JKW-KABUM-14-PHA-023-002

🚧 This website is under continued development. We appreciate your patience!

Previous Text Back to Volume PageNext Text

Wylie title	smon 'jug sems bskyed kyi sdom pa'i brgyud 'debs
Location	mkhyen brtse'i bka' 'bum Volume 14, sde tshan 23, Text 2, Pages 373-375 (Folios 3a3 to 4a2)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. smon 'jug sems bskyed kyi sdom pa'i brgyud 'debs. In 'jam dbyangs mkhyen brtse'i dbang po'i bka' 'bum, Vol. 14: 373-375. Khams sde dge rdzong sar dgon: Rdzong sar blo gros phun tshogs, 2020.
Genre	Lineage Supplications - brgyud 'debs  ·  Vows - sdom pa

1 Texts in this Section (sde tshan or chos tshan)

2 373-375	སྨོན་འཇུག་སེམས་བསྐྱེད་ཀྱི་སྡོམ་པའི་བརྒྱུད་འདེབས། smon 'jug sems bskyed kyi sdom pa'i brgyud 'debs Lineage Supplications - brgyud 'debs   ·   Vows - sdom pa	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

༄༅། །སྨོན་འཇུག་སེམས་བསྐྱེད་ཀྱི་སྡོམ་པའི་བརྒྱུད་འདེབས་ལ། ཐོག་མར་འཕགས་པ་འཇམ་དཔལ་ནས་ཀླུ་སྒྲུབ་ལ་སྩལ་བའི་དབུ་མ་ལུགས་ཀྱི་བརྒྱུད་པའི་གསོལ་འདེབས་ནི། རྣམ་འདྲེན་སྟོབས་བཅུའི་མངའ་བདག་ཟས་གཙང་སྲས། །རྒྱལ་སྲས་འཇམ་དཔལ་ཀླུ་སྒྲུབ་ཟླ་བ་གྲགས། །རིག་པའི་ཁུ་བྱུག་ཀུ་སཱ་ལ་ཆེ་ཆུང་། །གསོལ་བ་འདེབས་སོ་གཞན་ཕན་མཐར་ཕྱིན་ཤོག །ཇོ་བོ་ཐར་པ་ཛ་དང་འཇིགས་མེད་འབྱུང་། །ཟླ་རྒྱལ་གྲོ་ལུང་པ་དང་བྱང་ཆུབ་འོད། །རྨ་བྱ་ཤཱཀ་སེང་མཆིམས་ཆེན་སྨོན་ཚུལ་བ། །གསོལ་བ་འདེབས་སོ་གཞན་ཕན༴ བྱང་ཆུབ་གྲུབ་པ་གཞོན་རྡོར་ཀུན་མཁྱེན་རྗེ། །ཁྱབ་བརྡལ་ལྷུན་གྲུབ་གྲགས་འོད་སངས་རྒྱས་དབོན། །ཟླ་གྲགས་ཀུན་བཟང་རྡོ་རྗེ་རྒྱལ་མཚན་དཔལ། །གསོལ་བ༴ སྣ་ཚོགས་རང་གྲོལ་བསྟན་འཛིན་གྲགས་པའི་ཞབས། །མདོ་སྔགས་བསྟན་འཛིན་ཕྲིན་ལས་ལྷུན་གྲུབ་དཔལ། །འགྱུར་མེད་རྡོ་རྗེ་ངག་དབང་ཆོས་དཔལ་ལ། །གསོལ་བ༴ ཁ་སྐོང་ནི། ཡིད་བཞིན་ལེགས་གྲུབ་རིན་ཆེན་རྣམ་པར་རྒྱལ། །ཨཽ་ཌཱི་ཡཱ་ན་གསང་སྔགས་བསྟན་འཛིན་དང་། །པདྨ་དབང་རྒྱལ་འགྱུར་མེད་ཀུན་དགའི་ཞབས། །གསོལ་བ་འདེབས་སོ་གཞན་ཕན༴ ཞེས་སོ། །ཡོན་ཏན་གཞིར་གྱུར་བཤེས་གཉེན་གུས་བརྟེན་ནས། །རྙེད་དཀའི་རྟེན་ལ་སྙིང་པོ་ལེན་སྤྲོ་ཞིང་། །མི་རྟག་འཆི་བ་རྗེས་དྲན་དཀར་ནག་གི །ལས་འབྲས་སྤང་བླང་ཚུལ་བཞིན་སྤྱོད་པར་ཤོག །སྲིད་བདེ་འཁྲུལ་པར་ཤེས་ནས་ཐར་པའི་སྒོར། །བག་ཡོད་ཁྲིམས་ཀྱིས་འཇུག་ཅིང་འཁོར་མཚོ་ལས། །འགྲོ་ཀུན་འདྲེན་པའི་ཁུར་ཁྱེར་ཚད་མེད་ཀྱི། །བྱང་ཆུབ་སེམས་མཆོག་འབྱོངས་པར་བྱིན་གྱིས་རློབས། །སྐྱེ་བར་ཚུལ་གནས་ཐོས་བསམ་སྒོམ་པར་བརྩོན། །རྒྱལ་བའི་བསྟན་ལ་བྱ་བ་ཆེར་འགྲུབ་ཅིང་། །སྒོ་གསུམ་གཞན་ཕན་སྤྱོད་ལས་མི་གཡེལ་བས། །འགྲོ་ཀུན་བྱང་ཆེན་ལམ་ལ་འགོད་པར་ཤོག །རྒྱལ་ཚབ་མ་ཕམ་པ་ནས་འཕགས་པ་ཐོགས་མེད་ལ་སྩལ་བའི་སེམས་ཙམ་ལུགས་ཀྱི་བརྒྱུད་པའི་ཁྱད་པར་ནི། དོན་གཉིས་མཐར་ཕྱིན་རྣམ་འདྲེན་ཟས་གཙང་སྲས། །རྒྱལ་ཚབ་མ་ཕམ་ཐོགས་མེད་དབྱིག་གི་གཉེན། །རྣམ་གྲོལ་གྲོལ་སྡེ་མཆོག་སྡེ་དུལ་བའི་སྡེ། །གསོལ་བ་འདེབས་སོ་གཞན་ཕན་མཐར་ཕྱིན་ཤོག །སྣང་མཛད་སེང་བཟང་སངས་རྒྱས་ཡེ་ཤེས་ཞབས། །གུ་ཎ་མི་ཏྲ་རིན་ཆེན་ཟླ་བ་དང་། །བསྟན་སྐྱོང་རྔོག་ལོ་འབྲེ་ཆེན་ཤེས་རབ་འབར། །གསོལ་བ༴ བྱང་ཆུབ་ཡེ་ཤེས་གཞོན་ཚུལ་ཞང་གཡེ་བ། །གཉལ་ཞིག་འཆིང་རུ་ཆུ་མིག་སེང་གེ་དཔལ། །ལྷོ་བྲག་པ་དང་བཙན་དགོན་དབེན་དགེ་བ། །གསོལ་བ༴ ཆོས་དཔལ་རྒྱ་མཚོ་ཀུན་མཁྱེན་ཆོས་ཀྱི་རྗེ། །ཁྱབ་བརྡལ་ལྷུན་གྲུབ་མན་འདྲའོ། ། ༈

[edit]

smon 'jug sems bskyed kyi sdom pa'i brgyud 'debs/ @#/_/smon 'jug sems bskyed kyi sdom pa'i brgyud 'debs la/__thog mar 'phags pa 'jam dpal nas klu sgrub la stsal ba'i dbu ma lugs kyi brgyud pa'i gsol 'debs ni/__rnam 'dren stobs bcu'i mnga' bdag zas gtsang sras/__/rgyal sras 'jam dpal klu sgrub zla ba grags/__/rig pa'i khu byug ku sA la che chung /__/gsol ba 'debs so gzhan phan mthar phyin shog__/jo bo thar pa dza dang 'jigs med 'byung /__/zla rgyal gro lung pa dang byang chub 'od/__/rma bya shAka seng mchims chen smon tshul ba/__/gsol ba 'debs so gzhan phan=__byang chub grub pa gzhon rdor kun mkhyen rje/__/khyab brdal lhun grub grags 'od sangs rgyas dbon/__/zla grags kun bzang rdo rje rgyal mtshan dpal/__/gsol ba=__sna tshogs rang grol bstan 'dzin grags pa'i zhabs/__/mdo sngags bstan 'dzin phrin las lhun grub dpal/__/'gyur med rdo rje ngag dbang chos dpal la/__/gsol ba=__kha skong ni/__yid bzhin legs grub rin chen rnam par rgyal/__/au DI yA na gsang sngags bstan 'dzin dang /__/pad+ma dbang rgyal 'gyur med kun dga'i zhabs/__/gsol ba 'debs so gzhan phan=__zhes so/__/yon tan gzhir gyur bshes gnyen gus brten nas/__/rnyed dka'i rten la snying po len spro zhing /__/mi rtag 'chi ba rjes dran dkar nag gi__/las 'bras spang blang tshul bzhin spyod par shog__/srid bde 'khrul par shes nas thar pa'i sgor/__/bag yod khrims kyis 'jug cing 'khor mtsho las/__/'gro kun 'dren pa'i khur khyer tshad med kyi/__/byang chub sems mchog 'byongs par byin gyis rlobs/__/skye bar tshul gnas thos bsam sgom par brtson/__/rgyal ba'i bstan la bya ba cher 'grub cing /__/sgo gsum gzhan phan spyod las mi g.yel bas/__/'gro kun byang chen lam la 'god par shog__/rgyal tshab ma pham pa nas 'phags pa thogs med la stsal ba'i sems tsam lugs kyi brgyud pa'i khyad par ni/__don gnyis mthar phyin rnam 'dren zas gtsang sras/__/rgyal tshab ma pham thogs med dbyig gi gnyen/__/rnam grol grol sde mchog sde dul ba'i sde/__/gsol ba 'debs so gzhan phan mthar phyin shog__/snang mdzad seng bzang sangs rgyas ye shes zhabs/__/gu Na mi tra rin chen zla ba dang /__/bstan skyong rngog lo 'bre chen shes rab 'bar/__/gsol ba=__byang chub ye shes gzhon tshul zhang g.ye ba/__/gnyal zhig 'ching ru chu mig seng ge dpal/__/lho brag pa dang btsan dgon dben dge ba/__/gsol ba=__chos dpal rgya mtsho kun mkhyen chos kyi rje/__/khyab brdal lhun grub man 'dra'o/___/__!_