ཤེས་རབ་ཁྲི་བའི་བསྡུས་དོན།

🚧 This website is under continued development. We appreciate your patience!

Previous Text Back to Volume PageNext Text

Wylie title	shes rab khri ba'i bsdus don
Location	dpal sprul bka' 'bum Volume 2, Text 19, Pages (Folios to )
Author	དཔལ་སྤྲུལ་རིན་པོ་ཆེ་
Less details More details
Citation
Genre	Commentary Synoptic - bsdus don 'grel pa
Colophon	ཞེས་ཤེས་རབ་ཁྲི་བའི་བསྡུས་དོན་དང་བཅས་པ་འདི་དཔལ་སྤྲུལ་པས་སོ།
	zhes shes rab khri ba'i bsdus don dang bcas pa 'di dpal sprul pas so/

Tibetan Text

[edit]

༈ ཁྲི་བ་ལས། ཤཱ་ར་དྭ་ཏིའི་བུ། ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བྱ་བ་ནི་འདི་ལྟ་སྟེ། ཆོས་ཐམས་ཅད་ལ་མངོན་པར་ཞེན་པ་མེད་པ་ཡིན་ནོ། །ཤྭ་ར་དྭ་ཏིའི་བུ། བྱང་ཆུབ་སེམས་དཔའ་མངོན་པར་ཞེན་པ་མེད་པ་རྣམས་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་ཕ་རོལ་དུ་སོན་པ་ཡིན་ཞིང་། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་ཡང་གྱུར་ཏོ། །གཟུགས་ནས་དཔེ་བྱད་བར་གྱི་ཆོས་ཐམས་ཅད། །ཐ་དད་ཀུན་རྫོབ་དུ་མཐོང་དོན་དམ་མིན། །དོན་དམ་ཞེན་མེད་སྒྱུ་མ་རྨི་ལམ་བཞིན། །ལྟ་བ་ཡོངས་འཛིན་སེམས་རྣམས་རྨོངས་པ་ཞེན། །ཆོས་རྣམས་མིང་ཙམ་དེ་ཡོངས་གྲུབ་པ་མེད། །དེར་དམིགས་མཚན་འཛིན་རྟོག་དཔྱོད་ཞེན་གཉིས་ཡིན། །ཆོས་སུ་བཏགས་ཙམ་དེ་ལ་སྐྱེ་འགགས་མེད། །མིང་དེ་ཕྱི་ནང་བར་ན་མི་གནས་སོ། །བཏགས་ཙམ་རྟོགས་ན་ཆོས་སུ་ཞེན་པ་མེད། །མིང་དུ་བས་ན་ཡོད་མེད་མངོན་རྟོགས་མེད། །དངོས་དང་དངོས་མེད་གཉིས་མཐོང་གྲོལ་མ་ལགས། །ཅི་ཕྱིར་གཟུགས་སོགས་མ་མཆིས་མི་དམིགས་ཕྱིར། །ཉོན་མོངས་མཚན་མ་གཅིག་ལ་གཟུགས་སྒྲ་སོགས། །ཉོན་མོངས་གང་ཡིན་དེ་ནི་རྣམ་མི་གྲོལ། །དེ་ལྟར་མ་ཞེན་ཤེས་རབ་དེ་ལགས་སོ། །རབ་ཀྱི་རྩལ་གྱིས་རྣམ་པར་གནོན་པས་ཞུས་པ་ལས། ཡེ་ཤེས་ནི་ཡུལ་མེད་པའོ། །གལ་ཏེ་ཡེ་ཤེས་ལ་ཡུལ་ཡོད་དུ་ཟིན་ན་མི་ཤེས་འགྱུར་རོ། །ཞེས་ཤེས་རབ་ཁྲི་བའི་བསྡུས་དོན་དང་བཅས་པ་འདི་དཔལ་སྤྲུལ་པས་སོ། །