JKW-KABUM-11-DA-005-002

🚧 This website is under continued development. We appreciate your patience!

Previous Text Back to Volume PageNext Text

Wylie title
Location	mkhyen brtse'i bka' 'bum Volume 11, sde tshan 5, Text 2, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 11: 127-. Khams sde dge rdzong sar dgon: Rdzong sar blo gros phun tshogs, 2020.
Genre
Cycle	བོ་དོང་ལུགས་ཕྱག་ཆེན་ལྷན་སྐྱེས་ (bo dong lugs phyag chen lhan skyes)

1 Texts in this Section (sde tshan or chos tshan)

2 178-181	བོ་དོང་ལུགས་ཀྱི་ཕྱག་རྒྱ་ཆེན་པོ་ཟབ་གསལ་གྱི་རིང་བརྒྱུད་གསོལ་འདེབས་ཡེ་ཤེས་མཆོག་སྩོལ། bo dong lugs kyi phyag rgya chen po zab gsal gyi ring brgyud gsol 'debs ye shes mchog stsol Lineage Supplications - brgyud 'debs	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

བོ་དོང་ལུགས་ཀྱི་ཕྱག་རྒྱ་ཆེན་པོ་ཟབ་གསལ་གྱི་རིང་བརྒྱུད་གསོལ་འདེབས་ཡེ་ཤེས་མཆོག་སྩོལ། ༄༅། །བོ་དོང་ལུགས་ཀྱི་ཕྱག་རྒྱ་ཆེན་པོ་ཟབ་གསལ་གྱི་རིང་བརྒྱུད་གསོལ་འདེབས་ཡེ་ཤེས་མཆོག་སྩོལ་ཅེས་བྱ་བ་བཞུགས་སོ།། ན་མོ་གུ་རུ་བྷྱཿ དཔལ་ལྡན་མཆོག་ཏུ་མི་འགྱུར་བདེ་བ་ཆེ། །རྣམ་པ་ཀུན་གྱི་མཆོག་ལྡན་ཤེས་རབ་ཡུམ། །ཟུང་འཇུག་འཇམ་པའི་རྡོ་རྗེ་ཨེ་ཝཾ་སྦྱོར། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །རེ་ས་གཞན་ན་མེད་དོ་འགྲོ་བའི་མགོན། །ཚད་མེད་ཐུགས་རྗེའི་སྤྱན་གྱིས་ལེགས་གཟིགས་ནས། །ལོག་པའི་ལམ་དུ་ནམ་ཡང་མི་ལྟུང་ཞིང་། །ཡང་དག་ལམ་གྱི་དེད་དཔོན་མཛད་དུ་གསོལ། །རྒྱལ་བ་མཆོག་གིས་དངོས་སུ་རྗེས་བཟུང་སྟེ། །དབང་བསྐུར་ལུང་སྦྱིན་ལུང་བསྟན་ཐོབ་པ་ལས། །དངོས་གྲུབ་མཆོག་བརྙེས་སངས་རྒྱས་ཡེ་ཤེས་ཞབས། །གསོལ་བ་འདེབས་སོ་བདག་རྒྱུད་སོགས་ཚིག་རྐང་པ་ལྔ་པོ་རྒྱས་པར་ཐམས་ཅད་ཀྱི་མཇུག་ཏུ་སྦྱར། བསྡུ་ན་སྔ་མ་རྣམས་ལ། གསོལ་བ་འདེབས་སོ་སོགས་ཚིག་རྐང་གཅིག་ཁོ་ན་དང་། རྫོགས་མཚམས་སུ་ལྔ་ཀ་སྦྱར་རོ། །མི་ཤེས་མུན་པའི་ཚོགས་འཇོམས་མར་མེ་མཛད། །ཉམས་དང་རྟོགས་པའི་དཔལ་མངའ་བདེ་བ་ཆེ། །མཆོག་གི་ལམ་སྟོན་དྲི་མེད་སྦས་པའི་ཞབས། །གསོལ་བ༴ མཁའ་འགྲོའི་གསང་བ་ཀུན་སྟོན་བ་ལིཾ་པ། །སྐད་གཉིས་དབང་ཕྱུག་གཉོས༷་སྟོན་ལོ༷་ཙཱ༷་བ༷། །བྱང༷་ཆུབ༷་ཐུགས་གཉིས་ལེགས་པར་འབྱོངས་པའི་དཔ༷ལ། །གསོལ་བ༴ རྩ་རླུང་སེམས་ལ་དབང་ཐོབ་གྲག༷ས་པ༷་དཔ༷ལ། །མཐའ་བྲལ་དོན་གཟིགས་གཉོས༷་སྟོན་གཟི༷་བརྗིད༷་དཔ༷ལ། །རྒྱལ་བའི་སྲས་པོ་སྐྱེས་མཆོག་ཡེ་ཤེས་མཁར། །གསོལ་བ༴ རྣམ་པ་ཀུན་གྱི་མཆོག་ལྡན་ཀུན་ཆོས་སྐུ་འོད་ཟེར་མཁྱེན་པ། །མཁྱེན་དང་བརྩེ་བའི་མངའ་བདག་ཀུན་མཁྱེན་འཕགས་པ་འོད། །མདོ་སྔགས་བསྟན་པའི་མངའ་བདག་རིན་ཆེན་འཇའ་ལུས་བུ་སྟོན་གྲུབ། །གསོལ་བ༴ བྱང་ཆུབ་རྩེ་མོར་སོན་པའི་ལོ་བྱང་ཆུབ་རྩེ་མོ་ཆེན་པ། །ལུང་རིག་སྨྲ་བའི་དབང་ཕྱུག་གྲགས་ལོ་ཆེན་པའི་ཞབས། །ཁམས་གསུམ་འགྲན་ཟླ་བྲལ་བ་འཆི་མེད་བོ་དོང་པཎ་ཆེན་སྡེ། །གསོལ་བ༴ དྭངས་མའི་སྐུ་བརྙེས་བསོ༷ད་ཤངས་པ་རས་ཆེན། ནམས་མཆོག །དུས་གསུམ་རྣམ་མཁྱེན་བྱམས་པ་ཆོས་ཀྱི་ཉི། །ཟུང་འཇུག་གྲུབ་པ་པདྨ་གར་དབང་ལ། །གསོལ་བ༴ མཁའ་འགྲོའི་དབང་ཕྱུག་གྲགས་པ་འོད་ཟེར་དང་། །སྣང་སེམས་དབྱེར་མེད་གར་དབང་བསྟན་འཛིན་དཔལ། །མོས་གུས་ཕྱག་ཆེན་མཐར་ཕྱིན་རཏྣའི་མཚན། །གསོལ་བ༴ ཟབ་གསལ་ཆོས་ཀྱི་རྒྱ་མཚོ་འདུས་ཆེན་པ། །བསམ་བཞིན་སྤྲུལ་པའི་སྐུར་སྣང་རྣམ་པ་གཉིས། བརྟུལ་ཞུགས་གྲུབ་པ་ནམ་མཁའི་རྣལ་འབྱོར་ལ༴ གསོལ་བ༴ མཁས་ཤིང་གྲུབ་བརྙེས་འཇམ་དབྱངས་རྣམ་པར་རྒྱལ། །རི༷ག་འཛི༷ན་གྲུབ་པའི་གཙུག་རྒྱན་རྣམ༷་རྒྱལ༷་སྡེ། །ཆོས༷་དབྱིང༷ས་མངོན་གྱུར་བདེ༷་ཆེན༷་མཚོ༷་མོ༷་ལ། །གསོལ་བ༴ ཟབ་མོ་སྟོང་པ་ཉིད་ཀྱི་ཡེ་ཤེས་དང་། །འོད་གསལ་ཕྱག་རྒྱ་ཆེན་པོ་ཟུང་འཇུག་པའི། །ངེས་དོན་ལམ་སྟོན་རྩ་བའི་བླ་མ་ལ། །གསོལ་བ༴ ཡང་ན་འཆི་མེད་སྡེའི་རྗེས་སུ། ཀུན་མཁྱེན་ངག་གི་དབང་ཕྱུག་གྲགས་པའི་དཔལ། །འཇམ་པའི་དབྱངས་དངོས་འཆི་མེད་དཔལ་བཟང་པོ། །ཟུང་འཇུག་གྲུབ་པ་པདྨ་གར་དབང་ལ། །གསོལ་བ༴ མཁའ་འགྲོའི་དབང་ཕྱུག་སོགས་མན་འདྲའོ། །བདག་སོགས་དེང་ནས་ཚེ་རབས་ཐམས་ཅད་དུ། །དལ་འབྱོར་ལུས་ཐོབ་བསྟན་ལ་རབ་བྱུང་ནས། །ཡང་དག་བཤེས་གཉེན་དམ་པས་རྗེས་བཟུང་སྟེ། །ཟབ་གསལ་གསུང་གི་བདུད་རྩི་འཐུང་བར་ཤོག །འཁྲུལ་སྣང་སྒྱུ་མའི་མཛེས་མས་མི་བསླུ་ཞིང་། །སྟོབས་ལྡན་གདོད་མའི་རྡོ་རྗེས་མི་སྐྲག་པར། །སྦྱང་བྱ་སྦྱོང་བྱེད་རྣལ་འབྱོར་ཟབ་མོ་ཡིས། །སྦྱང་གཞི་དྲི་མེད་སྦྱངས་འབྲས་མངོན་གྱུར་ཤོག །དམ་པའི་དོན་དུ་ཡོད་དང་མེད་པ་དང་། །ཡིན་དང་མ་ཡིན་གཉིས་ཀ་གཉིས་མིན་སོགས། །མཐར་འཛིན་ལྟ་བ་མཐའ་དག་དྲུང་ཕྱུང་སྟེ། །མི་རྟོག་ཡེ་ཤེས་རང་ཞལ་མཐོང་བར་ཤོག །ཆོས་ཀུན་ངོ་བོ་ངོས་བཟུང་ཀུན་བྲལ་ཡང་། །རྣམ་འགྱུར་སྣ་ཚོགས་གསལ་བར་སྣང་བའི་གནད། །ལེགས་པར་རྟོགས་ནས་སྒྲོ་སྐུར་ཀུན་སྤངས་ཏེ། །ཟུང་འཇུག་རྡོ་རྗེ་འཛིན་པ་མཆོག་ཐོབ་ཤོག །གནས་སྐབས་སུ་ཡང་དམ་པའི་ཆོས་སྒྲུབ་པའི། །འགལ་རྐྱེན་མི་མཐུན་ཕྱོགས་ཀུན་ཐག་བསྲིངས་ཏེ། །མཐུན་པའི་རྐྱེན་རྣམས་མཐའ་དག་ལྷུན་གྲུབ་ནས། །དགེ་ལེགས་ཡར་ངོའི་ཟླ་ལྟར་འཕེལ་བར་ཤོག །ཅེས་གྲུབ་ཆེན་སངས་རྒྱས་ཡེ་ཤེས་ཞབས་ནས་བརྒྱུད་པའི་ཕྱག་རྒྱ་ཆེན་པོ་ཟབ་གསལ་གྱི་བླ་མ་བརྒྱུད་པའི་གསོལ་འདེབས་ཞལ་སྐོང་དང་བཅས་པ་དགེ། །། ༈

[edit]

bo dong lugs kyi phyag rgya chen po zab gsal gyi ring brgyud gsol 'debs ye shes mchog stsol/ @#/_/bo dong lugs kyi phyag rgya chen po zab gsal gyi ring brgyud gsol 'debs ye shes mchog stsol ces bya ba bzhugs so//__na mo gu ru b+h+yaH__dpal ldan mchog tu mi 'gyur bde ba che/__/rnam pa kun gyi mchog ldan shes rab yum/__/zung 'jug 'jam pa'i rdo rje e waM sbyor/__/gsol ba 'debs so bdag rgyud byin gyis rlobs/__/re sa gzhan na med do 'gro ba'i mgon/__/tshad med thugs rje'i spyan gyis legs gzigs nas/__/log pa'i lam du nam yang mi ltung zhing /__/yang dag lam gyi ded dpon mdzad du gsol/__/rgyal ba mchog gis dngos su rjes bzung ste/__/dbang bskur lung sbyin lung bstan thob pa las/__/dngos grub mchog brnyes sangs rgyas ye shes zhabs/__/gsol ba 'debs so bdag rgyud sogs tshig rkang pa lnga po rgyas par thams cad kyi mjug tu sbyar/__bsdu na snga ma rnams la/__gsol ba 'debs so sogs tshig rkang gcig kho na dang /__rdzogs mtshams su lnga ka sbyar ro/__/mi shes mun pa'i tshogs 'joms mar me mdzad/__/nyams dang rtogs pa'i dpal mnga' bde ba che/__/mchog gi lam ston dri med sbas pa'i zhabs/__/gsol ba=__mkha' 'gro'i gsang ba kun ston ba liM pa/__/skad gnyis dbang phyug gnyosaX ston loX tsAX baX/__/byangaX chubaX thugs gnyis legs par 'byongs pa'i dpaXl/__/gsol ba=__rtsa rlung sems la dbang thob gragaXs paX dpaXl/__/mtha' bral don gzigs gnyosaX ston gziX brjidaX dpaXl/__/rgyal ba'i sras po skyes mchog ye shes mkhar/__/gsol ba=__rnam pa kun gyi mchog ldan kun chos sku 'od zer mkhyen pa/__/mkhyen dang brtse ba'i mnga' bdag kun mkhyen 'phags pa 'od/__/mdo sngags bstan pa'i mnga' bdag rin chen 'ja' lus bu ston grub/__/gsol ba=__byang chub rtse mor son pa'i lo byang chub rtse mo chen pa/__/lung rig smra ba'i dbang phyug grags lo chen pa'i zhabs/__/khams gsum 'gran zla bral ba 'chi med bo dong paN chen sde/__/gsol ba=__dwangs ma'i sku brnyes bsoXd shangs pa ras chen/__nams mchog__/dus gsum rnam mkhyen byams pa chos kyi nyi/__/zung 'jug grub pa pad+ma gar dbang la/__/gsol ba=__mkha' 'gro'i dbang phyug grags pa 'od zer dang /__/snang sems dbyer med gar dbang bstan 'dzin dpal/__/mos gus phyag chen mthar phyin rat+na'i mtshan/__/gsol ba=__zab gsal chos kyi rgya mtsho 'dus chen pa/__/bsam bzhin sprul pa'i skur snang rnam pa gnyis/__brtul zhugs grub pa nam mkha'i rnal 'byor la=__gsol ba=__mkhas shing grub brnyes 'jam dbyangs rnam par rgyal/__/riXg 'dziXn grub pa'i gtsug rgyan rnamaX rgyalaX sde/__/chosaX dbyingaXs mngon gyur bdeX chenaX mtshoX moX la/__/gsol ba=__zab mo stong pa nyid kyi ye shes dang /__/'od gsal phyag rgya chen po zung 'jug pa'i/__/nges don lam ston rtsa ba'i bla ma la/__/gsol ba=__yang na 'chi med sde'i rjes su/__kun mkhyen ngag gi dbang phyug grags pa'i dpal/__/'jam pa'i dbyangs dngos 'chi med dpal bzang po/__/zung 'jug grub pa pad+ma gar dbang la/__/gsol ba=__mkha' 'gro'i dbang phyug sogs man 'dra'o/__/bdag sogs deng nas tshe rabs thams cad du/__/dal 'byor lus thob bstan la rab byung nas/__/yang dag bshes gnyen dam pas rjes bzung ste/__/zab gsal gsung gi bdud rtsi 'thung bar shog__/'khrul snang sgyu ma'i mdzes mas mi bslu zhing /__/stobs ldan gdod ma'i rdo rjes mi skrag par/__/sbyang bya sbyong byed rnal 'byor zab mo yis/__/sbyang gzhi dri med sbyangs 'bras mngon gyur shog__/dam pa'i don du yod dang med pa dang /__/yin dang ma yin gnyis ka gnyis min sogs/__/mthar 'dzin lta ba mtha' dag drung phyung ste/__/mi rtog ye shes rang zhal mthong bar shog__/chos kun ngo bo ngos bzung kun bral yang /__/rnam 'gyur sna tshogs gsal bar snang ba'i gnad/__/legs par rtogs nas sgro skur kun spangs te/__/zung 'jug rdo rje 'dzin pa mchog thob shog__/gnas skabs su yang dam pa'i chos sgrub pa'i/__/'gal rkyen mi mthun phyogs kun thag bsrings te/__/mthun pa'i rkyen rnams mtha' dag lhun grub nas/__/dge legs yar ngo'i zla ltar 'phel bar shog__/ces grub chen sangs rgyas ye shes zhabs nas brgyud pa'i phyag rgya chen po zab gsal gyi bla ma brgyud pa'i gsol 'debs zhal skong dang bcas pa dge/____//__!_