JKW-KABUM-23-'A-001-036

🚧 This website is under continued development. We appreciate your patience!

Previous Text Back to Volume PageNext Text

གཏུམ་མོའི་རས་འབུད་སྐབས་ཀྱི་གླུ།

Wylie title	gtum mo'i ras 'bud skabs kyi glu
Location	mkhyen brtse'i bka' 'bum Volume 23, sde tshan 1, Text 36, Pages 76-78 (Folios 38b5 to 39b3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. gtum mo'i ras 'bud skabs kyi glu. In 'jam dbyangs mkhyen brtse'i dbang po'i bka' 'bum, Vol. 23: 76-78. Khams sde dge rdzong sar dgon: Rdzong sar blo gros phun tshogs, 2020.
Genre	Vajra Songs - rdo rje'i glu
Colophon	།ཞེས་པ་འདི་ཡང་སྒྲུབ་གནས་བྲག་དམར་ཟངས་ཡག་ནམ་མཁའ་རྫོང་དུ་ཁྲོ་རྒྱལ་ཡང་གསང་གཏུམ་པོ་མཐིང་གའི་རས་བུད་བགྱིས་པའི་སྐབས་སུ། ཡོངས་རྫོགས་བསྟན་པའི་ཉི་མ་སྤྲུལ་པའི་སྐུ་མཆོག་མདོ་སྔགས་གླིང་པས་གང་ཤར་རྩོལ་མེད་ཤུགས་འབྱུང་དུ་གསུངས་པ་ཉིད་ཡི་གེར་འབྲི་བའི་བྱེད་པོ་གཏེར་སློབ་འདུལ་འཛིན་པདྨ་དྲི་མེད་བློ་གྲོས་གཞན་ཕན་ཆོས་ཀྱི་སྣང་བའམ། མིང་གཞན་རིན་ཆེན་དར་རྒྱས་དཔལ་བཟང་པོ་སྟེ་འགྲོ་རྣམས་བདེ་དྲོད་བསམ་མི་ཁྱབ་པའི་གཏུམ་མོ་མཐར་ཕྱིན་པར་གྱུར་ཅིག །པར་མ་སུ་ཁ་ཝརྦྷནྟུ།
	zhes pa 'di yang sgrub gnas brag dmar zangs yag nam mkha' rdzong du khro rgyal yang gsang gtum po mthing ga'i ras bud bgyis pa'i skabs su/__yongs rdzogs bstan pa'i nyi ma sprul pa'i sku mchog mdo sngags gling pas gang shar rtsol med shugs 'byung du gsungs pa nyid yi ger 'bri ba'i byed po gter slob 'dul 'dzin pad+ma dri med blo gros gzhan phan chos kyi snang ba'am/__ming gzhan rin chen dar rgyas dpal bzang po ste 'gro rnams bde drod bsam mi khyab pa'i gtum mo mthar phyin par gyur cig__/par ma su kha war+b+han+tu

Tibetan Text

Wylie

[edit]

ཨེ་མ་ཧོ། སྤྱི་བོ་བདེ་ཆེན་འཁོར་ལོའི་དཀྱིལ་འཁོར་གྱི་དབུས་ན། །ཁྱབ་བདག་བླ་མ་བདེ་གཤེགས་གཏུམ་པོ་དེ་བཞུགས་ཡོད། །སྣང་སྟོང་དབྱེར་མེད་ངང་ནས་གསོལ་བ་རང་འདེབས་སོ། །འཆི་བདག་བདུད་ཚོགས་ཞི་བའི་དངོས་གྲུབ་ཞིག་སྩོལ་མཛོད། །མགྲིན་པ་ལོངས་སྤྱོད་འཁོར་ལོའི་དཀྱིལ་འཁོར་གྱི་དབུས་ན། །ཁྱབ་བདག་བླ་མ་པདྨ་གཏུམ་པོ་དེ་བཞུགས་ཡོད། གྲགས་སྟོང་དབྱེར་མེད་ངང་ནས༴ ཉོན་མོངས་བདུད་ཚོགས་ཞི་བའི་དངོས་གྲུབ་ཅིག་སྩོལ་མཛོད། །སྙིང་ཁ་ཆོས་ཀྱི་འཁོར་ལོའི་དཀྱིལ་འཁོར་གྱི་དབུས་སུ། །ཁྱབ་བདག་བླ་མ་རྡོ་རྗེ་གཏུམ་པོ་དེ་བཞུགས་ཡོད། །རིག་སྟོང་དབྱེར་མེད་ངང་ནས༴ ལྷ་བུའི་བདུད་ཚོགས་ཞི་བའི་དངོས་གྲུབ་ཅིག་སྩོལ་མཛོད། །ལྟེ་བ་སྤྲུལ་པའི་འཁོར་ལོའི་དཀྱིལ་འཁོར་གྱི་དབུས་ན། །ཁྱབ་བདག་བླ་མ་རིན་ཆེན་གཏུམ་པོ་དེ་བཞུགས་ཡོད། །བདེ་སྟོང་དབྱེར་མེད་ངང་ནས༴ ཕུང་པོའི་བདུད་ཚོགས་ཞི་བའི་དངོས་གྲུབ་ཅིག་སྩོལ་མཛོད། །སྲིད་ལས་ངེས་པར་འབྱུང་བ་ཉམས་ལེན་གྱི་ཞིང་ས། །ཀུན་རྫོབ་བྱང་སེམས་འབྱོངས་པ་ཐེག་ཆེན་གྱི་ས་བོན། །ཡང་དག་ལྟ་བ་རྟོགས་པ་ཟབ་དོན་གྱི་སྙིང་པོ། །ཐུན་མོངས་ལམ་རིམ་སྨིན་པར་བྱིན་གྱིས་རང་རློབས་ཤིག །ཐ་མལ་སྣང་ཞེན་དག་པ་བསྐྱེད་རིམ་གྱི་མཐར་ཐུག །རླུང་སྔགས་དབྱེར་མེད་ཤེས་པ་བཟླས་བརྗོད་ཀྱི་དེ་ཉིད། །རིག་སྟོང་སྒྱུ་མར་རྫོགས་པ་གནས་ལུགས་ཀྱི་འཇོག་སོ། །ཁྱད་པར་ལམ་མཆོག་སྒོམ་པར་བྱིན་གྱིས་རང་རློབས་ཤིག །ཨ་ཤད་གཏུམ་མོ་འབར་བའི་བདེ་དྲོད་ཀྱི་རེག་བྱ། །ཧྃ་ཡིག་བྱང་ཆུབ་སེམས་ཀྱི་རྩེ་དགའ་ལ་རོལ་ནས། །རླུང་སེམས་དབུ་མར་ཐིམ་པའི་ཟུང་འཇུག་གི་ཡེ་ཤེས། །ཚེ་འདིར་མངོན་སུམ་འགྲུབ་པའི་སྨོན་ལམ་ཞིག་ཞུའོ། །ཞེས་པ་འདི་ཡང་སྒྲུབ་གནས་བྲག་དམར་ཟངས་ཡག་ནམ་མཁའ་རྫོང་དུ་ཁྲོ་རྒྱལ་ཡང་གསང་གཏུམ་པོ་མཐིང་གའི་རས་བུད་བགྱིས་པའི་སྐབས་སུ། ཡོངས་རྫོགས་བསྟན་པའི་ཉི་མ་སྤྲུལ་པའི་སྐུ་མཆོག་མདོ་སྔགས་གླིང་པས་གང་ཤར་རྩོལ་མེད་ཤུགས་འབྱུང་དུ་གསུངས་པ་ཉིད་ཡི་གེར་འབྲི་བའི་བྱེད་པོ་གཏེར་སློབ་འདུལ་འཛིན་པདྨ་དྲི་མེད་བློ་གྲོས་གཞན་ཕན་ཆོས་ཀྱི་སྣང་བའམ། མིང་གཞན་རིན་ཆེན་དར་རྒྱས་དཔལ་བཟང་པོ་སྟེ་འགྲོ་རྣམས་བདེ་དྲོད་བསམ་མི་ཁྱབ་པའི་གཏུམ་མོ་མཐར་ཕྱིན་པར་གྱུར་ཅིག །པར་མ་སུ་ཁ་ཝརྦྷནྟུ། ། ༈

[edit]

gtum mo'i ras 'bud skabs kyi glu/__ e ma ho/__spyi bo bde chen 'khor lo'i dkyil 'khor gyi dbus na/__/khyab bdag bla ma bde gshegs gtum po de bzhugs yod/__/snang stong dbyer med ngang nas gsol ba rang 'debs so/__/'chi bdag bdud tshogs zhi ba'i dngos grub zhig stsol mdzod/__/mgrin pa longs spyod 'khor lo'i dkyil 'khor gyi dbus na/__/khyab bdag bla ma pad+ma gtum po de bzhugs yod/__grags stong dbyer med ngang nas=__nyon mongs bdud tshogs zhi ba'i dngos grub cig stsol mdzod/__/snying kha chos kyi 'khor lo'i dkyil 'khor gyi dbus su/__/khyab bdag bla ma rdo rje gtum po de bzhugs yod/__/rig stong dbyer med ngang nas=__lha bu'i bdud tshogs zhi ba'i dngos grub cig stsol mdzod/__/lte ba sprul pa'i 'khor lo'i dkyil 'khor gyi dbus na/__/khyab bdag bla ma rin chen gtum po de bzhugs yod/__/bde stong dbyer med ngang nas=__phung po'i bdud tshogs zhi ba'i dngos grub cig stsol mdzod/__/srid las nges par 'byung ba nyams len gyi zhing sa/__/kun rdzob byang sems 'byongs pa theg chen gyi sa bon/__/yang dag lta ba rtogs pa zab don gyi snying po/__/thun mongs lam rim smin par byin gyis rang rlobs shig__/tha mal snang zhen dag pa bskyed rim gyi mthar thug__/rlung sngags dbyer med shes pa bzlas brjod kyi de nyid/__/rig stong sgyu mar rdzogs pa gnas lugs kyi 'jog so/__/khyad par lam mchog sgom par byin gyis rang rlobs shig__/a shad gtum mo 'bar ba'i bde drod kyi reg bya/__/ha~M yig byang chub sems kyi rtse dga' la rol nas/__/rlung sems dbu mar thim pa'i zung 'jug gi ye shes/__/tshe 'dir mngon sum 'grub pa'i smon lam zhig zhu'o/__/zhes pa 'di yang sgrub gnas brag dmar zangs yag nam mkha' rdzong du khro rgyal yang gsang gtum po mthing ga'i ras bud bgyis pa'i skabs su/__yongs rdzogs bstan pa'i nyi ma sprul pa'i sku mchog mdo sngags gling pas gang shar rtsol med shugs 'byung du gsungs pa nyid yi ger 'bri ba'i byed po gter slob 'dul 'dzin pad+ma dri med blo gros gzhan phan chos kyi snang ba'am/__ming gzhan rin chen dar rgyas dpal bzang po ste 'gro rnams bde drod bsam mi khyab pa'i gtum mo mthar phyin par gyur cig__/par ma su kha war+b+han+tu/___/__!