JKW-KABUM-20-WA-001-041

🚧 This website is under continued development. We appreciate your patience!

Previous Text Back to Volume PageNext Text

དཔལ་ལྡན་བླ་མ་དམ་པ་དྷརྨ་ཏཱ་ར་ཕུལ་པའི་འཕྲིན་ལན།

Wylie title	dpal ldan bla ma dam pa d+harma tA ra phul pa'i 'phrin lan
Location	mkhyen brtse'i bka' 'bum Volume 20, sde tshan 1, Text 41, Pages 75-77 (Folios 38a4 to 39a3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. dpal ldan bla ma dam pa d+harma tA ra phul pa'i 'phrin lan. In 'jam dbyangs mkhyen brtse'i dbang po'i bka' 'bum, Vol. 20: 75-77. Khams sde dge rdzong sar dgon: Rdzong sar blo gros phun tshogs, 2020.
Genre	Official Letters - chab shog  ·  Replies to Questions - dris lan

1 Texts in this Section (sde tshan or chos tshan)

41 75-77	དཔལ་ལྡན་བླ་མ་དམ་པ་དྷརྨ་ཏཱ་ར་ཕུལ་པའི་འཕྲིན་ལན། dpal ldan bla ma dam pa d+harma tA ra phul pa'i 'phrin lan Official Letters - chab shog   ·   Replies to Questions - dris lan	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

དཔལ་ལྡན་བླ་མ་དམ་པ་དྷརྨ་ཏཱ་ར་ཕུལ་པའི་འཕྲིན་ལན་བདུད་རྩིའི་ལྗོན་པའོ། ། སྡེབ་སྦྱོར་ཁ་སྒོ་ཞེས་བྱ་བའི་པྲསྟཱརའོ། །རང་བཞིན་དག་པའི་བདུད་རྩི་དང་། །ཡོན་ཏན་མཐའ་ཀླས་སྣང་བ་ཆེས། །ཕན་བདེའི་ཆུ་གཏེར་རྒྱས་མཛད་པ། །རྣམ་འདྲེན་ཟླ་བ་གསར་པའི་དྲུང་། ༡ །རབ་དྭངས་བློ་མཆོག་ནོར་བུའི་སྙེ་མ་ལས། །ཚོགས་གསུམ་འདོད་པ་འཇོ་བའི་དགའ་སྟོན་གྱིས། །གཟུར་གནས་སྙིང་ལ་མི་ཟད་བདུད་རྩིའི་སྤྲིན། །སྤྲོ་མཁས་དྲི་མེད་ཚིག་གི་འཕྲིན་རྟེན་སོན། ༢ །དེ་ཚེ་ཤིན་ཏུ་དགའ་བས་མྱོས་པའི་ཚུལ། །དབྱར་གྱི་རྔ་གསང་ཐོས་པའི་མདོངས་མཐའ་བཞིན། །གུས་སྤྲོའི་སྙན་པའི་མེ་ཏོག་འཐོར་བ་ཡང་། །ཡིད་འོང་ཟློས་གར་བསྒྱུར་བའི་དཔལ་ལ་འགྲན། ༣ །གང་ན་གནང་བཀག་ཁྲིམས་ཀྱི་ཟླ་ཐིག་གིས། །རབ་བརླན་བྱང་ཆུབ་སྤྱོད་པའི་ཀུ་མུ་དཱ། །གསང་ཆེན་རིམ་གཉིས་འབྲས་བཟང་གཡུར་ཟ་བའི། །སྔོན་མེད་གྲུབ་པའི་མྱུ་གུ་ཁྱོད་གཅིག་མཐོང་། ༤ །ཕྱི་ནང་རིག་ལམ་དུ་མའི་བ་ཀུ་ལ། །རྣམ་དཔྱོད་མཛེས་མའི་འགྲམ་ཆང་མངར་པོ་ཡིས། །བྲན་པས་མཆོག་ཏུ་དགོད་པའི་འཛུམ་དཀར་གྱིས། །མཁས་ཀུན་ཡི་ག་དབང་མེད་འགུགས་ལ་བྲེལ། ༥ །དེ་སོགས་བསྔགས་འོས་གསང་གསུམ་ཨུཏྤ་ལ། ། སྐལ་བཟང་ཟུར་ཕུད་རྩེ་མོར་སྒེག་པའི་གཏམ། །རིང་ནས་རྣ་བའི་དཔྱིད་དུ་ཐོས་པའི་མོད། །དང་པོའི་ས་ཡི་དགའ་བ་གློ་བུར་ལངས། ༦ །འདི་ན་རང་རྒྱུད་སོས་ཀའི་ཐང་ཀ་ལ། །ཆོས་བརྒྱད་སྨིག་རྒྱུའི་ཆུ་གཏེར་རབ་གཡོ་ཡང་། །རིས་མེད་བསྟན་ལ་གུས་པའི་དྲོད་གཤེར་གྱིས། །ལང་ཚོའི་ས་བོན་མ་ཉམས་བརྟན་བཞིན་མཆིས། ༧ །མཚམས་ཞུས། སླད་མའི་ཆར་ཡང་སྐྱེ་དང་འགག་པའི་མཐའ། །གཟོད་ནས་རྣམ་གྲོལ་བདེ་ཆེན་རྡོ་རྗེའི་དབྱིངས། །མི་ཕྱེད་འདྲེས་པའི་ངལ་འཚོ་ལ་སྦྱར་བས། །འཆི་མེད་གྲུབ་པའི་མཚར་སྡུག་རྫོགས་པ་དང་། ༨ །འདི་ནའང་གནས་སྐབས་མཐར་ཐུག་ཕན་བདེའི་ལམ། །ལེགས་བཤད་དཔྱིད་ཀྱི་ཕོ་ཉའི་རོལ་མོ་ཡིས། །དོན་གཉིས་དབྱར་གྱི་དགའ་མ་བསུ་བ་དང་། །རྟག་ཏུ་ཐུགས་རྗེས་སྤྱན་ཟུར་གཡོ་བར་མཛོད། ༩ །གང་ལ་དེ་སྐད་སྤྲིང་བའང་གུས་སྤྲོའི་ཡིད། །རབ་དྭངས་ཆུ་གཏེར་ཆེ་ལས་ཉེར་འཁྲུངས་པའི། །ཚིག་རྒྱན་རིན་ཆེན་དོ་ཤལ་གསར་བ་སྟེ། །བྱང་ཆུབ་བར་དུ་མཛའ་བའི་རྒྱན་དུ་རོལ། །སརྦ་དཱ་ཀ་ལ་ཤོ་བྷ་ཝནྟུ།། །། ༈

[edit]

dpal ldan bla ma dam pa d+harma tA ra phul pa'i 'phrin lan/ dpal ldan bla ma dam pa d+harma tA ra phul pa'i 'phrin lan bdud rtsi'i ljon pa'o/___/__sdeb sbyor kha sgo zhes bya ba'i prastAra'o/___/rang bzhin dag pa'i bdud rtsi dang /___/yon tan mtha' klas snang ba ches/___/phan bde'i chu gter rgyas mdzad pa/___/rnam 'dren zla ba gsar pa'i drung /___1__/rab dwangs blo mchog nor bu'i snye ma las/_/tshogs gsum 'dod pa 'jo ba'i dga' ston gyis/___/gzur gnas snying la mi zad bdud rtsi'i sprin/___/spro mkhas dri med tshig gi 'phrin rten son/___2__/de tshe shin tu dga' bas myos pa'i tshul/___/dbyar gyi rnga gsang thos pa'i mdongs mtha' bzhin/___/gus spro'i snyan pa'i me tog 'thor ba yang /___/yid 'ong zlos gar bsgyur ba'i dpal la 'gran/___3__/gang na gnang bkag khrims kyi zla thig gis/___/rab brlan byang chub spyod pa'i ku mu dA/___/gsang chen rim gnyis 'bras bzang g.yur za ba'i/___/sngon med grub pa'i myu gu khyod gcig mthong /___4__/phyi nang rig lam du ma'i ba ku la/___/rnam dpyod mdzes ma'i 'gram chang mngar po yis/___/bran pas mchog tu dgod pa'i 'dzum dkar gyis/___/mkhas kun yi ga dbang med 'gugs la brel/___5__/de sogs bsngags 'os gsang gsum ut+pa la/_/_skal bzang zur phud rtse mor sgeg pa'i gtam/___/ring nas rna ba'i dpyid du thos pa'i mod/___/dang po'i sa yi dga' ba glo bur langs/___6__/'di na rang rgyud sos ka'i thang ka la/___/chos brgyad smig rgyu'i chu gter rab g.yo yang /___/ris med bstan la gus pa'i drod gsher gyis/___/lang tsho'i sa bon ma nyams brtan bzhin mchis/___7__/mtshams zhus/___slad ma'i char yang skye dang 'gag pa'i mtha'/___/gzod nas rnam grol bde chen rdo rje'i dbyings/___/mi phyed 'dres pa'i ngal 'tsho la sbyar bas/___/'chi med grub pa'i mtshar sdug rdzogs pa dang /___8__/'di na'ang gnas skabs mthar thug phan bde'i lam/___/legs bshad dpyid kyi pho nya'i rol mo yis/___/don gnyis dbyar gyi dga' ma bsu ba dang /___/rtag tu thugs rjes spyan zur g.yo bar mdzod/___9__/gang la de skad spring ba'ang gus spro'i yid/___/rab dwangs chu gter che las nyer 'khrungs pa'i/___/tshig rgyan rin chen do shal gsar ba ste/___/byang chub bar du mdza' ba'i rgyan du rol/___/sarba dA ka la sho b+ha wan+tu//___//_!