ངག་དབང་བསྟན་པའི་ཉི་མ།

🚧 This website is under continued development. We appreciate your patience!

Previous Text Back to Volume PageNext Text

Wylie title	ngag dbang bstan pa'i nyi ma
Location	mkhyen brtse'i bka' 'bum Volume 20, sde tshan 1, Text 94, Pages 167-168 (Folios 84a3 to 84b6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. ngag dbang bstan pa'i nyi ma. In 'jam dbyangs mkhyen brtse'i dbang po'i bka' 'bum, Vol. 20: 167-168. Khams sde dge rdzong sar dgon: Rdzong sar blo gros phun tshogs, 2020.
Genre	Official Letters - chab shog  ·  Supplications - gsol 'debs
Colophon	།ཅེས་སྐྱབས་འོག་ཐ་ཆུང་པ་ངོར་ཐར་རྩེ་སྤྲུལ་མིང་འཇམ་དབྱངས་མཁྱེན་བརྩེའི་དབང་པོས་དངོས་པོ་ཀུན་གྱིས་བཏུད་དེ་གསོལ་བ་བཏབ་པ་སརྦ་དཱ་སུ་ཤྲེ་ཡོ་བྷ་བ་ཏུ།།
	ces skyabs 'og tha chung pa ngor thar rtse sprul ming 'jam dbyangs mkhyen brtse'i dbang pos dngos po kun gyis btud de gsol ba btab pa sarba dA su shre yo b+ha ba tu

1 Texts in this Section (sde tshan or chos tshan)

94 167-168	ངག་དབང་བསྟན་པའི་ཉི་མ། ngag dbang bstan pa'i nyi ma Official Letters - chab shog   ·   Supplications - gsol 'debs	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

རྫོ༷གས་པའི༷་སང༷ས་རྒྱས༷་འཇིག་རྟེན་སྨན་མཛད་ཐུགས་རྗེའི་གཟུགས། །ང༷ག་གི་དབ༷ང་ཕྱུག་ངུར་སྨྲིག་འཛིན་པའི་རྣམ་རོལ་ཅན། །བསྟན༷་པའི༷་ཉི༷་མ༷་སྲས་བཅས་རྒྱལ་བས་རབ་བསྔགས་པ། །གང་དེའི་ཞབས་པད་སྲིད་ཞིའི་གཙུག་ན་མཐོ་བའི་དྲུང་། །མགོན་ཁྱོད་ཐུགས་རྗེས་ལྷག་པར་དགོངས་པའི་ཆོས་སྨྲ་ཚུལ། །བསམ་གཏན་བདུད་རྩིའི་བཏུང་བར་མངོན་དགའི་ཡིད་ཀྱི་ཚལ། །དད་སྤྲོའི་ཨུཏྤལ་འདབ་བརྒྱ་རྒྱས་པའི་ཁོང་གསེང་ནས། །གསོལ་འདེབས་བུང་བའི་གླུ་དབྱངས་ཅུང་ཟད་ལེན་ལ་ཕྱོགས། །གང་དུ་མཐའ་གཉིས་སྤྲོས་པ་བརྟུལ་བའི་ཕ་རོལ་ནས། །སྨོན་ལམ་སྙིང་རྗེའི་འཇུག་པ་གཞར་ཡང་མི་འགོག་ཕྱིར། །མཆོག་གི་སྤྲུལ་སྐུ་གདན་གསུམ་ཚང་བའི་རྣམ་རོལ་ཅན། །ལྷ་དང་བཅས་པའི་བསྟན་འགྲོའི་དཔལ་དུ་འཚོ་གཞེས་ཤིང་། །རྟག་ཅིང་ཁྱབ་དང་ལྷུན་གྱིས་གྲུབ་པའི་ཕྲིན་ལས་མཐའ། །ནོར་བུའི་བ་གམ་རྒྱས་པར་དཀྲིགས་པའི་སྤྲིན་ཆེན་ལས། །འདིར་ཡང་ལེགས་གསུང་འདོད་པ་འཇོ་བའི་ཆར་རྒྱུན་གྱིས། །དད་སྤྲོའི་དགའ་སྟོན་ཉིན་རེ་བཞིན་ཡང་གཅིག་ཏུ་འཕེལ། །རྨོངས་དང་མ་རིག་འཐིབ་བུས་ནོན་པའི་དམན་བདག་ཀྱང་། །གང་གི་བྱིན་རླབས་ཟིལ་དངར་བཞིན་དུ་བཏུང་བ་ལས། །ལང་ཚོའི་འདུ་བྱེད་ཉམས་པར་མ་གྱུར་གསོལ་འདེབས་ཀྱི། །བཟླས་བརྗོད་མགྲིན་པའི་རོལ་མོར་འཁྲོལ་བའི་སྐབས་སུ་མཆིས། །མཚམས་ཞུས། སླད་མའི་ཆར་ཡང་སྐྱེ་འགག་མཚན་མ་རིང་དབེན་པའི། །རྡོ་རྗེའི་གསང་གསུམ་བསྐལ་པ་རྒྱ་མཚོར་ཞབས་བརྟན་ཅིང་། །ཕན་བདེའི་མཛད་པ་ནམ་མཁའི་ཕ་མཐར་སྙོམས་འཇུག་བཞིན། །བདག་ཀྱང་བྱང་ཆུབ་སྙིང་པོའི་བར་དུ་རྗེས་སུ་ཟུངས། །དེ་སྐད་གསོལ་མཚོན་རབ་དཀར་གྱི། །ལྷ་རྫས་ལེགས་བཤད་གླེགས་བམ་དང་། །རིན་ཆེན་གཉིས་པ་སྲང་འཁོར་བཅས། བཀྲ་ཤིས་ཟླ་བའི་ཚེས་ལ་ཕུལ། །ཅེས་སྐྱབས་འོག་ཐ་ཆུང་པ་ངོར་ཐར་རྩེ་སྤྲུལ་མིང་འཇམ་དབྱངས་མཁྱེན་བརྩེའི་དབང་པོས་དངོས་པོ་ཀུན་གྱིས་བཏུད་དེ་གསོལ་བ་བཏབ་པ་སརྦ་དཱ་སུ་ཤྲེ་ཡོ་བྷ་བ་ཏུ།། །། ༈

[edit]

ngag dbang bstan pa'i nyi ma/ rdzoXgs pa'iX sangaXs rgyasaX 'jig rten sman mdzad thugs rje'i gzugs/_/ngaXg gi dbaXng phyug ngur smrig 'dzin pa'i rnam rol can/_/bstanaX pa'iX nyiX maX sras bcas rgyal bas rab bsngags pa/_/gang de'i zhabs pad srid zhi'i gtsug na mtho ba'i drung /_/mgon khyod thugs rjes lhag par dgongs pa'i chos smra tshul/_/bsam gtan bdud rtsi'i btung bar mngon dga'i yid kyi tshal/_/dad spro'i ut+pal 'dab brgya rgyas pa'i khong gseng nas/_/gsol 'debs bung ba'i glu dbyangs cung zad len la phyogs/_/gang du mtha' gnyis spros pa brtul ba'i pha rol nas/_/smon lam snying rje'i 'jug pa gzhar yang mi 'gog phyir/_/mchog gi sprul sku gdan gsum tshang ba'i rnam rol can/_/lha dang bcas pa'i bstan 'gro'i dpal du 'tsho gzhes shing /_/rtag cing khyab dang lhun gyis grub pa'i phrin las mtha'/_/nor bu'i ba gam rgyas par dkrigs pa'i sprin chen las/_/'dir yang legs gsung 'dod pa 'jo ba'i char rgyun gyis/_/dad spro'i dga' ston nyin re bzhin yang gcig tu 'phel/_/rmongs dang ma rig 'thib bus non pa'i dman bdag kyang /_/gang gi byin rlabs zil dngar bzhin du btung ba las/_/lang tsho'i 'du byed nyams par ma gyur gsol 'debs kyi/_/bzlas brjod mgrin pa'i rol mor 'khrol ba'i skabs su mchis/_/mtshams zhus/_slad ma'i char yang skye 'gag mtshan ma ring dben pa'i/_/rdo rje'i gsang gsum bskal pa rgya mtshor zhabs brtan cing /_/phan bde'i mdzad pa nam mkha'i pha mthar snyoms 'jug bzhin/_/bdag kyang byang chub snying po'i bar du rjes su zungs/_/de skad gsol mtshon rab dkar gyi/_/lha rdzas legs bshad glegs bam dang /_/rin chen gnyis pa srang 'khor bcas/_bkra shis zla ba'i tshes la phul/_/ces skyabs 'og tha chung pa ngor thar rtse sprul ming 'jam dbyangs mkhyen brtse'i dbang pos dngos po kun gyis btud de gsol ba btab pa sarba dA su shre yo b+ha ba tu//__//_!_