འཇམ་མགོན་བླ་མ་རིན་པོ་ཆེར་ལེགས་འབུལ་གྱི་ཡི་གེ།

🚧 This website is under continued development. We appreciate your patience!

Previous Text Back to Volume PageNext Text

Wylie title	'jam mgon bla ma rin po cher legs 'bul gyi yi ge
Location	mkhyen brtse'i bka' 'bum Volume 20, sde tshan 1, Text 38, Pages 70-71 (Folios 35b5 to 36a6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. 'jam mgon bla ma rin po cher legs 'bul gyi yi ge. In 'jam dbyangs mkhyen brtse'i dbang po'i bka' 'bum, Vol. 20: 70-71. Khams sde dge rdzong sar dgon: Rdzong sar blo gros phun tshogs, 2020.
Genre	Official Letters - chab shog

1 Texts in this Section (sde tshan or chos tshan)

38 70-71	འཇམ་མགོན་བླ་མ་རིན་པོ་ཆེར་ལེགས་འབུལ་གྱི་ཡི་གེ། 'jam mgon bla ma rin po cher legs 'bul gyi yi ge Official Letters - chab shog	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

འཇམ་མགོན་བླ་མ་རིན་པོ་ཆེར་ལེགས་འབུལ་གྱི་ཡི་གེ་བདུད་རྩིའི་མེ་ཏོག་གོ། །ཛཱ་ཏི་འཕགས་མའི་དབྱངས་ཀྱི་སྡེབ་སྦྱོར་རོ། །འགྱུར་མེད་གྲུབ་པའི་ཡེ་ཤེས་གཅིག་པུ་ནི། །བྱང་ཆུབ་སྙིང་པོར་འཁྲུངས་པའི་མཐུ་སྟོབས་ཀྱིས། །སྲིད་དང་ཞི་བའི་མཐའ་ལས་རྣམ་གྲོལ་བ། །ཡོངས་རྫོགས་བསྟན་པའི་ཉི་མ་རྒྱལ་གྱུར་ཅིག །ཅེས་ཚིག་སྦྱོར་གྱི་མེ་ཏོག་སྔོན་དུ་གཏོར་ནས། དེང་གི་ཆར་ཡང་། རིགས་དང་དཀྱིལ་འཁོར་ཀུན་གྱི་ཁྱབ་བདག་མཆོག་སྤྲུལ་རྡོ་རྗེ་འཆང་ཆེན་པོ་གང་ཉིད་ནས། སྐྱབས་འོག་ཐ་ཤལ་པ་ཁོ་བོ་ཅག་ལ་དུས་རྟག་ཏུ་ཐུགས་རྗེའི་གཟིགས་སྐྱོང་བླ་ན་མེད་པར་མ་ཟད། ད་ལན་ཡང་ཞབས་ཀྱི་པདྨོ་ལ་ཕྱག་གིས་འདུད་པའི་སྐལ་བཟང་རྙེད་ཅིང་། གསུང་གི་བདུད་རྩིས་སྨིན་གྲོལ་དུ་མཛད་པའི་བཀའ་དྲིན་ནི་བྱང་ཆུབ་སྙིང་པོའི་བར་དུ་གཞལ་བར་དཀའ་ན། ཟང་ཟིང་གི་བདོག་པ་ཕྲ་མོས་ལྟ་ག་ལ། དེ་ལྟར་ནའང་རེ་ཞིག་ཡིད་སྤྲུལ་གྱི་མཎྜལ་རྒྱ་ཆེར་སྤྲུལ་ཏེ་ཕུལ་བའི་མཚོན་བྱེད་དུ་དངོས་བཤམས་ཟེག་མ་ཙམ་བསྟར་བར། བཀྲ་ཤིས་པའི་ལྷ་གོས་རབ་དཀར་སྲིད་དུ་རིང་བ་སོགས། སླད་མའི་ཆར་ཡང་། སྐུ་གསུང་ཐུགས་རྡོ་རྗེའི་ཆོས་བདུན་གྱི་ངོ་བོར་འཚོ་ཞིང་གཞེས་ལ་ཆོས་ཀྱང་སྟོན་པ་ནས། རིང་མིན་ཞལ་གྱི་དཀྱིལ་འཁོར་མངོན་སུམ་དུ་མཇལ་ཞིང་གསུང་གི་བདུད་རྩི་ལྷུག་པར་སྩོལ་བ་དང་། འདི་ནས་བྱང་ཆུབ་བར་དུ་ཡེ་ཤེས་གཟིགས་པ་དམ་པས་མི་འདོར་བར་རྩེ་གཅིག་པའི་ཡིད་ཀྱིས་གསོལ་བ་འདེབས་པ་ལགས་ན་དེ་དེ་བཞིན་དུ་འགྲུབ་པར་བྱིན་གྱིས་བརླབ་ཏུ་གསོལ། །སརྦ་དཱ་ཀལྱཱ་ཎཾ་བྷ་བ་ཏུ།། །། ༈

[edit]

'jam mgon bla ma rin po cher legs 'bul gyi yi ge/ 'jam mgon bla ma rin po cher legs 'bul gyi yi ge bdud rtsi'i me tog go/___/dzA ti 'phags ma'i dbyangs kyi sdeb sbyor ro/___/'gyur med grub pa'i ye shes gcig pu ni/___/byang chub snying por 'khrungs pa'i mthu stobs kyis/___/srid dang zhi ba'i mtha' las rnam grol ba/___/yongs rdzogs bstan pa'i nyi ma rgyal gyur cig__/ces tshig sbyor gyi me tog sngon du gtor nas/___deng gi char yang /___rigs dang dkyil 'khor kun gyi khyab bdag mchog sprul rdo rje 'chang chen po gang nyid nas/___skyabs 'og tha shal pa kho bo cag la dus rtag tu thugs rje'i gzigs skyong bla na med par ma zad/___da lan yang zhabs kyi pad+mo la phyag gis 'dud pa'i skal bzang rnyed cing /___gsung gi bdud rtsis smin grol du mdzad pa'i bka' drin ni byang chub snying po'i bar du gzhal bar dka' na/___zang zing gi bdog pa phra mos lta ga la/___de ltar na'ang re zhig yid sprul gyi maN+Dal rgya cher sprul te phul ba'i mtshon byed du dngos bshams zeg ma tsam bstar bar/___bkra shis pa'i lha gos rab dkar srid du ring ba sogs/___slad ma'i char yang /___sku gsung thugs rdo rje'i chos bdun gyi ngo bor 'tsho zhing gzhes la chos kyang ston pa nas/___ring min zhal gyi dkyil 'khor mngon sum du mjal zhing gsung gi bdud rtsi lhug par stsol ba dang /___'di nas byang chub bar du ye shes gzigs pa dam pas mi 'dor bar rtse gcig pa'i yid kyis gsol ba 'debs pa lags na de de bzhin du 'grub par byin gyis brlab tu gsol/___/sarba dA kal+yA NaM b+ha ba tu//___//_!_