འཕགས་མཆོག་ཐུགས་རྗེ་ཆེན་པོའི་དཀྱིལ་འཁོར་ཞལ་ཕྱེ་བའི་ཚེ་ཆེད་དུ་བརྗོད་པའི་རྡོ་རྗེའི་ཐོལ་གླུ་རྣལ་འབྱོར་གསུམ་གྱི་འབབ་སྟེགས།

🚧 This website is under continued development. We appreciate your patience!

Previous Text Back to Volume PageNext Text

Wylie title	'phags mchog thugs rje chen po'i dkyil 'khor zhal phye ba'i tshe ched du brjod pa'i rdo rje'i thol glu rnal 'byor gsum gyi 'bab stegs
Location	mkhyen brtse'i bka' 'bum Volume 22, sde tshan 12, Text 6, Pages 362-364 (Folios 9b6 to 10b3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. 'phags mchog thugs rje chen po'i dkyil 'khor zhal phye ba'i tshe ched du brjod pa'i rdo rje'i thol glu rnal 'byor gsum gyi 'bab stegs. In 'jam dbyangs mkhyen brtse'i dbang po'i bka' 'bum, Vol. 22: 362-364. Khams sde dge rdzong sar dgon: Rdzong sar blo gros phun tshogs, 2020.
Genre	Vajra Songs - rdo rje'i glu
Deity	thugs rje chen po
Colophon	།ཞེས་པའང་མཆོག་གི་སྤྲུལ་པའི་སྐུ་བི་བྷ་ཡ་དྷརྨ་དྷཱ་ཏུ་བཛྲའི་ཞབས་ཀྱིས་ལྕང་ར་ལྷ་ཀླུ་འཆི་མེད་དགའ་ཚལ་དུ་ཐུགས་རྗེ་ཆེན་པོ་ཡང་གསང་བླ་མེད་ཀྱི་དཀྱིལ་འཁོར་དུ་རིལ་སྒྲུབ་གནང་བའི་སྐབས་ཉམས་མཚར་དུ་སྨྲས་པའོ།།
	zhes pa'ang mchog gi sprul pa'i sku bi b+ha ya d+harma d+hA tu badz+ra'i zhabs kyis lcang ra lha klu 'chi med dga' tshal du thugs rje chen po yang gsang bla med kyi dkyil 'khor du ril sgrub gnang ba'i skabs nyams mtshar du smras pa'o

1 Texts in this Section (sde tshan or chos tshan)

6 362-364	འཕགས་མཆོག་ཐུགས་རྗེ་ཆེན་པོའི་དཀྱིལ་འཁོར་ཞལ་ཕྱེ་བའི་ཚེ་ཆེད་དུ་བརྗོད་པའི་རྡོ་རྗེའི་ཐོལ་གླུ་རྣལ་འབྱོར་གསུམ་གྱི་འབབ་སྟེགས། 'phags mchog thugs rje chen po'i dkyil 'khor zhal phye ba'i tshe ched du brjod pa'i rdo rje'i thol glu rnal 'byor gsum gyi 'bab stegs Vajra Songs - rdo rje'i glu	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

འཕགས་མཆོག་ཐུགས་རྗེ་ཆེན་པོའི་དཀྱིལ་འཁོར་ཆེན་པོ་ཞལ་ཕྱེ་བའི་ཚེ་ཆེད་དུ་བརྗོད་པའི་རྡོ་རྗེའི་ཐོལ་གླུ་རྣལ་འབྱོར་གསུམ་གྱི་འབབ་སྟེགས་ཅེས་བྱ་བ། ཨ་ཧོ། འགྱུར་མེད་ཀྱི་བདེ་སྟོང་ཟུང་འཇུག་ལས། །ཟག་བྲལ་གྱི་སྙིང་རྗེའི་དཔལ་འབར་བས། །འགྲོ་ཁམས་ལ་ལྷག་པར་ཆགས་རྒྱས་པ། །མགོན་ཕྱག་ན་པདྨས་དགེ་ལེགས་མཛོད། །ཕུང་ཁམས་ཀྱི་སྐྱེ་མཆེད་ཟ་མ་ཏོག །གདན་གསུམ་གྱི་ལྷ་སྐུར་རྒྱས་བཏབ་པས། །སྣང་བ་དང་སྟོང་པ་མི་ཕྱེད་པའི། །ཀུན་བརྟགས་ཀྱི་ཉམས་སྣང་འཇའ་ལྟར་བཀྲ། །ལྷན་སྐྱེས་ཀྱི་ཡེ་ཤེས་ཆེན་པོ་ནི། །བསལ་བཞག་དང་བྲལ་བར་མཉམ་རོལ་པས། །འཛིན་བྱེད་ཀྱི་འོད་གསལ་ཁོར་ཡུག་ངང་། །ཡོངས་གྲུབ་ཀྱི་རྟོགས་པ་མཁའ་ལྟར་ཡངས། །བདེ་སྡུག་ཀུན་ཆོས་ཉིད་ཀྱི་རོལ་པ་ལ། །བླང་དོར་གྱི་འདམ་ཁ་ཡེ་ནས་བྲལ། །རང་གྲོལ་གྱི་རིག་པ་སོ་མའི་ངང་། །ལམ་ཁྱེར་གྱི་བརྟུལ་ཞུགས་གཟེངས་སུ་མཐོ། །ཚོགས་དྲུག་གི་ཡུལ་ལ་ཤར་བའི་ཆོས། །ལན་ཚྭ་ཉིད་ཆུ་ལ་ཐིམ་པ་ལྟར། །ད་ལྟ་ཡི་ཤེས་པ་རྣམ་དག་པས། །བོགས་འདོན་གྱི་གདམས་ངག་གནད་དུ་ཐེབས། །སྒྲར་གྲགས་ཀུན་རང་བྱུང་སྔགས་ཀྱི་སྒྲ། །མི་ཤིགས་པ་ནཱ་དའི་རོལ་མོ་ཅན། །མགྲིན་པ་ནས་ལེན་པའི་པདྨོ་ཡིས། །གྲུབ་གཉིས་ཀྱི་བུང་བ་སྤྲིན་བཞིན་སྡུད། །ནང་གསལ་གྱི་ཀ་དག་གཉུག་མའི་གཤིས། །ཕྱིར་གསལ་གྱི་དབྱིངས་སུ་རྒྱས་བཏབ་པས། །སེམས་བྲལ་གྱི་རིག་པ་རྗེན་པའི་དངོས། །མངོན་སུམ་དུ་ལྷུག་པར་འཆར་འདི་རྨད། །ཨ་ཧོ། ཡེ་གཞི་ཉིད་གཅིག་རྒྱུད་འཕགས་པ་མཆོག །ལམ་རྒྱུད་ཀྱིས་ཟག་བཅས་སྦྱངས་པ་ལས། །འབྲས་རྒྱུད་ཀྱི་ངོ་བོ་མངོན་གྱུར་པའི། །ངེས་དོན་གྱི་གྲུབ་མཐའི་གསང་ལམ་རྙོགས། །ཚིག་དེ་སྐད་ངོ་མཚར་ནི་ཙུ་ལའི། །དགའ་ཚལ་དུ་མིག་མི་འཛུམ་པའི་ལྷ། །བསྙེན་སྒྲུབ་ཀྱི་བྱིན་ཆེན་དབབ་པའི་ཚེ། །གཏད་མེད་ཀྱི་རྣལ་འབྱོར་གཞོན་ནུས་བྲིས། །ཞེས་པའང་མཆོག་གི་སྤྲུལ་པའི་སྐུ་བི་བྷ་ཡ་དྷརྨ་དྷཱ་ཏུ་བཛྲའི་ཞབས་ཀྱིས་ལྕང་ར་ལྷ་ཀླུ་འཆི་མེད་དགའ་ཚལ་དུ་ཐུགས་རྗེ་ཆེན་པོ་ཡང་གསང་བླ་མེད་ཀྱི་དཀྱིལ་འཁོར་དུ་རིལ་སྒྲུབ་གནང་བའི་སྐབས་ཉམས་མཚར་དུ་སྨྲས་པའོ།། །། ༈

[edit]

'phags mchog thugs rje chen po'i dkyil 'khor zhal phye ba'i tshe ched du brjod pa'i rdo rje'i thol glu rnal 'byor gsum gyi 'bab stegs/__ 'phags mchog thugs rje chen po'i dkyil 'khor chen po zhal phye ba'i tshe ched du brjod pa'i rdo rje'i thol glu rnal 'byor gsum gyi 'bab stegs ces bya ba/__a ho/__'gyur med kyi bde stong zung 'jug las/__/zag bral gyi snying rje'i dpal 'bar bas/__/'gro khams la lhag par chags rgyas pa/__/mgon phyag na pad+mas dge legs mdzod/__/phung khams kyi skye mched za ma tog__/gdan gsum gyi lha skur rgyas btab pas/__/snang ba dang stong pa mi phyed pa'i/__/kun brtags kyi nyams snang 'ja' ltar bkra/__/lhan skyes kyi ye shes chen po ni/__/bsal bzhag dang bral bar mnyam rol pas/__/'dzin byed kyi 'od gsal khor yug ngang /__/yongs grub kyi rtogs pa mkha' ltar yangs/__/bde sdug kun chos nyid kyi rol pa la/__/blang dor gyi 'dam kha ye nas bral/__/rang grol gyi rig pa so ma'i ngang /__/lam khyer gyi brtul zhugs gzengs su mtho/__/tshogs drug gi yul la shar ba'i chos/__/lan tshwa nyid chu la thim pa ltar/__/da lta yi shes pa rnam dag pas/__/bogs 'don gyi gdams ngag gnad du thebs/__/sgrar grags kun rang byung sngags kyi sgra/__/mi shigs pa nA da'i rol mo can/__/mgrin pa nas len pa'i pad+mo yis/__/grub gnyis kyi bung ba sprin bzhin sdud/__/nang gsal gyi ka dag gnyug ma'i gshis/__/phyir gsal gyi dbyings su rgyas btab pas/__/sems bral gyi rig pa rjen pa'i dngos/__/mngon sum du lhug par 'char 'di rmad/__/a ho/__ye gzhi nyid gcig rgyud 'phags pa mchog__/lam rgyud kyis zag bcas sbyangs pa las/__/'bras rgyud kyi ngo bo mngon gyur pa'i/__/nges don gyi grub mtha'i gsang lam rnyogs/__/tshig de skad ngo mtshar ni tsu la'i/__/dga' tshal du mig mi 'dzum pa'i lha/__/bsnyen sgrub kyi byin chen dbab pa'i tshe/__/gtad med kyi rnal 'byor gzhon nus bris/__/zhes pa'ang mchog gi sprul pa'i sku bi b+ha ya d+harma d+hA tu badz+ra'i zhabs kyis lcang ra lha klu 'chi med dga' tshal du thugs rje chen po yang gsang bla med kyi dkyil 'khor du ril sgrub gnang ba'i skabs nyams mtshar du smras pa'o//____//__!