DKR-KABUM-02-KHA-050-09

🚧 This website is under continued development. We appreciate your patience!

First text in volume.Last text in volume.

Wylie title		page=1
Location	dil mgo mkhyen brtse bka' 'bum Volume 50, Text 9, Pages (Folios to )
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Citation
Genre

Tibetan Text

Wylie

[edit]

༈ རིག་འཛིན་བདུད་ཀྱི་གཤེད་ཆེན་ལ་བསྔགས་པ་ཟིལ་གནོན་རྡོ་རྗེའི་རྔམས་སྒྲ་ཞེས་བྱ་བ་བཞུགས། ཀཱི་ལ་ཡ་ཡི་རྡོ་རྗེའི་ཡེ་ཤེས་མཚོན། །ཁུ་འཕང་ཆར་ལྡན་སྒྲ་བརྒྱའི་ང་རོ་དང༌། །གེ་སར་དམག་གི་དཔུང་བཞིན་བདུད་སྡེའི་ངོར། །ངོ་མཐོན་ཁྲག་འཐུང་རྗེ་བཙན་བཞེངས་ལ་བསྟོད། །ཅི་ནས་བརླང་པོར་སྤྱོད་པའི་ལས་ཉོན་ཀླུང༌། །ཆུ་ལོན་དང་མཚུངས་ཤུགས་སྒྲོལ་ཕྲིན་ལས་ཀྱིས། །ཇེ་ཞིག་མ་ཡིན་དྲན་པའི་མོད་ཉིད་ནས། །ཉོ་ཚོང་རྫས་ལས་ལྷག་སྟེར་ཁྱོད་མཐུ་རྦད། །ཏིག་ཏའི་རོ་བཞིན་ངན་འགྲོའི་རྒྱུ་འབྲས་སྐྱོབ། །ཐུ་བོ་ཞི་བདེའི་དགའ་སྟོན་སུག་རྩེར་སྟེར། །དེ་ཝ་ལྷ་མིན་དྲེགས་ལྡན་ཡོངས་ཀྱི་གཤེད། །ནོངས་པའི་ཚོགས་འཇོམས་དཔའ་བོའི་དབང་ཕྱུག་བསྔགས། །པི་པི་ལིང་གི་རོ་བཞིན་མཐུ་སྟོབས་དབལ། །ཕུང་ཀྲོལ་བསྐྱེད་ལ་ལྷག་པར་རྔམས་པ་ལས། །བེ་ཕུར་བཏབ་བཞིན་བདུད་དགྲས་མི་གཡོ་བའི། །མོ་རྒྱུད་འཕྲོག་བྱེད་ཞལ་ཅན་རིགས་ལྔ་སྟོན། །ཙིར་གྱི་ཁ་བཞིན་འཛིན་ཤེས་མི་གཏོང་བའི། །ཚུ་རོལ་ཞེན་པའི་འགྲོ་ལ་ཐུགས་རྗེས་བཟུང༌། །ཛེ་ཏའི་ཚལ་དུ་སྟོན་པའི་ཞི་བསིལ་བཞིན། །ཝོ་ཛི་ཧས་ཀྱང་དེ་ཚུལ་བརྗོད་ནུས་མིན། །ཞི་བ་ཕྱོགས་གཅིག་ཞེན་པ་དམན་པའི་ཐོག །ཟུར་གྱིས་གནས་ངན་འབྱམས་པ་སྲིད་པའི་འགྲོ། །འེ་ཞེས་མ་བསྐུལ་ན་ཡང་བྱང་ཆུབ་ཆེར། །ཡོ་བྱད་ཐོབ་བཞིན་བཀོད་པའི་མཐུ་སྟོབས་མངའ། །རི་ཀླུང་འབྱུང་བཞིའི་ལུས་སྲོག་བར་གཅོད་ཕྱི། །ལུ་གུ་རྒྱུད་འབྲེལ་རྩ་ཐིག་རླུང་གི་གེགས། །ཤེ་མོང་དར་བཞིན་དྲེགས་པའི་གཟུང་འཛིན་བགེགས། །སོ་སོར་འདུལ་བས་ལམ་གྱི་གཡང་ས་སྒྲོལ། །ཧ་ཧ་བཞད་པའི་ཁྲག་འཐུང་གད་རྒྱངས་ཀྱིས། །ཨ་དབྱིངས་ཁམས་གསུམ་ཡོངས་སྒྲོལ་སྤྱི་དཔལ་ཆེ། །ཧེ་རུ་ཀ་དཔལ་འབར་བའི་རྒྱལ་པོ་ཆེར། །ཨེ་མ་རབ་གུས་དད་བརྒྱའི་དཔལ་གྱིས་བསྟོད། །མང་མང་ཚིག་གི་སྦྱོར་བ་ཆེས་ཉུང་ཡང༌། །དད་དད་བཅོས་མིན་ཀུན་རྟོག་གིས་བསྐུལ་བས། །གུས་གུས་སྒོ་གསུམ་གཡོ་ཟོལ་མེད་པ་ཡིས། །ཡང་ཡང་བསྟོད་པས་དགྱེས་པའི་དཔྱིད་གྱུར་ཅིག །བསྔགས་བརྗོད་ཀྱི་རབ་བྱེད་བདུན་པའོ།

[edit]

!___rig 'dzin bdud kyi gshed chen la bsngags pa zil gnon rdo rje'i rngams sgra zhes bya ba bzhugs/___kI la ya yi rdo rje'i ye shes mtshon/__/khu 'phang char ldan sgra brgya'i nga ro dang*/__/ge sar dmag gi dpung bzhin bdud sde'i ngor/__/ngo mthon khrag 'thung rje btsan bzhengs la bstod/__/ci nas brlang por spyod pa'i las nyon klung*/__/chu lon dang mtshungs shugs sgrol phrin las kyis/__/je zhig ma yin dran pa'i mod nyid nas/__/nyo tshong rdzas las lhag ster khyod mthu rbad/__/tig ta'i ro bzhin ngan 'gro'i rgyu 'bras skyob/__/thu bo zhi bde'i dga' ston sug rtser ster/__/de wa lha min dregs ldan yongs kyi gshed/__/nongs pa'i tshogs 'joms dpa' bo'i dbang phyug bsngags/__/pi pi ling gi ro bzhin mthu stobs dbal/__/phung krol bskyed la lhag par rngams pa las/__/be phur btab bzhin bdud dgras mi g.yo ba'i/__/mo rgyud 'phrog byed zhal can rigs lnga ston/__/tsir gyi kha bzhin 'dzin shes mi gtong ba'i/__/tshu rol zhen pa'i 'gro la thugs rjes bzung*/__/dze ta'i tshal du ston pa'i zhi bsil bzhin/__/wo dzi has kyang de tshul brjod nus min/__/zhi ba phyogs gcig zhen pa dman pa'i thog__/zur gyis gnas ngan 'byams pa srid pa'i 'gro/__/'e zhes ma bskul na yang byang chub cher/__/yo byad thob bzhin bkod pa'i mthu stobs mnga'/__/ri klung 'byung bzhi'i lus srog bar gcod phyi/__/lu gu rgyud 'brel rtsa thig rlung gi gegs/__/she mong dar bzhin dregs pa'i gzung 'dzin bgegs/__/so sor 'dul bas lam gyi g.yang sa sgrol/__/ha ha bzhad pa'i khrag 'thung gad rgyangs kyis/__/a dbyings khams gsum yongs sgrol spyi dpal che/__/he ru ka dpal 'bar ba'i rgyal po cher/__/e ma rab gus dad brgya'i dpal gyis bstod/__/mang mang tshig gi sbyor ba ches nyung yang*/__/dad dad bcos min kun rtog gis bskul bas/__/gus gus sgo gsum g.yo zol med pa yis/__/yang yang bstod pas dgyes pa'i dpyid gyur cig__/bsngags brjod kyi rab byed bdun pa'o/