རྒྱལ་དབང་ལྔ་པ་རིན་པོ་ཆེའི་རྣམ་ཐར་དཱུ་ཀུ་ལའི་གོས་བཟང་ལས་བཏུས་པའི་ལེ་ཚན།

🚧 This website is under continued development. We appreciate your patience!

Previous Text Back to Volume PageNext Text

Wylie title	rgyal dbang lnga pa rin po che'i rnam thar dU ku la'i gos bzang las btus pa'i le tshan
Location	mkhyen brtse'i bka' 'bum Volume 19, sde tshan 1, Text 20, Pages 191-200 (Folios 96a1 to 100b4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. rgyal dbang lnga pa rin po che'i rnam thar dU ku la'i gos bzang las btus pa'i le tshan. In 'jam dbyangs mkhyen brtse'i dbang po'i bka' 'bum, Vol. 19: 191-200. Khams sde dge rdzong sar dgon: Rdzong sar blo gros phun tshogs, 2020.
Genre	History Texts - lo rgyus  ·  Religious History Texts - chos 'byung

1 Texts in this Section (sde tshan or chos tshan)

20 191-200	རྒྱལ་དབང་ལྔ་པ་རིན་པོ་ཆེའི་རྣམ་ཐར་དཱུ་ཀུ་ལའི་གོས་བཟང་ལས་བཏུས་པའི་ལེ་ཚན། rgyal dbang lnga pa rin po che'i rnam thar dU ku la'i gos bzang las btus pa'i le tshan History Texts - lo rgyus   ·   Religious History Texts - chos 'byung	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

༄༅། །རྒྱལ་དབང་ལྔ་པ་རིན་པོ་ཆེའི་རྣམ་ཐར་དཱུ་ཀུ་ལའི་གོས་བཟང་༣༦༤། ཀ་པ་འབྲི་གུང་སྒམ་པ་ཤཱཀ་རིན་གྱིས། གདན་ས་དཔལ་གྱི་ཕག་གྲུ་དེ། །ཆུ་མིག་བརྒྱ་རྩའི་མགོ་བོ་ཡིན། །ཞེས་དྲངས། རི་བོ་བདེ་ཆེན་ཧོར་རྡོ་རྗེ་ཚེ་བརྟན་སྐྱིད་པ་དཔལ་བཟང་པོས་བཏབ་པར་གྲགས། དེའི་བསྟན་འགྱུར་གྱི་ཁྲོད་དུ་ཞྭ་ལུས་བསྒྱུར་བའི་མཛོད་འགྲེལ་གནམ་ལྕགས་ཐོག་གཟེར་ཀྱང་ཡོད། ། ༈ ཐོག་མར་ཚིག་བཀྲ་ལེགས་ཁྱད་ཀྱིས། གང་ཟག་ཡིན་ན་ལྷ་མ་ཡིན་པ་བུད་ཟེར་ན། སྟོན་པ་ཤཱཀྱ་ཐུབ་པ་ཆོས་ཅན་སོགས་སོ། ། ༈ རྭ་བསྒྲེངས་ནང་རྟེན་གྲས། ཇོ་བོ་འཇམ་རྡོར། གདུང་རྟེན་དངུལ་གདུགས་མ། དབུ་ཡོན་མ་ཆེ་ཆུང་སོགས་སོ། །འབྲོམ་སྟོན་ཆོས་ཁྲི། ། ༈ པཎ་ཆེན་བསོད་ནམས་གྲགས་པའི་རྒྱུད་སྡེ་སྤྱི་རྣམ། ། ༈ འབྲས་སྤུངས་སུ། ཕ་ཝང་ཁ་པའི་སྙན་བརྒྱུད་ལྟ་བ་སྤྱི་ཁྱབ། སྐྱབས་འགྲོའི་རྣམ་བཤད། བདེ་སྨོན་ཊཱི་ཀ་སོགས། དཔང་ལོའི་ཚོགས་གསུམ་གསལ་བ། ། ༈ རྩེ་དང་ལྔ་མཆོད་པར་གསེར་གླིང་པའི་ཐུགས་དམ་རྟེན་ཐུབ་པ་གསེར་གླིང་མ་སོགས། ། ༈ བསམ་གཏན་གླིང་ནི་བླ་མ་དམ་པ་བསོད་ནམས་རྒྱལ་མཚན་དང་། ཡར་ཀླུང་པ་སེང་གེ་རྒྱལ་མཚན་ཁུ་དབོན་གྱིས་བྱིན་གྱིས་བརླབས་པའི་གནས་ཁྱད་པར་འཕགས་པ་ཡིན། སྙེ་ཐང་དུ་ཤཱཀྱ་ཤྲཱིའི་ཐུགས་དམ་རྟེན་སྒྲོལ་མ་རྫ་སྐུ། བཀྲ་ཤིས་རྡོ་ཁ་མ། ། ༈ རྒྱ་ནག་ཏུ་ཕེབས་སྐབས་རྒྱལ་པོ་དགུང་ལོ་༡༧པའང་ཟིལ་ཤིན་ཏུ་ཆེ་བར་སྣང་གསུངས། རིན་སྤུངས་དང་ཉ་བར་ཆོས་ལུང་ཚོགས་པར་ནང་རྟེན། རྣམ་སྲས་ལྗང་ཡུལ་མ་གཏེར་བྱོན་འཁྲུལ་མེད། ཤཱ་རིའི་བུའི་ཚེམས། རྫ་སྐུ་གཉིས། ཀླུ་སྒྲུབ་ཀྱི་ཕྱག་བཟོ་ཤིང་ཤ་པ་ལའི་སྤྱན་རས་གཟིགས། པཎ་ཆེན་གྱི་སྣམ་སྦྱར། ཇོ་བོའི་རྒྱ་དཔེ་སོགས་མང་པོ་ཡོད། ཐར་པ་ལ་ནཱ་རོའི་ཐུགས་དམ་རྟེན་ཀྱེ་རྡོར་བྲིས་ཐང་། ཁ་ཆེ་པཎ་ཆེན་དང་དཔྱལ་ལོའི་ལྷུང་བཟེད། པཎ་ཆེན་མཁར་གསིལ། དུང་རང་སྐད་མ་རྒྱ་དཔེ་སོགས་ཡོད། ། ༈ ཞྭ་ལུ་རི་སྦུག་ཏུ་བིཪྺ་པའི་བུམ་པར་བུ་སྟོན་གྱིས་རྒྱུད་སྡེ་བཞིའི་དབང་གི་ཆུ་བོ་རྣམས་གཅིག་ཏུ་བསྡུས་པའི་རྒྱུན་ཉམས་མེད། བུའི་བྲོ་གཞུ། རྡོར་དྲིལ། རྒྱ་དཔེ། བསིལ་བྱེད་སོགས་ཡོད། ། ༈ སྒམ་པོ་སྤྲུལ་སྐུ་བློ་བཟང་ཕྲིན་ལས་རྣམ་རྒྱལ་ངེས་དོན་གྲུབ་པའི་ཤིང་རྟ་གཏེར་རྫུན་ཡིན་ཚུལ་ཞིབ་པར་འདུག ། ༈ སྐྱིད་གྲོང་གི་ཇོ་བོ་འཕགས་པ་ཝ་ཏི་བལ་བོད་ཀྱི་བདེ་གཟར་ལ་བརྟེན་ནས་དབུས་ཕྱོགས་སུ་ཕེབས་རྩེར་བཞུགས། དེ་དང་དུས་མཚུངས་སུ་སྨིན་གཏེར་གཙུག་ཕུད་བཞེས་ཚུལ་འདུག ། ༈ གཟིམས་འབྲས་སྤུངས་ཁང་གོང་སྤྲུལ་སྐུ་འདའ་ཀར་ཐུགས་འཁྲུལ་ཚུལ་འདུག །ལྡེབ་༢༥༩གཏེར་སྟོན་བདུད་འདུལ་རྡོ་རྗེ་ཟོག་པོ་གཏེར་རྫུན་མཁན་དུ་ངེས་ཤེས་གཏིང་ནས་འདྲོང་ཚུལ་གྱི་རྒྱུ་མཚན་གཏེར་ཆོས་སྤྲུལ་སྐུ་སྙིང་ཐིག་ཏུ་དགེ་ལུགས་སྨད་ཅིང་། ཚེ་ཡང་ཕུར་གསུམ་དུ་བསྔགས་བརྗོད་སོགས་ནང་འགལ་དུ་མ་འདུག་ཚུལ་གསུངས། ། ༈ བྱམས་པ་ཆོས་འཁོར་མ་ཆོས་རྒྱལ་ཀྲི་ཀའི་མཆོད་རྟེན་ཡིན་ཚུལ། ། ༈ གྲ་ནང་རྒྱལ་གླིང་ཚོགས། མཁར་ཆུ་དུར་ཁྲོད་ལ་ཁ། ། ༈ མདོ་སྡུད་བྱམས་ཆོས་བཞི་སྐད་གཉིས་ཤན་སྦྱར། གསོ་དཔྱད་གཅེས་བསྡུས་རིན་ཆེན་ཕྲེང་བ། མཁྱེན་བརྩེ་ལོ་ཙཱ་བའི་སྡེ་ཚན་བདུན་པ། ། ༈ ཁྲི་སྲོང་ལྡེ་བཙན་དུས། རབ་བྱུང་ངུར་སྨྲིག་དབུ་ཟླུམ་དང་། །སྔགས་པ་གོས་དཀར་ལྕང་ལོ་ཅན། །ཞེས་གསུངས། ། ༈ མཆིམས་ཕུ་དགེའུ་ཕུག་ཏུ་འདྲ་སྐུ་གདན་དྲངས་ཚེ་ངོ་མཚར་ཁྱད་འཕགས་བྱུང་ཚུལ་སྣང་། ། ༈ བདུད་འདུལ་བ་བསམ་ཡས་ཆོས་སྐྱོང་གིས་བསྐུལ་ནས་ལན་གསུམ་དུ་གདན་དྲངས་ཀྱང་མ་འདྲོངས་པའི་ཚུལ་སྣང་། ། ༈ རྒྱུད་འབུམ་ལུང་རྒྱུན་ངོར་ལུགས་ཁུངས་བཙུན་པར་གསུངས། ། ༈ ཁ་པར། འཕན་༢༨༠གདའ་དཔལ་ལྡན་རྩེ་དང་། རྩེ་དྭང་བསམ་གཏན་གླིང་གཉིས་སྲུང་མ་རང་བཞིན་འདུ་བའི་གནས་ཀྱི་མཆོག་ཏུ་བསྔགས། ། ༈ རྡོར་བྲག་པད་ཕྲིན་ལ་བསམ་གཏན་གླིང་པའི་ཨ་ཏི། ཉང་གི་རྣམ་ཐར་ཟངས་གླིང་མ། གཏེར་ཁ་འོག་མའི་མཛད་པ་བཅུ་གཅིག་སོགས་ཕུལ་རབ་སྣང་། ། ༈ ཚེས་བཅུ་བཞི་ལ་འབྲུག་པའི་སློབ་དཔོན་བླ་མ་ལ་སྔོན་པ། ཁམས་སྡེ་དགེའི་བླ་མ་དཔོན་ཕུན་ཚོགས་གཉིས་འཇིག་རྟེན་ཕ་རོལ་གྱི་ལྟད་མོར་སོང་བ་ལ་གཏོང་རག་གཏོང་ཚུལ་སོགས་སྣང་། ། ༈ དཔལ་ལྡན་ཤ་བ་རི་དབང་ཕྱུག །དྲང་སྲོང་རིག་པའི་བློ་གྲོས། གྲུབ་ཐོབ་བཱ་ལི་པ་གསུམ་དངུལ་ཆུའི་འཇའ་ལུས་འགྲུབ་ནས་ད་ལྟའང་ཤྲཱི་པཪྤ་ཏར་ཡོད། བོད་དུ་གྲུབ་ཆེན་ཨཽ་ཌཱི་པས་འགྱུར། ༈ ༼ཁ༽ འབྲས་སྤུངས་སུ་སྒྲོལ་ཆེན་བསམ་འགྲུབ་རྡོ་རྗེའི་གསུང་རྒྱུན་སྔགས་འཆང་ནམ་མཁའ་རིན་ཆེན་གྱིས་བྲིས་པའི་གསང་སྙིང་འགྲེལ་པ། ཁོག་ཕུབ་སྒྲོལ་ཆེན་ཉིད་ཀྱིས་མཛད་པ། སྨན་ལུང་པ་མི་བསྐྱོད་རྡོ་རྗེས་མཛད་པའི་འགྲེལ་པ། སྤྱི་དོན། ཆོས་ཚོམས་བསྡུས་དོན་སོགས་མ་མཉེས་ཚུལ། ། ༈ གསང་འདུས་ལས་བྱང་རྩ་གསུམ་དགྱེས་པའི་རོལ་གར། རྒྱལ་སྲས་བསྟན་པའི་ཉི་མའི་ངོར་སོ་ཐར་སྡོམ་རྒྱུན་གསོལ་འདེབས་བརྩམས། ། ༈ གཡུང་ཊཱི་ཀ་པར་མཉེས་༩༩ཚུལ་སྣང་། ། ༈ གཙང་ཆུང་ཆོས་གྲགས་བཟང་སྤྱོད་ཊཱི་ཀ་སྤར་ཡོད། འབྲུམ་པས་བསྙུན་ཚེ་མཚན་མོ་ཚད་འཁྲུལ་བྱུང་རབ་འདུག ། ༈ སྟག་ལུང་སངས་རྒྱས་དབོན་གྱིས། རྒྱ་བོ་གདོང་ནས་གཏེར་བཞེས་ཚུལ་ཡོད། ། ༈ ཨཥྟའི་བསྙེན་ཚད་མ་སོང་ན་སློབ་བཤད་མི་བཤད་ཚུལ་འདུག ། ༈ ཕུར་པ་ལྷ་ཁྲ་ལ་ས་ལོའི་ཀྱེ་རྡོར་གྱི་འབྱིན་འཇུག་བྱས་པ་ཁུངས་མེད་ཚུལ། ། ༈ སྟོང་འཁོར་ཞབས་དྲུང་ཡོན་ཏན་རྒྱ་མཚོ་སེ་རར་ཐུགས་གཉེར་མཛད་སྐབས་གྲྭ་པ་ཁ་བརྒྱག་ཞིག་གིས། བདག་མེད་ཡིན་ན་ཡོད་པས་ཁྱབ་པའི་སྐུ། །དེ་ལ་སྐྱོན་ནི་གཏོང་མཁན་མེད་པའི་གསུང་། །བཏང་ན་གར་འགྲོ་འདིར་འགྲོ་མེད་པའི་ཐུགས། །ཁ་བཏགས་རྒྱ་མཚོའི་མགོན་ལ་གསོལ་བ་འདེབས། །རིན་ཆེན་རིལ་བུ་རིགས་སྔ་ཕྱི་གསུམ་ཙམ་སྦྱོར་ཚུལ་འདུག ། ༈ རིམ་གྲོ་གང་ལའང་མི་བསླུ་བའི་འབྲས་བུ་འབྱུང་བ་གཞིར་བཅས་ཀྱང་ཚེ་རབས་སྔོན་མ་མང་པོར་གཞན་གྱི་ཡན་ལག་བཅད་པས་མཚོན་ལས་ཚབ་པོ་ཆེ་བསགས་ཚད་ནས་སྨན་བླ་བཟང་སྤྱོད་སོགས་སྡིག་བཤགས་ཀྱི་རིགས་རྣམས་འཕྲོད་ངོ་ཆེ་བ་ཞིག་སྣང་། གངས་དཀར་ཆོས་སྡེར་ཡང་དག་གི་སྒྲུབ་མཆོད་འཛུགས་སྐབས། དཔལ་ལྡན་བླ་མའི་ཕུར་པའི་མངོན་དཀྱིལ་རྙིང་མ་བཀའ་མའི་དགོངས་དོན་འཁྲུལ་མེད་ལ་སོགས་གཤིས་ལྷ་ཁ་སྤོས་ཀྱང་བཏུབ་ཙམ་ཡོད་མོད། བདག་པོ་ཀུན་རིན་པས་མཛད་པ་ཞིག་སྣང་བ་ནི་འཁྲུལ་པས། གསར་དུ་ཕྲིན་ལས་རྒྱུད་དོན་སྣང་བ་དང། དཀྱིལ་ཆོག་ཧཱུྃ་མཛད་ཞལ་ལུང་གཉིས་མཛད་ཚུལ་སྣང་། ། ༈ སྟག་ཚང་ལོ་ཙཱ་བའི་སྨན་བླའི་མདོ་ཆོག་རྒྱང་ངོས་ཀྱི་བསྔགས་བརྗོད་གནང་འདུག །ལམ་གྱི་གཙོ་བོ་རྣམ་གསུམ་གྱི་འགྲེལ་པ་ལུང་རིག་གཏེར་མཛོད་ཅེས་ཁྱད་འཕགས་ཤིག་མཛད་ཚུལ་འདུག ། ༈ ཛ་བྷིར་གྱི་གཏུམ་མོ་ཉམས་སུ་བཞེས་པའི་བསྔགས་བརྗོད་མང་། ། ༈ བདག་པོ་ཀུན་རིན་པས་ཚར་ཆེན་བཀྲོངས་རྩིས་ཀྱི་དམག་དྲངས་པའི་སེལ་ད་དུང་ཡོད་ཚུལ་འདུག ། ༈ དོལ་ཆུ་མིག་དཀར་མོར་སྨོན་ལམ་ལོག་པའི་དམ་སྲི་མཐུ་རྩལ་ཅན་ཞིག་བྱུང་༢༥༧བ་ལ་གསར་རྙིང་འདྲེ་ཐོགས་པའི་སྔགས་འཆང་མང་པོས་དུས་གཅིག་ཏུ་བསྲེག་ཚུལ་ཞིབ་པར་ཡོད། མངའ་རིས་ཟླ་བ་རྒྱལ་མཚན་གྱིས་ཐུགས་རྗེ་ཆེན་པོ་རྩ་གསུམ་སྙིང་ཏིག་སོགས་བསྐུར་བར། དུས་གང་གིས་མི་རྣམས་གཡོ་སྒྱུ་ཆེ་བས་ཚིག་གི་སྦྱོར་སྡེ་ཙམ་ལ་ཡིད་བརྟན་མི་འདུག་གཤིས་གཏེར་སྐུ་འགངས་ཅན་རྣམས་ཀྱི་དྲུང་དུ་བརྟག་པ་ཕུལ་བ་ལེགས་ཕྱོགས་བབས་པས་ཁོང་རང་ལ་འཕྲོད་ལན་དང་གླང་བུ་མཁར་དུ་མི་ཆེད་གཉེར་གཏོང་བའི་འགྲོ་དོན་ཕྲིན་ལས་ཆུ་འབབས་སུ་སྐྱོངས་འཇུག་པའི་བསླབ་སྟོན་བྱས། ། ༈ ༢༤༦ག་པར། ཚད་མ་ལར་སྟོད་ལུགས་ཀྱི་ཊཱི་ཀ྄་ས་བཅད་ཐར་ལམ་གསལ་བྱེད་དང་། འབྲུ་བསྣོན་གྲྭ་ཊཱིཀ྄ །དབུ་ཕར་གཉིས་ཀྱི་དོགས་གཅོད་རྣམ་བཤད་དགོངས་པ་རབ་གསལ་དང་སྙིང་པོ་རྒྱན། མཛོད་ཀྱི་དོགས་གཅོད་གཞུང་བརྒྱ་པ་དངོས་གྲུབ་དཔལ་འབར་གྱི་ཡིག་ཆ། འདུལ་བ་ལུང་རིག་གཏེར་མཛོད། སྔོན་རྒྱ་ནག་རྒྱལ་པོས་ཡོང་འདུས་ཐང་ཀ་ཞིག་བྲིས། དེ་ལ་རྒྱས་བཏབ་ནས་འདིའི་རྒྱ་སུས་བཤིགས་པའི་དུས་རྒྱལ་ས་འཆོར་བས་མ་བཤིག་ཅེས་པའི་ཁ་ཆེམས་བཞག་པར་བརྟེན་མི་རབས་བདུན་ཙམ་གྱི་བར་བཤིགས་མཁན་མ་བྱུང་ཡང་ཁྲུང་ཅི་རྒྱལ་པོས་བཤིགས་པས་ཐང་ཀར་མན་ཇུའི་མི་ལ་རྒྱ་ནག་གི་ཟས་འབྲེལ་ཅིང་འདུད་པའི་ཚུལ་འདུག་པ་དེ་འདྲའི་རྟེན་འབྲེལ་གྱིས་རྒྱལ་སའང་ཤོར་ཚུལ་སོགས་གླེངས། ། ༈ རྗེ་བཙུན་བཀའ་འགྱུར་བའི་རྣམ་ཐར་དད་པའི་རླབས་ཕྲེང་ཚིག་དོན་གཉིས་ཀ་ལེགས་པོ་ཡོད་ཚུལ་གསུངས། ། ༈ གཙང་སྟོད་དར་མགོན་གྱི་བརྒྱུད་པ་དགེ་སློང་ཞབས་ཕན་ལྷུན་གྲུབ་ཟེར་བ་གསོ་རིག་གི་སྦྱངས་སྟོབས་དང་ཐོས་རྒྱ་ཆེ་བ་ཞིག་བྱུང་བར་བསྟན་རྒྱུན་ལ་བསམས་ནས་དཔོན་ཚང་བྱང་ངོས་སྨན་རྒྱལ་ཚེ་དབང་དང་དཔོན་ཚང་དཀྱིས་སྤ་བ། ཆོས་རྗེ་ན་བཟའ་གླིང་པ། དྲུང་མཚོ་ལྷག་བསམ། དར་མོ་སྨན་རམ་པ། སློབ་མ་དང་བཅས་པ་སུམ་ཅུ་སྐོར་ལ་ཡན་ལག་བརྒྱད་པའི་སྙིང་པོ་བསྡུས་པ། ཟིན་ཏིག་གཅེས་བཏུས། གསེར་བྲེ། བྱང་པ་རིགས་ལྡན་རྣམ་རྒྱལ་གྲགས་བཟང་གིས་མཛད་པའི་བཤད་རྒྱུད་འགྲེལ་ཆེན་སོགས་ལུང་དང་མན་ངག་མང་དུ་སྤེལ་བཅུག །ཅེས་དང་། ཚེ་བདག་གི་གཅེས་པའི་འཁོར་ལོ་བཅུ་གསུམ་ཆབ་གཅིག་ཏུ་བརྩེགས་པས་འབྲི་གུང་ཆོས་གྲགས་པའི་ཕྱག་ལེན། ། ༈ པཎ་ཆེན་ཤཱཀ྄་མཆོག་པའི་ཚད་མ་རྣམ་འགྲེལ་ཊཱི་ཀ་ཀུན་བཟང་ཆོས་ཀྱི་རོལ་མཚོ། ། ༈ བསྟན་པ་ཕྱི་དར་ལ་ཤྲཱི་བྷཱུ་མི་ཨཱཪྻ། གནམ་བསྐོས་ཀྱི་སྡེ་སྲིད་ཕག་མོ་གྲུ་པ་གུའི་གུང་། བྱང་པ་རིགས་ལྡན་ཏཱ་དབེན་གུ་ཤྲཱི། ཁྲོམ་གེ་སར་གྱི་མག་པ་རྒྱལ་མཁར་རྩེ་པ། སྒེར་རིགས་རིན་ཆེན་སྤུངས་པ། སྡེ་སྲིད་གཙང་པ་སོགས་ཀྱི་དུས་རིན་ཆེན་རྒྱན་ཆའི་སྲོལ་དོད་ཚུལ་འདུག ། ༈ མཐའ་བཞིའི་རྒྱལ་པོ་ལ་ནི། ཤར་ན་རྒྱ་ནག་དང་ཁྲི་སྟན། ལྷོ་ན་རྒྱ་གར་དང་ཁ་ཆེ། ནུབ་སྟག་སྡེ་དང་གཟིག་ཕན། བྱང་ཁྲོམ་དང་གེ་སར་ཞེས་པའོ། །མདོར་ན་སྟོད་ཛཱ་ཏིའི་དྲི་བསུང་འཐུལ་བ་ནས། སྨད་ཟ་འོག་ཐགས་སུ་འཐགས་པའི་ཡུལ་གྲུ་ཡན་ཆད། འཛིན་ཆེ་ཆུང་དགུ། ལག་ཡང་སུམ་བརྒྱ་རེ་གཉིས། གསེར་མདོང་། དངུལ་མདོང་། གནས་བརྟན་ཕྱག་མཆོད་ལ་མཆོད་པ་སྣ་༢༢བདུན། གཏོར་ཟླུམ། ཉན་ཐོས་དཀར་གསུམ་མངར་གསུམ་གྱི་མཆོད་པ་བཅས། དཔལ་རི་སྤྲུལ་སྐུ་ངག་དབང་པདྨ་སྣང་རྩེ་ཕྱོགས་ལ་དད་པ་གོ་ལོག་པའི་ཚུལ་སྣང་། འདུལ་བའི་ལས་ཆོག་མཐའ་གཅོད་བཅས་པ་འཁྲུལ་སྤོང་རྣམ་རྒྱལ་གསེར་མདོག །ཞྭ་ལུ་པ་ཡེ་ཤེས་རྒྱལ་མཚན་གྱི་བྱམས་སྨོན་འགྲེལ་པ་ཚོགས་གཉིས་ཆུ་རྒྱུན། ཁམས་༡༧༡རྫོགས་ཆེན་པདྨ་རིག་འཛིན་དང་སྙིང་ཐིག་སྐོར་ལ་ཞིབ་ཆའི་རྒྱུ་མཚན་མང་དག་དང་པོར་འདུག ། ༈ རིག་འཛིན་རྒོད་ལྡེམ་ཟངས་མཛོད་ནས་བཞེས་པའི་མངའ་བསྐྱེད་ནོར་བུའི་བང་མཛོད་ལས། བོད་ལ་བདེ་སྐྱིད་འབྱུང་འདོད་ན༔ ཡར་ངོའི་ཚེས་བཅུའི་ནམ་ཤར་ཚེ༔ ཨོ་རྒྱན་པདྨའི་སྤྲུལ་པ་འབྱུང་༔ དེ་དུས་ང་ལ་མོས་པ་ཡི༔ རབ་ཀྱིས་བསྐྱེད་རྫོགས་གནས་ལུགས་ལྟོས༔ ཕྱི་ནང་གསང་བའི་སྒྲུབ་པ་ཚུགས༔ སེམས་བསྐྱེད་བསམ་པ་བཟང་པོ་ཡིས༔ འགྲོ་དྲུག་ཐུགས་རྗེས་འདྲེན་པ་ཡི༔ ལས་དང་སྨོན་ལམ་རྒྱ་ཆེར་ཐོབ༔ འབྲིང་གི་ལུས་ངག་ཡིད་གསུམ་གྱིས༔ སྒྲིབ་སྦྱོང་ལས་ལ་བརྩོན་པར་གྱིས༔ ཞེས་སོ། ། ༈ གངས་ཅན་གྱི་ལྗོངས་ཀྱི་བླ་དཔོན་རྣམས་ཀྱི་ཐོབ་ཆེ་ཆུང་གི་ཡི་གེ་ཚིག་དོན་རབ་གསལ་དང་། གདན་ཡིག་ཞིབ་མོ་རྣམ་དག་རབ་གསལ་མེ་ལོང་ཞེས་བྱ་བ་བྲིས་པར་སྣང་། འདིའི་ས་བོན་ཙམ་ལྡེབ་༡༣༩ཕྱི་ནས། ༡༤༢ཕྱི་བར་ཡོད། ། ༈ རྒྱ་ནག་རྒྱལ་པོའི་ཁབ་ཏུ་ཕེབས་སྐབས། འདི་ལྟར། ཕོ་བྲང་ཆེན་པོ་འདིའི་འོག་ཏུ་ཝུའུ་ཀྱང་བཅུ་གསུམ། ཞང་ཆེན་རེ་རེའི་མཁར་མོ་ཆེའི་མི་དཔོན་ཀྱུན་མིན་རེ་རེ། ཀྱུན་མིན་རེ་རེའི་འོག་ཏུ་ཐིའི་ཏུའུ་བཅུ་གསུམ། ཐིའི་ཏུའུ་རེ་རེའི་འོག་ཏུ་ཙོང་ཡ་བཅུ་གསུམ། ཏུའུ་ཡི་བཅུ་གསུམ། བང་ཡི་བཅུ་གསུམ། ཐོང་ཡེ་བཅུ་གསུམ་ཡོད་ཅིང་། མཁལ་མོ་ཆེ་རེ་ལ་དམག་མིའི་གྲངས་ཏིལ་རྒྱ་ནག་གི་བྲེ་བོ་ཆེ་ལྔའི་གྲངས་ཡོད་པའི་རྒྱལ་ཁབ་ཆེན་པོ་ལྕགས་རི་དཀར་པོ་སེར་པོ་གྲོ་བོ་སྟེ་རིམ་པ་གསུམ་གྱིས་བསྐོར་བའི་ལྕགས་རི་ཕྱི་མའི་ཤར་ལྷོ་ནུབ་བྱང་མཐར་དག་ལ་ཚ་ཁ་རེ་འགྲོ་དགོས་པའི་ཁོར་ཡུག་ཤིན་ཏུ་ཡངས་པ། ནང་ཐམས་ཅད་ཁྱིམ་གྱིས་ཡོངས་སུ་གཏམས་པ། ཕོ་བྲང་ནང་མའི་ཕྱི་རོལ་དུ་རྒྱལ་སྲིད་སྣ་བདུན་དང་ཁྲིམས་ཀྱི་རུ་མཚོན། གདུགས་དང་བ་དན་སྣ་ཚོགས་བསྒྲེང་བ། སྙན་བརྗིད་ཀྱི་རོལ་མོ་མང་པོ་སྒྲ་འཁྲོལ་བ། རྔམས་འཇིགས་ཡིད་དུ་འོང་བ་རྣམ་ཐོས་སྲས་ཀྱི་ཁང་བཟང་ལྟ་བུ། ཞེས་གསུངས་སོ།། །། ༈

[edit]

rgyal dbang lnga pa rin po che'i rnam thar dU ku la'i gos bzang las btus pa'i le tshan/ @#/_/rgyal dbang lnga pa rin po che'i rnam thar dU ku la'i gos bzang 364/__ka pa 'bri gung sgam pa shAka rin gyis/__gdan sa dpal gyi phag gru de/__/chu mig brgya rtsa'i mgo bo yin/__/zhes drangs/__ri bo bde chen hor rdo rje tshe brtan skyid pa dpal bzang pos btab par grags/__de'i bstan 'gyur gyi khrod du zhwa lus bsgyur ba'i mdzod 'grel gnam lcags thog gzer kyang yod/___/__!_thog mar tshig bkra legs khyad kyis/__gang zag yin na lha ma yin pa bud zer na/__ston pa shAkya thub pa chos can sogs so/___/__!_rwa bsgrengs nang rten gras/__jo bo 'jam rdor/__gdung rten dngul gdugs ma/__dbu yon ma che chung sogs so/__/'brom ston chos khri/__/_!_paN chen bsod nams grags pa'i rgyud sde spyi rnam/___/__!_'bras spungs su/__pha wang kha pa'i snyan brgyud lta ba spyi khyab/__skyabs 'gro'i rnam bshad/__bde smon TI ka sogs/__dpang lo'i tshogs gsum gsal ba/___/__!_rtse dang lnga mchod par gser gling pa'i thugs dam rten thub pa gser gling ma sogs/___/__!_bsam gtan gling ni bla ma dam pa bsod nams rgyal mtshan dang /__yar klung pa seng ge rgyal mtshan khu dbon gyis byin gyis brlabs pa'i gnas khyad par 'phags pa yin/__snye thang du shAkya shrI'i thugs dam rten sgrol ma rdza sku/__bkra shis rdo kha ma/___/__!_rgya nag tu phebs skabs rgyal po dgung lo 17pa'ang zil shin tu che bar snang gsungs/__rin spungs dang nya bar chos lung tshogs par nang rten/__rnam sras ljang yul ma gter byon 'khrul med/__shA ri'i bu'i tshems/__rdza sku gnyis/__klu sgrub kyi phyag bzo shing sha pa la'i spyan ras gzigs/__paN chen gyi snam sbyar/__jo bo'i rgya dpe sogs mang po yod/__thar pa la nA ro'i thugs dam rten kye rdor bris thang /__kha che paN chen dang dpyal lo'i lhung bzed/__paN chen mkhar gsil/__dung rang skad ma rgya dpe sogs yod/___/__!_zhwa lu ri sbug tu biR+Wa pa'i bum par bu ston gyis rgyud sde bzhi'i dbang gi chu bo rnams gcig tu bsdus pa'i rgyun nyams med/__bu'i bro gzhu/__rdor dril/__rgya dpe/__bsil byed sogs yod/___/__!_sgam po sprul sku blo bzang phrin las rnam rgyal nges don grub pa'i shing rta gter rdzun yin tshul zhib par 'dug__/_!_skyid grong gi jo bo 'phags pa wa ti bal bod kyi bde gzar la brten nas dbus phyogs su phebs rtser bzhugs/__de dang dus mtshungs su smin gter gtsug phud bzhes tshul 'dug__/_!_gzims 'bras spungs khang gong sprul sku 'da' kar thugs 'khrul tshul 'dug__/ldeb 259gter ston bdud 'dul rdo rje zog po gter rdzun mkhan du nges shes gting nas 'drong tshul gyi rgyu mtshan gter chos sprul sku snying thig tu dge lugs smad cing /__tshe yang phur gsum du bsngags brjod sogs nang 'gal du ma 'dug tshul gsungs/___/__!_byams pa chos 'khor ma chos rgyal kri ka'i mchod rten yin tshul/___/__!_gra nang rgyal gling tshogs/__mkhar chu dur khrod la kha/___/__!_mdo sdud byams chos bzhi skad gnyis shan sbyar/__gso dpyad gces bsdus rin chen phreng ba/__mkhyen brtse lo tsA ba'i sde tshan bdun pa/___/__!_khri srong lde btsan dus/__rab byung ngur smrig dbu zlum dang /__/sngags pa gos dkar lcang lo can/__/zhes gsungs/___/__!_mchims phu dge'u phug tu 'dra sku gdan drangs tshe ngo mtshar khyad 'phags byung tshul snang /___/__!_bdud 'dul ba bsam yas chos skyong gis bskul nas lan gsum du gdan drangs kyang ma 'drongs pa'i tshul snang /___/__!_rgyud 'bum lung rgyun ngor lugs khungs btsun par gsungs/___/__!_kha par/__'phan 280gda' dpal ldan rtse dang /__rtse dwang bsam gtan gling gnyis srung ma rang bzhin 'du ba'i gnas kyi mchog tu bsngags/___/__!_rdor brag pad phrin la bsam gtan gling pa'i a ti/__nyang gi rnam thar zangs gling ma/__gter kha 'og ma'i mdzad pa bcu gcig sogs phul rab snang /___/__!_tshes bcu bzhi la 'brug pa'i slob dpon bla ma la sngon pa/__khams sde dge'i bla ma dpon phun tshogs gnyis 'jig rten pha rol gyi ltad mor song ba la gtong rag gtong tshul sogs snang /___/__!_dpal ldan sha ba ri dbang phyug__/drang srong rig pa'i blo gros/__grub thob bA li pa gsum dngul chu'i 'ja' lus 'grub nas da lta'ang shrI paR+pa tar yod/__bod du grub chen au DI pas 'gyur/__!__(kha)__'bras spungs su sgrol chen bsam 'grub rdo rje'i gsung rgyun sngags 'chang nam mkha' rin chen gyis bris pa'i gsang snying 'grel pa/__khog phub sgrol chen nyid kyis mdzad pa/__sman lung pa mi bskyod rdo rjes mdzad pa'i 'grel pa/__spyi don/__chos tshoms bsdus don sogs ma mnyes tshul/___/__!_gsang 'dus las byang rtsa gsum dgyes pa'i rol gar/__rgyal sras bstan pa'i nyi ma'i ngor so thar sdom rgyun gsol 'debs brtsams/_/_!_g.yung TI ka par mnyes 99tshul snang /___/__!_gtsang chung chos grags bzang spyod TI ka spar yod/__'brum pas bsnyun tshe mtshan mo tshad 'khrul byung rab 'dug__/_!_stag lung sangs rgyas dbon gyis/__rgya bo gdong nas gter bzhes tshul yod/___/__!_aSh+ta'i bsnyen tshad ma song na slob bshad mi bshad tshul 'dug__/_!_phur pa lha khra la sa lo'i kye rdor gyi 'byin 'jug byas pa khungs med tshul/___/__!_stong 'khor zhabs drung yon tan rgya mtsho se rar thugs gnyer mdzad skabs grwa pa kha brgyag zhig gis/__bdag med yin na yod pas khyab pa'i sku/__/de la skyon ni gtong mkhan med pa'i gsung /__/btang na gar 'gro 'dir 'gro med pa'i thugs/__/kha btags rgya mtsho'i mgon la gsol ba 'debs/__/rin chen ril bu rigs snga phyi gsum tsam sbyor tshul 'dug__/_!_rim gro gang la'ang mi bslu ba'i 'bras bu 'byung ba gzhir bcas kyang tshe rabs sngon ma mang por gzhan gyi yan lag bcad pas mtshon las tshab po che bsags tshad nas sman bla bzang spyod sogs sdig bshags kyi rigs rnams 'phrod ngo che ba zhig snang /__gangs dkar chos sder yang dag gi sgrub mchod 'dzugs skabs/__dpal ldan bla ma'i phur pa'i mngon dkyil rnying ma bka' ma'i dgongs don 'khrul med la sogs gshis lha kha spos kyang btub tsam yod mod/__bdag po kun rin pas mdzad pa zhig snang ba ni 'khrul pas/__gsar du phrin las rgyud don snang ba dang/__dkyil chog hU~M mdzad zhal lung gnyis mdzad tshul snang /___/__!_stag tshang lo tsA ba'i sman bla'i mdo chog rgyang ngos kyi bsngags brjod gnang 'dug__/lam gyi gtso bo rnam gsum gyi 'grel pa lung rig gter mdzod ces khyad 'phags shig mdzad tshul 'dug__/_!_dza b+hir gyi gtum mo nyams su bzhes pa'i bsngags brjod mang /___/__!_bdag po kun rin pas tshar chen bkrongs rtsis kyi dmag drangs pa'i sel da dung yod tshul 'dug__/_!_dol chu mig dkar mor smon lam log pa'i dam sri mthu rtsal can zhig byung 257ba la gsar rnying 'dre thogs pa'i sngags 'chang mang pos dus gcig tu bsreg tshul zhib par yod/__mnga' ris zla ba rgyal mtshan gyis thugs rje chen po rtsa gsum snying tig sogs bskur bar/__dus gang gis mi rnams g.yo sgyu che bas tshig gi sbyor sde tsam la yid brtan mi 'dug gshis gter sku 'gangs can rnams kyi drung du brtag pa phul ba legs phyogs babs pas khong rang la 'phrod lan dang glang bu mkhar du mi ched gnyer gtong ba'i 'gro don phrin las chu 'babs su skyongs 'jug pa'i bslab ston byas/___/__!_246ga par/__tshad ma lar stod lugs kyi TI ka? sa bcad thar lam gsal byed dang /__'bru bsnon grwa TIka?__/dbu phar gnyis kyi dogs gcod rnam bshad dgongs pa rab gsal dang snying po rgyan/__mdzod kyi dogs gcod gzhung brgya pa dngos grub dpal 'bar gyi yig cha/__'dul ba lung rig gter mdzod/__sngon rgya nag rgyal pos yong 'dus thang ka zhig bris/__de la rgyas btab nas 'di'i rgya sus bshigs pa'i dus rgyal sa 'chor bas ma bshig ces pa'i kha chems bzhag par brten mi rabs bdun tsam gyi bar bshigs mkhan ma byung yang khrung ci rgyal pos bshigs pas thang kar man ju'i mi la rgya nag gi zas 'brel cing 'dud pa'i tshul 'dug pa de 'dra'i rten 'brel gyis rgyal sa'ang shor tshul sogs glengs/___/__!_rje btsun bka' 'gyur ba'i rnam thar dad pa'i rlabs phreng tshig don gnyis ka legs po yod tshul gsungs/___/__!_gtsang stod dar mgon gyi brgyud pa dge slong zhabs phan lhun grub zer ba gso rig gi sbyangs stobs dang thos rgya che ba zhig byung bar bstan rgyun la bsams nas dpon tshang byang ngos sman rgyal tshe dbang dang dpon tshang dkyis spa ba/__chos rje na bza' gling pa/__drung mtsho lhag bsam/__dar mo sman ram pa/__slob ma dang bcas pa sum cu skor la yan lag brgyad pa'i snying po bsdus pa/__zin tig gces btus/__gser bre/__byang pa rigs ldan rnam rgyal grags bzang gis mdzad pa'i bshad rgyud 'grel chen sogs lung dang man ngag mang du spel bcug__/ces dang /__tshe bdag gi gces pa'i 'khor lo bcu gsum chab gcig tu brtsegs pas 'bri gung chos grags pa'i phyag len/___/__!_paN chen shAka? mchog pa'i tshad ma rnam 'grel TI ka kun bzang chos kyi rol mtsho/___/__!_bstan pa phyi dar la shrI b+hU mi AR+Ya/__gnam bskos kyi sde srid phag mo gru pa gu'i gung /__byang pa rigs ldan tA dben gu shrI/__khrom ge sar gyi mag pa rgyal mkhar rtse pa/__sger rigs rin chen spungs pa/__sde srid gtsang pa sogs kyi dus rin chen rgyan cha'i srol dod tshul 'dug__/_!_mtha' bzhi'i rgyal po la ni/__shar na rgya nag dang khri stan/__lho na rgya gar dang kha che/__nub stag sde dang gzig phan/__byang khrom dang ge sar zhes pa'o/__/mdor na stod dzA ti'i dri bsung 'thul ba nas/__smad za 'og thags su 'thags pa'i yul gru yan chad/__'dzin che chung dgu/__lag yang sum brgya re gnyis/__gser mdong /__dngul mdong /__gnas brtan phyag mchod la mchod pa sna 22bdun/__gtor zlum/__nyan thos dkar gsum mngar gsum gyi mchod pa bcas/__dpal ri sprul sku ngag dbang pad+ma snang rtse phyogs la dad pa go log pa'i tshul snang /__'dul ba'i las chog mtha' gcod bcas pa 'khrul spong rnam rgyal gser mdog__/zhwa lu pa ye shes rgyal mtshan gyi byams smon 'grel pa tshogs gnyis chu rgyun/__khams 171rdzogs chen pad+ma rig 'dzin dang snying thig skor la zhib cha'i rgyu mtshan mang dag dang por 'dug__/_!_rig 'dzin rgod ldem zangs mdzod nas bzhes pa'i mnga' bskyed nor bu'i bang mdzod las/__bod la bde skyid 'byung 'dod na:__yar ngo'i tshes bcu'i nam shar tshe:__o rgyan pad+ma'i sprul pa 'byung :__de dus nga la mos pa yi:__rab kyis bskyed rdzogs gnas lugs ltos:__phyi nang gsang ba'i sgrub pa tshugs:__sems bskyed bsam pa bzang po yis:__'gro drug thugs rjes 'dren pa yi:__las dang smon lam rgya cher thob:__'bring gi lus ngag yid gsum gyis:__sgrib sbyong las la brtson par gyis:__zhes so/___/__!_gangs can gyi ljongs kyi bla dpon rnams kyi thob che chung gi yi ge tshig don rab gsal dang /__gdan yig zhib mo rnam dag rab gsal me long zhes bya ba bris par snang /__'di'i sa bon tsam ldeb 139phyi nas/__142phyi bar yod/___/__!_rgya nag rgyal po'i khab tu phebs skabs/__'di ltar/__pho brang chen po 'di'i 'og tu wu'u kyang bcu gsum/__zhang chen re re'i mkhar mo che'i mi dpon kyun min re re/__kyun min re re'i 'og tu thi'i tu'u bcu gsum/__thi'i tu'u re re'i 'og tu tsong ya bcu gsum/__tu'u yi bcu gsum/__bang yi bcu gsum/__thong ye bcu gsum yod cing /__mkhal mo che re la dmag mi'i grangs til rgya nag gi bre bo che lnga'i grangs yod pa'i rgyal khab chen po lcags ri dkar po ser po gro bo ste rim pa gsum gyis bskor ba'i lcags ri phyi ma'i shar lho nub byang mthar dag la tsha kha re 'gro dgos pa'i khor yug shin tu yangs pa/__nang thams cad khyim gyis yongs su gtams pa/__pho brang nang ma'i phyi rol du rgyal srid sna bdun dang khrims kyi ru mtshon/_gdugs dang ba dan sna tshogs bsgreng ba/__snyan brjid kyi rol mo mang po sgra 'khrol ba/__rngams 'jigs yid du 'ong ba rnam thos sras kyi khang bzang lta bu/__zhes gsungs so//____//__!_