JKCL-KABUM-09-TA-032

🚧 This website is under continued development. We appreciate your patience!

Previous Text Back to Volume PageNext Text

པདྨ་དྲག་པོའི་སྨིན་བྱེད་དབང་གི་རིམ་པ༔

Wylie title	pad+ma drag po'i smin byed dbang gi rim pa
Location	chos kyi blo gros bka' 'bum Volume 9, Text 32, Pages 515-518 (Folios 1a1 to 2b1)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Tertön	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ('jam dbyangs mkhyen brtse chos kyi blo gros)
Citation	'jam dbyangs mkhyen brtse chos kyi blo gros. pad+ma drag po'i smin byed dbang gi rim pa. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 9: 515-518. Bir, H.P.: Khyentse Labrang, 2012.
Genre	Empowerment Ritual - dbang chog - dbang skur
Cycle	ཟབ་གསང་པདྨའི་ཡང་ཏིག་ (zab gsang pad+ma'i yang tig)
Deity	pad+ma drag po
Recension Link	Other Versions on this site: པདྨ་དྲག་པོའི་སྨིན་བྱེད་དབང་གི་རིམ་པ༔
Colophon	པདྨ་ཡེ་ཤེས་རྡོ་རྗེས་ཆུ་སྦྲུལ་ཟླ་༣ཚེས་༣ལ་བྲིས་པའོ།།
	pad+ma ye shes rdo rjes chu sbrul zla 3tshes 3la bris pa'o//

1 Texts in this Section (sde tshan or chos tshan)

515-518	པདྨ་དྲག་པོའི་སྨིན་བྱེད་དབང་གི་རིམ་པ༔ pad+ma drag po'i smin byed dbang gi rim pa Empowerment Ritual - dbang chog - dbang skur	Text page View PDF
	[[|འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ()]]

Tibetan Text

Wylie

[edit]

པདྨ་དྲག་པོའི་སྨིན་བྱེད་དབང་གི་རིམ་པ་བཞུགས་སོ༔ རྩ་གསུམ་ལྷ་ལ་ཕྱག་འཚལ་ལོ༔ པདྨ་དྲག་པོ་སྒྲུབ་འདོད་པས༔ སྨིན་བྱེད་དབང་གི་རིམ་པ་ནི༔ དལ་དམར་པདྨ་འདབ་བཞི་ལ༔ དབུས་སུ་གྲུ་གསུམ་སྨུག་ནག་དབུས༔ ཐིག་ལེའི་ཚོམ་བུ་དམར་པོ་དགོད༔ མཐའ་སྐོར་པད་ཕྲེང་རྡོ་རྭ་དང་༔ མེ་རིས་བསྐོར་བ་བཀྲམ་བྱས་ཁར༔ བུམ་པ་སྐུ་ཙག་ཐོད་ཆང་དང་༔ སྔགས་ཕྲེང་མེ་ལོང་ཤེལ་རྡོ་བརྩེགས༔ ཕྱི་ནང་མཆོད་པ་ཚོགས་གཏོར་བཤམས༔ བདེ་བའི་སྟན་ལ་སྡོད་བྱས་ནས༔ བདག་མདུན་དབྱེར་མེད་བསྐྱེད་བཟླས་སྒྲུབ༔ དབང་ནོས་རང་ཉིད་ནུས་ལྡན་བྱ༔ དད་ལྡན་སློབ་མ་ཁྲུས་ནས་དབྱུང་༔ བགེགས་བསྐྲད་སྲུང་བའི་འཁོར་ལོས་བཅིང་༔ མཎྜལ་འབུལ་ཞིང་གསོལ་བ་བཏབ༔ ཨེ་མ་མགོན་པོ་ཐུགས་རྗེ་ཅན༔ བདག་ནི་སྐལ་ལྡན་རིགས་ཀྱི་བུ༔ གསང་བ་ཟབ་མོའི་སྒོར་ཞུགས་ནས༔ སྨིན་གྲོལ་དབང་བསྐུར་སྩལ་དུ་གསོལ༔ ཞེས་གསོལ་གནང་བ་སྦྱིན་པ་ནི༔ ཨེ་མ་སྐལ་ལྡན་རིགས་ཀྱི་བུ༔ རྡོ་རྗེའི་དཀྱིལ་འཁོར་འདིར་ཞུགས་ནས༔ དམ་ཚིག་སྡོམ་པ་ཚུལ་བཞིན་བསྲུངས༔ དམ་སྲུངས་དབང་བསྐུར་སྦྱིན་པར་བྱ༔ རྡོ་རྗེ་མགོར་བཞག་བདུད་རྩི་བླུད༔ བཛྲ་ས་མ་ཡ་རཀྵནྟུ་བཛྲ་ས་མ་ཡ་ན་ར་ཀན༔ རྒྱུད་སྦྱོངས་བྱ་ཞིང་ཡེ་ཤེས་དབབ༔ ཏིཥྛ་བཛྲས་བརྟན་པར་བྱ། དབང་ལྷ་སྤྱན་དྲངས་མཆོད་གསོལ་བཏབ༔ རྣམ་རྒྱལ་བུམ་པས་དབང་བསྐུར་ཏེ༔ ཧཱུྃ༔ ཕྱི་ནི་རིན་ཆེན་བུམ་པ་ལ༔ ནང་བཅུད་པདྨ་དྲག་པོ་ནི༔ འོད་ཞུ་བདུད་རྩིའི་ཆུ་འདི་ཡིས༔ སྐལ་ལྡན་ཁྱོད་ལ་དབང་བསྐུར་བྱ༔ ཧྲཱིཿཧཱུྃ་ཏྲཱྃ་ཨོཾ་ཨཱཿཨ་བྷི་ཥིཉྩ་སརྦ་ཏ་ཐཱ་ག་ཏ་ས་མ་ཡ་ཤྲཱི་ཡེ་ཧཱུྃ༔ སྐུ་ཙཀ་གིས་ནི་དབང་བསྐུར་ཏེ༔ ཧཱུྃ༔ པདྨ་དྲག་པོ་ལྷ་ཡི་ལྷ༔ རྒྱལ་འགོང་དམ་སྲི་འདུལ་མཛད་ཅིང་༔ ཡེ་ཤེས་ཕྱག་རྒྱས་དབང་བསྐུར་བས༔ སྐུ་ཡི་དབང་མཆོག་ཐོབ་པར་ཤོག༔ ཀཱ་ཡ་ཨ་བྷི་ཥིཉྩ་ཨོཾ༔ གསུང་གི་བཟླས་ལུང་སྦྱིན་པ་དང་༔ སྔགས་ཀྱི་ཕྲེང་བ་མགྲིན་པར་བཞག༔ ཨཱཿབརྗོད་མེད་བརྗོད་པ་ཀུན་གྱི་གསུང་༔ གྲགས་སྟོང་སྔགས་ཀྱི་དབང་བསྐུར་བས༔ ངག་ལ་ནུས་པ་རབ་འབར་ཏེ༔ དྲག་པོའི་གསུང་མཆོག་ཐོབ་པར་ཤོག༔ ཝཱ་ཀ་ཨ་བྷི་ཥིཉྩ་ཨཱཿཐུགས་ཀྱི་ཕྱག་མཚན་དབང་སྦྱིན་ཏེ༔ ཧཱུྃ༔ པདྨ་དྲག་པོའི་ཐུགས་ཕྱག་རྒྱའི༔ ངོ་བོ་རང་རྟགས་ཕྱག་མཚན་འདིས༔ དབང་བསྐུར་ཡིད་ཀྱི་སྒྲིབ་དག་སྟེ༔ དྲག་པོའི་ཐུགས་སུ་སྨིན་པར་ཤོག༔ ཙིཏྟ་ཨ་བྷི་ཥིཉྩ་ཧཱུྃཿཡོན་ཏན་ཕྲིན་ལས་ཆས་རྣམས་སྦྱིན༔ ཧཱུྃ་ཧྲཱིཿཆེ་བའི་ཡོན་ཏན་ཡོངས་རྫོགས་པའི༔ དུར་ཁྲོད་དཔལ་གྱི་ཆས་རྣམས་ཀྱིས༔ སྐལ་ལྡན་ཁྱེད་ལ་མངའ་གསོལ་བས༔ ཡོན་ཏན་ཕྲིན་ལས་དབང་ཐོབ་ཤོག༔ གུ་ཎ་ཀརྨ་ཨ་བྷི་ཥིཉྩ་ཧོཿཤཱནྟིཾ། པུཥྚིཾ། ཝཱ་ཤཾ། མཱ་ར་ཡ་ཕཊ༔ དེ་ནས་ཟབ་མོའི་དབང་གསུམ་སྦྱིན༔ ཐོད་པའི་བདུད་རྩིའི་དབང་བསྐུར་ཏེ༔ ཨེ་མ་ཧོ་ཤིན་ཏུ་གསང་བ་ཡི༔ བདུད་རྩི་ཆེན་པོ་སངས་རྒྱས་ཀུན༔ བདེ་བ་ཆེན་པོའི་རོལ་པ་ཡི༔ ཞུ་བའི་བདུད་རྩིས་དབང་བསྐུར་རོ༔ ཨ་ཧོ་མ་ཧཱ་སུ་ཁ་ཧོ༔ བདེ་བའི་ཡེ་ཤེས་ངོས་བཟུང་བྱ༔ གསང་བའི་དབང་གི་རིག་མ་སྦྱིན༔ ཧོཿབདེ་ཆེན་འབྱུང་གནས་བདེ་བའི་མཆོག༔ སངས་རྒྱས་ཀུན་གྱི་གསང་བའི་ལམ༔ རིག་མའི་བརྟུལ་ཞུགས་བླ་མེད་པས༔ འདིར་བསྟེན་ཡང་དག་སྦྱོར་བ་གྱིས༔ པདྨ་བྷཉྫ་མོཀྵ་ཧོ༔ དབབ་ལྡོག་དགའ་བཞིའི་རིམ་པ་བྱ༔ བཞི་པའི་ཡེ་ཤེས་བརྡ་ཡི་མཚོན༔ ཨཿདག་ཅིང་གསལ་ལ་དྲི་མ་མེད༔ རང་བྱུང་ཡེ་ཤེས་བདེ་བ་ཆེ༔ ཤིན་ཏུ་རྣམ་པར་དག་པའི་དབྱིངས༔ འོད་གསལ་ལྷུན་གྲུབ་ཆེན་པོའོ༔ ཨ་ཏི་ཧོ༔ ཡོངས་རྫོགས་གཏོར་མའི་དབང་བསྐུར་སྦྱིན༔ ཨོཾ་ཨཱཿཧཱུྃ་ཧྲཱིཿརང་བྱུང་ལྷུན་གྲུབ་པདྨ་རྒྱལ་པོའི་སྐུ༔ དཀྱིལ་འཁོར་གཙོ་མཆོག་པདྨ་དྲག་པོ་ཡིས༔ དེང་འདིར་སྐལ་ལྡན་བུ་ལ་བརྩེ་བས་དགོངས༔ དབང་དང་བྱིན་རླབས་དངོས་གྲུབ་སྩལ་དུ་གསོལ༔ ལུས་ལ་སྣང་སྟོང་སྐུ་ཡི་བྱིན་གྱིས་རློབས༔ ངག་ལ་གྲགས་སྟོང་གསུང་གི་བྱིན་གྱིས་རློབས༔ ཡིད་ལ་རིག་སྟོང་ཐུགས་ཀྱི་བྱིན་གྱིས་རློབས༔ དབྱེར་མེད་བདེ་ཆེན་ངོ་བོ་ཉིད་ཀྱི་སྐུས༔ ད་ལྟ་ཉིད་དུ་བྱིན་གྱིས་བརླབ་ཏུ་གསོལ༔ མཆོག་དང་ཐུན་མོང་དངོས་གྲུབ་མ་ལུས་སྩོལ༔ ཀཱ་ཡ་ཝཱ་ཀ་ཙིཏྟ་གུ་ཎ་ཀརྨ་སརྦ་སིདྡྷི་ཧོ༔ གཏོར་མའི་ལྷ་རྣམས་སློབ་མར་བསྟིམ༔ གཏོར་རྫས་དངོས་གྲུབ་བདུད་རྩི་མྱང་༔ རྗེས་ལ་དམ་ཚིག་བསྒྲགས་བཟུང་དང་༔ ཡོན་འབུལ་དགའ་སྟོན་ཚོགས་འཁོར་བྱ༔ ས་མ་ཡ༔ དེ་ལྟར་དབང་གི་རིམ་པ་ཡང་༔ དམ་ཚིག་བརྡ་ཡིས་མཚོན་པ་དང་༔ ལས་ལྡན་སྐྱེས་བུའི་སྙིང་ལ་སད༔ སྐལ་ལྡན་འགའ་ཡི་དཔལ་དུ་འགྱུར༔ ས་མ་ཡ༔ རྒྱ་རྒྱ་རྒྱ༔ པདྨ་ཡེ་ཤེས་རྡོ་རྗེས་ཆུ་སྦྲུལ་ཟླ་༣ཚེས་༣ལ་བྲིས་པའོ།། །།

[edit]

pad+ma drag po'i smin byed dbang gi rim pa bzhugs so:__rtsa gsum lha la phyag 'tshal lo:__pad+ma drag po sgrub 'dod pas:__smin byed dbang gi rim pa ni:__dal dmar pad+ma 'dab bzhi la:__dbus su gru gsum smug nag dbus:__thig le'i tshom bu dmar po dgod:__mtha' skor pad phreng rdo rwa dang :__me ris bskor ba bkram byas khar:__bum pa sku tsag thod chang dang :__sngags phreng me long shel rdo brtsegs:__phyi nang mchod pa tshogs gtor bshams:__bde ba'i stan la sdod byas nas:__bdag mdun dbyer med bskyed bzlas sgrub:__dbang nos rang nyid nus ldan bya:__dad ldan slob ma khrus nas dbyung :__bgegs bskrad srung ba'i 'khor los bcing :__maN+Dal 'bul zhing gsol ba btab:__e ma mgon po thugs rje can:__bdag ni skal ldan rigs kyi bu:__gsang ba zab mo'i sgor zhugs nas:__smin grol dbang bskur stsal du gsol:__zhes gsol gnang ba sbyin pa ni:__e ma skal ldan rigs kyi bu:__rdo rje'i dkyil 'khor 'dir zhugs nas:__dam tshig sdom pa tshul bzhin bsrungs:__dam srungs dbang bskur sbyin par bya:__rdo rje mgor bzhag bdud rtsi blud:__badz+ra sa ma ya rak+Shan+tu badz+ra sa ma ya na ra kan:__rgyud sbyongs bya zhing ye shes dbab:__tiSh+Tha badz+ras brtan par bya/__dbang lha spyan drangs mchod gsol btab:__rnam rgyal bum pas dbang bskur te:__hU~M:__phyi ni rin chen bum pa la:__nang bcud pad+ma drag po ni:__'od zhu bdud rtsi'i chu 'di yis:__skal ldan khyod la dbang bskur bya:__hrIHhU~M trA~M oM AHa b+hi Shiny+tsa sarba ta thA ga ta sa ma ya shrI ye hU~M:__sku tsaka gis ni dbang bskur te:__hU~M:__pad+ma drag po lha yi lha:__rgyal 'gong dam sri 'dul mdzad cing :__ye shes phyag rgyas dbang bskur bas:__sku yi dbang mchog thob par shog:__kA ya a b+hi Shiny+tsa oM:__gsung gi bzlas lung sbyin pa dang :__sngags kyi phreng ba mgrin par bzhag:__AHbrjod med brjod pa kun gyi gsung :__grags stong sngags kyi dbang bskur bas:__ngag la nus pa rab 'bar te:__drag po'i gsung mchog thob par shog:__wA ka a b+hi Shiny+tsa AHthugs kyi phyag mtshan dbang sbyin te:__hU~M:__pad+ma drag po'i thugs phyag rgya'i:__ngo bo rang rtags phyag mtshan 'dis:__dbang bskur yid kyi sgrib dag ste:__drag po'i thugs su smin par shog:__tsit+ta a b+hi Shiny+tsa hU~MHyon tan phrin las chas rnams sbyin:__hU~M hrIHche ba'i yon tan yongs rdzogs pa'i:__dur khrod dpal gyi chas rnams kyis:__skal ldan khyed la mnga' gsol bas:__yon tan phrin las dbang thob shog:__gu Na karma a b+hi Shiny+tsa hoHshAn+tiM/__puSh+TiM/__wA shaM/__mA ra ya phaT:__de nas zab mo'i dbang gsum sbyin:__thod pa'i bdud rtsi'i dbang bskur te:__e ma ho shin tu gsang ba yi:__bdud rtsi chen po sangs rgyas kun:__bde ba chen po'i rol pa yi:__zhu ba'i bdud rtsis dbang bskur ro:__a ho ma hA su kha ho:__bde ba'i ye shes ngos bzung bya:__gsang ba'i dbang gi rig ma sbyin:__hoHbde chen 'byung gnas bde ba'i mchog:__sangs rgyas kun gyi gsang ba'i lam:__rig ma'i brtul zhugs bla med pas:__'dir bsten yang dag sbyor ba gyis:__pad+ma b+hany+dza mok+Sha ho:__dbab ldog dga' bzhi'i rim pa bya:__bzhi pa'i ye shes brda yi mtshon:__aHdag cing gsal la dri ma med:__rang byung ye shes bde ba che:__shin tu rnam par dag pa'i dbyings:__'od gsal lhun grub chen po'o:__a ti ho:__yongs rdzogs gtor ma'i dbang bskur sbyin:__oM AHhU~M hrIHrang byung lhun grub pad+ma rgyal po'i sku:__dkyil 'khor gtso mchog pad+ma drag po yis:__deng 'dir skal ldan bu la brtse bas dgongs:__dbang dang byin rlabs dngos grub stsal du gsol:__lus la snang stong sku yi byin gyis rlobs:__ngag la grags stong gsung gi byin gyis rlobs:__yid la rig stong thugs kyi byin gyis rlobs:__dbyer med bde chen ngo bo nyid kyi skus:__da lta nyid du byin gyis brlab tu gsol:__mchog dang thun mong dngos grub ma lus stsol:__kA ya wA ka tsit+ta gu Na karma sarba sid+d+hi ho:__gtor ma'i lha rnams slob mar bstim:__gtor rdzas dngos grub bdud rtsi myang :__rjes la dam tshig bsgrags bzung dang :__yon 'bul dga' ston tshogs 'khor bya:__sa ma ya:__de ltar dbang gi rim pa yang :__dam tshig brda yis mtshon pa dang :__las ldan skyes bu'i snying la sad:__skal ldan 'ga' yi dpal du 'gyur:__sa ma ya:__rgya rgya rgya:__pad+ma ye shes rdo rjes chu sbrul zla 3tshes 3la bris pa'o//__//