JKW-KABUM-21-ZHA-002-059

🚧 This website is under continued development. We appreciate your patience!

Previous Text Back to Volume PageNext Text

Wylie title	yang bum rdzas nyer lnga sbyar ba'i tho yig
Location	mkhyen brtse'i bka' 'bum Volume 21, sde tshan 2, Text 59, Pages 290-294 (Folios 86b6 to 88b3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. yang bum rdzas nyer lnga sbyar ba'i tho yig. In 'jam dbyangs mkhyen brtse'i dbang po'i bka' 'bum, Vol. 21: 290-294. Khams sde dge rdzong sar dgon: Rdzong sar blo gros phun tshogs, 2020.
Genre	Ritual Substances - rdzas

1 Texts in this Section (sde tshan or chos tshan)

59 290-294	ཡང་བུམ་རྫས་ཉེར་ལྔ་སྦྱར་བའི་ཐོ་ཡིག yang bum rdzas nyer lnga sbyar ba'i tho yig Ritual Substances - rdzas	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

བུམ་རྫས་ཉེར་ལྔ་སྦྱར་བའི་ཐོ་ཡིག་དགེ །ཨོཾ་སྭསྟི་སིདྡྷི། བུམ་རྫས་ཉེར་ལྔ་བསྡུ་དཔྱད་ལ། ༼དཀར༽ ཐོག་མར་འབྲུ་ལྔ་ལས་ནས་དཀར། ༥་༠༠ གྲོ ༥་༠༠ སྲན་དཀར། ༥་༠༠ འབྲས། ༥་༠༠ ཕལ་ཆེར་དུ་ཏིལ་དཀར་པོ་དང་འགའ་ཞིག་ཏུ་སོ་བའང་བཤད་པས་གཉིས་འཐུས་ཀྱིས། ༥་༠༠ ཁྱོན་སྲང་ཉེར་ལྔ། ༼སེར༽ རིན་ཆེན་ལྔ་ལས། གསེར། ༡་༠༠ དངུལ། ༢་༠༠ བྱེ་རུ། ༢་༠༠ རིན་ཆེན་འབར་བ་དང་དབང་ཆུ་མཛེས་རྒྱན་ལས་མུ་མེན་ཅེས་འབྱུང་བས། ༈ ཨ་བྷ་ཡས་པདྨ་རཱ་གའི་ཚབ་ཏུ་དུང་དང་རྩེ་མོའི་དབང་ཆུར་མུ་མན་གྱི་མལ་དུ་དུང་ཞེས་གསུངས་པས་གཞི་བྱ་བའི་ཕྱིར། ༡༥་༠༠ རྡོ་པདྨ་རཱ་ག ༣་༠༠ མུ་ཏིག་ཕྲན་བུ་དང་བཅས་པའི་ཉ་ཕྱིས། ༢་༠༠ ཁྱོན་སྲང་ཉེར་ལྔ། དུག་འདོན་མཚོན་ཙམ་སྦྱར་གྲུབ་ན་ལེགས་པས། ཚྭ་ལ། ཟེ་ཚྭ། བེ་ལྗང་རེ་རལ། སྡུམ་བུ་རེ་རལ། གངྒ་ཆུང་། སྟར་བུའི་ཁཎྜ། ཨ་རུ་ར། མགྲོན་བུ་བུ་ཅན་གྱི་ཐལ་བ་བཅས་ལོ་བརྒྱད་དྲི་ཆུར་བཏབ་ལ་བྱེ་རུའི་མདོག་འགྱུར་བའི་བར་བཙོ། དེ་རྗེས་གར་ཆང་བསྣན་ལ་བཙོ། དེ་རྗེས་ཆུ་གྲང་གིས་དག་པར་བཀྲུ། སླར་ཡང་ཆུ་གཙང་ནང་དུ་ལན་གསུམ་བཙོ་བཤལ་བྱའོ། ༼སྔོ༽ སྨན་ལྔ་ལ་ངོས་འཛིན་མི་མཐུན་པ་མང་ནའང་། འདིར་བྱཱ་གྷྲ་ཞེས་སྟག་ཚེར་སླེ་ཏྲེས་དང་། ཀཎྜ་ཀ་རིར་ངོས་འཛིན་པས་གཉིས་འཐུས་ཀྱིས། ༥་༠༠ ༈ སེང་ཚེར་ཀཎྜ་ཀ་རི་དང་། ག་པྲ་ལ་བཞེད་པ་གཉིས་འཐུས། ༦་༠༠ ཤུ་དག་དཀར་པོ། ༡་༠༠ ཧ་ས་དེ་བ། དབང་ལག་དང་། ཅོ་ག་ཀླད་སྨན་ལའང་བཞེད་པས་ཕྱོགས་འཐུས། ༦་༠༠ ཡང་འགའ་ཞིག་གིས་ཧ་ས་ཞེས་པ་རྒྱ་མཚོ་ལྦུ་བར་བཞེད་པ་དང་། དེའི་ཚབ་ཏུ་ཆུ་བལ་གཙང་མ་དང་། སྔོ་ཆུ་སྲིན་སྡེར་མོའང་གཏོང་བར་སྣང་བས། ༡་༠༠ ཨུཏྤལ་དཀར་དམར་ཞེས་པ་ཨུཏྤལ་དཀར་པོའི་ཚབ་སྔོན་འགའ་ཞིག་གིས་སེ་བའི་མེ་ཏོག་གིས་མཛད་པའང་སྣང་། པོས་མཛད་པས་རྒྱ་བོད་ཀྱི་ཨུཏྤལ་སྔོན་པོ་དང་། དམར་པོ་ཕྱོགས་འཐུས། ༦་༠༠ ཁྱོན་སྲང་ཉེར་ལྔ། ༼དམར༽ དྲི་ལྔ་ལ། ཙནྡན་དཀར་པོ། ༥་༠༠ དམར་པོ། ༥་༠༠ གུར་གུཾ ༡༠་༠༠ ག་བུར། ༡་༠༠ འདི་རིལ་བུ་བསྒྲིལ་ཁར་བསྲེ་འདུར་བྱེད་ནས་གཏོང་། ཛཱ་ཏི། ༤་༠༠ བཅས་ཁྱོན་སྲང་ཉེར་ལྔ། ༼ལྗང་༽ སྙིང་པོ་ལྔ་ལ། ལན་ཚྭ་མང་ན་རོ་བསྒྱུར་བས་འདིར། ༡་༠༠ བུ་རམ་དང་ཀ་ར་གང་རུང་བཤད་པས་བུར་དཀར་དང་། ༡་༠༠ ཕག་ཚིལ་གྱིས་མ་བཞུས་པའི་བལ་པོའི་ཀ་ར་གཙང་མ། ༨་༠༠ བ་གསར་དམར་མོའི་འོ་མ་སྦྲུ་རྫས་ལ་སྦྱར་བ་སྟེ། དེའང་སྲང་གཅིག་སྤར་གང་སོགས་བཤད་པའི་རྗེས་སུ་འབྲང་སྟེ་སྲང་། ༨་༠༠ དེ་སྙིམ་པ་དོ། བ་གསར་དམར་ཟལ་གྱི་མར་གཙང་མ། ༡་༠༠ སྦྲང་རྩི་ལྷད་མེད་པ། ༣་༠༠ འགའ་ཞིག་གིས་སྨན་གྱི་སྙིང་པོ་ཨ་རུ་ར་ཞེས་གསུངས་པས། ༣་༠༠ བཅས་ཁྱོན་སྲང་ཉེར་ལྔ། དེ་སྟེང་སྔ་འགྱུར་བཀའ་གཏེར་གྱི་གཞུང་སོགས་ལས། སྨན་ལྔའི་གྲས་སྟག་ཚེར་སེ་འབྲུའི་མེ་ཏོག་ལ་ངོས་བཟུང་བ་དང་། རིན་པོ་ཆེ་ལྔའི་གྲས་སུ་གཡུ་དང་། དྲི་ལྔའི་གྲས་སུ་ལི་ཤི་དང་། སྤང་སྤོས་དང་། ཨར་སྐྱ་ཞེས་གསུངས་པ་དང་། འབྲུ་ལྔའི་གྲས་སུ་ཨ་འབྲས་ཞེས་སྣང་བའང་ཅུང་ཟད་རེ་སྦྱར་བ་དང་། བུངས་བསྐྱེད་པའི་ཕྱིར་གུར་གུཾ། ༡༨་༠༠ ཡིག་ཆ་འགའ་ཞིག་ལས་སྨན་གྱི་སྙིང་པོ་ཨ་རུ་རས་བུངས་བསྐྱེད་པར་ཡང་གསུངས་པས། ༧་༠༠ བཅས་སྲང་ཉེར་ལྔ་རྣམས་ལེགས་པར་སྦྱར་བ་སྟེ། དེའང་ཐོག་མར་རྫས་རྣམས་ངོས་འཛིན་མ་འཁྲུལ་པར་ལྔ་ཚན་ལྔ་དང་། བུངས་བསྐྱེད་བཅས་སོ་སོར་སྦྱར། རིན་པོ་ཆེ་ཁྲོལ་ཙམ་བརྡུང་ལ་དུག་བཏོན། དེ་ནས་སོ་སོར་ཞིབ་པར་བཏགས། སླར་ཕྱོགས་གཅིག་ཏུ་གཤེར་རྫས་རྣམས་དང་མདངས་ཐོན་པའི་ཕྱིར་ཁ་ཆེ་གུར་གུམ་བཟང་པོའི་གར་ཁྲུས་སྦོལ་ཏེ་ཕབས་གཏའ་བྲན་ལ་འདྲེས་པར་ཕུར། སུམ་ཆ་གཅིག་རིལ་བུ་དང་། ཆ་གཉིས་ཕྱེ་མ་སྨན་སྒྲུབ་ལྟ་བུར་བྱས་ཏེ་རིལ་ཆགས་སོགས་ཐེམས་པར་བྱ། རིན་པོ་ཆེའི་བུམ་པའི་སྣོད་དུ་བླུགས། བདག་གི་རྣལ་འབྱོར་སྔོན་དུ་འགྲོ་བས་སྦྱོང་ཁྲུས་དང་། རིགས་ལྔར་བསྐྱེད་ཅིང་སོ་སོའི་སྔགས་དང་། ལྔ་ཚན་ལྔའི་མིང་སྔགས། ཁྲུས་སྔགས་སོགས་བཟླས་ཏེ་ལྷ་འོད་དུ་ཞུ་བའི་རྫས་སུ་བསམ་ལ་རྟེན་འབྲེལ་སྙིང་པོ་དང་ཤིས་པ་བརྗོད་པས་བརྟན་པར་བྱའོ། །དེའང་དྲི་ལྔའི་གནས་སུ་གླ་རྩི་ཞེས་གསུངས་པ་མང་ནའང་། འདིར་རྒྱུད་སྡེ་བཞི་ཀ་སྤྱི་ཁྱབ་ཀྱི་དབང་དུ་བྱས་ཏེ་གླ་རྩི་མི་གཏོང་ཞིང་། བླ་མེད་ཀྱི་བཅུད་སོ་ལྔ་བྱེད་ན་གོང་གི་སྟེང་དུ་གསར་མ་ལྟར་ན་བདུད་རྩི་རིལ་བུ། རྙིང་མ་ལྟར་ན་བདུད་རྩི་ཆོས་སྨན་ཚད་ལྡན་བསྣན་པས་འཐུས་པ་དང་། གླ་རྩིའང་དེ་དག་གི་རྫས་སུ་འདྲེས་པ་ཡིན་ནོ། ། ༈

[edit]

yang bum rdzas nyer lnga sbyar ba'i tho yig bum rdzas nyer lnga sbyar ba'i tho yig dge__/oM swasti sid+d+hi/__bum rdzas nyer lnga bsdu dpyad la/__(dkar)_thog mar 'bru lnga las nas dkar/__5 00_gro__5 00_sran dkar/__5 00_'bras/__5 00_phal cher du til dkar po dang 'ga' zhig tu so ba'ang bshad pas gnyis 'thus kyis/__5 00__khyon srang nyer lnga/__(ser)_rin chen lnga las/__gser/__1 00_dngul/__2 00__bye ru/__2 00__rin chen 'bar ba dang dbang chu mdzes rgyan las mu men ces 'byung bas/__!_a b+ha yas pad+ma rA ga'i tshab tu dung dang rtse mo'i dbang chur mu man gyi mal du dung zhes gsungs pas gzhi bya ba'i phyir/__15 00_rdo pad+ma rA ga__3 00_mu tig phran bu dang bcas pa'i nya phyis/__2 00__khyon srang nyer lnga/__dug 'don mtshon tsam sbyar grub na legs pas/__tshwa la/__ze tshwa/__be ljang re ral/__sdum bu re ral/__gang+ga chung /__star bu'i khaN+Da/__a ru ra/__mgron bu bu can gyi thal ba bcas lo brgyad dri chur btab la bye ru'i mdog 'gyur ba'i bar btso/__de rjes gar chang bsnan la btso/__de rjes chu grang gis dag par bkru/__slar yang chu gtsang nang du lan gsum btso bshal bya'o/__(sngo)_sman lnga la ngos 'dzin mi mthun pa mang na'ang /__'dir byA g+h+ra zhes stag tsher sle tres dang /__kaN+Da ka rir ngos 'dzin pas gnyis 'thus kyis/__5 00_!__seng tsher kaN+Da ka ri dang /__ga pra la bzhed pa gnyis 'thus/__6 00__shu dag dkar po/__1 00_ha sa de ba/__dbang lag dang /__co ga klad sman la'ang bzhed pas phyogs 'thus/__6 00_yang 'ga' zhig gis ha sa zhes pa rgya mtsho lbu bar bzhed pa dang /__de'i tshab tu chu bal gtsang ma dang /__sngo chu srin sder mo'ang gtong bar snang bas/__1 00__ut+pal dkar dmar zhes pa ut+pal dkar po'i tshab sngon 'ga' zhig gis se ba'i me tog gis mdzad pa'ang snang /__pos mdzad pas rgya bod kyi ut+pal sngon po dang /__dmar po phyogs 'thus/__6 00_khyon srang nyer lnga/__(dmar)__dri lnga la/__tsan+dan dkar po/__5 00_dmar po/__5 00_gur guM_10 00_ga bur/__1 00_'di ril bu bsgril khar bsre 'dur byed nas gtong /__dzA ti/__4 00_bcas khyon srang nyer lnga/__(ljang )_snying po lnga la/__lan tshwa mang na ro bsgyur bas 'dir/__1 00__bu ram dang ka ra gang rung bshad pas bur dkar dang /_1 00_phag tshil gyis ma bzhus pa'i bal po'i ka ra gtsang ma/__8 00_ba gsar dmar mo'i 'o ma sbru rdzas la sbyar ba ste/__de'ang srang gcig spar gang sogs bshad pa'i rjes su 'brang ste srang /__8 00_de snyim pa do/__ba gsar dmar zal gyi mar gtsang ma/__1 00_sbrang rtsi lhad med pa/__3 00_'ga' zhig gis sman gyi snying po a ru ra zhes gsungs pas/__3 00_bcas khyon srang nyer lnga/__de steng snga 'gyur bka' gter gyi gzhung sogs las/__sman lnga'i gras stag tsher se 'bru'i me tog la ngos bzung ba dang /__rin po che lnga'i gras su g.yu dang /__dri lnga'i gras su li shi dang /__spang spos dang /__ar skya zhes gsungs pa dang /__'bru lnga'i gras su a 'bras zhes snang ba'ang cung zad re sbyar ba dang /__bungs bskyed pa'i phyir gur guM/__18 00_yig cha 'ga' zhig las sman gyi snying po a ru ras bungs bskyed par yang gsungs pas/__7 00_bcas srang nyer lnga rnams legs par sbyar ba ste/__de'ang thog mar rdzas rnams ngos 'dzin ma 'khrul par lnga tshan lnga dang /__bungs bskyed bcas so sor sbyar/__rin po che khrol tsam brdung la dug bton/__de nas so sor zhib par btags/__slar phyogs gcig tu gsher rdzas rnams dang mdangs thon pa'i phyir kha che gur gum bzang po'i gar khrus sbol te phabs gta' bran la 'dres par phur/__sum cha gcig ril bu dang /__cha gnyis phye ma sman sgrub lta bur byas te ril chags sogs thems par bya/__rin po che'i bum pa'i snod du blugs/__bdag gi rnal 'byor sngon du 'gro bas sbyong khrus dang /__rigs lngar bskyed cing so so'i sngags dang /__lnga tshan lnga'i ming sngags/__khrus sngags sogs bzlas te lha 'od du zhu ba'i rdzas su bsam la rten 'brel snying po dang shis pa brjod pas brtan par bya'o/__/de'ang dri lnga'i gnas su gla rtsi zhes gsungs pa mang na'ang /__'dir rgyud sde bzhi ka spyi khyab kyi dbang du byas te gla rtsi mi gtong zhing /__bla med kyi bcud so lnga byed na gong gi steng du gsar ma ltar na bdud rtsi ril bu/__rnying ma ltar na bdud rtsi chos sman tshad ldan bsnan pas 'thus pa dang /__gla rtsi'ang de dag gi rdzas su 'dres pa yin no/___/___!_