JKW-KABUM-11-DA-001-001

🚧 This website is under continued development. We appreciate your patience!

First text in section. Back to Volume PageNext Text

Wylie title	blo sbyong legs bshad kun btus kyi 'chad thabs ut+pal gsar pa'i do shal
Location	mkhyen brtse'i bka' 'bum Volume 11, sde tshan 1, Text 1, Pages 1-18 (Folios 1a to 9b4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. blo sbyong legs bshad kun btus kyi 'chad thabs ut+pal gsar pa'i do shal. In 'jam dbyangs mkhyen brtse'i dbang po'i bka' 'bum, Vol. 11: 1-18. Khams sde dge rdzong sar dgon: Rdzong sar blo gros phun tshogs, 2020.
Genre	Mind Training Texts - blo sbyong  ·  Notes - zin bris
Colophon	།ཅེས་པའང་དུས་གསུམ་སངས་རྒྱས་ཐམས་ཅད་ཀྱི་ངོ་བོ་མཁན་ཆེན་རྡོ་རྗེ་འཆང་ཆེན་པོའི་བཀའི་གནང་བ་ཐོབ་ནས། རྗེ་བླ་མ་བཅུ་ཕྲག་རིག་པའི་མ་ཧཱ་པཎྜི་ཏ་དཀོན་མཆོག་བསྟན་པ་རབ་རྒྱས་དཔལ་བཟང་པོའི་གསུང་ཇི་ལྟ་བ་བཞིན། སྐལ་བཟང་མཁྱེན་བརྩེའི་མིང་ཅན་གྱིས་ཟིན་བྲིས་སུ་བགྱིས་པ་ཛ་ཡནྟུ། མངྒ་ལཾ།།
	ces pa'ang dus gsum sangs rgyas thams cad kyi ngo bo mkhan chen rdo rje 'chang chen po'i bka'i gnang ba thob nas/__rje bla ma bcu phrag rig pa'i ma hA paN+Di ta dkon mchog bstan pa rab rgyas dpal bzang po'i gsung ji lta ba bzhin/__skal bzang mkhyen brtse'i ming can gyis zin bris su bgyis pa dza yan+tu/__mang+ga laM/

1 Texts in this Section (sde tshan or chos tshan)

1 1-18	བློ་སྦྱོང་ལེགས་བཤད་ཀུན་བཏུས་ཀྱི་འཆད་ཐབས་ཨུཏྤལ་གསར་པའི་དོ་ཤལ། blo sbyong legs bshad kun btus kyi 'chad thabs ut+pal gsar pa'i do shal Mind Training Texts - blo sbyong   ·   Notes - zin bris	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

༄༅། །བློ་སྦྱོང་ལེགས་བཤད་ཀུན་འདུས་ཀྱི་འཆད་ཐབས་ཨུཏྤལ་གསར་པའི་དོ་ཤལ་ཅེས་བྱ་བ་བཞུགས་སོ།། །།

ན་མོ་གུ་ར་བེ། བྱམས་པའི་ཐུགས་ནི་སྙིང་རྗེའི་དབང་སོགས་བྱང་ཆུབ་སེམས་ཀྱི་ངལ་འཚོའི་དཔྱིད། ཀུན་དགའི་སྤྱོད་པས་ལྷར་བཅས་ཡིད་འཕྲོག་ཕན་བདེའི་ཡོན་ཏན་བྱེ་བའི་གཏེར། །བསྟན་འཛིན་རྒྱ་མཚོའི་གཙུག་ན་མངོན་མཛེས་གྲགས་པའི་སྤྲིངས་ཡིག་གཡོ་བའི་འོད། །ས་གསུམ་འཕྲོ་བའི་གདུང་སེལ་གཅིག་གྱུར་དཔལ་ལྡན་བླ་མར་གུས་བཏུད་ནས། །ཐེག་པ་ཆེན་པོའི་བློ་སྦྱོང་ནི། །དོན་ཚན་བདུན་གྱིས་བསྟན་པའི་གཞུང་། །འཆད་ཐབས་དཔྱིད་ཀྱི་དཔལ་མོ་ཡི། །ཡི་གེའི་ཨུཏྤལ་དོ་ཤལ་དགོད། །དེ་ཡང་ཐེག་པ་ཆེན་པོའི་བློ་སྦྱོང་གི་གདམས་པ་དོན་བདུན་མའི་ཁྲིད་ཡིག་སེམས་དཔའ་ཆེན་པོ་གཞོན་ནུ་རྒྱལ་མཆོག་གམ་དཀོན་མཆོག་འབངས་ཀྱིས་མཛད་པའི་ལེགས་བཤད་ཀུན་འདུས་སུ་གྲགས་པའི་འཆད་ཐབས་ཅུང་ཟད་སྤྲོ་ན། ཉིན་དང་པོར་རྟེན་གསུམ་གྱི་དྲུང་དུ་མཆོད་པ་གཙང་ཞིང་བཀོད་པས་མཛེས་པར་བཤམས། སློབ་དཔོན་སྟན་བདེ་བ་ལ་འཁོད་དེ། སྐྱབས་འགྲོ་སེམས་བསྐྱེད་དང་། གནས་དང་མཆོད་པ་བྱིན་རླབས་སྔོན་དུ་འགྲོ་བས། སྤྱན་འདྲེན། ཁྲུས་གསོལ། གདན་འབུལ། བཟང་སྤྱོད་ནས་བྱུང་བའི་ཡན་ལག་བདུན་པ་དང་། བྱང་ཆུབ་ལྟུང་བཤགས་ཚར་རེས་ཚོགས་བསགས་ནས། བྱང་ཆུབ་སྙིང་པོ་མཆིས་ཀྱི་བར། ཞེས་སོགས་ལན་གསུམ་གྱིས་བྱང་སྡོམ་བླངས་མཐར་དེ་རིང་སློབ་མ་ལ་འབོགས་རྒྱུའི་དམིགས་པ་རྣམས་ཐུན་དུ་བཅད་ནས་བསྒོམ་པའི་མཐར། དགེ་བ་བསྔོ་ཞིང་སྨོན་ལམ་གདབ། དེ་ནས་སློབ་མ་རྣམས་བོས་ལ། སློབ་དཔོན་གྱིས་བསྐུལ་ཏེ། སྨྲ་བསམ་བརྗོད་མེད་སོགས་ནས་བཟུང་ཟབ་མདོ་ཚར་གཅིག་དང་། བདུད་ཟློག་ཚར་གསུམ། བརྒྱུད་འདེབས་ཟུར་ནས་འབྱུང་བ་ལྟར་གྱི་རྗེས། མཆོད་གཡོག་པས། དུས་གསུམ་སངས་རྒྱས་ཐམས་ཅད་ཀྱི་ངོ་བོ་དཔལ་ལྡན་བླ་མ་དམ་པའི་དྲུང་དུ་ཐེག་པ་ཆེན་པོའི་བློ་སྦྱོང་གི་བཀའ་དྲིན་ཟབ་མོ་ཞུ་བའི་ཡོན་དུ་མཎྜལ་འབུལ་བར་ཞུ། ཞེས་བརྡའ་སྦྱར་ལ་མཎྜལ་ཚོམ་བུ་སོ་བདུན་མ། གོང་གི་མཆོད་རྫས་མ་དང་བཅས་པ་བྱ། སློབ་དཔོན་གྱིས་བསྐུལ་ཏེ། སངས་རྒྱས་ཆོས་ཚོགས་མ་ལན་གསུམ། དེ་ནས་སློབ་དཔོན་གྱིས་ཟང་ཟིང་མེད་པའི་བྱམས་པ་དང་། འཁོར་བ་ལས་བསྒྲལ་འདོད་ཀྱི་སྙིང་རྗེས་ཀུན་ནས་བསླངས་ཏེ་འདི་སྐད་ཅེས་གདམས་པར་བྱའོ། །འོ་ནམ་མཁའ་དང་མཉམ་པའི་སེམས་ཅན་ཐམས་ཅད་ཀྱི་དོན་དུ་བླ་ན་མེད་པ་ཡང་དག་པར་རྫོགས་པའི་སངས་རྒྱས་ཀྱི་གོ་འཕང་རིན་པོ་ཆེ་ཐོབ་པར་བྱ། དེའི་ཆེད་དུ་ཐེག་པ་ཆེན་པོའི་དམ་པའི་ཆོས་ཀྱི་བཀའ་ཁྲིད་ཟབ་མོ་གསན་ལ་དོན་ཚུལ་བཞིན་དུ་ཉམས་སུ་བླང་བར་བགྱིའོ་སྙམ་པ་བྱང་ཆུབ་ཀྱི་མཆོག་ཏུ་ཐུགས་བསྐྱེད་པ་དང་། ཆོས་གསན་པའི་ཀུན་ཏུ་སྤྱོད་པའང་། སྐྱེས་པ་རབས་ཀྱི་རྒྱུད་ལས། །རབ་ཏུ་དམའ་བའི་སྟན་ལ་འདུག །དུལ་བའི་དཔལ་ནི་ཉེ་བར་བསྐྱེད། །དགའ་དང་ལྡན་པའི་མིག་གིས་བལྟ། །ཚིག་གི་བདུད་རྩི་འཐུང་བ་བཞིན། །གུས་པ་བསྐྱེད་དེ་རྩེ་གཅིག་ཏུ། །རབ་ཏུ་དྭངས་ལ་དྲི་མེད་ཡིད། །ནད་པས་སྨན་པའི་ཚིག་ཉན་བཞིན། །རིམ་གྲོ་བསྐྱེད་དེ་ཆོས་ཉོན་ཅིག །ཅེས་དང་། མདོ་ལས། ལེགས་པར་རབ་ཏུ་ཉོན་ལ་ཡིད་ལ་རབ་ཏུ་ཟུངས་ཤིག་ཅེས་གསུངས་པ་རྣམས་ཀྱི་ལྡོག་ཕྱོགས་སུ་གྱུར་པ། ཆོས་ཀྱི་ཚིག་དོན་ལ་ཡིད་མི་གཏོད་པ་སྣོད་ཁ་སྦུབས་པ་ལྟ་བུའི་སྐྱོན་དང་། ཡིད་གཏོད་ཀྱང་དྲན་པ་དང་ཤེས་བཞིན་གྱིས་མི་འཛིན་པ་སྣོད་ཞབས་བརྡོལ་བ་ལྟ་བུའི་སྐྱོན་དང་། དྲན་པ་དང་ཤེས་བཞིན་གྱིས་བཟུང་ཡང་། རྣམ་བཤད་རིག་པ་ལས། ང་རྒྱལ་དང་ནི་མ་དད་དང་། །དོན་དུ་གཉེར་བ་མེད་ཉིད་དང་། །ཕྱི་རོལ་རྣམ་གཡེང་ཡིད་བསྡུས་དང་། །སྐྱོ་བས་ཉན་པ་དྲི་མ་ཡིན། །ཞེས་དྲི་མ་དྲུག་པོ་གང་ཡང་རུང་བ་དང་ལྡན་པ་སྣོད་དྲི་མ་ཅན་ལྟ་བུའི་སྐྱོན་ཏེ་སྣོད་ཀྱི་སྐྱོན་གསུམ་སྤངས་ནས། རང་ལ་ནད་པ། ཆོས་སྨྲ་བ་ལ་སྨན་པ། ཆོས་ལ་སྨན། ནན་ཏན་ཉམས་སུ་ལེན་པ་ལ་ནད་ཉེ་བར་གསོ་བ། དེ་བཞིན་གཤེགས་པ་ལ་སྐྱེས་བུ་དམ་པ། ཆོས་ཀྱི་ཚུལ་རིང་དུ་གནས་པར་བྱ་བའི་ཆེད་དུ་བརྩོན་པ་སྟེ་འདུ་ཤེས་དྲུག་དང་ལྡན་པའི་སྒོ་ནས་ལེགས་པར་གསན་འཚལ། དེ་ལ་གང་གསན་པར་བྱ་བའི་ཆོས་ནི། འོ་སྐོལ་གྱི་སྟོན་པ་བཅོམ་ལྡན་འདས་ཤཱཀྱ་ཐུབ་པ་མངོན་པར་རྫོགས་པ་སངས་རྒྱས་ནས་ཆོས་ཀྱི་འཁོར་ལོ་རིམ་པ་གསུམ་དུ་བསྐོར་བ་སོགས་ནས། མ་ཉམས་པར་བསྲུང་བ་ལ་འབད་ཅེས་སྟོན་པར་འགྱུར་རོ། །དེ་ལྟ་བུའི་ཐེག་པ་ཆེ་ཆུང་ཐམས་ཅད་ཀྱི་ཆོས་ཀྱི་ཉིང་ཁུར་གྱུར་པ་བློ་སྦྱོང་གི་ཁྲིད་ཟབ་མོ་འཆད་པར་བྱེད་པ་ལའང་། ཡིད་ཆེས་ཤིང་ཁུངས་བཙུན་པར་བསྟན་པའི་ཕྱིར་བླ་མ་བརྒྱུད་པའི་ལོ་རྒྱུས་དང་། དངོས་གཞིའི་ཉམས་མྱོང་མྱུར་དུ་རྒྱུད་ལ་སྐྱེ་བའི་ཕྱིར་བྱིན་རླབས་འཇུག་པར་བྱེད་པ་བླ་མའི་རྣལ་འབྱོར་དང་། གདམས་པ་རིན་པོ་ཆེ་དངོས་ཀྱིས་སློབ་མ་ཇི་ལྟར་དཀྲི་བའི་ཚུལ་དང་གསུམ་ལས། དང་པོ་ནི། ཐེག་པ་ཆེན་པོ་བློ་སྦྱོང་གི་གདམས་པ་ཟབ་མོ་འདི་ནི། བདག་ཅག་གི་སྟོན་པ་མཉམ་མེད་ཡང་དག་པར་རྫོགས་པའི་སངས་རྒྱས་ནས་བཟུང་སྟེ། རྒྱལ་ཚབ་བྱམས་པ་དང་། མགོན་པོ་འཇམ་དཔལ་དབྱངས་སོགས་ནས་རིམ་པར་བརྒྱུད་དེ། ལྔ་བརྒྱ་པ་རྣམས་ཀྱི་གཙུག་གི་ནོར་བུ་མཉམ་མེད་ཇོ་བོ་ཆེན་པོ་ལ་བཀའ་བབས་པའི་གདམས་པ་སྟེ། དེ་ཡང་སྤྱིར་ཇོ་བོ་ལ་སྔགས་དང་ཕ་རོལ་ཏུ་ཕྱིན་པ་གསན་པའི་བླ་མ་བདུན་ཅུ་ཡོད། ཅེས་སོགས་ནས་ཕྱིས་ཚོགས་པ་བསྡུས་ནས་མཆད་ཀ་དང་། ལྷ་སྡིངས་ལ་སོགས་པར་ཡང་མང་དུ་གསུངས། དེ་ལྟ་བུའི་དགེ་བའི་བཤེས་གཉེན་སེ་སྐྱིལ་བུ་བ་ནས་རིམ་པར་བརྒྱུད་དེ། ཕྱིས་སུ་རྗེ་བཙུན་སྤྱན་རས་གཟིགས་ཀྱི་རྣམ་འཕྲུལ་རྒྱལ་བའི་སྲས་པོ་ཐོགས་མེད་བཟང་པོ་དཔལ་སོགས་ཀྱིས་རྒྱ་ཆེར་སྤེལ་བར་མཛད་པ་ནས་བཟུང་། བདག་ཅག་གི་དཔལ་ལྡན་བླ་མ་དམ་པའི་བར་དུ་བརྒྱུད་པ་བར་མ་ཆད་པར་བྱོན་པ་ལགས། །གཉིས་པ་བྱིན་རླབས་འཇུག་པར་བྱེད་པ་བླ་མའི་རྣལ་འབྱོར་བསྒོམ་པ་ནི། བཀའ་རྒྱུད་འདི་བླ་མའི་ལམ་པ་ཡིན་ཞིང་སོགས་ནས། བྱེད་པ་ཅིག་དགོས་པ་ཡིན་གསུངས་སོ།། །། གསུམ་པ་གདམས་པ་རིན་པོ་ཆེ་དངོས་ཀྱིས་སློབ་མ་ཇི་ལྟར་དཀྲི་བའི་ཚུལ་ལ། བླ་མ་གསེར་གླིང་པའི་ལུགས་འདི་ལའང་། སོགས་ནས། ཆོས་ལ་བྱང་ཆུབ་སེམས་ལས་བཟང་བ་མེད་པས་དེ་བསྒོམ་པ་ལ་འབད་པ་ཅིག་འབྱུང་བ་ཡིན་ནོ། །ཞེས་པའི་བར་དང་། ཐུགས་ངེས་པར་བྱ་བའི་ཕྱིར་ད་དུང་ལན་གཅིག་བསྐྱར་ནས། དོ་ནུབ་ནས་བརྩམས་ཏེ་རང་རང་གི་གནས་མལ་རྣམས་སུ་བདེ་བའི་སྟན་ལ་བསམ་གཏན་གྱི་སྤྱོད་ལམ་གྱིས་འདུག །རླུང་རྔམ་བག་ཅན་རང་ཞིར་མ་གྱུར་གྱི་བར་དུ་རང་བབས་སུ་ངལ་བསོ། །རྣམ་རྟོག་ཞིག་ཐོལ་གྱིས་སྐྱེས་ན་དེའི་དབང་དུ་མི་གཏོང་བར་དམིགས་པ་ལ་འཇུག །དེ་ཡང་ཐོག་མར་ཡིད་ཆེས་ཤིང་ཁུངས་བཙུན་པར་བསྟན་པའི་ཕྱིར་བླ་མ་བརྒྱུད་པའི་ལོ་རྒྱུས་བཤད་པ་དེ་རྣམས་ལ་བཅོས་མ་མ་ཡིན་པའི་མོས་གུས་ཀྱིས་དྲངས་ཏེ། གཉིས་པ་བྱིན་རླབས་འཇུག་པར་བྱེད་པ་བླ་མའི་རྣལ་འབྱོར་བསྒོམ་པ་ནི། སོགས་ནས། འབད་པ་ཅིག་འབྱུང་བ་ཡིན་ནོ། །ཞེས་པའི་བར་ཚར་གཅིག །སླར་ཡང་ཐུགས་ངེས་པར་བྱ་བའི་ཕྱིར་ད་དུང་ལན་གཅིག་བསྐྱར་ན་སོགས་ནས། འབྱུང་བ་ཡིན་ནོ། །བར་ཚར་གཅིག་སྟེ་ལན་གསུམ་བསྐྱར་བའི་མཐར། ཐུན་དེ་ལས་ལྡང་བར་འདོད་ན། དགེ་བའི་རྩ་བ་སེམས་ཅན་ཐམས་ཅད་ཀྱི་དོན་དུ་བསྔོ་ཞིང་སྨོན་ལམ་རྣམ་པར་དག་པས་རྒྱས་གདབ་པ་དང་། ཐུན་མཚམས་རྣམས་སུའང་དངོས་གཞིའི་ཉམས་ལེན་གྱི་རྩི་དང་མ་བྲལ་བར་སྤྱོད་ལམ་དགེ་བའི་བྱ་བས་དུས་འདའ་བར་མཛད་པའི་སྒོ་ནས་དལ་འབྱོར་གྱི་རྟེན་ལ་སྙིང་པོ་ལེན་པའི་ཐབས་ལ་ཅི་ནུས་སུ་འབད་པ་དང་བཅས་ཏེ་དེ་རིང་གི་ཐུགས་དམ་དམིགས་པའི་རིམ་པ་དེ་ཙམ་ལ་མཛད་པར་ཞུ། ཞེས་བརྗོད། སྤྲོ་ན་གཏོང་རག་གི་མཎྜལ། ས་གཞི་སྤོས་བྱུགས་མ་ཚར་གཅིག་འབུལ་ཞིང་། བསོད་ནམས་འདི་ཡིས་སོགས་དང་། ཕན་བདེ་འབྱུང་བའི་གནས་གཅིག་བུ། །ཞེས་སོགས་བརྗོད་ལ་གྲོལ་ལོ།། །། ཉིན་གཉིས་པ་ལ། སློབ་དཔོན་གྱི་བྱ་བ་དང་། ཆོས་རིམ་སོགས་ཉིན་དང་པོ་ཇི་ལྟ་བ་བཞིན་ལ། འོ་ནམ་མཁའ་དང་མཉམ་པའི་སོགས་ནས། ཆོས་ལ་བྱང་ཆུབ་སེམས་ལས་བཟང་བ་མེད་པས་དེ་བསྒོམ་པ་ལ་འབད་པ་ཅིག་འབྱུང་བ་ཡིན་ནོ། །ཞེས་པའི་བར་སྔར་བཞིན་ལ། དེ་ཡན་ཆད་ཀྱིས་ཁར་སོང་གི་བཤད་པ་ཡང་བསྐྱར་གྱི་ཚུལ་དུ་ཕུལ་བ་ཡིན། ད་དེ་རིང་གི་བཤད་པ་གསར་དུ་འབུལ་བ་ལ།། །། གསུམ་པ་ལས་འབྲས་དང་འཁོར་བའི་ཉེས་དམིགས་བསམ་པ་ནི། སོགས་ནས། ལམ་རིམ་ཐམས་ཅད་འོག་མ་འདི་ཡི་སྔོན་འགྲོ་ཡིན་ནོ། །ཞེས་པའི་བར་ཚར་གཅིག་ཐུགས་ངེས་པར་བྱ་བའི་ཕྱིར་ད་དུང་ལན་གཅིག་བསྐྱར་ན། དོ་ནུབ་ནས་བརྩམས་ཏེ་རང་རང་གི་གནས་མལ་རྣམས་སུ་བདེ་བའི་སྟན་ལ་བསམ་གཏན་གྱི་སྤྱོད་ལམ་གྱིས་འདུག །རླུང་རྔམ་བག་ཅན་རང་ཞིར་མ་གྱུར་གྱི་བར་དུ་རང་བབས་སུ་ངལ་བསོ། རྣམ་རྟོག་ཞིག་ཐོལ་གྱིས་སྐྱེས་ན་དེའི་དབང་དུ་མི་བཏང་བར་དམིགས་པ་ལ་འཇུག །དེ་ཡང་སྦྱོར་བ་སྐྱབས་འགྲོ་སེམས་བསྐྱེད་བླ་མ་ལ་གསོལ་བ་འདེབས་པ་རྣམས་སྔོན་དུ་འགྲོ་བས་དངོས་གཞིའི་ཉམས་ལེན་ལ། གསུམ་པ་ལས་འབྲས་དང་སོགས་ནས། འགྲོ་བ་ཡིན་ནོ། །བར། སླར་ཡང་ཐུགས་ངེས་པའི་ཕྱིར་ད་དུང་ལན་གཅིག་བསྐྱར་ན། དོ་ནུབ་ནས་བརྩམས་ཏེ། སོགས་ནས། འགྲོ་བ་ཡིན་ནོ། །བར། ཐུན་དེ་ལས་ལྡང་བར་བརྩམས་པ་ན། དེ་ལྟར་བསྒོམ་པ་ལས་བྱུང་བའི་དགེ་བའི་རྩ་བ་སེམས་ཅན་ཐམས་ཅད་ཀྱི་དོན་དུ་བསྔོ་ཞིང་སྨོན་ལམ་རྣམ་པར་དག་པས་རྒྱས་གདབ་པ་དང་། ཐུན་མཚམས་སུའང་དངོས་གཞིའི་ཉམས་ལེན་གྱི་རྩི་དང་མ་བྲལ་བར་སྤྱོད་ལམ་དགེ་བའི་བྱ་བས་དུས་འདའ་བར་མཛད་པའི་སྒོ་ནས་དལ་འབྱོར་གྱི་རྟེན་ལ་སྙིང་པོ་ལེན་པའི་ཐབས་ལ་ཅི་ནུས་སུ་འབད་པ་དང་བཅས་ཏེ་དེ་རིང་གི་ཐུགས་དམ་དམིགས་པའི་རིམ་པ་དེ་ཙམ་ལ་མཛད་པར་ཞུ། ཞེས་དང་། མཎྜལ་དང་། དགེ་བ་བསྔོ་བ་སོགས་སྔ་མ་ལྟར་བྱའོ། །ཉིན་གསུམ་པ་ལ་འོ་ནམ་མཁའ་དང་མཉམ་པའི་སོགས་ནས། ལེགས་པར་གསན་འཚལ། ཞེས་པའི་བར་ཉིན་དང་པོ་བཞིན་ལ། དེ་ལ་གང་གསན་པར་བྱ་བའི་ཆོས་ནི། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་གོ་འཕང་ཐོབ་པར་འདོད་པའི་གང་ཟག་རྣམས་ཀྱིས་བྱང་ཆུབ་ཏུ་སེམས་བསྐྱེད་ནས། ཀུན་རྫོབ་དང་། དོན་དམ་པའི་བདག་ཉིད་ཅན་གྱི་བྱང་ཆུབ་ཀྱི་སེམས་བསྒོམ་པ་ལ་འབད་པར་བྱ་དགོས་ཏེ། འཕགས་པ་ཀླུ་སྒྲུབ་ཀྱིས། བདག་ཉིད་དང་ནི་འཇིག་རྟེན་འདིས། །བླ་མེད་བྱང་ཆུབ་ཐོབ་འདོད་ན། །དེ་ཡི་རྩ་བ་བྱུང་ཆུབ་སེམས། །རི་དབང་རྒྱལ་པོ་ལྟར་བརྟན་དང་། །ཕྱོགས་མཐའ་གཏུགས་པའི་སྙིང་རྗེ་དང་། །གཉིས་ལ་མི་བརྟེན་ཡེ་ཤེས་ལགས། །ཞེས་གསུངས་ཤིང་། དེ་བསྒོམ་པའི་མན་ངག་ལའང་། བཀའ་སྲོལ་མི་འདྲ་བ་དུ་མ་ཞིག་ཡོད་པ་ལ། འདིར་སྐབས་སུ་བབས་པ་ནི། ལྔ་བརྒྱ་པ་རྣམས་ཀྱི་གཙུག་གི་ནོར་བུ་མཉམ་མེད་ཇོ་བོ་ཆེན་པོས་བླ་མ་དྷརྨཱ་རཀྵི་ཏ་དང་། བླ་མ་བྱམས་པའི་རྣལ་འབྱོར་པ་དང་། མཉམ་མེད་གསེར་གླིང་པ་ཆེན་པོ་གསུམ་ལ་གསན་ནས་ཐུགས་ཉམས་སུ་བཞེས་ཏེ་འགྲོ་བ་དཔག་ཏུ་མེད་པའི་དོན་མཛད་པ་ལས། འདི་ནི་བླ་མ་གསེར་གླིང་པའི་ལུགས་ཡིན་ཞིང་། དེ་ལའང་ཁྲིད་ཚུལ་མི་འདྲ་བ་མང་དུ་ཡོད་ཀྱང་། དགེ་བའི་བཤེས་གཉེན་མཆད་ཁ་བའི་ལུགས་ཀྱིས་དོན་བདུན་གྱི་སྒོ་ནས་སློབ་མ་དཀྲི་བར་མཛད་པའི་ཕྱིར་ཐེག་པ་ཆེན་པོའི་བློ་སྦྱོང་གི་གདམས་པ་དོན་བདུན་མ་ཞེས་ཉི་ཟླ་ལྟར་ཡོངས་སུ་གྲགས་པའི་གདམས་པ་ཟབ་མོ་འདི་ཉིད་འཆད་པར་བྱེད་པ་ལ། ཡིད་ཆེས་ཤིང་ཁུངས་བཙུན་པར་བསྟན་པའི་ཕྱིར་བླ་མ་བརྒྱུད་པའི་ལོ་རྒྱུས་དང་། དངོས་གཞིའི་ཉམས་མྱོང་མྱུར་དུ་རྒྱུད་ལ་སྐྱེ་བའི་ཕྱིར་བྱིན་རླབས་འཇུག་པར་བྱེད་པ་བླ་མའི་རྣལ་འབྱོར་དང་། གདམས་པ་རིན་པོ་ཆེ་དངོས་ཀྱིས་སློབ་མ་ཇི་ལྟར་དཀྲི་བའི་ཚུལ་དང་གསུམ། ཕྱི་མ་ལའང་སྔོན་འགྲོ་རྟེན་གྱི་ཆོས་བསྟན་པ། དངོས་གཞི་བྱང་ཆུབ་ཀྱི་སེམས་གཉིས་སྦྱང་བ། རྐྱེན་ངན་བྱང་ཆུབ་ཀྱི་ལམ་དུ་བསྒྱུར་བ། ཚེ་གཅིག་གི་ཉམས་ལེན་དྲིལ་ནས་བསྟན་པ། བློ་འབྱོངས་པའི་ཚད། བློ་སྦྱོང་གི་དམ་ཚིག །བློ་སྦྱོང་གི་བསླབ་བྱ་དང་བདུན་གྱི། དང་པོ་ལའང་། དལ་འབྱོར་རྙེད་པར་དཀའ་བ་དང་། འཆི་བ་མི་རྟག་པ་དང་། ལས་རྒྱུ་འབྲས་བསྒོམ་པ་གསུམ་ལས། འཆི་བ་མི་རྟག་པ་བསྒོམ་པ་ཡན་ཆད་ལེགས་པར་ཕུལ་ཟིན་ནས། གསུམ་པ་ལས་འབྲས་དང་འཁོར་བའི་ཉེས་དམིགས་བསམ་པ་ནི། སོགས་ནས། ལམ་རིམ་ཐམས་ཅད་འོག་མ་འདི་ཡི་སྔོན་འགྲོ་ཡིན་ནོ། །ཞེས་པའི་བར་ཁར་སོང་བཞིན་བསྐྱར་ལ། དེ་ཡན་ཆད་ཁར་སོང་གི་བཤད་པ་ལ་ཡང་བསྐྱར་གྱི་ཚུལ་དུ་ཕུལ་ནས། ད་དེ་རིང་གི་བཤད་པ་གསར་དུ་འབུལ་བ་ནི། །གཉིས་པ་དངོས་གཞི་བྱང་ཆུབ་ཀྱི་སེམས་སྦྱང་པ་ལ། ཆོས་རྗེ་པའི་ཞལ་ནས། ཀུན་རྫོབ་དང་དོན་དམ་པའི་བྱང་ཆུབ་ཀྱི་སེམས་རྣམ་པ་གཉིས། ཞེས་སོགས་ནས་དེ་དག་གིས་ནི་སྔོན་འགྲོ་བྱམས་སྙིང་རྗེ་བསྒོམ་པ་བསྟན་ཏོ། །ཞེས་པའི་བར། ཐུགས་ངེས་པར་བྱ་བའི་ཕྱིར་ད་དུང་ལན་གཅིག་བསྐྱར་ན། དོ་ནུབ་ནས་བརྩམས་ཏེ། སོགས་ནས། གསོལ་བ་འདེབས་པ་རྣམས་སྔོན་དུ་འགྲོ་བས། ཞེས་པའི་བར་ཉིན་གཉིས་པ་བཞིན་ལ། གཉིས་པ་དངོས་གཞི་བྱང་ཆུབ་ཀྱི་སེམས་སྦྱོང་བ་ལ། ཞེས་པའི་ནས། སྙིང་རྗེ་བསྒོམ་པ་བསྟན་ཏོ། །ཞེས་པའི་བར། སླར་ཡང་ཐུགས་ངེས་པར་བྱ་བའི་ཕྱིར་ད་དུང་ལན་གཅིག་བསྐྱར་ན། དོ་ནུབ་ནས་སོགས་སྔར་ལྟར་བསྐྱར། མཐར་ཐུན་དེ་ལས་ལྡང་བར་བརྩམས་པ་ན། ཞེས་པ་ནས། དེ་ཙམ་ལ་མཛད་པར་ཞུ། ཞེས་པའི་བར་དང་དགེ་བསྔོ་སོགས་ཉིན་གཉིས་པའི་སྐབས་ལྟར་རོ།། །།

ཉིན་བཞི་པ་ལ། འོ་ནམ་མཁའ་སོགས་ནས། བློ་སྦྱོང་གི་བསླབ་བྱ་དང་བདུན་གྱི། ཞེས་པའི་བར་ཉིན་གསུམ་པ་བཞིན་ལ། དེ་ནས། དང་པོ་སྔོན་འགྲོ་རྟེན་གྱི་ཆོས་བསྟན་པ་ཡན་ཆད་ཀྱི་བཤད་པ་ལེགས་པར་ཕུལ་ཟིན་ནས། གཉིས་པ་དངོས་གཞི་བྱང་ཆུབ་ཀྱི་སེམས་སྦྱོང་བ་ལ། ཆོས་རྗེ་པའི་ཞལ་ནས། ཞེས་པ་ནས། སྙིང་རྗེ་བསྒོམ་པ་བསྟན་ཏོ། །ཞེས་པའི་བར་ཁར་སོང་བཞིན་བསྐྱར་ལ། དེ་ཡན་ཆད་ཀྱིས་ཁར་སོང་གི་བཤད་པ་ཡང་བསྐྱར་ཚུལ་དུ་ཕུལ་ནས། །ད་དེ་རིང་གི་བཤད་པ་གསར་དུ་འབུལ་བ་ལ། གཉིས་པ་ཀུན་རྫོབ་བྱང་ཆུབ་ཀྱི་སེམས་བདག་གཞན་བརྗེ་བ་བསྒོམ་པ་ནི། སློབ་དཔོན་ཞི་བ་ལྷས། སོགས་ནས། ལེགས་པར་ཡིན་གསུངས། ཞེས་པའི་བར་དང་། ཐུགས་ངེས་པར་བྱ་བའི་ཕྱིར། ད་དུང་ལན་གཅིག་བསྐྱར་ན། དོ་ནུབ་ནས་སོགས་ནས། སྔོན་དུ་འགྲོ་བས། ཞེས་པའི་བར་ཉིན་གཉིས་པ་བཞིན་ལ་གཉིས་པ་ཀུན་རྫོབ་བྱང་ཆུབ་ཀྱི་སེམས་བདག་གཞན་བརྗེ་བ་སོགས་ནས། ལེགས་པ་ཡིན་གསུངས་པར། སླར་ཡང་ཐུགས་ངེས་པར་བྱ་བའི་ཕྱིར་དང་། ད་དུང་ལན་གཅིག་བསྐྱར་ན། དོ་ནུབ་ནས། སོགས་སྔར་ལྟར་བསྐྱར་མཐར། ཐུན་དེ་ལས་ལྡང་བར་བརྩམས་པ་ན། སོགས་ཉིན་གཉིས་པའི་སྐབས་ལྟར་རོ། །ཉིན་ལྔ་པ་ལ། འོ་ནམ་མཁའ་སོགས་ནས། བློ་སྦྱོང་གི་བསླབ་བྱ་བདུན་གྱི་ཞེས་པའི་བར་ཉིན་གཉིས་པ་བཞིན་ལ། གཉིས་པ་དངོས་གཞི་བྱང་ཆུབ་ཀྱི་སེམས་སྦྱོང་བ་ལའང་། དོན་དམ་བྱང་ཆུབ་ཀྱི་སེམས་སྦྱོང་བ་དང་། །ཀུན་རྫོབ་བྱང་ཆུབ་ཀྱི་སེམས་སྦྱོང་བ་གཉིས། ཕྱི་མ་ལའང་སྔོན་འགྲོ་བྱམས་སྙིང་རྗེ་བསྒོམ་པ་དང་། དངོས་གཞི་བདག་གཞན་བརྗེ་བ་བསྒོམ་པ་གཉིས་ལས། སྔོན་འགྲོ་བྱམས་སྙིང་རྗེ་བསྒོམ་པ་ཡན་ཆད་ཀྱི་བཤད་པ་རྣམས་ལེགས་པར་ཕུལ་ཟིན་ནས། གཉིས་པ་ཀུན་རྫོབ་བྱང་ཆུབ་སེམས་ཀྱི་སེམས་བདག་གཞན་བརྗེ་བ། སོགས་ནས། ལེགས་པ་ཡིན་གསུངས། ཞེས་པའི་བར་ཁར་སོང་བཞིན་བསྐྱར་ལ། དེ་ཡན་ཆད་ཀྱིས་ཁར་སོང་གི་བཤད་པ་ཡང་བསྐྱར་གྱིས་ཚུལ་དུ་ཕུལ་ནས། ད་དེ་རིང་གི་བཤད་པ་གསར་དུ་འབུལ་བ་ལ། གསུམ་པ་རྐྱེན་ངན་བྱང་ཆུབ་ཀྱི་ལམ་དུ་བསྒྱུར་བ་ནི། སོགས་ནས། ཞེས་གླང་རི་ཐང་པ་གསུང་ངོ་། །བར། ཐུགས་ངེས་པར་བྱ་བའི་སོགས་ནས། སྔོན་དུ་འགྲོ་བས། ཞེས་པའི་བར་ཉིན་གཉིས་པ་བཞིན་ལ། གསུམ་པ་རྐྱེན་ངན་བྱང་ཆུབ་ཀྱི་ལམ་དུ་བསྒྱུར་བ་ནི། སོགས་ནས། གླང་རི་ཐང་པ་གསུང་ངོ་། བར། སླར་ཡང་ཐུགས་ངེས་པར་བྱ་བའི་ཕྱིར། སོགས་སྔར་ལྟར་བསྐྱལ། ཐུན་དེ་ལས་ལྡང་བར་བརྩམས་པ་ན། སོགས་ཉིན་ཞག་གཉིས་པ་ལྟར་རོ། །ཉིན་དྲུག་པ་ལ། འོ་ནམ་མཁའ། སོགས་ནས། བློ་སྦྱོང་གི་བསླབ་བྱ་དང་བདུན་གྱི། གཉིས་པ་དངོས་གཞི་བྱང་ཆུབ་ཀྱི་སེམས་སྦྱོང་བ་ཡན་ཆད་བཤད་པ་རྣམས་ལེགས་པར་ཕུལ་ཟིན་ནས། །གསུམ་པ་རྐྱེན་ངན་བྱང་ཆུབ་ཀྱི་ལམ་དུ་བསྒྱུར་བ་ནི། སོགས་ནས། གླང་རི་ཐང་པ་གསུང་ངོ་། བར་ཁར་སོང་བཞིན་བསྐྱར་ལ། དེ་ཡན་ཆད་ཁར་སོང་གི་བཤད་པའི་རིམ་པ་ཡང་བསྐྱར་གྱི་ཚུལ་དུ་ཕུལ་ནས། ད་དེ་རིང་གི་བཤད་པ་གསར་དུ་འབུལ་བ་ལ། བཞི་པ་ཚེ་གཅིག་གི་ཉམས་ལེན་དྲིལ་ནས་བསྟན་པ་ནི། སོགས་ནས། བསམ་པ་བཟང་ཟེར་བ་ཡིན་པས་དེ་ལྟར་བྱ་གསུངས། བར། ཐུགས་ངེས་པར། སོགས་ནས། སྔོན་དུ་འགྲོ་བས། ཞེས་པའི་བར་ཉིན་གཉིས་པ་ལྟར་ལ། བཞི་པ་ཚེ་གཅིག །སོགས་ནས། དེ་ལྟར་བྱ་གསུངས། བར། སླར་ཡང་ཐུགས་ངེས་པར། སོགས་སྔར་ལྟར་བསྐྱར། ཐུན་དེ་ལས་ལྡང་བར་བརྩམས་པ་ན། སོགས་ཉིན་གཉིས་པ་ལྟར་རོ། །ཉིན་བདུན་པ་ལ། འོ་ནམ་མཁའ་སོགས་ནས། བློ་སྦྱོང་གི་བསླབ་བྱ་དང་བདུན་གྱི་རྐྱེན་ངན་བྱང་ཆུབ་ཀྱི་ལམ་དུ་བསྒྱུར་བ་ཡན་ཆད་ཀྱི་བཤད་པ་རྣམས་ལེགས་པར་ཕུལ་ཟིན་ནས། བཞི་པ་ཚེ་གཅིག་གི་ཉམས་ལེན་དྲིལ་ནས་བསྟན་པ་ནི། སོགས་ནས། དེ་ལྟར་བྱ་གསུངས། ཞེས་པའི་བར་ཁར་སོང་བཞིན་བསྐྱར་ལ། དེ་ཡན་ཆད་ཀྱིས་ཁར་སོང་གི་བཤད་པ་ཡང་བསྐྱར་གྱི་ཚུལ་དུ་ཕུལ་ནས། ད་དེ་རིང་གི་བཤད་པ་གསར་དུ་འབུལ་བ་ལ། བདུན་པ་བློ་སྦྱོང་གི་བསླབ་བྱ་བསྟན་པ་ནི། སོགས་ནས། འགྲོ་བར་བྱའོ་ཞེས་པའི་བར། ཐུགས་ངེས་པར་བྱ་བའི་ཕྱིར། སོགས་ནས། སྔོན་དུ་འགྲོ་བས། ཞེས་པའི་བར་ཉིན་གཉིས་པ་བཞིན་ལ། བདུན་པ་བློ་སྦྱོང་གི་བསླབ་བྱ་བསྟན་པ་ནི། སོགས་ནས། འགྲོ་བར་བྱའོ་བར། སླར་ཡང་ཐུགས་ངེས་པར། སོགས་ལན་གཅིག་དང་། ད་དུང་ཡང་ཐུགས་ངེས་པར་བྱ་བའི་ཕྱིར་ལན་གཅིག་བསྐྱར་ན། ཞེས་སོགས་སྔར་ལྟར་བསྐྱར་བ་སྟེ་བཞི་བཤད་བྱས་པའི་མཐར། ཐུན་དེ་ལས་ལྡང་བར་བརྩམས་པ་ན། དེ་ལྟར་བསྒོམ་པ་ལས་བྱུང་བའི་དགེ་བའི་རྩ་བ་སེམས་ཅན་ཐམས་ཅད་ཀྱི་དོན་དུ་བྱང་ཆུབ་ཀྱི་རྒྱུར་བསྔོ་ཞིང་སྨོན་ལམ་རྣམ་པར་དག་པས་རྒྱས་གདབ་པ་དང་། ཐུན་མཚམས་རྣམས་སུའང་དངོས་གཞིའི་ཉམས་ལེན་གྱི་རྩི་དང་མ་བྲལ་བར་སྤྱོད་ལམ་དགེ་བའི་བྱ་བས་དུས་འདའ་བར་མཛད་ནས་དལ་འབྱོར་གྱི་རྟེན་ལ་སྙིང་པོ་ལེན་པའི་ཐབས་ལ་ཅི་ནུས་སུ་འབད་པར་བྱའོ། །དེ་ལྟར་ཉམས་སུ་བླངས་པའི་ཡོན་ཏན་བསྟན་པ་ནི། སྙིགས་མ་ལྔ་པོ་བདོ་བ་འདི། སོགས་ནས། གདེང་ཐོབ་པའི་གསུང་ཡིན་ནོ། །ཞེས་པའི་བར་ཚར་གཅིག་དང་། དེ་དག་གི་སྒོ་ནས་ཐེག་པ་ཆེན་པོའི་བློ་སྦྱོང་དོན་བདུན་མའི་ཁྲིད་ཀྱི་རིམ་པ་ཟབ་མོ་ལེགས་པར་ཕུལ་གྲུབ་པའི་བཀའ་དྲིན་གཏོང་རག་གི་ཡོན་དུ་དམིགས་ཏེ་མཎྜལ་ཞིག་མཛད་པར་ཞུ། ཞེས་བརྗོད་ལ་མཎྜལ་རྒྱས་པར་ཕུལ། དེ་ལྟར་ན་བདག་ཅག་གི་སྟོན་པ་ཐུབ་པའི་དབང་པོ་དེ་ཉིད་ཀྱིས་རྒྱལ་ཚབ་བྱམས་པ་མགོན་པོ་ལ་གནང་བ་ནས་བཟུང་རིམ་པར་བརྒྱུད་ཅིང་ལྔ་བརྒྱ་པ་རྣམས་ཀྱི་གཙུག་གི་ནོར་བུ་མཉམ་མེད་ཇོ་བོ་ཆེན་པོ་ཡབ་སྲས་ཀྱིས་དར་རྒྱས་སུ་མཛད་པའི་ཐེག་པ་ཆེན་པོའི་ཉམས་ལེན་ཐམས་ཅད་ཀྱི་ཉིང་ཁུར་གྱུར་པ་བློ་སྦྱོང་གི་གདམས་པ་ཟབ་མོ་འདི་ལྟ་བུ་ལ་བརྟེན་ནས་རང་ཉིད་ཀྱིས་དལ་འབྱོར་ཐོབ་པ་དོན་དང་ལྡན་པ་དང་། གདུལ་བྱ་གཞན་དག་ཀྱང་ཡང་དག་པའི་ལམ་ལ་འགོད་པ་ལ་སོགས་པའི་སྒོ་ནས་རྒྱལ་བའི་བསྟན་པ་རིན་པོ་ཆེ་ཕྱོགས་དུས་གནས་སྐབས་ཀུན་ཏུ་དར་ཞིང་རྒྱས་ལ་ཡུན་རིང་དུ་གནས་པའི་ཐབས་ལ་ཅིས་ཀྱང་ཐུགས་རྗེས་གཟིགས་པར་ཞུ། །བསོད་ནམས་འདི་ཡིས་སོགས་དང་། ཕན་བདེ་འབྱུང་བའི་སོགས་བརྗོད་ལ་གྲོལ་ལོ། །སྨྲས་པ། ཐེག་མཆོག་གཏམ་གྱི་སྤྲིན་དཀར་ལས་འོངས་པའི། །ལེགས་བཤད་དབྱར་རྔའི་རོལ་མོ་འཁྲོལ་བའི་མོད། །སྐལ་བཟང་རྨ་བྱ་གཞོན་ནུའི་ཚོགས་རྣམས་ཀྱང་། །ཀུནྡའི་ཟློས་གར་བསྒྱུར་ལ་གཅིག་ཏུ་བྲེལ། །དེ་ལས་བྱུང་བའི་རྣམ་དཀར་བདུད་རྩི་ཡིས། །འགྲོ་ཀུན་ངེས་འབྱུང་ཆུ་ཡིས་སྙིང་བརླན་པའི། །བྱང་ཆུབ་སེམས་གཉིས་པདྨོ་རྒྱས་པ་ལས། །ཕན་བདེའི་འབྲས་བུ་གཡུར་དུ་ཟ་བར་ཤོག །ཅེས་པའང་དུས་གསུམ་སངས་རྒྱས་ཐམས་ཅད་ཀྱི་ངོ་བོ་མཁན་ཆེན་རྡོ་རྗེ་འཆང་ཆེན་པོའི་བཀའི་གནང་བ་ཐོབ་ནས། རྗེ་བླ་མ་བཅུ་ཕྲག་རིག་པའི་མ་ཧཱ་པཎྜི་ཏ་དཀོན་མཆོག་བསྟན་པ་རབ་རྒྱས་དཔལ་བཟང་པོའི་གསུང་ཇི་ལྟ་བ་བཞིན། སྐལ་བཟང་མཁྱེན་བརྩེའི་མིང་ཅན་གྱིས་ཟིན་བྲིས་སུ་བགྱིས་པ་ཛ་ཡནྟུ། མངྒ་ལཾ།། །། ༈

[edit]

blo sbyong legs bshad kun btus kyi 'chad thabs ut+pal gsar pa'i do shal/__ @#/__/blo sbyong legs bshad kun 'dus kyi 'chad thabs ut+pal gsar pa'i do shal ces bya ba bzhugs so//__// na mo gu ra be/__byams pa'i thugs ni snying rje'i dbang sogs byang chub sems kyi ngal 'tsho'i dpyid/__kun dga'i spyod pas lhar bcas yid 'phrog phan bde'i yon tan bye ba'i gter/__/bstan 'dzin rgya mtsho'i gtsug na mngon mdzes grags pa'i springs yig g.yo ba'i 'od/__/sa gsum 'phro ba'i gdung sel gcig gyur dpal ldan bla mar gus btud nas/__/theg pa chen po'i blo sbyong ni/__/don tshan bdun gyis bstan pa'i gzhung /__/'chad thabs dpyid kyi dpal mo yi/__/yi ge'i ut+pal do shal dgod/__/de yang theg pa chen po'i blo sbyong gi gdams pa don bdun ma'i khrid yig sems dpa' chen po gzhon nu rgyal mchog gam dkon mchog 'bangs kyis mdzad pa'i legs bshad kun 'dus su grags pa'i 'chad thabs cung zad spro na/__nyin dang por rten gsum gyi drung du mchod pa gtsang zhing bkod pas mdzes par bshams/__slob dpon stan bde ba la 'khod de/__skyabs 'gro sems bskyed dang /__gnas dang mchod pa byin rlabs sngon du 'gro bas/__spyan 'dren/__khrus gsol/__gdan 'bul/__bzang spyod nas byung ba'i yan lag bdun pa dang /__byang chub ltung bshags tshar res tshogs bsags nas/__byang chub snying po mchis kyi bar/__zhes sogs lan gsum gyis byang sdom blangs mthar de ring slob ma la 'bogs rgyu'i dmigs pa rnams thun du bcad nas bsgom pa'i mthar/__dge ba bsngo zhing smon lam gdab/__de nas slob ma rnams bos la/__slob dpon gyis bskul te/__smra bsam brjod med sogs nas bzung zab mdo tshar gcig dang /__bdud zlog tshar gsum/__brgyud 'debs zur nas 'byung ba ltar gyi rjes/__mchod g.yog pas/__dus gsum sangs rgyas thams cad kyi ngo bo dpal ldan bla ma dam pa'i drung du theg pa chen po'i blo sbyong gi bka' drin zab mo zhu ba'i yon du maN+Dal 'bul bar zhu/__zhes brda' sbyar la maN+Dal tshom bu so bdun ma/__gong gi mchod rdzas ma dang bcas pa bya/__slob dpon gyis bskul te/__sangs rgyas chos tshogs ma lan gsum/__de nas slob dpon gyis zang zing med pa'i byams pa dang /__'khor ba las bsgral 'dod kyi snying rjes kun nas bslangs te 'di skad ces gdams par bya'o/__/'o nam mkha' dang mnyam pa'i sems can thams cad kyi don du bla na med pa yang dag par rdzogs pa'i sangs rgyas kyi go 'phang rin po che thob par bya/__de'i ched du theg pa chen po'i dam pa'i chos kyi bka' khrid zab mo gsan la don tshul bzhin du nyams su blang bar bgyi'o snyam pa byang chub kyi mchog tu thugs bskyed pa dang /__chos gsan pa'i kun tu spyod pa'ang /__skyes pa rabs kyi rgyud las/__/rab tu dma' ba'i stan la 'dug__/dul ba'i dpal ni nye bar bskyed/__/dga' dang ldan pa'i mig gis blta/__/tshig gi bdud rtsi 'thung ba bzhin/__/gus pa bskyed de rtse gcig tu/__/rab tu dwangs la dri med yid/__/nad pas sman pa'i tshig nyan bzhin/__/rim gro bskyed de chos nyon cig__/ces dang /__mdo las/__legs par rab tu nyon la yid la rab tu zungs shig ces gsungs pa rnams kyi ldog phyogs su gyur pa/__chos kyi tshig don la yid mi gtod pa snod kha sbubs pa lta bu'i skyon dang /__yid gtod kyang dran pa dang shes bzhin gyis mi 'dzin pa snod zhabs brdol ba lta bu'i skyon dang /__dran pa dang shes bzhin gyis bzung yang /__rnam bshad rig pa las/__nga rgyal dang ni ma dad dang /__/don du gnyer ba med nyid dang /__/phyi rol rnam g.yeng yid bsdus dang /__/skyo bas nyan pa dri ma yin/__/zhes dri ma drug po gang yang rung ba dang ldan pa snod dri ma can lta bu'i skyon te snod kyi skyon gsum spangs nas/__rang la nad pa/__chos smra ba la sman pa/__chos la sman/__nan tan nyams su len pa la nad nye bar gso ba/__de bzhin gshegs pa la skyes bu dam pa/__chos kyi tshul ring du gnas par bya ba'i ched du brtson pa ste 'du shes drug dang ldan pa'i sgo nas legs par gsan 'tshal/__de la gang gsan par bya ba'i chos ni/__'o skol gyi ston pa bcom ldan 'das shAkya thub pa mngon par rdzogs pa sangs rgyas nas chos kyi 'khor lo rim pa gsum du bskor ba sogs nas/__ma nyams par bsrung ba la 'bad ces ston par 'gyur ro/__/de lta bu'i theg pa che chung thams cad kyi chos kyi nying khur gyur pa blo sbyong gi khrid zab mo 'chad par byed pa la'ang /__yid ches shing khungs btsun par bstan pa'i phyir bla ma brgyud pa'i lo rgyus dang /__dngos gzhi'i nyams myong myur du rgyud la skye ba'i phyir byin rlabs 'jug par byed pa bla ma'i rnal 'byor dang /__gdams pa rin po che dngos kyis slob ma ji ltar dkri ba'i tshul dang gsum las/__dang po ni/__theg pa chen po blo sbyong gi gdams pa zab mo 'di ni/__bdag cag gi ston pa mnyam med yang dag par rdzogs pa'i sangs rgyas nas bzung ste/__rgyal tshab byams pa dang /__mgon po 'jam dpal dbyangs sogs nas rim par brgyud de/__lnga brgya pa rnams kyi gtsug gi nor bu mnyam med jo bo chen po la bka' babs pa'i gdams pa ste/__de yang spyir jo bo la sngags dang pha rol tu phyin pa gsan pa'i bla ma bdun cu yod/__ces sogs nas phyis tshogs pa bsdus nas mchad ka dang /__lha sdings la sogs par yang mang du gsungs/__de lta bu'i dge ba'i bshes gnyen se skyil bu ba nas rim par brgyud de/__phyis su rje btsun spyan ras gzigs kyi rnam 'phrul rgyal ba'i sras po thogs med bzang po dpal sogs kyis rgya cher spel bar mdzad pa nas bzung /__bdag cag gi dpal ldan bla ma dam pa'i bar du brgyud pa bar ma chad par byon pa lags/__/gnyis pa byin rlabs 'jug par byed pa bla ma'i rnal 'byor bsgom pa ni/__bka' rgyud 'di bla ma'i lam pa yin zhing sogs nas/__byed pa cig dgos pa yin gsungs so//__// gsum pa gdams pa rin po che dngos kyis slob ma ji ltar dkri ba'i tshul la/__bla ma gser gling pa'i lugs 'di la'ang /__sogs nas/__chos la byang chub sems las bzang ba med pas de bsgom pa la 'bad pa cig 'byung ba yin no/__/zhes pa'i bar dang /__thugs nges par bya ba'i phyir da dung lan gcig bskyar nas/__do nub nas brtsams te rang rang gi gnas mal rnams su bde ba'i stan la bsam gtan gyi spyod lam gyis 'dug__/rlung rngam bag can rang zhir ma gyur gyi bar du rang babs su ngal bso/__/rnam rtog zhig thol gyis skyes na de'i dbang du mi gtong bar dmigs pa la 'jug__/de yang thog mar yid ches shing khungs btsun par bstan pa'i phyir bla ma brgyud pa'i lo rgyus bshad pa de rnams la bcos ma ma yin pa'i mos gus kyis drangs te/__gnyis pa byin rlabs 'jug par byed pa bla ma'i rnal 'byor bsgom pa ni/__sogs nas/__'bad pa cig 'byung ba yin no/__/zhes pa'i bar tshar gcig__/slar yang thugs nges par bya ba'i phyir da dung lan gcig bskyar na sogs nas/__'byung ba yin no/__/bar tshar gcig ste lan gsum bskyar ba'i mthar/__thun de las ldang bar 'dod na/__dge ba'i rtsa ba sems can thams cad kyi don du bsngo zhing smon lam rnam par dag pas rgyas gdab pa dang /__thun mtshams rnams su'ang dngos gzhi'i nyams len gyi rtsi dang ma bral bar spyod lam dge ba'i bya bas dus 'da' bar mdzad pa'i sgo nas dal 'byor gyi rten la snying po len pa'i thabs la ci nus su 'bad pa dang bcas te de ring gi thugs dam dmigs pa'i rim pa de tsam la mdzad par zhu/__zhes brjod/__spro na gtong rag gi maN+Dal/__sa gzhi spos byugs ma tshar gcig 'bul zhing /__bsod nams 'di yis sogs dang /__phan bde 'byung ba'i gnas gcig bu/__/zhes sogs brjod la grol lo//__// nyin gnyis pa la/__slob dpon gyi bya ba dang /__chos rim sogs nyin dang po ji lta ba bzhin la/__'o nam mkha' dang mnyam pa'i sogs nas/__chos la byang chub sems las bzang ba med pas de bsgom pa la 'bad pa cig 'byung ba yin no/__/zhes pa'i bar sngar bzhin la/__de yan chad kyis khar song gi bshad pa yang bskyar gyi tshul du phul ba yin/__da de ring gi bshad pa gsar du 'bul ba la//__// gsum pa las 'bras dang 'khor ba'i nyes dmigs bsam pa ni/__sogs nas/__lam rim thams cad 'og ma 'di yi sngon 'gro yin no/__/zhes pa'i bar tshar gcig thugs nges par bya ba'i phyir da dung lan gcig bskyar na/__do nub nas brtsams te rang rang gi gnas mal rnams su bde ba'i stan la bsam gtan gyi spyod lam gyis 'dug__/rlung rngam bag can rang zhir ma gyur gyi bar du rang babs su ngal bso/__rnam rtog zhig thol gyis skyes na de'i dbang du mi btang bar dmigs pa la 'jug__/de yang sbyor ba skyabs 'gro sems bskyed bla ma la gsol ba 'debs pa rnams sngon du 'gro bas dngos gzhi'i nyams len la/__gsum pa las 'bras dang sogs nas/__'gro ba yin no/__/bar/__slar yang thugs nges pa'i phyir da dung lan gcig bskyar na/__do nub nas brtsams te/__sogs nas/__'gro ba yin no/__/bar/__thun de las ldang bar brtsams pa na/__de ltar bsgom pa las byung ba'i dge ba'i rtsa ba sems can thams cad kyi don du bsngo zhing smon lam rnam par dag pas rgyas gdab pa dang /__thun mtshams su'ang dngos gzhi'i nyams len gyi rtsi dang ma bral bar spyod lam dge ba'i bya bas dus 'da' bar mdzad pa'i sgo nas dal 'byor gyi rten la snying po len pa'i thabs la ci nus su 'bad pa dang bcas te de ring gi thugs dam dmigs pa'i rim pa de tsam la mdzad par zhu/__zhes dang /__maN+Dal dang /__dge ba bsngo ba sogs snga ma ltar bya'o/__/nyin gsum pa la 'o nam mkha' dang mnyam pa'i sogs nas/__legs par gsan 'tshal/__zhes pa'i bar nyin dang po bzhin la/__de la gang gsan par bya ba'i chos ni/__/bla na med pa yang dag par rdzogs pa'i byang chub kyi go 'phang thob par 'dod pa'i gang zag rnams kyis byang chub tu sems bskyed nas/__kun rdzob dang /__don dam pa'i bdag nyid can gyi byang chub kyi sems bsgom pa la 'bad par bya dgos te/__'phags pa klu sgrub kyis/__bdag nyid dang ni 'jig rten 'dis/__/bla med byang chub thob 'dod na/__/de yi rtsa ba byung chub sems/____/ri dbang rgyal po ltar brtan dang /__/phyogs mtha' gtugs pa'i snying rje dang /__/gnyis la mi brten ye shes lags/__/zhes gsungs shing /__de bsgom pa'i man ngag la'ang /__bka' srol mi 'dra ba du ma zhig yod pa la/__'dir skabs su babs pa ni/__lnga brgya pa rnams kyi gtsug gi nor bu mnyam med jo bo chen pos bla ma d+harmA rak+Shi ta dang /__bla ma byams pa'i rnal 'byor pa dang /__mnyam med gser gling pa chen po gsum la gsan nas thugs nyams su bzhes te 'gro ba dpag tu med pa'i don mdzad pa las/__'di ni bla ma gser gling pa'i lugs yin zhing /__de la'ang khrid tshul mi 'dra ba mang du yod kyang /__dge ba'i bshes gnyen mchad kha ba'i lugs kyis don bdun gyi sgo nas slob ma dkri bar mdzad pa'i phyir theg pa chen po'i blo sbyong gi gdams pa don bdun ma zhes nyi zla ltar yongs su grags pa'i gdams pa zab mo 'di nyid 'chad par byed pa la/__yid ches shing khungs btsun par bstan pa'i phyir bla ma brgyud pa'i lo rgyus dang /__dngos gzhi'i nyams myong myur du rgyud la skye ba'i phyir byin rlabs 'jug par byed pa bla ma'i rnal 'byor dang /__gdams pa rin po che dngos kyis slob ma ji ltar dkri ba'i tshul dang gsum/__phyi ma la'ang sngon 'gro rten gyi chos bstan pa/__dngos gzhi byang chub kyi sems gnyis sbyang ba/__rkyen ngan byang chub kyi lam du bsgyur ba/__tshe gcig gi nyams len dril nas bstan pa/__blo 'byongs pa'i tshad/__blo sbyong gi dam tshig__/blo sbyong gi bslab bya dang bdun gyi/__dang po la'ang /__dal 'byor rnyed par dka' ba dang /__'chi ba mi rtag pa dang /__las rgyu 'bras bsgom pa gsum las/__'chi ba mi rtag pa bsgom pa yan chad legs par phul zin nas/__gsum pa las 'bras dang 'khor ba'i nyes dmigs bsam pa ni/__sogs nas/__lam rim thams cad 'og ma 'di yi sngon 'gro yin no/__/zhes pa'i bar khar song bzhin bskyar la/__de yan chad khar song gi bshad pa la yang bskyar gyi tshul du phul nas/__da de ring gi bshad pa gsar du 'bul ba ni/__/gnyis pa dngos gzhi byang chub kyi sems sbyang pa la/__chos rje pa'i zhal nas/__kun rdzob dang don dam pa'i byang chub kyi sems rnam pa gnyis/__zhes sogs nas de dag gis ni sngon 'gro byams snying rje bsgom pa bstan to/__/zhes pa'i bar/__thugs nges par bya ba'i phyir da dung lan gcig bskyar na/__do nub nas brtsams te/__sogs nas/__gsol ba 'debs pa rnams sngon du 'gro bas/__zhes pa'i bar nyin gnyis pa bzhin la/__gnyis pa dngos gzhi byang chub kyi sems sbyong ba la/__zhes pa'i nas/__snying rje bsgom pa bstan to/__/zhes pa'i bar/__slar yang thugs nges par bya ba'i phyir da dung lan gcig bskyar na/__do nub nas sogs sngar ltar bskyar/__mthar thun de las ldang bar brtsams pa na/__zhes pa nas/__de tsam la mdzad par zhu/__zhes pa'i bar dang dge bsngo sogs nyin gnyis pa'i skabs ltar ro//__// nyin bzhi pa la/__'o nam mkha' sogs nas/__blo sbyong gi bslab bya dang bdun gyi/__zhes pa'i bar nyin gsum pa bzhin la/__de nas/__dang po sngon 'gro rten gyi chos bstan pa yan chad kyi bshad pa legs par phul zin nas/__gnyis pa dngos gzhi byang chub kyi sems sbyong ba la/__chos rje pa'i zhal nas/__zhes pa nas/__snying rje bsgom pa bstan to/__/zhes pa'i bar khar song bzhin bskyar la/__de yan chad kyis khar song gi bshad pa yang bskyar tshul du phul nas/__/da de ring gi bshad pa gsar du 'bul ba la/__gnyis pa kun rdzob byang chub kyi sems bdag gzhan brje ba bsgom pa ni/__slob dpon zhi ba lhas/__sogs nas/__legs par yin gsungs/__zhes pa'i bar dang /__thugs nges par bya ba'i phyir/__da dung lan gcig bskyar na/__do nub nas sogs nas/__sngon du 'gro bas/__zhes pa'i bar nyin gnyis pa bzhin la gnyis pa kun rdzob byang chub kyi sems bdag gzhan brje ba sogs nas/__legs pa yin gsungs par/__slar yang thugs nges par bya ba'i phyir dang /__da dung lan gcig bskyar na/__do nub nas/__sogs sngar ltar bskyar mthar/__thun de las ldang bar brtsams pa na/__sogs nyin gnyis pa'i skabs ltar ro/__/nyin lnga pa la/__'o nam mkha' sogs nas/__blo sbyong gi bslab bya bdun gyi zhes pa'i bar nyin gnyis pa bzhin la/__gnyis pa dngos gzhi byang chub kyi sems sbyong ba la'ang /__don dam byang chub kyi sems sbyong ba dang /__/kun rdzob byang chub kyi sems sbyong ba gnyis/__phyi ma la'ang sngon 'gro byams snying rje bsgom pa dang /__dngos gzhi bdag gzhan brje ba bsgom pa gnyis las/__sngon 'gro byams snying rje bsgom pa yan chad kyi bshad pa rnams legs par phul zin nas/__gnyis pa kun rdzob byang chub sems kyi sems bdag gzhan brje ba/__sogs nas/__legs pa yin gsungs/__zhes pa'i bar khar song bzhin bskyar la/__de yan chad kyis khar song gi bshad pa yang bskyar gyis tshul du phul nas/__da de ring gi bshad pa gsar du 'bul ba la/__gsum pa rkyen ngan byang chub kyi lam du bsgyur ba ni/__sogs nas/__zhes glang ri thang pa gsung ngo /__/bar/__thugs nges par bya ba'i sogs nas/__sngon du 'gro bas/__zhes pa'i bar nyin gnyis pa bzhin la/__gsum pa rkyen ngan byang chub kyi lam du bsgyur ba ni/__sogs nas/__glang ri thang pa gsung ngo /__bar/_slar yang thugs nges par bya ba'i phyir/__sogs sngar ltar bskyal/__thun de las ldang bar brtsams pa na/__sogs nyin zhag gnyis pa ltar ro/__/nyin drug pa la/__'o nam mkha'/__sogs nas/__blo sbyong gi bslab bya dang bdun gyi/__gnyis pa dngos gzhi byang chub kyi sems sbyong ba yan chad bshad pa rnams legs par phul zin nas/__/gsum pa rkyen ngan byang chub kyi lam du bsgyur ba ni/__sogs nas/__glang ri thang pa gsung ngo /__bar khar song bzhin bskyar la/__de yan chad khar song gi bshad pa'i rim pa yang bskyar gyi tshul du phul nas/__da de ring gi bshad pa gsar du 'bul ba la/__bzhi pa tshe gcig gi nyams len dril nas bstan pa ni/__sogs nas/__bsam pa bzang zer ba yin pas de ltar bya gsungs/__bar/__thugs nges par/__sogs nas/__sngon du 'gro bas/__zhes pa'i bar nyin gnyis pa ltar la/__bzhi pa tshe gcig__/sogs nas/__de ltar bya gsungs/__bar/__slar yang thugs nges par/__sogs sngar ltar bskyar/__thun de las ldang bar brtsams pa na/__sogs nyin gnyis pa ltar ro/__/nyin bdun pa la/__'o nam mkha' sogs nas/__blo sbyong gi bslab bya dang bdun gyi rkyen ngan byang chub kyi lam du bsgyur ba yan chad kyi bshad pa rnams legs par phul zin nas/__bzhi pa tshe gcig gi nyams len dril nas bstan pa ni/__sogs nas/__de ltar bya gsungs/__zhes pa'i bar khar song bzhin bskyar la/__de yan chad kyis khar song gi bshad pa yang bskyar gyi tshul du phul nas/__da de ring gi bshad pa gsar du 'bul ba la/__bdun pa blo sbyong gi bslab bya bstan pa ni/__sogs nas/__'gro bar bya'o zhes pa'i bar/__thugs nges par bya ba'i phyir/__sogs nas/__sngon du 'gro bas/__zhes pa'i bar nyin gnyis pa bzhin la/__bdun pa blo sbyong gi bslab bya bstan pa ni/__sogs nas/__'gro bar bya'o bar/__slar yang thugs nges par/__sogs lan gcig dang /__da dung yang thugs nges par bya ba'i phyir lan gcig bskyar na/__zhes sogs sngar ltar bskyar ba ste bzhi bshad byas pa'i mthar/__thun de las ldang bar brtsams pa na/__de ltar bsgom pa las byung ba'i dge ba'i rtsa ba sems can thams cad kyi don du byang chub kyi rgyur bsngo zhing smon lam rnam par dag pas rgyas gdab pa dang /__thun mtshams rnams su'ang dngos gzhi'i nyams len gyi rtsi dang ma bral bar spyod lam dge ba'i bya bas dus 'da' bar mdzad nas dal 'byor gyi rten la snying po len pa'i thabs la ci nus su 'bad par bya'o/__/de ltar nyams su blangs pa'i yon tan bstan pa ni/__snyigs ma lnga po bdo ba 'di/__sogs nas/__gdeng thob pa'i gsung yin no/__/zhes pa'i bar tshar gcig dang /__de dag gi sgo nas theg pa chen po'i blo sbyong don bdun ma'i khrid kyi rim pa zab mo legs par phul grub pa'i bka' drin gtong rag gi yon du dmigs te maN+Dal zhig mdzad par zhu/__zhes brjod la maN+Dal rgyas par phul/__de ltar na bdag cag gi ston pa thub pa'i dbang po de nyid kyis rgyal tshab byams pa mgon po la gnang ba nas bzung rim par brgyud cing lnga brgya pa rnams kyi gtsug gi nor bu mnyam med jo bo chen po yab sras kyis dar rgyas su mdzad pa'i theg pa chen po'i nyams len thams cad kyi nying khur gyur pa blo sbyong gi gdams pa zab mo 'di lta bu la brten nas rang nyid kyis dal 'byor thob pa don dang ldan pa dang /__gdul bya gzhan dag kyang yang dag pa'i lam la 'god pa la sogs pa'i sgo nas rgyal ba'i bstan pa rin po che phyogs dus gnas skabs kun tu dar zhing rgyas la yun ring du gnas pa'i thabs la cis kyang thugs rjes gzigs par zhu/__/bsod nams 'di yis sogs dang /__phan bde 'byung ba'i sogs brjod la grol lo/__/smras pa/__theg mchog gtam gyi sprin dkar las 'ongs pa'i/__/legs bshad dbyar rnga'i rol mo 'khrol ba'i mod/__/skal bzang rma bya gzhon nu'i tshogs rnams kyang /__/kun+da'i zlos gar bsgyur la gcig tu brel/__/de las byung ba'i rnam dkar bdud rtsi yis/__/'gro kun nges 'byung chu yis snying brlan pa'i/__/byang chub sems gnyis pad+mo rgyas pa las/__/phan bde'i 'bras bu g.yur du za bar shog__/ces pa'ang dus gsum sangs rgyas thams cad kyi ngo bo mkhan chen rdo rje 'chang chen po'i bka'i gnang ba thob nas/__rje bla ma bcu phrag rig pa'i ma hA paN+Di ta dkon mchog bstan pa rab rgyas dpal bzang po'i gsung ji lta ba bzhin/__skal bzang mkhyen brtse'i ming can gyis zin bris su bgyis pa dza yan+tu/__mang+ga laM//____//__!_