ཨ་ཧོ་ཡེ། དགུང་སྔོན་མཐོན་པོའི་དཀྱིལ་ན་སོགས།

🚧 This website is under continued development. We appreciate your patience!

Previous Text Back to Volume PageNext Text

Wylie title	a ho ye/ dgung sngon mthon po'i dkyil na sogs
Location	chos kyi blo gros bka' 'bum Volume 8, sde tshan 12, Text 56, Pages 494-495 (Folios 40b5 to 41a6)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. a ho ye dgung sngon mthon po'i dkyil na sogs. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 8: 494-495. Bir, H.P.: Khyentse Labrang, 2012.
Genre	Vajra Songs - rdo rje'i glu
Colophon	།ཅེས་མེ་ཁྱི་ཟླ་༣ཚེས་༧སྔ་ཆར་ལའོ།།
	/ces me khyi zla 3tshes 7snga char la'o//

1 Texts in this Section (sde tshan or chos tshan)

56 494-495	ཨ་ཧོ་ཡེ། དགུང་སྔོན་མཐོན་པོའི་དཀྱིལ་ན་སོགས། a ho ye/ dgung sngon mthon po'i dkyil na sogs Vajra Songs - rdo rje'i glu	Text page View PDF
	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ('jam dbyangs mkhyen brtse chos kyi blo gros)

Tibetan Text

Wylie

[edit]

༈ ཨ་ཧོ་ཡེ། དགུང་སྔོན་མཐོན་པོའི་དཀྱིལ་ན། །སྤྲིན་དཀར་ལང་ལོང་འཁྲིག་པ། །ཕ་ཅིག་དྲིན་ཅན་བླ་མ། །དྲན་པའི་གསོས་འདེབས་བྱས་བྱུང་། །འཇའ་ཚོན་སྣ་ལྔ་འཁྲིགས་པའི། །གུར་ཁྱིམ་མཛེས་པའི་དབུས་ན། །ཨོ་རྒྱན་མ་ཧཱ་གུ་རུ། །བཞུགས་པར་མོས་ན་བཞུགས་ཡོད། །བྱིན་རླབས་ཆར་རྒྱུན་འབེབས་རན། །གནམ་སྔོན་དྭངས་པའི་ངོས་ལ། །རྟ་བདུན་རྒྱལ་པོས་འོད་འབར། །རང་བཞིན་གདོད་མའི་བཞུགས་ཚུལ། །ངེས་གསང་བརྡ་འདིས་མཚོན་བྱུང་། །སྐད་ཅིག་འགྱུར་བའི་ཚུལ་འདིས། །མི་རྟག་སྒྱུ་མའི་དོན་སྟོན། །ཡིད་ལ་སྐྱོ་གདུང་འདྲེས་པ། །རང་གི་སེམས་ཀྱི་སྣང་བ། །ཉམས་མཚར་སྒྱུ་མའི་ལྟད་མོ། །བཀྲག་གསལ་མཚར་སྡུག་ལྡན་འདིས། །ཡིད་ག་ཤར་གྱི་རི་རྩེར། །མོས་སོ་བཞུགས་ལ་གཏོད་དོ། །ཡུན་རིང་སྲིད་པར་དུབ་ཤིང་། །ཀུན་རྟོག་ནད་བརྒྱས་གཙེས་པའི། །རྒྱ་མཚོས་རྦ་རླབས་དྲག་པོ། །རང་མལ་འཇམ་གྱི་ཞི་ནས། །བདེ་ཆེན་ཡངས་པའི་ཐང་ལ། །རྟ་མཆོག་ཅང་ཤེས་མཛེས་པ། །ཧི་ཧིའི་སྒྲ་སྙན་འཚེར་བཞིན། །ཀུན་ཏུ་དགའ་བའི་སྐྱེས་བུ། །དལ་གྱིས་བསྒྲོད་པས་མི་ངལ། །སྣ་ཚོགས་རིན་ཆེན་རྒྱན་གྱིས། །རྣམ་པར་བརྒྱན་པའི་གླང་བར་བརྟགས། ཆེན། །གཉིས་འཐུང་གངས་རིའི་མདངས་ལྡན། །གངས་ཅན་རི་བོའི་ཁོངས་སུ། །འཇིགས་པ་མེད་པར་རྒྱུ་ན། །ས་སྟེང་སྐྱེ་རྒུ་ཐམས་ཅད། །དགའ་བའི་གར་བརྒྱ་བསྒྱུར་ཏེ། །ཨ་ལ་ལ་ཡི་སྒྲ་སྒྲོགས། །དགྲ་ལྷའི་བ་དན་དཀར་པོ། །ཕྱོགས་བཅུར་སྒྲེངས་པས་བཀྲ་ཤིས། །ཅེས་མེ་ཁྱི་ཟླ་༣ཚེས་༧སྔ་ཆར་ལའོ།། །།

[edit]

!_a ho ye/__dgung sngon mthon po'i dkyil na/__/sprin dkar lang long 'khrig pa/__/pha cig drin can bla ma/__/dran pa'i gsos 'debs byas byung /__/'ja' tshon sna lnga 'khrigs pa'i/__/gur khyim mdzes pa'i dbus na/__/o rgyan ma hA gu ru/__/bzhugs par mos na bzhugs yod/__/byin rlabs char rgyun 'bebs ran/__/gnam sngon dwangs pa'i ngos la/__/rta bdun rgyal pos 'od 'bar/__/rang bzhin gdod ma'i bzhugs tshul/__/nges gsang brda 'dis mtshon byung /__/skad cig 'gyur ba'i tshul 'dis/__/mi rtag sgyu ma'i don ston/__/yid la skyo gdung 'dres pa/__/rang gi sems kyi snang ba/__/nyams mtshar sgyu ma'i ltad mo/__/bkrag gsal mtshar sdug ldan 'dis/__/yid ga shar gyi ri rtser/__/mos so bzhugs la gtod do/__/yun ring srid par dub shing /__/kun rtog nad brgyas gtses pa'i/__/rgya mtshos rba rlabs drag po/__/rang mal 'jam gyi zhi nas/__/bde chen yangs pa'i thang la/__/rta mchog cang shes mdzes pa/__/hi hi'i sgra snyan 'tsher bzhin/__/kun tu dga' ba'i skyes bu/__/dal gyis bsgrod pas mi ngal/__/sna tshogs rin chen rgyan gyis/__/rnam par brgyan pa'i glang bar brtags/__chen/__/gnyis 'thung gangs ri'i mdangs ldan/__/gangs can ri bo'i khongs su/__/'jigs pa med par rgyu na/__/sa steng skye rgu thams cad/__/dga' ba'i gar brgya bsgyur te/__/a la la yi sgra sgrogs/__/dgra lha'i ba dan dkar po/__/phyogs bcur sgrengs pas bkra shis/__/ces me khyi zla 3tshes 7snga char la'o//___//