JKW-KABUM-21-ZHA-002-023

🚧 This website is under continued development. We appreciate your patience!

Previous Text Back to Volume PageNext Text

དཔལ་དུར་ཁྲོད་བདག་པོའི་རྟེན་བཅའ།

Wylie title	dpal dur khrod bdag po'i rten bca'
Location	mkhyen brtse'i bka' 'bum Volume 21, sde tshan 2, Text 23, Pages 217-218 (Folios 50a5 to 50b6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. dpal dur khrod bdag po'i rten bca. In jam dbyangs mkhyen brtse'i dbang po'i bka' 'bum, Vol. 21: 217-218. Khams sde dge rdzong sar dgon: Rdzong sar blo gros phun tshogs, 2020.
Genre
Deity	dur khrod bdag po

1 Texts in this Section (sde tshan or chos tshan)

23 217-218	དཔལ་དུར་ཁྲོད་བདག་པོའི་རྟེན་བཅའ། dpal dur khrod bdag po'i rten bca' Ritual and Liturgical Texts - cho ga phyag len	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

༄༅། །དཔལ་དུར་ཁྲོད་བདག་པོའི་རྟེན་བཅའ་ཚུལ་ནི། མཎྜལ་རེ་ཁཱ་ཟླུམ་སྐོར་གྱི་དབུས་སུ་དུང་མགྲོན་ཁ་སྤྲོད་དུ་བྲིས་པའི་སྟེང་དུ་ཚོམ་བུ་ཆེ་བ་གཅིག །ཕྱི་རོལ་གྱི་ཕྱོགས་མཚམས་སུ་བརྒྱད། དེའི་དབུས་སུ་མི་རྐང་གི་ཁྲིའུའི་ཁར་ཐོད་པ་དུམ་གཅིག་ནང་མར་གྱིས་བྱུགས་པའི་དབུས་སུ་ཆང་བུའི་གཏོར་མའམ་ཟླུམ་གཏོར་དཀར་པོ་རྒྱན་ལྡན་ལ་མཛོ་དྲེལ་གྱི་ཤ་མ་གཏོགས་པའི། རི་བོང་གི་ཤ་གཙོར་གྱུར། གཡག་རྒོད་སོགས་ཀྱི་ཤ་སྣ་གཙང་མ། དཀར་གསུམ། མངར་གསུམ། ཤིང་ཏོག་འབྲུ་སྨན་རིན་པོ་ཆེ་དར་ཟབ་སོགས་ཀྱིས་གཏམས། དེའི་སྟེང་དུ་དུང་དང་། མགྲོན་བུ། རིན་ཆེན་ལྔ་དངོས་སམ། དེ་བསྲེས་པའི་ས་སྤྱིན་ལས་དུར་ཁྲོད་བདག་པོ་ཡབ་ཡུམ་གྱི་སྐུ་མངོན་རྟོགས་ལྟར་བཞེངས་པའི་ཐུགས་ཀར་དར་དམར་ལ་གསེར་གྱིས། ཨོཾ་གྷྲྀ་རཱ་ཛ་གྷྲྀ་རཱ་ཛ་ཀུ་མ་ཀུ་མ་ཁུཾ་ཐིས་སྭཱ་ཧཱ། བྲིས་པ་བུད་མེད་ཀྱིས་མ་རེག་པའི་གསེར་ཐིག་པོ་དང་མཉམ་དུ་དར་སེར་གྱིས་བསྒྲིལ་ལ་གཞུག །ལྟོ་བར་དར་རམ་རས་དཀར་པོ་ལ་དྲི་བཟང་གིས་སྦྱངས་པའི་མཚལ་གྱིས་འཁོར་ལོ་རྩིབས་བརྒྱད་མུ་ཁྱུད་དང་བཅས་པ། དབུས་སུ། ཨོཾ། རྩིབས་བརྒྱད་ལ་རི༷ན་པོ༷་ཆེ༷་བརྒྱད། མུ་ཁྱུད་ལ། ཨོཾ་གྷྲྀ་རཱ་ཛ་གྷྲྀ་རཱ་ཛ་ཀུ་མ་ཀུ་མ་ཁུམ་ཐིས་རཏྣ་གྷྲྀ་རྩི་མྃ་མི་སེམས་སྒུལ་སྒུལ་སྭཱ་ཧཱ། ཞེས་གཡས་བསྐོར་དུ་བཀོད། དྲི་བཟང་གིས་བྱུགས་པ་གཞུག །དེའི་གཡས་སུ་ནང་གི་རྟེན་འབྲུ་སྣ་ཚོགས་ལ་རིན་པོ་ཆེ་བརྡར་བས་བཞེངས་པའི་སྐུ་དང་། གཡོན་དུ་དུར་ཁྲོད་ཀྱི་རས་ལ་བྲིས་པའི་སྐུ་རེའང་བཞག །སྟེང་དུ་དར་དཀར་པོའི་གུར་ཕུབ་བོ། ། ༈

[edit]

dpal dur khrod bdag po'i rten bca'/ @#/_/dpal dur khrod bdag po'i rten bca' tshul ni/__maN+Dal re khA zlum skor gyi dbus su dung mgron kha sprod du bris pa'i steng du tshom bu che ba gcig__/phyi rol gyi phyogs mtshams su brgyad/__de'i dbus su mi rkang gi khri'u'i khar thod pa dum gcig nang mar gyis byugs pa'i dbus su chang bu'i gtor ma'am zlum gtor dkar po rgyan ldan la mdzo drel gyi sha ma gtogs pa'i/__ri bong gi sha gtsor gyur/__g.yag rgod sogs kyi sha sna gtsang ma/__dkar gsum/__mngar gsum/__shing tog 'bru sman rin po che dar zab sogs kyis gtams/__de'i steng du dung dang /__mgron bu/__rin chen lnga dngos sam/__de bsres pa'i sa spyin las dur khrod bdag po yab yum gyi sku mngon rtogs ltar bzhengs pa'i thugs kar dar dmar la gser gyis/__oM g+hr-i rA dza g+hr-i rA dza ku ma ku ma khuM this swA hA/__bris pa bud med kyis ma reg pa'i gser thig po dang mnyam du dar ser gyis bsgril la gzhug__/lto bar dar ram ras dkar po la dri bzang gis sbyangs pa'i mtshal gyis 'khor lo rtsibs brgyad mu khyud dang bcas pa/__dbus su/__oM/__rtsibs brgyad la riXn poX cheX brgyad/__mu khyud la/__oM g+hr-i rA dza g+hr-i rA dza ku ma ku ma khum this rat+na g+hr-i rtsi ma~M mi sems sgul sgul swA hA/__zhes g.yas bskor du bkod/__dri bzang gis byugs pa gzhug_/de'i g.yas su nang gi rten 'bru sna tshogs la rin po che brdar bas bzhengs pa'i sku dang /__g.yon du dur khrod kyi ras la bris pa'i sku re'ang bzhag__/steng du dar dkar po'i gur phub bo/___/___!_