JKW-KABUM-17-TSA-003-001

🚧 This website is under continued development. We appreciate your patience!

First text in section. Back to Volume PageNext Text

གངས་ཅན་བསྟན་པ་ཡོངས་རྫོགས་ཀྱི་བྲིས་ཐང་གསར་སྤྲོས་ལྔ་ཡི་དབུས་མ་གཙོ་ཐང་།

Wylie title	gangs can bstan pa yongs rdzogs kyi bris thang gsar spros lnga yi dbus ma gtso thang
Location	mkhyen brtse'i bka' 'bum Volume 17, sde tshan 3, Text 1, Pages 443-451 (Folios 1a to 5a4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. gangs can bstan pa yongs rdzogs kyi bris thang gsar spros lnga yi dbus ma gtso thang. In 'jam dbyangs mkhyen brtse'i dbang po'i bka' 'bum, Vol. 17: 443-451. Khams sde dge rdzong sar dgon: Rdzong sar blo gros phun tshogs, 2020.
Genre	Art - rtsom rig / ri mo / bris cha  ·  Guides to Paintings - bri yig

1 Texts in this Section (sde tshan or chos tshan)

1 443-451	གངས་ཅན་བསྟན་པ་ཡོངས་རྫོགས་ཀྱི་བྲིས་ཐང་གསར་སྤྲོས་ལྔ་ཡི་དབུས་མ་གཙོ་ཐང་། gangs can bstan pa yongs rdzogs kyi bris thang gsar spros lnga yi dbus ma gtso thang Art - rtsom rig / ri mo / bris cha   ·   Guides to Paintings - bri yig	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

༄༅། །ཨོཾ་སྭ་སྟི། གངས་ཅན་བསྟན་པ་ཡོངས་རྫོགས་ཀྱི་བྲིས་ཐང་གསར་སྤྲོས་ལྔ་ཡི་དབུས་མ་གཙོ་ཐང་ལ། དབུས་སུ་སེང་ཁྲི་པད་ཟླའི་གདན་ལ་སློབ་དཔོན་རིན་པོ་ཆེ་རྒྱ་གར་མ་སྐུ་ཚུགས་སོགས་ལམ་རིམ་དབུ་ལྷ་ལྟ་བུ་བྲིས་རྒྱུན་སྤྱི་ལྟར་ལ། སྐུ་ཤ་རྒྱས་པ། ཤངས་ཟུར་རྣོ་བ། སྨིན་མ་གཟེངས་སུ་མཐོ་བ། སྤྱན་ལྟ་སྟངས་ཧྲིག་གེར་གཟིགས་པ། ན་བཟའ་ཤ་འགགས་སྔོ་སྐྱ་ཆོས་གོས་རྣམ་གསུམ་དམར་པོ། ཅུང་ཁ་དོག་འདྲ་མིན། སྐུ་རེག་སེར། དབུ་ཞྭ་མཚལ་ཁ། ཞབས་ཕྱག་རྒྱ་གར་མཆིལ་ལྷྭམ། གཞན་ཕྱག་མཚན་སོགས་དཔེ་ལྟར་མ་འཆུགས་པ། སྐུ་ཅུང་ཟད་གཡོན་འགྱིངས། མདུན་ལྕོག་གང་མཛེས་སྟེང་རྡོ་རྗེ། དྲིལ་བུ། བདུད་རྩིའི་ཐོད་པ། ཤེར་ལྡེར་ལྟ་བུའི་སྣོད་དུ་ཚོགས་གཏོར་ཚོགས་རྫས་བཅས་མཚོན་ཙམ། གཡས་སུ་མཁན་ཆེན་ཞི་བ་འཚོ་སྤྱིར་དཔེ་ལྟར་ལ། སྐུ་ཅུང་ཟད་བགྲེས་ཉམས། མདུན་གྱི་ཚེམས་གཅིག་ལྷག་པ་ཅན། སྐུ་ཤ་ཅུང་ཟད་སྐེམས་ཉམས། ཞི་དུལ་སྤྱན་ཟིམ་བུར་གཟིགས་པ། ན་བཟའ་ཆོས་གོས་རྣམ་གསུམ་དམར། དབུ་ཞྭ་ངུར་སྨྲིག །ཕྱག་སྟབས་སོགས་དཔེ་ལྟར། སྐུ་དྲང་པོར་བསྲང་བ། གདན་པད་ཟླ། གཡོན་དུ་ཆོས་རྒྱལ་དཔེ་ལྟར་ལ། སྐུ་ཤ་རྒྱས་ཤིང་སྒེག་པའི་ཉམས། སྤྱན་ཟླུམ་འཁྱིལ་ཐད་གཟིགས། ན་བཟའ་གསང་གོས་དཀར། ཕྱི་གོས་སྔོ་ཆེན་གསེར་རིས་ཅན། ལ་ཐོད་དཀར། ཞབས་སག་ལྷྭམ། གཞན་ཕྱག་སྟབས་སོགས་དཔེ་ལྟར། སྐུ་ཅུང་ཟད་གཡོན་འགྱིང་། གདན་པད་ཟླ། སྟེང་གི་ནམ་མཁར་དབུས་སུ་སེང་ཁྲི་པད་ཉི་ཟླ་གདན་ལ། ཆོས་སྐུ་རྡོ་རྗེ་འཆང་སྐུ་མདོག་སྔོ། ཕྱག་རྡོར་དྲིལ་ཐུགས་ཀར་བསྣོལ། ཡུམ་རྣལ་འབྱོར་མ་དམར་མོ་གྲི་ཐོད་འཛིན་པས་འཁྱུད་པ། ཡབ་རྡོར་སྐྱིལ། ཡུམ་པད་སྐྱིལ། གཉིས་ཀ་དར་དང་རིན་ཆེན་དང་རུས་པའི་རྒྱན་སོགས་ལོངས་སྐུའི་ཆས་སྤྱི་འགྲེ། འཇའ་རིས་འོད་ལྔ་ཟེར་ཐག་དང་བཅས་པའི་རྒྱབ་ཡོལ་ཅན། དེའི་མདུན་གཡས་རྡོར་སེམས་ཡབ་རྐྱང་དཀར། གཡས་རྡོ་རྗེ་ཐུགས་ཀ །གཡོན་དྲིལ་བུ་དཀུར་བརྟེན། ཞབས་རྡོར་སྐྱིལ། ལོངས་སྐུའི་རྒྱན་སྤྱི་ལྟར། ཡུམ་མེད། གདན་པད་ཟླ། གཡོན་སྤྲུལ་སྐུ་ཤཱཀ་ཐུབ་གསེར་མདོག་ས་གནོན་མཉམ་གཞག་ཅན་བྱང་ཆུབ་ཆེན་པོ་སྤྱི་འགྲེ། གདན་པད་ཟླ། རྡོ་རྗེ་འཆང་གི་གཡས་སུ་ཚེ་དཔག་མེད་སྐུ་མདོག་དཀར་པོ་ལོངས་སྐུའི་ཆས་ཅན་སྤྱི་ལྟར། ཡུམ་མེད། གདན་པད་ཟླ། བདུད་རྩིའི་ཆར་འབེབས་ཉམས། གཡོན་དུ་ཐུགས་རྗེ་ཆེན་པོ་གར་དབང་ཚེ་དཔག་མེད་སྐུ་མདོག་དམར་པོ། ཞལ་གཅིག ཕྱག་བཞི། སྤྱན་གསུམ། ཞི་འཛུམ་ཅུང་ཟད་ཁྲོ་ཞིང་ཆགས་པའི་ཉམས། ཕྱག་དང་པོ་གཉིས་ཐུགས་ཀར་ཐལ་མོ་སྦྱར་བའི་བར་བདུད་རྩིའི་བུམ་པ། གཡས་འོག་མས་ཨུཏྤལ་དམར་པོ། གཡོན་འོག་མས་པདྨ་དཀར་པོའི་ཕྲེང་བ། དར་གྱི་སྟོད་གཡོགས་དང་། སྨད་གཡོགས། རིན་པོ་ཆེའི་རྒྱན་བརྒྱད་བཅས། སྤྱི་ལྟར་དང་། པདྨ་དམར་པོའི་ཕྲེང་བ་ཅན། ཞབས་རྡོ་རྗེའི་སྐྱིལ་ཀྲུང་། ཡུམ་གསང་ཡེ་དམར་སྐྱ་གཅེར་མོ་སྐྲ་གྲོལ་བ་རུས་རྒྱན་ཅན། ཆགས་ཉམས་རྒྱས་པ། སྤྱན་གསུམ། ཕྱག་བཞིའི་དང་པོ་གཉིས་ཀྱིས་ལྕགས་ཀྱུ་ཚེ་བུམ་འཛིན་པས་ཡབ་ལ་འཁྱུད་པ། གཡོན་འོག་མས་ཌཱ་མ་རུ། གཡོན་འོག་ཁ་ཊྭཱྃ། ཞབས་པད་སྐྱིལ། གདན་པད་ཟླ། འཇའ་འོད་ཟེར་ཐག་བདུད་རྩི་དང་མེ་ཏོག་གི་ཆར་འབེབས་ཉམས་གུ་རུའི་དཔུང་གཡོན་ཐད་ཟུག་པ། ཚེ་དཔག་མེད་དཀར་པོའི་འོག་ཙམ་དུ་འཇའ་སྤྲིན་ལྟ་བུའི་དབུས་སུ་ལྟ་ན་སྡུག་གི་ཞིང་བཀོད་མཚོན་བྱེད་ཙམ་ལས། རི་མོ་རྒྱས་སྤྲོས་ཚུབ་པོ་མི་ལེགས། འོན་ཀྱང་རི་བཞི་མཚོན་ཙམ་དགོས་འདྲ་བས་ཤར་སྤོས་ངད་ལྡན་སྤང་རི་ལ་ཨ་རུ་ར་སྡོང་པོ་གཅིག་ཙམ། ལྷོ་འབིགས་བྱེད་བྲག་རི་རྩེ་རྣོན་ལ་སེ་འབྲུ་པི་ལིང་ལྟ་བུའི་དྲོད་སྨན་རེ་གཉིས། ནུབ་མ་ལ་ཡ་གཡའ་བྲག་སྤང་གསུམ་འདྲེས་མ། སྨན་ཆུ་དང་ཆུ་ཚན་འབེབས་ཉམས། བྲག་ལ་ཅོང་ཞི་དང་བྲག་ཞུན་མཚོན་བྱེད། སྤང་ལ་གུར་གུམ་མེ་ཏོག་ལྟ་བུ་རེ་གཉིས། བྱང་གངས་ཅན་གངས་རིའི་ཞོལ། ག་བུར་དང་ཙནྡན་དཀར་པོ་ལྟ་བུའི་ཚ་སྨན་རེ་གཉིས། དེ་རྣམས་དབུས་སུ་གཞལ་ཡས་ཁང་མཚོན་ཙམ་དབུས་སྨན་བླ་སྤྲུལ་སྐུ་སྤྱི་འགྲེ། དེ་ལས་འཇའ་ཟེར་ཨ་རུ་རའི་ཆར་འབེབས་ཉམས་བཅས་མཁན་པོའི་ཕྲག་གཡས་ཐད་ཟུག་པ། གར་ཚེའི་འོག་ཏུ་མགོན་པོ་ཀུན་ཏུ་གཟིགས་ཀྱི་ཞིང་བཀོད་བདེ་བ་ཅན་ཞིང་བཀོད་ཀྱི་གྲ་ཟུར་མངོན་དགའ་སོགས་ཀྱི་ཞིང་བཀོད་ལྟ་བུ་མཚོན་ཙམ་དབུས་སུ་འཇམ་དབྱངས་རྒྱལ་པོ་རོལ་པ། ཕྱག་ཐུགས་ཀར་ཆོས་འཆད་ཀྱིས་ཨུཏྤལ་བཟུང་བའི་སྙན་གཡས་གཡོན་ཐད་རལ་པོད། ཞབས་རྡོར་སྐྱིལ། ཟུར་ཕུད་ལྔ་ལྡན་དར་དང་རིན་པོ་ཆེའི་རྒྱན་སོགས་སྤྱི་འགྲེ། གདན་པད་ཟླ། འཇའ་ཟེར་གུར་གུམ་གྱི་ཆར་འབེབས་ཉམས་ཅན་ཆོས་རྒྱལ་ཕྲག་གཡོན་ཐད་ཟུག་པ། སྨན་བླའི་འོག་བསམ་ཡས་བྲི་དགོས་རྒྱུའང་། བཀོད་པ་རྒྱས་པ་བྲི་ཐབས་མེད་པས་མདོར་བསྡུས་བླ་མ་ལྷ་ཁང་གྱང་ཐང་ལ་བྲིས་པ་དེ་ལེགས་ཙམ་འདུག་སྙམ་པས་དེ་ལྟར་དང་། དམིགས་བསལ་དབུ་རྩེའི་གཡོན་ཐད་མཁན་སློབ་ཆོས་གསུམ་ཆོས་ཁྲི། དཀར་ཕིབས་གསེར་གྱི་གཉྫི་ར་ཆུང་ངུ་ཅན། དེའི་དབུས་སུ་རྒྱ་གར་པཎ་ཆེན་རབ་བྱུང་གཡས་ཆོས་འཆད། གཡོན་མཉམ་གཞག་དཔེ་ཚན། ཞབས་བདེ་ལུགས་སྐྱིལ་ཀྲུང་། གདན་ཁྲིའུ་ཤིང་ཅུང་ཟད་དང་བཅས་པའི་འབོལ། དེའི་མདུན་དུ་བོད་ཀྱི་ལོ་ཙཱ་རབ་བྱུང་གཉིས་གསུམ་འདུད་རྒྱ་དང་བཅས་ཆོས་གསན་ཚུལ། གཡས་ཐད་རབ་བྱུང་གཉིས་གསུམ་གྱིས་ས་གཞོང་ཐོགས་ནས་བསྟན་བཅོས་རྩོམ་ཚུལ། གཡོན་དུ་གཉིས་གསུམ་གྱིས་རྩོད་ཚུལ། མཐའ་སྐོར་ཡོ་འབོག་ལྕང་མའི་སྡོང་པོ་གསུམ་བཞི་གང་འོས་བཅས། འཇམ་དབྱངས་ཞིང་བཀོད་འོག་སྒྲུབ་གནས་མཆིམས་ཕུ་ཧ་ལམ་དཔེ་རིས་ལྟར་ལ་སྟོད་བྲག་དམར་ཀེའུ་ཚང་དུ་སྒྲུབ་པ་པོ་རབ་བྱུང་ཞི་དུལ་གྱི་ཉམས་ཅན་དྲང་པོར་བསྲངས་ཏེ་རྩྭ་གདན་ལ་བཞུགས་པ། སྤྱན་ཟིམ་བུར་སྣ་རྩེར་ཕབས་པ། ཕྱག་མཉམ་གཞག །ཞབས་རྡོར་སྐྱིལ། མདུན་དུ་ལྕོགས་རྩེ་ལྟ་བུ་མཚོན་ཙམ་ལ་ལྷུང་བཟེད་ཤིང་ཏོག་གིས་གང་བ་དང་སྤྱི་བླུགས་ཙམ། སྟ་ཟུར་གཡོན་དུ་འཁར་བསིལ་བསྒྲེང་བ། གདན་གདིང་བ། ཉང་ཕུག་གོང་འོག་གང་རིགས་སུ་སྔགས་འཆང་གོས་དཀར་ལྕང་ལོ་བེར་ཟླུམ་ཅན། ཕྱག་རཀྴའི་ཕྲེང་བ་འདྲེན་པ། སྐེད་ཕུར་གཟིར་བ། སྤྱན་ཟུར་གསུམ་ཐད་གཟིགས། རལ་པ་ཐོར་ཚུགས། ཞབས་ཕྱེད་སྐྱིལ། མདུན་དུ་རྡོར་དྲིལ་ནང་མཆོད་ཙམ། གདན་པགས་གདན། དཀུ་གཡོན་ཟུར་ཁ་ཊཱྃ་ག་སྒྲེང་བ། དབེན་རྩ་མཆོག་དབྱངས་གཟིམ་ཕུག་ལྟ་བུར་རྣལ་འབྱོར་པ་རས་གཟན་སྒོམ་ཐག་ཅན། སྐྲ་སིལ་མ་རྒྱབ་བསྙིལ། སྤྱན་ལྟ་སྟངས་བར་སྣང་ལ་གཟིགས་པ། ཕྱག་ཁུ་ཚུར་བརླ་བཞག །ཞབས་རྡོར་སྐྱིལ། གདན་ཀྲྀཥྞའི་པགས་པ། མདུན་དུ་ཐོད་པ་བདུད་རྩིས་གང་བ། དཀུ་གཡས་ཟུར་སྦ་དཀར་དབྱུག་པ་ཚིགས་གསུམ་སྒྲེང་བ་ཅན་ནོ། །གཙོ་བོའི་འོག་གི་དབུས་སུ་བཞུགས་ཁྲི་གར་མཛེས་དང་དར་འབོལ་གྱི་སྟེང་དཔལ་ས་སྐྱ་པ་ངག་དབང་ཀུན་དགའ་རིན་ཆེན། སྐུ་ཤ་རྒྱས་ཤིང་། སྤྱན་ཟླུམ་པོ་ཐད་གཟིགས། ཟིལ་གཟི་བརྗིད་ཆེན་པོ་ཅན། དབུ་སྐྲ་བརྒྱ་བསྙིལ། དབུ་ཞྭ་ཐུགས་དམ་ཞྭ་མོ་དམར་པོ་ལེབ་ཞྭ་མཛད་པ། ཞབས་ཕྱེད་སྐྱིལ། །སྐུ་ཆས་སྔགས་དཀར་ཆས་སྤྱི་འགྲེ། དེའང་སྟོད་རྩེ་ལྗང་ཁྲ། སྐུ་ཤམ་དཀར། སྐུ་རེག་སྐག་མདོག་ནག་ཁྲ། སྐུ་སྐེད་ཕུར་པ་གཟིར་བ། ཟླ་གམ་དམར་སྨུག །ཕྱག་གཡས་པུས་སྟེང་ཕུར་པ་གཟིར། །གཡོན་མཉམ་གཞག་སྟེང་ཐོད་པ་བདུད་རྩིས་གང་བ། མདུན་དུ་རྡོར་དྲིལ། ཌཱ་རུ་ནང་མཆོད་ཙམ། དེའི་གཡས་འོག་གུར་མགོན་སྐུ་མདོག་མཐིང་ནག །སྤྱན་གསུམ་སོགས་ཁྲོ་ཉམས་སྤྱི་འགྲེ། དར་དང་རུས་པ་སྦྲུལ་རྒྱན། ཐོད་རྒྱན། སྟག་ཤམ་སོགས་སྤྱི་ལྟར་ཕྱག་གཡས་གྲི་གུག །གཡོན་ཐོད་ཁྲག་ཐུགས་ཀར་སྟེང་འོག་ཏུ་འཛིན་པ། དར་མཐིང་ཁྲའི་ཟི་ལྡིར་ཅན། ཞབས་མཉམ་པའི་སྟབས་ཀྱིས་བཞེངས་པ། གདན་པད་ཉི་བམ་རོ་དམར་སེར། ཕྱི་རོལ་མེ་རི་པ་ཏྲ་སོགས་སྤྱི་ལྟར། མདུན་དུ་ཐོད་པ་ཁྲག་གིས་གང་བར་དྲག་བཤོས་ཙམ་ཞིག་བྲི། གཡོན་དུ་རྒྱལ་ཆེན་རྣམ་སྲས་སེར་ཆེན་སེང་ཞོན་སྤྱི་འགྲེ། རྒྱབ་ཡོལ་ནོར་འཛིན་པ་ཏྲ་ཅན། མདུན་དུ་གཏེར་བུམ་གྱི་ཁ་ནས་ནོར་བུ་ལུད་པ་དང་། གཡས་གཡོན་དུ་ནོར་བུ་ཆ་བདུན་མཚོན་ཙམ་རེ་བྲི། དེ་གཉིས་ཀྱི་བར་དུ་འཇའ་སྤྲིན་ལྟ་བུར། རྒྱལ་སྲིད་སྣ་བདུན་བཀོད་པ་ཅི་མཛེས་མཚོན་ཙམ་དང་། གཡས་སུ་རྟགས་བརྒྱད། གཡོན་དུ་རྫས་བརྒྱད་མཚོན་བྱེད་ཙམ་རེ་བྲི། གཙོ་བོ་གསུམ་གྱི་གཡས་འོག་ཏུ་ཤིང་སྡོང་ཞིག་གི་རྒྱབ་ཏུ་གླང་པོ་ཆེ་ཐལ་ཀར་རྒྱ་གར་ཨ་ཙ་ར་ཞིག་གིས་ཁྲིད་ནས་སློབ་དཔོན་རིན་པོ་ཆེར་འབུལ་བའི་ཉམས། གཡོན་དུ་རྒྱ་མི་ཞིག་གིས་ནོར་བུའི་གཞོང་པ་ཐོགས་ནས་ཕུལ་ཉམས་ཀྱི་རྒྱབ་ཏུ་མེ་བུམ་ཙམ་ཞིག་བྲིས་ན་ལེགས་སོ། །

[edit]

bris thang bkod yig skor/__gangs can bstan pa yongs rdzogs kyi bris thang gsar spros lnga yi dbus ma gtso thang / @#/__/oM swa sti/__gangs can bstan pa yongs rdzogs kyi bris thang gsar spros lnga yi dbus ma gtso thang la/__dbus su seng khri pad zla'i gdan la slob dpon rin po che rgya gar ma sku tshugs sogs lam rim dbu lha lta bu bris rgyun spyi ltar la/__sku sha rgyas pa/__shangs zur rno ba/__smin ma gzengs su mtho ba/__spyan lta stangs hrig ger gzigs pa/__na bza' sha 'gags sngo skya chos gos rnam gsum dmar po/__cung kha dog 'dra min/__sku reg ser/__dbu zhwa mtshal kha/__zhabs phyag rgya gar mchil l+h+wam/__gzhan phyag mtshan sogs dpe ltar ma 'chugs pa/__sku cung zad g.yon 'gyings/__mdun lcog gang mdzes steng rdo rje/__dril bu/__bdud rtsi'i thod pa/__sher lder lta bu'i snod du tshogs gtor tshogs rdzas bcas mtshon tsam/__g.yas su mkhan chen zhi ba 'tsho spyir dpe ltar la/__sku cung zad bgres nyams/__mdun gyi tshems gcig lhag pa can/__sku sha cung zad skems nyams/__zhi dul spyan zim bur gzigs pa/__na bza' chos gos rnam gsum dmar/__dbu zhwa ngur smrig__/phyag stabs sogs dpe ltar/__sku drang por bsrang ba/__gdan pad zla/__g.yon du chos rgyal dpe ltar la/__sku sha rgyas shing sgeg pa'i nyams/__spyan zlum 'khyil thad gzigs/__na bza' gsang gos dkar/__phyi gos sngo chen gser ris can/__la thod dkar/__zhabs sag l+h+wam/__gzhan phyag stabs sogs dpe ltar/__sku cung zad g.yon 'gying /__gdan pad zla/__steng gi nam mkhar dbus su seng khri pad nyi zla gdan la/__chos sku rdo rje 'chang sku mdog sngo/__phyag rdor dril thugs kar bsnol/__yum rnal 'byor ma dmar mo gri thod 'dzin pas 'khyud pa/__yab rdor skyil/__yum pad skyil/__gnyis ka dar dang rin chen dang rus pa'i rgyan sogs longs sku'i chas spyi 'gre/__'ja' ris 'od lnga zer thag dang bcas pa'i rgyab yol can/__de'i mdun g.yas rdor sems yab rkyang dkar/__g.yas rdo rje thugs ka__/g.yon dril bu dkur brten/__zhabs rdor skyil/__longs sku'i rgyan spyi ltar/__yum med/__gdan pad zla/__g.yon sprul sku shAka thub gser mdog sa gnon mnyam gzhag can byang chub chen po spyi 'gre/__gdan pad zla/__rdo rje 'chang gi g.yas su tshe dpag med sku mdog dkar po longs sku'i chas can spyi ltar/__yum med/__gdan pad zla/__bdud rtsi'i char 'bebs nyams/__g.yon du thugs rje chen po gar dbang tshe dpag med sku mdog dmar po/__zhal gcig__phyag bzhi/__spyan gsum/__zhi 'dzum cung zad khro zhing chags pa'i nyams/__phyag dang po gnyis thugs kar thal mo sbyar ba'i bar bdud rtsi'i bum pa/__g.yas 'og mas ut+pal dmar po/__g.yon 'og mas pad+ma dkar po'i phreng ba/__dar gyi stod g.yogs dang /__smad g.yogs/__rin po che'i rgyan brgyad bcas/__spyi ltar dang /__pad+ma dmar po'i phreng ba can/__zhabs rdo rje'i skyil krung /__yum gsang ye dmar skya gcer mo skra grol ba rus rgyan can/__chags nyams rgyas pa/__spyan gsum/__phyag bzhi'i dang po gnyis kyis lcags kyu tshe bum 'dzin pas yab la 'khyud pa/__g.yon 'og mas DA ma ru/__g.yon 'og kha T+wA~M/__zhabs pad skyil/__gdan pad zla/__'ja' 'od zer thag bdud rtsi dang me tog gi char 'bebs nyams gu ru'i dpung g.yon thad zug pa/__tshe dpag med dkar po'i 'og tsam du 'ja' sprin lta bu'i dbus su lta na sdug gi zhing bkod mtshon byed tsam las/__ri mo rgyas spros tshub po mi legs/__'on kyang ri bzhi mtshon tsam dgos 'dra bas shar spos ngad ldan spang ri la a ru ra sdong po gcig tsam/__lho 'bigs byed brag ri rtse rnon la se 'bru pi ling lta bu'i drod sman re gnyis/__nub ma la ya g.ya' brag spang gsum 'dres ma/__sman chu dang chu tshan 'bebs nyams/__brag la cong zhi dang brag zhun mtshon byed/__spang la gur gum me tog lta bu re gnyis/__byang gangs can gangs ri'i zhol/__ga bur dang tsan+dan dkar po lta bu'i tsha sman re gnyis/__de rnams dbus su gzhal yas khang mtshon tsam dbus sman bla sprul sku spyi 'gre/__de las 'ja' zer a ru ra'i char 'bebs nyams bcas mkhan po'i phrag g.yas thad zug pa/__gar tshe'i 'og tu mgon po kun tu gzigs kyi zhing bkod bde ba can zhing bkod kyi gra zur mngon dga' sogs kyi zhing bkod lta bu mtshon tsam dbus su 'jam dbyangs rgyal po rol pa/__phyag thugs kar chos 'chad kyis ut+pal bzung ba'i snyan g.yas g.yon thad ral pod/__zhabs rdor skyil/__zur phud lnga ldan dar dang rin po che'i rgyan sogs spyi 'gre/__gdan pad zla/__'ja' zer gur gum gyi char 'bebs nyams can chos rgyal phrag g.yon thad zug pa/__sman bla'i 'og bsam yas bri dgos rgyu'ang /__bkod pa rgyas pa bri thabs med pas mdor bsdus bla ma lha khang gyang thang la bris pa de legs tsam 'dug snyam pas de ltar dang /__dmigs bsal dbu rtse'i g.yon thad mkhan slob chos gsum chos khri/__dkar phibs gser gyi gany+dzi ra chung ngu can/__de'i dbus su rgya gar paN chen rab byung g.yas chos 'chad/__g.yon mnyam gzhag dpe tshan/__zhabs bde lugs skyil krung /__gdan khri'u shing cung zad dang bcas pa'i 'bol/__de'i mdun du bod kyi lo tsA rab byung gnyis gsum 'dud rgya dang bcas chos gsan tshul/__g.yas thad rab byung gnyis gsum gyis sa gzhong thogs nas bstan bcos rtsom tshul/__g.yon du gnyis gsum gyis rtsod tshul/__mtha' skor yo 'bog lcang ma'i sdong po gsum bzhi gang 'os bcas/__'jam dbyangs zhing bkod 'og sgrub gnas mchims phu ha lam dpe ris ltar la stod brag dmar ke'u tshang du sgrub pa po rab byung zhi dul gyi nyams can drang por bsrangs te rtswa gdan la bzhugs pa/__spyan zim bur sna rtser phabs pa/__phyag mnyam gzhag__/zhabs rdor skyil/__mdun du lcogs rtse lta bu mtshon tsam la lhung bzed shing tog gis gang ba dang spyi blugs tsam/__sta zur g.yon du 'khar bsil bsgreng ba/__gdan gding ba/__nyang phug gong 'og gang rigs su sngags 'chang gos dkar lcang lo ber zlum can/__phyag rak+sha'i phreng ba 'dren pa/__sked phur gzir ba/__spyan zur gsum thad gzigs/__ral pa thor tshugs/__zhabs phyed skyil/__mdun du rdor dril nang mchod tsam/__gdan pags gdan/__dku g.yon zur kha TA~M ga sgreng ba/__dben rtsa mchog dbyangs gzim phug lta bur rnal 'byor pa ras gzan sgom thag can/__skra sil ma rgyab bsnyil/__spyan lta stangs bar snang la gzigs pa/__phyag khu tshur brla bzhag__/zhabs rdor skyil/__gdan kr-iSh+Na'i pags pa/__mdun du thod pa bdud rtsis gang ba/__dku g.yas zur sba dkar dbyug pa tshigs gsum sgreng ba can no/__/gtso bo'i 'og gi dbus su bzhugs khri gar mdzes dang dar 'bol gyi steng dpal sa skya pa ngag dbang kun dga' rin chen/__sku sha rgyas shing /__spyan zlum po thad gzigs/__zil gzi brjid chen po can/__dbu skra brgya bsnyil/__dbu zhwa thugs dam zhwa mo dmar po leb zhwa mdzad pa/__zhabs phyed skyil/__/sku chas sngags dkar chas spyi 'gre/__de'ang stod rtse ljang khra/__sku sham dkar/__sku reg skag mdog nag khra/__sku sked phur pa gzir ba/__zla gam dmar smug__/phyag g.yas pus steng phur pa gzir/__/g.yon mnyam gzhag steng thod pa bdud rtsis gang ba/__mdun du rdor dril/__DA ru nang mchod tsam/__de'i g.yas 'og gur mgon sku mdog mthing nag_/spyan gsum sogs khro nyams spyi 'gre/__dar dang rus pa sbrul rgyan/__thod rgyan/__stag sham sogs spyi ltar phyag g.yas gri gug__/g.yon thod khrag thugs kar steng 'og tu 'dzin pa/__dar mthing khra'i zi ldir can/__zhabs mnyam pa'i stabs kyis bzhengs pa/__gdan pad nyi bam ro dmar ser/__phyi rol me ri pa tra sogs spyi ltar/__mdun du thod pa khrag gis gang bar drag bshos tsam zhig bri/__g.yon du rgyal chen rnam sras ser chen seng zhon spyi 'gre/__rgyab yol nor 'dzin pa tra can/__mdun du gter bum gyi kha nas nor bu lud pa dang /__g.yas g.yon du nor bu cha bdun mtshon tsam re bri/__de gnyis kyi bar du 'ja' sprin lta bur/__rgyal srid sna bdun bkod pa ci mdzes mtshon tsam dang /__g.yas su rtags brgyad/__g.yon du rdzas brgyad mtshon byed tsam re bri/__gtso bo gsum gyi g.yas 'og tu shing sdong zhig gi rgyab tu glang po che thal kar rgya gar a tsa ra zhig gis khrid nas slob dpon rin po cher 'bul ba'i nyams/__g.yon du rgya mi zhig gis nor bu'i gzhong pa thogs nas phul nyams kyi rgyab tu me bum tsam zhig bris na legs so/_/