JKW-KABUM-11-DA-014-009

🚧 This website is under continued development. We appreciate your patience!

Previous Text Back to Volume PageNext Text

Wylie title	rdo rje khyung khra'i sgom bzlas shin tu bsdus pa
Location	mkhyen brtse'i bka' 'bum Volume 11, sde tshan 14, Text 9, Pages 497-499 (Folios 48a4 to 49a6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. rdo rje khyung khra'i sgom bzlas shin tu bsdus pa. In 'jam dbyangs mkhyen brtse'i dbang po'i bka' 'bum, Vol. 11: 497-499. Khams sde dge rdzong sar dgon: Rdzong sar blo gros phun tshogs, 2020.
Genre	Activity Manual - las byang
Deity	rdo rje khyung khra
Colophon	།ཅེས་པའང་འཇམ་དབྱངས་མཁྱེན་བརྩེའི་དབང་པོས་ལུགས་འདི་ལ་ཚད་མར་གྱུར་པའི་གཞུང་ཚིགས་བཅད་དུ་བསྡེབས་པ་དགེ་ལེགས་སུ་གྱུར་ཅིག
	ces pa'ang 'jam dbyangs mkhyen brtse'i dbang pos lugs 'di la tshad mar gyur pa'i gzhung tshigs bcad du bsdebs pa dge legs su gyur cig

1 Texts in this Section (sde tshan or chos tshan)

9 497-499	རྡོ་རྗེ་ཁྱུང་ཁྲའི་སྒོམ་བཟླས་ཤིན་ཏུ་བསྡུས་པ། rdo rje khyung khra'i sgom bzlas shin tu bsdus pa Activity Manual - las byang	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

༄༅། །རྡོ་རྗེ་ཁྱུང་ཁྲའི་སྒོམ་བཟླས་ཤིན་ཏུ་བསྡུས་པ་བཞུགས་སོ། །ན་མོ་བཛྲ་ག་རུ་ཌཱ་ཡ། རྡོ་རྗེ་ཁྱུང་ཁྲའི་སྒོམ་བཟླས་མདོར་བསྡུས་བྱ་བར་འདོད་པས། བདག་སོགས་འགྲོ་ཀུན་དེང་ནས་བྱང་ཆུབ་བར། །བླ་མ་དཀོན་མཆོག་གསུམ་ལ་སྐྱབས་སུ་མཆི། །གཞན་དོན་རྫོགས་པའི་བྱང་ཆུབ་ཐོབ་བྱའི་ཕྱིར། །ཡེ་ཤེས་རྡོ་རྗེ་ཁྱུང་ཁྲ་བསྒོམ་པར་བགྱི། །ལན་གསུམ་གྱི་སྐྱབས་སེམས་སྔོན་ཏུ་འགྲོ་བས། དངོས་གཞི་ལྷ་བསྒོམ་པ་ནི། ཨོཾ་ཤཱུནྱ་ཏཱཛྙཱ་ན་བཛྲ་སྭ་བྷཱ་ཝ་ཨཱདྨ་ཀོ྅་ཧཾ། སྟོང་པའི་ངང་ལས་པྃ་ལས་པདྨ་དང་། །རྃ་ལས་ཉི་མ་ཕུཿལས་ཀླུ་བརྒྱད་ཀྱི། །ངོ་བོ་སྦྲུལ་བརྒྱད་གདན་སྟེང་ཡི་གེ་ཁྲོམ། །ཁ་དོག་ལྔ་ལྡན་ཡོངས་སུ་གྱུར་པ་ལས། །རང་ཉིད་ཡེ་ཤེས་རྡོ་རྗེ་ཁྱུང་ཁྲ་ནི། །ཞལ་གཅིག་ཕྱག་གཉིས་ཙོག་པུ་བགྱིང་བག་བཞུགས། །བརླ་གཉིས་མན་ཆད་ས་ཡི་རང་བཞིན་སེར། །ལྟོ་བ་ཆུ་ཡི་རང་བཞིན་ཁ་དོག་དཀར། །སྐུ་སྟོད་མེ་ཡི་རང་བཞིན་ཁ་དོག་དམར། །མགོ་བོ་རླུང་གི་རང་བཞིན་ཁ་དོག་སྔོ། །སྤྱི་བོ་འདབ་མ་མཁའ་ཁམས་སྣ་ཚོགས་མདོག །རྭ་དང་མཆུ་སྡེར་རྣོ་ཞིང་སྤྱན་གསུམ་དམར། །ཕྱག་གཡས་སྐྱབས་སྦྱིན་ཕྱག་རྒྱས་ནོར་བུ་གདེངས། །གཡོན་པས་ཚར་གཅོད་སྡིགས་མཛུབ་ཐུགས་ཀར་གཏད། །རིན་ཆེན་སྦྲུལ་རྒྱན་སྐུ་ཚད་རི་ལྟར་བརྗིད། །བ་སྤུའི་བུ་ག་ཀུན་ནས་འོད་ཟེར་འཕྲོ། །ཡེ་ཤེས་མེ་དབུས་བཞུགས་པའི་མགྲིན་པ་རུ། །པད་ཟླའི་གདན་ལ་ཁྱུང་ཆེན་རིགས་ལྔ་ཡི། །གཙོ་བོའི་ཐུགས་ཀར་པད་ཟླར་ཨོཾ་དཀར་པོ། །ཤར་དུ་པ་སྔོན་ལྷོ་རུ་ཀྵིཾ་ཡིག་སེར། །ནུབ་ཏུ་སྭཱ་དམར་བྱང་དུ་ཧཱ་ལྗང་གུ། །གནས་གསུམ་འབྲུ་གསུམ་མཚན་ལས་འོད་འཕྲོས་པས། །ཡེ་ཤེས་སེམས་དཔའ་བཛྲ་ས་མཱ་ཛཿ ཨོཾ་བཛྲ་ཨརྒྷཾ་པཱཾ་དྱ་པུཥྤེ་དྷཱུ་པེ་ཨཱ་ལོ་ཀེ་གདྡྷེ་ནཻ་བི་དྱཱ་ཤཔྡ་པྲ་ཏཱིཙྪ་སྭཱ་ཧཱ། ཛཿཧཱུྃ་བྃ་ཧོཿརང་ལ་གཉིས་མེད་ཐིམ། ཞེས་བརྗོད་ཅིང་བསམས་ལ་བསྐྱེད་རིམ་གྱི་ང་རྒྱལ་བརྟན་པོ་བྱ། སྔགས་བཟླ་བ་ནི། སྐུ་དང་སྔགས་ལས་འོད་འཕྲོས་འཕགས་པ་མཆོད། །སེམས་ཅན་སྒྲིབ་སྦྱངས་ཀླུ་གདོན་གདུག་པ་བཏུལ། །བླ་མ་ཡི་དམ་བྱིན་རླབས་རང་ལ་ཐིམ། །རྡོ་རྗེ་ཁྱུང་དང་ནུས་པ་མཉམ་པར་གྱུར། །ཨོཾ་པཀྵིཾ་སྭཱ་ཧཱ་ཅི་ནུས་བཟླས། ཐུན་བསྡུ་བ་ན། ཨོཾ་བཛྲ་པུཥྤེ་ཨཱཿཧཱུྃ། ཨོཾ་བཛྲ་དྷཱུ་པེ་ཨཱཿཧཱུྃ། ཨོཾ་བཛྲ་ཨཱཿལོ་ཀེ་ཨཱཿཧཱུྃ། ཨོཾ་བཛྲ་གནྡྷེ་ཨཱཿཧཱུྃ། ཨོཾ་བཛྲ་ནཻ་བིདྱཱ་ཨཱཿཧཱུྃ། ཞེས་པས་མཆོད། འབྱུང་ལྔའི་རང་བཞིན་འབྱུང་ཆེན་ལྔ་ལ་དབང་། །ཀུན་ཏུ་སྒྱུར་བྱེད་རྡོ་རྗེའི་འདབ་གཤོག་ཅན། །ཀླུ་ཡི་དཔལ་འཕྲོག་ལྷ་མིའི་དཔལ་གྱུར་པའི། །རྡོ་རྗེ་ནམ་མཁའ་ལྡིང་ལ་ཕྱག་འཚལ་ལོ། །བདག་སོགས་ཀུན་ལ་མཆོག་ཐུན་དངོས་གྲུབ་སྩོལ། །ཀླུ་དང་ས་བདག་གནོད་པ་ཞི་མཛད་གསོལ། །དགེ་འདིས་ཡེ་ཤེས་ཁྱུང་ཁྲ་འགྲུབ་གྱུར་ནས། །འགྲོ་ཀུན་ཕན་བདེའི་དཔལ་ལ་སྤྱོད་པར་ཤོག །ཅེས་པའང་འཇམ་དབྱངས་མཁྱེན་བརྩེའི་དབང་པོས་ལུགས་འདི་ལ་ཚད་མར་གྱུར་པའི་གཞུང་ཚིགས་བཅད་དུ་བསྡེབས་པ་དགེ་ལེགས་སུ་གྱུར་ཅིག ། ༈

[edit]

rdo rje khyung khra'i sgom bzlas shin tu bsdus pa/ @#/_/rdo rje khyung khra'i sgom bzlas shin tu bsdus pa bzhugs so/__/na mo badz+ra ga ru DA ya/__rdo rje khyung khra'i sgom bzlas mdor bsdus bya bar 'dod pas/__bdag sogs 'gro kun deng nas byang chub bar/__/bla ma dkon mchog gsum la skyabs su mchi/__/gzhan don rdzogs pa'i byang chub thob bya'i phyir/__/ye shes rdo rje khyung khra bsgom par bgyi/__/lan gsum gyi skyabs sems sngon tu 'gro bas/__dngos gzhi lha bsgom pa ni/__oM shUn+ya tAdz+nyA na badz+ra swa b+hA wa Ad+ma ko\u0f85 haM/__stong pa'i ngang las pa~M las pad+ma dang /__/ra~M las nyi ma phuHlas klu brgyad kyi/__/ngo bo sbrul brgyad gdan steng yi ge khrom/__/kha dog lnga ldan yongs su gyur pa las/__/rang nyid ye shes rdo rje khyung khra ni/__/zhal gcig phyag gnyis tsog pu bgying bag bzhugs/__/brla gnyis man chad sa yi rang bzhin ser/__/lto ba chu yi rang bzhin kha dog dkar/__/sku stod me yi rang bzhin kha dog dmar/__/mgo bo rlung gi rang bzhin kha dog sngo/__/spyi bo 'dab ma mkha' khams sna tshogs mdog__/rwa dang mchu sder rno zhing spyan gsum dmar/__/phyag g.yas skyabs sbyin phyag rgyas nor bu gdengs/__/g.yon pas tshar gcod sdigs mdzub thugs kar gtad/__/rin chen sbrul rgyan sku tshad ri ltar brjid/__/ba spu'i bu ga kun nas 'od zer 'phro/__/ye shes me dbus bzhugs pa'i mgrin pa ru/__/pad zla'i gdan la khyung chen rigs lnga yi/__/gtso bo'i thugs kar pad zlar oM dkar po/__/shar du pa sngon lho ru k+ShiM yig ser/__/nub tu swA dmar byang du hA ljang gu/__/gnas gsum 'bru gsum mtshan las 'od 'phros pas/__/ye shes sems dpa' badz+ra sa mA dzaH__oM badz+ra ar+g+haM pAM d+ya puSh+pe d+hU pe A lo ke gad+d+he nai bi d+yA shap+da pra tIts+tsha swA hA/__dzaHhU~M ba~M hoHrang la gnyis med thim/__zhes brjod cing bsams la bskyed rim gyi nga rgyal brtan po bya/__sngags bzla ba ni/__sku dang sngags las 'od 'phros 'phags pa mchod/__/sems can sgrib sbyangs klu gdon gdug pa btul/__/bla ma yi dam byin rlabs rang la thim/__/rdo rje khyung dang nus pa mnyam par gyur/__/oM pak+ShiM swA hA ci nus bzlas/__thun bsdu ba na/__oM badz+ra puSh+pe AHhU~M/__oM badz+ra d+hU pe AHhU~M/__oM badz+ra AHlo ke AHhU~M/__oM badz+ra gan+d+he AHhU~M/__oM badz+ra nai bid+yA AHhU~M/__zhes pas mchod/__'byung lnga'i rang bzhin 'byung chen lnga la dbang /__/kun tu sgyur byed rdo rje'i 'dab gshog can/__/klu yi dpal 'phrog lha mi'i dpal gyur pa'i/__/rdo rje nam mkha' lding la phyag 'tshal lo/__/bdag sogs kun la mchog thun dngos grub stsol/__/klu dang sa bdag gnod pa zhi mdzad gsol/__/dge 'dis ye shes khyung khra 'grub gyur nas/__/'gro kun phan bde'i dpal la spyod par shog__/ces pa'ang 'jam dbyangs mkhyen brtse'i dbang pos lugs 'di la tshad mar gyur pa'i gzhung tshigs bcad du bsdebs pa dge legs su gyur cig_____/__!