JKCL-KABUM-08-NYA-012-055

🚧 This website is under continued development. We appreciate your patience!

Previous Text Back to Volume PageNext Text

Wylie title	rje sangs rgyas kun 'dus rdo rje 'chang sogs
Location	chos kyi blo gros bka' 'bum Volume 8, sde tshan 12, Text 55, Pages 493-494 (Folios 40a4 to 40b5)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Associated People	ཆོས་ཀྱི་རྒྱ་མཚོ་ (Katok Situ, 3rd)
Citation	'jam dbyangs mkhyen brtse chos kyi blo gros. rje sangs rgyas kun 'dus rdo rje 'chang sogs. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 8: 493-494. Bir, H.P.: Khyentse Labrang, 2012.
Genre	Vajra Songs - rdo rje'i glu
Lotsawa House Link	https://www.lotsawahouse.org/tibetan-masters/jamyang-khyentse-chokyi-lodro/song-recalling-gurus-kindness
Colophon	།ཤིང་ཁྱི་ཟླ་༨ཚེས་༢༣ལའོ།།
	/shing khyi zla 8tshes 23la'o//

1 Texts in this Section (sde tshan or chos tshan)

55 493-494	རྗེ་སངས་རྒྱས་ཀུན་འདུས་རྡོ་རྗེ་འཆང་སོགས། rje sangs rgyas kun 'dus rdo rje 'chang sogs Vajra Songs - rdo rje'i glu	Text page View PDF
	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ('jam dbyangs mkhyen brtse chos kyi blo gros)

Tibetan Text

Wylie

[edit]

༈ རྗེ་སངས་རྒྱས་ཀུན་འདུས་རྡོ་རྗེ་འཆང་། །དཔལ་ཨོ་རྒྱན་ཆོས་ཀྱི་རྒྱ་མཚོ་ནི། །སྤྲང་བདག་གི་སྤྱི་བོའི་རྒྱན་དུ་བཞུགས། །རྐྱེན་ཅི་བྱུང་བླ་མ་ཁྱེད་རང་ལ། །བུས་རྟག་ཏུ་གསོལ་བ་འདེབས་པ་ལགས། །རྟེན་དལ་འབྱོར་མི་ལུས་ཐོབ་པ་འདི། །རྗེ་ཐུབ་པའི་བསྟན་ལ་ཞུགས་པ་ཡང་། །ཕ་རྗེ་བཙུན་བླ་མ་ཁྱོད་ཀྱི་དྲིན། །དཔེ་ཀ་ཁ་སྦྱངས་པ་ཡན་ཆོད་ནས། །རྒྱུད་གསང་བ་སྙིང་པོ་ཐུག་གི་བར། །བསོད་རྣ་བའི་དཔྱིད་དུ་ཐོས་པའང་། །སྐྱབས་ཕ་ཅིག་བླ་མ་ཁྱེད་ཀྱི་དྲིན། །གཞི་ངེས་འབྱུང་སོ་ཐར་གྱི་ས་གཞི་ལ། །སྨན་བུ་མོས་འདམས་གྱིས་མ་གོས་ཤིང་། །བུ་ད་ལྟ་བྱི་ཕྲུག་གི་མ་བསྐོར་བ། །མགོན་བླ་མ་ཐུབ་དབང་ཁྱེད་ཀྱིས་དྲིན། །ཆོས་སྙིང་པོ་བྱང་ཆུབ་སེམས་བསྐྱེད་ལ། །སེམས་ཅན་བློས་བཏང་གི་དགྲ་སྟྭས་མ་རྨས་པ། །གཞན་ཕན་གྱི་བསམ་པ་བག་ཙམ་འདི། །རྗེ་འགྲོ་བའི་མགོན་པོ་ཁྱེད་ཀྱི་དྲིན། །ཆོས་བཀའ་གཏེར་གྱི་གདམས་ཟབ་རྒྱ་མཚོ་ལ། །རང་ཅི་འདོད་སྤྱོད་དུ་ཡོད་པ་དང་། །སྒྲུབ་ནུས་ན་ཚེ་འདིར་གྲོལ་བར་ནུས། །འདི་ཀུན་ཡང་རྡོ་རྗེ་འཆང་ཁྱེད་དྲིན། །ལས་བཟང་པོ་རྟེན་བཞེངས་མཆོད་པ་སོགས། །རྣམ་དཀར་གྱི་ལས་ལ་དཀར་བ་དང་། །རིས་མེད་ལ་དད་པ་དག་སྣང་ནི། །ཕྱོགས་འདུ་མེད་རྒྱས་པ་ཁྱེད་ཀྱི་དྲིན། །མདོར་བསྡུ་ན་ད་སྔ་ཡན་ཆོད་ལ། །ཡོན་ཏན་གྱི་རྣམ་པ་ཅི་མཆིས་པ། །ཕ་ནོར་བུ་ཁྱེད་ཀྱི་དྲིན་ལས་རྙེད། །བུས་བྱང་ཆུབ་བར་དུ་ཁྱེད་ཀྱི་དྲིན། །སྒོ་གསུམ་གྱི་མཆོད་པས་མཉེས་བྱེད་ན། །རྗེ་དྲིན་ཆོག་རྒྱལ་པོས་བྱིན་གྱིས་རློབས། །ཤིང་ཁྱི་ཟླ་༨ཚེས་༢༣ལའོ།། །།

[edit]

!_rje sangs rgyas kun 'dus rdo rje 'chang /__/dpal o rgyan chos kyi rgya mtsho ni/__/sprang bdag gi spyi bo'i rgyan du bzhugs/__/rkyen ci byung bla ma khyed rang la/__/bus rtag tu gsol ba 'debs pa lags/__/rten dal 'byor mi lus thob pa 'di/__/rje thub pa'i bstan la zhugs pa yang /__/pha rje btsun bla ma khyod kyi drin/__/dpe ka kha sbyangs pa yan chod nas/__/rgyud gsang ba snying po thug gi bar/__/bsod rna ba'i dpyid du thos pa'ang /__/skyabs pha cig bla ma khyed kyi drin/__/gzhi nges 'byung so thar gyi sa gzhi la/__/sman bu mos 'dams gyis ma gos shing /__/bu da lta byi phrug gi ma bskor ba/__/mgon bla ma thub dbang khyed kyis drin/__/chos snying po byang chub sems bskyed la/__/sems can blos btang gi dgra s+t+was ma rmas pa/__/gzhan phan gyi bsam pa bag tsam 'di/__/rje 'gro ba'i mgon po khyed kyi drin/__/chos bka' gter gyi gdams zab rgya mtsho la/__/rang ci 'dod spyod du yod pa dang /__/sgrub nus na tshe 'dir grol bar nus/__/'di kun yang rdo rje 'chang khyed drin/__/las bzang po rten bzhengs mchod pa sogs/__/rnam dkar gyi las la dkar ba dang /__/ris med la dad pa dag snang ni/__/phyogs 'du med rgyas pa khyed kyi drin/__/mdor bsdu na da snga yan chod la/__/yon tan gyi rnam pa ci mchis pa/__/pha nor bu khyed kyi drin las rnyed/__/bus byang chub bar du khyed kyi drin/__/sgo gsum gyi mchod pas mnyes byed na/__/rje drin chog rgyal pos byin gyis rlobs/__/shing khyi zla 8tshes 23la'o//___//