JKW-KABUM-20-WA-001-005

🚧 This website is under continued development. We appreciate your patience!

Previous Text Back to Volume PageNext Text

Wylie title	dga' ldan mchog sprul rin po che ye shes thub bstan rgya mtshor phul ba'i 'phrin lan
Location	mkhyen brtse'i bka' 'bum Volume 20, sde tshan 1, Text 5, Pages 12-14 (Folios 6b6 to 7b5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. dga' ldan mchog sprul rin po che ye shes thub bstan rgya mtshor phul ba'i 'phrin lan. In 'jam dbyangs mkhyen brtse'i dbang po'i bka' 'bum, Vol. 20: 12-14. Khams sde dge rdzong sar dgon: Rdzong sar blo gros phun tshogs, 2020.
Genre	Official Letters - chab shog  ·  Replies to Questions - dris lan

1 Texts in this Section (sde tshan or chos tshan)

5 12-14	དགའ་ལྡན་མཆོག་སྤྲུལ་རིན་པོ་ཆེ་ཡེ་ཤེས་ཐུབ་བསྟན་རྒྱ་མཚོར་ཕུལ་བའི་འཕྲིན་ལན། dga' ldan mchog sprul rin po che ye shes thub bstan rgya mtshor phul ba'i 'phrin lan Official Letters - chab shog   ·   Replies to Questions - dris lan	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

དགའ་ལྡན་མཆོག་སྤྲུལ་རིན་པོ་ཆེ་ཡེ་ཤེས་ཐུབ་བསྟན་རྒྱ་མཚོར་ཕུལ་བའི་འཕྲིན་ལན། ཛྙཱནཱནཱཾཔྲབིདཾཀྲྀཔཱཏྦྷུཏཻ སྶཾཔཱུརྞྞཾམུནིཤཱསནཾསྥུཊཻཿ ཤུདྡྷསྱདཱིབྟེ། མཱནསྱཾསརསཱཾཏབཾཀྵིཔཱ། པཱདསྱོབཀམལྱམཱུལཡོཿ མཁྱེན་བརྩེའི་ཡེ་ཤེས་རྨད་བྱུང་བས། །ཡོངས་རྫོགས་ཐུབ་བསྟན་སྣང་མཛད་ཅིང་། །ཡིད་ཅན་རྒྱ་མཚོའི་གདུང་སེལ་བའི། །ཞབས་ཀྱི་པདྨོའི་ཉེ་དྲུང་དུ། ༡ །གང་དུ་སོན་པའི་ལེགས་བྱས་ཀྱིས། །དཔལ་དང་བདུད་རྩིའི་གཏེར་སྦྱིན་པས། །ཟླ་བ་ཁོ་ནར་རྣམ་བརྟག་བློས། །ཚིག་གི་ཀུ་མུཏ་འཛུམ་པར་གྱུར། ༢ །རིང་ནས་སྦྱངས་པའི་བློ་གྲོས་ནི། །ཤེས་བྱའི་ཡུལ་ལ་འཇུག་པ་ན། །འབད་པ་མེད་པར་ཀུན་མཁྱེན་གྱི། །རྒྱལ་ཐབས་རང་དབང་མཛད་ཅེས་གྲགས། ༣ །དེ་ཚེ་བསླབ་པའི་ཡལ་ག་ལ། །གྲོལ་བའི་འབྲས་བུས་རབ་དུད་པ། །སྔོན་མེད་དཔག་བསམ་རྐང་པས་འཐུང་། །ཉེ་བར་འཁོར་གྱི་རྣམ་ཐར་བཟུང་། ༤ །རང་གི་དྲི་ཡིས་འབིགས་བྱེད་ཀླུང་། །མཛེས་སྟེར་ས་མཆོག་ལྗོན་པ་སྟེ། །མ་འདྲིས་ཀུན་ལ་མཛའ་བཤེས་ཀྱིས། །དབུགས་འབྱིན་བགྱིད་པ་ཁྱོད་འདྲ་མེད། ༥ །བདག་ལྟའི་འཛིན་སྟངས་བྲལ་བའི་བློ། །བདེ་བ་ཆེ་དང་མི་ཕྱེད་པའི། །ཟུང་འཇུག་ཡེ་ཤེས་སྲོག་གྲུབ་པས། །རྡོ་རྗེ་འཛིན་པའི་མཚན་སྙན་ལེན། ༦ །ལྷག་པར་འདི་ན་ཆེར་སྙེམས་རྣམས། །རིག་པའི་དེ་ཉིད་མ་མཐོང་བཞིན། །སྲེད་དང་སྡང་བའི་རྗེས་འབྲངས་ནས། །ཐུབ་བསྟན་ཉེ་འཁོན་གནས་ལ་སྦྱར། ༧ །ཁྱོད་ཀྱིས་གཙུག་ལག་ཇི་སྙེད་ཀུན། །སྒྲིབ་མེད་གཟིགས་དང་ཆབ་གཅིག་པར། །ཕྱོགས་ལྷུང་དབུ་མར་བསྙིལ་མཛད་པས། །སྐྱེས་བུ་དམ་པར་གཅིག་ཏུ་མཚོན། ༨ །དེ་སླད་འཚོ་གཞེས་བརྟན་པ་དང་། །ལེགས་གསུངས་ཅུང་ཟད་ཐོབ་པས་ཀྱང་། །བྲལ་བས་ཉེན་ལ་ཙནྡན་ཆུས། །ཕན་པ་བསྒྲུབས་པས་ཆར་མི་ཉེ། ༩ །འདི་ན་དགེ་སྦྱོང་གཟུགས་བརྙན་ཡང་། །ལང་ཚོའི་ཆུ་སྐྱེས་མ་རྙིང་བཞིན། །ནང་གི་མུན་སེལ་རིམ་གཉིས་ཀྱི། །ཉིན་མོའི་སྣང་བར་ཕྱོགས་བཞིན་མཆིས། ༡༠ །སླར་ཡང་འཇིག་རྟེན་དགེ་ལེགས་ཀྱི། །འབྱུང་གནས་དམ་ཆོས་རིན་ཆེན་དབྱིག །གཏན་པ་མེད་པར་སྦྱིན་མཁས་པ། །གདེངས་ཅན་བདག་པོ་ཁྱོད་ཉིད་ཕྱིར། ༡༡ །བསྐལ་པ་རྒྱ་མཚོར་ཞབས་བརྟན་པའི། །གྲགས་དཀར་ཟླ་བས་ཡིད་སྲུབས་སྡེ། །པདྨོ་ལྟ་བུར་ཟུམ་པ་དང་། །ཕན་བདེའི་ཆུ་གཏེར་རྒྱས་པ་ནས། ༡༢ །བདག་ཀྱང་བྱང་ཆུབ་སྙིང་པོའི་བར། །ཐུགས་རྗེའི་ཕྱག་གིས་དབུགས་དབྱུང་བས། །དཔྱིད་ཀྱིས་བཟུང་བའི་ཨུཏྤལ་བཞིན། །སྲིད་ཞིའི་དགེ་མཚན་རྫོགས་མཛད་གསོལ། ༡༣ །སརྦ་དཱ་ཤྲེ་ཡོ་བྷ་བ་ཏུ།། །། ༈

[edit]

dga' ldan mchog sprul rin po che ye shes thub bstan rgya mtshor phul ba'i 'phrin lan/ dga' ldan mchog sprul rin po che ye shes thub bstan rgya mtshor phul ba'i 'phrin lan/___dz+nyAnAnAMprabidaMkr-ipAt+b+hutai__s+saMpUr+N+NaMmunishAsanaMs+phuTaiH__shud+d+has+yadIb+te/___mAnas+yaMsarasAMtabaMk+ShipA/___pAdas+yobakamal+yamUlayoH__mkhyen brtse'i ye shes rmad byung bas/___/yongs rdzogs thub bstan snang mdzad cing /___/yid can rgya mtsho'i gdung sel ba'i/___/zhabs kyi pad+mo'i nye drung du/___1_/gang du son pa'i legs byas kyis/___/dpal dang bdud rtsi'i gter sbyin pas/___/zla ba kho nar rnam brtag blos/___/tshig gi ku muta 'dzum par gyur/___2_/ring nas sbyangs pa'i blo gros ni/___/shes bya'i yul la 'jug pa na/__/'bad pa med par kun mkhyen gyi/___/rgyal thabs rang dbang mdzad ces grags/_3_/de tshe bslab pa'i yal ga la/___/grol ba'i 'bras bus rab dud pa/___/sngon med dpag bsam rkang pas 'thung /___/nye bar 'khor gyi rnam thar bzung /___4__/rang gi dri yis 'bigs byed klung /____/mdzes ster sa mchog ljon pa ste/___/ma 'dris kun la mdza' bshes kyis/___/dbugs 'byin bgyid pa khyod 'dra med/___5__/bdag lta'i 'dzin stangs bral ba'i blo/___/bde ba che dang mi phyed pa'i/___/zung 'jug ye shes srog grub pas/___/rdo rje 'dzin pa'i mtshan snyan len/___6__/lhag par 'di na cher snyems rnams/___/rig pa'i de nyid ma mthong bzhin/___/sred dang sdang ba'i rjes 'brangs nas/___/thub bstan nye 'khon gnas la sbyar/__7__/khyod kyis gtsug lag ji snyed kun/___/sgrib med gzigs dang chab gcig par/___/phyogs lhung dbu mar bsnyil mdzad pas/___/skyes bu dam par gcig tu mtshon/___8__/de slad 'tsho gzhes brtan pa dang /___/legs gsungs cung zad thob pas kyang /___/bral bas nyen la tsan+dan chus/___/phan pa bsgrubs pas char mi nye/___9__/'di na dge sbyong gzugs brnyan yang /___/lang tsho'i chu skyes ma rnying bzhin/___/nang gi mun sel rim gnyis kyi/___/nyin mo'i snang bar phyogs bzhin mchis/___10_/slar yang 'jig rten dge legs kyi/___/'byung gnas dam chos rin chen dbyig__/gtan pa med par sbyin mkhas pa/___/gdengs can bdag po khyod nyid phyir/___11__/bskal pa rgya mtshor zhabs brtan pa'i/___/grags dkar zla bas yid srubs sde/___/pad+mo lta bur zum pa dang /___/phan bde'i chu gter rgyas pa nas/___12__/bdag kyang byang chub snying po'i bar/___/thugs rje'i phyag gis dbugs dbyung bas/___/dpyid kyis bzung ba'i ut+pal bzhin/___/srid zhi'i dge mtshan rdzogs mdzad gsol/___13_/sarba dA shre yo b+ha ba tu//___//_!