+ha wa/__/srid zhi'i rgud pa kun sel rat+na'i zhabs/__/mi 'bral snying nas gus pas phyag bgyi'o/__/zhes pa ni/__'das ma 'ongs da lta'i dus gsum gshegs pa dang bzhugs pa dang 'byon par 'gyur pa'i bdud bzhi'i dgra las rgyal ba'i rgyal ba ste sangs rgyas dkon mchog dang /__de dag gi sras byang chub sems dpa' nyan rang dang bcas pa ni dge 'dun dkon mchog dang /__de dag gi rgyud la bzhugs pa'i 'gogs lam gyi bden pa ni chos dkon mchog__/'gogs bden ni sangs rgyas 'phags pa'i rgyud kyi sgrib gnyis spangs pa'i spangs cha/__nyan thos dgra bcom pa'i rgyud kyi nyon sgrib spangs pa'i spangs cha/__lam bden ni sangs rgyas 'phags pa'i thugs rgyud kyi rnam mkhyen/__nyan thos dgra bcom pa'i thugs rgyud kyi stong nyid mngon sum du rtogs pa'i mkhyen pa rnams so/__/de dag gis spyir dkon mchog gsum la phyag mdzad pa'o/__/'gro ba lha dang bcas pa'i skyabs gnas gcig pur gyur pa pad+ma saM b+ha wa ste/__pad+ma yang dag par 'byung ba'am pad+ma'i 'byung gnas te/__thog mar pad sdong las 'khrungs par ma zad/__in+d+ra bo d+his spyan drangs pa'i lam gang du bzhag par pad+ma re 'khrungs pas mtshan du de ltar gsol bar grags/__slob dpon rdo rje gdan pas/__dge slong lus la phyag rgyar ldan/__/lho nub srin po'i kha gnon mdzad/__/pad+mA ka ra/__zhes gsungs pa'i grub brnyes kyi slob dpon dam pa ste/__de dag gis bye brag tu gangs can 'gro ba'i skyabs gnas la phyag mdzad pa'o/__/srid dang zhi ba'i mi mthun pa'i rgud pa thams cad sel ba'i byed po yid bzhin gyi nor bu rin po che dang chos mtshungs pa chos rgyal rin chen phun tshogs te/__pad+ma gling pa'i gter lung las/__rgya gar rig 'dzin hU~M ka ra:__'bri yi phyogs su rat+na'i ming :__zhes dang /__'bri zhes bya ba kha ba'i klong gseb tu:__rmu rgod 'gro 'dul byang chub sems ldan pa:__thugs rje chen pos byin gyis brlabs pa'i bu:__zhes gsungs pa ltar ro/__/de dag gis khyad par du rtsa ba'i bla ma la phyag mdzad pa'o/__/de'ang phyag mdzad pa'i tshul ni rab lta ba mjal ba'i phyag ste dus gsum 'du 'bral med par yid rab tu dwangs ba'i sgo nas so/__/de'ang slob dpon klu sgrub kyis/__ji ltar chu la chu bzhag dang /__/ji ltar mar la mar bzhag ltar/__/rang gi rang rig ye shes ni/__/legs mthong gang yin 'dir phyag min/__/ces so/__/gsum pa la gnyis/__mi rtag pa'i gtam gyis blo chos la bskul ba dang /__lam gyi rim pa dngos rgyud la brten pa'o/__/dang po ni/__tshe 'di'i longs spyod rmi lam dga' ston bzhin/__/lang tsho'i dpal yang 'ja' tshon lta bu ste/__/tshe srog mi rtag glog gi zlos gar bzhin/__/'jig rten phun tshogs kun la dbang bsgyur kyang /__/ston dus mdzes pa'i sprin dkar phung po bzhin/__/skad cig mi rtag 'jig pa'i tshul can du/__/mthong nas srid par yid ni 'byung bar shog__/ces pa ste/__tshe 'dir snang gi longs spyod gnas grogs sogs rmi lam gyi dga' ston lta bu ste/__ting 'dzin rgyal po las/__ji ltar rmi lam na yang 'dod pa sten pa/__/skyes bu sad par gyur na mi mthong ste/__/byis pa shin tu 'dod la chags shing zhen/__/chos rnams thams cad de bzhin shes par gyis/__/zhes so/__/de bzhin du gzugs dang lang tsho kha dog rgyan gos kyi dpal 'byor kun 'ja' tshon lta bur snying po med de/__ji skad du yang /__mi rtag lus la snying po med/__/nam mkhar shar ba'i 'ja' tshon 'dra/__/bden par bzung kyang yal nas 'gro/__/zhes so/__/skyes bu'i tshe srog ni mi rtag ste rlung dmar nang gi mar me'am bar snang du glog 'gyu ba ltar skad cig gis mi rtag ste/__rje bdag nyid chen pos/__dal ba'i rten 'di yid bzhin nor las lhag__/rnyed dka' 'jig sla nam mkha'i glog dang 'dra/__/zhes so/__'jig rten tshe 'di'i phun tshogs 'khor los sgyur rgyal du gyur te gling bzhi la mnga' dbang bsgyur kyang snying po med do/__/ston dus kyi sprin dkar phung po dbyibs ngo mtshar ba sna tshogs shar yang da lta rang yod 'phro la med 'gro ba ltar shes par bya ste/__mgon po klus/__brgya byin 'jig rten mchod 'os gyur nas kyang /__/las kyi dbang gis phyir yang sa steng lhung /__/'khor los bsgyur ba nyid du gyur nas kyang /__/'khor ba dag na yang bran nyid du 'gyur/__/zhes so/__/de ltar skad cig kyang mi sdod cing 'gyur ba'i tshul rig nas srid pa ste 'khor ba nas yid dbyung ste nges 'byung gi bsam pa rnam par dag pa rgyud la skye bar shog cig pa ste/__ji skad du yang /__dal 'byor rnyed dka' tshe la long med pa/__/yid la goms pas tshe 'di'i snang zhen ldog__/ces so/__/de dag gis 'chi ba mi rtag pa dang ngan 'gro'i sdug bsngal sogs skyes bu chung ngu'i lam dang /__thar pa don gnyer gyi blo bskyed pa sogs skyes bu 'bring gi lam rnams bstan pa yin te/__byang chub lam gyi sgron ma las/__gang zhig thabs ni gang dag gis/__/'khor ba'i bde ba tsam dag la/__/rang nyid don du gnyer byed pa/__/skyes bu de ni tha mar shes/__/srid pa'i bde la rgyab phyogs shing /__/sdig pa'i las las ldog bdag nyid/__/gang zhig rang zhi tsam don gnyer/__/skyes bu de ni 'bring zhes bya/__/zhes gsungs pa ltar ro/__/gnyis pa la gnyis/__lam gyi rtsa ba bshes gnyen bsten tshul/__bsten nas lam la ji ltar slob pa'i tshul lo/__/dang po ni/__bde legs dngos grub kun gyi 'byung gnas ni/__/mtshan nyid kun ldan theg mchog bshes gnyen te/__/dran pa yis kyang srid zhi'i 'jigs 'phrog la/__/mi phyed dad pas tshul bzhin bsten par shog__/ces pa gnas skabs mngon mtho'i bde ba dang /__mthar thug nges legs kyi 'bras bu'am/__dngos grub thams cad kyi 'byung gnas ni mdo rgyud nas ji skad bshad pa'i mtshan nyid kun ldan gyi bla ma theg pa mchog gi bshes gnyen bsten dgos te/__yon tan rin po che'i sdud pa las/__slob ma bzang po bla mar gus ldan de dag gis/__/bla ma mkhas pa dag la rab tu bsten par bya/__/ci phyir zhe na mkhas pa'i yon tan de las 'byung /__/zhes gsungs pas so/__/ji lta bu zhig bsten ce na/__dran pa tsam gyis kyang srid zhi'i 'jigs pa 'phrog pa ste zhi bar byed pa sogs btsal dgos te/__bstan bcos shes bya kun khyab las/__'thad pa lung rigs dpe yi sgo nas btsal/__/ces pa ltar ro/__/de yang theg chen dge ba'i bshes gnyen chos bcu ldan dang /__sngags kyi rdo rje slob dpon de nyid bcu ldan de/__bsam sbyor phun sum tshogs pa'i sgo nas legs par bsten nas mi phyed pa'i dad pa brtan po ste bdud las kyis dad pa ldog tu mi btub pa ste tshul bzhin du bsten par shog cig pa'o/__/gnyis pa la gnyis/__lam gyi rtsa ba spyir bstan pa dang /__so so'i lam rgyas par bshad pa'o/__/dang po ni/__/de ltar dge ba'i bshes las rnyed pa'i don/__/rten gyi skyabs gyur bla ma dkon mchog gsum/__/yid la 'bral med gdung bas gsol 'debs shing /__/'gro kun pha mar shes pa'i snying rje yis/__/kun gyi sdug bsngal rang gis len pa dang /__/bdag gi bde dge ma lus gzhan la btang /__/bla med bde la bdag gis 'god bya zhes/__/sems ni byang chub dam par bskyed byas nas/__/phyin drug spyod pas nyin mtshan 'da' bar shog__/ces pa ni de ltar dge ba'i bshes gnyen bsten nas thog mar de las rnyed pa'i don zhi bde don gnyer tsam ma yin par skyes bu chen po'i skyabs 'gro'i gnad ma 'khrul bar shes par byas te/__gnas skabs tsam ma yin pa'i gtan gyi skyabs gnas su 'os pa/__bla ma dang dkon mchog gsum la snying thag pa nas skyabs su 'gro zhing /__de nas theg pa chen po'i lam gyi rtsa ba sems can thams cad pha mar shes par byas te/__rje btsun bzhad pa rdo rjes/__'gro drug sems can pha ma la/__/byas pa drin du mi gzo na/__/theg pa dman par gol ba'i skyon/__/de phyir brtse ba chen po yis/__/byang chub sems la 'bad kyang 'tshal/__/ces gsungs pa ltar/__'gro kun pha mar shes nas snying rje chen pos ma gyur sems can kun gyi sdug bsngal rang gis len pa dang /__bdag gi bde ba dge ba'i rtsa ba gzhan la btang nas bla na med pa'i bde ba dam pa la bdag gis dgod par bya'o zhes lhag bsam tshad med pa dang ldan pa'i smon sems bskyed cing /__'jug pa'i spyod pa sbyin sogs phar phyin drug la nyin mtshan dus 'da' bar shog cig smon pa'o/__/de'i lam spyi'i rtsa ba skyabs su 'gro ba dang /__bye brag theg chen gyi rtsa ba sems bskyed pa gnyis bstan to/__/gnyis pa la gnyis/__rgyu mtshan nyid kyi theg pa dang /__'bras bu gsang sngags rdo rje theg pa la bslab tshul la smon pa'o/__/dang po la gnyis/__skyes bu gsum gyi lam gyis blo sbyong ba'i tshul la smon pa dang /__sde snod gsum gyi sgrub pa nyams len snying por dril bas smon pa'o/__/dang po la gsum/__skyes bu chung ngu /__'bring /__chen po'i lam la smon pa'o/__/dang po ni/__mngon mtho sgrub byed rgyal ba'i gsung rabs kun/__/don rnams skyes bu chung ngu'i lam dang ni/__/zhes pa ni/__phyi ma mngon mtho lha mi'i go 'phang thob pa'i rgyu mi dge spang zhing dge bcu'i lam bsgrub pa dang /__dus khrims kyi bslab pa la gnas pa sogs te/__rin chen phreng ba las/__dang po mngon par mtho ba'i chos/__/phyis nas nges par legs pa 'byung /__/zhes so/__/gnyis pa ni/__thar pa sgrub pa'i thabs la brtson pa yi/__/chos kyi rnam grangs kun gyi brjod bya'i don/__/skyes bu 'bring gi lam gyi rim pa ste/__/nges par 'byung bas srid las grol bar shog__/ces pa ni/__rang don zhi bde tsam la dmigs nas thar pa'i go 'phang gnyer ba skyes bu 'bring gi lam ste/__gnyis ka'ang theg pa chen po'i lam stegs yin pas de dag la brten nas nges 'byung gi blo khyad par can bskyed cing /__srid pa'i sdug bsngal btson dong lta bu las grol bar shog cig smon pa'ang las dang po pa'i lam gyi 'jug ngogs khyad par can te/__ji skad du'ang /__rnam dag nges 'byung med par srid mtsho yi/_/bde 'bras don gnyer zhi ba'i thabs med pas/__/srid la brkams pa yis kyang lus can rnams/__/kun nas 'ching phyir thog mar nges 'byung btsal/__/ces gsungs pas so/__/gsum pa ni/__rnam mkhyen go 'phang myur du sgrub pa'i thabs/__/rgyu dang 'bras bu'i theg chen rnam gnyis las/__/ji bzhin gsung ba'i gsang ba ma lus pa/__/skyes bu chen po'i lam gyi rim pa ste/__/bdag gis ma lus nye bar blangs pa las/__/chos rnams thams cad rmi lam snang ba bzhin/__/snang tsam de la yul gyi steng nyid du/__/grub pa'i ngo bo rdul tsam ma mchis kyang /__/las 'bras bslu ba med par nges rnyed nas/__/bden gnyis zab mo'i gnad la goms par shog__/ces pa ni/__de las gzhan don du rnam pa thams cad mkhyen pa'i go 'phang bsgrub par ston pa rnams ni rgyu pha rol tu phyin pa dang /__'bras bu gsang sngags rdo rje'i theg pa chen po gnyis yin la/__de gnyis las gsungs pa'i spyod pa rgya che ba dang /__don zab pa'i gsang ba ma lus pa'i skyes bu chen po'i lam gyi rim pa ste/__de nyams su blangs pas mnyam gzhag gi don chos thams cad rmi lam gyi snang ba ltar snang tsam nyid nas yul rang ngo nas bden par grub pa rdul tsam yang med par rtogs kyang /__rjes thob kyi cha nas las 'bras bslu ba med par nges pa rnyed nas bden gnyis tha dad du mi 'dzin pa'i lam zab mo la goms par shog cig ces smon pa'o/__/gnyis pa la gsum/__'dul ba/__mdo sde/__mngon pa'i sde snod la slob par smon pa'o/__/dang po ni/__'khor lo dang po 'dul ba'i sde snod las/__nyis brgya lnga bcu spong ba'i tshul khrims dang /__/bcu bdun blang bya 'jug pa'i tshul khrims te/__/kun gyi rtsa ba 'gram gzhi brtan po ni/__/lhag pa'i tshul khrims 'dul sde la gnas shing /__/zhes pas/__gtan khrims so thar ris bdun gyi ya gyal/__nyis brgya lnga bcu rtsa gsum gyi 'dul khrims la gnas pa dang /__'jug pa'i bslab bya gzhi bcu bdun te/__'dul ba lung las/__rab byung gso sbyong gzhi dang ni/__/dgag dbye dbyar dang ko lpags dang /__/sman dang gos dang sra brkyang dang /__/kau'u sham+b+hi dang las kyi gzhi/__/dmar ser can dang gang zag dang /__/spo dang gso sbyong bzhag pa dang /__/gnas mal dang ni rtsod pa dang /__/dge 'dun dbyen rnams bsdus pa yin/__/ces gsungs pa ltar bslab pa yongs su sbyong ba sogs rang rgyud bsdams pa ni yon tan kun gyi rten rtsig pa'i 'gram gzhi brtan po dang ldan pa'i dpe ltar lhag pa'i tshul khrims rnam dag la smon pa ste/__dbyig gnyen zhabs kyis/__tshul gnas thos dang bsam ldan pas/__sgom pa la ni rab tu sbyor/__/ces so/__/gnyis pa ni/__bying rgod dri yi bzhon pas mi g.yo ba'i/__/mngon rtogs rin chen rnam bzhi'i rang bzhin can/__/ting 'dzin 'chi med ri bor gnas pa'i gzhi/__/zab yang mdo sde'i gnas la 'jog pa dang /__/zhes pas/__de la 'khor lo bar pa'i nges brjod rnam par thar pa'i sgo gsum ni lam gyi ngo bo yin la/__de'i rang bzhin bying rgod kyi rlung gis mi g.yo ba'i bsam gtan gyi mngon rtogs ni rin chen gzhi las grub pa'i ri dbang gi steng na 'chi med kyi grong khyer ltar brtan pa'i ting nge 'dzin gyi chos nyid ni gting dpag dka' bas zab pa/__rgya che bas yangs pa'i don la mnyam par 'jog cing /__rjes thob la pha rol tu phyin pa drug dang mi 'gal bar spyod pa ni lhag pa'i ting nge 'dzin gyi bslab pa yin no/__/gsum pa ni/__chos mngon gsal ba'i rnam dbye mig stong ldan/__/gnas lugs rtogs pa'i ye shes lag nyal gyis/__/mthar lta'i dmigs pa 'dul byed lha yi dbang /__/chos mngon lta na sdug gi grong khyer du/__/sde snod gsum gyi rjod byed tshig rnams dang /__/brjod bya bslab pa rnam gsum mngon gyur shog__/ces pa ni/__'khor lo tha ma chos mngon pa'i sde snod mtshan nyid gsum gyi rnam dbye shin tu gsal ba brgya byin mig stong ldan gyi gzugs su bkod de/__shes rab kyi bslab pa'i de kho na nyid kyi dngos po'i gnas lugs mngon par rtogs pas na de'i ye shes la dbang po'i lag na nyal ba drang srong zho 'thung gi rus pa pha lam gyi rang bzhin las grub pa'i rdo rjes yod med rtag chad mthar lta'i dmigs pa 'dul bar byed pas na lha'i dbang po dang sbyar ba ste/__rjod byed sde snod gsum dang /__brjod bya bslab pa gsum la smon nas mngon du 'gyur bar shog cig pa'o/__/gnyis pa 'bras bu gsang sngags rdo rje theg pa la slob par smon pa'i tshul la gnyis/__lam la smon pa dang /__'bras bu la smon pa'o/__/dang po la gnyis/__lam gyi rtsa ba mtshan nyid dang ldan pa'i rdo rje slob dpon bsten tshul dang /__bsten nas lam la bslab tshul la smon pa'o/__/dang po ni/__de ltar rgyu yi theg pas rgyud sbyangs nas/__/'bras bu smin grol rdo rje theg pa'i lam/_/nyams len drod rtags snang bzhi mngon gyur nas/__/dam tshig dbang dang shes rab rgyun 'chad cing /_/man ngag lung bzhin nyams chags skong mdzad pa'i/__/mthong thos dran reg slob dpon rnam bzhi las/__/zhes pa ni/__de la thar pa dang rnam mkhyen gyi lam mkhan ni bla ma 'ba' zhig la rag las pas rang nyid kyis thog mar lam gyi rtsa ba bla ma bsten par gsungs shing /__bla ma de yang rdo rje theg pa'i smin grol gyi lam la nyams len mthar phyin nas rang don du drod rtags thob pa/__khyad par du theg pa mchog gi snang bzhi'i lam rtags mngon du gyur pa zhig bsten la/__de la dam tshig gi gnang bkag dang 'brel ba dbang 1/__thos bsam gyi shes rab dang 'brel ba rgyud2/__man ngag gi goms pa dang 'brel ba'i lung 3/__'gal rkyen dang nyams chags bskang 4ba bzhir ston pa'ang /__dang po lha dang gzhal yas khang la sogs pa'i de kho na nyid mngon sum du ston pas na mthong ba dang 1/__gnyis pas gzhi lam 'bras gsum gyi rgyud don dbang shes la sbyor bas thos pa dang /__gsum pas de kho na nyid kyi gnas lugs rang la gnas pa ngo sprod cing lam gyi ngo bo dran pa la sbyor/__bzhi pas nyams na bshags thabs ston cing dag tshangs la reg tu 'jug pas rnam grangs bzhir bstan pa yin cing /__drug tu bstan pa sogs kyang yod de/__gshin rje dgra nag gi 'grel pa lhan cig skyes snang las/__dam tshig klog pa sbyin pa dang /__/'chad byed man ngag ston pa dang /__/dbang bskur ba dang las byed dang /__/de rnams slob dpon zhes bshad do/__/zhes so/__/gnyis pa la gnyis/__nyams su blang bya'i lam spyir bstan pa dang /__bye brag tu bshad pa'o/__/dang po ni/__rgyud sde bzhi dang rdzogs pa chen po'i lam/__/legs par bshad pa'i smin grol lam gyi gnad/__/ces bya spyod rnal 'byor bla med bzhi dang /__theg pa'i rtse mo rdzogs pa chen po'i smin grol gnyis kyi lam gnad rim par nod nas bsten goms bya zhes spyir bstan to/__/gnyis pa la drug__/kri ya/__u pa/__yo ga__/ma hA/__a nu/__a ti'i lam la smon pa'o/__/dang po ni/__chu dbang sogs kyis rang rgyud smin byas nas/__/mdun bskyed thugs kar yig 'bru sa bon bkod/__/phyi yi spyod lam drang srong rjes mthun cing /__/nang gi nyi ma rnal 'byor snying la shar/__/lha mo rnams dang phan tshun bltas pa las/__/byung ba'i bde ba lam byed kri ya'i rgyud/__/rje dpon lta bur dngos grub len pa dang /__/zhes pas/__de la sngags sdom gyi lam stegs su byang sdom ni nges par dgos la/__de'i steng du sngags phyi nang so so'i dam tshig dang sdom pa'i gnang bkag dang mi 'gal bas chu dang cod pan gyis dbang gi smin par bya ste/__ye shes gsang ba'i rgyud las/__bum pa chu yi dbang bskur ba/__/bya ba'i rgyud la zhugs pa ste/__/zhes so/__/mdun bskyed kyi thugs kar yig 'bru dang bcas pa'i lha'i rnal 'byor bsgom pa dang /__phyi'i spyod lam ni khrus dang /__gtsang sbra dang /__dkar gsum bza' ba dang /__smyung bar gnas pa'i sgo nas rdzogs ldan dus kyi 'dod pa'i kun spyod lha mo phan tshun bltas pa tsam gyis bde ba lam du byed cing /__mdun bskyed las rje dpon tshul du dngos grub len pa'o/__/gnyis pa ni/__rdo rje dril bu'i dbang gis smin byas nas/__/bdag mdun gnyis ka'i thugs kar yig 'bru bkod/__/phyi rol bya ba'i thabs dang nang gi ni/__/zab mo'i rnal 'byor cha la mnyam par spyod/__/'dzum zhing dgod pa'i bde ba rnam rol pa/__/yan lag bzhi la gzhol ba u pa'i rgyud/__/grogs po lta bur dngos grub len par byed/__/bya spyod gnas la tshul bzhin spyod par shog__/ces pa ni/__spyod pa'i rgyud la/__rdo rje dril bu ming dbang dang bcas pas smin par bya ste/__ye shes thig le las/__rdo rje dril bu de bzhin ming /__/spyod pa'i rgyud la rab tu gsal/__/ces so/__/bdag mdun gnyis ka lha'i rnam rol du gsal ba'i bzlas sgom dang /__phyi'i spyod lam bya rgyud dang mthun cing /__nang gi rnal 'byor yo ga ltar bsgom par 'dod pa'i kun spyod/__lha mo dang phan tshun 'dzum zhing dkod pa'i bde ba lam du byed pa/__rnal 'byor yan lag bzhi ni/__rnam snang mngon byang las/__yi ge dang ni yi ge sbyar/__/de bzhin gzhi la gzhir gyur nyid/__/ces pas so/__/mdun bskyed las grogs po lta bu dngos grub len pa'o/__/de ltar bya spyod gnyis kyi mtshan bcas mtshan med sogs kyi rnal 'byor la tshul bzhin du gnas shing goms par shog cig pa'o/__/gsum pa ni/__slob dpon dbang bskur rang rgyud smin byas nas/__/bdag mdun gnyis ka dag pa'i lha ru bskyed/__/ye shes spyan drangs de srid nga rgyal bzung /__/phyag rgya bzhi yi rgya las mi 'da' zhing /__/ting 'dzin gsum gyi lang tshos snying la 'grogs/__/lag pa'i pad+mo 'brel ba'i bde bas tshims/__/nang gi rnal 'byor gtso bor gyur pa yi/__/yo ga'i lam gyi gzhi la rnam grol shog__/ces pa ni/__dbang snga ma'i steng du rdo rje slob dpon gyi dbang gis smin par bya ste/__ji skad du/__phyir mi ldog pa bum pa'i dbang /__/rnal 'byor rgyud du gsal bar bya/__/zhes so/__/bdag mdun gnyis ka lhar bskyed nas ye shes pa dgug cing gzhug__/lhar snang la nga rgyal bzung nas dam tshig gi phyag rgya dang /__chos rgya/__las rgya/__phyag rgya chen po bzhis bcing zhing gdul bya'i nyon mongs pa gti mug dang /__zhe sdang /__'dod chags/__ser sna bzhi 'dul phyir du ma bu bzhi'i tha snyad kyi smon pa'i lhar snang gi dum bu re la rgyas 'bring bsdus gsum gyi ting nge 'dzin gsum gyi lang tshos snying la 'grogs nas sam/__dang po sbyor ba1/__dkyil 'khor rgyal mchog2__/las rgyal mchog 3ste ting 'dzin gsum dang /__'dod pa'i kun spyod kyang gnyis ldan dang mtshungs pas lag bcangs kyi rnam pa lam du byed la/__/phyi'i spyod pa grogs tsam du bsten pa las/__/gtso bor nang gi rnal 'byor la brtson pa ste/__yo ga'i lam gyi gzhi la rnam par grol bar shog cig ces smon pa'o/__/bzhi pa la drug__/nang pa thabs rgyud gsang ba bla med kyi don la spyir smon pa1/__'chi srid chos skur sbyong ba2/__bar srid longs skur sbyong ba3/__skye srid sprul skur sbyong ba4/__bde stong gi lha sku5/__'dus pa'i rim lnga mthar phyin par 6smon pa'o/__/dang po ni/__rgyu dbang bskur nas rag pa'i phung sogs rnams/__/phyi nang snod bcud gzhal yas lha rnams su/__/dag pa'i sku dang mchog dbang gsum bskur nas/__/bskyed rim tshogs zhing srung 'khor sngon 'gro bas/__/rim pa lnga dang rjes mthun lam gyi 'gros/__/zhes pas/__sa chog dang /__sta gon dang /__rdul tshon gyi bya ba dang /__cho ga'i lam rim la sogs skyed byed 'grub pa'i rgyu tshogs mang po la brten dgos pas na bum dbang rjes 'brangs rig pa'i dbang lnga dang bcas pa la rgyu dbang du bzhag la/__dag byed de rnams kyi dag bya slob ma'i rgyud kyi rags pa'i phung po lnga ni gshegs pa lnga/__'byung ba lnga ni yum lnga/__dbang yul sems dpa' sems ma/__mu bzhi la sogs pa sgo ba yab yum du gnas dag par byed cing /__de bzhin du phyi snod gzhal yas khang dang /__nang bcud lha dang lha mo'i rang bzhin du rnam par dag par byed pa/__de'i steng du mchog dbang gong ma gsum las/__gsang dbang gis ngag gi rlung /__sher dbang gis yid dang thig le/__bzhi pas shes bya'i sgrib pa dag ste rgyud smin cing sku bzhi'i sa bon thebs/__de nas rim pa dang po bskyed rim gyi tshogs zhing la brten nas tshogs bsags pa/__srung 'khor bsgom pa sngon du 'gro bas dngos gzhi lus lha/__ngag sngags/__sems de kho na nyid la gzhol bas sgo gsum rdo rje gsum dang /__kun rdzob bden pa sgyu lus/__don dam bden pa 'od gsal te/__pha rgyud gsang ba 'dus pa'i rim pa lnga dang rjes su mthun pa zhes pas lam gyis 'gros mtshungs su sbyar ba ste/__rim lnga bsdus gsal las/__lus dben sngags dang sems gsum gyi/__/sgyu ma mngon par byang chub pas/__/zung 'jug rim pa shes par 'gyur/__/zhes so/____/_!_gnyis pa ni/__khams drug ldan pa'i mi rnams phung khams sogs/__/rim gyis thim nas 'chi ba'i rim pa'am/__/ji ltar mtshan mo gnyid du song ba'i tshe/__/yul lnga'i shes pa rim gyis yid du thim/__/de yang kun gzhir thim pas mi rtog pa/__/rtse gcig snang yul med pa'i ngang de nyid/__/chos dbyings thim pas rang bzhin spros dang bral/__/mthun par lhag mos 'od gsal du 'jug pa'i/__/bar 'dir chos sku'i rnal 'byor la gnas shing /__/zhes pa ni 'byung ba lnga dang dri bcas ye shes te khams drug ldan gyi mi rnams phung khams kyi tshogs byas shing thim nyams su myong ba'am/__de dang rjes mthun mtshan mo gnyid du phyogs pa'i tshe mthong yul gzugs la sogs pa'i dbang po'i shes pa lnga rim gyis nub nas yid kyi rnam par shes pa la thim/__de yang kun gzhi lung ma bstan/__sems med pa'i gnas skabs lnga'i gcig shos la thim pas gnyid mthug gang du'ang mi rtog pa'i ngang du thim/__thim pa de nyid gzung 'dzin gyi char shar ba ma yin yang go 'byed pa'i cha nas rlung sems kyis ma bslad pa'i rim pa nang gsal lhun grub chen por shar ba la chos dbyings su thim pa'i brdar btags pa ste/__rang bzhin gyis spros pa dang bral ba dang mthun par lhag mos 'od gsal du 'jug pa'i dus te 'chi ba chos sku'i rnal 'byor zhes bya'o/_/de'ang zhib tu bshad na/__gang du 'tshang rgya ba'i gnas gzhal yas khang bskyed pa/__der 'tshang rgya ba'i brten pa lha bskyed pa/__ji ltar 'tshang rgya tshul lhag mos 'od gsal du sdud pa ste bskyed pa dang rdzogs pa'i rim pa'o/__/de yang kyai rdor brtag gnyis las/__bskyed pa'i rim pa'i rnal 'byor gyis/__/brtul zhugs can gyi spros pa bsgom/__/spros pa rmi lam ltar byas nas/__/spros pa nyid kyang spros med bya/__/zhes gsungs pa ltar ro/__/de yang rdzogs pa'i rim pa la/__sbyang gzhi mi tha mal pa 'byung ba rim pas bsdus te 'chi ba'i tshe thog mar gzugs phung /__gzhi dus kyi me long lta bu'i ye shes sa khams/__mig gi dbang po/__rang rgyud kyi gzugs thim pa rnams 'byung /__de'i phyi rtags ni/__gzugs phung thim dus lus nyam chung /__me long ye shes thim dus mig mi gsal zhing rab rib can sa khams thim pas lus shas cher bskams shing sa 'og tu byings pa lta bu/__mig dbang thim dus mig 'byed 'dzum mi shes/__rang rgyud kyi gzugs thim dus lus kyi mdangs yal cing nyams stobs chung /__nang rtags su smig rgyu lta bu'i snang ba 'byung /__dbang shes 'khor gyi tshor ba bde sdug mi dran/__de'i rjes su tshor ba'i phung po mnyam nyid yid shes 'khor gyi tshor ba bde sdug mi dran/__ye shes/__rna ba'i rna bas sgra mi thos dbang po/__chu'i kha chu dang rnag khrag skam khams/__rang rgyud rna ba'i nang gi 'ur sgra mi 'byung /__kyi sgra rnams thim/__nang rtags su du ba lta bu'i snang ba phyi rtags su nye du sogs kyi don mi dran/__'byung /__de'i rjes su nye du sogs kyi ming mi dran 'du shes kyi phung po/__me drod yal nas bza' btung mi 'ju sor/__rtog ye shes me'i khams/__sna'i dbang po/__sna sgo nas rlung phyir drag tu rgyu zhing nang du sdud dka'/__rang rgyud kyi dri thim/__dri mi tshor/__nang rtags su mkha' snang 'char/__de'i rjes su 'du byed kyi phung po/__lus 'gul bskyod mi nus/__bya grub ye shes/__phyi nang gi bya ba dang dgos pa rnams mi dran/__rlung gi khams/__rlung bcu rang gnas nas 'pho/__lce'i dbang po/__sbom zhing thung nag po/__rang rgyud kyi ro rnams thim/__lces ro mi tshor/__nang rtags mar me ltar 'bar ba'i snang ba 'byung de'i rjes su rlung snang ba la thim pa'i snang ba rang dus su ston gnam g.ya' dag pa la zla 'od kyis khyab pa lta bu'i dkar lam pa'i snang ba 'byung la/__snang ba mched pa la thim pa'i mched pa rang dus su ston gnam g.ya' dag pa la nyi 'od kyis khyab pa lta bu'i stong sang dmar lam pa'i snang ba 'byung /__mched pa nyer thob la thim pa'i nyer thob rang dus su ston gnam g.ya' dag pa la mtshan gyi smag mthug pos khyab pa lta bu'i stong sang nag lam pa'i snang ba 'byung /__nyer thob 'od gsal la thim pa'i rang dus su slong byed kyi rkyen gsum dang bral ba'i tho rangs kyi nam mkha'i rang mdog ji lta ba'i snang ba 'byung ste 'chi ba 'od gsal 'char/_'di ming gi rnam grangs/__gzhi'i chos sku dang /__mya ngan las 'das pa dang /__kun stong dang /__thams cad stong pa zhes kyang bya ste/__mya ngan 'das bcas kun stong dang /__/chos kyi skur ni bshad pa yin/__/ces gsungs pa'i phyir ro/__/lhag mos 'od gsal du bsdu ba'i rnal 'byor la'ang bskyed rim pa'i chos sku zhes kyang zer/__sgrub pa pos lha'i ngo bo dbyer med du mos nas gnyis snang gi spros pa zhi bar gnas pa'i rnal 'byor yin pas bskyed rim pa'i zhi gnas zhes kyang bya'o/__/gong du ji skad bshad pa de ltar sbyang gzhi sbyong byed kyi rnal 'byor pa sgom pa la 'chi ba chos skur 'char ba'i rnal 'byor zhes bya ste/__gzhi'i 'chi rim dang rnam pa mthun cing sgrub pa po rang nyid kyi ma 'ongs pa'i 'chi ba sbyong bar byed/__lam rdzogs rim gyi skabs su dpe don gyi 'od gsal dang rnam pa mthun/__de lta bu'i 'od gsal rang rgyud la skye ba'i dge rtsa smin byed khyad par can du 'gyur/__'bras bu sangs rgyas pa'i rgyal ba'i thugs chos kyi sku dang rnam pa mthun cing /__da lta nas 'bras bu lam byed kyi tshul du byas nas bsgom pa'o/__/gsum pa ni/__gnyid dam 'chi ba'i 'od gsal lugs ldog tu/__/slar yang mched pas kun gzhi'i rnam shes las/__/yid nyid gcig pu langs pas rmi lam sems/__/dbang po kun tshang yid kyi lus grub pa/__/zhes pas/__gnas skabs pa gnyid dam mthar thug pa 'chi ba gang yin yang mtshungs te/__rang bzhin gyi 'od gsal de sngar gyi kun gzhi'i ngang du rmugs pa de phyir gsal du mched pas srog gi rlung shin tu phra ba dang /__lhan cig pa'i kun gzhi'i rnam shes las yid nyid gcig pur langs pas rmi lam gyi lus grub pa yin te/__ming gzhi 'dus pa'i phung po can bar do dang chos mtshungs pa'o/__/de la'ang sbyang gzhi bar do'i rnam gzhag la/__'chi ba 'od gsal gyi bzhon par gyur pa'i rlung gi nyer len dang /__sems kyi lhan cig byed rkyen byas pa la brten nas 'dzam bu gling pa'i mir skye 'gyur gyi bar do rlung gi lus can bzhin lag gi rnam pa can phung po rnying pa las gos logs su bye ba'i tshul gyis dngos gnas la grub pa de 'byung zhing /__de dang dus mnyam du lugs ldog gi nyer thob nas smig rgyu'i bar gyi rtags rnams 'byung la/__'chi ba 'od gsal 'gags pa/__bar do grub pa/__lugs ldog gi nyer thob skyes pa gsum dus mnyam du 'byung ngo /__/bar do de yang dbang po kun tshang ba/__yan lag dang nyid lag gcig car rdzogs pa/__ri rab sogs la thogs med du 'gro nus pa/__las kyi rdzu 'phrul sangs rgyas kyis kyang dgag mi nus te/__mngon pa mdzod las/__dbang po kun tshang thogs med rgyu/__/las kyi rdzu 'phrul shugs dang ldan/__/zhes gsungs pa'i phyir/__ming gi rnam grangs/__dri za/__srid pa bar ma/__yid las byung /__srid tshol dri za'i sems can zhes bya ba rnams so/__/de'i nang nas 'dzam bu gling pa'i mir skye ba'i bar do ni byis pa lo lnga drug lon pa'i bongs tshod du mdzod 'grel las gsungs/__ngan 'gro'i bar do ni mtshan mo mun nag gis khyab pa lta bu/__bde 'gro'i bar do ni mtshan mo zla 'od kyis khyab pa'am/__snam bu dkar po brkyangs pa lta bu'i rnam pa can du sa'i dngos gzhi las gsungs/__de'ang dmyal bar skye 'gyur gyi bar do ni sdong dum tshig pa lta bu/__yi dwags kyi bar do ni chu lta bu/__dud 'gro'i bar do ni du ba lta bu/__'dod pa'i lha mi'i bar do ni gser lta bu/__gzugs khams su skye ba'i bar do ni dkar po mngal 'jug las gsungs/__gzugs med du skye ba la bar do mi 'byung zhing /__de nas gnas gzhan du skye na bar do 'byung ngo /__/ngan 'gro'i bar do spyi bo'i tshugs thur du 'gro ba dang /__mi'i bar do thad ka__/lha'i bar do steng du 'gro ba sa'i dngos gzhi las gsungs so/__/tshe tshad zhag bdun re dang /__de'i nang du skye gnas rnyed na skye ba len cing /__ma rnyed na bdun phrag re nas 'chi la/__yang lus grub ste bdun phrag bdun tshan la skye ba nges par len pa/__bdun phrag re'i nang du skye ba len pa yang yod pas bar 'da' ba yang khas len cing /__bar do'i rten la 'chi chung ji tsam byas kyang bar srid rang du bsdu la/__srid pa bzhi ni/__'chi ba dang /__skye ba gnyis kyi bar du 'byung ba'i srid pa ni bar srid/__skyes nas 'chi ba la mngon du phyogs pa'i bar ni sngon dus kyi srid pa/__'chi ba 'od gsal nyams su myong ba'i dus ni 'chi srid/__nying mtshams sbyar nas ma btsas pa'i bar ni skye srid du byed pa'o/__/rten ngan pa'i bar do grub nas rten bzang por mi ldog par mdzod las gsungs kyang /__kun las btus su/__ci ste na zlog go zhes gsungs pa ltar 'dir khas blang ngo /__/bar do ba des rang gi snga ma'i lus rten rnying pa mthong yang de la mi 'jug pa ni/__'brel pa las stobs kyis chad pas 'jug 'dod kyi blo mi skye bar sa'i dngos gzhi las gsungs shing /__yang bar do rigs mthun dang /__lha'i mig gis mthong ba mdzod las gsungs so/__/bar do sgyu lus longs skur ldang ba'i man ngag la smon pa dngos ni/__de mtshungs skad cig mngon byang lnga las ni/__/dang po'i mgon po legs par bskyed pa'i tshul/__/bar do sgyu lus longs skur ldang bar shog__/ces pas/__de dang mtshungs ldan rnam byang bskyed pa'i rim pa gdan pad+ma las mngon par byang chub pa/__gsung yig 'bru las/__thugs phyag mtshan las/__sku yongs su rdzogs pa las/__ngo bo nyid ye shes sems dpa' las mngon par byang chub pa'i dang po'i mgon po rigs thams cad pa'i bdag nyid can du ldang ba ni bar do sgyu lus longs skur ldang ba'i tshul bskyed pa'i rim pa longs sku dang po mgon po mngon byang lnga'i sgo nas bskyed pa ni/__mdor byas las/__'od gsal bar ni rab zhugs nas/__/ldang ba yang ni brtag par bya/__/sngags kyi sku yi sbyor ba yis/__/lha yi gzugs la dmigs par bya/__/zhes sogs gsungs pa ltar ro/__/de ltar bsgoms pa la bar do longs skur khyer ba'i rnal 'byor zhes bya ste/__gzhi la 'dzam bu gling pa'i bar do dang chos mthun cing sgrub pa po rang nyid kyi ma 'ongs pa'i bar do sbyong bar byed/__lam rdzogs rim gyi skabs su dag ma dag gi sgyu lus gnyis dang rnam pa mthun cing /__de gnyis myur du 'grub pa'i dge rtsa smin byed khyad par can du 'gyur/__'bras bu longs spyod rdzogs pa'i sku dang rnam pa mthun cing da lta nas 'bras bu lam byed kyi tshul du byas nas bsgoms sgyu lus longs skur ldang bar shog cig pa'o/__/bzhi pa ni/__slar yang sad pa'i gnas skabs nyin snang du/__/gdan gsum lha yi sku ru nges byas nas/__/bar do'i lus de ma yi mngal du ni/__/zhugs tshul dang po'i mgon po mi bskyod pa'i/__/sku las zhugs pas rdo rje'i sems bskyed cing /__/de las lus dkyil bkod cing sgo gsum dag__/byin gyis brlabs shing sems dpa' sum brtsegs su/__/byas nas rig ma'i 'dod yon rnam rol las/__/nyin snang skye shi bar do goms 'dris kyis/__/skye ba sprul sku'i rnal 'byor lam byed shog__/ces pas sad pa'i gnas skabs dang nyin mo'i snang ba thams cad thams cad du bar srid kyi lus ma'i mngal du nying mtshams sbyor ba'i bag chags sbyong phyir 'khor ba'i 'dra 'bag lam du byed pa'o/__/phung khams gnyis gshegs pa gshegs ma/__skye mched sems dpa' sems ma/__yan lag khro bo khro mo'i gdan te gdan gsum tshang pa'i skur nges par byas/__mngal du 'jug ka'i srid bcas kyi shes pa de nyid mgon po mi bskyod pa la sogs pa'i bskyed rim sgyu ma lta bu'i lha skur ldang ba'i sngon du gzhung ltar rdo rje'i rnal 'byor du sems bskyed cing /__de la lus dkyil bkod tshul so so'i lugs ltar ram/__don gyi ngag dran dang /__sgo gsum byin gyis brlab/__dam ye ting nge 'dzin sems dpa' sum brtsegs kyi bskyed rim la gnas pas sher dbang ltar rig ma'i 'dod yon la rnam par rol nas pha ma'i 'du 'phrod la chags sdang spang zhing /__de yang bar dor tshul de lta bu grub pa la da lta'i nyin snang thams cad skye shi bar do gsum gang rung du grol byed kyi goms 'dris la slob pa ni/__skye ba sprul sku'i rnal 'byor lam du byed pa la smon pa'o/__/sbyang gzhi mngal du skye ba len tshul mdo tsam smos na/__pho mo gnyis snyoms 'jug gi tshe bar do shi ba'i rlung sems pha'i kha'am/__spyi bo nas 'jug ste/__rdor phreng las/__sngon las rlung gi rnam shes ni/__/brgya la gang tshe 'gro 'gyur na/__/pha yi kha la mtshungs par ldan/__/ces so/__/bar do shi ba'i rlung sems mngal du 'jug cing /__de dang dus mnyam du smig rgyu nas 'od gsal bar gyi rtags rnams 'byung la/__'od gsal 'gags pa dang bar do'i rlung sems mngal du skye ba blangs pa dang /__lugs ldog gi nyer thob skyes pa rnams dus mnyam zhing /__de nas mched pa nas smig rgyu'i bar gyi rtags rnams 'byung /__de nas mer mer po sogs zhag bdun phrag so lnga'i nang du phung khams skye mched yan lag nying lag rnams rdzogs/__bdun phrag so drug pa la phyir 'byung 'dod skye/__so bdun pa la mngal la dri mi zhim zhing mi gtsang ba'i blo 'byung /__so brgyad pa la las rlung gis mgo mjug ldog nas phyir btsas te mig shes kyi yul du gyur nas/__byis pa/__gzhon nu/__dar bab/__rgan po'i skabs rnams 'byung ngo /__/rang bzhin gyi gnas de bzhin gshegs pa yab yum sems can 'dul ba'i phyir du snyoms par zhugs pa ni pha ma gnyis snyoms par 'jug pa dang chos mthun/__byang chub kyi sems las grub pa'i mi bskyod pas nam mkha'i khams thams cad khyab pa ni gzhi la byang sems dkar dmar zhu bas pha ma gnyis kyi rtsa stong phrag don gnyis kyi nang gang ba dang chos mthun des sems can thams cad la byin gyis brlabs pas zag pa med pa'i bde ba dang yid bde ba dang thob pa ni sems can du 'dogs pa'i gzhi/__pha ma gnyis kyi phung sogs bde bas brgyal ba dang chos mthun/__mi bskyod pa thams cad gzhal yas khang gi nang du gcig tu 'dres pa ni khu khrag mngal du 'dres pa dang chos mthun/__de la dang po'i mgon po zhugs pa ni bar dor shi nas skye gnas su zhugs pa dang chos mthun/__lus rten gzhal yas khang du bsgom pa la lam dang 'bras bu gnyis ma gtogs gzhi la chos mthun sbyor rgyu med kyang /__brten pa lha bsgom pa la phung po lnga rigs lngar bsgom pa ni mngal gyi sems can de'i phung po lnga grub pa dang /__khams bzhi yum bzhir bsgom pa ni de'i khams bzhi grub pa dang /__mig sogs sems dpar bsgom pa ni de'i mig sogs dbang po lnga grub pa dang /__yul lnga rdo rje ma lngar bsgom pa ni de'i gzugs sogs skye mched grub pa dang /__yan lag khro bor bsgom pa ni de'i yan lag nyid lag rdzogs pa chos mthun/__sku byin rlabs ni/__de'i skra ba spu sen mo sogs lus kyi gnas skabs rdzogs pa dang /__gsung byin rlabs ni de'i ngag smra ba'i gnas/__byed pa lce rkan grub pa dang /__thugs byin rlabs ni yid shes/__yul la 'jug pa'i dran pa rdzogs par grub pa dang /__sems dpa' sum brtsegs bsgom pa ni de'i rag pa gnas skabs pa dang /__phra ba gnyug ma'i lus grub pa dang /__rigs bdag gis rgyas 'debs pa ni mngal gyi sems can de phyir btsas pa dang chos mthun du sbyar ro/__/gzhi la bar do 'dzam bu gling pa'i mngal _skyes khams drug ldan par skye ba len pa dang chos mthun cing /__sgrub pa po rang nyid kyi ma 'ongs pa'i skye ba sbyong bar byed/__lam rdzogs rim gyi skabs su dag dang ma dag gi sgyu lus gnyis kyi lam dus kyi phra rags kyi sprul sku 'dzin pa de dang rnam pa mthun cing /__de lta bu'i dge rtsa smin byed khyad par can du 'gyur/__'bras bu sangs rgyas kyi sa'i longs spyod rdzogs pa'i sku 'dod khams la sogs par phra rags kyi sprul sku 'dzin pa dang rnam pa mthun/__da lta nas 'bras bu lam byed kyi tshul du byas nas bsgoms pas de lta bu myur du 'grub pa'i thabs mkhas khyad par can du 'gyur ro/__/lus dkyil ni/__grub chen dril bu pas/__'gro ba 'di dag rang bzhin gyis/__/grub pa'i dkyil 'khor gnyis med pa'o/__/zhes pas lus dkyil gyi bsgrub gzhi lus kyi cha de dang de rnams ni/__rang skyes tsam nas rdzogs par yod pas na lus la gnad du bsnun nas bsgoms pas yang dag pa'i don mthong bar 'gyur zhing /__sgom pa'i tshul yang rgyud rdor phreng las/__lus kyi gzhal yas khang du gyur/__/sangs rgyas kun gyi yang dag bsten/__/ces dkyil 'khor dang /__lha bsgom tshul ni/__rtsa rgyud le'u brgyad pa las/__nu ma'i dbus par spyi gtsug mtha' yi bar/__/cho ga shes nas yang na rkang pa'i bar/__/lte ba sked pa gsang ba rgyal pa'i sras/__/rigs lnga rnams ni dgod par rab tu bya/___/zhes dang /__mdor byas las/__th+l+hiM mig tu bkod nas ni/__/sa yi snying po rnam par bsgom/__/zhes gsungs pa ltar lus dkyil bsgoms nas sgo gsum byin gyis brlab pa ni/__mdor byas las/__de ltar rigs gsum dbye ba yis/__/so sor byin gyis brlabs nas ni/__/blo dang ldan pa'i gsang sngags 'dis/__/slar yang thams cad bdag nyid bya/__/oM sarba ta thA ga ta kA ya wA ka tsit+ta badz+ra swa b+ha wa at+ma ko\u0f85haM/__zhes gsungs pa ltar ro/__/de ltar sgo gsum byin gyis brlabs pa'i dgos pa ni/__rang gi sgo gsum tha mal gyi snang zhen sbyang ba dang /__rang dam tshig pa la ye shes pa bcug nas nus ldan du bya ba dang /__de la brten nas lam rdzogs rim dang mthun pa'i 'bras bu'i skabs kyi rdo rje gsum myur du 'grub pa'i ched yin no/__/sems dpa' sum brtsegs bsgom pa ni/__gsang 'dus rtsa rgyud le'u bcu gnyis pa las/__rnam pa'i mchog rnams kun ldan pa/__/sku gsung thugs kyi rdo rje can/__/snying gar ye shes dam tshig dang /__/ces sogs kyis bstan par bzhed cing /__dam tshig sems dpa' ni rags pa gnas skabs pa'i lus dang chos mthun/__ye shes sems dpa' ni phra ba gnyug ma'i lus/__shin tu phra ba'i rlung sems ngo bo dbyer med du gnas pa'i rlung 'od zer lnga pa dang chos mthun/__ting nge 'dzin sems dpa' ni shin tu phra ba'i sems dang chos mthun no/__/dam tshig sems dpa' zhes pa'i nges tshig__/dam tshig gi skad dod sa ma ya la/__sa ma ti yang dag par 'gro ba dang /__mA li ti 'du ba la 'jug pas ye shes pa rnams yang dag par 'gro ba dang 'du ba'i gnas yin pas dam tshig sems can gyi don la sems pas sems dpa'/__zhes gsungs pas so/__/de'i thugs kar ye shes sems dpa' bsgom dgos te/__mdor byas las/__snying ga'i dbus na gnas pa yi/__/ye shes sems dpa' rnam par bsgom/__/ting 'dzin sems dpa' zhes bya ba'i/__/yi ge hU~M ni de ru dgod/__/ces pas so/__/ye shes sems dpa' zhes pa'i sgra don ni/__ye shes kyi rang bzhin yin pas na phra ba ste ye shes kyi sems dpa'o/__/ting 'dzin sems dpa' zhes pa ni/__gnas 'di la rtse gcig tu dmigs nas bsgoms pas ting nge 'dzin mchog lhan cig skyes pa'i ye shes skyes nas sgrub pa po nges par legs pa la sbyor bas na de skad ces bya'o/__/rigs bdag bsgom pa ni/__gsang 'dus le'u bcu gnyis par/__dbu rgyan rdo rje mchog 'dzin pa/__/zhes pas bstan to/__/rig ma'i 'dod yon la rol pa ni/__de yang bdag cag gi ston pas kyang sku gsum gyi go 'phang brnyes nas gdul bya dman pa la mos pas chags bral gyi spyod pa/__rgya chen po la mos pa la pha rol tu phyin pa'i spyod pa/__zab mo la lhag par mos pa la 'dod chags kyi spyod pa ste/__rnam pa gsum bstan pa'i phrin las mdzad pa'i nang nas phrin las phyi ma dang mthun pa'o/__/rig ma 'du bya ba man chad 'bras bu sangs rgyas kyi mdzad pa rnam pa mthun pa yin te/__rig ma 'du byas nas dkyil 'khor rgyal mchog gi lha rnams bskyed de spros/__spyi sgos kyi mdzad pa mdzad par bsgom pa ni sangs rgyas sku'i mdzad pa dang rnam pa mthun/__de nas phra mo bsgom pa ni thugs kyi mdzad pa nang du yang dag 'jog pa la zhugs pa dang chos mthun/__de nas sngags bzla ba ni chos ston pa'i gsung gi mdzad pa dang chos mthun/__de nas gtso bo 'od gsal du zhugs pa ni zhing der sku dngos kyi gdul bya rdzogs nas mya ngan las 'das tshul ston pa dang chos mthun/__de nas tshad med bzhi'i ngo bor gyur pa'i lha mo bzhis zhu ba glus bskul te bzhengs pa ni/__slar yang thugs rgyud tshad med bzhis bskul te zhing gzhan du sprul pa'i sku'i mdzad pa ston pa dang chos mthun/__de nas bstod pa byed pa ni sangs rgyas 'jig rten du byon no zhes snyan pa brjod pa dang chos mthun/__de nas mchod pa ni zhing de'i gdul bya rnams kyis mchod pa phul ba bdag gir mdzad pa dang chos mthun pa'i phyir/__des na dgos pa de'i phyir rig ma 'du bya ba yin cing /__'du bya rgyu'i rig ma la/__phyag rgya zhes brjod pa'i rgyu mtshan yod de/__thabs kyi rdo rjes de lta bu'i shes rab la rgyas gdab par bya ba yin pas de ltar brjod pa'i phyir te/__brtag gnyis las/__rdo rje 'dis ni gdab pa yis/__/des na phyag rgya brjod par bya/__/zhes gsungs pa'i phyir/__phyag rgya la sgras brjod rigs kyi sgo nas dbye na/__las rgya dang ye rgya gnyis/__dang po ni/__las kyis 'phangs pa'i skra dang nu mar ldan pa'i phyag rgya yin pas na las rgya zhes bya/__de la yang las byed tshul gyi sgo nas sam/__rigs lnga so sos gtso bor bstan bya lnga/__sme sha can gcig__/btso blag mkhan gnyis/__phreng brgyud mkhan gsum/__gar mkhan bzhi/__bzo byad mkhan gyi bu mo lnga/__d+hU tI'i mar sna'i dbyibs kyi sgo nas dbye na pad+ma can sogs rigs bzhi/__lam mtho dman gyi sgo nas dbye na sngags skyes/__zhing skyes/__lhan skyes kyi pho nya gsum mo/__/de lta bu'i phyag rgya de nyid thun mong ma yin pa'i snod rung du byas pa/__lha'i rnal 'byor shin tu brten cing byang sems 'pho med du phaT yig gi stobs kyis 'dzin nus pa zhig dgos so/__/de ltar min na nyes pa shin tu che ste/__he ru ka mngon 'byung las/__rnal 'byor med par rnal 'byor chos/__/phyag rgya la ni bgrod 'gyur dang /__/ye shes med par ye shes tshul/__/dmyal bar 'gro ba the tshom med/__/ces gsungs pa'i phyir ro/__/des na yul rten gnyis ka mtshan nyid dang mi ldan pa'i rnal 'byor pa'i rnal 'byor pas ni ye rgya la brten dgos te/__rdor sems sgrub thabs las/__yang na/__snying ga nas ye shes kyi phyag rgya mngon par sprul te zhes sogs gsungs pa ltar ro/__/rig ma'i 'dod yon la rol pa'i dgos pa ni/__rten brten pa'i dkyil 'khor thams cad bde stong dbyer med kyi ye shes kyi rnam rol du 'char ba dang /__rgyud sde 'og ma gsum las 'das pa'i 'khor rtsa'i bden 'dzin gyi gnyen po mchog tu gyur pa dang /__bskyed rim pa'i nyon mongs lam byed dang /__'dod yon lam byed kyi gtso bor 'gyur ba dang /__de la brten nas rdzogs pa'i rim pa'i bde chen 'dren pa'i smin byed bla na med pa dang /__bskyed rim pa'i lam gyi snying por gyur pa'o/__/lnga pa ni/__de ltar rim pa dang po mthar phyin nas/__/gsang ba'i sna rtse a wa d+hU tI'i nang /__/dwangs ma'i thig le rang sems dbyer med du/__/gzung bas mnyam gzhag dga' bzhi'i ting 'dzin dang /__/rjes thob rigs brgya rigs lnga rigs gsum sogs/__/bde stong dbyer med lha yi rnam rol bsgom/__/zhes pa ni/__de la rim pa dang po bskyed rim gyi lam nas phyi don snang ba'i bden zhen 'gogs pa mthar phyin nas/__nang don bde stong gi lha sku bsgrub phyir rang rdo rje 'chang yab yum du gsal ba'i dbus drang por dbu ma'i yar sna smin mtshams dang mar sna gsang gnas rtser zug pa'i snar 'bar 'dzag zhu bde'i rkyen gyis drangs pa'i dwangs ma'i thig le 'pho la khad dang rang sems dbyer med du bzung ba'i mnyam gzhag tu dga' ba dang /__mchog dga' dang /__khyad dga' dang /__lhan skyes te dga' ba bzhi'i ting 'dzin bsgom zhing de'i rjes thob tu mas brtan lugs las ldog pa'i thig le snying gar drangs pa rnam byang gi skur smin pa zhi ba bzhi bcu rtsa gnyis dang /__de'i gdangs dung khang du khrag 'thung lnga bcu rtsa brgyad du shar ba'i rigs brgya'am/__yang na 'khor lo lnga rigs lnga'am/__sku gsung thugs kyi gnas gsum du rigs gsum sogs su gsal ba'i bde stong dbyer med kyi lhar snang bsgom pa gzhung tshig gi dngos bstan yin ces mkhas pa dag bzhed do/__/'dus pa'i lugs su/__tha mal gyi snang zhen rags pa'i lha'i rnal 'byor gyis gcod nus pa'i mtshams nas rtog pa'i rnal 'byor phra mo la bslab pa thig le'i nang du dkyil 'khor yongs rdzogs gsal pa'i phra mo bsgom pa dang /__rags pa mthar ma phyin kyang phra mo tsam yang bsgom par bzhed de/__rtsa rgyud le'u gsum pa las/__rin chen chen po kha dog lnga/__/yungs kar gyi ni 'bru tshad tsam/__/sna yi rtse mor nan tan du/__/rnal 'byor gyis ni rtag tu bsgom/__/rin chen brtan par gyur na spro/__/brtan par ma gyur mi spro'o/__/zhes gsungs pa ltar/__phyag mtshan lha sku rim par spro bsdu bya/__mthar 'jog pa na rtsa ba'i dmigs rten sna bug nas drangs te snying ga'i ting 'dzin sems dpa' la bsdu/__de bzhin du gsang ba'i sna rtse'i thig le la sems brtan pa na rdo rje dang pad+ma 'du byas te/__thig le de nyid yum gyi pad+mar phyung ba'i nang du rten dang brten pa'i dkyil 'khor yongs rdzogs bsgom pa la sems brtan pa'o/__/spyir phar phyin theg pa'i skabs su yid shes rags pas stong nyid bsgom/__rgyud sde 'og ma gnyis kyi skabs su ye rgya dang /__bltas pa dang /__dgod pa dang /__lag pa bcangs pa las byung ba'i bde ba'i stong nyid bsgom/__bla med kyi skabs su bden 'dzin dang gnyis snang 'khrul pa'i bag chags g.yo byed kyi rlung snying gar thim pa las byung ba'i lhan skyes kyi bde bas stong nyid bsgom pa yin pa'i phyir/__de lta bu'i lhan skyes kyi bde stong dbyer med kyi bde ba de yang phyi nang gi rkyen khyad par can gnyis po gang rung gi sgo nas bsgrub dgos te/__rang dang yul rten mtshan nyid tshang ba'i las rgya dang /__ye rgya gang rung gi d+hU ti'i mar sna gnyis rtse sprad de snyoms par 'jug pa dang /__yang na nang rdo rje'i lus la gnad du bsnun nas bsgrub dgos pa'i phyir/__rgyud sde so so'i lam srol gyi gnad du bsnun tshul mi 'dra ba mang du yod kyang /__dga' ba bzhi dang stong pa bzhis drangs nas lhan skyes kyi bde chen 'dren pa'o/__/lam bsgoms pa dang ma bsgoms pa'i gang zag gnyis ka la byang sems spyi bo nas rtags kyi bar 'bab pa yod la/__byang sems zhu sla ba'i rigs 'ga' zhig la d+hU tir dmigs pa gnad du bsnun ma thag tu byang sems 'bab pa yod pas/__de dag la ni man ngag gi stobs kyis bzlog pa dang 'grems pa sogs shes dgos kyang /__rlung dbu mar thim pa'i byang sems 'bab pa la ni de ltar byed mi dgos te/__de la ni byang sems g.yo byed kyi rlung rnams thim zin pa'i phyir/__de ltar byang sems spyi bo nas mgrin pa/__snying ga__/lte ba/__gsang gnas su sleb pa na dga' ba bzhir 'jog pa rdo rje phreng ba las bshad cing /__de lta bu'i dga' ba bzhi la byang sems dkar po 'bab pa'i cha nas dga' ba re re la bzhi bzhir phye nas bcu drug dang /__byang sems dmar po 'bab pa'i cha nas dga' ba bzhi po re re la gsum du phye bas bcu gnyis bshad de/__phyag chen thig le las/__ri bong mtshan ma'i cha 'di rnams/__/gnas bzhi po re re la cha bzhir byas pa'i mtshams rer bde ba re myong ba/__dga' ba'i thig le bcu drug ste/__/A li'i ngo bor shes par bya/__/'khor lo bzhi ru rim pa las/__/ji skad bshad rnams de ltar na'ang /__/nyi ma'i bcu gnyis rnams su bshad/__/gnas bzhi po re re la cha gsum du byas pa'i mtshams re rdul 'bab pa'i sgo nas/__mchan/__ces gsungs pa'i phyir ro/__/de ltar yas bab dang mas brtan gyi dga' bzhi 'dren par bya'o/_/_sngar bshad pa'i phra mo'i rnal 'byor bsgoms pas rlung dbu mar zhugs gnas thim gsum byas pa las kun+da lta bu'i byang sems dbu ma'i nang du babs pas reg bya khyad par can skye/__des dmigs rkyen byas pas lus tshor bde ba skye/__des de ma thag rkyen byas pas yid bde skye/__de dang stong nyid phra mo gnyis yul yul can dbyer med du sbyar nas rtse gcig tu mnyam par 'jog__/rjes thob tu gang shar thams cad bde stong gi rnam rol du 'char ba dang /__de lta bu'i bde stong dbyer med kyi ye shes kyi gzugs rnams kyang rigs brgya rigs lnga rigs gsum dang /__khyad par lus dben mthar thug gsang chen rigs gcig bsgom par byas te/__bram ze chen po sa ra has/__gnyis su mi bya gcig tu bya ba ste/__/rigs la bye brag dag tu ma 'byed par/__/khams gsum ma lus 'di dag thams cad ni/__/'dod chags chen po gcig tu kha dog sgyur cig dang /__zhes sogs dang /__de ring nyid du mgon po da lta 'khrul pa chad/__/ces gsungs pa'i phyir ro/__/rigs brgya sogs kyi dbye tshul 'dus pa ltar na/__bde stong gi rgyas btab pa'i sgo nas phung po re re la cha shas lnga lngar phye ste/__de bzhin gshegs pa lnga la rigs lnga lngar phye nas bsgom pa ni phung po lnga rigs lngar bsgom pa'i lus dben yin te/__rtsa rgyud las/__mdor na phung po lnga rnams ni/__/sangs rgyas lnga ni rab tu bsgrags/__/zhes pas so/__/de bzhin du bde stong gi rgyas btab pa'i khams bzhi re re la lnga lngar phye ste yum bzhi la rigs lnga lngar phye nas bsgom pa ni khams bzhir bsgom pa'i lus dben yin te/__de nyid las/__sa ni spyan zhes bya ba yin/__/chu yi khams ni mA ma kI/__/me ni gos dkar mo yin no/__/rlung ni sgrol ma rab tu bsgrags/__/zhes pas so/__/de bzhin du bde stong gi rgyas btab pa'i skye mched drug re re la lnga lngar phye ste sa snying sogs drug po la rigs lnga lngar phye nas bsgom pa ni mig sogs sems dpar bsgom pa'i lus dben yin te/__de nyid las/__rdo rje'i skye mched nyid dag kyang /__/byang chub sems dpa'i dkyil 'khor mchog__/ces pas so/__/de bzhin du bde stong gi rgyas btab pa'i gzugs sogs yul lnga re re la lnga lngar phye ste rdo rje ma lnga la rigs lnga lngar phye nas bsgom pa nas yul lnga rdo rje ma lngar bsgom pa'i lus dben yin te/__de nyid las/__gzugs sgra la sogs sngags pa yi/__/lha nyid du ni rtag tu bsgom/__/zhes gsungs pa'i phyir/__de nas dam pa rigs brgya'i lha rnams rigs lnga so so'i sku mdog dang /__phyag mtshan rang gi rtsa ba'i phyag mtshan 'dzin pa'o/__/khro bo bcu dang byams pa kun bzang gnyis la rdo rje phreng bar lus dben gsungs kyang skabs 'dir mi ston pa'i rgyu mtshan yod de/__rags pa nyer lnga'i skye rim dang thim rim gyi dbang du mdzad nas ma gsungs so/__/des na lus dben gyi lha la rgyas par phye na brgya drug cu/__de'i steng du dbye gzhi'i lha so gnyis bsnan pas brgya go gnyis so/__/sgyu 'phrul snying po la/__lam rim las/__nyi khri bzhi stong dus gcig gsal/__/ces dang /__khro bo la stong bzhi brgya lnga bcu dang /__bdun khri drug stong brgyad brgya lnga bcu dang /__bsam yas lhun grub kyi dkyil 'khor gsungs so/__/bde stong gi rgyas btab pa'i sa chu me rlung rnam shes lnga/__rnam snang /__rin 'byung /__'od dpag med/__don grub/__mi bskyod pa ste rigs lngar bsgom pa ni de nyid rigs lngar bsgom pa'i lus dben yin te/__rgyud phyi ma las/__de nyid rnam pa lnga ru bshad/__/ces pas bstan te/__dam pa rigs brgya po de yang rigs lngar 'du zhing /__dben gzhi brgya po de yang dben gzhi lngar 'du ste/__rnam snang nyi shu'i dben gzhi ni rtsa ba'i rnam snang gi dben gzhi sogs su 'du ba'i phyir ro/__/bde stong gi rgyas btab pa'i sgo gsum po rin 'byung dang rnam snang gnyis sku rdo rje/__don grub dang 'od dpag med gsung rdo rje/__rdo rje 'chang dang mi bskyod pa thugs rdo rjer bsdus nas bsgom pa ni gsang ba rigs gsum du bsgom pa'i lus dben yin te/__rgyud phyi ma las/__gsang ba rnam pa gsum du bshad/__/ces pas so/__/dben gzhi lnga po de yang gsum du 'du ste/__lus ngag yid gsum rnam par dag pa rdo rje gsum gyi dben gzhir 'du bas so/__/sgo gsum dang ldan pa'i sgrub pa po rdo rje gsum dang ldan pa'i rdo rje 'chang gcig tu bsgom pa ni gsang chen rigs gcig gi lus dben mthar thug yin te/__rgyud phyi ma las/__lhag pa'i lha ni gsang chen te/__/zhes pas so/__/drug pa ni/__slar yang dben pa gsum gyi rim pa dang /__/kun rdzob sgyu ma don dam 'od gsal nyid/__/bden gnyis dbyer med zung 'jug nyams len rnams/__/gsang ba snying po dpal ldan 'dus pa dang /__/bskyed pa ma hA yo ga ji bzhin du/__/bskyed rdzogs zab mo'i don rnams mngon gyur shog__/ces pa ni/__lus dben sku rdo rje/__ngag dben gsung rdo rje/__sems dben thugs rdo rje gsum gyi rnal 'byor phra tig gi bar bsgoms pa'i rjes la rtsa gsum 'khor lo drug gi byed pa bcings pa'i d+hU ti'i mar sner nyi gdan la rang sems thig le sngon po'i rnam par phab pa la rlung sems dbyer med du dril bas dmigs pa'i rim pa la bslab pas dbu mar rlung zhugs gnas thim gsum gyi rtags dang /__de bzhin du snang mched thob gsum/__stong pa bzhi'i 'od gsal dang bcas pa ngos bzung nas chos longs sprul gsum gyi bsre ba gsum la bslab pa ni rang ngo'i mnyam gzhag dang /__dbang po yul las 'jug dus gang snang stong pa bde ba'i lha skur 'char ba ni rjes thob rkyang pa yin no/__/rjes la bsgrub bya bden pa gnyis kyi rdzogs rim las dang po kun rdzob sgyu ma ni 'od gsal gyi bzhon par gyur pa'i rlung gi nyer len dang /__rang sems lhan cig skyes pa'i rkyen las rlung sems tsam las grub pa'i rdo rje 'chang gi sku rnam smin gyi lus rten 'di la go sa gzhan pa zhig ldang ba ste/__de ni longs sku lta bu'i bzhin lag gi rnam pa can yin yang /__rnam 'phrul du mar ston nus shing /__de'i bsgrub gzhi'ang gnyid gyi 'od gsal las byung zhing /__rmi lam gyi lus da lta rnam smin gyi lus 'di dang 'brel ba can yin la/__slad kyi bar do longs skur 'grub pa'i nyer len du 'gyur bas na sgyu ma'i sku zhes brjod kyis/__lam gyi gnas skabs na sems bskyed kyi 'phen pas sems can thams cad kyi sgo gsum dang /__sgyu lus pa'i sku rdo rje rnam par snang mdzad/__gsung rdo rje 'od dpag med/__thugs rdo rje mi bskyod par gsal ba'i dam tshig sems dpa' la so so'i thugs kar rim bzhin sku gsung thugs kyi yi ge gsum gsal ba la ye shes sems dpa'/__so so'i mgor thig le nA da dang bcas pa'i ting 'dzin sems dpa' sum brtsegs gsal zhing so so'i ting 'dzin sems dpa' las 'od zer 'phros pas snod bcud thams cad 'od du zhu ba dam tshig sems dpa' dang /__de 'od du zhu ba ye shes sems dpa' la/__de 'od du zhu ba ting 'dzin sems dpa' la thim pa'i ngang du mnyam par bzhag rang gi me long la has btab pa bzhin bsdu ba ril 'dzin/__mchan/__pas zhugs gnas thim gsum gyi rtags snang smig rgyu du ba la sogs pa dang snang mched thob gsum dang stong pa bzhi 'char ba'i thams cad stong pa 'od gsal la mnyam par 'jog__/lha sku rim gyis bsdu ba ni rjes gzhig dang /__de las ldang ba na ma dag pa'i sgyu lus dag pa'i sgyu lus su bsgom pa'o/__/gnyis pa don dam 'od gsal ni/__sgyu lus kyi sems dpa' sum brtsegs/__de sdud rim gnyid kyi 'od gsal du bcug pa'i stong nyid la mnyam par bzhag pas zhugs gnas thim gsum dang /__snang mched thob gsum kyi rjes stong bzhi'i 'od gsal lhan skyes kyi bde bas thabs byas te dngos po'i gnas lugs ma nor bar rtogs pas rang rgyud ldan gyi gang zag 'phags par song /__bar chad med lam rgyud la skyes nas bden gnyis zung du 'jug pa'i rnal 'byor mngon du byed pa bskyed pa/__ma hA yo ga'i bskyed rdzogs zab mo'i don la smon pa yin no/____/_!_rim lnga 'di la dbye bsdu'i bzhed pa mang yang /__klu sgrub zhabs kyi rim lnga'i mdor bstan du/__rdo rje'i bzlas 1pa/__sems la dmigs 2pa/__sgyu lus_3/__'od gsal4/_zung 'jug 5dang lngar mdzad pa nyid grags che zhes rje phrin las zhabs kyis gsungs/__dben pa gsum ni/__lus dben sku rdo rje'i ting nge 'dzin dang /__ngag dben gsung rdo rje'i ting nge 'dzin dang /__sems dben thugs rdo rje'i ting nge 'dzin rnams so/__/de dag kyang mthar thug gi don la/__spyod bsdus las/__bskyed pa'i rim pa nas brtsams te/__lus rnam par dben pa'i mthar thug pa'i bar du rdo rje gsum la sogs pas kyang mtshan nyid la lhag par mos pa tsam lags te/__de bas na lus rnam par dben pa la lha'i gzugs med de/__lus ni rdul phra rab bsags pa tsam yin pa'i phyir ro/__/rig rnam par dben pa'i mthar thug pa yang 'jug pa la sogs pa'i rim gyis rdo rje'i bzlas pa tsam yongs su shes pa ste/__de la'ang lha'i rnam pa med de/__sgra rnams ni brag cha lta bu yin pa'i phyir ro/__/sems rnam par dben pa'i mthar thug pa yang rang bzhin gyis snang ba tsam yongs su shes pa tsam du zad pas/__der yang rnams pa thams cad thams cad kyi mchog dang ldan pa'i lha sku'i ngo bo rnyed par mi 'gyur te/__sems ni snang ba tsam yin pa'i phyir ro/__/rigs pa 'dis ni kun rdzob la brten nas gnas pa rnyed pa mi 'gyur ro/__/de bas na ye shes tsam tha mal gyi snang zhen 'od gsal du bsdus pa'i ngang nas rang gi sems lha skur bskyed pa mchan/__gyi lha nyid du bskyed pa slob dpon gyi zhal snga nas rtogs par bgyid par 'tshal lo/__/zhes gsungs pa ltar/__dben gsum mthar phyin nas bden gnyis so so'i rdzogs rim dang /__bden gnyis zung 'jug gi rdzogs rim la/__bslab par bya ste/__dang po kun rdzob sgyu ma'i rdzogs rim ni/__de yang sems can rnams la rang chas su yod pa'i shin tu phra ba'i rlung sems gnyis ni sgyu lus kyi bsgrub gzhi/__de nyid thabs la mkhas pa'i rnal 'byor pa la sgyu ma'i skur shar nas 'tshang rgya ba yin te/__rim lnga las/__'gro kun rang dbang med pa ste/__/rang dbang du ni 'byung ma yin/__/de yi rgyu ni 'od gsal ba/__/'od gsal thams cad stong pa'o/__/sems gang gis ni byis pa rnams/__/'khor ba'i 'ching bas bcings gyur pa/__/sems de nyid kyi rnal 'byor pa/__/bde gshegs gnas su 'gro bar 'gyur/__/zhes so/__/mdor na sems can skye 'chi gnas gsum bar do dang bcas pa thams cad rang rgyud shin tu phra ba'i rlung sems kyi cho 'phrul dang /__shin tu phra ba'i rlung sems gnyis po de 'gro ba bzang ngan sna tshogs su 'gro bar gsungs te/__rdo rje phreng ba las/__skye dang gnas dang 'jig pa dang /__/srid pa bar mar gnas pa ste/__/ji srid 'jig rten gyis btags pa/__/sems kyi rlung gi rnam 'phrul lo/__/zhes gsungs pa ltar ro/__/rags pa gnas chu'i tsha ba lta bu skabs pa'i lus dang /__phra ba'i chu'i gsher pa lta bu gnyug ma'i lus gnyis las/__phyi ma ni sgyu lus kyi bsgrub gzhi'o/__/sgyu lus des/__sems can thams cad kyi gnyug ma'i lus kyang rang gi sgyu lus dang 'dra ba mngon sum du mthong zhing /__snod bcud thams cad kyang rang rgyu rlung sems tsam gyi rnam 'phrul du mthong ba yin te/__rim lnga las/__de bas 'di ltar 'gro ba kun/__/sgyu ma lta bu 'di bshad de/__/sgyu ma lta bu'i ting 'dzin gnas/__/thams cad de dang 'dra bar mthong /__/zhes pas so/__/sgyu lus de dag kyang /__dpe'i 'od gsal mthar thug 'gags pa/__lugs ldog gi nyer thob 'char ba/__ma dag pa'i sgyu ma'i sku dngos gnas grub pa gsum dus mnyam du 'byung la/__de lta bu'i sku ste sgyu ma'i dpe bcu gnyis kyis mtshon nas ston pa ste/__dpe bcu gnyis ni/__sgyu ma/__chu zla/__mig yor/__smig rgyu/__rmi lam/__brag cha'i sgra/__dri za'i grong khyer/__mig 'phrul/__nam mkha'i 'ja'/__glog__/chu bur/__me long nang gi he ru ka'i gzugs brnyan rnams yin la/__de yang sgyu ma'i sku de zhal phyag gi rnam pa can du snang yang sha rus gdos bcas kyis stong pas na sgyu ma lta bu1/__longs sku gcig nyid gdul bya gang na yod pa'i sar sprul pa du ma ston pas chu zla lta bu2/__sgyu ma'i sku de gri mtshon la sogs pas bcad cing gzhig tu med pas na mig yor te grib ma lta bu3/__sgyu ma'i sku de mi brtan cing g.yo ba'i rang bzhin can zhig yin pa ni smig rgyu lta bu4/__sgyu ma'i sku de bsgrub gzhi sems dben mthar thug gi dpe'i 'od gsal gyi rlung sems las byung zhing /__phung po rnying pa las gos logs su phye ba dang /__slar yang phung po rnying pa la 'jug pa zhig yin pa ni rmi lam lta bu5/__sgyu ma'i sku de phung po rnying pa dang rten tha dad yin kyang shes rgyud gcig gis bsdus pas brag cha'i sgra lta bu6/__sgyu ma'i sku de rten brten pa'i dkyil 'khor gyi rnam pa can zhig yin pas na dri za'i grong khyer lta bu7/__sgyu ma'i sku de gcig nyid yin yang du mar 'char zhing du mar snang ba zhig yin pa ni mig 'phrul lta bu8/__sgyu ma'i sku de sngo ser la sogs pa kha dog ma 'dres par so sor snang bas na nam mkha'i 'ja' tshon lta bu9/__sgyu ma'i sku de phung po rnying pa'i nang na gnas pa'i skabs srid pa zhig yin pa ni sprin nag po'i gseb na glog 'gyu ba lta bu10/__sgyu ma'i sku de sems dben mthar thug gi dpe'i 'od gsal las chos gzhan gyis bar ma chod par thol gyis byung ba zhig yin pa ni chu las 11chu bur thol gyis byung ba lta bu/__sgyu ma'i sku de mtshan dpes spras pa'i rnam pa can du skad cig gis grub pa zhig yin pa ni me long nang gi he ru ka'i gzugs 12brnyan lta bu'o/__/de lta bu'i sgyu lus de 'grub na tshe 'dir 'tshang rgya bar nges la/__yo byad gang dgos thams cad bsam pa tsam gyis nam mkha' las rnyed par 'gyur zhing /__tshangs pa drag po la sogs pa'i 'jig rten pa'i lha rnams kyis mi mthong zhing /__der ma zad sgyu lus ma thob pa'i gang zag sus kyang mi mthong bar spyod bsdus las gsungs so/__/de la ma dag pa'i sgyu lus zhes brjod pa'i rgyu mtshan ni phung po rnying pa dang 'brel thag ma chod pa dang /__las nyon gyi dbang gis 'khor bar skye ba len pas na de ltar brjod pa'o/__/'khor bar 'khor zhes pa rtag pa mtha' bzung gi sgo nas gsungs pa ste/__dper na rgyal bu gzhon nu don grub rab tu ma byung na 'khor los sgyur ba'i rgyal por 'gyur zhes rgya rol las gsungs pa dang tshul mtshungs te/__gzhon nu don grub rab tu byung nges pa bzhin du sgyu lus pa des kyang don dam 'od gsal tshe de la mngon du byed par nges pas sgyu lus thob nas tshe 'dir 'tshang rgya bas khyab pa khas len pa'i rgyu mtshan ni des yin no/__/gnyis pa don dam 'od gsal gyi rdzogs rim ni/__rim pa gsum pa'i sgyu lus pas mnyam rjes kyi dge sbyor rnams bskyangs pas don gyi 'od gsal thob tu nye ba na/__bla ma las mtshan phyed kyi dus dbang gsum pa dngos dbang dang /__de rjes gdams ngag nod/__tho rangs phyi nang gi tha mar thabs gnyis la brten nas rim pa bzhi pa'i don gyi 'od gsal mngon du byed pa yin no/__/de'i tshe ma dag pa'i sgyu lus 'gag pa/__lhan skyes kyi bde ba chen pos stong nyid mngon sum du rtogs pa'i sngags bla med kyi mthong lam dang /__bla med kyi sa dang po thob pa/__bden 'dzin lhan skyes dang kun brtag sa bon dang bcas pa'i dngos gnyen bar chad med lam rgyud la skyes pa rnams dus mnyam mo/__/des na rim pa bzhi pa'i don gyi 'od gsal mngon du byed pa'i dus nam phyed dang /__slob mi slob kyi zung 'jug thog mar thob pa'i dus ni tho rangs yin par nges so/__/spyod bsdus las/__rim pa 'di nyid kyis bcom ldan 'das dpal shAkya thub pa la de bzhin gshegs pa thams cad kyi se gol gyi sgras bskul bar gyur pas/__mi g.yo ba'i ting nge 'dzin las bzhengs te byang chub kyi shing drung la bzhugs nas/__nam phyed kyi dus su 'od gsal ba mngon du mdzad de/__sgyu ma lta bu'i ting nge 'dzin las bzhengs nas 'gro ba rnams la ston par mdzad pa yin no/__/zhes dang /__rgya che rol pa las kyang /__shAkya thub pa de bzhin gshegs/__/mngon par byang chub 'di bzhed nas/__/stong pa chen pos sangs rgyas nyid/__/thob par bya zhes mngon par dgongs/__/nai rany+dza na'i chu 'gram du/__/mi g.yo ting 'dzin la zhugs la/__/de tshe rgyal ba mkha' rdo rje/__/til gyi gong bu gang bzhin bzhugs/__/rgyal ba'i sras la se gol dang /__/de la dbyangs gcig gis gsungs pa/__/bsam gtan 'di ni rnam dag min/__/'dis ni mthar thug mi thob ste/__/nam mkha'i ngos ltar mchog gyur pa/__/'od gsal ba ni de dmigs shig__/'od gsal ba yi gnas thob nas/__/rab dga'i gzugs su skye bar 'gyur/__/zhes pas bstan to/__/bden gnyis dbyer med kyi rdzogs rim ni/__spyod bsdus rdo rje theg pa 'di la bskyed rim la bslab nas sa brgyad pa thob ste ji srid rdzogs rim ma thob pa de srid du dge ba'i bshes gnyen mnyes par bya'o/__/sku dang gsung dang thugs mngon par rtogs nas sa bcu thob ces gsungs pa'i phyir/__des na bskyed rim mthar phyin pa sa brgyad pa dang dod thub dang /__ngag dben sa dgu pa dang /__sems dben sgyu lus gnyis sa bcu pa'i dkyil stod dang dod thub sbyor ba'i rgyu mtshan yod de/__sa brgyad par zhing dag sbyor ba thob pa ltar bskyed rim mthar phyin pas snod bcud dag pa'i 'khor lo'i rnam rol du blta nus pa dang /__sa dgu par chos ston pa'i ngag dag pa'i ye shes thob pa ltar ngag dben gyi skabs su ngag gi rtsa ba rlung la dbang thob pa dang /__bcu par lus ngan par 'gyur ba'i bag chags ma lus bzang por bsgyur nus shing 'od zer chen po'i dbang bskur thob pa bzhin du sems dben mthar thug gi rlung sems lhar bsgyur nus pa dang /__sgyu lus pas sangs rgyas rnams las dbang bskur ba thob pas de ltar sbyar ba yin pa'i phyir/__rim pa tha ma gnyis sa bcu pa'i dkyil smad dang dod thub sbyor ba'i rgyu mtshan yang yod de/__bsod nams kyi tshogs rdzogs pas sgrib pa spong ba la nus mthu can du gyur pa dang /__lam gzhan la gsar du slob mi dgos pa'i 'dod pa mtshungs pas de ltar sbyar ba yin no/__/de yang lam thun mong bas rgyud sbyangs nas bsgom stobs kyi thog mar rlung dbu mar zhugs gnas thim gsum byed pa'i sbyang ba'i ye shes skyes kham tshun chad kyi lam tshogs lam dang /__bsgom stobs kyis thog mar rlung dbu mar zhugs gnas thim gsum byed pa'i snang ba'i ye shes skyes pa nas ma dag pa'i sgyu lus don gyi 'od gsal du 'jug kha ma'i bar gyi lam rnams sngags bla med kyi sbyor lam dang /__rim pa bzhi pa'i don gyi 'od gsal mthong lam sa dang po rab dga' dang /__slob pa'i zung 'jug sgom lam de la sa dgu'i rnam dag byed pa yin no/__/rim pa gsum pa sgyu lus pas don gyi 'od gsal mngon tu mi byed na 'khor bar ldog ste/__spyod bsdus las/__ji srid du snang ba gsum ma dag pa de srid du rnam shes kyis kun tu rtog go/__/_de ji srid pa de srid du nyon mongs pa'i bag chags kyi rgyun dang des ni yang srid pa 'gyur ba yin/__rim pa bzhi pa don gyi 'od gsal nas mi ldog ste/__de'i skabs su 'khor ba'i dngos gnyen lhan skyes kyi bde bas stong nyid mngon sum du rtogs pa'i shes rab yod pa'i phyir ro/__/rim pa bzhi pa don gyi 'od gsal las langs ma thag tu slob pa'i zung 'jug gi skur dag pa'i sgyu lus su sdang ba ldang ba yin te/__spyod bsdus las stong pa bzhi gcig tu gyur pa las ldang bar bshad cing /__rim lnga las kyang /__ji ltar dwangs pa'i chu klung las/__/nya dag myur du ldang ba ltar/__/de bzhin thams cad stong gsal las/__sgyu 'phrul drwa ba 'byung bar bshad/__ces so/__/nyon sgrib spangs pas rnam grol lam thob pa/__rang brgyud ldan gyi gang zag dgra bcom par gyur pa spangs bzung 'jug thob pa dus mnyam/__mchan/__rlung dbu mar zhugs gnas thim gsum byas pa las byung ba'i lhan skyes kyi bde ba spangs rtogs zung du 'jug pa ste/__rim lnga las/__kun rdzob dang ni don dam gyi/__/rnam dbye so sor shes nas ni/__/gang du yang dag 'dres gyur pa/__/zung du 'jug par de bshad do/__/zhes gsungs so/__/de la mtshan gyi rnam grangs ni/__sgyu 'phrul drwa bas mngon sangs rgyas pa dang /__'khor ba'i rgya mtsho'i pha rol tu son pa dang /__bya ba byas pa'i rnal 'byor pa chen po dang /__bden pa gnyis kyi tshul la gnas pa zhes bya'o/___/_!_lnga pa la gnyis bskyed dang /__rdzogs rim la smon pa'o/__/dang po ni/__mtshan nyid kun ldan bla ma yab yum las/__/lam dbang zab mos legs par smin byas nas/__/rnam dag dbang lnga'i chu bos sgrib gnyis kyi/__/dri ma kun bkrus sku bzhi'i sa bon bzhag__/dam tshig sdom pa tshul bzhin bsrungs pa las/__/zab mo'i lam bzang skye ba'i snod gyur pas/__/ma dag skye shi bar do'i snang zhen rnams/__/yid ngor sbyangs nas sku gsum lam khyer ba/__/sbyang gzhi sbyong byed tshang ba'i bskyed rim gyis/__/rim pa dang po'i lam la mngon gyur shog__/ces pa ni/__de la gzhi lam 'bras gsum gyi rgyud don la dbang 'byor pa'i mtshan nyid kun ldan gyi bla ma yab yum zung du 'jug pa'i gdan gsum lus kyi dkyil 'khor las/__skye bo tha mal dang theg pa dman pas thos su'ang mi rung ba'i lam dus kyi gsang ba'i dbang zab mos smin par byas shing /__rgyu dbang sngon song lam dbang dga' bzhi'i ye shes dang 'jug pa gcig par gnas 'gyur ba'i rnam dag dbang lnga'i chu bos nyon sgrib shes sgrib gnyis kyi dri ma thams cad bkrus/__sku gsum ngo bo nyid sku dang bcas pa'i sa bon rgyud la bzhag__/de dag gi dus su khas blangs pa'i dam tshig dang sdom pa'i gnas tshul bzhin du bsrungs pa gang zhig lam bden rgyud la skye ba'i snod dam rten du gyur pas/__ma dag pa 'khor ba'i gnas skabs kyi skye shi bar do'i snang zhen rang rgyud pa rnams dag pa'i yid ngor sbyong tshul nyin snang sad dus kyi bskyed rim skye ba sprul sku/__gnyid dus kyi sdud rim 'chi ba 'od gsal chos sku/__bar srid kyi yid lus sgyu lus longs sku ste sku gsum lam khyer ni/__skye gnas rnam pa bzhi dang mthun pa'i 'khor ba'i 'dra 'bag khu rdul rlung gsum dang bcas pa sbyang gzhir byas nas sbyong byed rdo rje'i cho ga gsum dang thun mong ma yin pa'i mngon byang lnga tshang bas rnam byang bskyed pa'i rim pa dang mthun cing /__bum dbang gi lam rdzogs rim gyi smin byed yin pas/__rim pa dang po'i lam mngon du gyur par smon pa'o/__/gnyis pa ni/__phyi nang rang lus dkyil 'khor lha yi tshogs/__/rtsa yig bdud rtsi dpa' bo rnal 'byor ma/__/thim lugs bzhi bsgom ye shes skyed byed cing /__/rdzogs rim rtog pa 'dren pa'i rgyud smin byas/__/nyi zla'i lam nas dkyil 'khor bcu yi rlung /__/sgra gcan lam du log pa'i thabs mkhas kyi/__/mun pa'i lam nas 'bar ba'i tsaN+Da lis/__/haM yig ri bong 'dzin pa bzhu ba las/__/lhan skyes bde bas mnyam gzhag drangs pa yis/__/'khor 'das chos rnams kun gyi gnas lugs dang /__/dbyer med gyur pa dpe yi ye shes nyid/__/sgyu 'phrul drwa ba'i sku ru langs pa las/__/ma dag skye shi'i 'phrang las grol ba yi/__/rdzogs rim a nu'i lam du 'jug par shog__/ces pa ni/__de la phyi snod snang srid snod bcud 'dzin pa dang /__nang rang lus phung khams skye mched du zhen pa'i 'khrul rtog thams cad dbyings nas rang bzhin gyis sangs rgyas pa'i gtso dkyil gcig shos ni 'khor du dag pa'i lha tshogs dang /__gzhan rdo rje'i lus kyi dngos po rtsa dang yi ge dbang po/__khams bdud rtsi ni rnal 'byor ma ste/__de gnyis 'khril sbyor gyi tshul las bde stong gi mchod pa len pa/__gzhan lus dang snyoms 'jug gi zhu ba/__des mchod pa'i rkyen las rlung dbu mar zhugs gnas thim gsum 'byung zhing /__de yang zhugs pa'i rtags su sna sgor mnyam rgyu/__gnas pa'i rtags su rgyu ba rang 'gags/__thim pa'i rtags su mkha' snang /__sa chu me rlung ste 'byung ba bzhi po gcig la gcig shos thim pa'i rtags rim pa bzhin/__smig rgyu/__du ba/__mkha' snang dang /__rlung snang ba la thim du nye ba ni mar me thim pa dngos ltar dkar lam/__snang ba mched pa la thim pas dmar lam/__mched pa ste nyer thob la thim pas nag lam/__nyer thob 'od gsal la thim pas ston gnam g.ya' dag pa lta bu ste/__grub chen l+wa ba pas/__dang po ri dwags sred bzhin snang ba ste/__/mtshan ma gnyis pa dud kha'i rnam pa can/__/gsum pa srin bu me khyer dang 'dra ba/__/bzhi pa sgron me 'bar ba lta bur gsal/__/mtshan ma lnga pa rnam par ma brtags par/__/sprin bral nam mkha' lta bur snang ba yin/__/ces gsungs so/__/de la ri dwags sred ni smig rgyu'o/__/rtags bzhi po 'di snga ma las/__phyi ma gsal du song ba la smig rgyu sogs dang 'dra bar gsungs kyi/__de rnams dang 'dra ba'i snang ba 'char ba yin ces pa dang /__kha cig rtags can gyi shes pa brtan g.yo'i tshad yin ces pa dang /__kha cig du ba sogs dang 'dra ba'i snang ba 'char ba la bzhed pa gsum byung ba ni phyi ma nyid legs pa yin no/__/rlung gdu phul che chung sogs kyi gnad kyis rgya che chung dang /__brtan mi brtan sogs sna tshogs shig 'ong bas mtha' gcig tu ma nges so/__/du ba la sogs pa 'di rnams la srog dbu mar sdud pa'i thabs khyad par can gyi sems 'dzin pa dang /__de lta bu min pa'i sems mi rtog par 'jog pa bskyangs pa rnams la'ang 'byung gsungs so/__/sgra bsgyur mar pa'i lugs kyi rim lnga'i rtsa tshig bsdus gsal las/__dang po smig rgyu lta bu'i nyams/__/'od zer lnga dang bcas pa 'char/__/gnyis pa zla ba lta bu snang ba dang /__/gsum pa nyi ma'i 'od kyis mched pa 'khrigs/__/thun mtshams kyi smag nag pos khyab pa lta bu mtshams snang las ni thob pa ste/__/zhes so/__/smig rgyu nas nam mkha' sprin med kyi bar rnams bar ma chad du 'byung ngo /__/phyi ma bzhi ni thim lugs bzhi dang /__dpe don gyi 'od gsal la nges pa 'dren pas ye shes bskyed cing /__bsgom pa ni rdzogs rim gyi rtog pa 'dren pa'i rgyud smin byed yin la/__de'i thabs su gyur pa ni nyi zla'i lam ste/__ro rkyang gnyis nas rgyu ba bskyed sdud kyi rnam pas phye ba'i sa la sogs pa yan lag gi rlung bcu bsdoms pas dkyil 'khor bcu'i rlung ngam sgra gcan gyi lam du 'gog pa'i thabs la mkhas pa dang /__de'ang mun pa'i lam stegs dbu ma'i mar sna nas 'bar ba'i tsaN+Da li'am/__gtum mo'i me yar sna'i haM yig ri bong 'dzin pa ste zla pa'i rang bzhin gyi khams bzhu ba las rim bzhin yas babs mas brtan gyi dga' ba bzhi dang khyad par lhan cig skyes pa'i bde ba chen pos mnyam gzhag drangs pa de'i ngang du 'khor 'das kyi chos thams cad kyi rdzun phugs rdib cing /__kun gyi gnas lugs gcig dang tha dad dbyer med du gyur pa 'di ni ngo bo nyid kyi ye shes yin la/__de nyid las gdul bya gang yod kyi sar sprul pa'i sku gcig car du ston pa'i phyir sgyu ma yab/__'phrul ba yum/__drwa ba 'brel pa ste rlung sems tsam las grub pa'i sgyu ma'i skur langs nas/__ma dag pa'i gnas skabs kyi skye shi'i 'phrang las grol pa'i man ngag rdzogs pa'i rim pa thams cad kyi don a nu yo ga'i lam la 'jug par smon pa'o/__/byang sems zhu ba la brten nas dga' bzhi skyed tshul ni/__byang sems zhu bas gnas gang du sleb pa na yas babs kyi dga' bzhi bskyed tshul ni/__rgyud rdo rje phreng ba las/__de rjes lugs 'byung bshad bya ste/__/bde chen 'khor lo spyi bo la/__/de ni dga' ba bshad pa yin/__/longs spyod 'khor lor mchog dga' dang /__/dga' bral chos kyi 'khor lor gnas/__/sprul pa'i 'khor lor lhan cig skyes/__/dga' ba nyams su myong bar byed/__/ces gsungs te/__byang sems spyi bo nas mgrin par sleb pa na dga' ba dang /__mgrin pa nas snying gar sleb na mchog dga' dang /__snying ga nas lte bar sleb na dga' bral dang /__lte ba nas gsang gnas nor bu'i rtser sleb pa na lhan cig skyes pa'i dga' ba skye la/__mas brtan gyi skyes tshul yang /__rgyud rdor phreng las/__sprul pa'i 'khor lor dga' ba dang /__/mchog dga' chos kyi 'khor lor gnas/__/longs spyod bral ba'i dga' ba dang /__/lhan cig skyes pa bde ba che/__/lugs ldog rim pa zhes ni gsungs/__/mas brtan gyi dus su ldog pa spyi bor ma brtan gyi bar du mi brtan la/__spyi bor brtan na brtan par gsungs te/__de nyid las/__de nas srog gi steng du yid/__/de mi mthun pa 'bab par 'gyur/__/pad+ma'i lte ba'i dbus gnas pa/__/gang de phyi nas brtan gyur pa/__/de tshe mgon po 'gro mi 'gyur/__/ji ltar bu ga med snod du/__/chu rnams zad pa med gnas ltar/__/de tshe bde ba brtan par 'gyur/__/brtan pas lhan cig skyes pa'i dga'/__/de phyir sangs rgyas mi zad pa/__/rnal 'byor pa yis nges par 'thob/__/ces so/__/spyir gtum mo bsgom pas drod skyed/__drod la brten nas rtsa nang gi byang sems zhu/__de zhu bas bde ba skye/__bde ba la brten nas mi rtog pa skye bar gsungs kyang /__lam sgom stobs kyi gtum me 'bar ba'i dgos pa ni/__lhan cig skyes pa'i ye shes bskyed pa'i ched yin la/__de skye ba la byang sems zhu nas 'bab pa de spyir lte ba man chad du sleb pa zhig dang /__khyad par nor bur slebs nas phyir ma 'phos par re zhig gi bar du gnas pa zhig med na lhan skyes mtshan nyid pa mi skye'o/__/lhan skyes rdzogs rim pa'i bde chen du 'jog pa la ni rlung thim pa'i dbang gis gnas pa zhig dgos so/__/mnyam gzhag gi skabs su bde stong mi rtog pa bskyangs la/__rjes thob tu spyir lhan cig skyes pa'i dga' ba skyes nas/__de las langs pa'i dus su rang shugs kyis kyang yul snang bde bar 'char ba zhig 'ong mod kyang /__rjes kyi skabs su mnyam gzhag gi bde stong gis yul snang gang shar thams cad la rgyas btab nas bsgoms na bde ba 'bar bas khyad par du 'gyur ba de ltar bskyang ngo /__/drug pa la bzhi/__phyi sems sde/__nang klong sde/__gsang ba man ngag gi sde gsum la smon pa/__de dag gi don bsdu ba'o/__/dang po ni/__don gyi lhan cig skyes pa'i ye shes ni/__/a ti ye dag ro mnyam chen po nyid/__/yod min med min stong min mi stong min/__/rang bzhin gshis la gzhal na thams cad min/__/med pa ma yin gnyis med zung 'jug ste/__/rtag min chad min smra bsam brjod las 'das/__/rang gnas ye gnas rdzogs pa chen po ni/__/kun min phyogs tsam gzhal na thams cad min/__/blo yis bkod nas dran bsam brjod las 'das/__/rnal ma'i don la kun ming brtags pa tsam/__/ji ltar snang ba 'di yang wal le ba/__/tshig gis ma bskyed lha sngags lhun gyis grub/__/gang ltar bsam brjod 'das pa'i rang bzhin te/__/a ti'i dgongs don tshul bzhin rtogs par shog__/bskyed pa ma hA yo ga'i skabs su rim pa bzhi pa don gyi 'od gsal/__rdzogs pa a nu yo ga'i skabs su bde stong lhan cig skyes pa'i ye shes gang yin pa de a ti yo ga rdo rje snying po'i skabs su ye grol ka dag gi lta ba zhes bya ste/__sbyangs pa sngon song gi dbang po rab tu gyur pa la/__lta sgom gyi mkhyen pa dang ldan pa'i bla ma rdo rje slob dpon gyis tshig dbang gi skabs su tshig gi ngo sprad pa nyid yin te/__de'i don mdo tsam bshad na/__gshis ye nas dag pas ye dag__/'khor 'das spangs blang du mi 'byed pa'i ro mnyam/__rtog bya de las lhag pa med pas chen po/__chos thams cad kyi chos nyid yin pas nyid/__stong cha ka dag gi ngos nas gang grub pa med pa'i yod min snang cha lhun grub kyi ngos nas 'khor 'das kyi 'char gzhi byed pas med min/__blo byas spyod yul las 'das pas stong min/__rang ngo ka dag tu gnas pas mi stong min/__rang bzhin gnyug ma don dam pa'i gshis la blos gzhal na gzhal bya'i yul las 'das pas thams cad min/__gzhi ye grol ka dag gi dgongs pa chos sku'i ye shes 'gro kun la gnas pa med pa ma yin/__des na ma dag 'khor ba'i gnas su 'khrul bzhin pa'i gnas skabs su'ang /__chos nyid sangs rgyas su gnas pa'i 'khor 'das gnyis med zung 'jug chen por gnas/__dmigs bsam spros pa las 'das pas rtag pa ma yin/__so so rang rig gi ye shes kyi spyod yul yin pas chad pa ma yin/__ming thams cad sgro 'dogs yin pas smra ba'i yul las 'das/__rtogs pa thams cad 'khrul pa yin pas bsam pa'i yul las 'das/__tshig thams cad dngos po med pas brjod pa'i yul las 'das/__ye nas rang bzhin gyis gnas pas rang gnas/__thog ma med pa'i dus nas gnas pa ye gnas snang srid chos skur rdzogs pas rdzogs pa/__theg pa thams cad kyi rtse rgyal yin pas chen po/__mtha' brgyad kyi spros pa dang bral bas kun min/__snang stong phyogs re tsam nas gzhal ba 'khor 'das rang sar bden pa thams cad yin/__don dam dpyod byed kyi blo yis gzhal na dran bsam brjod pa las 'das rnal ma chos nyid kyi ngang nas gang sgrub kyi grub mtha' thams cad ming tsam btags pa tsam yin pas don la ma reg__/ji ltar snang bzhin pa'i 'khrul snang 'di yang sgyu ma dang /__rmi lam ltar shar bas wal le ba dgag sgrub dang bral/__snying po tshig gis ma bskyed par lha sngags lhun grub tu gnas/__gang du ci ltar brtags kyang bsam brjod thams cad bral ba'i gnas lugs gzhon nu ma la pra phab pa ltar so so rang gis rig pa'i ye shes kyi mthong med kyi tshul mthong ba a ti yo ga ste theg rtse shin tu rnal 'byor gyi dgongs don phyin ci ma log pa tshul bzhin du rtogs par shog cig pa'o/__/gnyis pa nang klong sde'i don la smon pa ni/__khyad par 'od gsal rdo rje snying po'i don/__/rang bzhin babs yin stong pas phan ci yod/__/so ma rang bzhag ma bcos rang ga ma/__/tha mal shes pa rang grol rgyal ba'i lam/__/rang rig rang grol gnyen po bcos mi dgos/__/ye grol bskyar gzhi med de gdod ma'i ngang /__/cer grol ngo bo med de bden pas stong /__/rang grol snying po med de rang bzhag nyid/__/'gyu grol rang sar dag ste skad cig ma/__/shar grol dus mnyam yin te snga phyi med/__/ma bcos rang bzhag rang babs ka dag klong /__/ngo bo rang bzhin thugs rje'i don rtogs shog__/ces pas khyad par 'od gsal sogs rang gi ngo bo smos te 'khor 'das kyi chos thams cad kun tu bzang mo'i mkha' klong rnam thar gsum ldan gyi dbyings nas sangs rgyas pa'i don khong du chud nas/__de ga'i ngang la rang bzhin gyis gnas pa'i rang babs yin na/__blos gsar byung du bsgrubs pa'i stong pas phan du ci zhig yod/__so ma/__ngang bzhag__/ma bcos/__rang ga ma ste/__sems la bcos bslad med pa'i don bzhi la/__tha mal gyi shes pa'i sgrar btags te/__rang gis rang grol sbrul gyi mdud pa lta bu de ni rgyal ba thams cad kyi shul lam yin pas rtog dpyod sna tshogs dang /__sgrim glod la sogs pa'i gnyen pos bcos mi dgos/__ye nas grol tshar bas bskyar ba'i gzhi med/__lta stangs gcig gi ngang nas cer gyis grol bas ngo bo nyid med de/__bden pa kun rdzob pas stong /__rang grol la gnyen po gzhan med pas rang gar bzhag__/'gyu ba ngo shes tsam las grol bas rang dag skad cig ma/__shar tsam nyid nas rang ngo shes pas chu la ri mo bris pa ltar shar grol dus mnyam la snga phyi med/__blos spu tsam ma bcos pa'i rang bzhag rang babs ka nas dag pa zhes bya ste/__thog ma nas rnam par dag pa'i bya bral klong gi sde chen po de ni/__ngo bo stong pa/__rang bzhin gsal ba/__thugs rje kun khyab ste sna tshogs pa gcig la rnam pa gsum du dbye ba'i don rtogs par shog cig smon pa'o/__/de'ang zhib tu bshad na/__khyad par 'od gsal rdo rje snying po ye ji bzhin pa'i don dam ston pa la bzhi/__lta ba ngo sprad pa/__sgom pa ngang la bzhag pa/__spyod pa rang grol du gtong pa/__'bras bu mngon du 'gyur ba'o/__/dang po ni/__da lta rang babs kyi shes pa phyir mi spro ba nang du bzung /__rang bzhin rang babs kyi ngang du lhod kyis glod nas bzhag pas ming 'dogs spyod pa thams cad dang bral bar 'char ba de gnyug ma'i ye shes rdzogs pa chen po yin pas/__blos byas tha snyad kyi stong pas phan ma btags pa gnas lugs rang bzhag tu de nyid lta ba'o/__/gnyis pa ni/__de ltar gcer mthong rang grol du shes pa'i ngang de nyid ma shor bar skyong ba ni rang dwangs rgya mtsho dwangs pa lta bu'i ye shes la 'jog min rang bzhag pa/__de las rang rtsal snang zhing 'phro yang gnyen po'i bcos bsgyur mi byed pa ni ma bcos rang babs kyi rtsal las gang shar gshis su grol nas gnyug ma'i ngang de nyid du gnas pa ni rang ga ma/__yin lugs rjen par 'jog pas tha mal gyi shes pa de nyid rang grol du gnas pa'i rgyun bskyangs nas rgyal ba'i go 'phang thob cing sa lam chig chod du 'gyur ba ni sgom pa'o/__/gsum pa ni/__de ltar rang gnas rang bzhag gi sgom pa skyong ba'i tshe/__dgag sgrub dang chags sdang gi blo ldog shar na de nyid rang grol du gtong ba la grol lugs kyi gnad drug ste/__rang grol gnyen po med pa'i gnad kyis sbrul gyi mdud pa ltar grol bas gzhan gyis bcos mi dgos/__ye grol bskyar gzhi med pa'i gnad nam mkha'i mdud pa ltar grol bas gdod ma'i ngang la gnas/__cer grol ngo bo med pa'i gnad ngo shes kyi mi dang 'phrad pa ltar grol ba'i bden pa'i sgro 'dogs kyis stong /__rang grol snying po med pa'i gnad khang stong du rkun ma zhugs pa ltar grol bas rang bzhag la thob shor med/__'gyu grol rang sar dag pa'i gnad chu la ri mo bris pa ltar grol bas shes pa skad cig ma'i rgyun mi mthud/__shar grol dus mnyam yin pa'i gnad chu la ral gri bsnun pa ltar grol bas rtogs pa snga phyi khyad med pa ni spyod pa/__bzhi pa ni/__de ltar ma bcos par rtogs/__sgom pa rang babs su bzhag__/spyod pa rang babs su lhod pa'i gnas skabs na 'bras bu ka dag gi klong du grol te/__ngo bo stong pa chos sku/__rang bzhin gsal ba longs sku/__thugs rje kun khyab sprul pa'i sku gsum rang gnas kyi ye shes mngon du gyur nas gang zag gi mi'i lus la dgongs pa sangs rgyas su rtogs pa ni 'bras bu'o/__/gsum pa man ngag sde la smon pa ni/__shes rab rang byung sgron ma'i dbyings rum nang /__/rgyang zhags sgron mas rig gdangs sgo phyes nas/__/dag dbyings sgron mas sna tshogs rgyan bkram ste/__/thig le stong sgron zhi khro'i dkyil 'khor rdzogs/__/dang po rgyu yis ma bskyed dbyings lnga shar/__/bar du rkyen gyis ma bskyed tshom bur grub/__/tha mar lta ba'i gnas dag dbyings rig 'dres/__/yid dpyod dang bral mngon sum mthar phyin shog__/ces pa ni/__shes rab rang byung gi sgron ma ni so sor rtog pa'i shes rab yin la/__rgyang zhag chu'i sgron ma ni 'char ba'i sgo mig gi dbang po/__dag pa dbyings kyi sgron ma ni 'char ba'i yul nam mkha' rkyen bral/__thig le stong pa'i sgron ma ni 'ja' 'od zlum por 'khyil ba ste/__de'i nang du rig pa rdo rje lu gu rgyud bcings pas rim bzhin rim pa de bcud du smin nas sku phyed pa dang /__rkyang pa dang mthar gyis zhi khro'i sku yongs su rdzogs pa ste/__de dag kyang sbyor drug dang phra tig ltar rlung sbyor la sogs pa'i rgyus ma bskyed/__mun khang du bcud len la sogs pa'i rkyen gyis ma bskyed par chos nyid mngon sum/__nyams gong 'phel/__rig pa tshad phebs kyis tshom bu'i bar grub nas mthar gyi blta bya lta byed las byung ba'i chos nyid kyang zad nas dbyings rig 'dres pa'i dgongs pa la sbyor ba yid dpyod dang bral ba'i don la smon pa'o/__/yang bskyar go bder brjod na/__shes rab rang byung gi sgron ma spros bral gnyug ma'i ye shes ka dag khregs chod kyi dgongs pa rig stong zang thal du rtogs pa de'i dbyings nas/__'od gsal gyi snang ba dpag tu med pa 'char ba'i skabs su rgyang zhag chu'i sgron ma 'od rtsa dkar gyi skud pa lta bus rig gdangs 'char ba'i sgo phye nas/__dag pa dbyings kyi sgron ma 'od lnga 'ja' tshon gyi snang bas zhing khams dang gzhal yas kyi rgyan bkram ste/__thig le stong pa'i sgron ma 'od khyim zlum po'i rnam pa las/__zhi khro'i dkyil 'khor du 'char ba ste/__de yang dang po chos nyid mngon sum gyi skabs su de nyid cher 'char nas/_rig pa tshad phebs kyi tshe rkyen gyis ma bskyed pa'i snang nyams rigs lnga yab yum zung du 'brel ba'i tshom bu'i dkyil 'khor du grub/__tha ma chos nyid zad pa'i gnas skabs su lta ba'i gnad dag ste rig gdangs tshad med kyi snang cha dbyings su bsdus nas/__dbyings rig dbyer med du bsres/__nyams yid dpyod dang bral ba'i chos nyid snang nyams dbang pos mngon sum mthong ba 'od gsal thod rgal gyi nyams len mthar phyin du shog cig pa'o/__/de dag gi don bsdu ba ni/__khregs chod lta bas srid khungs gdar sha bcad/__/thod rgal bsgoms pas sku gsum rtsal rdzogs te/__/gdod nas rnam dag dang po'i sangs rgyas nyid/__/dbyer med thig le'i gzugs su gang snang ba/__/de las spros tshe sku gsum snod bcud dang /__/bsdus tshe stong nyid snying rje chos kyi sku/__/thig le nyag gcig yid yul g.yo med shog__/ces pa ni/__ka dag khregs chod kyi lta bas srid pa'i khungs bdag 'dzin gyi rtsa ba bcad de/__rang gnas chos nyid kyi gdar sha bcad/__lhun grub thod rgal gyi lam bsgoms pas sku gsum rtsal rdzogs nas/__'bras bu grol ba'i ka dag gdod ma'i gzhi rnam par dag pa'i chos nyid dang ngo bo dbyer med pa gdod ma'i sangs rgyas kun tu bzang po'i dgongs pa 'khor 'das dbyer med thig le nyag gcig tu snang ba de las spros pa'i tshe na sku gsum dag pa'i zhing khams snod bcud dwangs pa ma 'dres pa snang zhing /__bsdus tshe stong nyid snying rje dbyer med pa'i rang bzhin ye shes chos kyi sku'i bdag nyid spros bral thig le nyag gcig gi yid yul la g.yo ba med par shog cig ces smon pa'o/__/gnyis pa 'bras bu'i go 'phang spyod tshul smon pa la gsum/__'bras bu sku gsum dbyer med la smon pa dang /__phrin las kyi 'jug pa la smon pa dang /__sngags spyod kyi rten khyad par can la brten nas 'bras bu don du gnyer bar smon pa'o/__/dang po ni/__slar yang rdo rje lta bu'i ting 'dzin gyis/__/gnyis snang 'khrul pa'i bag chags kun bcom nas/__/rim pa bzhi pa'i don gyi 'od gsal dang /__/dbyer med lhan cig skyes pa bde ba'i dngos/__/bden gnyis zung du 'jug pa'i he ru ka__/mkha' dbyings shar ba dbang po'i gzhu bzhin du/__/gsal mdangs 'od zer lnga yi drwa ba can/__/stobs bcu mi 'jigs bzhi dang so sor rig__/ma 'dres bco brgyad rdzogs pa'i sangs rgyas dang /__/bla med yon tan rang bzhin gzhal med las/__/rnam kun mchog ldan ngo bo chos kyi sku/__/rnam pa longs spyod rdzogs sku grangs med kyi/__/sprul pa'i sprin 'phro sku gsum dbyer med shog__/ces pa ni/__de yang 'jug pa la dbang thob nas gdod ma'i nang dbyings su 'jug kha ma der/__slar yang rdo rje lta bu'i ting nge 'dzin gzhu bdungs ba lta bu'i gnyis su snang ba dang /__de las byung ba'i 'khrul pa'i bag chags kyi lhag mar gyur pa gnas ngan len gyi shes sgrib phra mo yan chad bcom ste/__rim pa bzhi pa'i don gyi 'od gsal de nyid slob pa'i zung 'jug gi bsgrub gzhi yin pas ngo bo gcig pa'i cha nas dbyer med lhan cig skyes pa'i bde ba'i dngos gzhir bshad la/__de nyid las mi slob pa'i zung 'jug kha sbyor yan lag bdun ldan gyi skur bzhengs pa la mkha' dbyings shar ba'i dbang po'i gzhu ste/__nam mkha' la 'ja' tshon shar ba'i dpes mtshon nas chos sku'i gdangs longs sprul gyi rnam pa'i gzugs sku gnyis su grub pa la stobs bcu dang mi 'jigs pa bzhi la sogs yon tan mtha' dag rdzogs pa'i sangs rgyas dang /__de'i bla na med pa'i yon tan gyi rang bzhin gzhal du med pa nyid las/__gzhon nu ma la pra phab pa'i snang ba ltar rnam pa thams cad pa'i mchog dang ldan pa'i chos kyi sku dang /__de'i gdangs rigs lnga gangs can mtsho bzhin lag gi rnam pa can gyi longs spyod rdzogs pa'i sku grangs med par shar ba dang /__de las sprul pa'i sku bsam gyis mi khyab pa'i sprin 'phro ba can gyi sku gsum ngo bo dbyer med thob par shog cig ces smon pa'o/__/gnyis pa ni/__mkhar khyab gzugs bzung bgrang yas sems can la/__/ji snyed khams dang bsam pa'i dbye ba bzhin/__/rang rang skad du rgyu dang 'bras bu yi/__/theg pa gnyis las brtsams pa'i chos kyi tshul/__/legs par ston la skyo ngal med par shog__/ces pa ni/__de ltar rang don du spangs rtogs mthar phyin pa'i sangs rgyas sku gsum gyi bdag nyid can du grub nas/__nam mkhas gar khyab tu rnam smin gyi gzugs sam lus bzung ba'i bgrang ba las 'das pa'i sems can gyi khams rgya mtsho lta bu la ji snyed de mang po'i sgras de snyed so so'i khams dang bsam pa'i dbye ba tha dad pa bzhin rang rang so so'i skad du rgyu dang 'bras bu'i theg pa gnyis las brtsams pa'i chos kyi tshul rgya mtsho lta bu legs par 'chad cing legs par ston pa la skyo dub dang ngal ba'i gnas mtha' dag bzod par shog cig pa'o/__/gsum pa ni/__'di dang bar dor mchog gi go 'phang ni/__/nges par 'grub pa'i lam bzang ma red na/__/zab lam 'pho ba'i rnal 'byor la goms pas/__/rnam shes mkha' spyod gnas su 'pho byas te/__/bskyed rdzogs lam gyi rim pas 'phro mthud shog__/ces pa ni/__de la bskyed rim gyi sgo nas rig 'dzin bzhi'i lam rdzogs rim gyi sgo nas/__rmi lam/__sgyu lus/__bar do/__'od gsal la sogs kyi gdams pa nyams 'og tu chud nas tshe 'di 'am/__bar dor mchog gi go 'phang bgrod pa'i lam bzang gi dngos grub ma brnyes na/__ma bsgom par 'tshang rgya ba'i zab lam 'pho ba'i rnal 'byor las 'khor ba dang 'brel ba'i sgo brgyad yig 'brus bkag la/__gtsug tor rlung gi 'khor lo'i sgo phye nas rnam par shes pa a yig la sogs pa'i rnam pas dag pa mkha' spyod dang /__bde ba can dang /__mngon par dga' ba la sogs rang bzhin sprul pa'i zhing du 'phos nas bskyed rdzogs lam kyi rim pa 'phro mthud par shog cig ces smon pa'o/__/gsum pa mjug gi don la gnyis/__gzhung don 'byed pa'i blo gros thob par smon pa dang /__skye ba dang tshe rabs thams cad du dpal ldan bla ma dang mi 'bral bar smon pa'o/__/dang po ni/__de ltar rgyu lam 'bras bu'i khyad par las/__/sku dang zhing khams 'khor dang mdzad pa ni/__/yongs su dag pa'i ye shes lam nyid du/__/byed dang mi byed sngags dang pha rol phyin/__/so sor 'byed pa'i blo gros dang ldan shog__/ces pa ni/__rgyu lam du byas nas 'bras bu phyi dus na smin pa sde snod gsum gyi lam dang /__'bras bu lam du byed pa/__dper na rang gi lus ngag yid gsum lha'i sku gsung thugs kyi rnam pa lam byed dang /__de bzhin du snod gzhal yas khang gi lam khyer dang /__bcud kyi sems can lha dang lha mo'i rang bzhin du sbyor ba dag pa'i snod bcud dang /__'od zer spro bsdus sangs rgyas kyi phrin las rnam pa bzhi'i mdzad pa lam du byed pa ste/__de bas na sangs rgyas kyi sku dang ye shes kyi khams la da lta nas yongs su dag pa'i ye shes kyi lam du byed nus pa ni 'bras bu sngags kyi theg pa dang /__de ltar byed mi nus pa ni pha rol tu phyin pa ste/__de gnyis so sor 'byed nus pa'i blo gros kyi spobs pa khyad par can thob par shog cig par smon pa'o/__/gnyis pa ni/__bdag kyang 'di nas tshe rabs thams cad du/__/rje btsun bla ma mchog dang mi 'bral zhing /__/des gsungs gsung gi bdud rtsi myong ba dang /__/de don sgrub la zhum pa med pa yi/__/tshe rabs kun tu yongs 'dzin dam pa dang /__/nam yang 'bral med rjes su 'dzin gyur cig__/ces pa ni/__dam pa'i chos kyi mtshan nyid ni thog mtha' bar gsum du dge ba zhig yin la/__de ltar dge bar byed pa bla ma dam pa dge ba'i bshes gnyen gcig pu la rags las na dus 'di nas bzung ste tshe rabs thams cad du bla ma dang mjal ba'i rgyu rkyen rten 'brel tshogs pa dang mjal nas skad cig kyang mi 'bral bar lus ngag gis zhabs tog dang /__zang zing gi 'bul ba dang /__sgrub pa'i rgyal mtshan 'dzugs pa ste mnyes pa gsum gyis brten nas ci gsung gi bka' bsgrub cing /__khyad par gsung gi bdud rtsi dam pa'i chos kyi ro myangs nas de'i sgrub pa la zhum pa med pa'i snying stobs bskyed pas 'di phyi gang rung du dngos grub rnam gnyis thob cing /__gal te cung zad 'gyangs na rgyu mthun gyi 'bras bu las skye ba phyi mar yang bla ma mtshan nyid dang ldan pa mjal nas rjes su 'dzin par shog cig pa'o/__/ ces pa 'di ni mnga' bdag khri srong lde'u btsan gyi 'bras bu mthar phyin pa'i sku ma hA paN+Dita 'jam dbyangs mkhyen brtse'i dbang po'i zhal snga nas khrid lung zab cing rgya che ba/__gnas mchog 'chi med dkar mo stag tshang bsam 'grub ke'u tshang gi gter gnas kyi sgo dbye ba'i skabs su gnas de nyid kyi dbu rtse dang gnas kyi snying por/__gter chen chos kyi rgyal po mchog gyur bde chen gling pa phrin las 'gro 'dul rtsal yum sras grwa tshang dang bcas pa la/__thugs dgyes bzhin pa'i ngang nas bstsal ba nyid mi brjed dran gsos zin bris bri 'os zhes mched grogs rnams kyis gsungs pa dang /__khyad par ye shes DA ki bde chen chos sgron dang /__gnas 'dzin dge bshes mkhas grub d+harma rA dza bcas kyi gsung ngo ma ldog par bris kyang /__da lam 'phral mkho rang gi yid la goms phyir bris pa yin pas/__da dung bcos bsgyur 'bri bsnan sogs mang du dgos pas dam pa rnams thugs mi khrel bar zhu/__sarba dA ka l+yA NaM b+ha ba tu//__//

shes rab nas zhu bcug thengs gsum byas/

Footnotes

Other Information

Retrieved from "https://khyentselineage.tsadra.org/index.php?title=JKW-KABUM-06-CHA-005&oldid=10691"
Khyentse Lineage
Collected Works of the Masters
A Tsadra Foundation initiative designed to house the writings and revelations of the masters of the Khyentse lineage.
Join the Tsadra Foundation mailing list:

Tsadra Foundation
Translation & Transmission Conference
DharmaCloud Tibetan eBooks
Buddha-Nature
Śāntideva's Life and Works
Rinchen Terdzö Chenmo
Damngak Rinpoche Dzö
Dharma Dictionary

About us
Privacy policy
General disclaimer
Site guide

Project Description

Welcome to the Khyentse Lineage Project, a Tsadra Foundation initiative designed to house the writings and revelations of the masters of the Khyentse lineage in a digital format that allows for open access to these materials in authoritative modern Tibetan editions for the sake of scholars, translators, and practitioners the world over.

About us

© Tsadra Foundation. Please feel free to use this website and its content in accordance with fair use policies for teaching, scholarship, education, and research.
See General disclaimer for more information.