JKW-KABAB-18-TSHA-008

🚧 This website is under continued development. We appreciate your patience!

Previous Text Back to Volume PageNext Text

Wylie title
Location	mkhyen brtse'i bka' babs Volume 18, Text 8, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)
Citation	'jam dbyangs mkhyen brtse'i dbang po. . In Rdzong sar 'jam dbyangs mkhyen brtse'i dbang po'i bka' babs, Vol. 18: 1-. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre
Cycle	པདྨ་ཚེ་ཡི་སྙིང་ཏིག་ (pad+ma tshe yi snying tig)
Deity	tsaN+Da lI
Karchag page	JKW-KABAB-Volume-18-TSHA-Karchag
RTZ	In the Rinchen Terdzö: https://rtz.tsadra.org/index.php/Terdzo-DZI-017

Tibetan Text

Wylie

[edit]

པདྨ་ཚེ་ཡི་སྙིང་ཐིག་ལས༔ འཆི་མེད་གྲུབ་པའི་བརྒྱུད་བསྐུལ་བཞུགས༔ འཆི་མེད་ཚེ་ཡི་ལྷ་ལ་འདུད༔ བརྒྱུད་གསུམ་ཐུགས་དམ་གནད་བསྐུལ་བས༔ རྡོ་རྗེའི་ཡེ་ཤེས་བྱིན་འབེབས་ཕྱིར༔ མདའ་དར་གཡབ་ཅིང་བདུག་སྤོས་འཐུལ༔ མོས་གུས་གདུང་ཤུགས་དྲག་པོ་བསྐྱེད༔ ཧྲཱི༔ འོག་མིན་བདེ་ཆེན་དབང་གི་ཕོ་བྲང་ནས༔ བཅོམ་ལྡན་མགོན་པོ་ཡེ་ཤེས་ཚེ་དཔག་མེད༔ ཡུམ་མཆོག་གསང་བའི་ལྷ་མོ་ཙཎྜ་ལཱི༔ ཡབ་ཡུམ་གཉིས་མེད་རྡོ་རྗེའི་ཚེ་མཆོག་གྲུབ༔ དམ་པ་ཁྱེད་ཀྱི་རྗེས་སུ་བདག་སྒྲུབ་ཀྱི༔ དབྱིངས་ནས་བརྩེར་དགོངས་རིག་པའི་ཐུགས་རྗེ་བསྐྱེད༔ འཁོར་འདས་དྭངས་བཅུད་མི་ཤིག་ཐིག་ལེར་ཐིམ༔ ཚེ་དང་ཡེ་ཤེས་བྱིན་ཕོབ་དབང་མཆོག་བསྐུར༔ ཨོཾ་གུ་རུ་ཨ་མཱ་ར་ཎི་ཛི་བནྟི་ཡེ་བཛྲ་ཨཱ་ཡུ་ཥེ་སྭཱ་ཧཱ༔ ཧྲཱི༔ དག་པའི་ཞིང་མཆོག་རི་བོ་ཏ་ལ་རུ༔ འཇིག་རྟེན་དབང་ཕྱུག་པདྨ་གར་དབང་དང་༔ ཡུམ་མཆོག་སྒྲོལ་མ་གསང་བ་ཡེ་ཤེས་ཆེ༔ ཡབ་ཡུམ༴ དབྱིངས་ནས༴ འཁོར་འདས༴ ཚེ་དང་༴ ཨོཾ་གུ་རུ༴ ཧྲཱི༔ འཆི་མེད་གནས་མཆོག་བདུད་རྩིའི་ཆུ་རླུང་དུ༔ རྡོར་སེམས་དངོས་སྣང་པྲ་ཧེ་བཛྲ་དང་༔ ཡེ་ཤེས་མཁའ་འགྲོ་བདེ་ཆེན་རྒྱ་མཚོ་མ༔ ཡབ་ཡུམ༴ དམ་པ༴ དབྱིངས་ནས༴ འཁོར་འདས༴ ཚེ་དང་༴ ཨོཾ་གུ་རུ༴ ཧྲཱི༔ རང་བྱུང་དུར་ཁྲོད་སོ་ས་གླིང་ཆེན་པོར༔ རིག་རྩལ་དབང་ཐོབ་ཤྲཱི་སིང་ཧ་དང་༔ ཡེ་ཤེས་མཁའ་འགྲོ་བདེ་ཆེན་ཞི་བ་མཚོ༔ ཡབ་ཡུམ༴ དམ་པ༴ དབྱིངས་ནས༴ འཁོར་འདས༴ ཚེ་དང་༴ ཨོཾ་གུ་རུ༴ བཀྲ་ཤིས་བྲག་ཕུག་མ་ར་ཏི་ཀ་རུ༔ བདེ་བ་ཆེན་པོ་པདྨ་བཛྲ་དང་༔ ཚེ་ལམ་གསང་བའི་གྲོགས་མཆོག་མནྡ་ར༔ ཡབ་ཡུམ༴ དམ་པ༴ དབྱིངས་ནས༴ འཁོར་འདས༴ ཚེ་དང་༴ ཨོཾ་གུ་རུ༴ ཧྲཱི༔ ངོ་མཚར་ལྷུན་གྲུབ་གཏེར་གྱི་དུར་ཁྲོད་དུ༔ པན་གྲུབ་དབང་པོ་བི་མ་མི་ཏྲ་དང་༔ འཆི་མེད་འཕགས་མ་དབང་ཕྱུག་རྒྱལ་མོ་རྩལ༔ ཡབ་ཡུམ༴ དམ་པ༴ དབྱིངས་ནས༴ འཁོར་འདས༴ ཚེ་དང་༴ ཨོཾ་གུ་རུ༴ ཧྲཱི༔ གཞན་ཡང་རང་བྱུང་གྲུབ་པའི་དུར་ཁྲོད་དུ༔ ལྷ་དང་དབྱེར་མེད་རིག་འཛིན་སློབ་དཔོན་བརྒྱད༔ རང་རང་རིག་པའི་ཕོ་ཉ་མཁའ་འགྲོའི་ཚོགས༔ ཡབ་ཡུམ༴ དམ་པ༴ དབྱིངས་ནས༴ འཁོར་འདས༴ ཚེ་དང་༴ ཨོཾ་གུ་རུ༴ ཧྲཱི༔ བྲག་དམར་གཡའ་མ་ལུང་གི་དབེན་གནས་སུ༔ ཚེ་དཔག་མེད་མགོན་ཨོ་རྒྱན་ཆེན་པོ་དང་༔ མཁའ་འགྲོའི་གཙོ་མོ་བདེ་ཆེན་མཚོ་རྒྱལ་ལྕམ༔ ཡབ་ཡུམ༴ དམ་པ༴ དབྱིངས་ནས༴ འཁོར་འདས༴ ཚེ་དང་༴ ཨོཾ་གུ་རུ༴ ཧྲཱི༔ ལི་ཡུལ་གནས་མཆོག་གྲུབ་པའི་དགའ་ཚལ་དུ༔ ལོ་ཙཱ་ཆེན་པོ་བཻ་རོ་ཙ་ན་དང་༔ གསང་བའི་ཡུམ་མཆོག་བདེ་ཆེན་ཚུལ་ཁྲིམ་སྒྲོན༔ ཡབ་ཡུམ༴ དམ་པ༴ དབྱིངས་ནས༴ འཁོར་འདས༴ ཚེ་དང་༴ ཨོཾ་གུ་རུ༴ ཧྲཱི༔ ལྷོ་བྲག་མཁར་ཆུ་གཉེན་གྱི་དབེན་གནས་སུ༔ གནུབ་གྱི་སློབ་དཔོན་ནམ་མཁའི་སྙིང་པོ་དང་༔ སྤྲུལ་པའི་ཌ་ཀི་ཤེ་དཀར་རྡོ་རྗེ་མཚོ༔ ཡབ་ཡུམ༴ དམ་པ༴ དབྱིངས་ནས༴ འཁོར་འདས༴ ཚེ་དང་༴ ཨོཾ་གུ་རུ༴ ཨོཾ་གུ་རུ་ཨ་མཱ་ར་ཎི་སརྦ་བིདྱ་དྷ་ར་ཨཱ་ཡུརྫྙ་ན་ཨ་བེ་ཤ་ཡ་ཨ་ཨཱ༔ ཧཱུྃ་ཧཱུྃ་ཧཱུྃ༔ ཛཿཧཱུྃ་བཾ་ཧོ༔ དེ་ལྟར་འཆི་མེད་རིག་འཛིན་བླ་མའི་ཐུགས་དམ་བསྐུལ་བ་སྔོན་དུ་འགྲོ་བས༔ དཀྱིལ་འཁོར་སོ་སོའི་ཚེ་འགུགས་བསྐུལ་བ་གཞུང་ལྟར་དུས་དྲུག་ཏུ་བྱའོ། །དད་དང་གདུང་ཤུག་རྩེ་གཅིག་པས༔ གསོལ་བཏབ་ཐུག་དམ་རྒྱུད་བསྐུལ་བ༔ ཚེ་དང་ཡེ་ཤེས་བྱིན་འབེབས་ཤིང་༔ འཆི་མེད་དངོས་གྲུབ་ཐོབ་པར་ངེས༔ ས་མ་ཡ༔ གུ་ཧྱ༔ བརྡ་ཐམ༔ དུས་གསུམ་མཁྱེན་པ་ཨོ་རྒྱན་ཆེན་པོའི་བྱིན་རླབས་ལས༔ པདྨ་མདོ་སྔགས་གླིང་པ་འོད་གསལ་སྤྲུལ་པའི་རྡོ་རྗེས་གཏན་ལ་ཕབ་པའོ། ཧྲཱི༔ གཞོམ་བྲལ་བཀྲ་ཤིས་ལྷ་རྩེའི་ཕོ་བྲང་དུ༔ གཏེར་ཆེན་འོད་གསལ་སྤྲུལ་པའི་རྡོ་རྗེ་དང་༔ ཉམས་སྣང་བདེ་བའི་གར་མཁན་གཡུ་སྒྲོན་མ༔ ཡབ་ཡུམ༴ དམ་པ༴ དབྱིངས་ནས༴ འཁོར་འདས༴ ཚེ་དང་༴ ཨོཾ་གུ་རུ༴ ཧྲཱི༔ འཆི་མེད་གྲུ་རི་ངོ་མཚར་སྨན་ལྗོངས་སུ༔ བདེ་ཆེན་རྒྱལ་པོ་འཇའ་ལུས་རྡོ་རྗེ་རྩལ༔ དགྱེས་མཛད་དངོས་སྣང་ཡེ་ཤེས་ཌཱཀྐི་མ༔ ཡབ་ཡུམ༴ དམ་པ༴ དབྱིངས་ནས༴ འཁོར་འདས༴ ཚེ་དང་༴ ཨོཾ་གུ་རུ་ཨ་མཱ་ར་ཎི་ཛི་ཝནྟི་ཡེ་བཛྲ་ཨ་ཡུ་ཥེ་སྭཱ་ཧཱ།

[edit]

pad+ma tshe yi snying thig las:__'chi med grub pa'i brgyud bskul bzhugs:__'chi med tshe yi lha la 'dud:__brgyud gsum thugs dam gnad bskul bas:__rdo rje'i ye shes byin 'bebs phyir:__mda' dar g.yab cing bdug spos 'thul:__mos gus gdung shugs drag po bskyed:__hrI:__'og min bde chen dbang gi pho brang nas:__bcom ldan mgon po ye shes tshe dpag med:__yum mchog gsang ba'i lha mo tsaN+Da lI:__yab yum gnyis med rdo rje'i tshe mchog grub:__dam pa khyed kyi rjes su bdag sgrub kyi:__dbyings nas brtser dgongs rig pa'i thugs rje bskyed:__'khor 'das dwangs bcud mi shig thig ler thim:__tshe dang ye shes byin phob dbang mchog bskur:__oM gu ru a mA ra Ni dzi ban+ti ye badz+ra A yu She swA hA:__hrI:__dag pa'i zhing mchog ri bo ta la ru:__'jig rten dbang phyug pad+ma gar dbang dang :__yum mchog sgrol ma gsang ba ye shes che:__yab yum=__dbyings nas=__'khor 'das=__tshe dang =__oM gu ru=__hrI:__'chi med gnas mchog bdud rtsi'i chu rlung du:__rdor sems dngos snang pra he badz+ra dang :__ye shes mkha' 'gro bde chen rgya mtsho ma:__yab yum=__dam pa=__dbyings nas=__'khor 'das=__tshe dang =__oM gu ru=__hrI:__rang byung dur khrod so sa gling chen por:__rig rtsal dbang thob shrI sing ha dang :__ye shes mkha' 'gro bde chen zhi ba mtsho:__yab yum=__dam pa=__dbyings nas=__'khor 'das=__tshe dang =__oM gu ru=__bkra shis brag phug ma ra ti ka ru:__bde ba chen po pad+ma badz+ra dang :__tshe lam gsang ba'i grogs mchog man+da ra:__yab yum=__dam pa=__dbyings nas=__'khor 'das=__tshe dang =__oM gu ru=__hrI:__ngo mtshar lhun grub gter gyi dur khrod du:__pan grub dbang po bi ma mi tra dang :__'chi med 'phags ma dbang phyug rgyal mo rtsal:__yab yum=__dam pa=__dbyings nas=__'khor 'das=__tshe dang =__oM gu ru=__hrI:__gzhan yang rang byung grub pa'i dur khrod du:__lha dang dbyer med rig 'dzin slob dpon brgyad:__rang rang rig pa'i pho nya mkha' 'gro'i tshogs:__yab yum=__dam pa=__dbyings nas=__'khor 'das=__tshe dang =__oM gu ru=__hrI:__brag dmar g.ya' ma lung gi dben gnas su:__tshe dpag med mgon o rgyan chen po dang :__mkha' 'gro'i gtso mo bde chen mtsho rgyal lcam:__yab yum=__dam pa=__dbyings nas=__'khor 'das=__tshe dang =__oM gu ru=__hrI:__li yul gnas mchog grub pa'i dga' tshal du:__lo tsA chen po bai ro tsa na dang :__gsang ba'i yum mchog bde chen tshul khrim sgron:__yab yum=__dam pa=__dbyings nas=__'khor 'das=__tshe dang =__oM gu ru=__hrI:__lho brag mkhar chu gnyen gyi dben gnas su:__gnub gyi slob dpon nam mkha'i snying po dang :__sprul pa'i Da ki she dkar rdo rje mtsho:__yab yum=__dam pa=__dbyings nas=__'khor 'das=__tshe dang =__oM gu ru=__oM gu ru a mA ra Ni sarba bid+ya d+ha ra A yur+dz+nya na a be sha ya a A:__hU~M hU~M hU~M:__dzaHhU~M baM ho:__de ltar 'chi med rig 'dzin bla ma'i thugs dam bskul ba sngon du 'gro bas:__dkyil 'khor so so'i tshe 'gugs bskul ba gzhung ltar dus drug tu bya'o/__/dad dang gdung shug rtse gcig pas:__gsol btab thug dam rgyud bskul ba:__tshe dang ye shes byin 'bebs shing :__'chi med dngos grub thob par nges:__sa ma ya:__gu h+ya:__brda tham:__dus gsum mkhyen pa o rgyan chen po'i byin rlabs las:__pad+ma mdo sngags gling pa 'od gsal sprul pa'i rdo rjes gtan la phab pa'o/__hrI:__gzhom bral bkra shis lha rtse'i pho brang du:__gter chen 'od gsal sprul pa'i rdo rje dang :__nyams snang bde ba'i gar mkhan g.yu sgron ma:__yab yum=__dam pa=__dbyings nas=__'khor 'das=__tshe dang =__oM gu ru=__hrI:__'chi med gru ri ngo mtshar sman ljongs su:__bde chen rgyal po 'ja' lus rdo rje rtsal:__dgyes mdzad dngos snang ye shes DAk+ki ma:__yab yum=__dam pa=__dbyings nas=__'khor 'das=__tshe dang =__oM gu ru a mA ra Ni dzi wan+ti ye badz+ra a yu She swA hA/