དཔལ་ལྡན་བླ་མ་རྡོ་རྗེ་གསུམ་དང་དབྱེར་མེད་པ་ལ་གསོལ་འདེབས་ཀྱི་གླུ་ཡེ་ཤེས་བྱིན་འབེབས།

🚧 This website is under continued development. We appreciate your patience!

Previous Text Back to Volume PageNext Text

Wylie title	dpal ldan bla ma rdo rje gsum dang dbyer med pa la gsol 'debs kyi glu ye shes byin 'bebs
Location	mkhyen brtse'i bka' 'bum Volume 23, sde tshan 1, Text 7, Pages 14-16 (Folios 7b3 to 8b1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. dpal ldan bla ma rdo rje gsum dang dbyer med pa la gsol 'debs kyi glu ye shes byin 'bebs. In 'jam dbyangs mkhyen brtse'i dbang po'i bka' 'bum, Vol. 23: 14-16. Khams sde dge rdzong sar dgon: Rdzong sar blo gros phun tshogs, 2020.
Genre	Vajra Songs - rdo rje'i glu
Colophon	།ཞེས་གྲུབ་པའི་དབང་ཕྱུག་བྱེ་བའི་གཙུག་རྒྱན་མེ་ལོང་རྡོ་རྗེའི་རིགས་ལས་སོན་པའི་དགེ་ཚུལ་བསྟན་འཛིན་དཔལ་འབར་ཐུགས་དགྱེས་པའི་སླད་དུ་མཁྱེན་བརྩེའི་དབང་པོས་སོ།
	zhes grub pa'i dbang phyug bye ba'i gtsug rgyan me long rdo rje'i rigs las son pa'i dge tshul bstan 'dzin dpal 'bar thugs dgyes pa'i slad du mkhyen brtse'i dbang pos so

Tibetan Text

Wylie

[edit]

དཔལ་ལྡན་བླ་མ་རྡོ་རྗེ་གསུམ་དང་དབྱེར་མེད་པ་ལ་གསོལ་བ་འདེབས་པ་རྡོ་རྗེའི་གླུ་ཡེ་ཤེས་བྱིན་འབེབས་ཞེས་བྱ་བ། ཨ་ཧོ་སྤྱི་བོ་བདེ་ཆེན་འཁོར་ལོའི་གཞལ་ཡས་ཀྱི་དབུས་ན། །དཔལ་ལྡན་བླ་མ་སྐུ་ཡི་རྡོ་རྗེ་དེ་བཞུགས་ཡོད། །སྣང་སྟོང་དབྱེར་མེད་ངང་ནས་གསོལ་བ་རང་འདེབས་སོ། །ལུས་སྣང་སྤྲུལ་སྐུར་དག་པར་བྱིན་གྱིས་རང་རློབས་ཤིག །མགྲིན་པ་ལོངས་སྤྱོད་འཁོར་ལོའི་པདྨོ་ཡི་དབུས་ན། །དཔལ་ལྡན་བླ་མ་གསུང་གི་རྡོ་རྗེ་དེ་བཞུགས་ཡོད། །གྲགས་སྟོང་དབྱེར་མེད་ངང་ནས་གསོལ་བ་རང་འདེབས་སོ། །རླུང་སྔགས་ལོངས་སྐུར་རྫོགས་པར་བྱིན་གྱིས་རང་རློབས་ཤིག །སྙིང་ག་ཆོས་ཀྱི་འཁོར་ལོའི་ཆུ་སྐྱེས་ཀྱི་དབུས་ན། །དཔལ་ལྡན་བླ་མ་ཐུགས་ཀྱི་རྡོ་རྗེ་དེ་བཞུགས་ཡོད། །རིག་སྟོང་དབྱེར་མེད་ངང་ནས་གསོལ་བ་རང་འདེབས་སོ། །རྟོགས་ཚོགས་ཆོས་སྐུར་སྨིན་པར་བྱིན་གྱིས་རང་རློབས་ཤིག །རང་སྣང་རྣམ་པར་དག་པའི་ཡེ་ཤེས་ཀྱི་ཀློང་ན། །སྐྱབས་ཀུན་འདུས་ཞལ་དྲིན་ཆེན་བླ་མ་དེ་བཞུགས་ཡོད། །རྩེ་གཅིག་གུས་པའི་ཡིད་ཀྱིས་གསོལ་བ་རང་འདེབས་སོ། །དུས་གསུམ་འདུ་འབྲལ་མེད་པར་བྱིན་གྱིས་རང་རློབས་ཤིག །ཚུལ་ཁྲིམས་རྣམ་པར་དག་པ་ཡོན་ཏན་གྱི་ཞིང་ས། །ངེས་འབྱུང་བྱང་ཆུབ་སེམས་གཉིས་དམ་ཆོས་ཀྱི་སྙིང་པོ། །ཐོས་བསམ་ཕ་མཐར་སོན་པ་ཉམས་ལེན་གྱི་འཇུག་སྒོ། །རྩེ་གཅིག་ཟབ་དོན་བསྒོམ་པ་དོན་ལྡན་གྱི་བགྱི་བ། །སྣང་སྲིད་ལྷ་སྐུར་ཤར་བ་ཡེ་ཤེས་ཀྱི་རོལ་མོ། །རྩ་རླུང་དབུ་མར་ཐིམ་པ་གསང་ཆེན་གྱི་མྱུར་ལམ། །ཀ་དག་བསམ་བརྗོད་བྲལ་བ་གནས་ལུགས་ཀྱི་མཐར་ཐུག །ལྷུན་གྲུབ་སྣང་བཞིའི་ཉམས་ལེན་ཁྱད་པར་གྱི་གསེང་ལམ། །རྩེ་གཅིག་རྒྱུད་ལ་བསྟར་བའི་སྐལ་བཟང་གི་སྣང་བས། །གཟུང་འཛིན་འཁྲུལ་པའི་མུན་པ་ཆོས་དབྱིངས་སུ་ཐིམ་ནས། །འཕོ་ཆེན་འཇའ་ལུས་རྡོ་རྗེའི་གོ་འཕང་ལ་རོལ་པའི། །ངོ་མཚར་ཚེ་འདིར་འགྲུབ་པའི་སྨོན་ལམ་ཞིག་ཞུའོ། །ཞེས་གྲུབ་པའི་དབང་ཕྱུག་བྱེ་བའི་གཙུག་རྒྱན་མེ་ལོང་རྡོ་རྗེའི་རིགས་ལས་སོན་པའི་དགེ་ཚུལ་བསྟན་འཛིན་དཔལ་འབར་ཐུགས་དགྱེས་པའི་སླད་དུ་མཁྱེན་བརྩེའི་དབང་པོས་སོ། ། ༈

[edit]

dpal ldan bla ma rdo rje gsum dang dbyer med pa la gsol 'debs kyi glu ye shes byin 'bebs/__ dpal ldan bla ma rdo rje gsum dang dbyer med pa la gsol ba 'debs pa rdo rje'i glu ye shes byin 'bebs zhes bya ba/__a ho spyi bo bde chen 'khor lo'i gzhal yas kyi dbus na/__/dpal ldan bla ma sku yi rdo rje de bzhugs yod/__/snang stong dbyer med ngang nas gsol ba rang 'debs so/__/lus snang sprul skur dag par byin gyis rang rlobs shig__/mgrin pa longs spyod 'khor lo'i pad+mo yi dbus na/__/dpal ldan bla ma gsung gi rdo rje de bzhugs yod/__/grags stong dbyer med ngang nas gsol ba rang 'debs so/__/rlung sngags longs skur rdzogs par byin gyis rang rlobs shig__/snying ga chos kyi 'khor lo'i chu skyes kyi dbus na/__/dpal ldan bla ma thugs kyi rdo rje de bzhugs yod/__/rig stong dbyer med ngang nas gsol ba rang 'debs so/__/rtogs tshogs chos skur smin par byin gyis rang rlobs shig__/rang snang rnam par dag pa'i ye shes kyi klong na/__/skyabs kun 'dus zhal drin chen bla ma de bzhugs yod/_/rtse gcig gus pa'i yid kyis gsol ba rang 'debs so/__/dus gsum 'du 'bral med par byin gyis rang rlobs shig__/tshul khrims rnam par dag pa yon tan gyi zhing sa/__/nges 'byung byang chub sems gnyis dam chos kyi snying po/__/thos bsam pha mthar son pa nyams len gyi 'jug sgo/__/rtse gcig zab don bsgom pa don ldan gyi bgyi ba/__/snang srid lha skur shar ba ye shes kyi rol mo/__/rtsa rlung dbu mar thim pa gsang chen gyi myur lam/__/ka dag bsam brjod bral ba gnas lugs kyi mthar thug__/lhun grub snang bzhi'i nyams len khyad par gyi gseng lam/__/rtse gcig rgyud la bstar ba'i skal bzang gi snang bas/__/gzung 'dzin 'khrul pa'i mun pa chos dbyings su thim nas/__/'pho chen 'ja' lus rdo rje'i go 'phang la rol pa'i/__/ngo mtshar tshe 'dir 'grub pa'i smon lam zhig zhu'o/__/zhes grub pa'i dbang phyug bye ba'i gtsug rgyan me long rdo rje'i rigs las son pa'i dge tshul bstan 'dzin dpal 'bar thugs dgyes pa'i slad du mkhyen brtse'i dbang pos so/___/__!_