JKCL-KABUM-10-THA-028

🚧 This website is under continued development. We appreciate your patience!

Previous Text Back to Volume PageNext Text

Wylie title	dpa' 'og dbang chen brag gi dkar chags
Location	chos kyi blo gros bka' 'bum Volume 10, Text 28, Pages 269-270 (Folios 1a1 to 1b2)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. dpa' 'og dbang chen brag gi dkar chags. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 10: 269-270. Bir, H.P.: Khyentse Labrang, 2012.
Genre	Pilgrimage Guides - gnas yig
Colophon	ཕྱག་བྲིས་ལས་ཞལ་བཤུས་ཞུས།།
	phyag bris las zhal bshus zhus//

1 Texts in this Section (sde tshan or chos tshan)

269-270	དཔའ་འོག་དབང་ཆེན་བྲག་གི་དཀར་ཆགས། dpa' 'og dbang chen brag gi dkar chags Pilgrimage Guides - gnas yig	Text page View PDF
	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ('jam dbyangs mkhyen brtse chos kyi blo gros)

Tibetan Text

Wylie

[edit]

ཨ༽། དཔའ་འོག་དབང་ཆེན་བྲག་གི་དཀར་ཆགས། རང་བྱང་གསང་བ་ཆེན་པོ་ལས༔ ངོ་མཚར་བརྡའ་ཡི་རི་མོ་བཀྲ༔ པདྨོ་བཀོད་བའི་བྱང་གི་ཆར༔ དཔའ་བོ་རྟ་མགྲིན་དབང་ཆེན་བྲག༔ ངོ་མཚར་ཟླ་གམ་དབང་གི་ཕུག༔ ཡ་མཚན་བཀོད་པ་ཅིར་ཡང་འཆར༔ རི་བོ་གླང་ཆེན་འགྱིང་བ་ལ༔ རྟ་མགྲིན་ཞི་ཁྲོའི་ལྷ་ཚོགས་དང་༔ དབུས་རི་ཤེལ་ཕུག་གསང་བའི་རྫོང་༔ རིག་འཛིན་བླ་མའི་ལྷ་ཚོགས་དང་༔ དཔའ་བོ་མཁའ་འགྲོ་འདུ་བའི་གནས༔ དེ་ཡི་ཡང་རྩེར་དགའ་རབ་རྗེའི༔ བྱིན་བརླབ་ཕུག་པ་ཟང་ཐལ་བ༔ གཡས་ལོགས་འཆི་མེད་ཚེ་ཡི་ཕུག༔ ཚེ་དཔག་མེད་པའི་ལྷ་ཚོགས་བཞུགས༔ གཡོན་དུ་ཙཎྜ་ལི་ཡི་ཕུག༔ ཚེ་བུམ་ཚེ་ཆུའི་རྒྱུན་བཟང་དང་༔ གབ་པའི་མཚོ་ནི་འོ་མ་དང་༔ སིནྡྷུ་ར་དང་ཆང་གི་མཚོ༔ དྲི་ཞིམ་ངད་པ་ཐུལ་བ་ཡི༔ ནད་གདོན་སེལ་ཞིང་སྡིག་སྒྲིབ་ཞི༔ གནས་ཀྱི་ཡང་སྙིང་དཔའ་བོའི་དིལ༔ རྟ་མགྲིན་ཕུག་མོ་ཆེ་དང་ནི༔ དཔལ་མགོན་དགྱེས་པར་རོལ་པའི་ཕུག༔ སྐུ་གསུང་ཐུགས་ཀྱི་རྟེན་མཆོག་དང་༔ ངོ་མཚར་བརྡའ་རིས་ཟབ་མོའི་གཏེར༔ མང་པོས་གཏམས་ཤིང་འདོན་པ་ཡི༔ སྐྱེས་བུ་པདྨའི་མིང་ཅན་དང་༔ ཌཱ་ཀི་ཨ་ཡུའི་མིང་ཅན་གྱིས༔ འདོན་པར་འགྱུར་སྲིད་ཕྱི་མའི་དུས༔ འགྲོ་འདུལ་དཔའ་བོའི་མཚན་ཅན་གྱིས༔ སྤྱོད་ནས་བོད་ཁམས་བདེ་བར་བྱེད༔ གནས་འདིར་བསྙེན་ཅིང་སྒྲུབ་པ་དང་༔ ཕྱག་མཆོད་བཀུར་སྟི་བྱས་པ་ཡི༔ སྨྱོ་འབོགས་བརྒྱལ་ནད་ཞི་བ་དང་༔ སྡིག་སྒྲིབ་ཞི་ཞིང་ཚེ་བསོད་རྒྱས༔ མཐར་ཐུག་པདྨ་འོད་དུ་སྐྱེ༔ ས་མ་ཡཿ ཕྱག་བྲིས་ལས་ཞལ་བཤུས་ཞུས།། །།

[edit]

a)/__dpa' 'og dbang chen brag gi dkar chags/__rang byang gsang ba chen po las:__ngo mtshar brda' yi ri mo bkra:__pad+mo bkod ba'i byang gi char:__dpa' bo rta mgrin dbang chen brag:__ngo mtshar zla gam dbang gi phug:__ya mtshan bkod pa cir yang 'char:__ri bo glang chen 'gying ba la:__rta mgrin zhi khro'i lha tshogs dang :__dbus ri shel phug gsang ba'i rdzong :__rig 'dzin bla ma'i lha tshogs dang :__dpa' bo mkha' 'gro 'du ba'i gnas:__de yi yang rtser dga' rab rje'i:__byin brlab phug pa zang thal ba:__g.yas logs 'chi med tshe yi phug:__tshe dpag med pa'i lha tshogs bzhugs:__g.yon du tsaN+Da li yi phug:__tshe bum tshe chu'i rgyun bzang dang :__gab pa'i mtsho ni 'o ma dang :__sin+d+hu ra dang chang gi mtsho:__dri zhim ngad pa thul ba yi:__nad gdon sel zhing sdig sgrib zhi:__gnas kyi yang snying dpa' bo'i dil:__rta mgrin phug mo che dang ni:__dpal mgon dgyes par rol pa'i phug:__sku gsung thugs kyi rten mchog dang :__ngo mtshar brda' ris zab mo'i gter:__mang pos gtams shing 'don pa yi:__skyes bu pad+ma'i ming can dang :__DA ki a yu'i ming can gyis:__'don par 'gyur srid phyi ma'i dus:__'gro 'dul dpa' bo'i mtshan can gyis:__spyod nas bod khams bde bar byed:__gnas 'dir bsnyen cing sgrub pa dang :__phyag mchod bkur sti byas pa yi:__smyo 'bogs brgyal nad zhi ba dang :__sdig sgrib zhi zhing tshe bsod rgyas:__mthar thug pad+ma 'od du skye:__sa ma yaHphyag bris las zhal bshus zhus//___//