JKW-KABUM-08-NYA-012-008

🚧 This website is under continued development. We appreciate your patience!

Previous Text Back to Volume PageLast text in section.

དཔལ་འཛིན་ལུགས་ཀྱི་རྣལ་འབྱོར་མའི་རྗེས་གནང་།

Wylie title	dpal 'dzin lugs kyi rnal 'byor ma'i rjes gnang
Location	mkhyen brtse'i bka' 'bum Volume 8, sde tshan 12, Text 8, Pages 332-336 (Folios 53b5 to 55b4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Associated People	བྲམ་ཟེ་དཔལ་འཛིན་ (Śrīdhara)
Citation	'jam dbyangs mkhyen brtse'i dbang po. dpal 'dzin lugs kyi rnal 'byor ma'i rjes gnang. In 'jam dbyangs mkhyen brtse'i dbang po'i bka' 'bum, Vol. 8: 332-336. Khams sde dge rdzong sar dgon: Rdzong sar blo gros phun tshogs, 2020.
Genre	Permission to Invoke (anujñā) - rjes gnang
Cycle	བྲམ་ཟེ་དཔལ་འཛིན་ལུགས་ཀྱི་རྡོ་རྗེ་རྣལ་འབྱོར་མ་ (bram ze dpal 'dzin lugs kyi rdo rje rnal 'byor ma)
Deity	rdo rje rnal 'byor ma
Colophon	།ཞེས་པའང་མཉྫཱ་གྷོ་ཥས་བྲིས་པ་དགེ་ལེགས་འཕེལ།།
	zhes pa'ang many+dzA g+ho Shas bris pa dge legs 'phel

1 Texts in this Section (sde tshan or chos tshan)

8 332-336	དཔལ་འཛིན་ལུགས་ཀྱི་རྣལ་འབྱོར་མའི་རྗེས་གནང་། dpal 'dzin lugs kyi rnal 'byor ma'i rjes gnang Permission to Invoke (anujñā) - rjes gnang	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

༄༅། །ཨོཾ་སྭ་སྟི། བྲམ་ཟེ་དཔལ་འཛིན་ལུགས་ཀྱི་རྡོ་རྗེ་རྣལ་འབྱོར་མའི་རྗེས་གནང་ལ། མདུན་དུ་ཟླུམ་གཏོར་ཤ་ཆང་གིས་བརྒྱན་པ་གཉིས་དང་། མཆོད་པ་བཅས་བཤམ། སློབ་དཔོན་གྱིས་སྐྱབས་སེམས་སྔོན་དུ་འགྲོ་བས་བདག་བསྐྱེད་དང་། བཟླས་པ་ཅི་རིགས་པ་བྱ། གཏོར་མ་གཅིག་གཙང་སར་རང་བཞིན་གྱིས་འབུལ། དེ་ནས་སློབ་མ་མདུན་དུ་འཁོད་པ་ལ། སེམས་བསྐྱེད་གསལ་བཏབ་ནས། དེ་ལ་འདིར་གྲུབ་པའི་དབང་ཕྱུག་དཔལ་འཛིན་གྱི་མན་ངག །བལ་ཡུལ་མཐིལ་གྱི་པཎྜི་ཏ་ཆེན་པོ་བུདྷཱ་ཤྲཱིའི་ཐུགས་དམ། ཁྲོ་ཕུ་ལོ་ཙཱ་བ་བྱམས་པའི་དཔལ་ལ་བཀའ་བབས་པའི་བཅོམ་ལྡན་འདས་རྡོ་རྗེ་ཕག་མོ་ཁྲོས་མ་དམར་མོ་གཙོ་འཁོར་གསུམ་མའི་རྗེས་སུ་གནང་བ་ལ་སློབ་དཔོན་གྱི་བྱ་བ་གྲུབ། ཁྱེད་རང་གི་ངོ་སྐལ་དུ་གྱུར་པ་ཐོག་མར་མཎྜལ་ཕུལ། གསོལ་བ་འདེབས་པ་འདིའི་རྗེས་ཟློས་མཛོད། དོན་དམ་སྨྲ་བའི་སེང་གེ་རྣལ་འབྱོར་ཞེས་བྱ་བ། །ཉོན་མོངས་གཅོད་པའི་དོན་ལ་ཤིན་ཏུ་མཁས་གྱུར་པ། །སྲིད་པའི་ཉེས་བརྒྱ་སྐྱེད་རྩ་ཉོན་མོངས་ཆོམས་མཛོད་ལ། །རྣལ་འབྱོར་དོན་དམ་རྒྱལ་པོ་དེ་ཉིད་གྲུབ་པར་མཛོད། ལན་གསུམ། བླ་མ་དང་རྗེ་བཙུན་ཕག་མོ་ཁྲོས་མ་དམར་མོ་ཐ་མི་དད་པ་སྐྱབས་ཡུལ་རྒྱ་མཚོའི་ཚོགས་ཀྱིས་བསྐོར་བའི་སྤྱན་སྔར་སྐྱབས་སུ་འགྲོ་བ་དང་སེམས་བསྐྱེད་པ་འདིའི་རྗེས་ཟློས་མཛོད། འགྲོ་རྣམས་བསྒྲལ་འདོད་བསམ་པ་ཡིས། །སངས་རྒྱས་ཆོས་དང་དགེ་འདུན་ལ། །བྱང་ཆུབ་སྙིང་པོར་མཆིས་ཀྱི་བར། །རྟག་པར་བདག་ནི་སྐྱབས་སུ་མཆི། །ཤེས་རབ་སྙིང་བརྩེ་དང་བཅས་པའི། །བརྩོན་པས་སེམས་ཅན་དོན་དུ་བདག །སངས་རྒྱས་མདུན་དུ་གནས་བཅས་ཏེ། །རྫོགས་པའི་བྱང་ཆུབ་སེམས་བསྐྱེད་བགྱི། །ལན་གསུམ། ཁྱད་པར་བཅོམ་ལྡན་འདས་མ་རྡོ་རྗེ་ཕག་མོ་ཁྲོས་མ་དམར་མོའི་རྗེས་གནང་སྩལ་དུ་གསོལ་སྙམ་པས་འདིའི་རྗེས་ཟློས་ཀྱང་གསུངས་ཤིག །སློབ་དཔོན་དགོངས་སུ་གསོལ། བདག་ལ་བཅོམ་ལྡན་འདས་མ་རྡོ་རྗེ་ཕག་མོའི་རྗེས་གནང་མ་ལུས་པ་སྩལ་དུ་གསོལ། ལན་གསུམ། ད་རྗེས་གནང་གི་གཞི་དགོད་པའི་སླད་དུ། སློབ་དཔོན་གྱི་ཨོཾ་ཨཱཿཧཱུྃ་ཞེས་བརྗོད་པས་ཁྱེད་རང་རྣམས་ཀྱི་ལུས་ངག་ཡིད་གསུམ་དག་པར་གྱུར་པའི་ལྟེ་བར་པདྨ་སོགས་ནས། དབུས་ན་བཞུགས་པའི་སྐུར་ལམ་སྟེ་བྱུང་བའི་མོས་པ་མཛོད་ཅེས་མངོན་རྟོགས་ལྟར་ལ། རང་ཉིད་ཅེས་པར་ཁྱེད་རང་རྣམས་ཞེས་བསྒྱུར། རྗེས་གནང་དངོས་ལ་གསུམ་ལས། དང་པོ་སྐུའི་རྗེས་གནང་ནི། སློབ་དཔོན་ལ་ཕག་མོ་ཁྲོས་མ་དངོས་ཡིན་སྙམ་པའི་མོས་གུས་བྱས་པས། སློབ་དཔོན་གྱི་ཐུགས་ཀ་ནས་འོད་ཟེར་འཕྲོས། ཕྱོགས་བཅུའི་སངས་རྒྱས་དང་བྱང་སེམས། དཔའ་བོ་དང་རྣལ་འབྱོར་མ་ཐམས་ཅད་ཀྱི་ཐུགས་རྒྱུད་བསྐུལ། དེ་རྣམས་དང་སློབ་དཔོན་གྱི་ཐུགས་ཀ་ནས་རྡོ་རྗེ་ཕག་མོ་ཁྲོས་མ་གཙོ་འཁོར་གསུམ་གྱི་སྐུ་ཆེ་ཆུང་མ་ངེས་པ་དཔག་ཏུ་མེད་པ་བྱོན། །ཁྱེད་རང་རྣམས་ཀྱི་སྤྱི་གཙུག་ལ་སོགས་པ་དང་། བ་སྤུའི་བུ་ག་རྣམས་ནས་ཆར་བབས་པ་བཞིན་དུ་སིབ་སིབ་ཐིམ་པར་མོས་པ་མཛོད། ཕཻ་ཞེས་པའི་སྒྲ་དང་སྔགས་ཀྱི་མཐར་ཛཿཧཱུྃ་བྃ་ཧོཿཞེས་བརྗོད་ཅིང་སྤོས་རོལ་བྱ། གསུང་གི་རྗེས་གནང་ནི། སློབ་དཔོན་གྱི་སྙིང་གར་པདྨ་ལ་གནས་པའི་ཧྲཱིཿདམར་པོ། དེ་ལས་སྔགས་ཀྱི་ཕྲེང་བ་བྱུང་། སློབ་དཔོན་གྱི་ཁ་སྒོ་ནས་ཐོན། ཁྱེད་རང་རྣམས་ཀྱི་ཞལ་དུ་ཞུགས། ཐུགས་ཀར་པདྨ་ལ་གནས་པའི་ཧྲཱིཿདམར་པོ་ལ་ཐིམ། དེའི་དུས་སུ་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ། དཔའ་བོ་དང་རྣལ་འབྱོར་མ་རྣམས་ཀྱི་མཁྱེན་བརྩེ་ནུས་མཐུ་ཐམས་ཅད་འོད་ཟེར་གྱི་རྣམ་པས་སྔགས་ཕྲེང་དང་ལྷན་ཅིག་ཞལ་དུ་ཞུགས། སྙིང་གའི་ཧྲཱིཿཡིག་ལ་ཐིམ་པའི་མོས་པ་མཛོད་ལ། སྔགས་འདིའི་རྗེས་ཟློས་ལན་གསུམ་གསུངས་ཤིང་། །སྔགས་གསུམ་བཟླར་གཞུག །དང་པོས་བྱིན་གྱིས་བརླབས། གཉིས་པས་དབྱེར་མེད་དུ་འདྲེས། གསུམ་པས་བརྟན་པར་བྱས་པའི་མོས་པ་མཛོད། སློབ་དཔོན་ལ་མེ་ཏོག་འཐོར་བཞིན་པས་འདིའི་རྗེས་ཟློས་མཛོད་ཅིག །བཅོམ་ལྡན་བདག་གིས་གཟུང་ལགས་ཀྱིས། །བདག་ལ་འགོ་བར་མཛོད་དུ་གསོལ། །ལན་གསུམ། དེ་ལྟར་ཕུལ་པའི་མེ་ཏོག་དེ་ཉིད་སླར་ཡང་བྱིན་གྱིས་བརླབས་ཏེ། ཁྱེད་རང་རྣམས་ཀྱི་སྤྱི་བོར་ཕུལ་བའི་མོས་པ་མཛོད་ཅིག །བཅོམ་ལྡན་འདི་ལ་སྩལ་ལགས་ཀྱི། །འདི་ལ་འགོ་བར་མཛད་དུ་གསོལ། །སྔགས་ཀྱི་དངོས་གྲུབ་སྩལ་དུ་གསོལ། །བརྟུལ་ཞུགས་བརྟན་པར་མཛད་དུ་གསོལ། །རིག་པ་འཛིན་པ་འདི་རྣམས་ལ་རྗེ་བཙུན་ཕག་མོའི་སྐུ་གསུང་ཐུགས་ཀྱི་བྱིན་རླབས་མ་ལུས་པ་འཇུག་པར་གྱུར་ཅིག །གསུམ་པ་ཐུགས་ཀྱི་རྗེས་གནང་ནི། ཁྱེད་རང་རྣམས་ཀྱི་ལྟེ་བར་པདྨ་འདབ་མ་གསུམ་པ་ཧྲཱིཿའབར་བ་དང་བཅས་པ་ལ་སེམས་གཏད་དེ། རླུང་བུམ་པ་ཅན་བཟུང་བས། དེ་ལས་གཏུམ་མོའི་མེ་འབར། སྤྱི་བོའི་ཐིག་ལེ་ཞུ་བས་བདེ་སྟོང་གི་ཡེ་ཤེས་རྒྱུད་ལ་སྐྱེས་པའི་མོས་པ་མཛོད། ཅེས་བརྗོད་ལ་རླུང་འཛིན་དུ་གཞུག །རྗེས་དམ་ཚིག་ཁས་བླང་། གཏང་རག་གི་མཎྜལ། ལུས་ལོངས་སྤྱོད་འབུལ་བ། དགེ་བ་བསྔོ་བ་རྣམས་སྤྱི་ལྟར་བྱས་ལ་སློབ་མ་གྱེས། སློབ་དཔོན་གྱིས་གཏོར་མ་གཉིས་པ་དེ་མཁའ་འགྲོ་སྤྱི་གཏོར་གྱི་ཆོ་གས་བཏང་། ལྷ་སྐུ་མི་དམིགས་པར་སྦྱངས་ལ་བསྔོ་སྨོན་བཀྲ་ཤིས་སོགས་བྱའོ། །ཞེས་པའང་མཉྫཱ་གྷོ་ཥས་བྲིས་པ་དགེ་ལེགས་འཕེལ།། །།

[edit]

dpal 'dzin lugs kyi rnal 'byor ma'i rjes gnang / @#/_/oM swa sti/__bram ze dpal 'dzin lugs kyi rdo rje rnal 'byor ma'i rjes gnang la/__mdun du zlum gtor sha chang gis brgyan pa gnyis dang /__mchod pa bcas bsham/__slob dpon gyis skyabs sems sngon du 'gro bas bdag bskyed dang /__bzlas pa ci rigs pa bya/__gtor ma gcig gtsang sar rang bzhin gyis 'bul/__de nas slob ma mdun du 'khod pa la/__sems bskyed gsal btab nas/__de la 'dir grub pa'i dbang phyug dpal 'dzin gyi man ngag__/bal yul mthil gyi paN+Di ta chen po bud+hA shrI'i thugs dam/__khro phu lo tsA ba byams pa'i dpal la bka' babs pa'i bcom ldan 'das rdo rje phag mo khros ma dmar mo gtso 'khor gsum ma'i rjes su gnang ba la slob dpon gyi bya ba grub/__khyed rang gi ngo skal du gyur pa thog mar maN+Dal phul/__gsol ba 'debs pa 'di'i rjes zlos mdzod/__don dam smra ba'i seng ge rnal 'byor zhes bya ba/__/nyon mongs gcod pa'i don la shin tu mkhas gyur pa/__/srid pa'i nyes brgya skyed rtsa nyon mongs choms mdzod la/__/rnal 'byor don dam rgyal po de nyid grub par mdzod/__lan gsum/__bla ma dang rje btsun phag mo khros ma dmar mo tha mi dad pa skyabs yul rgya mtsho'i tshogs kyis bskor ba'i spyan sngar skyabs su 'gro ba dang sems bskyed pa 'di'i rjes zlos mdzod/__'gro rnams bsgral 'dod bsam pa yis/__/sangs rgyas chos dang dge 'dun la/__/byang chub snying por mchis kyi bar/__/rtag par bdag ni skyabs su mchi/__/shes rab snying brtse dang bcas pa'i/__/brtson pas sems can don du bdag__/sangs rgyas mdun du gnas bcas te/__/rdzogs pa'i byang chub sems bskyed bgyi/__/lan gsum/__khyad par bcom ldan 'das ma rdo rje phag mo khros ma dmar mo'i rjes gnang stsal du gsol snyam pas 'di'i rjes zlos kyang gsungs shig__/slob dpon dgongs su gsol/__bdag la bcom ldan 'das ma rdo rje phag mo'i rjes gnang ma lus pa stsal du gsol/__lan gsum/__da rjes gnang gi gzhi dgod pa'i slad du/__slob dpon gyi oM AHhU~M zhes brjod pas khyed rang rnams kyi lus ngag yid gsum dag par gyur pa'i lte bar pad+ma sogs nas/__dbus na bzhugs pa'i skur lam ste byung ba'i mos pa mdzod ces mngon rtogs ltar la/__rang nyid ces par khyed rang rnams zhes bsgyur/__rjes gnang dngos la gsum las/__dang po sku'i rjes gnang ni/__slob dpon la phag mo khros ma dngos yin snyam pa'i mos gus byas pas/__slob dpon gyi thugs ka nas 'od zer 'phros/__phyogs bcu'i sangs rgyas dang byang sems/__dpa' bo dang rnal 'byor ma thams cad kyi thugs rgyud bskul/__de rnams dang slob dpon gyi thugs ka nas rdo rje phag mo khros ma gtso 'khor gsum gyi sku che chung ma nges pa dpag tu med pa byon/__/khyed rang rnams kyi spyi gtsug la sogs pa dang /__ba spu'i bu ga rnams nas char babs pa bzhin du sib sib thim par mos pa mdzod/__phai zhes pa'i sgra dang sngags kyi mthar dzaHhU~M ba~M hoHzhes brjod cing spos rol bya/__gsung gi rjes gnang ni/__slob dpon gyi snying gar pad+ma la gnas pa'i hrIHdmar po/__de las sngags kyi phreng ba byung /__slob dpon gyi kha sgo nas thon/__khyed rang rnams kyi zhal du zhugs/__thugs kar pad+ma la gnas pa'i hrIHdmar po la thim/__de'i dus su phyogs bcu'i sangs rgyas dang byang chub sems dpa'/__dpa' bo dang rnal 'byor ma rnams kyi mkhyen brtse nus mthu thams cad 'od zer gyi rnam pas sngags phreng dang lhan cig zhal du zhugs/__snying ga'i hrIHyig la thim pa'i mos pa mdzod la/__sngags 'di'i rjes zlos lan gsum gsungs shing /__/sngags gsum bzlar gzhug__/dang pos byin gyis brlabs/__gnyis pas dbyer med du 'dres/__gsum pas brtan par byas pa'i mos pa mdzod/__slob dpon la me tog 'thor bzhin pas 'di'i rjes zlos mdzod cig__/bcom ldan bdag gis gzung lags kyis/__/bdag la 'go bar mdzod du gsol/__/lan gsum/__de ltar phul pa'i me tog de nyid slar yang byin gyis brlabs te/__khyed rang rnams kyi spyi bor phul ba'i mos pa mdzod cig__/bcom ldan 'di la stsal lags kyi/__/'di la 'go bar mdzad du gsol/__/sngags kyi dngos grub stsal du gsol/__/brtul zhugs brtan par mdzad du gsol/__/rig pa 'dzin pa 'di rnams la rje btsun phag mo'i sku gsung thugs kyi byin rlabs ma lus pa 'jug par gyur cig__/gsum pa thugs kyi rjes gnang ni/__khyed rang rnams kyi lte bar pad+ma 'dab ma gsum pa hrIH'bar ba dang bcas pa la sems gtad de/__rlung bum pa can bzung bas/__de las gtum mo'i me 'bar/__spyi bo'i thig le zhu bas bde stong gi ye shes rgyud la skyes pa'i mos pa mdzod/__ces brjod la rlung 'dzin du gzhug__/rjes dam tshig khas blang /__gtang rag gi maN+Dal/__lus longs spyod 'bul ba/__dge ba bsngo ba rnams spyi ltar byas la slob ma gyes/__slob dpon gyis gtor ma gnyis pa de mkha' 'gro spyi gtor gyi cho gas btang /__lha sku mi dmigs par sbyangs la bsngo smon bkra shis sogs bya'o/__/zhes pa'ang many+dzA g+ho Shas bris pa dge legs 'phel//__//