ཡང་དག་ཐུགས་ཀྱི་དཀྱིལ་འཁོར་དུ་རྟོགས་པ་བརྗོད་པའི་རྡོ་རྗེའི་ཐོལ་གླུ་ཧེ་རུ་ཀའི་ཞལ་ལུང་།

🚧 This website is under continued development. We appreciate your patience!

Previous Text Back to Volume PageNext Text

Wylie title	yang dag thugs kyi dkyil 'khor du rtogs pa brjod pa'i rdo rje'i thol glu he ru ka'i zhal lung
Location	mkhyen brtse'i bka' 'bum Volume 22, sde tshan 12, Text 34, Pages 452-455 (Folios 54b4 to 56a2)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. yang dag thugs kyi dkyil 'khor du rtogs pa brjod pa'i rdo rje'i thol glu he ru ka'i zhal lung. In 'jam dbyangs mkhyen brtse'i dbang po'i bka' 'bum, Vol. 22: 452-455. Khams sde dge rdzong sar dgon: Rdzong sar blo gros phun tshogs, 2020.
Genre	Autobiographies - Expressions of Realization - rtogs brjod  ·  Vajra Songs - rdo rje'i glu
Colophon	།ཅེས་པའང་ཐུགས་ཀྱི་དབེན་གནས་ལྷོ་བྲག་མཁར་ཆུ་དཔལ་གྱི་ཕུག་རིང་དུ་ཀུན་ལྡན་གྱི་ལོའི་ཁྲུམས་ཟླའི་དམར་ཕྱོགས་ཀྱི་སྟོང་པ་གསུམ་པར་དཔལ་ཡང་དག་ཟླ་གམ་དགུ་པའི་དཀྱིལ་འཁོར་དུ་ཚོགས་ཀྱི་འཁོར་ལོའི་འདུ་བ་བགྱིས་པའི་ཚེ་གང་ཤར་གྱི་རྟོགས་པ་བརྗོད་པའི་ས་བོན་ནོ།
	ces pa'ang thugs kyi dben gnas lho brag mkhar chu dpal gyi phug ring du kun ldan gyi lo'i khrums zla'i dmar phyogs kyi stong pa gsum par dpal yang dag zla gam dgu pa'i dkyil 'khor du tshogs kyi 'khor lo'i 'du ba bgyis pa'i tshe gang shar gyi rtogs pa brjod pa'i sa bon no

1 Texts in this Section (sde tshan or chos tshan)

34 452-455	ཡང་དག་ཐུགས་ཀྱི་དཀྱིལ་འཁོར་དུ་རྟོགས་པ་བརྗོད་པའི་རྡོ་རྗེའི་ཐོལ་གླུ་ཧེ་རུ་ཀའི་ཞལ་ལུང་། yang dag thugs kyi dkyil 'khor du rtogs pa brjod pa'i rdo rje'i thol glu he ru ka'i zhal lung Autobiographies - Expressions of Realization - rtogs brjod   ·   Vajra Songs - rdo rje'i glu	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

ཡང་དག་ཐུགས་ཀྱི་དཀྱིལ་འཁོར་དུ་རྟོགས་པ་བརྗོད་པའི་རྡོ་རྗེའི་ཐོལ་གླུ་ཧེ་རུ་ཀའི་ཞལ་ལུང་ཅེས་བྱ་བ། ཨ་ཧོ། བརྟན་གཡོ་ཀུན་ལ་ཁྱབ་པའི་ཆོས་ཉིད་ཀྱི་རང་བཞིན། །བདེ་སྟོང་ཁ་སྦྱོར་མཚན་དཔེའི་སྣང་ཆ་རུ་ཤར་བས། །གློ་བུར་འཁྲུལ་པའི་རྒྱུ་བ་འོད་གསལ་དུ་ཐིམ་པ། །ཧེ་རུ་ཀཿ ཧེ་རུ་ཀཿ འདུས་པ་ལས། །ཧེ་ནི་དགྱེས་པ་ཆེན་པོ་སྟེ། །རུ་ནི་ཚོགས་དང་བྲལ་བ་ཉིད། །ཀཿནི་ཕྲིན་ལས་མཛད་པར་ཤར། །ཅེས་སྐུ་གསུམ་དུ་རྣམ་པར་བཞག་གོ །དཔལ་འབར་བའི་དཀྱིལ་འཁོར་ལ་བཏུད་ནས། །ངེས་དོན་རྡོ་རྗེའི་ལམ་གྱི་ཐོལ་གླུ་ཞིག་ལེན་ནོ། །མཚན་ཉིད་ཀུན་ལྡན་ཁྱབ་བདག་འཁོར་ལོ་ཡི་མགོན་པོས། །དད་བརྩོན་བརྟུལ་ཞུགས་ལྡན་པའི་སྐལ་བཟང་གི་སློབ་མར། །ཕྱི་ནང་གསང་སྔ་མ་ལས། དཀྱིལ་འཁོར་འདི་ལ་རིམ་ཞུགས་ནས། །དབང་བཞི་རིམ་པ་བཞིན་དུ་སྦྱིན། ཞེས་སོ། །བའི་དབང་བསྐུར་དམ་ཚིག་ཀུན་བྱིན་པས། །རྒྱུད་དག་ནུས་པ་དེ་ཉིད་ལས། གང་གིས་གང་ལ་དབང་བསྐུར་བ། །རྒྱུད་དག་ནུས་པ་ཐོབ་ཕྱིར་དབང་། །ཞེས་སོ། །ཐོབ་པའི་འཇུག་སྒོ་འདི་ཨ་ཧོ། །ཡང་དག་གྲུབ་པ་གཅིག །ཧེ་རུ་ཀཿགལ་པོ་ལས། ཡང་དག་གྲུབ་པ་གཅིག་པུ་ནི། །སངས་རྒྱས་བདེ་གཤེགས་ཀུན་འདུས་པ། །རྣལ་འབྱོར་ཟབ་མོ་སྐུ་གསུམ་རྫོགས། །མཁའ་འགྲོ་སྒྱུ་མ་བདེ་བའི་མཆོག །ཅེས་པས་རྒྱུད་གསུམ་གྱི་རྣམ་བཞག་དང་སྦྱར་ནས་རིམ་པར་བསྟན། པུའི་ལྷན་སྐྱེས་ཀྱི་རྣམ་འགྱུར། །སྲིད་དང་ཞི་བ་རོ་མཉམ་མཁའ་ཁྱབ་ཀྱི་ཡེ་ཤེས། །སངས་རྒྱས་ཀུན་དང་མཉམ་སྦྱོར་བློ་འདས་ཀྱི་གཤིས་ལུགས། །འགགས་མེད་མངོན་སུམ་རང་ངོར་ཤར་བ་འདི་ཨ་ཧོ། །མཉམ་བཞག་ལྷ་སྐུ་སྒྱུ་མའི་ཕྱག་རྒྱ་ལ་རོལ་ཞིང་། །རླུང་སྔགས་མི་ཤིག་རུ་ལུའི་སྒྲ་དབྱངས་སུ་གོམས་པས། །རྗེས་ཐོབ་ཅིར་སྣང་དག་པ་རབ་འབྱམས་སུ་སད་པའི། ཧེ་རུ་ཀཿའདུས་པ་ལས། སྐུ་ནི་སྣང་བ་ཐམས་ཅད་སྟེ། །གསུང་ནི་བརྗོད་པ་ཀུན་ཉིད་དོ། །དྲན་རྟོགས་ཐུགས་སུ་དབྱེར་མེད་པས། །མ་ལུས་སྐུ་གསུང་ཐུགས་སུ་རྫོགས། །ཞེས་སོ། །འཁོར་འདས་དབྱེར་མེད་ཟུང་འཇུག་ཏིང་འཛིན་འདི་ཨ་ཧོ། །གནས་སྐབས་གསུམ་གྱི་སྣང་ཞེན་རྣལ་འབྱོར་དུ་སྦྱོར་བས། སངས་རྒྱས་མཉམ་སྦྱོར་བའི་རྒྱུད་ལས། །ལྡང་བ་སྤྲུལ་པའི་སྐུ་ཡིན་ཏེ། །རྨི་ལམ་ལོངས་སྤྱོད་རྫོགས་པའི་སྐུ། །གཉིད་ལོག་ཆོས་སྐུར་བསྒོམ་པར་བྱ། །ཅེས་པས་བསྟན། །སྐྱེ་བར་འཆི་བའི་རིམ་པ་སྐུ་གསུམ་དུ་རྫོགས་ཤིང་། །མཚན་མེད་ཇི་བཞིན་ཉིད་དབྱིངས་ཕྱག་རྒྱ་ཡིས་བཏབ་པས། །གཞི་འབྲས་གཉིས་སུ་མེད་པར་གྲོལ་བ་འདི་ཨ་ཧོ། །ཐུན་མོང་གང་འདུལ་ཕྲིན་ལས་རྣམ་བཞི་སྔ་མར། སྟོང་དང་སྟོང་མིན་ཧེ་རུ་ཀཿ བདེ་ཆེན་ཆོ་འཕྲུལ་སྣ་ཚོགས་གཟུགས། །ཞི་ལ་ཞི་དང་ཁྲོ་ལ་ཁྲོ། །ཆགས་ལ་ཆགས་དང་རྨོངས་ལ་རྨོངས། ཞེས་པས་བསྟན། ལ་སྤྱོད་ཅིང་། །ཁྱད་པར་ལམ་གྱུར་འབྲས་བུའི་བརྟུལ་ཞུགས་དང་འགྲོགས་ནས། དེ་ཉིད་ལས། རབ་ནི་སྐུ་ལྔ་ལྷུན་གྲུབ་ཐོབ། །འབྲིང་ནི་རིག་འཛིན་རྣམ་བཞིའི་ལུས། ཐ་མ་ལྷ་མིའི་མཚན་རྫོགས་པ། །འགྲུབ་པར་འགྱུར་བ་གདོན་མི་ཟ། །ཞེས་དང་། གལ་པོ་ཆེར། རྡོ་རྗེ་ཕུང་པོ་རིགས་ལྔ་ཉིད། །ཉོན་མོངས་ཡེ་ཤེས་ཆེན་པོར་གསལ། །བར་ཆད་དངོས་གྲུབ་ཉིད་དུ་གྲོལ། །རྡོ་རྗེའི་སྐུ་ལ་འཆི་བདག་མེད། །ཅེས་སོ། །མཁའ་ལྟར་དག་པའི་དབྱིངས་འགྲོ་ཡེ་ཤེས་ཀྱི་སྒྱུ་ལུས། མཉམ་སྦྱོར་བས། ངོ་མཚར་སྒྱུ་མའི་ཕྱག་རྒྱ་ནི། །མཁའ་འགྲོ་མ་ཞེས་རབ་བསྟན་ཏོ། །དེ་ནི་ནམ་མཁའ་འགྲོ་བ་ཞེས། །ཁམས་ལས་མངོན་དུ་བརྟག་བ་སྟེ། །ནམ་མཁའ་ཀུན་གྱི་སྤྱོད་གྲུབ་པས། །མཁའ་འགྲོ་མ་ཞེས་རབ་ཏུ་བརྟགས། །ཅེས་བསྟན། བདེ་ཆེན་མཆོག་ཏུ་མི་འགྱུར་གྲུབ་པ་འདི་ཨ་ཧོ། །དེ་སྐད་རྡོ་རྗེ་ཕུང་པོའི་གྲོང་ཁྱེར་གྱི་དབུས་ན། །གདོད་ནས་ཡོངས་གྲུབ་བཞུགས་པའི་དཔལ་ཆེན་གྱི་དཀྱིལ་འཁོར། །བདེ་སྟོང་བདུད་རྩིས་མྱོས་པའི་ཟབ་དོན་གྱི་རྒྱངས་གླུས། །འགྲོ་ཀུན་གདོད་མའི་བཙན་ས་ཟིན་པ་རུ་ཤོག་ཅིག །ཅེས་པའང་ཐུགས་ཀྱི་དབེན་གནས་ལྷོ་བྲག་མཁར་ཆུ་དཔལ་གྱི་ཕུག་རིང་དུ་ཀུན་ལྡན་གྱི་ལོའི་ཁྲུམས་ཟླའི་དམར་ཕྱོགས་ཀྱི་སྟོང་པ་གསུམ་པར་དཔལ་ཡང་དག་ཟླ་གམ་དགུ་པའི་དཀྱིལ་འཁོར་དུ་ཚོགས་ཀྱི་འཁོར་ལོའི་འདུ་བ་བགྱིས་པའི་ཚེ་གང་ཤར་གྱི་རྟོགས་པ་བརྗོད་པའི་ས་བོན་ནོ། ། ༈

[edit]

yang dag thugs kyi dkyil 'khor du rtogs pa brjod pa'i rdo rje'i thol glu he ru ka'i zhal lung /__ yang dag thugs kyi dkyil 'khor du rtogs pa brjod pa'i rdo rje'i thol glu he ru ka'i zhal lung ces bya ba/__a ho/__brtan g.yo kun la khyab pa'i chos nyid kyi rang bzhin/__/bde stong kha sbyor mtshan dpe'i snang cha ru shar bas/__/glo bur 'khrul pa'i rgyu ba 'od gsal du thim pa/__/he ru kaH__he ru kaH_'dus pa las/__/he ni dgyes pa chen po ste/__/ru ni tshogs dang bral ba nyid/__/kaHni phrin las mdzad par shar/__/ces sku gsum du rnam par bzhag go__/dpal 'bar ba'i dkyil 'khor la btud nas/__/nges don rdo rje'i lam gyi thol glu zhig len no/__/mtshan nyid kun ldan khyab bdag 'khor lo yi mgon pos/__/dad brtson brtul zhugs ldan pa'i skal bzang gi slob mar/__/phyi nang gsang snga ma las/__dkyil 'khor 'di la rim zhugs nas/__/dbang bzhi rim pa bzhin du sbyin/__zhes so/__/ba'i dbang bskur dam tshig kun byin pas/__/rgyud dag nus pa de nyid las/__gang gis gang la dbang bskur ba/__/rgyud dag nus pa thob phyir dbang /__/zhes so/__/thob pa'i 'jug sgo 'di a ho/__/yang dag grub pa gcig__/he ru kaHgal po las/__yang dag grub pa gcig pu ni/__/sangs rgyas bde gshegs kun 'dus pa/__/rnal 'byor zab mo sku gsum rdzogs/__/mkha' 'gro sgyu ma bde ba'i mchog__/ces pas rgyud gsum gyi rnam bzhag dang sbyar nas rim par bstan/__pu'i lhan skyes kyi rnam 'gyur/__/srid dang zhi ba ro mnyam mkha' khyab kyi ye shes/__/sangs rgyas kun dang mnyam sbyor blo 'das kyi gshis lugs/__/'gags med mngon sum rang ngor shar ba 'di a ho/__/mnyam bzhag lha sku sgyu ma'i phyag rgya la rol zhing /__/rlung sngags mi shig ru lu'i sgra dbyangs su goms pas/__/rjes thob cir snang dag pa rab 'byams su sad pa'i/__he ru kaH'dus pa las/__sku ni snang ba thams cad ste/__/gsung ni brjod pa kun nyid do/__/dran rtogs thugs su dbyer med pas/__/ma lus sku gsung thugs su rdzogs/__/zhes so/__/'khor 'das dbyer med zung 'jug ting 'dzin 'di a ho/__/gnas skabs gsum gyi snang zhen rnal 'byor du sbyor bas/__sangs rgyas mnyam sbyor ba'i rgyud las/__/ldang ba sprul pa'i sku yin te/__/rmi lam longs spyod rdzogs pa'i sku/__/gnyid log chos skur bsgom par bya/__/ces pas bstan/__/skye bar 'chi ba'i rim pa sku gsum du rdzogs shing /__/mtshan med ji bzhin nyid dbyings phyag rgya yis btab pas/__/gzhi 'bras gnyis su med par grol ba 'di a ho/__/thun mong gang 'dul phrin las rnam bzhi snga mar/__stong dang stong min he ru kaH__bde chen cho 'phrul sna tshogs gzugs/__/zhi la zhi dang khro la khro/__/chags la chags dang rmongs la rmongs/__zhes pas bstan/__la spyod cing /__/khyad par lam gyur 'bras bu'i brtul zhugs dang 'grogs nas/__de nyid las/__rab ni sku lnga lhun grub thob/__/'bring ni rig 'dzin rnam bzhi'i lus/__tha ma lha mi'i mtshan rdzogs pa/__/'grub par 'gyur ba gdon mi za/__/zhes dang /__gal po cher/__rdo rje phung po rigs lnga nyid/__/nyon mongs ye shes chen por gsal/__/bar chad dngos grub nyid du grol/__/rdo rje'i sku la 'chi bdag med/__/ces so/__/mkha' ltar dag pa'i dbyings 'gro ye shes kyi sgyu lus/__mnyam sbyor bas/__ngo mtshar sgyu ma'i phyag rgya ni/__/mkha' 'gro ma zhes rab bstan to/__/de ni nam mkha' 'gro ba zhes/__/khams las mngon du brtag ba ste/__/nam mkha' kun gyi spyod grub pas/__/mkha' 'gro ma zhes rab tu brtags/__/ces bstan/__bde chen mchog tu mi 'gyur grub pa 'di a ho/__/de skad rdo rje phung po'i grong khyer gyi dbus na/__/gdod nas yongs grub bzhugs pa'i dpal chen gyi dkyil 'khor/__/bde stong bdud rtsis myos pa'i zab don gyi rgyangs glus/__/'gro kun gdod ma'i btsan sa zin pa ru shog cig__/ces pa'ang thugs kyi dben gnas lho brag mkhar chu dpal gyi phug ring du kun ldan gyi lo'i khrums zla'i dmar phyogs kyi stong pa gsum par dpal yang dag zla gam dgu pa'i dkyil 'khor du tshogs kyi 'khor lo'i 'du ba bgyis pa'i tshe gang shar gyi rtogs pa brjod pa'i sa bon no/__/__!_