JKW-KABUM-10-THA-004-005

🚧 This website is under continued development. We appreciate your patience!

Previous Text Back to Volume PageNext Text

འཇམ་དཔལ་དཀར་པོ་མ་ཏི་ལུགས་ཀྱི་བླ་མ་བརྒྱུད་པའི་གསོལ་འདེབས་བདུད་རྩིའི་སྤྲིན་ཕུང་།

Wylie title	'jam dpal dkar po ma ti lugs kyi bla ma brgyud pa'i gsol 'debs bdud rtsi'i sprin phung
Location	mkhyen brtse'i bka' 'bum Volume 10, sde tshan 4, Text 5, Pages 235-237 (Folios 27a4 to 28a5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Associated People	མ་ཏི་པཎ་ཆེན་ (Paṇḍitamati)
Citation	'jam dbyangs mkhyen brtse'i dbang po. 'jam dpal dkar po ma ti lugs kyi bla ma brgyud pa'i gsol 'debs bdud rtsi'i sprin phung. In 'jam dbyangs mkhyen brtse'i dbang po'i bka' 'bum, Vol. 10: 235-237. Khams sde dge rdzong sar dgon: Rdzong sar blo gros phun tshogs, 2020.
Genre	Prayers - smon lam  ·  Lineage Supplications - brgyud 'debs
Cycle	མ་ཏི་ལུགས་འཇམ་དཀར་ (ma ti lugs 'jam dkar)
Deity	'jam dpal dkar po
Colophon	།ཞེས་འཇམ་དཔལ་དཀར་པོ་མ་ཏི་ལུགས་ཀྱི་བླ་མ་བརྒྱུད་པའི་གསོལ་འདེབས་སྨོན་ལམ་དང་བཅས་པ་བདུད་རྩིའི་སྤྲིན་ཕུང་ཞེས་བྱ་བ། བྱིན་རླབས་ཀྱི་ཆར་ཆེན་འབེབས་ཤིང་བློ་གྲོས་ཀྱི་པདྨོ་རྒྱས་པར་བྱེད་པ་འདིའང་ཐར་ལམ་བླ་མ་ལ་རེ་བ་འཇམ་དབྱངས་མཁྱེན་བརྩེའི་དབང་པོས་གསོལ་བ་བཏབ་པ་སིདྡྷི་རསྟུ། སརྦ་དཱ་ཀ་ལྱཱ་ཎཾ་བྷ་བ་ཏུ།།
	zhes 'jam dpal dkar po ma ti lugs kyi bla ma brgyud pa'i gsol 'debs smon lam dang bcas pa bdud rtsi'i sprin phung zhes bya ba/__byin rlabs kyi char chen 'bebs shing blo gros kyi pad+mo rgyas par byed pa 'di'ang thar lam bla ma la re ba 'jam dbyangs mkhyen brtse'i dbang pos gsol ba btab pa sid+d+hi rastu/__sarba dA ka l+yA NaM b+ha ba tu/

1 Texts in this Section (sde tshan or chos tshan)

5 235-237	འཇམ་དཔལ་དཀར་པོ་མ་ཏི་ལུགས་ཀྱི་བླ་མ་བརྒྱུད་པའི་གསོལ་འདེབས་བདུད་རྩིའི་སྤྲིན་ཕུང་། 'jam dpal dkar po ma ti lugs kyi bla ma brgyud pa'i gsol 'debs bdud rtsi'i sprin phung Prayers - smon lam   ·   Lineage Supplications - brgyud 'debs	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

༄༅། །འཇམ་དཔལ་དཀར་པོ་མ་ཏི་ལུགས་ཀྱི་བླ་མ་བརྒྱུད་པའི་གསོལ་འདེབས་བདུད་རྩིའི་སྤྲིན་ཕུང་ཞེས་བྱ་བ་བཞུགས་སོ། །དུས་གསུམ་རྒྱལ་བའི་ཡབ་གཅིག་འཇམ་དཔལ་དབྱངས། །གང་དེས་རྗེས་བཟུང་སློབ་དཔོན་ཛེ་ཏཱ་རི། །མཁས་ཤིང་གྲུབ་བརྙེས་པཎ་ཆེན་མ་ཏིའི་ཞབས། །གསོལ་བ་འདེབས་སོ་བློ་གྲོས་སྣང་བ་སྩོལ། །བདེ་བའི་རྡོ་རྗེ་འབྱུང་གནས་སྦས་པ་དང་། །གངས་ཅན་བསྟན་པའི་ཉི་མ་ཤཱཀྱ་ཤྲཱི། །མཁན་ཆེན་བྱང་ཆུབ་དཔལ་དང་བདེ་བ་དཔལ། །གསོལ་བ་འདེབས་སོ༴ སངས་རྒྱས་གཞོན་ནུ་བསོད་ནམས་ཤེས་རབ་དང་། །ཤེས་རབ་མགོན་པོ་ཤར་ཆེན་ཐམས་ཅད་མཁྱེན། །རྒྱལ་བས་ལུང་བསྟན་ཀུན་མཁྱེན་ཨེ་ཝཾ་པར། །གསོལ་བ༴ རྒྱལ་ཚབ་དམ་པ་ཡོངས་འཛིན་དཀོན་མཆོག་འཕེལ། །དཀོན་མཆོག་ལྷུན་གྲུབ་པཎ་ཆེན་ནམ་མཁའི་མཚན། །ནམ་མཁའ་སངས་རྒྱས་ནམ་མཁའ་དཔལ་བཟང་པོར། །གསོལ་བ༴ སངས་རྒྱས་ཕུན་ཚོགས་བསྟན་འཛིན་ལྷུན་གྲུབ་ཞབས། །དཔལ་ལྡན་ཆོས་སྐྱོང་རིན་ཆེན་མཆོག་གྲུབ་དང་། །འཇམ་མགོན་བླ་མ་ནམ་མཁའ་འཆི་མེད་ལ། །གསོལ་བ༴ བྱམ༷ས་པ༷འི་ཐུགས་རྗེས་འཇམ་དཔལ་གཞོན་ནུ་ཉིད། །ཀུན༷་དག༷འ་བསྟ༷ན་འཛི༷ན་རྒྱ་མཚོའི་གཙུག་རྒྱན་དུ། །ཡོངས་ཤར་བཀའ་དྲིན་མཉམ་མེད་བླ་མར་རྗེར། །གསོལ་བ་འདེབས་སོ་བློ་གྲོས་སྣང་བ་སྩོལ། །དེ་ལྟར་སྙིང་ནས་གུས་པས་གསོལ་བཏབ་མཐུས། །སྐྱེ་ཞིང་སྐྱེ་བར་ཐེག་མཆོག་བཤེས་གཉེན་གྱིས། །རྗེས་བཟུང་ཚུལ་གནས་ཐོས་བསམ་སྒོམ་པ་ལ། །གཡེལ་མེད་རྟག་ཏུ་བརྩོན་པར་བྱིན་གྱིས་རློབས། །ཁྱད་པར་བླ་མ་མཆོག་གསུམ་གཙུག་ཏུ་བསྙེན། །སྨོན་འཇུག་བྱང་ཆུབ་སེམས་ཀྱིས་རྒྱུད་སྦྱངས་ནས། །ཚོགས་གཉིས་ལས་འཁྲུངས་འཇམ་དཔལ་དཔའ་བོ་ཡི། །ཟབ་གསལ་ཏིང་འཛིན་འགྲུབ་པར་བྱིན་གྱིས་རློབས། །ཐུགས་ཀར་ཟླ་བའི་འཁོར་ལོ་སྔགས་ཕྲེང་བཅས། །གཡས་གཡོན་ཤུགས་དྲག་འཁོར་བའི་སྣང་བ་ཡིས། །ཐོག་མེད་རྨོངས་པའི་མུན་པ་ཀུན་བསལ་ནས། །བློ་གྲོས་པདྨོ་རྒྱས་པར་བྱིན་གྱིས་རློབས། །ཚད་ལྡན་བྲིས་སྐུའི་ཆོ་གས་དངོས་གྲུབ་ཀྱི། །ཡེ་ཤེས་རང་དབང་ཉིད་དུ་སྒྲུབ་པ་དང་། །ཉེས་བྱས་འཇོམས་དང་ཡོན་ཏན་སྐྱེད་པ་སོགས། །ཕྲིན་ལས་འབད་མེད་འགྲུབ་པར་བྱིན་གྱིས་རློབས། །མདོར་ན་དེང་ནས་བྱང་ཆུབ་སྙིང་པོའི་བར། །འཇམ་མགོན་བླ་མ་མཆོག་གིས་རྗེས་བཟུང་ནས། །ཐམས་ཅད་གཟིགས་པའི་གོ་འཕང་མྱུར་ཐོབ་སྟེ། །རང་གཞན་དོན་གཉིས་འགྲུབ་པར་བྱིན་གྱིས་རློབས། །ཞེས་འཇམ་དཔལ་དཀར་པོ་མ་ཏི་ལུགས་ཀྱི་བླ་མ་བརྒྱུད་པའི་གསོལ་འདེབས་སྨོན་ལམ་དང་བཅས་པ་བདུད་རྩིའི་སྤྲིན་ཕུང་ཞེས་བྱ་བ། བྱིན་རླབས་ཀྱི་ཆར་ཆེན་འབེབས་ཤིང་བློ་གྲོས་ཀྱི་པདྨོ་རྒྱས་པར་བྱེད་པ་འདིའང་ཐར་ལམ་བླ་མ་ལ་རེ་བ་འཇམ་དབྱངས་མཁྱེན་བརྩེའི་དབང་པོས་གསོལ་བ་བཏབ་པ་སིདྡྷི་རསྟུ། སརྦ་དཱ་ཀ་ལྱཱ་ཎཾ་བྷ་བ་ཏུ།། །། ༈

[edit]

'jam dpal dkar po ma ti lugs kyi bla ma brgyud pa'i gsol 'debs bdud rtsi'i sprin phung / @#/_/'jam dpal dkar po ma ti lugs kyi bla ma brgyud pa'i gsol 'debs bdud rtsi'i sprin phung zhes bya ba bzhugs so/__/dus gsum rgyal ba'i yab gcig 'jam dpal dbyangs/__/gang des rjes bzung slob dpon dze tA ri/__/mkhas shing grub brnyes paN chen ma ti'i zhabs/__/gsol ba 'debs so blo gros snang ba stsol/__/bde ba'i rdo rje 'byung gnas sbas pa dang /__/gangs can bstan pa'i nyi ma shAkya shrI/__/mkhan chen byang chub dpal dang bde ba dpal/__/gsol ba 'debs so=__sangs rgyas gzhon nu bsod nams shes rab dang /__/shes rab mgon po shar chen thams cad mkhyen/__/rgyal bas lung bstan kun mkhyen e waM par/__/gsol ba=__rgyal tshab dam pa yongs 'dzin dkon mchog 'phel/__/dkon mchog lhun grub paN chen nam mkha'i mtshan/__/nam mkha' sangs rgyas nam mkha' dpal bzang por/__/gsol ba=__sangs rgyas phun tshogs bstan 'dzin lhun grub zhabs/__/dpal ldan chos skyong rin chen mchog grub dang /__/'jam mgon bla ma nam mkha' 'chi med la/__/gsol ba=__byamaXs paX'i thugs rjes 'jam dpal gzhon nu nyid/__/kunaX dgaX' bstaXn 'dziXn rgya mtsho'i gtsug rgyan du/__/yongs shar bka' drin mnyam med bla mar rjer/__/gsol ba 'debs so blo gros snang ba stsol/__/de ltar snying nas gus pas gsol btab mthus/__/skye zhing skye bar theg mchog bshes gnyen gyis/__/rjes bzung tshul gnas thos bsam sgom pa la/__/g.yel med rtag tu brtson par byin gyis rlobs/__/khyad par bla ma mchog gsum gtsug tu bsnyen/__/smon 'jug byang chub sems kyis rgyud sbyangs nas/__/tshogs gnyis las 'khrungs 'jam dpal dpa' bo yi/__/zab gsal ting 'dzin 'grub par byin gyis rlobs/__/thugs kar zla ba'i 'khor lo sngags phreng bcas/__/g.yas g.yon shugs drag 'khor ba'i snang ba yis/__/thog med rmongs pa'i mun pa kun bsal nas/__/blo gros pad+mo rgyas par byin gyis rlobs/__/tshad ldan bris sku'i cho gas dngos grub kyi/__/ye shes rang dbang nyid du sgrub pa dang /__/nyes byas 'joms dang yon tan skyed pa sogs/__/phrin las 'bad med 'grub par byin gyis rlobs/__/mdor na deng nas byang chub snying po'i bar/__/'jam mgon bla ma mchog gis rjes bzung nas/__/thams cad gzigs pa'i go 'phang myur thob ste/__/rang gzhan don gnyis 'grub par byin gyis rlobs/__/zhes 'jam dpal dkar po ma ti lugs kyi bla ma brgyud pa'i gsol 'debs smon lam dang bcas pa bdud rtsi'i sprin phung zhes bya ba/__byin rlabs kyi char chen 'bebs shing blo gros kyi pad+mo rgyas par byed pa 'di'ang thar lam bla ma la re ba 'jam dbyangs mkhyen brtse'i dbang pos gsol ba btab pa sid+d+hi rastu/__sarba dA ka l+yA NaM b+ha ba tu//____//__!_