JKW-KABUM-03-GA-001-020

🚧 This website is under continued development. We appreciate your patience!

Previous Text Back to Volume PageNext Text

Wylie title	snga 'gyur gyi rgyud dang sgrub sde sna tshogs las btus pa'i lung dang zin bris sna tshogs
Location	mkhyen brtse'i bka' 'bum Volume 3, sde tshan 1, Text 20, Pages 353-362 (Folios 177a4 to 181b6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. snga 'gyur gyi rgyud dang sgrub sde sna tshogs las btus pa'i lung dang zin bris sna tshogs. In 'jam dbyangs mkhyen brtse'i dbang po'i bka' 'bum, Vol. 3: 353-362. Khams sde dge rdzong sar dgon: Rdzong sar blo gros phun tshogs, 2020.
Genre	Notes - zin bris

1 Texts in this Section (sde tshan or chos tshan)

20 353-362	སྔ་འགྱུར་གྱི་རྒྱུད་དང་སྒྲུབ་སྡེ་སྣ་ཚོགས་ལས་བཏུས་པའི་ལུང་དང་ཟིན་བྲིས་སྣ་ཚོགས། snga 'gyur gyi rgyud dang sgrub sde sna tshogs las btus pa'i lung dang zin bris sna tshogs Notes - zin bris	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

གཡུང་དྲུང་བོན་གྱི་ལོ་རྒྱུས་ནི། ཞང་ཞུང་འོལ་མོ་ལུང་རིངས་སུ་ཤཱཀྱའི་རྒྱལ་པོ་སྟོན་པ་གཤེན་རབས་ཀྱི་སྐུར་མང་པོ་བཞེངས་ཏེ་མཛད་པ་བཅུ་གཉིས་ཀྱི་སྒོ་ནས་བོན་གྱི་འཁོར་ལོ་དུ་མ་ཞིག་བསྐོར་བ་ལ་བརྟེན་གདུང་འཚོབ་མུ་ཆོ་སྡེ་དྲུག་གིས་རིགས་པས་ཕྱེ། དེ་རྗེས་ཏ་ཟིག་ལ་མཁས་པ་མུ་ཙ་ཏྲ་ཧ་སོ་དང་། ཁྲི་ཐོག་སར་ཙ་མ། གུ་ཧི་ལི་སྤར་ཡ་གསུམ་ལས། རྫུ་འཕྲུལ་གྱི་རྐང་པ་ཐོབ་པའི་ལོ་ཙཱ་རྒྱ་གར་སྔགས་བདག་ལྷ་དྲོ། རྒྱ་ནག་ལེགས་གཏོང་རྨང་པ། ཁྲོམ་གསེར་ནག་པོ་ལྕེ་འབྱམས་གསུམ་གྱིས་རང་གི་ཡུལ་དུ་བསྒྱུར་ཞིང་སྤེལ། དེ་ལ་དང་པོ་མཁས་ལྡེམ་གྱི་ན་ཚ་རྨང་དགེ །མེ་ཉག་ལ་མཁས་པ་ལྕེ་ཚ་གར་བུ། གསུམ་པ་ལ་མཁས་པ་མུ་ཀུངས་གསང་གཏང་། ཞང་ཞུང་ན་མཁས་པ་ཤ་རི་འབུ་ཆེན་ཏེ་མཁས་པ་མི་བཞིས་བསྒྱུར་འཆད་མཛད། ལྷ་བཙད་པོ་ཁྲི་སྲོང་ཡན་དར་རྒྱས་སུ་གྱུར་པ་ལ་བོན་སྔ་དར། སླད་མ་དྲང་རྗེ་བཙུན་པ་གསེར་མིག་གིས་གླིང་གི་ལྷོ་ཐག་སྤྱི་རིང་དང་། དུར་ཁྲོད་ཀྱི་ནང་ནས་རྙེད་པ་རིམ་པར་འཕེལ་བ་ལ་བོན་ཕྱི་དར་ཏེ། གཡུང་དྲུང་གི་ཆོས་ཕུང་སྒོ་བཞི་མཛོད་ལྔའི་ནང་ཚན་ཁམས་ཆེན་པོ་བཅུ་དྲུག་གཏན་ལ་ཕབ་པ་སྟོང་ཕྲག་བརྒྱ་པ། མངོན་རྟོགས་རིག་པའི་རྩེ་མོ་སོགས་སྔ་དར། དྲི་མེད་གཟི་བརྗིད་སོགས་ཕྱི་དར་གྱི་བོན་དང་། ཕྱྭ་གཡང་སེལ་གསུམ་ལ་སོགས་པ་འཇིག་རྟེན་བདེ་ལེགས་སུ་འགྱུར་བའི་བོན་གྱི་རིམ་པ་དཔག་ཏུ་མེད་པ་ཡོད་དོ། ། ༈

བུ་སྟོན་གྱིས། དེ་ཡི་བསྟན་ལ་བདུད་རྩི་ཐོབ་པ་ཡིས། །སློབ་མ་མཆོག་གིས་བསྟན་པ་རིན་ཆེན་ཚོགས། །སྒྲོ་སྐུར་དྲི་མ་སེལ་བའི་བྱི་དོར་གྱིས། །བསྟན་པ་ནོར་བུའི་ཕུང་པོ་བཏུས་པར་གྱུར། །བསྟན་པས་ལུང་བསྟན་མཁས་གྲུབ་དེད་དཔོན་གྱིས། །བརྟག་པ་གསུམ་གྱིས་ལུང་དོན་ནོར་བུ་སྦྱངས། །ལེགས་བཤད་དགོངས་འགྲེལ་རྒྱལ་མཚན་རྩེ་ལ་བཀོད། །མི་ཤེས་མཚན་མོའི་མུན་པ་སྨག་རུམ་བསལ། །ཞེས་པས་སོ། །རྗེ་བཙུན་ཙོང་ཁ་པའི་བཞེད་གཞུང་བྱང་ཆུབ་ལམ་གྱི་རིམ་པ་ཞེས། བསྟན་པ་ཐམས་ཅད་འགལ་མེད་རྟོགས། །གསུང་རབས་མ་ལུས་གདམས་ངག་འཆར། །རྒྱལ་བའི་དགོངས་པ་བདེ་བླག་རྙེད། །ཉེས་སྤྱོད་ཆེན་པོ་རང་འགག་པ། །ཞེས་ཆེ་བ་བཞི་དང་ལྡན་པའོ། །དཱི་པཾ་ཀ་ར་དངོས་བྱོན་ཙོང་ཁ་བ་ཆེན་པོ། འབྲོམ་སྟོན་ཟློས་གར་དགེ་འདུན་གྲུབ་པ། ། ༈ ཙོང་ཁ་པས། ཆོས་རྗེ་དོན་གྲུབ་རིན་ཆེན། དཔའ་བོ་རྡོ་རྗེའམ་བླ་མ་དབུ་མ་པ། རེད་མདའ་གཞོན་ནུ་བློ་གྲོས། ལྷོ་བྲག་ལས་ཀྱི་རྡོ་རྗེ་བཞི་བླ་མར་བསྟེན། དགེ་བའི་བཤེས་གཉེན་དར་ཡུལ་བ་ལས་སྔ་འགྱུར་གསན། སྲས་ཀྱི་གཙོ་བོ་དགེ་འདུན་གྲུབ་པ་དང་། རྒྱལ་ཚབ་དར་མ་རིན་ཆེན་སོགས་སོ། །འཇམ་དཔལ་རྩ་རྒྱུད་ལས་ལུང་དུ་བསྟན་ཅིང་། བཀའ་གཏེར་ཀུན་ནས་འཇམ་དཔལ་གྱི་སྤྲུལ་པར་བསྔགས། རྗེ་དཔའ་བོས། ཁ་ནས་ཆོས་སྐད་མི་སྨྲའི་སྐྱེ་བོ་མེད། །དམ་ཆོས་ལག་ཏུ་ལེན་པའི་མི་གཅིག་མེད། །སག་ཤའི་བྲོ་དང་དམ་ཆོས་ཁྱད་མེད་པའི། །དུས་ངན་འདི་རུ་བདག་གི་བརྩམས་པས་ཅི། །ཞེས་དང་། ངོ་སྤྲོད་ཐེབས་དང་སྤྲུལ་པར་ཁས་ལེན་པས། །ཡུལ་ཀུན་འདམ་བུའི་ཚལ་བཞིན་རབ་གང་ཡང་། །འཇིག་རྟེན་པ་ཡི་ཡང་དག་ལྟ་བ་ཙམ། །སྣར་གཅིག་སྐྱེས་པའང་ཉིན་སྐར་ལས་དཀོན་གྱུར། །ཅེས་དང་། དེང་སང་ཀུན་ཀྱང་བསྟན་བཅོས་རྩོམ་ལ་འཇུག །དར་བ་དང་ནི་ནུབ་པའང་དུས་གཅིག་བྱེད། །སྤར་ཙམ་བསྐོས་ནས་བཞག་ན་དར་བར་རློམས། །འདི་འདྲའི་དར་ཚུལ་ལ་ནི་བདག་མི་སྨོན། །ཞེས་སོ།། །། ༈ གཟུངས་གཞུག་དྲིལ་ལུགས་བུ་སྟོན་གྱིས་མཇུག་ནས་ཡར་དྲིལ་བ་ཀློག་ལུགས་ལྟར་དང་། ས་སྐྱའི་རྗེ་བཙུན་གོང་མ་དང་ངོར་ཆེན་རྗེས་འབྲངས་དང་བཅས་པས་ཨོཾ་ནས་སྤྲུལ་འཁྱིལ་བ་ལྟར་དྲིལ་བར་གསུངས་ཤིང་། ལྔ་པ་རིན་པོ་ཆེ་སོགས་རིས་མེད་ཀུན་ཀྱིས་ཀྱང་ཕྱི་མ་ལྟར་བཞེད་འདུག ། ༈ བཀའ་གདམས་གླེགས་བམ་ལས། བྱང་ཆུབ་སེམས་ལས་རིང་བསྲེལ་འཛག །བསྐྱེད་རིམ་ཅན་ལ་ལྷ་སྐུ་འབྱུང་། །འཁོར་བ་མི་སྤོང་སེམས་དཔའ་ལ། །ཐུགས་དང་ལྗགས་ནི་འབྱུང་བ་ཡིན། །ཞེས་སོ། །སྐུ་གདུང་འབར་བར། དེ་ལ་སྐུ་དང་གདུང་ཤཱ་རཱི་རམ་སོགས། དང་ནི། །དེ་བཞིན་འོད་དང་སྒྲ་དང་ནི། །ས་ནི་གཡོ་བར་འགྱུར་བའོ། །ཞེས་སོ། །དགོངས་པ་ཟངས་ཐལ་བཏགས་གྲོལ་ལས། རྣལ་འབྱོར་ཕྱིར་མི་ལྡོག་པའི་རྟགས༔ རྡོ་རྗེ་རིན་ཆེན་པདྨ་དང་༔ ལས་དང་དེ་བཞིན་གཤེགས་པའི་གདུང་༔ ཞེས་དང་། ཤ་ཁྲག་རུས་དང་ཡན་ལག་དང་༔ འབྱུང་འདུས་ལྔ་རུ་རྟེན་དུ་འབྱུང་༔ ཤཱ་རཱི་རམ་དང་ཆུ་རི་རམ༔ བ་རི་རམ་དང་ཉ་རི་རམ༔ པཉྩ་རམ་དང་ལྔ་ལྡན་གདུང་༔ རིགས་ལྔའི་གདུང་དང་སྐུ་ཡང་འབྱུང་༔ ཆོས་སྐུ་ཐོབ་པའི་རྟགས་ཡིན་ནོ༔ ཞེས་དང་། ཤ་རི་བ་རི་ཆུ་རི་ཡིས༔ སྐྱེ་མེད་ཡོན་ཏན་ལོངས་སྐུ་ཐོབ༔ ཉ་རི་པཉྩ་རམ་གྱིས་ནི༔ སྤྲུལ་པའི་སྐུ་ལྔ་ངེས་པར་ཐོབ༔ ཅེས་སོ། །རང་ཤར་ལས། ཤཱ་རི་རམ་གྱིས་སྐྱེ་མེད་ཐོབ། །ཆུ་རི་རམ་གྱིས་དོན་ཡོད་དོ། །བ་རི་རམ་གྱིས་ལོངས་སྐུ་ཐོབ། །ཉ་རི་རམ་གྱིས་སྤྲུལ་སྐུ་ཐོབ༔ པཉྩ་རམ་གྱིས་རྡོ་རྗེ་ཉིད། །ཅེས་སོ། །སློབ་དཔོན་ངག་དབང་གྲགས་པས། ཨིནྡྲ་ནཱི་ལ་རིན་ཆེན་སོགས། །ནོར་བུ་ཆེན་པོ་གཞན་དག་ཀྱང་། །འཆང་བར་བྱེད་པས་འཆི་བ་ཀུན། །བཟློག་པར་འགྱུར་བ་ཐེ་ཚོམ་མེད། །གང་ཕྱིར་ནོར་བུའི་མཐུ་ལ་ནི། །སོམ་ཉི་བྱ་བར་རིགས་མིན་ཏེ། །ནོར་བུ་བསམ་གྱིས་མི་ཁྱབ་པའི། །མཐུ་དང་ལྡན་པར་ཐམས་ཅད་འདོད། །ཅེས་སོ། །མུ་ཏིག་བཅང་པས་ཚེ་བསྲིང་ཞིང་། །བྱེ་རུའི་ཕྲེང་བས་ཟས་གོས་འཕེལ། །ཕྲ་མེན་གཟའ་ཡི་གནོད་པ་བཟློག །ཤེལ་གྱི་ཕྲེང་བས་ཤེས་རབ་འཕེལ། །ཅེས་སོགས་བསྟན་པ་ལྟར་རོ། །དཔའ་བོ་གཅིག་གྲུབ་ཀྱི་རྒྱུད་ལས། གནོད་སྦྱིན་ཕོ་མོའི་འཁོར་ལོ་བྲིས་ཏེ་ནོར་དང་འབྱོར་པ་བསྒྲུབས་པའི་ཆེད་དུ་མོ་འཁོར་གཉིས་ཁ་སྦྱར་རམ། ཞེས་སོགས་ཀྱིས་བསྟན་པ་ལྟར་རོ། །འཕགས་པ་ཀླུས་གཟུངས་འབུལ་གྱི་རྣམ་གཞག་སྐུ་ཡི་རབ་ཏུ་བྱེད་པ་ལས། གཟུངས་མེད་ལོ་ཟླར་འདས་གྱུར་ན། །ཡི་དྭགས་ཉིད་ཀྱི་གནས་སུ་འགྱུར། །ཞེས་དང་། མཆོད་རྟེན་གཟུངས་རྣམས་མས་ཡར་གཞུག །སྐུ་དང་གདུང་རྟེན་ཡས་མར་གཞུག །ཅེས་དང་། རྒྱལ་རྫོང་བྱས་ན་རྒྱལ་པོ་དམངས་སུ་འབེབས། །མགོ་མཇུག་ལོག་ན་ཆོས་གཞུག་བདུད་ཀྱིས་སྡུད། །ལོག་བཏུས་བྱས་ན་ཚེ་ལ་བར་ཆད་འབྱུང་། །གཟུངས་རྣམས་མ་ཚང་དབུལ་པོར་འགྱུར། །དེ་ཡང་སྐུ་གདུང་རྒྱུད་དག་ལས། །དབུ་ཡི་གཟུངས་རྣམས་མ་ཚང་ན། །དབང་པོ་མི་ཚང་ཆེ་ས་འཆོར། །ཞེས་སོགས་གཙུག་ཏོར་ནས་གདན་ཁྲིའི་བར་གཟུངས་མ་ཚང་བ་སོ་སོར་སྐྱོན་རེ་བཤད་ཅིང་། དེ་བཞིན། ཕོ་གཟུངས་སྨད་དུ་ཤོར་བ་ནི། །བར་ཆད་བགེགས་ཀྱི་གཡབ་མོ་ཡིན། །མོ་གཟུངས་སྟོད་དུ་ཤོར་བ་ནི། །མོ་རྒྱུད་འཕེལ་ཞིང་རིགས་རྒྱུད་ཉམས། །ཞེས་འཁྲུགས་པའི་སྐྱོན་དང་། གནོད་སྦྱིན་གཟུངས་རྣམས་མ་ཚང་ན། །བྱས་པ་དོན་མེད་ཆུད་ཟོས་འགྱུར། །ཚང་ན་ཡོན་ཏན་དེ་ལས་ལྡོག །ཅེས་དང་། རྒྱས་བསྡུས་རྟེན་གྱི་ཚད་དང་སྦྱར། །ཅེས་དང་། སྟོད་གཟུངས་སྨད་དུ་ཤོར་བ་དང་། །སྨད་གཟུངས་སྟོད་དུ་ཤོར་བ་ནི། །ཆེ་ཆུང་གཉིས་ཀྱི་བྱེ་བྲག་ཡིན། །ཅེས་ཐེག་པ་གོང་འོག་རིམ་པ་ལྟར་མ་འཁྲུལ་བར་ཡས་མར་དུ་གཞུག་པ་སོགས་བྱ་ཞིང་། ཡང་སྔ་མ་ལས། སྐྱོན་ལྡོག་པ་ནི་ཡོན་ཏན་ཏེ། །གཞུང་བཞིན་མ་ནོར་འབད་བྱས་ན། །རྟེན་རྣམས་གང་དུ་བཞུགས་ཀྱང་ནི། །ཞལ་བྲོ་བཀྲ་ཤིས་ཡོན་ཏན་འཕེལ། །འཁོར་དང་ལོངས་སྤྱོད་སྤྲིན་བཞིན་འདུ། །བུ་ཚ་རིགས་རྒྱུད་ཤིན་ཏུ་འཕེལ། །སྙན་པའི་གྲགས་པ་མཁའ་ལྟར་ཁྱབ། །བསམ་གཏན་ཏིང་འཛིན་འཕེལ་བ་དང་། །འགྲོ་དོན་མང་པོ་བྱེད་པར་ནུས། །བདེ་གཤེགས་ཉིད་དང་སྤྱོད་ཡུལ་གཅིག །ཡོན་ཏན་བསམ་གྱིས་མི་ཁྱབ་བོ། །ཞེས་སོ། །ཁྲག་འཐུང་གལ་པོ་ལས། གང་ཞིག་སྐུ་གདུང་རིང་བསྲེལ་ནི། །རྣལ་འབྱོར་ཀུན་གྱི་སྒྲུབ་པའི་རྟེན། །དངོས་མེད་མེ་ལ་སྦྱང་བ་ཡིས། །དངོས་ཅན་གདུང་དུ་འབྱུང་བར་འགྱུར། །ཞེས་དང་། ཐལ་བ་བསྡུས་ནས་སྐུ་གདུང་གདབ། །ཆོས་ཉིད་དོན་གྱི་སྐུ་གདུང་ལས། །འབྱུང་བ་རྟགས་ཀྱི་སྐུ་གདུང་ཤར། །ཅེས་སོ། །ཆོས་སྐུའི་རྟེན་བཞེངས་པ་ལ་གཅེས་པ་ཟ་ཧོར་མཁན་པོ་ཤནྟ་རཀྵིའི་ཕྱག་ལེན་ཀུན་མཁྱེན་བུས་གསལ་བར་མཛད་པ་གཙུག་ཏོར་དྲི་མེད་ཀྱི་དཀྱིལ་འཁོར་བུམ་རྟེན་བཞུགས་སུ་གསོལ་བ་དང་། དེ་སྟེང་འོད་ཟེར་དྲི་མེད་ཀྱི་དཀྱིལ་འཁོར་བཞེངས་ཏེ་སྲོག་ཤིང་བརྟན་པའི་ཆོ་ག་བྱ་བ། དེ་དང་རྗེས་འབྲེལ་དུ་དྲི་མེད་ཀྱི་གཟུངས་བཀླག་ཅིང་། སཱཙྪ་དགུ་བཅུ་རྩ་དགུ་གདབ་པའི་སྒོ་རང་གཞན་གྱི་ཚོགས་སྤེལ་ཞིང་། བསྒྲུབ་བྱ་ལ་ཕན་གདགས་པའི་རིམ་པ་སོགས་ཤིན་ཏུ་གཅེས་ཤིང་། སྲོག་ཤིང་ནི་རབ་ཙནྡན་དཀར་པོ། འབྲིང་དམར་པོ། ཐ་མ་ཤུག་པ་སོགས་ཕྱོགས་དང་རྩ་རྩེ་མ་ལོག་པ་རྩེ་མོར་རྣམ་རྒྱལ་མཆོད་རྟེན། འདིར་ཡུངས་འབྲུ་ལྟ་བུའི་རིང་བསྲེལ་བཅུག །རྩ་བར་རྡོ་རྗེ་ཕྱེད་པ་དང་། སྨད་གྲུ་བཞི་པ་ཇེ་ཕྲར་སོང་ཞིང་གདུགས་ཡན་ཟླུམ་པོ་བྱ། གོང་གི་སྲོག་ཤིང་བརྟན་པའི་ཆོ་ག་སོགས་སྔོན་བྲམ་ཟེ་སེར་སྐྱའི་དོན་དུ་བསྩལ་བ་དྲི་མེད་རྣམ་དག་འོད་ཀྱི་གཟུངས་ཞེས་སྣང་ཞིང་། གཟུངས་དེ་ཉིད་སྲོག་ཤིང་ནང་དུ་རིང་བསྲེལ་དང་ལྷན་ཅིག་པར་གཞུག་པས་ཡོན་ཏན་བརྗོད་ལས་འདས་པ་ཐོབ་པའི་ཚུལ་གསུངས་ཤིང་། ཆོས་སྐུའི་རིང་བསྲེལ་ནི་གཟུངས་དང་། ཡོན་ཏན་མཚོན་བྱེད་མཆོད་རྟེན་དང་སཱཙྪ། སྐུ་གདུང་རིང་བསྲེལ་བདེ་གཤེགས་ཉན་རང་སོགས་ཀྱི་གདུང་། སྐུ་བལ་ནི་དེ་དག་གི་དབུ་སྐྲ་དང་ཕྱག་སེན་སོགས། ཡུངས་འབྲུ་ལྟ་བུའི་རིང་བསྲེལ་ནི་བདེ་གཤེགས་ཀྱི་གདུང་ཤཱ་རི་རམ་སྟེ། གདུང་ནི་འཇིག་ལ། རིང་བསྲེལ་ནི་མི་འཇིག་པའི་ཁྱད་པར་ཅན་དུ་གསུངས་ཤིང་། ཆོས་སྐུའི་རིང་བསྲེལ་ལ། འོད་ཟེར་དྲི་མེད་ཀྱི་གཟུངས་དགུ་བཅུ་རྩ་དྲུག་ངོས་གཞིར་གཞུག་པ་དང་། གཟུངས་དེ་ཉིད་ཀྱི་གཞུང་རྫོགས་སྲོག་ཤིང་གི་དབུས་སུ་གཞུག་པ་སོགས་དང་། རྩེ་མོ་ནས་བཟུང་། རྣལ་འབྱོར་བླ་མ། རྣལ་འབྱོར་སྤྱོད་པ། བྱ་བ། མངོན་པ། མདོ་སྡེ། འདུལ་བ་དང་། དེ་དག་གི་དགོངས་འགྲེལ། དེ་ནས་རིག་གནས་ཕྱི་མའི་སྐོར་བཅས་གདན་ཁྲིའི་བར་དུ་གཞུག་པ་ལ་ཆོས་ཀྱི་རིང་བསྲེལ་དུ་བཞེད་ཅིང་། གཟུངས་ཀྱང་རྒྱུད་སྡེ་བཞི་དྲུག་གི་གོ་རིམ་དང་བསྟུན་པར་གཞུག་པ་དང་། རྒྱ་བོད་ཀྱི་ཡི་གེ་གང་རུང་གི་གནས་ཡིག་ཨོཾ་ཨཱཿཧཱུྃ་ཏྲཱྃ་བཞི་རིམ་པར་བྲིས་པ། ཨོཾ་ཐད་བླ་མ་བརྒྱུད་པའི་མཚན་སྔགས། ཨཱཿའི་ཕྱོགས་བཞིར་དབྱངས་གསལ། ཧཱུྃ་ཐད་བླ་མེད་ཀྱི་རྒྱུད་ཀྱི་སྙིང་པོ། ཏྲཱྃ་ཐད་རྣལ་འབྱོར་རྒྱུད་དང་སྤྱོད་རྒྱུད། དེ་འོག་ཏུ་ཁྱད་པར་གྱི་གཟུངས་སྡེ་ལྔ་ཞེས། དྲི་མེད་ཀྱི་གཟུངས་ལྷོ་རིང་ཐུང་ཤར་དུ། ལྷོར་གསང་བ་རིང་ནུབ་བསྲེལ། ནུབ་བྱང་ཆུབ་བྱང་རྒྱན་འབུམ། བྱང་དུ་གཙུག་ཏོར་རྣམ་རྒྱལ། ཤར། ཀུན་ཕྱི་མཐར་རྟེན་འབྲེལ་སྙིང་པོ་འབྲི་བར་གསུངས་སོ། །དེ་ནི་སྲོག་ཤིང་ཁོ་ནའི་གཟུངས་གཞུག་དང་འབྲི་བྱ་སྟེ་དེ་རྒྱབ་གཟུངས་སྤར་རིམ་བཞིན་དུ་དཀྲི་བ་དང་། དེ་རྒྱབ་གླེགས་བམ་སོགས་བརྩེགས་པ་དང་། བར་མཚམས་སྨན་གྱི་ལྡེ་གུས་ཁྱབ་པར་བྱུག་ཅིང་གསེང་མེད་པ་གཅེས་སོ། །དེ་བཞིན་དུ་བང་རིམ་འོག་མ་དང་། གདན་ཁྲི་དང་སྐྱིལ་ཀྲུང་གི་བར་ལ་ཆོས་སྐྱོང་གི་སྐུ། སྲོག་སྔགས། རྟེན་འཁོར་སོགས་དང་། གནོད་སྦྱིན་བང་མཛོད་དམ་གདན་ཁྲིར་ཛཾ་བྷ་ལའི་སྲོག་འཁོར། བུམ་གཏེར། རིན་པོ་ཆེ་འབྲུ་སྨན་དར་ཟབ་གོ་མཚོན་ས་ཆུ་རྡོ་ཤིང་སོགས་ཡོ་བྱད་ཀྱི་རིགས་ཐམས་ཅད་འདུ་བྱ་བ་དང་། དེ་འོག་གོང་དུ་བཞེངས་པའི་ས་གཞིར་དམ་སྲི་མནན་པ་དང་། དེ་སྟེང་ས་བཅུད་གསོ་བའི་བུམ་གཏེར་སྦ་བ་སོགས་བྱ་བར་བཤད་དོ། ། ༈

ཙོང་ཁ་བས། བསྙེན་གནས་དགེ་བསྙེན་ཕ་མ་དང་། །དགེ་ཚུལ་ཕ་མ་དགེ་སློང་མ། །དགེ་སློབ་མ་དང་དགེ་སློང་སྟེ། །སོ་སོར་ཐར་པ་རིགས་བརྒྱད་དོ། །ཞེས་གསུངས་ཤིང་། དེ་ཡང་། ཁྱིམ་པའི་སྡོམ་པ་དང་པོ་གསུམ། །རབ་བྱུང་སྡོམ་པ་ཐ་མ་ལྔ། །ཞེས་པས་བསྙེན་གནས་དང་། དགེ་བསྙེན་ཕ་མ་ཁྱིམ་པ་དང་། ལྷག་མ་རབ་བྱུང་སྟེ། དེ་ལ་ཡང་དགེ་ཚུལ་གྱི་བསླབ་བྱ། ལུང་རྣམ་འབྱེད་ལས། མཐའ་བརྒྱད་དགེ་འདུན་ལྷག་མ་ཉི་ཤུ་དང་། །དེ་བཞིན་སྤང་བ་སུམ་ཅུ་རྩ་གསུམ་དང་། །གཞན་ཡང་ལྟུང་བྱེད་བརྒྱ་དང་བརྒྱད་ཅུ་དང་། །སོ་སོར་བཤགས་པར་བྱ་བ་བཅུ་གཅིག་ནི། །བསླབ་པ་ཡི་ནི་ཕྲེང་བ་ལྷག་པ་སྟེ། །ཞིབ་པར་བྱེད་པ་དགེ་སློང་ཕ་དང་མཐུན། །ཞེས་དང་། དགེ་སློང་ལ། འདུལ་བ་རྒྱ་མཚོའི་སྙིང་པོར། ཕམ་པ་བཞི་དང་ལྷག་མ་ནི། །བཅུ་གསུམ་སྤང་ལྟུང་སུམ་ཅུ་དང་། །ལྟུང་བྱེད་འབའ་ཞིག་དགུ་བཅུ་དང་། །སོར་བཤགས་བཞི་དང་ཉེས་བྱས་ནི། །བརྒྱ་དང་བཅུ་གཉིས་བསྡོམས་པ་ཡིས། །ཉིས་བརྒྱ་ལྔ་བཅུ་རྩ་གསུམ་རྣམས།། སྤོང་བར་བྱེད་པ་དགེ་འདུན་ནོ། །ཞེས་སོ། །དེ་ལྟར་སོ་ཐར་གྱི་བསླབ་པའི་སྟེང་དུ། བྱང་སྡོམ་དང་། སྔགས་ཀྱི་དམ་ཚིག་ལ་ཉེ་བར་གནས་པ་ནི་སུམ་ལྡན་རྡོ་རྗེ་འཛིན་པ་སྟེ་རབ་ཏུ་གནས་པ་སོགས་གསང་སྔགས་ཀྱི་ལས་གང་ལའང་འཇུག་པ་ལ་ཤིན་ཏུ་གཅེས་པར་གསུངས་སོ། ། ༈

[edit]

snga 'gyur gyi rgyud dang sgrub sde sna tshogs las btus pa'i lung dang zin bris sna tshogs/__ g.yung drung bon gyi lo rgyus ni/__zhang zhung 'ol mo lung rings su shAkya'i rgyal po ston pa gshen rabs kyi skur mang po bzhengs te mdzad pa bcu gnyis kyi sgo nas bon gyi 'khor lo du ma zhig bskor ba la brten gdung 'tshob mu cho sde drug gis rigs pas phye/__de rjes ta zig la mkhas pa mu tsa tra ha so dang /__khri thog sar tsa ma/__gu hi li spar ya gsum las/__rdzu 'phrul gyi rkang pa thob pa'i lo tsA rgya gar sngags bdag lha dro/__rgya nag legs gtong rmang pa/__khrom gser nag po lce 'byams gsum gyis rang gi yul du bsgyur zhing spel/__de la dang po mkhas ldem gyi na tsha rmang dge__/me nyag la mkhas pa lce tsha gar bu/__gsum pa la mkhas pa mu kungs gsang gtang /__zhang zhung na mkhas pa sha ri 'bu chen te mkhas pa mi bzhis bsgyur 'chad mdzad/__lha btsad po khri srong yan dar rgyas su gyur pa la bon snga dar/__slad ma drang rje btsun pa gser mig gis gling gi lho thag spyi ring dang /__dur khrod kyi nang nas rnyed pa rim par 'phel ba la bon phyi dar te/__g.yung drung gi chos phung sgo bzhi mdzod lnga'i nang tshan khams chen po bcu drug gtan la phab pa stong phrag brgya pa/__mngon rtogs rig pa'i rtse mo sogs snga dar/__dri med gzi brjid sogs phyi dar gyi bon dang /__phywa g.yang sel gsum la sogs pa 'jig rten bde legs su 'gyur ba'i bon gyi rim pa dpag tu med pa yod do/___/__!_ bu ston gyis/__de yi bstan la bdud rtsi thob pa yis/__/slob ma mchog gis bstan pa rin chen tshogs/__/sgro skur dri ma sel ba'i byi dor gyis/__/bstan pa nor bu'i phung po btus par gyur/__/bstan pas lung bstan mkhas grub ded dpon gyis/__/brtag pa gsum gyis lung don nor bu sbyangs/__/legs bshad dgongs 'grel rgyal mtshan rtse la bkod/__/mi shes mtshan mo'i mun pa smag rum bsal/__/zhes pas so/__/rje btsun tsong kha pa'i bzhed gzhung byang chub lam gyi rim pa zhes/__bstan pa thams cad 'gal med rtogs/__/gsung rabs ma lus gdams ngag 'char/__/rgyal ba'i dgongs pa bde blag rnyed/__/nyes spyod chen po rang 'gag pa/__/zhes che ba bzhi dang ldan pa'o/__/dI paM ka ra dngos byon tsong kha ba chen po/__'brom ston zlos gar dge 'dun grub pa/___/__!_ tsong kha pas/__chos rje don grub rin chen/__dpa' bo rdo rje'am bla ma dbu ma pa/__red mda' gzhon nu blo gros/__lho brag las kyi rdo rje bzhi bla mar bsten/__dge ba'i bshes gnyen dar yul ba las snga 'gyur gsan/__sras kyi gtso bo dge 'dun grub pa dang /__rgyal tshab dar ma rin chen sogs so/__/'jam dpal rtsa rgyud las lung du bstan cing /__bka' gter kun nas 'jam dpal gyi sprul par bsngags/__rje dpa' bos/__kha nas chos skad mi smra'i skye bo med/__/dam chos lag tu len pa'i mi gcig med/__/sag sha'i bro dang dam chos khyad med pa'i/__/dus ngan 'di ru bdag gi brtsams pas ci/__/zhes dang /__ngo sprod thebs dang sprul par khas len pas/__/yul kun 'dam bu'i tshal bzhin rab gang yang /__/'jig rten pa yi yang dag lta ba tsam/__/snar gcig skyes pa'ang nyin skar las dkon gyur/__/ces dang /__deng sang kun kyang bstan bcos rtsom la 'jug__/dar ba dang ni nub pa'ang dus gcig byed/__/spar tsam bskos nas bzhag na dar bar rloms/__/'di 'dra'i dar tshul la ni bdag mi smon/__/zhes so//___//_! gzungs gzhug dril lugs bu ston gyis mjug nas yar dril ba klog lugs ltar dang /__sa skya'i rje btsun gong ma dang ngor chen rjes 'brangs dang bcas pas oM nas sprul 'khyil ba ltar dril bar gsungs shing /__lnga pa rin po che sogs ris med kun kyis kyang phyi ma ltar bzhed 'dug____/__! bka' gdams glegs bam las/__byang chub sems las ring bsrel 'dzag__/bskyed rim can la lha sku 'byung /__/'khor ba mi spong sems dpa' la/__/thugs dang ljags ni 'byung ba yin/__/zhes so/__/sku gdung 'bar bar/__de la sku dang gdung shA rI ram sogs/__dang ni/__/de bzhin 'od dang sgra dang ni/__/sa ni g.yo bar 'gyur ba'o/__/zhes so/__/dgongs pa zangs thal btags grol las/__rnal 'byor phyir mi ldog pa'i rtags:__rdo rje rin chen pad+ma dang :__las dang de bzhin gshegs pa'i gdung :__zhes dang /__sha khrag rus dang yan lag dang :__'byung 'dus lnga ru rten du 'byung :__shA rI ram dang chu ri ram:__ba ri ram dang nya ri ram:__pany+tsa ram dang lnga ldan gdung :__rigs lnga'i gdung dang sku yang 'byung :__chos sku thob pa'i rtags yin no:__zhes dang /__sha ri ba ri chu ri yis:__skye med yon tan longs sku thob:__nya ri pany+tsa ram gyis ni:__sprul pa'i sku lnga nges par thob:__ces so/__/rang shar las/__shA ri ram gyis skye med thob/__/chu ri ram gyis don yod do/__/ba ri ram gyis longs sku thob/__/nya ri ram gyis sprul sku thob:__pany+tsa ram gyis rdo rje nyid/__/ces so/__/slob dpon ngag dbang grags pas/__in+d+ra nI la rin chen sogs/__/nor bu chen po gzhan dag kyang /__/'chang bar byed pas 'chi ba kun/__/bzlog par 'gyur ba the tshom med/__/gang phyir nor bu'i mthu la ni/__/som nyi bya bar rigs min te/__/nor bu bsam gyis mi khyab pa'i/__/mthu dang ldan par thams cad 'dod/__/ces so/__/mu tig bcang pas tshe bsring zhing /__/bye ru'i phreng bas zas gos 'phel/__/phra men gza' yi gnod pa bzlog__/shel gyi phreng bas shes rab 'phel/__/ces sogs bstan pa ltar ro/__/dpa' bo gcig grub kyi rgyud las/__gnod sbyin pho mo'i 'khor lo bris te nor dang 'byor pa bsgrubs pa'i ched du mo 'khor gnyis kha sbyar ram/__zhes sogs kyis bstan pa ltar ro/__/'phags pa klus gzungs 'bul gyi rnam gzhag sku yi rab tu byed pa las/__gzungs med lo zlar 'das gyur na/__/yi dwags nyid kyi gnas su 'gyur/__/zhes dang /__mchod rten gzungs rnams mas yar gzhug__/sku dang gdung rten yas mar gzhug__/ces dang /__rgyal rdzong byas na rgyal po dmangs su 'bebs/__/mgo mjug log na chos gzhug bdud kyis sdud/__/log btus byas na tshe la bar chad 'byung /__/gzungs rnams ma tshang dbul por 'gyur/__/de yang sku gdung rgyud dag las/__/dbu yi gzungs rnams ma tshang na/__/dbang po mi tshang che sa 'chor/__/zhes sogs gtsug tor nas gdan khri'i bar gzungs ma tshang ba so sor skyon re bshad cing /__de bzhin/__pho gzungs smad du shor ba ni/__/bar chad bgegs kyi g.yab mo yin/__/mo gzungs stod du shor ba ni/__/mo rgyud 'phel zhing rigs rgyud nyams/__/zhes 'khrugs pa'i skyon dang /__gnod sbyin gzungs rnams ma tshang na/__/byas pa don med chud zos 'gyur/__/tshang na yon tan de las ldog__/ces dang /__rgyas bsdus rten gyi tshad dang sbyar/__/ces dang /__stod gzungs smad du shor ba dang /__/smad gzungs stod du shor ba ni/__/che chung gnyis kyi bye brag yin/__/ces theg pa gong 'og rim pa ltar ma 'khrul bar yas mar du gzhug pa sogs bya zhing /__yang snga ma las/__skyon ldog pa ni yon tan te/__/gzhung bzhin ma nor 'bad byas na/__/rten rnams gang du bzhugs kyang ni/__/zhal bro bkra shis yon tan 'phel/__/'khor dang longs spyod sprin bzhin 'du/__/bu tsha rigs rgyud shin tu 'phel/__/snyan pa'i grags pa mkha' ltar khyab/__/bsam gtan ting 'dzin 'phel ba dang /__/'gro don mang po byed par nus/__/bde gshegs nyid dang spyod yul gcig__/yon tan bsam gyis mi khyab bo/__/zhes so/__/khrag 'thung gal po las/__gang zhig sku gdung ring bsrel ni/__/rnal 'byor kun gyi sgrub pa'i rten/__/dngos med me la sbyang ba yis/__/dngos can gdung du 'byung bar 'gyur/__/zhes dang /__thal ba bsdus nas sku gdung gdab/__/chos nyid don gyi sku gdung las/__/'byung ba rtags kyi sku gdung shar/__/ces so/__/chos sku'i rten bzhengs pa la gces pa za hor mkhan po shan+ta rak+Shi'i phyag len kun mkhyen bus gsal bar mdzad pa gtsug tor dri med kyi dkyil 'khor bum rten bzhugs su gsol ba dang /__de steng 'od zer dri med kyi dkyil 'khor bzhengs te srog shing brtan pa'i cho ga bya ba/__de dang rjes 'brel du dri med kyi gzungs bklag cing /__sAts+tsha dgu bcu rtsa dgu gdab pa'i sgo rang gzhan gyi tshogs spel zhing /__bsgrub bya la phan gdags pa'i rim pa sogs shin tu gces shing /__srog shing ni rab tsan+dan dkar po/__'bring dmar po/__tha ma shug pa sogs phyogs dang rtsa rtse ma log pa rtse mor rnam rgyal mchod rten/__'dir yungs 'bru lta bu'i ring bsrel bcug__/rtsa bar rdo rje phyed pa dang /__smad gru bzhi pa je phrar song zhing gdugs yan zlum po bya/__gong gi srog shing brtan pa'i cho ga sogs sngon bram ze ser skya'i don du bstsal ba dri med rnam dag 'od kyi gzungs zhes snang zhing /__gzungs de nyid srog shing nang du ring bsrel dang lhan cig par gzhug pas yon tan brjod las 'das pa thob pa'i tshul gsungs shing /__chos sku'i ring bsrel ni gzungs dang /__yon tan mtshon byed mchod rten dang sAts+tsha/__sku gdung ring bsrel bde gshegs nyan rang sogs kyi gdung /__sku bal ni de dag gi dbu skra dang phyag sen sogs/__yungs 'bru lta bu'i ring bsrel ni bde gshegs kyi gdung shA ri ram ste/__gdung ni 'jig la/__ring bsrel ni mi 'jig pa'i khyad par can du gsungs shing /__chos sku'i ring bsrel la/__'od zer dri med kyi gzungs dgu bcu rtsa drug ngos gzhir gzhug pa dang /__gzungs de nyid kyi gzhung rdzogs srog shing gi dbus su gzhug pa sogs dang /__rtse mo nas bzung /__rnal 'byor bla ma/__rnal 'byor spyod pa/__bya ba/__mngon pa/__mdo sde/__'dul ba dang /__de dag gi dgongs 'grel/__de nas rig gnas phyi ma'i skor bcas gdan khri'i bar du gzhug pa la chos kyi ring bsrel du bzhed cing /__gzungs kyang rgyud sde bzhi drug gi go rim dang bstun par gzhug pa dang /__rgya bod kyi yi ge gang rung gi gnas yig oM AHhU~M trA~M bzhi rim par bris pa/__oM thad bla ma brgyud pa'i mtshan sngags/__AH'i phyogs bzhir dbyangs gsal/__hU~M thad bla med kyi rgyud kyi snying po/__trA~M thad rnal 'byor rgyud dang spyod rgyud/__de 'og tu khyad par gyi gzungs sde lnga zhes/__dri med kyi gzungs lho ring thung shar du/__lhor gsang ba ring nub bsrel/__nub byang chub byang rgyan 'bum/__byang du gtsug tor rnam rgyal/__shar/__kun phyi mthar rten 'brel snying po 'bri bar gsungs so/__/de ni srog shing kho na'i gzungs gzhug dang 'bri bya ste de rgyab gzungs spar rim bzhin du dkri ba dang /__de rgyab glegs bam sogs brtsegs pa dang /__bar mtshams sman gyi lde gus khyab par byug cing gseng med pa gces so/__/de bzhin du bang rim 'og ma dang /__gdan khri dang skyil krung gi bar la chos skyong gi sku/__srog sngags/__rten 'khor sogs dang /__gnod sbyin bang mdzod dam gdan khrir dzaM b+ha la'i srog 'khor/__bum gter/__rin po che 'bru sman dar zab go mtshon sa chu rdo shing sogs yo byad kyi rigs thams cad 'du bya ba dang /__de 'og gong du bzhengs pa'i sa gzhir dam sri mnan pa dang /__de steng sa bcud gso ba'i bum gter sba ba sogs bya bar bshad do/___/__!_ tsong kha bas/__bsnyen gnas dge bsnyen pha ma dang /__/dge tshul pha ma dge slong ma/__/dge slob ma dang dge slong ste/__/so sor thar pa rigs brgyad do/__/zhes gsungs shing /__de yang /__khyim pa'i sdom pa dang po gsum/__/rab byung sdom pa tha ma lnga/__/zhes pas bsnyen gnas dang /__dge bsnyen pha ma khyim pa dang /__lhag ma rab byung ste/__de la yang dge tshul gyi bslab bya/__lung rnam 'byed las/__mtha' brgyad dge 'dun lhag ma nyi shu dang /__/de bzhin spang ba sum cu rtsa gsum dang /__/gzhan yang ltung byed brgya dang brgyad cu dang /__/so sor bshags par bya ba bcu gcig ni/__/bslab pa yi ni phreng ba lhag pa ste/__/zhib par byed pa dge slong pha dang mthun/__/zhes dang /__dge slong la/__'dul ba rgya mtsho'i snying por/__pham pa bzhi dang lhag ma ni/__/bcu gsum spang ltung sum cu dang /__/ltung byed 'ba' zhig dgu bcu dang /__/sor bshags bzhi dang nyes byas ni/__/brgya dang bcu gnyis bsdoms pa yis/__/nyis brgya lnga bcu rtsa gsum rnams//_spong bar byed pa dge 'dun no/__/zhes so/__/de ltar so thar gyi bslab pa'i steng du/__byang sdom dang /__sngags kyi dam tshig la nye bar gnas pa ni sum ldan rdo rje 'dzin pa ste rab tu gnas pa sogs gsang sngags kyi las gang la'ang 'jug pa la shin tu gces par gsungs so/___/__!_