སེམས་ཉིད་ངལ་གསོའི་བསྡུས་དོན་པད་མ་དཀར་པོའི་ཟིལ་མངར།

🚧 This website is under continued development. We appreciate your patience!

Previous Text Back to Volume Page Next Text

Wylie title	sems nyid ngal gso'i bsdus don pad ma dkar po'i zil mngar
Location	dpal sprul bka' 'bum Volume 2, Text 14, Pages (Folios to )
Author	དཔལ་སྤྲུལ་རིན་པོ་ཆེ་
Less details More details
Citation
Genre	Commentary Synoptic - bsdus don 'grel pa

[edit]

༄༅། །སེམས་ཉིད་ངལ་གསོའི་བསྡུས་དོན་པད་མ་དཀར་པོའི་ཟིལ་མངར་བཞུགས་སོ། །

དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །ཆོས་ཐམས་ཅད་གཞུང་ལམ་གཅིག་ཏུ་སྟོན་པ་རྫོགས་པ་ཆེན་པོ་སེམས་ཉིད་ངལ་གསོ་འདི་ཉིད་འཆད་པར་བྱེད་པ་ལ། ཀླད་ཀྱི་དོན་བསྟན་བཅོས་རྩོམ་པ་ལ་འཇུག་པའི་ཚུལ་བརྗོད། གཞུང་གི་དོན་དངོས་རྒྱ་ཆེར་བཤད། མཐར་ཕྱིན་པ་མཇུག་གི་དོན་བསྟན་པ་དང་གསུམ་ལས། དང་པོ་ཀླད་ཀྱི་དོན་ལ་གསུམ། མཚན་དོན། ཕྱག་གི་དོན། བརྩམ་པར་དམ་བཅའ་བའོ། །དང་པོ་མཚན་གྱི་དོན་ལ། མཚན་བསྒྱུར་བ་རྒྱ་གར་སོགས། མ་ཧཱ། མཚན་བཤད་པ་རྫོགས་པ་ཆེན་པོ། གང་ལ་མཚན་དུ་གསོལ་ན་དོན་ལ་མཚན་དུ་གསོལ་བའོ། །གཉིས་པ་ཕྱག་གི་དོན་ལ་གཉིས། དང་པོ་མདོར་བསྟན་པ། དཔལ་ཀུན་ཏུ་སོགས། གཉིས་པ་རྒྱས་པར་བཤད་པ། གདོད་མའི་སོགས། ༡༠གཉིས་པ་བརྩམ་པར་དམ་བཅའ་བ། འོད་གསལ་སོགས། ཤོ་ལོ་ཀ༡གཉིས་པ་གཞུང་གི་དོན་དངོས་རྒྱ་ཆེར་བཤད་པ་ལ་ལེའུ་བཅུ་གསུམ་ལས། དང་པོ་དལ་འབྱོར་རྙེད་དཀའ་བསམ་པའི་ལེའུ་ལ་གསུམ་སྟེ། ལེའུ་ལ་འཇུག་པ་རྒྱུའི་དོན། ལེའུ་དངོས་ཀྱི་དོན། ལེའུ་རྫོགས་པ་མཇུག་གི་དོན་བསྟན་པའོ། །དང་པོ་གྲོགས་དག་སོགས། ༡༠གཉིས་པ་ལ་ལྔ་སྟེ། དལ་འབྱོར་གྱི་དབྱེ་བ། དེ་ཐོབ་དུས་ཆོས་ལ་འབད་དགོས་པའི་རྒྱུ་མཚན། དབྱེ་བའི་གནས་གཞན། ཆོས་ལ་ངེས་པས་དལ་འབྱོར་དོན་ཡོད་པར་གདམས་པ། སྤྲོ་དགའ་བསྐྱེད་ནས་དལ་འབྱོར་སྙིང་པོ་ལོན་པར་གདམས་པའོ། །དང་པོ་ནི་དལ་དང་སོགས། ༣༡གཉིས་པ་ལ་བདུན་ཏེ། དང་པོ། ད་རེས་ཆོས་ལ་མ་འབད་ན་འཁོར་བ་མཐའ་མེད་དུ་འཁྱམས་པ་ལ་བསམས་ནས་ཀྱང་ཆོས་ལ་འབད་དགོས་པ། གལ་ཏེ་སོགས། ༡༡གཉིས་པ་རང་དབང་ཡོད་དུས་ཐར་བའི་ལམ་སྣ་ཟིན་དགོས་པས་ཀྱང་ཆོས་ལ་འབད་དགོས་པ། དེ་བས་སོགས། ༡༠གསུམ་པ་དུས་སྐབས་འཛོམ་པའི་གྲུབ་པ་རྙེད་དཀའ་བས་ཀྱང་ཆོས་ལ་འབད་པ། འཁོར་བའི་སོགས། ༡༠བཞི་པ་ཀུན་རྟོག་མཐའ་དག་ཞི་བར་བྱ་བའི་ཕྱིར་ཡང་ཆོས་ལ་འབད་པ། དེ་བས་སོགས། ༡༠ལྔ་པ་མ་འབད་ན་ཡུན་དུ་གདུང་བས་ཀྱང་ཆོས་ལ་འབད་པ། གང་ལ་སོགས། ༡༠དྲུག་པ་སངས་རྒྱས་ཀྱི་ཆོས་ཟབ་མོ་འགྲུབ་སླ་བས་ཀྱང་ཆོས་ལ་འབད་པ། དཔལ་ལྡན་སོགས། ༡༠བདུན་པ་རྙེད་དཀའ་བ་དཔེས་བསྟན་པས་ཀྱང་ཆོས་ལ་འབད་པ། ཇི་ལྟར་སོགས། ༡༡དོན་གསུམ་པ་དབྱེ་བའི་གནས་གཞན་བསྟན་པ་ལ་གསུམ་སྟེ། མདོར་བསྟན། རྒྱས་པར་བཤད། དོན་བསྡུ་བའོ། །དང་པོ། འདི་ལྟར་སོགས། ༠༢གཉིས་པ་རྒྱས་བཤད་ལ་གསུམ། དང་པོ་མི་ལུས་ཕལ་བ། རིམ་བཞིན་སོགས། ༠༣གཉིས་པ་མི་ལུས་ཁྱད་པར་ཅན། བསྟན་པ་སོགས། ༢༣གསུམ་པ་མི་ལུས་རིན་པོ་ཆེ། རབ་མཆོག་སོགས། ༢༣གསུམ་པ་དོན་བསྡུ་བ་ལ་གཉིས། དང་པོ་ཆོས་སྒྲུབ་པར་གདམས་པ། དེ་ཕྱིར་སོགས། ༡༠གཉིས་པ་དེའི་ཕན་ཡོན་བསྟན་པ། རིང་པོར་སོགས། ༠༡དོན་བཞི་པ་ཆོས་ལ་ངེས་པའི་དལ་འབྱོར་དོན་ཡོད་པར་གདམས་པ་ལ་གཉིས། དང་པོ་མ་འབད་ན་བློ་གྲོས་བླུན་པས་ཀྱང་ཆོས་ལ་ངེས་པ། གང་ཞིག་སོགས། ༡༡གཉིས་པ་ལུས་སེམས་རྟེན་འབྲེལ་གྱི་ཚོགས་དོན་ལ་བསམ་སྟེ་ཆོས་ལ་ངེས་པ། ཆོས་ཀྱང་སོགས། ༡༠དོན་ལྔ་པ་སྤྲོ་དགའ་བསྐྱེད་ནས་དལ་འབྱོར་སྙིང་པོ་ལེན་ཚུལ་ལ་གདམས་པ་ལ་ལྔ། དང་པོ་དལ་འབྱོར་རྙེད་དཀའ་བསམ་མ་བསམ་གྱི་སྐྱོན་ཡོད་ལ་གདམས་ནས་སྤྲོ་དགའ་བསྐྱེད་པ། འཆི་བས་སོགས། ༡༢གཉིས་པ་འདི་ཕྱིའི་ལེགས་དགུ་དལ་འབྱོར་སྙིང་པོར་བྱས་པ་ལས་བྱུང་བའི་སྤྲོ་དགའ་བསྐྱེད་པ། འདིར་ནི་སོགས། ༡༡གསུམ་པ་སངས་རྒྱས་གང་ལས་འབྱུང་བའི་རྟེན་ཡང་དལ་འབྱོར་ཡིན་པས་སྤྲོ་དགའ་བསྐྱེད་པ། ལྷར་བཅས་སོགས། ༤༢བཞི་པ་ལམ་དང་མངོན་པར་རྟོགས་པའི་རྟེན་ཡང་དལ་འབྱོར་ཡིན་པས་སྤྲོ་དགའ་བསྐྱེད་པ། རྣམ་པར་སོགས། ༠༦ལྔ་པ་དགའ་བ་ཁྱད་པར་ཅན་གྱི་བློས་དལ་འབྱོར་རྙེད་པ་ལ་སྤྲོ་དགའ་བསྐྱེད་པ། ཇི་ལྟར་སོགས། ༡༠དོན་གསུམ་པ་ལེའུ་རྫོགས་པ་མཇུག་གི་དོན་བསྟན་པ་ལ་གཉིས། དང་པོ་སྐབས་ཀྱི་དགེ་བ་བསྔོ་བ། དེ་ལྟར་དགེ་ལེགས་སོགས། ༡༠ལེའུའི་མཚན་བཤད་པ། རྫོགས་པ་ཆེན་པོ་སོགས། ལེའུ་དང་པོའི་བསྡུས་དོན་ཚང་ངོ་། ། ༈ གཉིས་པ་ཚེ་མི་རྟག་པ་བསམ་པའི་ལེའུ་ལ་གསུམ་སྟེ། ལེའུ་ལ་འཇུག་པ་རྒྱུའི་དོན། ལེའུ་དངོས་ཀྱི་དོན། ལེའུ་རྫོགས་པ་མཇུག་གི་དོན་ནོ། །དང་པོ་ནི། དེ་ལྟར་སོགས། ༠༥གཉིས་པ་ལེའུ་དངོས་ཀྱི་དོན་ལ་བདུན། གང་མི་རྟག་པ་ཕུང་པོའི་རང་བཞིན་ལ་བསམ་སྟེ་ཆོས་ལ་བསྐུལ་བ། ༡དུས་རིང་བའི་རྒྱུ་མཚན་དཔྱད་དེ་ཆོས་ལ། ༢དུས་ཉེ་བར་སྣ་ཚོགས་ཀྱི་རྐྱེན་ལ་བསམ་སྟེ་ཆོས་ལ། ༣སྔ་ཕྱི་ད་ལྟའི་རང་བཞིན་ལ་བསམ། ༤འཇིག་ངེས་རྐྱེན་གྱི་གཏན་ཚིག་ངེས་པས་ཆོས་ལ། ༥རང་གཞན་རྟག་འཛིན་སྐྱོར་ཤེས་འཕེལ་བས། ༦མི་རྟག་བསྒོམ་ཚུལ་ཕན་ཡོན་ཅན་དང་བཅས་པས་ཆོས་ལ་བསྐུལ་བར་གདམས་པའོ། །༧དང་པོ་གང་མི་རྟག་པ་ཕུང་པོའི་རང་བཞིན་ལ་བསམ་སྟེ་ཆོས་ལ་བསྐུལ་བ། སྡུག་བསྔལ་སོགས། ༢༠གཉིས་པ་དུས་རིང་བའི་རྒྱུ་མཚན་དཔྱད་པ་ལ་བཞི་སྟེ། དང་པོ་ཚེ་བསྐལ་བར་ཐུབ་པའི་ལྷ་ཆེན་པོ་རྣམས་ཀྱང་མི་རྟག་པ། ས་གསུམ་སོགས། ༢༡གཉིས་པ་ཁམས་གསུམ་སྤྱི་བཙན་གྱི་སྐྱེ་དགུ་རྣམས་ཀྱང་མི་རྟག་པ། ཚེ་འདི་སོགས། ༡༠གསུམ་པ་སྣོད་བཅུད་བརྟན་གཡོའི་འཇིག་རྟེན་རྣམས་ཀྱང་མི་རྟག་པ། སྣོད་བཅུད་སོགས། ༡༢བཞི་པ་སྔོན་རབས་འབྱོན་པའི་འཕགས་པ་རྣམས་ཀྱང་མི་རྟག་པ་ལ་བསམ་སྟེ་ཆོས་ལ་བསྐུལ་བ། འཇིག་རྟེན་སོགས། ༢༢གསུམ་པ་དུས་ཉེ་བའི་རྐྱེན་བསམ་པ་ལ་བཞི། དང་པོ་གཅིག་ཏུ་ངེས་པ་མེད་པས་མི་རྟག་པ། དེ་ཕྱིར་སོགས། ༡༢གཉིས་པ་གྲོང་ཁྱེར་རྙིང་པ་བཞིན་དུ་མི་རྟག་པ། འབྱུང་བཞི་སོགས། ༠༧གསུམ་པ་རླུང་ནང་གི་མར་མེ་བཞིན་དུ་མི་རྟག་པ། ཇི་ལྟར་སོགས། ༠༤བཞི་པ་ཐམས་ཅད་པོར་ནས་འགྲོ་བས་མི་རྟག་པ། འཁོར་དང་སོགས། ༡༢བཞི་པ་སྔ་ཕྱི་ད་ལྟའི་རང་བཞིན་བསམ་པ་ལ་གཉིས། དང་པོ་སྔོན་རབས་འདས་པའི་ཚུལ་ལ་དཔགས་ཏེ་མི་རྟག་པ་བསམ་པ། འདི་ལྟར་སོགས། ༣༠གཉིས་པ་ད་ལྟ་འཕོ་འགྱུར་མི་རྟག་པའི་ཚུལ་ལ་བསམ་པ། ས་གསུམ་སོགས། ༣༡ལྔ་པ་འཇིག་ངེས་རྐྱེན་གྱི་གཏན་ཚིགས་ངེས་པ་ལ་གཉིས། དང་པོ་ཉིན་མཚན་སྐད་ཅིག་ཐང་ཅིག་འགྱུར་བས་མི་རྟག་པ། འཚེ་བ་སོགས། ༠༤གཉིས་པ་འཆི་རྐྱེན་མ་ངེས་སྣ་ཚོགས་ཡོད་པས་མི་རྟག་པ། ཟག་བཅས་སོགས། ༡༣དྲུག་པ་རང་གཞན་རྟག་འཛིན་སྐྱོ་ཤས་འཕེལ་བས་ཆོས་ལ་བསྐུལ་བ་ལ་གསུམ། དང་པོ་འཆི་བ་མ་དྲན་ཚེ་འདིས་བསླུས་པ་ལ་སྐྱོ་བ། འདིར་ནི་སོགས། ༡༠གཉིས་པ་འཆི་བ་མ་དྲན་འཁོར་བར་འཆིང་བ་ལ་སྐྱོ་བ། གང་ཕྱིར་སོགས། ༡༠གསུམ་པ་འཆི་བ་མ་དྲན་མཁས་བླུན་བར་གསུམ་ལ་སྐྱོ་བ། ཀྱེ་མ་སོགས། ༢༠བདུན་པ་མི་རྟག་སྒོམ་ཚུལ་ཕན་ཡོན་དང་བཅས་པ་ལ་གཉིས། དང་པོ་མི་རྟག་པ་སྒོམ་ཚུལ་ནི། འདིར་ནི་སོགས། ༠༤གཉིས་པ་དེའི་ཕན་ཡོན་ནི། དེས་ནི་སོགས། ༡༢དོན་གསུམ་པ་ལེའུ་རྫོགས་པ་མཇུག་གི་དོན་ལ་གཉིས། དང་པོ་སྐབས་ཀྱི་དགེ་བ་བསྔོ་བ། དེ་ལྟར་སོགས། ༡༡གཉིས་པ་ལེའུའི་མཚན། རྫོགས་པ་ཆེན་པོ་སོགས། ལེའུ་གཉིས་པའི་ས་བཅད་དོ། ། ༈ གསུམ་པ་འཁོར་བ་སྡུག་བསྔལ་བསམ་པའི་ལེའུ་ལ་གསུམ་སྟེ། ལེའུ་ལ་འཇུག་པ་རྒྱུའི་དོན། ལེའུ་དངོས་ཀྱི་དོན། ལེའུ་རྫོགས་པ་མཇུག་གི་དོན་ནོ། །དང་པོ་ནི། དེ་ལྟར་སོགས། ༡༠གཉིས་པ་ལ་བཞི། རང་གཞན་མངོན་པར་སྐྱོ་བས་འཁོར་བ་སྡུག་བསྔལ་དུ་བསམ་ལ། སྡུག་བསྔལ་སེམས་ཀྱི་འཁྲུལ་སྣང་རྟེན་གཞི་དང་བཅས་པ་ལ་བསམ་པ། འགྲོ་དྲུག་འཁོར་བའི་སྡུག་བསྔལ་སྣ་ཚོགས་ལ་བསམ་པ། ཐམས་ཅད་རང་ལ་ཐུགས་པས་རང་ལས་རང་གིས་སྤྱོད་པ་ལ་བསམ་པའོ། །དང་པོ་ལ་བདུན། དང་པོ་སྡུག་བསྔལ་བརྒྱུད་ནས་མནར་བས་འཁོར་བ་ལ་སྐྱོ་བ། ཇི་ལྟར་སོགས། ༡༠གཉིས་པ་སྤང་བླང་གནས་ལ་རྨོངས་པའི་འཁོར་བ་ལ་སྐྱོ་བ། བདེ་ཐོབ་སོགས། ༢༠གསུམ་པ་འཁྲུལ་སྣང་མཐོ་དམན་དུ་བརྒྱུད་པས་འཁོར་སོགས། ལྷ་དང་སོགས། ༡༠བཞི་པ་དགྲ་གཉེན་ངེས་མེད་དུ་བྱས་པས་སོགས། ཚེ་རབས་སོགས། ༦༠ལྔ་པ་ལུས་དང་ལས་སྣང་མང་བས་སོགས། འདི་ལྟར་སོགས། ༣༠དྲུག་པ་བདེ་སྡུག་སྣ་ཚོགས་མྱོང་བས་སོགས། ༠༦བྱོལ་སོང་སོགས། བདུན་པ་ཤིན་ཏུ་འགྱུར་ཞིང་འཕོ་བས་སོགས། ཚེ་འདིར་སོགས། ༢༠གཉིས་པ་སྡུག་བསྔལ་སེམས་ཀྱི་འཁྲུལ་སྣང་རྟེན་གཞི་དང་བཅས་པ་ལ་གསུམ། དང་པོ་རྟེན་སྒོ་གསུམ་གྱི་དབྱེ་བ་ངེས་པ། ལུས་ངག་སོགས། ༠༤གཉིས་པ་བརྟེན་པ་ཚོགས་བརྒྱད་ཀྱི་དབྱེ་བ་ངེས་པ། ཀུན་གཞི་སོགས། ༠༦གསུམ་པ་ཀུན་གཞི་ལ་བག་ཆགས་སྦྱོང་ཚུལ་གྱི་དབྱེ་བ་ངེས་པ། སེམས་ཉིད་སོགས། ༠༡གསུམ་པ་འགྲོ་དྲུག་འཁོར་བའི་སྡུག་བསྔལ་སྣ་ཚོགས་ལ་བསམ་པ་ལ་གསུམ། རང་སྣང་འཁོར་བའི་སྡུག་བསྔལ་སྤྱིར་བཤད་པ། འགྲོ་དྲུག་སོ་སོའི་སྡུག་བསྔལ་བྱེ་བྲག་ཏུ་བསྟན་པ། འཁོར་བར་དགའ་བའི་སྐྱེ་བོ་རྟག་ཏུ་སྡུག་བསྔལ་བར་བསྟན་པའོ། །དང་པོ་ནི། ཨེ་མ་སོགས། ༥༠གཉིས་པ་འགྲོ་དྲུག་སོ་སོའི་སྡུག་བསྔལ་ལ་དྲུག ། དམྱལ་བ། ཡི་དྭགས། དུད་འགྲོ། མི། ལྷ་མིན། ལྷའི་སྡུག་བསྔལ་ལོ། །དང་པོ་དམྱལ་བ་ལ། ཚ་དམྱལ། ཉི་ཚེ་ཉེ་འཁོར། གྲང་དམྱལ་དང་གསུམ་ལས། དང་པོ་ཚ་དམྱལ་ལ་གཉིས། སྡུག་བསྔལ་སོ་སོར་བསྟན་པ་དང་། ཐུན་མོང་དུ་བཤད་པའོ། །དང་པོ་ལ་བརྒྱད་ཀྱི་དང་པོ་ཡང་སོས་ལའང་གཉིས་ཏེ། དང་པོ་སྡུག་བསྔལ། ཡང་སོས་སོགས། ༡༠གཉིས་པ་ཚེ་ཚད། ཚེ་ཚད་སོགས། ༢༠གཉིས་པ་ཐིག་ནག་ནི། ཐིག་ནག་སོགས། ༠༣གསུམ་པ་བསྡུས་འཇོམས་ནི། བསྡུས་འཇོམས་སོགས། ༢༢བཞི་པ་ངུ་འབོད་ནི། ངུ་འབོད་སོགས། ༢༠ལྔ་པ་ངུ་འབོད་ཆེན་པོ་ནི། འབོད་སྒྲོག་སོགས། ༢༠དྲུག་པ་ཚ་བ་ནི། ཚ་བ་སོགས། ༠༡བདུན་པ་རབ་ཏུ་ཚ་བ་ནི། རབ་ཏུ་སོགས། ༢༠བརྒྱད་པ་མནར་མེད་ནི། མནར་མེད་སོགས། ༢༠གཉིས་པ་ཚ་དམྱལ་གྱི་སྡུག་བསྔལ་ཐུན་མོང་དུ་བསྟན་པ་ནི། དགོང་དུ་སོགས། ༡༠གཉིས་པ་ཉི་ཚེ་ཉེ་འཁོར་ལ་གཉིས། ཉི་ཚེ་བ་དང་། ཉེ་འཁོར་པའོ། །དང་པོ་ལ་གཉིས་སྡུག་བསྔལ་བསྟན་པ། ཉི་ཚེ་སོགས། ༠༤གཉིས་པ་ལོག་རྟོག་དགག་པ། གཞན་དག་སོགས། ༠༢གཉིས་པ་ཉེ་འཁོར་ལ་གསུམ། མདོར་བསྟན། རྒྱས་པར་བཤད་དོན་བསྡུ་བའོ། །དང་པོ་ནི། ཉེ་འཁོར་སོགས། ༠༣གཉིས་པ་རྒྱས་པར་བཤད་པ་ལ་དྲུག །དང་པོ་མེ་མ་མུར་གྱི་འོབ་ནི། མནར་མེད་སོགས། ༠༤གཉིས་པ་རོ་མྱགས་ཀྱི་འདམ། ཡང་ནི་སོགས། ༠༣གསུམ་པ་སྤུ་གྲིའི་ཐང་། སླར་ཡང་སོགས། ༠༢བཞི་པ་རལ་གྲིའི་ནགས། ནགས་འདབས་སོགས། ༠༢ལྔ་པ་ཤལ་མ་རི། དེ་འདས་སོགས། ༢༡དྲུག་པ་ཐལ་ཚན་གྱི་ཆུ་བོ་རབ་མེད། ཡང་ནི་སོགས། ༠༤གསུམ་པ་དོན་བསྡུ་བ། དེ་ལྟའི་སོགས། ༠༣གསུམ་པ་གྲངས་དམྱལ་ལ་གསུམ། དང་པོ་སྡུག་བསྔལ་དངོས། གྲང་བས་སོགས། ༢༡གཉིས་པ་ཚེ་ཚད། ཚེ་ཡི་སོགས། ༡༠གསུམ་པ་དེ་དག་ལས་འདའ་བར་གདམས་པ། སེམས་ལྡན་སོགས། ༠༢གསུམ་པ་ཡི་དྭགས་ལ་གསུམ། དང་པོ་བྱིང་ལ་གནས་པ། ཡི་དྭགས་སོགས། ༢༣གཉིས་པ་མཁའ་ལ་རྒྱུ་བ། མཁའ་ལ་སོགས། ༢༠གསུམ་པ་དེ་དག་ལས་འདའ་བར་བསྟན་པ། དེ་ལྟའི་སོགས། གསུམ་པ་དུད་འགྲོའི་སྡུག་བསྔལ་བསམ་པ་ལ་གཉིས། དང་པོ་སྡུག་བསྔལ་དངོས། དུད་འགྲོ་སོགས། ༤༢གཉིས་པ་དེ་ལས་འདའ་བར་གདམས་པ། འདི་དག་སོགས། ༡༠བཞི་པ་མིའི་སྡུག་བསྔལ་བསམ་པ་ལ་གསུམ། སྡུག་བསྔལ་ཉིད་གསུམ་བརྒྱད་ཀྱི་ངོ་བོ་སྤྱིར་བསྟན། རྣམ་པ་བརྒྱད་ཀྱི་དབྱེ་བ་བྱེ་བྲག་ཏུ་བཤད། དེ་ལས་འདའ་བར་གདམས་པའོ། །དང་པོ་ནི། མི་རྣམས་ལ་ཡང་སོགས། ༢༢གཉིས་པ་རྣམ་པ་བརྒྱད་ཀྱི་དབྱེ་བ་ལ་བརྒྱད། དང་པོ་སྐྱེ་བའི་སྡུག་བསྔལ། མ་རིག་སོགས། ༤༠གཉིས་པ་རྒས་པའི་སྡུག་བསྔལ། རྒས་པའི་སོགས། ༣༢གསུམ་པ་ན་བའི་སོགས། ན་བའི་སོགས། ༠༥བཞི་པ་འཆི་བའི་སོགས། འཆི་བའི་སོགས། ༡༠ལྔ་པ་མི་སྡུག་པ་དང་འཕྲད་པའི་སྡུག་བསྔལ། མི་སྡུག་སོགས། ༢༠དྲུག་པ་སྡུག་པ་དང་བྲལ་བའི་སྡུག་བསྔལ། བྱམས་ཤིང་སོགས། ༠༣བདུན་པ་འདོད་པས་ཕོངས་པའི་སོགས། འདོད་པ་སོགས། ༠༢བརྒྱད་པ་ཉེར་ལེན་ཕུང་པོའི་སྡུག་བསྔལ། གཟུགས་ཚོར་སོགས། ༡༠གསུམ་པ་དེ་ལས་འདའ་བར་གདམས་པ། དེ་ལྟར་སོགས། ༡༠ལྔ་པ་ལྷ་མིན་ལ་གཉིས། དང་པོ་སྡུག་བསྔལ་དངོས། ལྷ་མིན་སོགས། ༡༠གཉིས་པ་ཆུ་བོ་དེ་ལས་འདའ་བར་གདམས་པ། དེ་བས་སོགས། ༡༢དྲུག་པ་ལྷའི་སྡུག་བསྔལ་བསམ་པ་ལ་གཉིས། དང་པོ་འདོད་ལྷའི་སྡུག་བསྔལ་བསྟན་པ། འདོད་ལྷའི་སོགས། ༡༢གཉིས་པ་ཁམས་གོང་མ་གཉིས་ཀྱི་སྡུག་བསྔལ། ཚངས་རིས་སོགས། ༠༧གསུམ་པ་འཁོར་བར་དགའ་པའི་སྐྱེ་བོ་རྟག་ཏུ་སྡུག་བསྔལ་བར་བསྟན་པ་ནི། འཁོར་བའི་སོགས། ༠༢བཞི་པ་ཐམས་ཅད་རང་ལ་ཐུགས་རང་ལས་རང་གིས་སྤྱོད་པར་བསྟན་པ་ལ་ལྔ། དང་པོ་ཐར་པ་རང་ལ་རག་ལས་པས་རང་གིས་བརྩོན་པར་བསྟན་པ། འདི་ལྟར་སོགས། ༢༠གཉིས་པ་རང་གི་ལས་སྨིན་པ་ལ་གཞན་གྱིས་དགག་དཀའ་བར་བསྟན་པ། གྲངས་མེད་སོགས། ༠༥གསུམ་པ་རྒྱལ་བའི་ཐུགས་རྗེས་འདྲེན་པའང་རང་གི་ལས་སུ་བསྟན་པ། འཁོར་བའི་སོགས། ༡༣བཞི་པ་རང་གི་ལས་སུ་མ་རྟོགས་པའི་སྐྱེ་བོ་ལ་སྐྱོ་བར་བསྟན་པ། དེ་ལྟའི་སོགས། ལྔ་པ་ལས་ངན་འཁོར་བའི་བག་ཆགས་སྦྱང་དགོས་པར་བསྟན་པ། འཁོར་བ་སོགས། ༠༥དོན་གསུམ་པ་ལེའུ་རྫོགས་པ་མཇུག་གི་དོན་ལ་གཉིས། དང་པོ་སྐབས་ཀྱི་དགེ་བ་བསྔོ་བ། དེ་ལྟར་སོགས། ༡༠གཉིས་པ་ལེའུའི་མཚན། རྫོགས་པ་སོགས། ལེའུ་གསུམ་པའི་ས་བཅད་ཚང་ངོ་། ། ༈ བཞི་པ་ལས་རྒྱུ་འབྲས་བསམ་པའི་ལེའུ་ལ་གསུམ་སྟེ། ལེའུ་ལ་འཇུག་པ་རྒྱུའི་དོན། ལེའུ་དངོས་ཀྱི་དོན། ལེའུ་རྫོགས་པ་མཇུག་གི་དོན་ནོ། །དང་པོ་ནི། དེ་ལྟར་སོགས། ༠༢གཉིས་པ་ལ་གསུམ་སྟེ། སྲིད་པ་སྒྲུབ་པའི་ལས་དང་། ཞི་བར་སྦྱོར་བའི་ལས། དེ་གཉིས་ཀྱི་གནས་སྐབས་གཞན་བསྟན་པའོ། །དང་པོ་ལ་གསུམ་སྟེ། ལས་ཀྱི་ངོ་བོ་མདོར་བསྟན། དེའི་རྟེན་གཞི་བྱེ་བྲག་ཏུ་བཤད། རྟེན་ཆོས་ལས་ཀྱི་རབ་ཏུ་དབྱེ་བའོ། །དང་པོ་མདོར་བསྟན་ནི། འཁོར་བར་སོགས། ༣གཉིས་པ་རྟེན་གཞི་བྱེ་བྲག་ཏུ་བཤད་པ་ལ་བཅུ་གཉིས། དང་པོ་ཀུན་གཞི་དང་ཚོགས་བརྒྱད་ཀྱི་ངོ་བོ་སྤྱིར་བསྟན་པ། དེ་ཡི་སོགས། ༢༡གཉིས་པ་དེ་ལ་ལས་སོགས་པ་དང་བརྟེན་ཚུལ་བྱེ་བྲག་ཏུ་བསྟན་པ། དེ་ཡང་སོགས། ༡༢གསུམ་པ་ཚོགས་བརྒྱད་ཀུན་གཞི་དང་བཅས་པའི་རང་འདུས་ངོས་བཟུང་བ། ཤེས་པ་སོགས། ༡༣བཞི་པ་དེ་གོམས་པས་ཁམས་གསུམ་གྱི་འཁྲུལ་སྣང་འགྲུབ་ཚུལ་འདི་དག་སོགས། ༠༢ལྔ་པ་ཁམས་གསུམ་སོ་སོའི་སར་གང་གཙོ་ངོས་གཟུང་བ། དེ་ཡང་སོགས། ༠༥དྲུག་པ་འདོད་པར་ཉིན་མཚན་ངེས་པའི་ཤེས་པ་ངོས་གཟུང་བ། འདི་ལྟར་སོགས། ༢༣བདུན་པ་གཟུགས་ཁམས་རང་སའི་ཤེས་པ་ངོས་གཟུང་བ། གཟུགས་སུ་སོགས། ༠༥བརྒྱད་པ་གཟུགས་མེད་རང་སའི་ཤེས་པ་ངོས་གཟུང་བ། གཟུགས་མེད་སོགས། ༠༧དགུ་པ་ཁམས་གོང་མའི་སེམས་ལས་གྲོལ་དགོས་པར་གདམས་པ། དེ་ལྟར་སོགས། ༠༥བཅུ་པ་འདོད་པར་ལས་ཁྱད་པར་ཅན་གྱི་བསགས་སྦྱངས་དགོས་པར་གདམས་པ། འདོད་པའི་སོགས། ༠༥བཅུ་གཅིག་པ་འདོད་པར་ཉིན་དུས་ཀྱི་ཤེས་པའི་ཆ་དབྱེ་བ། ཉིན་དུས་སོགས། ༠༦བཅུ་གཉིས་པ་འདོད་པར་ཉིན་མཚན་གྱི་ཤེས་པ་ལ་ངོ་བོ་གཅིག་པའི་གནས་སྐབས་བསམ་པ། གཉིས་སུ་སོགས། ༡༠གསུམ་པ་རྟེན་ཆོས་ལས་ཀྱི་རབ་ཏུ་དབྱེ་བ་ལ་གསུམ། རྩ་བའི་ལས་མདོར་བསྟན། དེའི་བསྐྱེད་པའི་ལས་དངོས་རྒྱས་པར་བཤད། སྐབས་ཀྱི་དོན་བསྡུ་བའོ། །དང་པོ་རྩ་བའི་ལས་ནི། རྟེན་ཆོས་སོགས། ༠༣གཉིས་པ་དེས་བསྐྱེད་པའི་ལས་ལ་གཉིས། མི་དགེ་བ་བཅུ་དང་། དགེ་བ་བཅུའོ། །དང་པོ་མི་དགེ་བ་བཅུ་ལ་གཉིས་ཏེ། རང་བཞིན་དང་འབྲས་བུའོ། །རང་བཞིན་ལ་གཉིས་ཏེ། མདོར་བསྟན་པ་དང་། རྒྱས་པར་བཤད་པའོ། །དང་པོ་མདོར་བསྟན་ནི། འཁོར་བར་སོགས། ༠༡གཉིས་པ་རྒྱས་པར་བཤད་པ་ལ་གསུམ། དང་པོ་ལུས་ཀྱི་ལས་གསུམ། སྲོག་གཅོད་སོགས། ༠༦གཉིས་པ་ངག་གི་ལས་བཞི། རྫུན་ཚིག་སོགས། ༠༢གསུམ་པ་ཡིད་ཀྱི་ལས་གསུམ། བརྣབ་སེམས་སོགས། ༠༦གཉིས་པ་འབྲས་བུ་ལ་གསུམ། མདོར་བསྟན། རྒྱས་པར་བཤད། དོན་བསྡུ་བའོ། །དང་པོ་མདོར་བསྟན་ནི། ཡུལ་དང་སོགས། ༠༣གཉིས་པ་ལ་ལྔ། དང་པོ་རྣམ་སྨིན་གྱི་འབྲས་བུ། ལས་བཅུ་སོགས། ༠༢གཉིས་པ་བྱེད་པ་རྒྱུ་མཐུན། རྒྱུ་མཐུན་སོགས། ༠༢གསུམ་པ་མྱོང་བ་རྒྱུ་མཐུན། མཐོ་རིས་སོགས། ༠༣བཞི་པ་དབང་འབྲས། དབང་གི་སོགས། ༠༧ལྔ་བ་སྐྱེས་བུ་བྱེད་འབྲས། སྐྱེས་བུ་སོགས། ༠༢གསུམ་པ་དོན་བསྡུ་བ། མདོར་བསྟན་སོགས། ༡༠གཉིས་པ་དགེ་བ་བཅུའི་ལས་ལ་གཉིས། དང་པོ་ངོ་བོ་སྤྱིར་བསྟན་པ། མཐོ་རིས་སོགས། ༠༦གཉིས་པ་འབྲས་བུ་བྱེ་བྲག་ཏུ་བསྟན་པ། ཆུང་ངུས་སོགས། ༠༥གསུམ་པ་སྐབས་ཀྱི་དོན་བསྡུ་བ། དེ་ལྟར་སོགས། གཉིས་པ་ཞི་བར་སྦྱོར་བའི་ལས་ལ་གསུམ། ལས་ཀྱི་ངོ་བོ་སྤྱིར་བསྟན་པ། དེའི་རྟེན་གཞི་བྱེ་བྲག་ཏུ་བཤད། རྟེན་ཆོས་ལས་ཀྱི་དབྱེ་བ་ངེས་པའོ། །དང་པོ་ལས་ཀྱི་ངོ་བོ་ལ་གཉིས། དང་པོ་ངོ་བོ་དངོས་བསྟན་པ། ཐར་པའི་སོགས། ༢༣གཉིས་པ་དེ་ཉིད་སྒྲུབ་ཚུལ་བསྟན་པ། དེ་ཡང་སོགས། ༠༦གཉིས་པ་རྟེན་གཞི་ནི། ཐར་བ་སོགས། ༠༢གསུམ་པ་རྟེན་ཆོས་ལས་ཀྱི་དབྱེ་བ་ལ་གསུམ། ཐར་བ་ཆ་མཐུན་གྱི་རྩ་བའི་ལས། དེའི་བསྐྱེད་པ་ཡན་ལག་གི་ལས། ལས་ཀྱི་འབྲས་བུ་བསྟན་པའོ། །དང་པོ་རྩ་བའི་ལས་ནི། རིགས་དེ་སོགས། ༢༠གཉིས་པ་དེའི་བསྐྱེད་པ་ཡན་ལག་གི་ལས་ལ་གཉིས། དང་པོ་ཟུང་འབྲེལ་ཁྱད་པར་ཅན་གྱི་ལས་བསྟན་པ། འཇིག་རྟེན་སོགས། ༠༥གཉིས་པ་ལས་སུ་བརྟགས་པའི་ངེས་ཚིག་བཤད་པ། དེ་ཡང་སོགས། ༠༣གསུམ་པ་འབྲས་བུ་ལ་གཉིས། འབྲས་བུ་བཞིའི་རང་བཞིན་སྤྱིར་བསྟན་པ་དང་། སྦྱིན་སོགས་ཁྱད་པར་ཅན་གྱི་འབྲས་བུ་བྱེ་བྲག་ཏུ་བསྟན་པའོ། །དང་པོ་ལ་མདོར་བསྟན་པ་དང་། རྒྱས་པར་བཤད་པ་གཉིས། དང་པོ་མདོར་བསྟན་ནི། ལམ་ཞུགས་སོགས། ༠༢གཉིས་པ་རྒྱས་བཤད་ལ་བཞི། དང་པོ་རྣམ་སྨིན་གྱི་འབྲས་བུ་ནི། དེ་དག་སོགས། ༠༢གཉིས་པ་རྒྱུ་མཐུན་གྱི་འབྲས་བུ་ནི། རྒྱུ་མཐུན་སོགས། ༠༦གསུམ་པ་དབང་གི་འབྲས་བུ། དབང་གིས་སོགས། ༢༢བཞི་པ་བྱེད་པའི་འབྲས་བུ། སྐྱེས་བུ་སོགས། ༠༢གཉིས་པ་སྦྱིན་སོགས་ཁྱད་པར་ཅན་གྱི་འབྲས་བུ་ལ་གཉིས། དང་པོ་སྦྱིན་སོགས་དྲུག་གི་འབྲས་བུ། གཞན་ཡང་སོགས། ༠༣གཉིས་པ་བྱམས་སོགས་བཞིའི་འབྲས་བུ། བྱམས་པས་སོགས། ༦དོན་གསུམ་པ་དེ་གཉིས་ཀྱི་གནས་སྐབས་གཞན་བསྟན་པ་ལ་གསུམ། ལས་རྒྱུ་འབྲས་ཀྱི་རང་བཞིན་བསྟན་པ། ཚུལ་གཞན་གྱི་ལོག་རྟོག་དགག་པ། ཡང་དག་པའི་རྒྱུ་འབྲས་བསྒྲུབ་པའོ། །དང་པོ་རྒྱུ་འབྲས་ཀྱི་རང་བཞིན་ལ་གསུམ། དང་པོ་ལས་འབྲས་ཀྱི་ངོ་བོ་རྟེན་འབྲེལ་དུ་བསྟན་པ། དེ་ལྟར་སོགས། ༡༠གཉིས་པ་ལས་འབྲས་ཀྱི་སྣང་ཚུལ་སྒྱུ་མར་བསྟན་པ། གདོད་ནས་སོགས། ༢༠གསུམ་པ་ལས་འབྲས་ཀྱི་རང་བཞིན་སྣང་བ་ལ་རང་བཞིན་མེད་པར་བསྟན་པ། ལས་རྣམས་སོགས། ༢༠གཉིས་པ་ཚུལ་གཞན་གྱི་ལོག་རྟོག་དགག་པ་ལ་བཞི། དང་པོ་ཚུལ་གཞན་གྱི་རང་བཞིན་བརྗོད་པ། གང་ཞིག་སོགས། ༠༦གཉིས་པ་དེ་དག་གི་ཁས་བླང་དགོད་པ། རྒྱུ་འབྲས་སོགས། ༡༠གསུམ་པ་བཞད་གད་ཀྱི་གནས་སུ་བསྟན་པ། ཆད་པ་སོགས། ༤༠བཞི་པ་ཚར་བཅད་ཀྱི་རིག་པ་དགོད་པ། ནམ་མཁའ་སོགས། ༠༦གསུམ་པ་ཡང་དག་པའི་རྒྱུ་འབྲས་བསྒྲུབ་པ་ལ་གཉིས། དང་པོ་རྟེན་འབྲེལ་སྒྱུ་མའི་ལས་རྣམ་པར་བཞག་པ། ཡང་དག་སོགས། ༠༣གཉིས་པ་དགེ་སྡིག་བླང་དོར་དུ་བྱ་བའི་མཆོག་ཐར་བའི་ལས་སྒྲུབ་པར་གདམས་པ། འདིར་ནི་སོགས། ༡༠དོན་གསུམ་པ་ལེའུ་རྫོགས་པ་མཇུག་གི་དོན་ལ་གཉིས། དང་པོ་སྐབས་ཀྱི་དགེ་བ་བསྔོ་བ། དེ་ལྟར་སོགས། ༣༠གཉིས་པ་ལེའུའི་མཚན། རྫོགས་པ་སོགས། ལེའུ་བཞི་པའི་བསྡུས་དོན་ཚང་ངོ་། ། ༈ ལྔ་པ་དགེ་བའི་བཤེས་གཉེན་བསྟེན་པའི་ལེའུ་ལ་གསུམ་སྟེ། ལེའུ་ལ་འཇུག་པ་རྒྱུའི་དོན། ལེའུ་དངོས་ཀྱི་དོན། ལེའུ་རྫོགས་པ་མཇུག་གི་དོན་ནོ། །དང་པོ་ནི། དེ་ལྟར་སོགས། ༠༢གཉིས་པ་ལེའུ་དངོས་ལ་བདུན། གང་ལ་བརྟེན་པ་བླ་མའི་རང་བཞིན། གང་གིས་བསྟེན་པ་སློབ་མའི་ཁྱད་པར། ཇི་ལྟར་བརྟེན་ཚུལ་ཐབས་ཀྱི་ཡན་ལག །འགལ་ཟླ་སྡིག་པའི་རྩ་ལག་སྤང་བ། མཐུན་རྐྱེན་དགེ་བའི་རྩ་བ་བསྟན་པ། ལམ་ཟབ་བླ་མའི་རྣལ་འབྱོར་བསྟན་པ། རྟག་ཏུ་དགེ་བའི་བཤེས་གཉེན་བསྟེན་པར་གདམ་པའོ། །དང་པོ་ལ་ལྔ། ལེགས་དགུའི་འབྱུང་གནས་དམ་པ་བསྟན་པ། བརྟེན་པ་བཟང་ངན་གྱི་ལེགས་ཉེས་བསམ་པ། བཤེས་གཉེན་དམ་པའི་མཚན་ཉིད་བསྟན་པ། དེ་ཡི་ཡོན་ཏན་རླབས་ཆེན་བསམ་པ། དམ་པ་བསྟེན་པའི་མན་ངག་སྦྱིན་པའོ། །དང་པོ་ནི། དུས་གསུམ་སོགས། ༠༥གཉིས་པ་ནི། ཇི་ལྟར་སོགས། ༠༦གསུམ་པ་བཤེས་གཉེན་དམ་པའི་མཚན་ཉིད་ལ་གསུམ། དང་པོ་བཤེས་གཉེན་སྤྱིའི་མཚན་ཉིད། དམ་པ་སོགས། ༡༠གཉིས་པ་ཁྱད་པར་གྱི་མཚན་ཉིད། ཞི་སྐུ་སོགས། ༢༠གསུམ་པ་གསང་སྔགས་བླ་མའི་མཚན་ཉིད། ཁྱད་པར་སོགས། ༢༠བཞི་པ་ཡོན་ཏན་བསམ་པ་ལ་ལྔ། དང་པོ་མཐའ་ཡས་ཡོན་ཏན་ལྷུན་གྱིས་གྲུབ་པའི་ཡོན་ཏན། གང་གི་སོགས། ༣༢གཉིས་པ་ཚད་མེད་ཡོན་ཏན་གཞན་དུ་མེད་པའི་སོགས། དགོང་ཀློང་སོགས། ༠༢གསུམ་པ་ས་ཆེན་འགྲོ་བའི་རྟེན་དུ་གྱུར་པའི། དེ་འདྲའི་སོགས། ༠༥བཞི་པ་རྒྱལ་བ་ཀུན་དང་སྐལ་བ་མཉམ་པའི་སོགས། དཀོན་མཆོག་སོགས། ༠༦ལྔ་པ་བྱིན་རླབས་ཕན་བདེའི་སྤྲིན་ཚོགས་མངའ་བའི་ཡོན་ཏན། དེ་དག་སོགས། ༠༩ལྔ་པ་དམ་པ་བསྟེན་པའི་མན་ངག་ལ་གཉིས། དང་པོ་མདོར་བསྟན་པ། ཇི་ལྟར་སོགས། ༠༦གཉིས་པ་རྒྱས་པར་བཤད་པ། བླ་མ་སོགས། ༠༦གཉིས་པ་གང་གིས་བརྟེན་པ་སློབ་མའི་ཁྱད་པར་ལ་གསུམ། དང་པོ་སློབ་མ་ངན་པའི་རང་བཞིན་སྤང་བ། གཞན་དུ་སོགས། ༣༡གཉིས་པ་ངན་པའི་ཀུན་སྤྱོད་སྤང་བ། ལ་ལས་སོགས། ༠༥གསུམ་པ་སློབ་མ་བཟང་པོའི་རང་བཞིན་བསྟན་པ། སྐལ་བཟང་སོགས། ༠༦གསུམ་པ་ཇི་ལྟར་བསྟེན་པ་ཐབས་ཀྱི་ཡན་ལག་ལ་གསུམ། སྤང་བྱ་སྤོང་བའི་ཐབས། བླང་བྱ་བསྟེན་པའི་ཐབས། དེ་གྲུབ་པའི་འབྲས་བུ་བསྟན་པའོ། །དང་པོ་སྤང་བྱ་ལ་དྲུག །དང་པོ་བླ་མའི་ཉེས་སྐྱོན་བརྟགས་པ་སྤང་བ། རྟག་ཏུ་སོགས། ༡༠གཉིས་པ་བླ་མའི་ཐུགས་དང་འགལ་བ་སྤང་བ། བླ་མ་སོགས། ༠༧གསུམ་པ་ལུས་ཀྱི་མ་གུས་པ་སྤང་པ། བླ་མའི་སྤྱན་སོགས། ༠༣བཞི་པ་ངག་གི་སོགས། བབ་བཅོལ་སོགས། ༠༢ལྔ་པ་ཡིད་ཀྱིས་སོགས། བླ་མའི་རྫས་སོགས། ༠༦དྲུག་པ་བླ་མ་རང་སྣང་ལོག་པ་སྤང་བ། གལ་ཏེ་སོགས། ༡༠གཉིས་པ་བླང་བྱ་བསྟེན་ཐབས་ལ་བཞི། དང་པོ་ལུས་ངག་མདང་གསལ་གྱིས་མཉེས་པ། བླ་མ་མཐོང་སོགས། ༡༠གཉིས་པ་རང་སེམས་རྣམ་དག་གིས་སོགས། རྟག་ཏུ་སོགས། ༢༠གསུམ་པ་བསྙེན་བཀུར་ཞབས་ཏོག་གིས་སོགས། རང་ལ་སོགས། ༠༣བཞི་པ་རང་ཕྱོགས་འགྱུར་མེད་ཀྱིས་མཉེས་པ། གཞན་གྱི་སོགས། ༡༠གསུམ་པ་དེས་འགྲུབ་པའི་འབྲས་བུ། དེ་རྣམས་སོགས། ༠༥བཞི་པ་འགལ་ཟླ་སྡིག་པའི་རྩ་ལག་སྤང་བ་ལ་གསུམ། དང་པོ་སྡིག་པའི་བཤེས་གཉེན་སྤང་བ། དེ་ལྟར་སོགས། ༣༡གཉིས་པ་སྡིག་པའི་གྲོགས་པོ་སྤང་བ། སྡིག་པའི་སོགས། ༠༡གསུམ་པ་བཤེས་དང་གྲོགས་ངན་སྤང་བའི་ཕན་ཡོན། སྡིག་པའི་སོགས། ༣༠ལྔ་པ་མཐུན་རྐྱེན་དགེ་བའི་རྩ་ལག་བརྟེན་པ་ལ་གསུམ། དང་པོ་དགེ་གྲོགས་བསྟེན་པར་འོས་པ། དགེ་བའི་གྲོགས་པོ་སོགས། ༠༦གཉིས་པ་དེའི་ཕན་ཡོན་ལ་བསྔགས་པ། དགེ་བའི་བཤེས་སོགས། ༠༦གསུམ་པ་ཡོན་ཏན་གཞན་ཡང་བསྟན་པ། དེ་ཡིས་སོགས། ༡༠དྲུག་པ་ལམ་ཟབ་བླ་མའི་རྣལ་འབྱོར་བསྟན་པ་ལ་གསུམ། རྒྱུན་དུ་བསྒོམ་པ་ལས་ཚོགས་དང་བཅས་པ། བར་ཆད་བཟློག་པ་དམིགས་གནད་དང་བཅས་པ། ཐབས་དེས་གྲུབ་པ་ཕན་ཡོན་དང་བཅས་པའོ། །དང་པོ་རྒྱུན་དུ་བསྒོམ་པ་ལས་ཚོགས་དང་བཅས་པ་ལ་གསུམ། སྒོམ་ཚུལ། ལས་ཚོགས། ཆ་རྐྱེན་ནོ། །དང་པོ་སྒོམ་ཚུལ་ལ་གཉིས། དང་པོ་བསྐྱེད་པ་སྐུའི་ལམ་ཁྱེར། ཇི་ལྟར་སོགས། ༠༧གཉིས་པ་གྲགས་སྟོང་གསུང་གི་ལམ་ཁྱེར། མཚན་ཉིད་དེ་སོགས། ༠༢གཉིས་པ་ལས་ཚོགས་ལ་བཞི། དང་པོ་ཞི་བ། གདོན་སོགས། ༠༣གཉིས་པ་རྒྱས་པ། ཚེ་དཔལ་སོགས། གསུམ་པ་དབང་། དབང་སོགས། ༠༢བཞི་པ་དྲག་པོ། བགེགས་དང་། ཆ་རྐྱེན་ལ་གསུམ་དང་པོ་མགྲོན་བསམ་པ། སྔགས་བཟླས་སོགས། ༠༢གཉིས་པ་རྫོགས་རིམ་གྱི་རྣལ་འབྱོར། རྗེས་རྣམས་སོགས། ༠༢གསུམ་པ་ཕན་ཡོན་གྱི་རང་བཞིན་སོ་སོའི་སོགས། ༠༢གཉིས་པ་བར་ཆད་བཟློག་པ་བླ་མའི་རྣལ་འབྱོར་ལ་ལྔ། དང་པོ་མགྲོན་བསམ་པ། ཁྱད་པར་སོགས། ༠༧གཉིས་པ་མཆོད་རྫས་སྤྲུལ་པ། རང་སེམས་སོགས། ༠༧གསུམ་པ་མཆོད་པ་འབུལ་ཞིང་དངོས་གྲུབ་བླང་བ། རང་སེམས་སོགས། ༢༠བཞི་པ་རྒྱས་གདབ་བྱ་བ། རྗེས་ལ་སོགས། ༣༠ལྔ་པ་ཕན་ཡོན་བསྟན་པ། འདིས་ནི་སོགས། ༢༠གསུམ་པ་ཐབས་དེས་གྲུབ་པའི་ཕན་ཡོན། གང་གིས་སོགས། ༣བདུན་པ་རྟག་ཏུ་དགེ་བའི་བཤེས་གཉེན་བསྟན་པར་གདམ་པ་ལ་གཉིས། དང་པོ་ཕན་བདེའི་འབྱུང་གནས་བཤེས་གཉེན་བསྟེན་པར་གདམ་པ། དཔལ་ལྡན་སོགས། ༡༠གཉིས་པ་སྐྱོ་དུབ་སྤང་སྟེ་བསྟེན་པར་གདམ་པ། ཐོག་མེད་སོགས། ༡༠དོན་གསུམ་པ་ལེའུ་རྫོགས་པ་མཇུག་གི་དོན་ལ་གཉིས། དང་པོ་སྐབས་ཀྱི་དགེ་བ་བསྔོ་བ། དེ་ལྟར་སོགས། ༡༠གཉིས་པ་ལེའུའི་མཚན། རྫོགས་པ་སོགས། ལེའུ་ལྔ་བའི་བསྡུས་དོན་ཚང་ངོ་། ། ༈ དྲུག་པ་སྐྱབས་སུ་འགྲོ་བའི་ལེའུ་ལ་གསུམ་སྟེ། ལེའུ་ལ་འཇུག་པ་རྒྱུའི་དོན། ལེའུ་དངོས་ཀྱི་དོན། ལེའུ་རྫོགས་པ་མཇུག་གི་དོན། དང་པོ་ནི། དེ་ལྟར་སོགས། ༣གཉིས་པ་ལ་བཞི་སྟེ། གང་གིས་སྐྱབས་སུ་འགྲོ་བའི་གང་ཟག །གང་ལ་སྐྱབས་སུ་འགྲོ་བའི་ཡུལ། ཇི་ལྟར་སྐྱབས་སུ་སོང་བའི་ཚུལ། དེ་ལྟར་སྐྱབས་སུ་སོང་བའི་བསླབ་བྱ། སྐྱབས་འགྲོ་རྒྱུད་ལ་བརྟེན་པའི་ཕན་ཡོན་ནོ། །དང་པོ་ལ་གཉིས། དང་པོ་སྐྱེས་བུ་གསུམ་གྱི་དབྱེ་བ་བསྟན་པ། ལམ་རྣམས་སོགས། ༠༢གཉིས་པ་བློ་རིགས་གསུམ་གྱི་དུས་ཚིག་ངོས་བཟུང་བ། དུས་ཀྱང་སོགས། ༡༢གཉིས་པ་གང་ལ་སྐྱབས་སུ་འགྲོ་བའི་ཡུལ་ལ་གཉིས། ཡུལ་གྱི་དབྱེ་བ་སྤྱིར་བསྟན་པ། མཆོག་གསུམ་བྱེ་བྲག་སོ་སོར་བཤད་པའོ། །དང་པོ་ནི། ཡུལ་རྣམས་སོགས། ༢༠གཉིས་པ་མཆོག་གསུམ་བྱེ་བྲག་ཏུ་བཤད་པ་ལ་གསུམ། སངས་རྒྱས་དང་ཆོས་བསྟན། ལུང་དང་རྟོགས་པའི་ཆོས་བྱེ་བྲག་ཏུ་བཤད། དགེ་འདུན་དཀོན་མཆོག་གི་གནས་བསྟན་པའོ། །དང་པོ་ནི། རྒྱུ་ཡི་སོགས། ༠༥གཉིས་པ་ལུང་དང་རྟོགས་པའི་ཆོས་བྱེ་བྲག་ཏུ་བཤད་པ་ལ་གཉིས། ལུང་དང་། རྟོགས་པའི་ཆོས་སོ། །དང་པོ་ལུང་ལ་གཉིས། དང་པོ་ཕྱིའི་ལུང་གི་ཆོས་ནི། དེ་ཡང་སོགས། ༠༥གཉིས་པ་ནང་ལུང་གི་ཆོས་ནི། རྒྱུད་ནི་སོགས། ༡༠གཉིས་པ་རྟོགས་པའི་ཆོས་ལ་བཞི། དང་པོ་དབྱེ་བ་སྤྱིར་བསྟན་པ། རྟོགས་པའི་སོགས། ༠༣གཉིས་པ་ལམ་རྟོགས་པའི་ཆོས་བྱེ་བྲག་ཏུ་བཤད་པ། དེ་ཡང་སོགས། ༠༣གསུམ་པ་འབྲས་བུ་རྟོགས་པའི་ཆོས་ཁྱད་པར་དུ་བཤད་པ། སློབ་པའི་སོགས། ༡༠བཞི་པ་དེ་དག་གི་དོན་བསྡུ་བ། ཚོགས་སྦྱོར་སོགས། ༠༣གསུམ་པ་དགེ་འདུན་དཀོན་མཆོག་གི་གནས་བསྟན་པ། དགེ་འདུན་སོགས། ༠༣གསུམ་པ་ཇི་ལྟར་སྐྱབས་སུ་འགྲོ་ཚུལ་ལ་གཉིས། རྒྱུའི་སྐྱབས་སུ་འགྲོ་ཚུལ་དང་། འབྲས་བུའི་སྐྱབས་སུ་འགྲོ་ཚུལ་ལོ། ། དང་པོ་རྒྱུའི་སྐྱབས་འགྲོ་ལ་གསུམ། དང་པོ་རྒྱུའི་སྐྱབས་ཡུལ་བསམ་པ། འདི་དག་སོགས། ༠༢གཉིས་པ་དེ་ལ་སྐྱབས་སུ་འགྲོ་བ། རྣམ་པ་སོགས། ༠༣གསུམ་པ་དེའི་ཕན་ཡོན། དགྱེས་ཤིང་སོགས། ༠༣གཉིས་པ་འབྲས་བུའི་སྐྱབས་འགྲོ་ལ་གསུམ། དང་པོ་སྐྱབས་ཡུལ་ངོས་གཟུང་བ། མཐར་ཐུག་སོགས། ༠༣གཉིས་པ་དེ་ལ་སྐྱབས་འགྲོ་བྱེད་ཚུལ། དེ་ཡི་སོགས། ༠༦གསུམ་པ་དེའི་ཕན་ཡོན་བསྔགས་པ། དེས་ནི་སོགས། བཞི་བ་དེ་ལྟར་སྐྱབས་སུ་སོང་བའི་བསླབ་བྱ་བསྟན་པ་ལ་གསུམ། རྒྱུའི་བསླབ་བྱ། འབྲས་བུའི་བསླབ་བྱ། ཐུན་མོང་དུ་གདམ་པའོ། །དང་པོ་རྒྱུའི་བསླབ་བྱ་ལ་བཞི། དང་པོ་སྤྱིར་བསྟན་པ། བསླབ་བྱ་སོགས། ༠༣གཉིས་པ་དམིགས་ཀྱིས་བསལ་བ། བླ་མར་སོགས། ༠༢གསུམ་པ་ཆ་ཤས་ཀྱི་དབྱེ་བ། སངས་རྒྱས་སོགས། ༠༣བཞི་བ་དོན་བསྡུ་བ། དེ་དག་སོགས། ༠༢གཉིས་པ་འབྲས་བུའི་བསླབ་བྱ་ནི། འབྲས་བུའི་སོགས། ༠༡གསུམ་པ་ཐུན་མོང་དུ་གདམས་པ། གཏོང་རྒྱུ་སོགས། ༡༠ལྔ་པ་སྐྱབས་འགྲོའི་ཕན་ཡོན་ལ་བདུན། དང་པོ་རྟག་ཏུ་ཕན་བདེས་སྐྱོབ་པའི་ཕན་ཡོན། སྐྱབས་གཞན་སོགས། ༡༠གཉིས་པ་ཐར་བའི་ལོ་ཏོག་འཕེལ་བའི་སོགས། དེ་ནས་སོགས། ༡༠གསུམ་པ་ཡོན་ཏན་རླབས་ཆེན་འགྲུབ་པའི་སོགས། ཆོས་ཚུལ་སོགས། ༠༥བཞི་པ་མཐར་ཐུག་བྱང་ཆུབ་ཐོབ་པའི་ཕན་ཡོན། འགྲོ་ཀུན་སོགས། ༠༣ལྔ་པ་བསོད་ནམས་ཚད་མེད་པ་འགྲུབ་པའི་སོགས། སྐྱབས་སོང་སོགས། ༠༢དྲུག་པ་ལེགས་དགུའི་ཡོན་ཏན་འཕེལ་བའི། ལེགས་པའི་སོགས། ༠༢བདུན་པ་དོན་གཉིས་ལྷུན་གྱིས་གྲུབ་པའི་ཕན་ཡོན་བསྔགས་པ། ཉེས་སྤོང་སོགས། ༡༠དོན་གསུམ་པ་ལེའུ་རྫོགས་པ་མཇུག་གི་དོན་ལ་གཉིས། དང་པོ་སྐབས་ཀྱི་དགེ་བ་བསྔོ་བ། དེ་ལྟར་སོགས། ༡༠གཉིས་པ་ལེའུའི་མཚན། རྫོགས་པ་སོགས། ལེའུ་དྲུག་པའི་བསྡུས་དོན་ཚང་ངོ་། ། ༈ བདུན་པ་ཚད་མེད་པ་བཞིའི་ལེའུ་ལ་གསུམ་སྟེ། ལེའུ་ལ་འཇུག་པ་རྒྱུའི་དོན། ལེའུ་དངོས་ཀྱི་དོན། ལེའུ་རྫོགས་པ་མཇུག་གི་དོན་ནོ། །དང་པོ་ནི། དེ་ལྟར་སོགས། ༡༠གཉིས་པ་ལ་བཞི། ཚད་མེད་དང་ཚངས་གནས་ཀྱི་ཁྱད་པར། ཚད་མེད་པ་བཞིའི་བསྒོམ་ཚུལ། སྒོམ་པ་དག་གི་འབྲས་བུ། ཐར་ལམ་ངེས་པའི་གཞུང་ལམ་བསྟན་པའོ། །དང་པོ་ལ་བཞི། དང་པོ་རྒྱུད་དང་བྱེད་ལས་ཀྱི་ཁྱད་པར། དེ་ཡང་སོགས། ༡༠གཉིས་པ་ངོ་བོ་དམིགས་པ་ཡུལ་གྱི་ཁྱད་པར། དམིགས་ཡུལ་སོགས། ༠༢གསུམ་པ་གནས་བཞི་ངེས་པའི་ཁྱད་པར། སྔ་མ་སོགས། ༠༢བཞི་པ་ཐར་ལམ་སྙིང་པོའི་ཁྱད་པར། འདི་ནི་སོགས། གཉིས་པ་སྒོམ་ཚུལ་ལ་གསུམ། གོ་དོན་ངེས་པས་སྤྱིར་བསྟན་པ། གོ་རིམ་ངེས་པས་བྱེ་བྲག་ཏུ་བཤད་པ། རྩལ་སྦྱང་ངེས་པས་དོན་བསྡུ་བའོ། །དང་པོ་གོ་དོན་ངེས་པ་ལ་གསུམ། དང་པོ་ཚད་མེད་བཞིའི་དམིགས་ཡུལ། བདེ་བ་སོགས། ༠༣གཉིས་པ་རང་རང་གི་བློའི་རྣམ་པ་བསྟན་པ། རྣམ་པ་སོགས། ༠༢གསུམ་པ་ཐོག་མར་འཇུག་པའི་གོ་རིམ། སྒོམ་ཚུལ་སོགས། ༠༣གཉིས་པ་གོ་རིམ་ངེས་པས་བྱེ་བྲག་ཏུ་བཤད་པ་ལ་བཞི། བཏང་སྙོམས། བྱམས་པ། སྙིང་རྗེ། དགའ་བ་བསྒོམས་པའི་ཚུལ་ལོ། དང་པོ་བཏང་སྙོམས་སྒོམ་པ་ལ་བཅུ་གཉིས། དང་པོ་ཆགས་སྡང་གི་སེམས་ལ་རྔན་བགྲང་བ། དེ་ཡང་སོགས། ༡༠གཉིས་པ་ཆགས་སྡང་མི་རིགས་པ་གྲོས་གདབ་པ། ཐོག་མཐའ་སོགས། ༠༣གསུམ་པ་ཆགས་སྡང་མི་འཐད་པའི་རིགས་པ་དགོད་པ། གཉན་འདིས་སོགས། ༠༥བཞི་པ་ཆགས་སྡང་མེད་པའི་བཏང་སྙོམས་ལ་སྦྱང་པ། དེ་བས་སོགས། ༡༠ལྔ་པ་རྨོངས་པ་མེད་པའི་བཏང་སྙོམས་ལ་དགོད་པ། བར་མའི་སོགས། ༠༣དྲུག་པ་སྙིང་རྗེ་ཆེན་པོའི་བཏང་སྙོམས་ལ་སྦྱང་བ། ཐམས་ཅད་སོགས། ༠༢བདུན་པ་ཉོན་མོངས་བཞི་བའི་བཏང་སྙོམས་སྒོམ་པ། ཀྱེ་མ་སོགས། ༡༠བརྒྱད་པ་ཇི་ལྟར་སྒོམ་ཚུལ་དངོས། ཅེས་བསམ་སོགས། ༣དགུ་པ་སྒོམ་པའི་རྟགས་དང་ཚད་བཟུང་བ། འབྱོངས་བའི་སོགས། ༡༠བཅུ་བ་དམིགས་པ་མེད་པའི་བཏང་སྙོམས་ལ་བློ་སྦྱང། རྗེས་ལ་སོགས། ༡༠བཅུ་གཅིག་པ་དེའི་ཚད། འབྱོངས་པའི་སོགས། ༠༡བཅུ་གཉིས་པ་བཏང་སྙོམས་སྒོམ་པའི་འབྲས་བུ། འབྲས་བུ་སོགས། ༠༢གཉིས་པ་བྱམས་པ་སྒོམ་ཚུལ་ལ་ལྔ། དང་པོ་བྱམས་པ་བསྒོམ་པར་གདམས་པ། དེ་ལྟར་སོགས། ༠༣གཉིས་པ་ཇི་ལྟར་སྒོམ་ཚུལ། བྱམས་པའི་སོགས། ༠༥གསུམ་པ་སྒོམ་པའི་རྟགས་ཚད། རྟགས་ནི་སོགས། ༠༢བཞི་པ་དམིགས་པ་མེད་པའི་བྱམས་པ། དེ་རྗེས་སོགས། ༠༣ལྔ་པ་བྱམས་པའི་འབྲས་བུ་བརྗོད་པ། འབྲས་བུ་སོགས། ༠༡གསུམ་པ་སྙིང་རྗེ་སྒོམ་ཚུལ་ལ་ལྔ། དང་པོ་སྙིང་རྗེ་སྒོང་པར་གདམས་པ། བྱམས་པས་སོགས། ༠༣གཉིས་པ་སྒོམ་ཚུལ་དངོས་བསྟན་པ་ལ་གསུམ། སྙིང་རྗེ་བསྐྱེད་པ། དེ་ཡང་སོགས། ༠༥ངེས་པ་དགོད་པ། དེ་ལས་སོགས། ༡༠རང་བཞིན་བསམ་པ། དེ་བས་སོགས། ༡༠གསུམ་པ་སྒོམ་པའི་རྟགས་ཚད། འགྲོ་བའི་སོགས། ༠༡བཞི་པ་དམིགས་པ་མེད་པའི་སྙིང་རྗེ། དམིགས་མེད་སོགས། ༠༢ལྔ་པ་སྙིང་རྗེ་སྒོམ་པའི་འབྲས་བུ། འབྲས་བུ་སོགས། ༠༢བཞི་པ་དགའ་བ་སྒོམ་པ་ལ་དྲུག་ལས། དང་པོ་དགའ་བ་སྒོམ་པར་གདམས་པ། དེ་ལྟར་སོགས། ༣གཉིས་པ་སྒོམ་པ་དངོས་ཀྱི་རིམ་པ། དེ་ཡང་སོགས། ༡༠གསུམ་པ་འབྱོངས་པའི་ཚད། རྟགས་སུ་སོགས། ༡༠བཞི་པ་དམིགས་པ་མེད་པའི་དགའ་བ། དེ་རྗེས་སོགས། ༠༡ལྔ་པ་དེའི་སྒོམ་ཚད། ལུས་ངག་སོགས། ༠༡དྲུག་པ་དགའ་བ་སྒོམ་པའི་འབྲས་བུ། འབྲས་བུ་སོགས། ༠༡གསུམ་པ་རྩལ་སྦྱང་ངེས་པའི་དོན་བསྡུ་བ་ལ་བདུན། དང་པོ་ཆ་ཤས་ནས་བསླབ་ཚུལ། དེ་ལྟར་སོགས། ༠༢གཉིས་པ་བྱམས་པའི་གེགས་སྙིང་རྗེས་འགོག་ཚུལ། བྱམས་སྒོམ་སོགས། ༠༢གསུམ་པ་སྙིང་རྗེའི་གེགས་དགའ་བས་འགོག་པ། སྙིང་རྗེ་སོགས། ༣བཞི་པ་དགའ་བའི་གེགས་བཏང་སྙོམས་ཀྱིས་འགོག་པ། དགའ་བ་སོགས། ༠༢ལྔ་པ་བཏང་སྙོམས་ཀྱི་གེགས་བྱམས་པས་འགོག་པ། བཏང་སྙོམས་སོགས། ༠༢དྲུག་པ་སྤེལ་མ་སྒོམ་ཚུལ། སྒོམ་པ་སོགས། ༠༢བདུན་པ་དེ་ལྟར་སྒོམ་པའི་ཡོན་ཏན། དེ་ཡིས་སོགས། ༠༢གསུམ་པ་སྒོམ་པ་དག་པའི་འབྲས་བུ་ལ་གཉིས། ཐུན་མོང་གི་འབྲས་བུ་སྤྱིར་བསྟན་པ། མཆོག་གི་འབྲས་བུ་བྱེ་བྲག་ཏུ་བཤད་པ་གཉིས་སོ། །དང་པོ་ཐུན་མོང་གི་འབྲས་བུ་ལ་བཞི། དང་པོ་རྣམ་སྨིན་གྱི་འབྲས་བུ། དེ་ལྟར་སོགས། ༠༣གཉིས་པ་རྒྱུ་མཐུན་གྱི་འབྲས་བུ། རྒྱུ་མཐུན་སོགས། ༠༢གསུམ་པ་བདག་པོའི་འབྲས་བུ། དབང་གི་སོགས། ༠༢བཞི་པ་བྱེད་པའི་འབྲས་བུ། བྱེད་པས་སོགས། ༠༢གཉིས་པ་མཆོག་གི་འབྲས་བུ་ལ་བཞི། དང་པོ་བྱམས་པའི་འབྲས་བུ། བྱམས་པས་སོགས། ༠༣གཉིས་པ་སྙིང་རྗེའི་འབྲས་བུ། སྙིང་རྗེས་སོགས། ༠༣གསུམ་པ་དགའ་བའི་འབྲས་བུ། དགའ་བས་སོགས། ༡༠བཞི་པ་བཏང་སྙོམས་ཀྱི་འབྲས་བུ། བཏང་སྙོམས་སོགས། ༠༣བཞི་པ་ཐར་ལམ་ངེས་པའི་གཞུང་ལམ་དུ་བསྟན་པ་ལ་བཞི། དང་པོ་ཚད་མེད་བཞི་པོ་རྒྱལ་བས་བསྔགས་པ། དེ་ལྟར་སོགས། ༠༢གཉིས་པ་ཚད་མེད་ཡོད་མེད་ཀྱིས་ཐར་ལམ་ཡིན་མིན་དུ་བསྟན་པ། དེ་དག་སོགས། ༠༡གསུམ་པ་རྒྱུ་འབྲས་གཞུང་ལམ་གཅིག་པས་ཚད་མེད་བཞིར་བསྟན་ཚུལ། རྒྱུ་ཡི་སོགས། ༠༡བཞི་པ་མདོ་རྒྱུད་མཐུན་པར་དབྱིངས་ཀྱི་དྲི་མ་སྦྱོང་བྱེད་དུ་སྒོམ་ཚུལ། གཞན་ཡང་སོགས། ༢༠གསུམ་པ་ལེའུ་རྫོགས་པ་མཇུག་གི་དོན་ལ་གཉིས། དང་པོ་སྐབས་ཀྱི་དགེ་བ་བསྔོ་བ། དེ་ལྟར་སོགས། ༡༠གཉིས་པ་ལེའུའི་མཚན། རྫོགས་པ་སོགས། ལེའུ་བདུན་པའི་ས་བཅད་ཚང་ངོ་། ། ༈ བརྒྱད་པ་བྱང་ཆུབ་མཆོག་ཏུ་སེམས་བསྐྱེད་པའི་ལེའུ་ལ་གསུམ། ལེའུ་ལ་འཇུག་པ་རྒྱུའི་དོན། ལེའུ་དངོས་ཀྱི་དོན། ལེའུ་རྫོགས་པ་མཇུག་གི་དོན་ནོ། །དང་པོ་ནི། དེ་ལྟར་སོགས། ༠༢གཉིས་པ་ལ་གསུམ། སེམས་བསྐྱེད་ཀྱི་ཕན་ཡོན། ཇི་ལྟར་བསྐྱེད་པའི་ཚུལ། སེམས་བསྐྱེད་ཀྱི་བསླབ་བྱ་བསྟན་པའོ། །དང་པོ་ཕན་ཡོན་ལ་དྲུག །དང་པོ་འཁོར་བ་ལས་ངེས་པར་འབྱིན་པའི་ཕན་ཡོན། དེ་ཡང་སོགས། ༡༠གཉིས་པ་དགེ་ཚོགས་ཐེག་ཆེན་དུ་འགྱུར་བའི། གང་ལ་སོགས། ༠༥གསུམ་པ་དགེ་རྩ་མི་ཟད་འཕེལ་བའི་སོགས། དགེ་གཞན་སོགས། ༡༠བཞི་པ་དགེ་རྩ་བསྟན་ཞིང་ཐར་ལམ་སྙིང་པོ་བྱེད་པོ་སོགས། ཀུན་གྱི་སོགས། ༡༠ལྔ་པ་བསམ་དགུའི་རེ་བ་འགྲུབ་པའི། དེ་ནི་སོགས། ༠༥དྲུག་པ་སངས་རྒྱས་ཀྱི་ཆོས་ཐམས་ཅད་ཀྱི་གཞིར་གྱུར་པའི་ཕན་ཡོན། བསམ་ཡས་སོགས། ༠༣གཉིས་པ་ཇི་ལྟར་བསྐྱེད་པའི་ཚུལ་ལ་གཉིས། སེམས་བསྐྱེད་ཀྱི་རང་བཞིན་ཤེས་པར་བྱ་བ། ཤེས་པ་ཇི་ལྟར་བསྐྱེད་པའི་ཚུལ་ལོ། །དང་པོ་རང་བཞིན་ཤེས་པར་བྱ་བ་ལ་བདུན། དང་པོ་སེམས་བསྐྱེད་ཀྱི་མཚན་ཉིད། སེམས་བསྐྱེད་སོགས། ༠༥གཉིས་པ་སྨོན་འཇུག་གི་རང་བཞིན། སྨོན་པ་སོགས། ༠༢གསུམ་པ་སྨོན་པའི་ཕན་ཡོན། གང་གིས་སོགས། ༡༠བཞི་པ་དེའི་འཐད་པ། འགྲོ་བའི་སོགས། ༠༣ལྔ་བ་འཇུག་པའི་ཕན་ཡོན། དེ་བས་སོགས། ༡༠དྲུག་པ་གཞན་གྱི་ལོག་རྟོག་དགག་པ། དེ་ཕྱིར་སོགས། ༠༥བདུན་པ་སྤྲོ་དགའ་མཆོག་ཏུ་བསྐྱེད་པ། འདི་ནི་སོགས། ༡༢གཉིས་པ་ཤེས་ནས་ཇི་ལྟར་བསྐྱེད་པའི་ཚུལ་ལ་གསུམ། སྦྱོར་བ། དངོས་གཞི། མཇུག་གོ། དང་པོ་སྦྱོར་བ་ལ་བཞི། དང་པོ་རྟེན་དགེ་བའི་བཤེས་གཉེན། དེ་ཡང་སོགས། ༠༢གཉིས་པ་དེས་བློ་བཅོས་པའི་རིམ་པ། སྐྱོན་བྲལ་སོགས། ༠༥གསུམ་པ་གནས་དང་བཀོད་པ་བཤམས་པ། གནས་གཙང་སོགས། ༠༢བཞི་པ་སྔོན་འགྲོ་ཡན་ལག་བདུན་བསྟན་པའོ། །འདི་ལ་གསུམ། བསོད་ནམས་ཀྱི་ཞིང་བསམ་པ། ཡན་ལག་བདུན་པ་དངོས་བྱ་བ། དེའི་འཐད་པ་དགོད་པའོ། །དང་པོ་ལ་གསུམ། དང་པོ་དམིགས་པའི་རྟེན་བསམ་པ། ནམ་མཁའི་སོགས། ༠༢གཉིས་པ་དེའི་འཐད་པ་འགོད་པ། འདི་ནི་སོགས། ༠༣གསུམ་པ་བཀུར་སྟི་རིམ་གྲོ་བྱ་བ། དེ་ནས་སོགས། ༠༢གཉིས་པ་ཡན་ལག་བདུན་པ་དངོས་ལ་བདུན། དང་པོ་ཕྱག་འཚལ་བའི་ཡན་ལག་ལ་གཉིས། དང་པོ་འཚལ་ཚུལ་དངོས། ཡིད་འོང་སོགས། ༡༠གཉིས་པ་དེའི་ཕན་ཡོན། ས་འདི་སོགས། ༠༥གཉིས་པ་མཆོད་པའི་ཡན་ལག་ལ་གཉིས། མདོར་བསྟན་པ་རྒྱས་བཤད་དོ། །དང་པོ་མདོར་བསྟན་ནི། དངོས་སུ་སོགས། ༠༢གཉིས་པ་རྒྱས་བཤད་ལ་དངོས་འབྱོར་དང་ཡིད་སྤྲུལ་གཉིས། དང་པོ་དངོས་འབྱོར་ནི། མེ་ཏོག་སོགས། ༠༥གཉིས་པ་ཡིད་སྤྲུལ་ལ་ཐུན་མོང་དང་ཁྱད་པར་གཉིས། དང་པོ་ཐུན་མོང་ལ་བདུན། དང་པོ་གཞལ་ཡས་ཁང་རོལ་མོའི་སྤྲིན་ཅན་གྱིས་མཆོད་པ། ལྷ་སོགས་སོགས། ༡༠གཉིས་པ་ཉེ་འཁོར་ཀུན་ནས་དགའ་པའི་མཆོད་པ། རིན་ཆེན་སོགས། ༡༠གསུམ་པ་པདྨོ་རིན་ཆེན་མཛེས་པའི་མཆོད་པ། འདབ་སྟོང་སོགས། བཞི་པ་ཚལ་སོགས་ཀུན་ནས་དགེ་བའི་མཆོད་པ། ཙནྡན་སོགས། ༡༠ལྔ་པ་ཉི་ཟླ་རིན་ཆེན་བཀོད་པའི་མཆོད་པ། སྟོན་ཀའི་སོགས། ༡༠དྲུག་པ་ཞིང་ཁམས་རྒྱ་མཚོའི་རྡུལ་གྱི་མཆོད་པ། འཁོར་ཡུག་སོགས། ༡༠བདུན་པ་རྒྱལ་སྲིད་རིན་པོ་ཆེའི་མཆོད་པ། བུམ་བཟང་སོགས། ༡༠གཉིས་པ་ཁྱད་པར་གྱི་མཆོད་པ་ལ་གསུམ། དང་པོ་ཏིང་འཛིན་རྒྱལ་པོའི་མཆོད་སྤྲིན་མདོར་བསྟན། ཏིང་འཛིན་སོགས། ༠༢གཉིས་པ་ཕྱི་མཆོད་ཡིད་བཞིན་སྤྲིན་གྱི་རང་བཞིན་རྒྱས་པར་བཤད་པ། མེ་ཏོག་སོགས། ༡༠གསུམ་པ་ནང་མཆོད་ཡེ་ཤེས་རྒྱ་མཚོའི་རོལ་བ་ཀུན་ནས་སྤྲོ་བ། འཇུག་པའི་སོགས། ༡༠གསུམ་པ་སྡིག་པ་བཤགས་པའི་ཡན་ལག །ཐོག་མེད་སོགས། ༠༣བཞི་པ་རྗེས་སུ་ཡི་རང་བ། འགྲོ་བའི་སོགས། ༢ལྔ་པ་ཆོས་ཀྱི་འཁོར་ལོ་བསྐོར་བར་བསྐུལ་བ། མ་ལུས་སོགས། ༠༢དྲུག་པ་མྱ་ངན་ལས་མི་འདའ་བར་གསོལ་བ། དེང་ནས་སོགས། ༠༢བདུན་པ་བསྔོ་བའི་ཡན་ལག །དགེ་བ་སོགས། ༠༢གསུམ་པ་ཡན་ལག་བདུན་གྱི་འཐད་པ་འགོད་པ་ལ་གཉིས། དང་པོ་སྤང་བྱ་གེགས་ཀྱི་དྲི་མ་འབྱོང་བས་བྱང་ཆུབ་ཀྱི་སེམས་བསྐྱེད་སླ་བའི་འཐད་པ། ཇི་ལྟར་སོགས། ༠༡གཉིས་པ་བླང་བྱ་དགེ་བའི་དཔུང་ཚོགས་བསྐྱེད་པས། སེམས་བསྐྱེད་སྐྱེ་སླ་བའི་འཐད་པ། འདི་ནི་སོགས། ༠༢གཉིས་པ་དངོས་གཞིའི་ཆོ་ག་ནི། དེ་ནས་སངས་རྒྱས་སོགས། ༠༢གསུམ་པ་མཇུག་ལ་གསུམ། དང་པོ་དུས་གཞན་དུ་སེམས་བསྐྱེད་བཟུང་བའི་རིམ་པ། དེ་ལྟར་སོགས། ༠༢གཉིས་པ་ལན་གསུམ་བརྗོད་པའི་འཐད་པ། བརྗོད་པ་སོགས། ༠༢གསུམ་པ་སྤྲོ་དགའ་བསྐྱེད་པ། དེང་ནས་སོགས། ༡༠དོན་གསུམ་པ་སེམས་བསྐྱེད་ཀྱི་བསླབ་བྱ་བསྟན་པ་ལ་གཉིས། བསླབ་མདོའི་གནས་སྤྱིར་བསྟན་པ་དང་། སྤྱོད་པ་རླབས་པོ་ཆེའི་གནས་བྱེ་བྲག་ཏུ་བཤད་པའོ། །དང་པོ་བསླབ་མདོའི་གནས་སྤྱིར་བསྟན་པ་ལ་ལྔ། དང་པོ་བསླབ་གཞི་བྱང་ཆུབ་ཀྱི་སེམས་ལ་གདམས་པ། ད་ནི་སོགས། ༠༢གཉིས་པ་སྨོན་འཇུག་བློའི་སྤྱོད་ཚུལ་བསྟན་པ། འགྲོ་བའི་སོགས། ༢༠གསུམ་པ་དྲན་ཤེས་བག་ཡོད་ཀྱི་གནས་ལ་གདམས་པ། རྟག་ཏུ་སོགས། ༠༢བཞི་པ་བསྲུང་བྱ་བསླབ་མདོའི་རབ་ཏུ་དབྱེ་བ། བྱང་ཆུབ་སོགས། ༠༧ལྔ་པ་སྤང་བླང་ངེས་པའི་གནས་གཞན་བསྟན་པ་ལ་གསུམ། ཆོས་བཞི་ངེས་པའི་བླང་དོར་བསམ་པ། གཞན་དོན་ངེས་པའི་བླང་དོར། གང་དག་ངེས་པའི་དབྱེ་བ་བསམ་པའོ། ། དང་པོ་ཆོས་བཞི་ངེས་པའི་བླང་དོར་ལ་གསུམ། དང་པོ་ཆོས་བཞི་བླང་དོར་མདོར་བསྟན་པ། མདོར་ན་སོགས། ༠༢གཉིས་པ་ནག་པོའི་ཆོས་བཞི་རྒྱས་པར་བཤད་པ། མཆོས་འོས་སོགས། ༡༠གསུམ་པ་དཀར་པོའི་ཆོས་བཞི་རབ་ཏུ་དབྱེ་བ། དམ་པ་སོགས། ༠༥གཉིས་པ་གཞན་དོན་ངེས་པའི་བླང་དོར་བསམ་པ། རང་དོན་སོགས། ༢༡གསུམ་པ་གང་ཟག་ངེས་པའི་དབྱེ་བ་བསམ་པ། རྒྱལ་སྲས་སོགས། ༣གཉིས་པ་སྤྱོད་པ་རླབས་པོ་ཆེའི་གནས་བྱེ་བྲག་ཏུ་བཤད་པ་ལ་གསུམ། མདོར་བསྟན། རྒྱས་པར་བཤད། དོན་བསྡུ་བའོ། །དང་པོ་མདོར་བསྟན། རྒྱལ་སྲས་རྣམས་ཀྱིས་སོགས། ༠༣གཉིས་པ་རྒྱས་པར་བཤད་པ་ལ་དྲུག་ལས། དང་པོ་སྦྱིན་པའི་ཕ་རོལ་ཏུ་ཕྱིན་པ་ནི། འགྲོ་བ་སོགས། ༢༠གཉིས་པ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་གསུམ། དང་པོ་བསླབ་གསུམ་སྤྱིར་བསྟན་པ། ལྷག་པའི་སོགས། ༠༣གཉིས་པ་ཚུལ་ཁྲིམས་གསུམ་བསྟན་པ། སྡོམ་དང་སོགས། ༠༧གསུམ་པ་བསྲུང་བྱ་ངེས་པར་གཟུང་བ། ཁྱིམ་པས་སོགས། ༠༡གསུམ་པ་བཟོད་པ་ལ་བདུན། དང་པོ་བཟོད་པ་གསུམ་གྱི་དབྱེ་བ། ཕྱི་ནང་སོགས། ༠༣གཉིས་པ་བཟོད་པ་སྒོམ་པའི་འཐད་པ། ཞེ་སྡང་སོགས། ༡༠གསུམ་པ་རང་སེམས་འདུལ་བའི་རྒྱུ་མཚན། གནོད་པའི་སོགས། ༡༠བཞི་པ་ཡུལ་ལ་བཟོད་པའི་རིགས་པ་བརྗོད་པ། གནོད་ལ་སོགས། ༡༠ལྔ་པ་རང་གིས་ཉེས་པའི་རྒྱུ་མཚན་བསམ་པ། གཞན་ཡང་སོགས། ༠༦དྲུག་པ་སེམས་ལེགས་པའི་གློད་ཐབས་བསྟན་པ། མི་འདོད་སོགས། ༠༡བདུན་པ་ཆོས་ཀྱི་དོན་གྱི་བཟོད་པ་བཤད་པ། བརྟགས་སོགས། ༡༠བཞི་པ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་བཞི། དང་པོ་བརྩོན་འགྲུས་བསྐྱེད་པའི་འཐད་པ་འགོད་པ། གང་ལ་སོགས། ༠༣གཉིས་པ་དེའི་མི་མཐུན་པའི་ཕྱོགས་བསྟན་པ། དེ་ཡི་སོགས། ༡༠གསུམ་པ་དེའི་གཉེན་པོ་བརྩོན་འགྲུས་ཀྱི་ཡོན་ཏན་བསྔགས་པ། བརྩོན་འགྲུས་སོགས། ༡༠བཞི་པ་བརྩོན་འགྲུས་དངོས་ཀྱི་བརྩམས་ཚུལ་བསྟན་པ། དེ་ཡང་སོགས། ༢༢ལྔ་པ་བསམ་གཏན་གྱི་ཕ་རོལ་ཏུ་ཕྱིན་པ་ལ་བཅུ་གཅིག །དང་པོ་འགྱུར་ཞིང་མི་རྟག་པའི་རང་བཞིན་བསམ་ནས་བསམ་གཏན་ལ་བསྐུལ་བ། བསམ་གཏན༠༦གཉིས་པ་འདོད་པ་རྣམས་ཀྱི་ཉེས་དམིགས་བསམ་ནས། འདོད་པ་སོགས། ༠༥གསུམ་པ་ཡོ་བྱད་བསྙུངས་བའི་ཕན་ཡོན་ལ་བསམ་ནས། ལུས་རྨ་སོགས། ༠༧བཞི་པ་བཤེས་དང་འགྲོགས་པའི་ཉེས་པ་བསམ་ནས། བཤེས་དང་༠༥ལྔ་པ་འདུ་འཛིས་བསླུ་པའི་རྒྱུ་མཚན་བསམ་ནས། ཇི་སྲིད་སོགས། ༠༣དྲུག་པ་གཅིག་པུར་འགྲོ་བའི་རང་བཞིན་བསམ་ནས། ཇི་སྲིད་སོགས། ༠༡བདུན་པ་ནགས་ཁྲོད་དབེན་པའི་ཡོན་ཏན་བསམ། ནགས་ནི་སོགས། ༠༥བརྒྱད་པ་དེའི་གནས་ཀྱི་བཀོད་པ་བསམ། སྤོས་དང་སོགས། ༠༥དགུ་པ་མི་རྟག་སྐྱོ་བའི་རང་བཞིན་བསམ། དུར་ཁྲོད་སོགས། ༡༣བཅུ་པ་ནགས་ཚལ་བསྔགས་པའི་ཕན་ཡོན་བསམ། དེ་འདྲའི་སོགས། ༡༣བཅུ་གཅིག་པ་བསམ་གཏན་སྒོམ་ཚུལ་དངོས་ལ་གདམས་པ། དེར་ནི་སོགས། ༢༢དྲུག་པ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གསུམ། དང་པོ་ཤེས་རབ་གསུམ་གྱི་རང་བཞིན་ལ་གདམས་པ། ཤེས་རབ་སོགས། ༡༠གཉིས་པ་ཤེས་རབ་རང་གི་ངོ་བོ་བསྟན་པ། སྣང་འདི་སོགས། ༡༠གསུམ་པ་ཤེས་རབ་དགོས་པའི་རྒྱུ་མཚན་བཤད་པ། ཤེས་རབ་སོགས། ༠༥གསུམ་པ་ཕ་རོལ་ཏུ་ཕྱིན་པ་དྲུག་གི་དོན་བསྡུ་བ། ཕ་རོལ་སོགས། ༡༠དོན་གསུམ་པ་ལེའུ་རྫོགས་པ་མཇུག་གི་དོན་ལ་གཉིས། དང་པོ་སྐབས་ཀྱི་དགེ་བ་བསྔོ་བ། དེ་ལྟར་སོགས། ༡༠གཉིས་པ་ལེའུའི་མཚན། རྫོགས་པ་སོགས་ལེའུ་བརྒྱད་པའི་བསྡུས་དོན་ཚང་ངོ་། ། ༈ དགུ་པ་བསྐྱེད་རྫོགས་ཟུང་འཇུག་ཆེན་པོའི་ལེའུ་ལ་གསུམ་སྟེ། ལེའུ་ལ་འཇུག་པ་རྒྱུའི་དོན། ལེའུ་དངོས་ཀྱི་དོན། ལེའུ་རྫོགས་པ་མཇུག་གི་དོན་ནོ། །དང་པོ་ལེའུ་ལ་འཇུག་པ་རྒྱུའི་དོན་ནི། དེ་ལྟར་སོགས། གཉིས་པ་ལེའུ་དངོས་ཀྱི་དོན་ལ་གཉིས། གསང་སྔགས་ཀྱི་གོ་དོན་སྤྱིར་བསྟན་པ་དང་། སྒྱུ་འཕྲུལ་དྲ་བ་བྱེ་བྲག་ཏུ་བཤད་པའོ། །དང་པོ་ལ་གསུམ་སྟེ། རྒྱུད་སྡེའི་གནས་སྤྱིར་བསྟན་པ། བསྐྱེད་རྫོགས་ཀྱི་གནས་བྱེ་བྲག་ཏུ་བསྟན་པ། སྐབས་ཀྱི་དོན་བསྡུ་བའོ། །དང་པོ་རྒྱུད་སྡེའི་གནས་སྤྱིར་བསྟན་པ་ལ་གསུམ། དང་པོ་སྔགས་ཀྱི་ཐེག་པའི་འཕགས་ཚུལ་བཤད་པ། དེ་ཡང་སོགས། ༡༠གཉིས་པ་སྡེ་ཚན་བཞིར་ངེས་པའི་རྒྱུ་མཚན་དགོད་པ། དུས་དང་སོགས། ༣༠གསུམ་པ་གསང་སྔགས་ཕྱི་ནང་གི་ཁྱད་པར་བཤད་པའོ། ། གསུམ་པ་འདི་ལ་གཉིས། སྤྱིའི་ཁྱད་པར་དང་། བྱེ་བྲག་གི་ཁྱད་པར་རོ། །དང་པོ་སྤྱིའི་ཁྱད་པར་ལ་གཉིས། གསང་སྔགས་ཕྱི་བ་དང་། ནང་པའི་ཁྱད་པར་རོ། དང་པོ་ཕྱི་རྒྱུད་ཀྱི་ཁྱད་པར་ལ་གཉིས། དང་པོ་དབྱེ་བ་མདོར་བསྟན་པ་ནི། དེ་ཡང་སོགས། ༠༢གཉིས་པ་ཁྱད་པར་རྒྱས་པར་བརྗོད་པ། དེ་དག་སོགས། ༡༠གཉིས་པ་ནང་རྒྱུད་གསུམ་གྱི་ཁྱད་པར། རྣལ་འབྱོར་སོགས། ༡༣གཉིས་པ་བྱེ་བྲག་གི་ཁྱད་པར་ལ་གཉིས། ཐུབ་པ་རྒྱུད་གསུམ་དང་། ནང་པ་རྒྱུད་གསུམ་གྱི་ཁྱད་པར་རོ། །དང་པོ་ཐུབ་པ་རྒྱུད་གསུམ་ནང་ཚན་གྱི་ཁྱད་པར་ནི། བྱ་བས་སོགས། ༢༠གཉིས་པ་ནང་པ་རྒྱུད་གསུམ་གྱི་ཁྱད་པར་ལ་གཉིས། དང་པོ་སོ་སོའི་ངོ་བོའི་ཁྱད་པར། མ་ཧཱས་སོགས། ༠༥གཉིས་པ་རྣམ་དག་ཤེས་པའི་ཁྱད་པར། བདག་དང་སོགས། ༡༢གཉིས་པ་བསྐྱེད་རྫོགས་ཀྱི་གནས་བྱེ་བྲག་ཏུ་བཤད་པ་ལ་གསུམ། ཐབས་བསྐྱེད་རིམ་གྱི་སྒོམ་ཚུལ་དབྱེ་བ་དང་། ཤེས་རབ་རྫོགས་རིམ་གྱི་སྒོམ་ཚུལ་དབྱེ་བ། དེ་གཉིས་ཀྱི་དགོས་པ་བསྟན་པའོ། །དང་པོ་བསྐྱེད་རིམ་སྒོམ་ཚུལ་ལ་ལྔ། དང་པོ་སྒོང་སྐྱེས་ཀྱི་བག་ཆགས་སྦྱང་བ་རྒྱས་པ་ཆེན་པོའི་བསྐྱེད་རིམ་སྒོམ་ཚུལ། དེ་ཡང་སོགས། ༡༣གཉིས་པ་མངལ་སྐྱེས་ཀྱི་བག་ཆགས་སྦྱོང་བ་རྒྱས་པའི་བསྐྱེད་རིམ་སྒོམ་ཚུལ། མངལ་སྐྱེས་སོགས། ༠༢གསུམ་པ་དྲོད་གཤེར་སྐྱེས་ཀྱི་བག་ཆགས་སྦྱོང་བ་འབྲིང་གི་བསྐྱེད་རིམ་སྒོམ་ཚུལ། དྲོད་གཤེར་སོགས། ༢༢བཞི་པ་རྫུས་སྐྱེས་ཀྱི་བག་ཆགས་སྦྱོང་བ་བསྡུས་པའི་བསྐྱེད་རིམ་སྒོམ་ཚུལ། བསྡུས་ཏེ་སོགས། ༡༠ལྔ་བ་སྒོམ་ཚུལ་བཞིའི་རྣམ་གྲངས་བསམ་པ་བསྐྱེད་རིམ་སྒོམ་ཚུལ། དེ་ལྟར་སོགས། ༢༠གཉིས་པ་ཤེས་རབ་རྫོགས་རིམ་གྱི་སྒོམ་ཚུལ་དབྱེ་བ་ལ་གཉིས། དང་པོ་རྫོགས་རིམ་གྱི་རང་བཞིན་བསྟན་པ། རྫོགས་རིམ་སོགས། ༢༢གཉིས་པ་སྒོམ་པ་བརྟན་པའི་འཆར་ཚུལ། ཕྱིས་ནས་སོགས། ༠༣གསུམ་པ་བསྐྱེད་རྫོགས་གཉིས་ཀྱི་དགོས་པ་བསྟན་པ། བསྐྱེད་རིམ་སོགས། ༡༠གསུམ་པ་སྐབས་ཀྱི་དོན་བསྡུ་བ་ལ་གསུམ། དང་པོ་གསང་སྔགས་ཐེག་པར་འཇུག་པར་གདམས་པ། འདི་ནི་སོགས། ༡༠གཉིས་པ་ལམ་བཞིར་དབང་དང་བྱིན་རླབས་བསྟན་པ། དེ་ཡང་སོགས། ༡༡གསུམ་པ་ནང་པ་དབང་གིས་སྨིན་པར་བསྟན་པ། ཁྱད་པར་སོགས། ༣༢དོན་གཉིས་པ་སྒྱུ་འཕྲུལ་དྲྭ་བའི་ཚུལ་བསྒོམ་པ་ལ་གསུམ། སྨིན་བྱེད་དབང་གི་རིམ་པ་སྤྱིར་གདམས། གྲོལ་བྱེད་བསྐྱེད་རྫོགས་ཀྱི་རིམ་པ་བྱེ་བྲག་ཏུ་གདམ་པ། གནས་སྐབས་སྒྲུབ་ཚུལ་ངེས་པས་དོན་བསྡུ་བའོ། །དང་པོ་སྨིན་བྱེད་ནི། འདིར་ནི་སོགས། ༠༢གཉིས་པ་གྲོལ་བྱེད་ལ་གསུམ། བསྐྱེད་པ་སྐུའི་རྣལ་འབྱོར། བཟླས་བརྗོད་གསུང་གི་རྣལ་འབྱོར། དྲན་རིག་ཐུགས་ཀྱི་རྣལ་འབྱོར་རོ། །དང་པོ་བསྐྱེད་པ་སྐུའི་རྣལ་འབྱོར་ལ་གཉིས། ཁྲོ་བཅུའི་སྲུང་འཁོར་གྱི་མཚམས་བཅད་པ་དང་། དེའི་དབུས་སུ་རྡོ་རྗེ་དབྱིངས་ཀྱི་དཀྱིལ་འཁོར་ཇི་ལྟར་བསྒོམ་ཚུལ་ལོ། །དང་པོ་ནི། བདེ་བའི་སོགས། ༢༠གཉིས་པ་རྡོ་རྗེ་དབྱིངས་ཀྱི་དཀྱིལ་འཁོར་བསྒོམ་ཚུལ་ལ་གསུམ། དང་པོ་རྟེན་གཞལ་ཡས་ཁང་གདན་དང་བཅས་པ་བསྐྱེད་པ། ཀུན་ཏུ་སོགས། ༢༠གཉིས་པ་བརྟེན་པ་ལྷའི་དཀྱིལ་འཁོར་དམ་ཚིག་སེམས་དཔའ་གསལ་འདེབས་པ་ནི། རིགས་ལྔ་སོགས། ༠༥གསུམ་པ་རང་བྱུང་ཡེ་ཤེས་མཚོན་བྱེད་ཡེ་ཤེས་སེམས་དཔས་བྱིན་གྱིས་བརླབ་པའི་ཚུལ། གཙོ་བོའི་སོགས། ༡༢གཉིས་པ་བཟླས་བརྗོད་གསུང་གི་རྣལ་འབྱོར་ནི། ཡི་གེ་སོགས། ༠༢གསུམ་པ་དྲན་རིག་ཐུགས་ཀྱི་རྣལ་འབྱོར་ལ་གསུམ། དང་པོ་ཐམས་ཅད་དཀྱིལ་འཁོར་གསུམ་གྱི་རང་བཞིན་གཉིས་མེད་མཉམ་པར་བསྟན་པ། རང་སེམས་སོགས། ༠༦གཉིས་པ་བློའི་རིམ་པ་དང་སྦྱར་ཏེ་རྫོགས་རིམ་སྒོམ་ཚུལ་བསྟན་པ། རྗེས་ལ་སོགས། ༠༡གསུམ་པ་ཐུན་མཚམས་སྤྱོད་ལམ་གྱི་རྣལ་འབྱོར་བསྟན་པ། སྤྱོད་ལམ་སོགས། ༡༠གསུམ་པ་གནས་སྐབས་སྒྲུབ་ཚུལ་ངེས་པས་དོན་བསྡུ་བ་ལ་གསུམ། དང་པོ་རྩ་བ་དམ་ཚིག་བསྟན་པ། རྩ་བ་སོགས། ༡༠གཉིས་པ་གྲོགས་ཚོགས་མཆོག་སོགས་བསྟན་པ། ཉ་དང་སོགས། ༠༢གསུམ་པ་ཟབ་དོན་སྙིང་པོ་བསྟན་པ། རླུང་སེམས་སོགས། ༡༠དོན་གསུམ་པ་ལེའུ་རྫོགས་པ་མཇུག་གི་དོན་ལ་གཉིས། དང་པོ་སྐབས་ཀྱི་དགེ་བ་བསྔོ་བ། དེ་ལྟར་སོགས། ༡༠གཉིས་པ་ལེའུའི་མཚན། རྫོགས་པ་སོགས། ལེའུ་དགུ་པའི་བསྡུས་དོན་ཚང་ངོ་། ། ༈ བཅུ་པ་གནས་ལུགས་གཞིའི་རང་བཞིན་མཐའ་བྲལ་རྫོགས་པ་ཆེན་པོ་དོན་གྱི་ལེའུ་ལ་གསུམ་སྟེ། ལེའུ་ལ་འཇུག་པ་རྒྱུའི་དོན། ལེའུ་དངོས་ཀྱི་དོན། ལེའུ་རྫོགས་པ་མཇུག་གི་དོན། དང་པོ་ནི། དེ་ལྟར་སོགས། ༠༢གཉིས་པ་ལེའུ་དངོས་ཀྱི་དོན་ལ་གསུམ། གནས་ལུགས་དོན་གྱི་རང་བཞིན་མདོར་བསྟན་པ། གཉིས་མེད་མཐའ་བྲལ་ཆེན་པོའི་ངོ་བོ་རྒྱས་པར་བཤད་པ། གཟུང་འཛིན་ཡེ་སྟོང་རྩ་བྲལ་དུ་དོན་བསྡུ་བའོ། །དང་པོ་གནས་ལུགས་དོན་གྱི་རང་བཞིན་མདོར་བསྟན་ནི། དེ་ཡང་སོགས། ༠༦གཉིས་པ་གཉིས་མེད་མཐའ་བྲལ་ཆེན་པོའི་ངོ་བོ་རྒྱས་པར་བཤད་པ་ལ་གཉིས། ཕྱི་ཡུལ་སྣང་སྐྱེ་མེད་སྟོང་པའི་གཟུགས་བརྙན་དུ་ཐག་བཅད་པ། ནང་འཛིན་རྟོག་སྟོང་ཉིད་རྩ་བྲལ་དུ་ལ་བཟླ་བའོ། །དང་པོ་ཕྱི་ཡུལ་སྣང་སྐྱེ་མེད་སྟོང་བའི་གཟུགས་བརྙན་དུ་ཐག་བཅད་པ་ལ་དྲུག །དང་པོ་ཡུལ་སྣང་སྟོང་བའི་རང་གཟུགས་སུ་བསྟན་པ། འདི་ལྟར་སོགས། ༠༦གཉིས་པ་དེ་ཉིད་སེམས་དང་གཞན་དངོས་སུ་མ་གྲུབ་པ། དེར་ནི་སོགས། གསུམ་པ་སྣང་དུས་མཐའ་བྲལ་བརྗོད་མེད་དུ་བསྟན་པ། མ་བརྟགས་སོགས། ༠༣བཞི་པ་སྐྱེ་སོགས་སྐྱེ་མེད་སྒྱུ་མ་ལྟར་བསྟན་པ། སྒྱུ་མའི་སོགས། ༠༣ལྔ་པ་ཡུལ་སྣང་སེམས་ཀྱི་བག་ཆགས་སུ་བསྟན་པ། ཁྱད་པར་སོགས། ༠༥དྲུག་པ་འཁྲུལ་སྣང་གཞི་མེད་རྩ་བྲལ་དུ་སྦྱང་བར་བསྟན་པ། དེ་ཡིས་སོགས། ༢༠གཉིས་པ་ནང་འཛིན་རྟོག་སྟོང་ཉིད་རྩ་བྲལ་དུ་ལ་བཟླ་བ་ལ་དོན་བཅོ་ལྔ་སྟེ། དང་པོ་སེམས་ཀྱི་རྩ་བ་བཅད་པའི་འཐད་པ་འགོད་པ། སྣང་བའི་སོགས། ༡༠གཉིས་པ་གཞི་མེད་སྟོང་པ་ཆེན་པོར་བསྟན་པ། སེམས་ནི་སོགས། ༢༡གསུམ་པ་དུས་གསུམ་དུས་མེད་ཆེན་པོར་སོགས། འགགས་པ་སོགས། ༠༣བཞི་པ་སྔ་ཕྱི་རིས་མེད་སོགས། དགག་སྒྲུབ་སོགས། ༡༠ལྔ་པ་གདོད་ནས་རྣམ་དག །ཡེ་ནས་སོགས། ༢༡དྲུག་པ་བརྟགས་དཔྱད་གཉིས་མེད་སོགས། བརྟགས་པས་སོགས། ༡༠བདུན་པ་གྲུབ་མཐའི་ཡུལ་འདས་སོགས། རྟོག་གེ་སོགས། ༡༡བརྒྱད་པ་བློ་བྲལ་བརྗོད་མེད་སོགས། འདིར་ནི་སོགས། ༢༠དགུ་པ་བློས་བཏགས་དོན་མེད་སོགས། ཇི་ལྟར་སོགས། ༡༠བཅུ་པ་དམིགས་འཛིན་འཆིང་ཞེན་ཆེན་པོར་སོགས། གང་ཡང་སོགས། ༡༠བཅུ་གཅིག་པ་འཛིན་མེད་གནས་ལུགས་སོགས། གདོད་ནས༠༥བཅུ་གཉིས་པ་ཤར་གྲོལ་ཆོས་སྐུའི་རོལ་བར་བསྟན་པ། གཞི་ནས་སོགས། ༡༠བཅུ་གསུམ་པ་གང་ཤར་གཞི་མེད་ཆེན་པོར་བསྟན་པ། གང་དུ་སོགས། ༡༠བཞི་པ་དེ་ཉིད་རྟོགས་པའི་ཚུལ་ཆེན་བསྟན་པ། མཁའ་བཞིན་སོགས། ༡༠བཅོ་ལྔ་པ་ཀློང་གྱུར་རྟོགས་པའི་རྩལ་ཆེན་བསྟན་པ། དེ་ཉིད་སོགས། ༠༧གསུམ་པ་གཟུང་འཛིན་ཡེ་སྟོང་རྩ་བྲལ་དུ་དོན་བསྡུ་བ་ལ་བཅུ་གསུམ། དང་པོ་ཡུལ་སྣང་རང་བཞིན་སྟོང་བར་བསྟན་པ། ཀྱེ་ཧོ་སོགས། ༡༠གཉིས་པ་སེམས་ཉིད་གཞི་མེད་རྩ་བྲལ་དུ་བསྟན་པ། དེ་ཉིད་སོགས། ༠༦གསུམ་པ་གཉིས་མེད་རིས་མེད་སྟོང་པར་བསྟན་པ། ཡུལ་སེམས་སོགས། ༡༠བཞི་པ་ཡུལ་སེམས་གཏད་མེད་ཕྱོགས་བྲལ་དུ་བསྟན་པ། ཡུལ་ལ་སོགས། ༠༣ལྔ་པ་ཐམས་ཅད་མཉམ་ཉིད་གཞི་རྫོགས་སུ་སོགས། འདི་ལྟར་སོགས། ༠༦དྲུག་པ་ཕྱི་ནང་ཆོས་ཉིད་ཀུན་བཟང་དུ་སོགས། སྣང་སྲིད་སོགས། ༠༥བདུན་པ་དབྱིངས་གཅིག་གདོད་ནས་མཁའ་མཉམ་དུ་བསྟན་པ། སྣང་དང་སོགས། ༠༦བརྒྱད་པ་གཟུང་འཛིན་འབྲེལ་མེད་སྒྲོ་བཏགས་སུ་བསྟན་པ། བློ་ཡིས་སོགས། ༡༠དགུ་པ་ཡུལ་སེམས་འབྲེལ་མེད་སྟོང་པར་སོགས། ཇི་ལྟར་སོགས། ༠༦བཅུ་པ་གཞི་གྲོལ་ཡང་མཉམ་དབྱིངས་གཅིག་ཏུ་བསྟན་པ། ཡུལ་རྣམས་སོགས། ༡༠བཅུ་གཅིག་པ་ཆོས་རྣམས་དབྱིངས་གཅིག་སྟོང་མཉམ་དུ་སོགས། འཁོར་འདས་སོགས། ༢༤བཅུ་གཉིས་པ་ཐམས་ཅད་གཉིས་མེད་རང་བཞག་ཏུ་སོགས། སྣ་ཚོགས་སོགས། ༡༠བཅུ་གསུམ་པ་རིག་སྟོང་རྣམ་ཡན་ཆོས་སྐུར་སོགས། གཏད་མེད་སོགས། ༠༣དོན་གསུམ་པ་ལེའུ་རྫོགས་པ་མཇུག་གི་དོན་ལ་གཉིས། དང་པོ་སྐབས་ཀྱི་དགེ་བ་བསྔོ་བ། དེ་ལྟར་སོགས། ༡༠གཉིས་པ་ལེའུའི་མཚན་རྫོགས་པ་ཆེན་པོའི་ལེའུ་བཅུ་པའི་བསྡུས་དོན་ཚང་ངོ་། ། ༈ བཅུ་གཅིག་པ་རང་བཞིན་ལམ་གྱི་སྒོམ་ཚུལ་བསམ་གཏན་དྲི་མ་མེད་པའི་ལེའུ་ལ་གསུམ། དང་པོ་ལེའུ་ལ་འཇུག་པ་རྒྱུའི་དོན། ལེའུ་དངོས་ཀྱི་དོན། ལེའུ་རྫོགས་པ་མཇུག་གི་དོན་ནོ། དང་པོ་ནི། དེ་ལྟར་སོགས། ༠༢གཉིས་པ་ལེའུ་དངོས་ཀྱི་དོན་ལ་གསུམ། དབང་པོ་གསུམ་གྱི་རིམ་པ་མདོར་བསྟན། འབྲིང་དང་ཐ་མའི་རིམ་པ་རྒྱས་པར་བཤད། ས་དང་ལམ་གྱི་རིམ་པས་དོན་བསྡུ་བའོ། །དང་པོ་དབང་པོ་གསུམ་གྱི་རིམ་པ་མདོར་བསྟན་པ་ལ་གསུམ། དབང་པོ་རབ་ཀྱི་རིམ་པ། འབྲིང་དང་ཐ་མའི་རིམ་པ། དབང་པོ་གསུམ་གྱི་དོན་བསྡུ་བའོ། །དང་པོ་དབང་པོ་རབ་ལ་གཉིས། དང་པོ་རྟོགས་པ་ཆུ་བོ་རྒྱུན་གྱི་རྣལ་འབྱོར་བསྟན་པ། དེ་ཡང་སོགས། ༡༡གཉིས་པ་ཀློང་གྱུར་རྟོགས་པའི་གདེང་ཚད་བསྟན་པ། ཐུན་མཚམས་སོགས། ༢༠འབྲིང་དང་ཐ་མའི་རིམ་པ་ལ་གསུམ། དང་པོ་ཆེད་དུ་རྩོལ་བས་སྒོམ་པའི་འཐད་པ་དགོད་པ། འབྲིང་དང་སོགས། ༠༣གཉིས་པ་མ་བསྒོམས་འཁོར་བར་འཁྱམས་པས་སྒོམ་དགོས་པའི་རྒྱུ་མཚན་སོགས། ཁྱད་པར་སོགས། ༠༤གསུམ་པ་ཞི་གནས་ལྷག་མཐོང་ཟུང་དུ་འབྲེལ་བའི་དགོས་ཆེད་བསྟན་པ། ཞི་གནས་སོགས། ༠༢གསུམ་པ་དབང་པོ་གསུམ་གྱི་དོན་བསྡུ་བ་ནི། དེས་ན་སོགས། ༢༢དོན་གཉིས་པ་འབྲིང་དང་ཐ་མའི་རིམ་པ་རྒྱས་པར་བཤད་པ་ལ་གསུམ། དབང་པོ་འབྲིང་གི་སྒོམ་ཚུལ། ཐ་མའི་སྒོམ་ཚུལ། སྒོམ་པ་ཐོབ་པའི་ཏིང་ངེ་འཛིན་གྱི་དབྱེ་བའོ། །དང་པོ་འབྲིང་གི་སྒོམ་ཚུལ་ལ་གསུམ། རྣམ་པར་མི་རྟོག་པའི་ཡེ་ཤེས་སྒོམ་པར་གདམས་པ། དེའི་དོན་ལ་ཇི་ལྟར་སྒོམ་པ་དངོས་བསྟན་པ། ཡེ་ཤེས་བཞིའི་འཆར་ཚུལ་བསྟན་པའོ། །དང་པོ་རྣམ་པར་མི་རྟོགས་པའི་ཡེ་ཤེས་སྒོམ་པར་གདམས་པ་ལ་ལྔ། དང་པོ་མཉམ་པར་འཇོག་པའི་འཐད་པ་དགོད་པ། ད་ནི་སོགས། ༢༠གཉིས་པ་མཐའ་བྲལ་སྒོམ་པའི་མན་ངག་བསྟན་པ། ལུས་ནི་སོགས། ༡༠གསུམ་པ་དེ་ལས་སྐྱེས་པའི་ཉམས་མྱོང་བསྟན་པ། དེ་ཚེ་སོགས། ༡༠བཞི་པ་དེ་ཚེ་རྟོགས་པའི་འཁྲུངས་ཚུལ་བསྟན་པ། སྣང་དང་སོགས། ༠༥ལྔ་པ་དེ་ཉིད་དོན་ལ་སྒོམ་པར་གདམས་པ། འདི་ནི་སོགས། ༡༠གཉིས་པ་དེའི་དོན་ལ་ཇི་ལྟར་སྒོམ་པ་དངོས་བསྟན་པ་ལ་དགུ། དང་པོ་སྟོང་གསལ་མཁའ་ལྟར་དག་པའི་སྒོམ་ཚུལ། སེམས་ཉིད་སོགས། ༡༠གཉིས་པ་དྭངས་གསལ་རྒྱ་མཚོ་ལྟ་བུའི་སོགས། དྭངས་ཤིང་སོགས། ༠༣གསུམ་པ་ནམ་མཁའི་སྤྲིན་དཔེས་ལྟ་བུའི་སོགས། སྟོང་ཞིང་སོགས། ༠༢བཞི་པ་མི་གཡོ་རི་རྒྱལ་ལྟ་བུའི་སོགས། བརྟན་ཞིང་སོགས། ༠༢ལྔ་པ་གསལ་དག་མེ་ལོང་དག་ཅིང་སོགས། ༠༢དྲུག་པ་སྟོང་གསལ་འཇའ་ཚོན་སོགས། ཡེ་གྲོལ་སོགས། ༠༢བདུན་པ་མ་ཡེངས་མདའ་མཁན་སོགས། གཞན་དུ་སོགས། ༠༢བརྒྱད་པ་བློ་བདེ་ལས་ཟིན་སོགས། ཐག་ཆོད་སོགས། ༠༢དགུ་པ་ཞི་ལྷག་ཟུང་དུ་འབྲེལ་བའི་སྒྲུབ་བྱེད་བསྟན་པ། འདི་ནི་སོགས། ༠༥གསུམ་པ་ཡེ་ཤེས་བཞིའི་འཆར་ཚུལ་ངེས་པ་ལ་བཞི། དང་པོ་སྣང་བའི་ཡེ་ཤེས་ལ་གཉིས། དང་པོ་ཡེ་ཤེས་དངོས། དེ་ཚེ་ཟབ་ཞི་སོགས། ༡༠གཉིས་པ་དེའི་ཡོན་ཏན། དེ་ཉིད་སོགས། ༠༧གཉིས་པ་མཆེད་པའི་ཡེ་ཤེས་ལའང་གཉིས། དང་པོ་ཡེ་ཤེས་དངོས། དེ་ནས་སོགས། ༠༧གཉིས་པ་ཡོན་ཏན་བརྗོད་པ། དེ་ཚེ་སོགས། ༢༠གསུམ་པ་ཐོབ་པའི་ཡེ་ཤེས། དེ་ནས་སོགས། ༠༧བཞི་པ་ཉེ་བར་ཐོབ་པའི་ཡེ་ཤེས་ལ་གཉིས། དང་པོ་ཉམ་རྟག །དེ་ལས་ཆེས་སོགས། ༠༧གཉིས་པ་ཡེ་ཤེས་དངོས། རྩ་ཁམས་སོགས། ༦༠གཉིས་པ་ཐ་མའི་སྒོམ་ཚུལ་ལ་གསུམ། ཞི་ལྷག་གི་གནས་ལ་སྤྱིར་གདམས། སོ་སོའི་རིམ་པ་བྱེ་བྲག་ཏུ་བཤད་པ། ཟུང་འཇུག་གི་ཁྱད་པར་ངོས་བཟུང་བའོ། །དང་པོ་ཞི་ལྷག་གི་གནས་སྤྱིར་གདམས་པ་ནི། དབང་པོ་སོགས། ༡༠གཉིས་པ་སོ་སོའི་རིམ་པ་ལ་གཉིས། ཞི་གནས་དང་ལྷག་མཐོང་ངོ་། །དང་པོ་ཞི་གནས་ལ་གསུམ། དང་པོ་སྦྱོར་བ་དང་པོའི་ཏིང་ངེ་འཛིན་གྱིས་ལུས་སེམས་ཁོད་མཉམ་པ། ཐོག་མར་སོགས། ༡༠གཉིས་པ་ཡོངས་སུ་བཟུང་བའི་ཏིང་ངེ་འཛིན་གྱིས་མཉམ་པར་བཞག་པ། དེ་ནས་སོགས། ༡༦ཡོངས་སུ་རྫོགས་པའི་ཏིང་ངེ་འཛིན་གྱིས་དབང་བསྒྱུར་བ། དེ་ལྟར་སོགས། ༠༥གཉིས་པ་ལྷག་མཐོང་ལ་གཉིས་ཏེ། ཕྱི་གཟུང་བ་རང་བཞིན་མེད་པར་བརྟགས་པ་དང་། ནང་འཛིན་རང་བཞིན་མེད་པར་བསམ་པའོ། །དང་པོ་གཟུང་བ་རང་བཞིན་མེད་པར་བརྟགས་པ་ལ་གཉིས། དང་པོ་གཟུང་ཡུལ་སྣང་སྟོང་རྩ་བྲལ་དུ་བསྟན་པ། དེ་ནས་སོགས། ༠༦གཉིས་པ་དེའི་ངང་ལ་འཛིན་མེད་དུ་མཉམ་པར་བཞག་པ། ཐམས་ཅད་སོགས། ༡༠གཉིས་པ་འཛིན་པ་རང་བཞིན་མེད་པར་བསམ་པ་ལ་བཞི། དང་པོ་སེམས་དང་སེམས་བྱུང་རང་ངོ་བརྟགས་པ། དེ་ནས་སོགས། ༠༥གཉིས་པ་སྟོང་པར་རྟོགས་པས་རྩ་བ་བཅད་པ། སེམས་ནི་སོགས། ༡༢གསུམ་པ་དེའི་ངང་ལ་སྒོམ་ཚུལ་བསྟན་པ། དེ་ཚེ་སོགས། ༡༠བཞི་པ་དེ་ལྟར་བསྒོམ་པའི་དགོས་པ་བརྗོད་པ། དེ་ཡི་སོགས། ༠༢གསུམ་པ་ཟུང་འཇུག་གི་ཁྱད་པར་ངོས་བཟུང་བ་ལ་གསུམ། ཟུང་འཇུག་དོན་གྱི་སྒོམ་ཚུལ། འོད་གསལ་རྟོགས་པའི་འཆར་ཚུལ། ཞི་ལྷག་ངེས་པའི་རང་བཞིན་ནོ། །དང་པོ་ནི་ཟུང་འཇུག་དོན་གྱི་སྒོམ་ཚུལ་ལ་གསུམ། དང་པོ་གནས་ལུགས་དོན་གྱི་ཟུང་འཇུག །དེ་ནས་སོགས། ༠༢གཉིས་པ་གཉིས་མེད་བློའི་སྒོམ་ཚུལ། གཉིས་སུ་སོགས། ༠༦གསུམ་པ་དྲོད་རྟགས་ཡོན་ཏན་གྱི་སྐྱེ་ཚུལ། དེ་ཡིས་སོགས། ༡༠གཉིས་པ་འོད་གསལ་ལ་གསུམ། དང་པོ་སེམས་ཉིད་གཞིའི་འོད་གསལ། དེ་ཚེ་སོགས། ༠༢གཉིས་པ་དེ་ཉིད་བློའི་རྟོགས་ཚུལ། གཟུང་ཡུལ་སོགས། ༠༥གསུམ་པ་གནས་ལུགས་ངང་དུ་ཕྱིན་ཚུལ། འཛིན་མེད་སོགས། ༡༠གསུམ་པ་ཞི་ལྷག་ངེས་པའི་རང་བཞིན་ལ་གསུམ། དང་པོ་ངོ་བོ་ངེས་པའི་གྲུབ་ཚུལ། གནས་པས་སོགས། ༠༣གཉིས་པ་རང་བཞིན་ངེས་པའི་སྒོམ་ཚུལ་ལྷག་མཐོང་སོགས། ༠༢གསུམ་པ་གནས་ལུགས་ངེས་པའི་སྐྱེས་ཚུལ། གང་ཚེ་སོགས། ༡༠དོན་གསུམ་པ་བསྒོམས་པས་ཐོབ་པ་ཏིང་འཛིན་གྱི་རང་བཞིན་ལ་གསུམ། སེམས་ཉིད་ཡོན་ཏན་གྱི་འཆར་གཞི་མདོར་བསྟན། དེ་ལས་ཤར་བའི་ཡོན་ཏན་དངོས་རྒྱས་པར་བཤད། ཞི་ལྷག་ངེས་པས་དོན་བསྡུ་བའོ། །དང་པོ་ནི། རང་བཞིན་སོགས། ༡༠གཉིས་པ་ལ་གཉིས། སྙོམས་འཇུག་དགུའི་སྒོམ་ཚུལ་དང་། ཏིང་ངེ་འཛིན་གྱི་ཐོབ་ཚུལ་ལོ། །དང་པོ་སྙོམས་དགུའི་སྒོམ་ཚུལ་ལ་གསུམ། དང་པོ་བསམ་གཏན་བཞིའི་སྒོམ་ཚུལ། རང་ས༢༡་སོགས། གཉིས་པ་ལྷག་མ་ལྔའི་སྒོམ་ཚུལ། དེ་ལས་སོགས། ༢༢གསུམ་པ་མངོན་ཤེས་རྫུ་འཕྲུལ་ཐོབ་ཚུལ། དེ་ལྟར་སོགས། ༢༠གཉིས་པ་ཏིང་ངེ་འཛིན་གྱི་ཐོབ་ཚུལ། དེ་ཚེ་སོགས། ༡༢གསུམ་པ་ཞི་ལྷག་ངེས་པས་དོན་བསྡུ་བ། ལྷག་མཐོང་སོགས། ༠༣དོན་གསུམ་པ་ས་དང་ལམ་གྱི་ཡོན་ཏན་ལ་དྲུག་ལས། དང་པོ་ཚོགས་ལམ་ལ་གསུམ། དང་པོ་ཆུང་ངུ་། ལམ་ལྔའི་སོགས། ༠༣གཉིས་པ་འབྲིང་། འབྲིང་དུ་སོགས། ༠༢གསུམ་པ་ཆེན་པོ། ཆེན་པོར་སོགས། ༡༢གཉིས་པ་སྦྱོར་ལམ། སྦྱོར་ལམ་སོགས། ༡༠གསུམ་པ་མཐོང་ལམ། མཐོང་བའི་སོགས། ༡༠བཞི་པ་སྒོམ་ལམ། སྒོམ་ལམ་སོགས། ༠༣ལྔ་པ་མི་སློབ་པའི་ལམ། དེ་ལྟར་སོགས། ༠༣དྲུག་པ་ས་ལམ་བགྲོད་པའི་ངེས་བཟུང་། འདི་ལྟར་སོགས། ༡༣ལེའུ་རྫོགས་པ་མཇུག་གི་དོན་ལ་གཉིས། དང་པོ་སྐབས་ཀྱི་དགེ་བ་བསྔོ་བ། དེ་ལྟར་སོགས། ༡༠གཉིས་པ་ལེའུའི་མཚན། རྫོགས་པ་སོགས། ལེའུ་བཅུ་གཅིག་པའི་བསྡུས་དོན་ཚང་ངོ་། ། ༈ བཅུ་གཉིས་པ་སྒྲུབ་ཚུལ་ཐབས་ལ་མཁས་པའི་ལེའུ་ལ་གསུམ་སྟེ། ལེའུ་ལ་འཇུག་པ་རྒྱུའི་དོན། ལེའུ་དངོས་ཀྱི་དོན། ལེའུ་རྫོགས་པ་མཇུག་གི་དོན་ནོ། །དང་པོ་ནི། དེ་ལྟར་སོགས། ༠༢གཉིས་པ་ལེའུ་དངོས་ཀྱི་དོན་ལ་གཉིས། སྒྲུབ་ཚུལ་གསུམ་གྱི་ངོ་བོ་མདོར་བསྟན་དང་། དབྱེ་བ་རྒྱས་པར་བཤད་པའོ། །དང་པོ་ནི། གང་གིས་སོགས། ༠༣གཉིས་པ་རྒྱས་པར་བཤད་པ་ལ་གསུམ། གང་གིས་སྒྲུབ་པའི་གང་ཟག །ཇི་ལྟར་སྒྲུབ་པའི་ཐབས། གང་སྒྲུབ་པའི་ངོ་བོ་བསྟན་པའོ། །དང་པོ་གང་གིས་སྒྲུབ་པའི་གང་ཟག་ལ་ལྔ། དང་པོ་བསྲིང་བ་གཉིས་ལྡན་གྱིས་འགྲུབ་པ། གང་གིས་སོགས། ༡༠གཉིས་པ་རང་རྒྱུད་དག་པས་སོགས། དད་ལྡན་སོགས། ༡༠གསུམ་པ་རང་སེམས་དང་པས་སོགས། ལུས་སེམས་སོགས། ༡༠བཞི་པ་ངང་གིས་དབེན་པས་སོགས། གྲོང་དང་སོགས། ༡༠ལྔ་པ་ངེས་པར་འབྱུང་བས་འགྲུབ་པ། ཚེ་འདིའི་སོགས། ༡༠གཉིས་པ་ཇི་ལྟར་སྒྲུབ་པའི་ཐབས་ལ་བཞི། ཞི་ལྷག་སྒྲུབ་ཚུལ་གྱི་གོ་དོན་སྤྱིར་བཞག །ཞི་གནས་གྲུབ་པའི་ཐབས་བྱེ་བྲག་ཏུ་བསྟན། ལྷག་མཐོང་སྒྲུབ་པའི་ཐབས་རྒྱ་ཆེར་བཤད། ཟུང་འཇུག་སྒྲུབ་པའི་ཐབས་རབ་ཏུ་དབྱེ་བའོ། །དང་པོ་ཞི་ལྷག་སྒྲུབ་ཚུལ་གྱི་གོ་དོན་ལ་གསུམ། དང་པོ་བསམ་གཏན་གྱི་སྒྲིབ་པ་ལྔ་སྤང་བར་གདམས་པ། ཇི་ལྟར་སྒྲུབ༠༦གཉིས་པ་དེའི་གཉེན་པོ་བསྟེན་པར་གདམས་པ། དེ་ལྟར་སོགས། ༠༣གསུམ་པ་ཟུང་འབྲེལ་སྒྲུབ་པའི་གཉེན་པོར་བསྟན་པ། ཞི་གནས་སོགས། ༠༣གཉིས་པ་ཞི་གནས་སྒྲུབ་པ་ལ་བཞི་སྟེ། དང་པོ། དལ་ལ་མ་ཡེངས་པ་ཐབས་ཀྱི་མཆོག་ཏུ་བསྟན་པ། ཞི་གནས་སོགས། ༡༠གཉིས་པ་དམིགས་རྟེན་ཡུལ་གྱི་བྱེ་བྲག་བསྟན་པ། དེ་ཡང་སོགས། ༠༦གསུམ་པ་རྣམ་པ་བློའི་འཇོག་ཚུལ་བསྟན་པ། དམིགས་ཡུལ་སོགས། ༠༢བཞི་པ་རྩལ་སྦྱོང་བོགས་ཀྱི་འབྱིན་ཚུལ་བསྟན་པ། དེ་ཡིས་སོགས། ༠༥གསུམ་པ་ལྷག་མཐོང་སྒྲུབ་པ་ལ་གསུམ། དང་པོ་གསལ་དང་ཕྱེད་ལ་མ་ཡེངས་པ་ཐབས་ཀྱི་མཆོག་ཏུ་བསྟན་པ། ལྷག་མཐོང་སོགས། ༠༣གཉིས་པ་དམིགས་རྣམ་ངེས་པའི་སྒོམ་ཚུལ་བསྟན་པ། དེ་ཡང་སོགས། ༡༠གསུམ་པ་རྩལ་སྦྱོང་བོགས་ཀྱི་འབྱིན་ཚུལ་བསྟན་པ། སྟེངས་ན་སོགས། ༢༢གཉིས་པ་ཟུང་འཇུག་སྒྲུབ་པའི་ཐབས་ལ་ལྔ། དང་པོ་ཕྱམ་བརྡལ་འཛིན་མེད་ཐབས་ཀྱི་མཆོག་ཏུ་བསྟན་པ། ཟུང་འཇུག་སོགས། ༠༣གཉིས་པ་དམིགས་རྣམ་ངེས་པའི་སྒོམ་ཚུལ་བསྟན་པ། ཇི་ལྟར་སོགས། ༡༠གསུམ་པ་གེགས་ཀྱི་དྲི་མ་སེལ་ཐབས། སྟེངས་ན་སོགས། ༠༢བཞི་པ་བོགས་འབྱིན་གནད་ཀྱི་མན་ངག །བོག་འབྱིན་སོགས། ༠༣ལྔ་པ་རྩལ་སྦྱོང་ཟབ་དོན་སྙིང་པོ། ཕྱི་རོལ་སོགས། ༡༠གསུམ་པ་གང་སྒྲུབ་པའི་ངོ་བོ་བསྟན་པ་ལ་བརྒྱད། ངོ་བོ་བརྗོད་བྲལ་དོན་གྱི་ངོ་བོ་བསྟན་པ། གཉིས་མེད་སོགས། ༠༥གཉིས་པ་སྣ་ཚོགས་དུ་མ་རོ་གཅིག་ཏུ་སོགས། ཇི་ལྟར་གཟུགས་སོགས། ༠༢གསུམ་པ་འཆར་ཚུལ་ངང་དང་སྐྱེ་མེད་དུ་སོགས། ཇི་ལྟར་སྤྲིན་སོགས། ༠༢བཞི་པ་ཉམ་རྟགས་རོལ་བའི་རྩལ་སྣང་དུ་སོགས། ཇི་ལྟར་ཆུ་བོ་སོགས། ༠༢ལྔ་པ་འཁོར་འདས་རིག་པའི་རང་སྣང་དུ། ཇི་ལྟར་སྒྱུ་མ་སོགས། ༠༢དྲུག་པ་ཆོས་རྣམས་ཡེ་གྲོལ་དབྱེར་མེད་དུ་སོགས། ཇི་ལྟར་ཕྱོགས་སོགས། ༡༠བདུན་པ་སྣང་སེམས་སྒྱུ་མ་གཉིས་མེད་དུ་སོགས། ཇི་ལྟར་སྣ་ཚོགས་སོགས། ༡༠བརྒྱད་པ་རིག་སྟོང་ཆོས་དབྱིངས་ཁྱབ་བརྡལ་དུ་སོགས། ཇི་ལྟར་ཚོགས་པ་སོགས། ༡༠དོན་གསུམ་པ་ལེའུ་རྫོགས་པ་མཇུག་གི་དོན་ལ་གཉིས། དང་པོ་སྐབས་ཀྱི་དགེ་བ་བསྔོ་བ། དེ་ལྟར་སོགས། ༡༠གཉིས་པ་ལེའུའི་མཚན་བཤད་པ། རྫོགས་པ་ཆེན་པོ་སོགས། ལེའུ་བཅུ་གཉིས་པའི་ས་བཅད་ཚང་ངོ་། ། ༈ བཅུ་གསུམ་པ་འབྲས་བུ་ལྷུན་གྲུབ་ཆེན་པོའི་ལེའུ་ལ་གསུམ་སྟེ། ལེའུ་ལ་འཇུག་པ་རྒྱུའི་དོན། ལེའུ་དངོས་ཀྱི་དོན། ལེའུ་རྫོགས་པ་མཇུག་གི་དོན་ནོ། །དང་པོ་ནི། དེ་ལྟར་སོགས། ༡༢གཉིས་པ་ལེའུ་དངོས་ཀྱི་དོན་ལ་གསུམ། བཞི་པ་བྱང་ཆུབ་བརྙེས་ཚུལ་སྤྱིར་བསྟན། སྐུ་ལྔ་ལྷུན་གྲུབ་ཀྱི་རང་བཞིན་བྱེ་བྲག་ཏུ་བཤད། ནང་དབྱིངས་རྣམ་དག་གི་འཆར་གཞིའི་དོན་བསྡུ་བའོ། །དང་པོ་ཞི་བ་བྱང་ཆུབ་བརྙེས་ཚུལ་ལ་གཉིས། དང་པོ་དག་པ་གཉིས་ལྡན་ཆོས་དབྱིངས་བརྙེས་ཚུལ། སེམས་དང་སོགས། ༡༠གཉིས་པ་བཞི་བ་ནང་དབྱིངས་ལས་རྟག་ཏུ་མི་གཡོ་བར་བསྟན་པ། ཤིན་ཏུ་སོགས། ༡༠གཉིས་པ་སྐུ་ལྔ་ལྷུན་གྲུབ་ཀྱི་རང་བཞིན་བྱེ་བྲག་ཏུ་བཤད་པ་ལ་གསུམ། སྣང་དབྱིངས་སྐུ་གསུམ་གྱི་རང་བཞིན་མདོར་བསྟན་པ། རང་སྣང་ལོངས་སྐུའི་ཞིང་ཁམས་རྒྱས་པར་བཤད་པ། ཕྱིར་སྣང་སྤྲུལ་སྐུའི་རབ་དབྱེ་རྒྱ་ཆེར་བཤད་པའོ། །དང་པོ་ལ་གཉིས། རྣམ་དབྱེ་སྤྱིར་བསྟན་པ་དང་། དབྱིངས་ལས་གཞན་དུ་མི་སྣང་བར་བསྟན་པའོ། །དང་པོ་རྣམ་དབྱེ་སྤྱིར་བསྟན་པ་ལ་གསུམ། དང་པོ་མི་འགྱུར་རྡོ་རྗེའི་སྐུ་ནི། ཆོས་ཉིད་སོགས། ༡༠གཉིས་པ་མངོན་པར་བྱང་ཆུབ་པའི་སྐུ་ནི། རང་བཞིན་སོགས། ༠༦གསུམ་པ་ཞི་བ་ཆོས་སྐུ་ནི། ཤེས་བྱའི་སོགས། ༢༡གཉིས་པ་དབྱིངས་ལས་གཞན་དུ་མི་སྣང་བར་བསྟན་པ་ལ་གསུམ། དང་པོ་རྒྱལ་བ་ཁོ་ནའི་སྤྱོད་ཡུལ་དུ་བསྟན་པ། འདི་དག་སོགས། ༠༦གཉིས་པ་གཟིགས་སྣང་ཀུན་ལས་འདས་པར་བསྟན་པ། ཆོས་དབྱིངས་སོགས། ༠༥གསུམ་པ་གནས་ལུགས་རྫོགས་རིམ་མཐར་ཐུག་བསྟན་པ། འདི་ནི་སོགས། ༠༢གཉིས་པ་རང་སྣང་ལོངས་སྐུའི་ཞིང་ཁམས་བཤད་པ་ལ་གསུམ། དང་པོ་ཕུན་སུམ་ཚོགས་པ་ལྔའི་ངོ་བོ་མདོར་བསྟན། དེའི་རང་བཞིན་རྒྱས་པར་བཤད། སྐབས་དོན་ངེས་པར་དོན་བསྡུ་བའོ། །དང་པོ་མདོར་བསྟན་ནི། དེ་ཉིད་སོགས། ༠༢གཉིས་པ་རྒྱས་པར་བཤད་པ་ལ་ལྔ། གནས། དུས་སོགས། སྟོན་པ། ཆོས། འཁོར་ཕུན་སུམ་ཚོགས་པའོ། །དང་པོ་གནས་ལ་གསུམ། དང་པོ་ཞིང་དང་གཞལ་ཡས་ཁང་གི་སྣང་ཚུལ། གནས་ནི་སོགས། ༠༧གཉིས་པ་རྒྱན་དང་བཀོད་པའི་ཁྱད་པར། འཕན་གདུགས་སོགས། ༢༡གསུམ་པ་གདན་ཁྲིའི་རང་བཞིན། ཀུན་གྱི་ནང་ན་སོགས། ༠༢གཉིས་པ་དུས་ཕུན་སུམ་ཚོགས་པ་ནི་སོགས། དུས་ནི་སོགས། ༡༠གསུམ་པ་སྟོན་པ་ཕུན་སུམ་ཚོགས་པ་ནི། སྟོན་པ་སོགས། ༣༠བཞི་པ་ཆོས་ཕུན་སུམ་ཚོགས་པ་ནི། ཆོས་ནི་སོགས། ༢༠ལྔ་པ་འཁོར་ཕུན་སུམ་ཚོགས་པ་ལ་གཉིས། དང་པོ་ཞི་བའི་འཁོར་ནི་སོགས། འཁོར་ནི་སོགས། ༢༠གཉིས་པ་ཁྲོ་བོའི་འཁོར་ནི། ཁྲོ་བོ་སོགས། ༠༦གསུམ་པ་དོན་བསྡུས་བ་ལ་བཞི། དང་པོ་དཀྱིལ་འཁོར་གཞན་ཡང་ཚུལ་འདིས་དཔག་པ། གཞན་ཡང་སོགས། ༡༠གཉིས་པ་བདེ་གཤེགས་ལོངས་སྐུའི་སྣང་བར་བསྟན་པ། དེ་ལྟར་སོགས། ༠༦གསུམ་པ་གདུལ་བྱའི་སྣང་ཡུལ་མིན་པར་བསྟན་པ། དེ་ལྟར་སོགས། ༠༢བཞི་པ་དུས་གསུམ་རྒྱལ་བའི་རང་སྣང་དུ་བསྟན་པ། རང་སྣང་སོགས། ༠༢གསུམ་པ་ཕྱིར་སྣང་སྤྲུལ་སྐུའི་རབ་ཏུ་དབྱེ་བ་ལ་གཉིས། དང་པོ་མདོར་བསྟན་ནི། དེ་ཉིད་སོགས། ༡༠གཉིས་པ་རྒྱས་པར་བཤད་པ་ལ་གསུམ། རང་བཞིན་སྤྲུལ་སྐུ། འགྲོ་འདུལ་སྤྲུལ་སྐུ། སྣ་ཚོགས་སྤྲུལ་སྐུའོ། །དང་པོ་ནི་རང་བཞིན་སྤྲུལ་སྐུ་ལ་གསུམ། འདུལ་བྱེད་སྟོན་པའི་རང་བཞིན་སྤྱིར་བསྟན། འཁོར་དུས་རིགས་ལྔའི་རང་བཞིན་བྱེ་བྲག་ཏུ་བཤད། གནས་སྐབས་ངེས་པའི་རང་བཞིན་དོན་བསྡུ་པའོ། །དང་པོ་འདུལ་བྱེད་སྟོན་པའི་རང་བཞིན་ལ་གཉིས། རྟེན་སྐུའི་སྣང་ཚུལ་དང་། བརྟེན་པ་ཡེ་ཤེས་ཀྱི་གནས་ཚུལ་ལོ། །དང་པོ་སྐུའི་སྣང་ཚུལ་ནི། དེ་ཡང་སོགས། ༠༧གཉིས་པ་ཡེ་ཤེས་ཀྱི་གནས་ཚུལ་ལ་གཉིས། དང་པོ་མདོར་བསྟན་པ་ནི། དེ་ཡང་སོགས། ༠༥གཉིས་པ་རྒྱས་པར་བཤད་པ་ལ་ལྔ། དང་པོ་ཆོས་ཀྱི་དབྱིངས་ཀྱི་ཡེ་ཤེས། ཆོས་དབྱིངས་སོགས། ༠༢གཉིས་པ་མེ་ལོང་ཡེ་ཤེས། མེ་ལོང་སོགས། ༠༢གསུམ་པ་མཉམ་ཉིད་ཡེ་ཤེས། མཉམ་ཉིད་སོགས། ༠༢བཞི་པ་སོ་སོར་རྟོགས་པའི་ཡེ་ཤེས། ཀུན་རྟོགས་སོགས། ༠༢ལྔ་པ་བྱ་གྲུབ་ཡེ་ཤེས། བྱ་གྲུབ་སོགས། ༠༢གཉིས་པ་འཁོར་དུས་རིགས་ལྔའི་རང་བཞིན་ལ་བདུན། དང་པོ་འཁོར་གྱི་སྒྲིབ་པ་སྦྱོང་ཚུལ། གདུལ་བྱའི་སོགས། ༢༠གཉིས་པ་རྟག་ཏུ་གཞན་དོན་མཛད་ཚུལ། དུས་ནི་སོགས། ༠༢གསུམ་པ་རིགས་ལྔར་འཐད་པའི་རང་བཞིན། དེ་ལྟར་སོགས། ༡༠བཞི་བ་དེའི་ཁྱད་པར་སྣང་ཚུལ། དེ་བཞིན་སོགས། ༠༣ལྔ་པ་ཕྱེད་སྣང་སྤྲུལ་སྐུའི་ངེས་ཚིག །དེ་ལྟར་སོགས། ༠༧དྲུག་པ་ཞིང་ཁམས་དེའི་སྣང་ཚུལ། ཞིང་དེ་སོགས། ༠༧བདུན་པ་མཁའ་སྤྱོད་ཚུལ་འདིར་བསྡུ་ཚུལ། དེ་བཞིན་སོགས། ༠༧གཉིས་པ་འགྲོ་འདུལ་སྤྲུལ་སྐུ་ལ་གསུམ། འགྲོ་འདུལ་སྤྲུལ་བའི་རང་བཞིན་བསྟན་པ། དེ་ལ་བརྟེན་པའི་ཡེ་ཤེས་བསྟན་པ། དེ་ཉིད་ངེས་པའི་རྒྱུ་མཚན་བསྟན་པའོ། །དང་པོ་འགྲོ་འདུལ་སྤྲུལ་པའི་རང་བཞིན་བསྟན་པ་ལ་གསུམ། དང་པོ་ཐུབ་པ་དྲུག་གི་རང་བཞིན་བསྟན་པ། དེ་ཉིད་སོགས། ༠༧གཉིས་པ་རེ་རེའང་དཔག་མེད་མཐའ་ཡས་པར་བསྟན་པ། དེ་ཡང་སོགས། ༠༥གསུམ་པ་དེའི་རྒྱུ་མཚན་འཐད་པ་འགོད་པ། མི་ལའང་སོགས། ༢༡གཉིས་པ་དེ་ལ་བརྟེན་པའི་ཡེ་ཤེས་ལ་གཉིས། དང་པོ་ཡེ་ཤེས་ཀྱི་ངོ་བོ་བསྟན་པ། དེ་ལྟར་སོགས། ༡༠གཉིས་པ་ཡེ་ཤེས་གཉིས་ཀྱི་དབྱེ་བ་བསྟན་པ། ཇི་ལྟའི་སོགས། ༡༠གསུམ་པ་དེ་ཉིད་ངེས་པའི་རྒྱུ་མཚན་བསྟན་པ་ལ་གསུམ། དང་པོ་མ་དག་གདུལ་བྱའི་སྟོན་པར་བསྟན་པ། འདི་ནི་སོགས། ༠༥གཉིས་པ་འགྲོ་སེམས་མཐུན་པའི་ལས་སྣང་དུ་བསྟན་པ། དེ་ལྟར་སོགས། ༠༧གསུམ་པ་ཐུགས་རྗེ་སྤྲུལ་བའི་བྱིན་རླབས་བསྟན་པ། འདི་ནི་སོགས། ༠༢གསུམ་པ་སྣ་ཚོགས་སྤྲུལ་སྐུ་ལ་གཉིས། དང་པོ་སྤྲུལ་སྐུའི་སྣང་ཚུལ། དེ་ཉིད་སོགས། ༧༡གཉིས་པ་འགྲོ་དོན་མཛད་ཚུལ། གནས་སྐབས་སོགས། ༠༣དོན་གསུམ་པ་དབྱིངས་རྣམ་དག་གི་འཆར་གཞི་དོན་བསྡུ་བ། གདུལ་བྱ་སོགས། ༠༧གསུམ་པ་ལེའུ་རྫོགས་པ་མཇུག་གི་དོན་ལ་གཉིས། དང་པོ་སྐབས་ཀྱི་དགེ་བ་བསྔོ་བ། དེ་ལྟར་སོགས། ༡༠གཉིས་པ་ལེའུའི་མཚན། རྫོགས་པ་ཆེན་པོ་སོགས། ལེའུ་བཅུ་གསུམ་པའི་བསྡུས་དོན་ཚང་ངོ་། །

༈ སྤྱི་དོན་གསུམ་པ་མཐར་ཕྱིན་པ་མཇུག་གི་དོན་ལ་ལྔ། དགེ་བ་གཞན་དུ་བསྔོ་བ། དེ་ལྟར་ལེགས་བཤད་སོགས། ༡༠གཉིས་པ་ལེགས་བཤད་བརྩམ་པའི་འཐད་པ་འགོད་པ། དེང་སང་སོགས། ༡༠གསུམ་པ་གཞན་དོན་དུ་བསྟན་བཅོས་ཇི་ལྟར་རྩོམ་ཚུལ། འདི་ནི་རྒྱུ་འབྲས་སོགས། ༡༠བཞི་བ་བསྟན་བཅོས་བཀྲ་ཤིས་ཤིང་དགེ་བ་རླབས་ཆེ་བར་བསྔོ་བ། དགེ་བ་དེ་ཡིས་སོགས། ༡༠ལྔ་པ་ཡོངས་སུ་རྫོགས་པའི་སྦྱར་ཚུལ། རྫོགས་པ་ཆེན་པོ་སོགས་ནས་སྦྱར་བ་རྫོགས་སོ། །དགེའོ། །དགེའོ། །དགེའོ། །