དཔལ་ལྡན་བླ་མ་དམ་པ་ཤྲཱི་མཱ་ན་མཚན་ཅན་ལ་ལེགས་འབུལ་སྟོབ་པའི་ཡི་གེ།

🚧 This website is under continued development. We appreciate your patience!

Previous Text Back to Volume PageNext Text

Wylie title	dpal ldan bla ma dam pa shrI mA na mtshan can la legs 'bul stob pa'i yi ge
Location	mkhyen brtse'i bka' 'bum Volume 20, sde tshan 1, Text 39, Pages 71-73 (Folios 36a6 to 37a2)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. dpal ldan bla ma dam pa shrI mA na mtshan can la legs 'bul stob pa'i yi ge. In 'jam dbyangs mkhyen brtse'i dbang po'i bka' 'bum, Vol. 20: 71-73. Khams sde dge rdzong sar dgon: Rdzong sar blo gros phun tshogs, 2020.
Genre	Official Letters - chab shog

1 Texts in this Section (sde tshan or chos tshan)

39 71-73	དཔལ་ལྡན་བླ་མ་དམ་པ་ཤྲཱི་མཱ་ན་མཚན་ཅན་ལ་ལེགས་འབུལ་སྟོབ་པའི་ཡི་གེ། dpal ldan bla ma dam pa shrI mA na mtshan can la legs 'bul stob pa'i yi ge Official Letters - chab shog	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

དཔལ་ལྡན་བླ་མ་དམ་པ་ཤྲཱི་མཱ་ན་མཚན་ཅན་ལ་ལེགས་འབུལ་སྟོབ་པའི་ཡི་གེ་བདུད་རྩིའི་མྱུ་གུའོ།། རྫྙཱནཱཏྦྷཱུཏྱབིདཾཀྲྀཔཱནཊཻཿ ཙྪནྡོཤུདྡྷདིཔྟེ། ཀརྨཾསཽཁྱསུཀལྤབཱརདཱ ཛཱིབནྟུཏྲིསུགུཧྱབཛྲཏཱ། དཔལ་ལྡན་སྲས་བཅས་རྒྱལ་བ་ཐམས་ཅད་ཀྱི། །མཁྱེན་བརྩེའི་ཡེ་ཤེས་རྨད་དུ་བྱུང་བའི་གར། །ཕྲིན་ལས་སྐལ་བཟང་ཕན་བདེའི་མཆོག་སྦྱིན་པའི། །གསང་གསུམ་རྡོ་རྗེའི་ངོ་བོར་འཚོ་གཞེས་གསོལ། །གུས་པའི་ཐལ་མོ་ཆུ་སྐྱེས་གཞོན་ནུའི་སྤུན་ཟླ་ཅན་སྙིང་གར་དུད་དེ་གསོལ་པ། འཁོར་འདས་མི་ཕྱེད་འོད་གསལ་མཆོག་བདེའི་སྤྲིན། ཟུང་འཇུག་དགྱེས་པའི་རྡོ་རྗེར་ཡོངས་ཤར་བས། །ཐ་མལ་དངོས་ཀུན་ལྷ་དང་ཡེ་ཤེས་སུ། །རྣམ་རོལ་གྲུབ་པའི་སྙེམས་པ་ཅིར་ཡང་བཟུང་། །དེ་ཚེ་གཞིར་གནས་དཀྱིལ་འཁོར་པདྨའི་ཚལ། །སྨིན་བྱེད་བདུད་རྩིས་བརླན་པའི་དགེ་མཚན་གྱིས། །སྐུ་བཞིའི་མཚར་སྡུག་མཆོག་ཏུ་རྒྱས་མཛད་པའི། །བཀའ་དྲིན་བྱང་ཆུབ་བར་དུ་གཞལ་དཀའི་གནས། །དེ་ལྟར་ནའང་རེ་ཞིག་དངོས་འབྱོར་གྱི་མཎྜལ་མདུན་སྟོང་མིན་ཙམ་དུ། བཀྲ་ཤིས་པའི་ལྷ་གོས་སོགས། སླར་ཡང་། ཉེས་པར་སྤྱོད་པ་ཆ་བཅས་རྣམ་གྲོལ་ཤིན་ཏུ་སྦྱངས་པའི་ཏིང་འཛིན་དང་། །བྱང་ཆུབ་སེམས་གཉིས་གཞར་ཡང་གཏོང་མིན་ཨེ་ཝཱྃ་མཱ་ཡཱའི་རྒྱལ་ཐབས་ལ། །དཔལ་ལྡན་རྡོ་རྗེ་འཛིན་པའི་ངལ་འཚོས་བསྟན་འཛིན་བྱེ་བའི་ཅོད་པན་རྩེར། །འཚོ་གཞེས་རྟག་པ་དམ་པའི་ཕྲིན་ལས་སྲས་བཅས་རྒྱལ་བས་བསྒྲུབ་བཞིན་དུ། །ཞབས་ཀྱི་པདྨོར་བསྙེན་པའི་དམན་བདག་ཀྱང་། །ཟླ་མེད་ཞི་བསིལ་ཆོས་ཕུང་བྱེ་སྙེད་ཀྱིས། །བྱང་ཆུབ་སྙིང་པོའི་ལང་ཚོ་རྒྱས་མཛད་པའི། །དགེ་མཚན་འཇིག་རྟེན་གསུམ་ན་འབར་གྱུར་ཅིག །སརྦ་དཱ་མངྒ་ལཾ།། །། ༈

[edit]

dpal ldan bla ma dam pa shrI mA na mtshan can la legs 'bul stob pa'i yi ge/ dpal ldan bla ma dam pa shrI mA na mtshan can la legs 'bul stob pa'i yi ge bdud rtsi'i myu gu'o//_r+dz+nyAnAt+b+hUt+yabidaMkr-ipAnaTaiH__ts+tshan+doshud+d+hadip+te/___karmaMsaukhyasukalpabAradA__dzIban+tutrisuguh+yabadz+ratA/___dpal ldan sras bcas rgyal ba thams cad kyi/___/mkhyen brtse'i ye shes rmad du byung ba'i gar/___/phrin las skal bzang phan bde'i mchog sbyin pa'i/___/gsang gsum rdo rje'i ngo bor 'tsho gzhes gsol/___/gus pa'i thal mo chu skyes gzhon nu'i spun zla can snying gar dud de gsol pa/___'khor 'das mi phyed 'od gsal mchog bde'i sprin/___zung 'jug dgyes pa'i rdo rjer yongs shar bas/___/tha mal dngos kun lha dang ye shes su/___/rnam rol grub pa'i snyems pa cir yang bzung /___/de tshe gzhir gnas dkyil 'khor pad+ma'i tshal/___/smin byed bdud rtsis brlan pa'i dge mtshan gyis/___/sku bzhi'i mtshar sdug mchog tu rgyas mdzad pa'i/___/bka' drin byang chub bar du gzhal dka'i gnas/___/de ltar na'ang re zhig dngos 'byor gyi maN+Dal mdun stong min tsam du/___bkra shis pa'i lha gos sogs/___slar yang /___nyes par spyod pa cha bcas rnam grol shin tu sbyangs pa'i ting 'dzin dang /___/byang chub sems gnyis gzhar yang gtong min e wA~M mA yA'i rgyal thabs la/___/dpal ldan rdo rje 'dzin pa'i ngal 'tshos bstan 'dzin bye ba'i cod pan rtser/___/'tsho gzhes rtag pa dam pa'i phrin las sras bcas rgyal bas bsgrub bzhin du/___/zhabs kyi pad+mor bsnyen pa'i dman bdag kyang /___/zla med zhi bsil chos phung bye snyed kyis/___/byang chub snying po'i lang tsho rgyas mdzad pa'i/___/dge mtshan 'jig rten gsum na 'bar gyur cig__/sarba dA mang+ga laM//__//_!