JKW-KABUM-20-WA-001-093

Previous Text Back to Volume PageNext Text

Wylie title
Location	mkhyen brtse'i bka' 'bum Volume 20, sde tshan 1, Text 93, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 20: . Khams sde dge rdzong sar dgon: Rdzong sar blo gros phun tshogs, 2020.
Genre	Official Letters - chab shog

1 Texts in this Section (sde tshan or chos tshan)

93 166-167	བྱམས་པ་ངག་དབང་སྙན་གྲགས། byams pa ngag dbang snyan grags Invocation of Auspiciousness - bkra shis brjod pa   ·   Official Letters - chab shog   ·   Supplications - gsol 'debs	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

བྱམས་པ་ངག་དབང་སྙན་གྲགས། ༅། །བྱམ༷ས་པ༷འི་བདུད་རྩིས་ས་གསུམ་གདུང་སེལ་ཕྱིར། །ང༷ག་དབ༷ང་འཇམ་དཔལ་གཞོན་ནུ་ངུར་སྨྲིག་ཟོལ། །བསྟན༷་འཛི༷ན་བྱེ་བའི་ཁྱུ་མཆོག་མཁས་རྣམས་ཀྱིས། །སྙན༷་གྲ༷གས་ཕྱོགས་མཐར་སྒྲོགས་དེའི་ཞབས་པདྨོར། །གུས་པའི་ཡིད་ཀྱི་ཨུཏྤལ་དར་བབས་པར། །བཀའ་དྲིན་རྗེས་སུ་དྲན་པའི་ཉི་ཟེར་གྱིས། །དྲན་པས་དད་སྤྲོའི་འདབ་རྒྱ་དགོད་པའི་མོད། །ཞུ་གསོལ་བདུད་རྩིའི་བསུང་ཞིམ་ཅུང་ཟད་འཐུལ། །གཟོད་ནས་སྲས་བཅས་རྣམ་འདྲེན་ཇི་སྙེད་པའི། །ཡེ་ཤེས་ཆེན་པོའི་ངོ་བོར་མི་ཕྱེད་བཞིན། །སྲིད་ན་འཇིག་རྟེན་ཚུལ་དང་རྗེས་མཐུན་པར། །མཆོག་གི་སྤྲུལ་སྐུའི་ཟླ་ཤེལ་གཅིག་ཏུ་ཤར། །དེ་ཚེ་བསླབ་དང་གྲོལ་དང་ཕྲིན་ལས་ཕུལ། །ཀུན་མཁྱེན་གཉིས་པའི་ཆ་ཤས་ཡོངས་རྫོགས་བཞིན། །འཚོ་གཞེས་བརྟན་པའི་གཏམ་གྱི་སིམ་འོད་ཀྱིས། །གུས་སྤྲོའི་ཀུ་མུ་ད་དཔལ་ཉིན་བཞིན་བྱེད། །འདི་ན་ཤིན་ཏུ་བྱིས་པའི་ཐ་ཤལ་ཡང་། །བླ་མའི་ཐུགས་རྗེས་ཉེར་འཚེའི་སྐབས་བྲལ་བཞིན། །བསམ་གཏན་ཁང་བུའི་མལ་དུ་གསོལ་འདེབས་ཀྱི། །བཟླས་བརྗོད་སྙིང་པོར་བགྱི་བའི་སྐལ་བཟང་ཐོབ། །མཚམས་ཞུས། སླད་མའི་ཆར་ཡང་མཁས་དང་གྲུབ་པ་དང་། །འཕགས་རྣམས་དགྱེས་པའི་ཆོས་ཀྱི་ནོར་བུའི་ཁྲིར། །གསང་གསུམ་འཆི་མེད་མགོན་པོར་ཞབས་བརྟན་ཅིང་། །ཕན་བདེའི་ལེགས་མཛད་སྲིད་མཐར་ཁྱབ་དང་བཅས། །ཇི་སྲིད་བྱང་ཆུབ་བར་དུ་དམན་བདག་ཀྱང་། །སྔར་བཞིན་ཡེ་ཤེས་གཟིགས་པས་རྗེས་བཟུང་ནས། །ཚུལ་གནས་ཐོས་བསམ་སྒོམ་པའི་སྦྱོར་བ་ཡིས། །དོན་གཉིས་དགེ་མཚན་རྒྱས་པའི་བཀའ་དྲིན་སྩོལ། །ཅེས་རྩེ་གཅིག་གུས་པས་གསོལ་བ་འདེབས་མཚོན་བཀྲ་ཤིས་པའི་ལྷ་རྫས། ལྗོན་འདབ་སུ་ཝརྞྞའི་ཐིག་ལེ་བརྒྱད་པ་སྦག་གཉིས་བཅས་སྐྱབས་འོག་ཐར་རྩེ་སྤྲུལ་མིང་པ་འཇམ་དབྱངས་མཁྱེན་བརྩེའི་དབང་པོས་གུས་པ་ཆེན་པོས་ཕུལ་བའི་ཞུ་ཆུང་།། །། ༈

[edit]

byams pa ngag dbang snyan grags/

1. /_/byamaXs paX'i bdud rtsis sa gsum gdung sel phyir/_/ngaXg dbaXng 'jam dpal gzhon nu ngur smrig zol/_/bstanaX 'dziXn bye ba'i khyu mchog mkhas rnams kyis/_/snyanaX graXgs phyogs mthar sgrogs de'i zhabs pad+mor/_/gus pa'i yid kyi ut+pal dar babs par/_/bka' drin rjes su dran pa'i nyi zer gyis/_/dran pas dad spro'i 'dab rgya dgod pa'i mod/_/zhu gsol bdud rtsi'i bsung zhim cung zad 'thul/_/gzod nas sras bcas rnam 'dren ji snyed pa'i/_/ye shes chen po'i ngo bor mi phyed bzhin/_/srid na 'jig rten tshul dang rjes mthun par/_/mchog gi sprul sku'i zla shel gcig tu shar/_/de tshe bslab dang grol dang phrin las phul/_/kun mkhyen gnyis pa'i cha shas yongs rdzogs bzhin/_/'tsho gzhes brtan pa'i gtam gyi sim 'od kyis/_/gus spro'i ku mu da dpal nyin bzhin byed/_/'di na shin tu byis pa'i tha shal yang /_/bla ma'i thugs rjes nyer 'tshe'i skabs bral bzhin/_/bsam gtan khang bu'i mal du gsol 'debs kyi/_/bzlas brjod snying por bgyi ba'i skal bzang thob/_/mtshams zhus/_slad ma'i char yang mkhas dang grub pa dang /_/'phags rnams dgyes pa'i chos kyi nor bu'i khrir/_/gsang gsum 'chi med mgon por zhabs brtan cing /_/phan bde'i legs mdzad srid mthar khyab dang bcas/_/ji srid byang chub bar du dman bdag kyang /_/sngar bzhin ye shes gzigs pas rjes bzung nas/_/tshul gnas thos bsam sgom pa'i sbyor ba yis/_/don gnyis dge mtshan rgyas pa'i bka' drin stsol/_/ces rtse gcig gus pas gsol ba 'debs mtshon bkra shis pa'i lha rdzas/_ljon 'dab su war+N+Na'i thig le brgyad pa sbag gnyis bcas skyabs 'og thar rtse sprul ming pa 'jam dbyangs mkhyen brtse'i dbang pos gus pa chen pos phul ba'i zhu chung //__//_!_