JKW-KABUM-23-'A-001-008

🚧 This website is under continued development. We appreciate your patience!

Previous Text Back to Volume PageNext Text

རང་གཞན་གྱི་སྤྱོད་ཚུལ་ལ་ངེས་འབྱུང་གི་གླུ་དྲང་སྲོང་གཞོན་ནུའི་གཏམ།

Wylie title	rang gzhan gyi spyod tshul la nges 'byung gi glu drang srong gzhon nu'i gtam
Location	mkhyen brtse'i bka' 'bum Volume 23, sde tshan 1, Text 8, Pages 16-17 (Folios 8b1 to 9a6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. rang gzhan gyi spyod tshul la nges 'byung gi glu drang srong gzhon nu'i gtam. In 'jam dbyangs mkhyen brtse'i dbang po'i bka' 'bum, Vol. 23: 16-17. Khams sde dge rdzong sar dgon: Rdzong sar blo gros phun tshogs, 2020.
Genre
Colophon	།ཅེས་པའང་ཐོལ་བྱུང་དུ་སྨྲས་པའོ།
	ces pa'ang thol byung du smras pa'o

Tibetan Text

Wylie

[edit]

རང་གཞན་གྱི་སྤྱོད་ཚུལ་ལ་ཡིད་ངེས་པར་འབྱུང་བའི་རྡོ་རྗེའི་གླུ་དྲང་སྲོང་གཞོན་ནུའི་གཏམ་ཞེས་བྱ་བ། ཀྱེ་མ། དྲན་པས་སྙིང་གི་གདུང་བ་ཀུན་སེལ་བའི། །ཁྱབ་བདག་བླ་མ་ཡེ་ཤེས་ཀྱི་སྐུ་ཅན། །བཀའ་དྲིན་མཉམ་མེད་ཞབས་སེན་གྱི་ནོར་བུ། །སྤྱི་བོའི་པདྨར་འབྲལ་མེད་དུ་བཞུགས་ཤིག །ལེགས་པར་སོམས་དང་བླུན་རྨོངས་ཀྱི་དྲེད་པོ། །རང་ལ་བལྟས་ན་འཁོས་མེད་དང་ཐབས་སྡུག །གཞན་ལ་བལྟས་ན་ཡི་མུག་གི་རང་བཞིན། །ཅི་ལ་བསམས་ཀྱང་སྙིང་པོ་ནི་མ་མཆིས། །མང་དུ་ཐོས་ཀྱང་ཚིག་སྐམ་གྱི་གཤར་སྦྱངས། །འཆད་སྤེལ་བྱས་ཀྱང་དམ་ཉམས་ཀྱི་སྒྲུབ་ཐབས། །ལྷག་བསམ་བསྐྱེད་ཀྱང་གཡོ་ཟོལ་དུ་མཐོང་བའི། །དུས་ངན་སྙིགས་མའི་སྤྱི་ལུགས་ལ་གཟིགས་དང་། །བསམ་པ་དགེ་ཡང་སྟོབས་འབྱོར་གྱིས་དབེན་པས། །གཞན་ལ་ཕན་པའི་གོ་སྐབས་ནི་མ་མཆིས། །མི་ཚེ་ཐམས་ཅད་དོན་མེད་ཀྱི་བྱ་བས། །རང་གཞན་གཉིས་མགོ་བསྐོར་བ་འདི་མཐོང་ངམ། །དྲག་དྲག་མགོ་ཅན་ང་རྒྱལ་གྱིས་སྦོས་ཤིང་། །ཞན་ཞན་རྣམས་ནི་ལྟོ་གོས་ཀྱི་ཁོལ་པོ། །ཀུན་ཀྱང་བླུན་ཞིང་གཏི་མུག་གི་རང་བཞིན། །འདི་འདྲས་རྒྱལ་བསྟན་ཇི་ལྟར་རང་འཛིན་ཨང་། །མཁས་པ་ཕལ་ཆེར་ཆགས་སྡང་གི་ཚང་ཚིང་། །གྲུབ་ཐོབ་རློམས་འགའ་བདུད་རིགས་ཀྱི་སྒྱུ་འཕྲུལ། །གངས་དཀར་ཏི་སེའི་རྒྱངས་སྒྲ་ལྟར་མཐོང་བས། །ད་ནི་རང་ཚོད་རང་ཉིད་ཀྱིས་ཟུངས་ཤིག །དགོན་གོག་ཁ་འཛིན་དམྱལ་བ་ཡི་ཚོགས་ཁང་། །བསྒྲིགས་དང་གྲ་ས་ཟིན་མེད་ཀྱི་སོ་ནམ། །སྦྱིན་བདག་ངོ་སྲུང་མགུ་མཁང་གི་རང་བཞིན། །ཅིས་ཀྱང་སྙིང་པོ་མེད་པ་ལ་སོམས་དང་། །ཕར་ལྟོས་བླ་དཔོན་རེ་དོག་གི་འབྱུང་གནས། །ཚུར་ལྟོས་འཁོར་སློབ་སྡུག་བསྔལ་གྱི་ཞིང་ས། །འདུལ་རྒྱུའི་དགྲ་བོ་ཞེ་སྡང་གི་བུད་ཤིང་། །བསྐྱང་རྒྱུའི་གཉེན་ནོར་འདོད་ཆགས་ཀྱི་གཡབ་མོ། །དེ་འདྲའི་དཀའ་ལས་དོན་མེད་ཀྱི་བྱ་བཞག །སྨྱོན་པའི་ཟློས་གར་བརྩེ་བ་ལྟར་མཐོང་ནས། །བློ་སྣ་ཐུང་ངུའི་སློབ་དཔོན་དང་འགྲོགས་ཏེ། །མི་མེད་དབེན་པའི་རི་སུལ་དུ་གཤེགས་ལ། །འཕགས་དང་མཁས་པའི་ཞལ་ལུང་གི་བདུད་རྩི། །དེ་སྔ་ཐོས་པ་དེ་ཙམ་གྱིས་ཆོག་གི །ཐོས་དང་སྙིང་པོར་དྲིལ་བ་ཡི་ཉམས་ལེན། །ད་ནི་མི་རན་དགུ་རན་དུ་འདུག་གོ །གལ་ཏེ་སྒྲུབ་པ་མ་བྱུང་དུ་ཟིན་ཡང་། །རང་གཞན་གཉིས་མགོ་བསྐོར་བ་འདི་སྤངས་ནས། །ཆགས་སྡང་མེད་པའི་གར་སྐྱིད་ཀྱི་ཡུལ་དུ། །བཟའ་གཏད་བྲལ་བའི་སྤྱོད་ཚུལ་ལ་ཞུགས་ཤིག །ཅེས་པའང་ཐོལ་བྱུང་དུ་སྨྲས་པའོ། ། ༈

[edit]

rang gzhan gyi spyod tshul la nges 'byung gi glu drang srong gzhon nu'i gtam/__ rang gzhan gyi spyod tshul la yid nges par 'byung ba'i rdo rje'i glu drang srong gzhon nu'i gtam zhes bya ba/__kye ma/__dran pas snying gi gdung ba kun sel ba'i/__/khyab bdag bla ma ye shes kyi sku can/__/bka' drin mnyam med zhabs sen gyi nor bu/__/spyi bo'i pad+mar 'bral med du bzhugs shig__/legs par soms dang blun rmongs kyi dred po/__/rang la bltas na 'khos med dang thabs sdug__/gzhan la bltas na yi mug gi rang bzhin/__/ci la bsams kyang snying po ni ma mchis/__/mang du thos kyang tshig skam gyi gshar sbyangs/__/'chad spel byas kyang dam nyams kyi sgrub thabs/__/lhag bsam bskyed kyang g.yo zol du mthong ba'i/__/dus ngan snyigs ma'i spyi lugs la gzigs dang /__/bsam pa dge yang stobs 'byor gyis dben pas/__/gzhan la phan pa'i go skabs ni ma mchis/__/mi tshe thams cad don med kyi bya bas/__/rang gzhan gnyis mgo bskor ba 'di mthong ngam/__/drag drag mgo can nga rgyal gyis sbos shing /__/zhan zhan rnams ni lto gos kyi khol po/__/kun kyang blun zhing gti mug gi rang bzhin/__/'di 'dras rgyal bstan ji ltar rang 'dzin ang /__/mkhas pa phal cher chags sdang gi tshang tshing /__/grub thob rloms 'ga' bdud rigs kyi sgyu 'phrul/__/gangs dkar ti se'i rgyangs sgra ltar mthong bas/__/da ni rang tshod rang nyid kyis zungs shig__/dgon gog kha 'dzin dmyal ba yi tshogs khang /__/bsgrigs dang gra sa zin med kyi so nam/__/sbyin bdag ngo srung mgu mkhang gi rang bzhin/__/cis kyang snying po med pa la soms dang /__/phar ltos bla dpon re dog gi 'byung gnas/__/tshur ltos 'khor slob sdug bsngal gyi zhing sa/__/'dul rgyu'i dgra bo zhe sdang gi bud shing /__/bskyang rgyu'i gnyen nor 'dod chags kyi g.yab mo/__/de 'dra'i dka' las don med kyi bya bzhag__/smyon pa'i zlos gar brtse ba ltar mthong nas/__/blo sna thung ngu'i slob dpon dang 'grogs te/__/mi med dben pa'i ri sul du gshegs la/__/'phags dang mkhas pa'i zhal lung gi bdud rtsi/__/de snga thos pa de tsam gyis chog gi__/thos dang snying por dril ba yi nyams len/__/da ni mi ran dgu ran du 'dug go__/gal te sgrub pa ma byung du zin yang /__/rang gzhan gnyis mgo bskor ba 'di spangs nas/__/chags sdang med pa'i gar skyid kyi yul du/__/bza' gtad bral ba'i spyod tshul la zhugs shig__/ces pa'ang thol byung du smras pa'o/___/__!_