JKW-KABUM-17-TSA-002-033

🚧 This website is under continued development. We appreciate your patience!

Previous Text Back to Volume PageNext Text

སྨན་སྦྱོར་ཉེར་མཁོ་སྣ་ཚོགས།

Wylie title	sman sbyor nyer mkho sna tshogs
Location	mkhyen brtse'i bka' 'bum Volume 17, sde tshan 2, Text 33, Pages 332-343 (Folios 93b6 to 99a4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. sman sbyor nyer mkho sna tshogs. In 'jam dbyangs mkhyen brtse'i dbang po'i bka' 'bum, Vol. 17: 332-343. Khams sde dge rdzong sar dgon: Rdzong sar blo gros phun tshogs, 2020.
Genre	Medicine Texts - gso ba rig pa

1 Texts in this Section (sde tshan or chos tshan)

33 332-343	སྨན་སྦྱོར་ཉེར་མཁོ་སྣ་ཚོགས། sman sbyor nyer mkho sna tshogs Medicine Texts - gso ba rig pa	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

སྨན་སྦྱོར་ཉེར་མཁོ་སྣ་ཚོགས་བཞུགས་སོ། །ཨོཾ་ཨ་ཐཱ། །དྲན་པས་རིང་འཚོའི་དཔལ་སྟེར་བླ་མ་དང་། །སྨན་རྒྱལ་ཚེ་མཐའ་ཡས་ལ་གུས་བཏུད་ནས། །འཆི་མེད་བདུད་རྩིའི་སྦྱོར་བ་འགའ་ཞིག་གིས། །ཁ་བསྒྱུར་ནད་ཀུན་འཇོམས་པའི་མན་ངག་བསྟན། །དེ་ལ་ཅོང་ཞི་ཆ་གསུམ་འཇིབ་རྩི་གཉིས། །མ་ནུ་ཆ་གཅིག་སྦྱར་བའི་ཕྱེ་མ་ཡིས། །ནད་རིགས་ཀུན་དང་ཁྱད་པར་བད་ཁྲག་འཁྲུགས། །མ་ཞུ་སྨུག་པོ་འཇོམས་པའི་སྤྱི་སྨན་ཡིན། །དེ་ཉིད་གཞིར་བཞག་འཁྲུལ་འཁོར་ཁ་བསྒྱུར་ནི། །ཨར་སྐྱུར་བསྡེབས་པའི་བདུད་རྩི་ལྔ་སྦྱོར་འདིས། །རོ་རྒྱབ་ཕོ་མཆིན་རྩིབ་ཁྲོད་གཟེར་བ་དང་། དང་ཁ་འགགས་དང་ཁ་མངལ་སྒྱིད་པ་སྐྱུར། །ཆུ་ཚན་ཆུ་སྐྱུར་སྐྱུགས་སོགས་འཕྲལ་དུ་འཇོམས། །སྐྱུ་རུ་འུ་སུ་ད་ལིས་ལྕམ་པའི་འབྲུ། །ག་བུར་བསྣན་པས་རྨུ་འོར་སྐྱ་སྦབ་སེལ། །ལྕི་འཐིབས་ལ་སོགས་མགོ་ནད་རིགས་ཀུན་ལ། །རྡོ་དྲེགས་དུང་ཐལ་དུར་རུས་བསྣན་པ་བསྔགས། །སྙིང་སྲོག་སྟོད་ཁེངས་ཤུས་འདེབས་ཁྲག་རླུང་ལ། །སླེ་ཏྲེས་ཀཎྜ་ཀ་རི་ཨ་གར་བསྣན། །སྙིང་ལ་རླུང་ཞུགས་ཛཱ་ཏི་རུ་རྟ་དང་། །སྲོག་རྩ་གཟེར་ན་ལི་ཤི་ཨ་གར་ནག །གློར་བབས་ཅུ་གང་ཨ་ཀྲོང་དཀར་པོ་བསྣན། །བད་ཁྲག་གྲེ་བ་ལྐོག་མ་མི་བདེ་ན། །སྒང་ཐོག་བོང་ང་དམར་པོ་བསྣན་པ་ཤིས། །མཆིན་མཚེར་ནད་ལ་གི་ཝཾ་བྲག་ཞུན་སྟེ། །མཁལ་ནད་སྤྱི་ལ་སུག་སྨེལ་དམར་པོ་གསུམ། །མཁལ་སྐེད་འགྲམ་ལ་བོང་ང་ཤུག་ཚེར་ཅན། །དམར་པོ་གསུམ་སྦྱར་ཕོ་བའི་ནད་སྤྱི་ལ། །སེ་འབྲུ་རྐྱང་པའམ་བཞི་སྦྱོར་གང་རིགས་བསྣན། །སྐྲན་ལ་རྡོ་ཐལ་སྟར་བུའི་ཁཎྡ་སྟེ། །རྒྱུ་ལོང་ལ་བབས་དུག་ཉུང་བོང་དཀར་དང་། །སྒ་ལོ་བསྣན་ཅིང་ཐར་ནུའི་བཤལ་གྱིས་སྦྱངས། ཡང་ན་ཨིཎྜ་བཞི་ཐང་བསྡེབས། མཆན། །སྒང་པའི་ཆུ་འགགས་སྡིག་སྲིན་གཟེ་མ་དང་། །ཚད་གཞུགས་ཚིགས་བབས་སེང་ལྡེང་འབྲུག་གི་རུས། །སྤྱི་ཞུར་བོང་དཀར་བསྣན་པ་མཆོག་ཏུ་ཤིས། །གཞན་ཡང་ཏིགྟ་བརྒྱད་དང་བསྡེབས་པ་ཡིས། །བད་མཁྲིས་མགོ་ནད་འཇོམས་ཤིང་དེ་བཞིན་དུ། །གུར་གུམ་བཅུ་གསུམ་བསྡེབས་པས་གྲེ་ཐོག་འཇོམས། །འབྲི་མོག་བ་ཤ་ཀ་བསྣན་བད་ཁྲག་སེལ། །གཟེར་ཆེ་རུ་རྟ་ཨ་བྱག་ཧོང་ལེན་བསྣན། །སྙ་ལོ་རམ་བུ་སྦྱར་བས་འཁྲུ་བ་གཅོད། །སྤང་རྩི་ཧོང་ལེན་བོང་དཀར་པརྦ་ཏ། །བསྣན་པས་ཚད་རིམས་ཆམ་གསར་ལམ་ནས་བཟློག །དེ་སོགས་ཁ་བསྒྱུར་རིག་པས་འཁྲུལ་ཤེས་ན། །ཕྱི་ནང་ནད་རིགས་ཕལ་ཆེར་འཇོམ་མོ་ཞེས། །གཏམ་གྱི་ཟླ་རིས་བདུད་རྩིའི་དོ་ཤལ་ཅན། །འཚོ་བྱེད་མཁས་པའི་མཁའ་ལ་དལ་གྱིས་རྒྱུ། ། ༈ མ་ནུ་སྒ་སྐྱ་ཨ་རུ་ལྕུམ་རྩ་དང་། ཅོང་ཞི་བུལ་ཏོག་རིམ་བཞིན་ཆ་རེ་བསྐྱེད། །མ་ཞུ་ཁོངས་ནད་ཀུན་སེལ་སྤྱི་སྨན་ཡིན། །དེ་ཉིད་གཞིར་བཞག་རྒྱམ་ཚྭ་བསེ་སྦུར་རོ། །གླ་རྩི་ཕུར་ནག་ཁཎྜ་བསྡེབས་པ་ཡིས། །གཉན་རིམས་ཕོ་བར་བབས་པའི་གླང་ཐབས་འཇོམས། །བྱེའུ་ལ་ཕུག་བྲག་སྐྱ་ཧ་བོ་དང་། །སྒང་ཐོག་འབྲས་བུ་བསྣན་པས་ཤ་དུག་འཇོམས། །མགྲོན་ཐལ་ཆ་མཉམ་སྦྱར་བས་སྐྲན་རིགས་བཤིགས། །ཆུ་སེར་སྨན་གསུམ་བྲག་སྐྱ་ཏ་པོ་དང་། །རེ་རལ་བ་ལུ་བསྣན་པས་མཚེར་དུག་གིས། །ཤ་ལྤགས་བེམ་ཞིང་འབྲུམ་ཐོར་འབྱུང་ལ་ཕན། །སྦྲུལ་ཤ་མདེའུ་འབྱིན་སྡོང་རོས་སྦྱར་བ་ཡིས། །བུ་དང་ཤ་མ་འཐོག་པ་ཐོན་པར་བྱེད། །གཞན་ཡང་མན་ངག་རྒྱུད་ཀྱི་དགོངས་པ་ལྟར། །གང་མ་ཞུ་བའི་གཉེན་པོ་བསྣན་པ་ནི། །རྩམ་པ་མ་ཞུ་ཕབ་དང་བུལ་ཏོག་བསྣན། །ཤ་མ་ཞུ་ན་སྤྱང་ཀིའི་ཕོ་བ་དང་། །སོ་བྱ་བྱ་རྒོད་གྲེ་བ་ཕོ་བ་བསྣན། །ཡང་ན་སོག་ཡུའི་ཐང་གིས་ཕུལ་ལ་གཏོང་། །སྔོ་ངད་མ་ཞུ་ཟ་འབྲུ་དབྱི་མོང་བསྣན། །ཆང་མ་ཞུ་ན་ཕབས་བསྣན་ཆང་གིས་ཕུལ། །ཡང་ན་སོག་ཡུའི་ཐང་གིས་ཕུལ་ལ་གཏོང་། །ཇ་ཆུ་མ་ཞུ་ཚྭ་སྣ་ཚོགས་ཚད་བསྟེན། །ཡང་ན་ལོ་བརྒྱད་དྲི་ཆུས་ཕུལ་བ་ཤིས། །ཞོ་དར་མ་ཞུ་ཆུར་ཁུས་ཕུལ་ལ་གཏོང་། །མར་ཚིལ་མ་ཞུ་ཅོང་ཞི་རྒོད་བཏུལ་བསྣན། །འབྲུ་མར་སྲན་མའི་ཐང་གིས་ཕུལ་ལ་གཏོང་། །རྡོ་མ་ཞུ་ན་མཚུར་དང་ཚྭ་ལ་བསྣན། །སྨན་མ་ཞུ་ན་བོང་དཀར་པི་ལིང་བསྣན། །དྭངས་མ་མ་ཞུ་ཆ་བཅའ་སྒ་རྒྱམ་ཚྭ་ཨ་རུ་པི་ལིང་བཞི་སྟེ་སྐབས་འདིར་རྒྱམ་ཚ་དང་། པི་ལིང་བསྣན། མཉམ་བཞི་ཐང་བསྣན། །སེ་འབྲུ་བཞི་སྟེང་རྒྱམ་ཚྭ་པྲི་ཡངྐུ་། །བསྣན་པ་གཉིས་ཀ་ལྟག་པ་སྤྲད་ལ་གཏོང་། །སྙིགས་མ་སེ་འབྲུ་བཞི་སྟེང་། བཅའ་སྒ་རྒྱམ་ཚྭ་གུར་གུམ་དབྱི་མོང་བྱི་ཏང་ཀ་བསྣན་པའོ། །མ་ཞུ་སྒ་རྒོད་དགུ་པ་དང་། །བྱེར་ན་འོ་མར་ལན་ཚྭ་བཏབ་པས་བསྡུ། །འདུས་ན་དེད་དཔོན་བཞི་སྦྱོར་ཐར་ཁཎ་བཅས། །ཚད་ལྡན་བསྣན་པའི་བཤལ་གྱིས་དག་པར་སྦྱང་། །མ་ཞུ་སྤྱི་ལ་གོ་བོའི་ཐལ་བ་བསྡེབས། །ལྕུམ་ནག་རྩ་བ་བུང་བསྐྱེད་གཏོང་བ་གནད། ། ༈ ཕྱི་རྒྱུད་གུར་གུམ་བཅུ་གསུམ་གཞུང་བཞིན་སྟེང་། །བ་ཤ་ཀ་དང་གུ་གུལ་ནག་པོ་བསྣན། །ལིང་ཐོག་མགོ་གཟེར་ཡ་མའི་རིགས་ཀུན་འཇོམས། །ཤིང་ཀུན་འཛིན་པ་བསྣན་པས་མགོ་སྲིན་སེལ། །ནཱ་གི་རྡོ་དྲེགས་སྦྱར་བས་སྣ་སྲིན་འཇོམས། །ཨུཏྤལ་བ་ཤ་ཀ་དང་པྲི་ཡངྐུ་། །བྲག་ཞུན་བསྣན་པས་ཁྲག་མཁྲིས་འཁྲུགས་རིམས་དང་། །ཡ་མས་མགོ་དང་རྣ་བ་གཟེར་སོགས་སེལ། །ཡང་ན་གསེར་མེ་པུཎྜ་རཱི་ཀ་བསྣན། །འདིས་ཀྱང་ཡ་མ་མགོ་གཟེར་འཇོམས་པའི་མཆོག །འཛིན་པ་བསྣན་པས་མགོ་བོའི་ཚད་ནད་ཞི། །ཅོང་ཞི་དམར་པོ་འུ་སུ་ལི་ཤི་དང་། །ཨ་རུ་ཛ་ཏི་སྦྱར་པས་བད་ཁྲག་གིས། །གྲེ་བ་འགགས་དང་དང་ཁར་འདྲིལ་བ་འཇོམས།༈ །གྲང་སེལ་སེ་འབྲུ་ཉེར་ལྔའི་སྦྱོར་བ་ནི། །སེ་འབྲུ་བཟང་པོ་དྲུག་དང་ཚ་བ་སྒ་པི་ཕོ། གསུམ། །རྒྱ་ཚྭ་རྒྱམ་ཚྭ་ཟེ་ཚྭ་མགྲོན་ཐལ་དང་། །ཤིང་ཚྭ་ཁ་རུ་ཚྭ་དང་ན་ལེ་བོ་རིལ། ཤམ། །ཀ་ཀུ་བ་སྟེ་ཆེ་བ། པེད་མ་ནུ་ཏིགྟ་འབྲས་བུ་གསུམ། ཧོང་ལེན་རུ་རྟ་ཀ་རའི་རྟ་དང་སྦྱར། །ཆུ་སྐོལ་ཚན་མོས་ཕུལ་ལ་བཏང་བ་ཡིས། །མ་ཞུ་བ་དང་ཕོ་བའི་མེ་དྲོད་ཉམས། །དྭངས་མ་འཁྲུ་དང་ཕོ་ནད་གཅོང་ལ་སོགས། །གྲང་བའི་ནད་རྣམས་འཇོམས་པའི་མེ་དཔུང་ཡིན། །ནོར་བུ་བདུན་སྟེང་སྨྱུག་རྩི་དམར་གསུམ་བསྣན། །མོ་ནད་སེལ་བའི་ཐང་སྦྱོར་བླ་ན་མེད། །སྟར་བུ་རུ་རྟ་ཟེ་ཚྭ་སྒ་སྐྱ་བཞི། །ཆུ་བསྐོལ་ཕུལ་བཏང་མོ་ནད་ཁྲག་འདྲིལ་བཤིགས། ། ༈ སྤང་སྤོས་ཤུ་དག་གོ་སྙོད་རྡོ་རྒྱུས་དང་། །གཡེར་མ་བུལ་ཏོག་ཤིང་མངར་ཞིབ་བཏགས་ནས། །མར་རྙིང་ཕག་ཚིལ་གང་རྙེད་སྦྱར་བ་བྱུགས། །ཚབ་ཆེ་བཙན་དུག་བྱང་བ་དུད་པ་བསྣན། །བྱུགས་པ་རྩྭ་དཀར་ཀུན་སེལ་ཨེ་མ་ཧོ། ། ༈ གོ་སྙོད་སྤང་སྤོས་ཤུག་ཚེར་གླ་རྩི་བཅས། །མར་དཀར་སྦྱར་བྱུགས་རྩ་འགྱུར་རིགས་ཀུན་འཇོམས། ། ༈ གོ་སྙོད་ལྕ་བ་སྒྲོན་ཤིང་བོང་ནག་དང་། །སྒ་དམར་བྱུགས་པས་རླུང་ནད་མ་ལུས་སེལ། ། ༈ ལན་ཚྭ་བུལ་ཏོག་ཐར་ནུས་གྲང་བེར་འཇོམས། ། ༈ གུ་གུལ་སྤྲུ་རྩ་སྤྱང་བྲུན་ཤ་ཆེན་དང་། །བ་བླ་ཚིལ་ཆེན་གླང་ཚིལ་གླང་རྭའི་གཞོབས། །ཤུ་དག་རྨ་བྱའི་ཤ་དང་སྒྲོ་གང་རུང་། །བ་ཆུ་ནུས་ལྡན་དྲི་ཆུས་འདམ་བཏགས་བྱ། །རིལ་བུ་སྲན་འཕོས་ཙམ་དྲིལ་ལྟོ་སྟོང་གཏོང་། །ཚིལ་ཆེན་སྦྱར་ནས་བདུག་ཅིང་བྱུགས་པ་ཡིས། །གཟའ་ཀླུའི་ནད་གདོན་འཕྲལ་དུ་འཇོམས་པའི་མཆོག ༈ །ཀླུ་བདུད་ཛཱ་ཏི་ཤངས་དྲིལ་ཙནྡན་གཉིས། །ཨར་ནག་གེ་སར་ཡུངས་ཀར་ཤུ་དག་ནག །ཐལ་རྡོར་སྒ་སྐྱ་ཤ་ཆེན་གིའུ་ཝཾ། །ལྕུམ་རྩ་བོང་ང་ཤིང་ཀུན་ལྡོང་རོས་དང་། །མུ་ཟི་ནག་པོ་སྦྱར་བའི་རིལ་བུ་ཡིས། །སྟེང་གདོན་གཟའ་དང་འོག་གདོན་གདུག་པ་ཀླུ། །འགོ་ནད་ཟས་གོས་གནས་ཀྱི་གྲིབ་ཀུན་སེལ། ། ༈ ཆུ་འབེབས་རིལ་བུ་དཀར་པོའི་སྦྱོར་བ་ནི། །ཅོང་ཞི་སོལ་བའི་མེ་ལ་ཚོས་པར་བསྲེགས། །འུ་སྐྱུར་ལྷ་མོའི་ཐང་གི་དཀྱིལ་དུ་བསྐྱུར། །མ་ཚོས་ཤིག་གི་སྙིང་ཙམ་མ་སོང་གཅེས། །དེ་སྟེང་ཅུ་གང་ཕུལ་གང་འདེབས་པ་གནད། །ཁ་བསྒྱུར་ཚ་ཆུར་གུར་གུམ་བཅུ་གསུམ་དང་། །འབོལ་བདུན་ཨཾ་བྷི་ཅུ་གང་བདེ་བྱེད་བསྣན། །འུ་སྐྱུར་ཐང་གིས་འདམ་འཐགས་འཐེམ་པར་བྱ། །གྲང་ཆུར་སེ་འབྲུ་ལྔ་དང་ཆུ་སྨན་གསུམ། །ཡང་ན་སུག་སྨེལ་བཅུ་ལ་སྦྱོར་བ་ཤིས། །གློ་མང་འཁྲུགས་ན་རྒུན་འབྲུམ་བདུན་པ་དང་། །ཚ་གྲང་སྤྱི་ལ་དྭངས་མ་གནས་འཇོག་སྦྱར། །དེ་སོགས་རིག་པའི་འཁྲུལ་འཁོར་བསྐོར་ཤེས་ན། །ས་སྟེང་འདི་ཡིས་རྨུ་ཆུའི་ནད་རིགས་ཀུན། །འདྲེན་བྱེད་བདུད་རྩི་ཆུ་འབེབས་ཞེས་བྱར་གྲགས། །སྣོད་ལྡན་སློབ་མའི་ཙིཏྟའི་དཀྱིལ་དུ་སྤོས། ། ༈ བདུད་རྩི་ལོ་མ་ཧོང་ལེན་ཚེར་སྔོན་དང་། །སྟག་ཤ་རེ་ལྕགས་ལོ་མ་ཐར་ནུ་བཅས། །ལེགས་སྦྱར་ལོ་མ་དྲུག་པའི་ཆར་རྒྱུན་གྱིས། །གཉན་ཚད་མེ་དཔུང་འབར་བ་ཐབས་སུ་གསོད། ། ༈ ཐར་ནུ་ལེགས་བཏུལ་ཤོག་ཤིང་གླ་རྩི་དང་། །ཆིག་ཐུབ་འཕུར་སླེབས་སྐྱེར་ཤུན་ཤུ་དག་ནག །དཔའ་བོ་དཀར་པོ་རུ་རྟ་འོམ་ལོ་བཅས། །ལོ་བརྒྱད་དྲི་ཆུས་རིལ་བུ་སྲན་ཙམ་དྲིལ། །དུག་དང་གླང་ཐབས་སྲིན་གྱི་རིགས་ལ་སོགས། །ཁོང་ནད་ཀུན་སེལ་དམར་མོ་སྤྱི་འཇོམས་སོ། ། ༈ ཅུ་གང་ཙནྡན་ཨ་ཀྲོང་སྲོ་ལོ་དཀར། །སྤང་རྒྱན་བོང་དཀར་དཀར་པོ་དྲུག་སྦྱོར་འདིས། །གྲེ་འགགས་རིགས་ཀུན་སེལ་བའི་བདུད་རྩིར་བཤད། ། ༈ ཐར་ནུའི་ཁཎྜ་༡་༠༠གསེར་མདོག་༠༤༠བྲག་ཞུན༠་༡༠དང་། །རེ་༠་༢༠ལྕགས་རེ་ར ལ་༠་༢༠སྟག་༠་༠༤ཤ་རི་དྭགས་དྲི། །རིལ་བུ་དྲིལ་བ་གྱུར་དུག་ཀུན་ལ་འགྲོ། ། ༈ རྒྱ་མ ཚལ་ཙནྡན་དཀར་དམར་ཨ་ག་རུ། །ལི་ཤི་ཀོ་ལ་སུག་སྨེལ་འབྲས་བུ་གསུམ། །བོང་དཀར་འུ་སུ་སྤང་སྤོས་རུ་རྟ་དང་། །གླ་རྩི་ཁ་ཆེ་གི་ཝཾ་ན་གི་སྦྱར། །ཡ་མ་ཀླད་གཟེར་ཆམ་རིམས་མཐའ་དག་སེལ། །མིག་སོགས་དབང་པོ་གསལ་ཞིང་དྭངས་པར་འགྱུར། །སི་ཏུའི་སྣ་སྨན་ཉེས་སེལ་ཨེ་མ་ཧོ། །འདི་སྟེང་ཤིང་ཀུན་མ་རུ་བྱི་ཏང་ཀ །བསྣན་པས་ནུས་པ་མཆོག་ཏུ་བསྐྱེད་པར་བྱེད། ། ༈ གིའུ་༡ཝང་ཨ་རུ་༢བཙན་དུག་༣གླ་རྩི་དང་༤། །ཤུ་དག་༥གུ་གུལ་༦མུ་༧ཟི་ཤིང་༨ཀུན་མཚལ་༩། །དངུལ་ཆུ་དུལ་མ་སྦྱར་བའི་ལོ་བརྒྱད་ཆུས། །རིལ་བུ་དྲིལ་ལམ་ཡང་ན་ཕྱེ་མ་བྱ། །ནག་པོ་དགུ་ཡི་སྦྱོར་བ་ཞེས་བྱ་སྟེ། །ཟབ་ལ་ཁྱེར་བདེ་རྫས་སྲུང་རྒྱ་མཚོའི་བཅུད། །ནད་གདོན་བགེགས་རིགས་ཀུན་གྱི་གོ་ཆར་བསྔགས། །མངྒ་ལཾ། ། ༈ ཨོཾ་ཨ་ཐཱ། །ཨ་རུ་བཟང་དྲུག་འབྲི་ཏ་ཉ་ཕྱིས་དང་། །དམར་གསུམ་མཁལ་ཞོ་བསེ་རུ་འབྲས་སྣ་གསུམ། །ཤིང་ཚ་ཤུག་ཚེར་རུ་རྟ་ཨརྫཀ །ཟི་ར་བྲག་ཞུན་ཤིང་མངར་སྡིག་སྲིན་བཅས། །གསེར་མདོག་ཉེར་ལྔར་གྲགས་པའི་སྨན་མཆོག་འདི། །སློབ་དཔོན་ཞལ་གདམས་སྙན་བརྒྱུད་ཟབ་མོ་སྟེ། །ཕན་ཡོན་མཁལ་འགྲམ་མཁལ་རྩ་གྲང་རིགས་དང་། །རྐང་རྐེད་རུས་ཚིག་དཔྱི་མིག་ཡན་ལག་ཟུག །ཁྲག་གིས་བསྐྱེད་པའི་མཁལ་འབྲས་གཟེར་བ་སོགས། །ནད་རིགས་ཕལ་ཆེར་སེལ་བའི་སྨན་མཆོག་ཡིན། ། ༈ ཀོ་བྱི་གསེར་མདོག་ཅུ་གང་ཛཱ་ཏི་དང་། །རུ་རྟ་ཤུ་དག་ཚེར་སྔོན་སྦྱར་བ་ཡིས། །བད་ཁྲག་སྲོག་རླུང་སྟོད་འཚངས་རིགས་ཀུན་སེལ། །ཡང་ན་ཀོ་བྱི་ཨར་ནག་ཛཱ་ཏི་དང་། །ཚེར་སྔོན་སྤོས་དཀར་ལི་ཤི་སྟར་བུར་སྦྱར། །སྟོད་འཚངས་ནད་ལ་བདུད་རྩི་ལྟ་བུར་ཤིས། །ཀོ་བྱི་ཨར་ནག་ཛཱ་ཏི་རུ་རྟ་དང་། །ཚེར་སྔོན་གུ་གུལ་དཀར་ནག་སྦྱར་བ་ཡིས། །འབམ་ནད་སྟོད་འཚང་གཟེར་རིགས་འཇོམས་པར་བྱེད། །དེ་སྟེང་སྙིང་ཞོ་ཤ་ཆེན་ཁ་ཚར་བཏབ། །སྲོག་རླུང་སྨྱོ་འབོགས་སྙིང་གཟེར་ཀུན་ལ་ཕན། ། ༈ ཉང་གི་གཏེར་བྱོན་གོ་གྲེ་བཅུ་བདུན་ནི། །ད་ལིས་མ་ནུ་འབྲི་ཏ་ས་འཛིན་དང་། །ཡུ་མོ་ཨོལ་གོང་རྣམས་ནི་གཙོ་བོ་ལ། །ཅུ་གུར་ལི་ཤི་ཤིང་མངར་སྤང་རྒྱན་དཀར། །རུ་རྟ་ཨ་རུ་རྒུན་འབྲུམ་ཙནྡན་དམར། །སེ་འབྲུ་ཨུཏྤལ་པི་ལིང་ཀ་ར་སྦྱར། །བད་ཀན་ཨོལ་འགགས་ཕོ་བའི་ནད་ཀུན་སེལ། ། ༈ རུ་རྟ་གཟེར་འཇོམས་ཧོང་ལེན་ཆ་གསུམ་མོ། །ཞིབ་བཏགས་ཆུས་ཕུལ་ཁྲག་གི་སྟོད་འཚངས་ནད། །སེལ་བྱེད་བདུད་རྩི་སུམ་སྦྱོར་ཞེས་སུ་གྲགས། ༈།བདུད་རྩི་ལོ་མ་ཨ་བྱག་སྤང་རྩི་གསུམ། །སྦྱར་བས་གཉན་རིམས་ཚད་གཟེར་གསར་པ་འཇོམས། ། ༈ བདུད་རྩི་ལོ་མ་ཚད་ལྡན་གཙོ་༡་༠༠བོ་ལ། །བོང་དཀར་༠ ༥༠གླ་རྩི་༠་༠ ༨སྦྱར་བས་ཚ་རིམས་མཁྲིས། །གག་ལྷོག་གཉན་རིགས་རྒྱུ་གཟེར་དུད་ཁུ་འཁྲུ། །འབྲུམ་བུ་ཡ་མའི་ནད་ལ་ཐེངས་པས་ཆོག ༈ །བོང་༢་༠༠དཀར་སྤང་རྩི་༡་༠༠འཛིན་པ་༠་༥༠ཕྱེད་ཆ་བསྐྱུངས། །ཚད་རིམས་རྒྱས་ལ་བདུད་རྩི་ལྟ་བུར་ཤིས། ། ༈ བྱིའུ་ལ་ཕུག་སྨྱག་དང་གསེར་ཤ་གསུམ། །མར་ལ་བཙོས་ནས་བུལ་ཏོག་ཁ་ཚར་བཏབ། སྐམ་ནས་ཐུན་ཆེན་ཆུ་སྐོལ་ཚ་མོས་འཕུལ། །ཤ་དུག་ནད་ཀྱིས་མི་འཆི་མྱོང་བས་གྲུབ། ༈ །མཁུན་པ་གྲོས་འདེབས་༠་༢༠གི་ཝྃ་༠་༢༠རྒྱ་ཚྭ་༠་༠༥གསུམ། །སྒོག་སྐྱའི་ཁུ་བས་རིལ་བུ་སྲན་ཙམ་དྲིལ། །གཅིག་གཉིས་གསུམ་སོགས་ནད་སྟོབས་སྦྱར་ལ་གཏོང་། །སྲིན་ནད་ཀུན་སེལ་འཆི་མེད་བདུད་རྩིར་གྲགས། ། ༈ འབྲང་གི་སྙིང་ཁྲག་གསེར་མདོག་གླ་རྩི་དང་། །གུ་གུལ་ལི་ཤི་དོམ་མཁྲིས་སྦྱར་བ་ཡིས། འདི་སྟེང་གུར་གུམ་དང་། སྤོས་དཀར་བསྣན་པ་འབྲོང་ཁྲག་བརྒྱད་པ་ཟེར། མིད་འཆུས་ནད་རིགས་ཀུན་ལ་ཐེངས་པས་ཆོག ། ༈ ཅོང་ཞི་དུལ་༦ ༠༠མ་བྲག་༡་༠༠ཞུན་ཨ་རུ་༡ ༠༠ར། མ་ནུ་ ༡ ༠༠འུ་སུ་༡ ༠༠ཨུཏྤལ་༡ ༠༠རུ་རྟ་༡ ༠༠བདུན། །སྟར་བའི་༡་༠༠ཁཎྜས་རིལ་བུར་དྲིལ་བ་ཉིད། །བད་ཀན་འདུས་ནད་ཀུན་ལ་བདུད་རྩིར་མཚུངས། །མན་ངག་སྨན་ནི་ལྕགས་ཀྱི་ཕྱེ་༡་༠༠མ་དང་། །ཁྲག་༡་༠༠སྐེམས་བ་ཤ་ཀ གཞོན་ནུར་ཡོངས་འཛིན་བླ་མས་བཞེད། ། ༈ ཕོ་བའི་གཞི་འཛིན་སྡེ་སེ་འབྲུ། བཞི་དར་པྲི་ཡང་། གདུགས་ཅན། །ཨ་རུ་ལི་ཤི་ཅོང་ཞི་བའི་སྔགས་ཀྱི་རང་སྒྲ་ལས། འུ་སུ་ཀ་ར་ཕོ་བའི་སྐྱུགས་སོགས་སྡུག་བསྔལ་ཞི། །ཁྱད་འཕགས་འདི་འདྲ་གཞན་ན་འདུག་གམ་ལྟོས། ། ༈ གཙང་སྦལ་སྨན་སྦྲུལ་གོང་མོ་ཁྱིམ་བྱ་དང་། ཕུག་རོན་ཉ་སྤྲེ་སྲམ་ཤ་མཆིལ་པའི་ཀླད། །ལུག་ཐུག་དང་ནི་ཞིམ་བུའི་རླིག་འབྲས་བཅས། །དུག་འདོན་ངར་འདོགས་སྤྱི་ལྟར་བྱས་པའི་སྟེང་། །འབྲས་གསུམ་བཟང་དྲུག་དབང་ལག་རྩ་བ་ལྔ། །གི་ཝཾ་གླ་རྩི་གོ་ཡུ་སྡིག་སྲིན་དང་། །དངུལ་ཆུ་གྲང་འདུལ། བྲེ་ག་ཅོང་ཞི་མཛོ་འོར་འདམ་བཏགས་བྱས། འབྲས་སྣ་གསུམ། །དབྱར་རྩ་རྒུན་འབུ་སྲོ་མ་སེངྒེར་བཅས། །ཞིབ་བཏགས་མངར་གསུམ་མགོ་བསྡུས་རིལ་བུར་དྲིལ། །གསུམ་ལྔ་བདུན་སོགས་ལུས་སྟོབས་དཔག་བྱས་ཏེ། །གར་ཆང་ངམ་ནི་འོ་མས་ཕུལ་ལ་གཏོང་། །ལུས་ཟུང་བདེ་བ་རྒྱས་པའི་དཔལ་འབྱོར་གྱིས། །རྒས་དང་རྒུད་པ་མི་མངའ་སྐྲ་དཀར་གྲོལ། །དབང་གསལ་ལས་ནུས་འཆི་མེད་འགྲུབ་པ་སོགས། །བདུད་རྩི་འདི་ཡི་ཡོན་ཏན་བསམ་མི་ཁྱབ། ། ༈

[edit]

sman sbyor nyer mkho sna tshogs/ sman sbyor nyer mkho sna tshogs bzhugs so/__/oM a thA/__/dran pas ring 'tsho'i dpal ster bla ma dang /__/sman rgyal tshe mtha' yas la gus btud nas/__/'chi med bdud rtsi'i sbyor ba 'ga' zhig gis/__/kha bsgyur nad kun 'joms pa'i man ngag bstan/__/de la cong zhi cha gsum 'jib rtsi gnyis/__/ma nu cha gcig sbyar ba'i phye ma yis/__/nad rigs kun dang khyad par bad khrag 'khrugs/__/ma zhu smug po 'joms pa'i spyi sman yin/__/de nyid gzhir bzhag 'khrul 'khor kha bsgyur ni/__/ar skyur bsdebs pa'i bdud rtsi lnga sbyor 'dis/__/ro rgyab pho mchin rtsib khrod gzer ba dang /__dang kha 'gags dang kha mngal sgyid pa skyur/__/chu tshan chu skyur skyugs sogs 'phral du 'joms/__/skyu ru 'u su da lis lcam pa'i 'bru/__/ga bur bsnan pas rmu 'or skya sbab sel/__/lci 'thibs la sogs mgo nad rigs kun la/__/rdo dregs dung thal dur rus bsnan pa bsngags/__/snying srog stod khengs shus 'debs khrag rlung la/__/sle tres kaN+Da ka ri a gar bsnan/__/snying la rlung zhugs dzA ti ru rta dang /__/srog rtsa gzer na li shi a gar nag__/glor babs cu gang a krong dkar po bsnan/__/bad khrag gre ba lkog ma mi bde na/__/sgang thog bong nga dmar po bsnan pa shis/__/mchin mtsher nad la gi waM brag zhun ste/__/mkhal nad spyi la sug smel dmar po gsum/__/mkhal sked 'gram la bong nga shug tsher can/__/dmar po gsum sbyar pho ba'i nad spyi la/__/se 'bru rkyang pa'am bzhi sbyor gang rigs bsnan/__/skran la rdo thal star bu'i khaN+da ste/__/rgyu long la babs dug nyung bong dkar dang /__/sga lo bsnan cing thar nu'i bshal gyis sbyangs/__yang na iN+Da bzhi thang bsdebs/__mchan/__/sgang pa'i chu 'gags sdig srin gze ma dang /__/tshad gzhugs tshigs babs seng ldeng 'brug gi rus/__/spyi zhur bong dkar bsnan pa mchog tu shis/__/gzhan yang tig+ta brgyad dang bsdebs pa yis/__/bad mkhris mgo nad 'joms shing de bzhin du/__/gur gum bcu gsum bsdebs pas gre thog 'joms/__/'bri mog ba sha ka bsnan bad khrag sel/__/gzer che ru rta a byag hong len bsnan/__/snya lo ram bu sbyar bas 'khru ba gcod/__/spang rtsi hong len bong dkar parba ta/__/bsnan pas tshad rims cham gsar lam nas bzlog__/de sogs kha bsgyur rig pas 'khrul shes na/__/phyi nang nad rigs phal cher 'jom mo zhes/__/gtam gyi zla ris bdud rtsi'i do shal can/__/'tsho byed mkhas pa'i mkha' la dal gyis rgyu/__/_!_ma nu sga skya a ru lcum rtsa dang /__cong zhi bul tog rim bzhin cha re bskyed/__/ma zhu khongs nad kun sel spyi sman yin/__/de nyid gzhir bzhag rgyam tshwa bse sbur ro/__/gla rtsi phur nag khaN+Da bsdebs pa yis/__/gnyan rims pho bar babs pa'i glang thabs 'joms/__/bye'u la phug brag skya ha bo dang /__/sgang thog 'bras bu bsnan pas sha dug 'joms/__/mgron thal cha mnyam sbyar bas skran rigs bshigs/__/chu ser sman gsum brag skya ta po dang /__/re ral ba lu bsnan pas mtsher dug gis/__/sha lpags bem zhing 'brum thor 'byung la phan/__/sbrul sha mde'u 'byin sdong ros sbyar ba yis/__/bu dang sha ma 'thog pa thon par byed/__/gzhan yang man ngag rgyud kyi dgongs pa ltar/__/gang ma zhu ba'i gnyen po bsnan pa ni/__/rtsam pa ma zhu phab dang bul tog bsnan/__/sha ma zhu na spyang ki'i pho ba dang /__/so bya bya rgod gre ba pho ba bsnan/__/yang na sog yu'i thang gis phul la gtong /__/sngo ngad ma zhu za 'bru dbyi mong bsnan/__/chang ma zhu na phabs bsnan chang gis phul/__/yang na sog yu'i thang gis phul la gtong /__/ja chu ma zhu tshwa sna tshogs tshad bsten/__/yang na lo brgyad dri chus phul ba shis/__/zho dar ma zhu chur khus phul la gtong /__/mar tshil ma zhu cong zhi rgod btul bsnan/__/'bru mar sran ma'i thang gis phul la gtong /__/rdo ma zhu na mtshur dang tshwa la bsnan/__/sman ma zhu na bong dkar pi ling bsnan/__/dwangs ma ma zhu cha bca' sga rgyam tshwa a ru pi ling bzhi ste skabs 'dir rgyam tsha dang /__pi ling bsnan/__mnyam bzhi thang bsnan/__/se 'bru bzhi steng rgyam tshwa pri yang+ku /__/bsnan pa gnyis ka ltag pa sprad la gtong /__/snyigs ma se 'bru bzhi steng /__bca' sga rgyam tshwa gur gum dbyi mong byi tang ka bsnan pa'o/__/ma zhu sga rgod dgu pa dang /__/byer na 'o mar lan tshwa btab pas bsdu/__/'dus na ded dpon bzhi sbyor thar khaN bcas/__/tshad ldan bsnan pa'i bshal gyis dag par sbyang /__/ma zhu spyi la go bo'i thal ba bsdebs/__/lcum nag rtsa ba bung bskyed gtong ba gnad/__/_!_phyi rgyud gur gum bcu gsum gzhung bzhin steng /__/ba sha ka dang gu gul nag po bsnan/__/ling thog mgo gzer ya ma'i rigs kun 'joms/__/shing kun 'dzin pa bsnan pas mgo srin sel/__/nA gi rdo dregs sbyar bas sna srin 'joms/__/ut+pal ba sha ka dang pri yang+ku /__/brag zhun bsnan pas khrag mkhris 'khrugs rims dang /__/ya mas mgo dang rna ba gzer sogs sel/__/yang na gser me puN+Da rI ka bsnan/__/'dis kyang ya ma mgo gzer 'joms pa'i mchog__/'dzin pa bsnan pas mgo bo'i tshad nad zhi/__/cong zhi dmar po 'u su li shi dang /_/a ru dza ti sbyar pas bad khrag gis/__/gre ba 'gags dang dang khar 'dril ba 'joms/!__/grang sel se 'bru nyer lnga'i sbyor ba ni/__/se 'bru bzang po drug dang tsha ba sga pi pho/__gsum/__/rgya tshwa rgyam tshwa ze tshwa mgron thal dang /__/shing tshwa kha ru tshwa dang na le bo ril/__sham/__/ka ku ba ste che ba/__ped ma nu tig+ta 'bras bu gsum/__hong len ru rta ka ra'i rta dang sbyar/__/chu skol tshan mos phul la btang ba yis/__/ma zhu ba dang pho ba'i me drod nyams/__/dwangs ma 'khru dang pho nad gcong la sogs/__/grang ba'i nad rnams 'joms pa'i me dpung yin/__/nor bu bdun steng smyug rtsi dmar gsum bsnan/__/mo nad sel ba'i thang sbyor bla na med/__/star bu ru rta ze tshwa sga skya bzhi/__/chu bskol phul btang mo nad khrag 'dril bshigs/__/_!_spang spos shu dag go snyod rdo rgyus dang /__/g.yer ma bul tog shing mngar zhib btags nas/__/mar rnying phag tshil gang rnyed sbyar ba byugs/__/tshab che btsan dug byang ba dud pa bsnan/__/byugs pa rtswa dkar kun sel e ma ho/__/_!_go snyod spang spos shug tsher gla rtsi bcas/__/mar dkar sbyar byugs rtsa 'gyur rigs kun 'joms/__/_!_go snyod lca ba sgron shing bong nag dang /__/sga dmar byugs pas rlung nad ma lus sel/__/_!_lan tshwa bul tog thar nus grang ber 'joms/__/_!_gu gul spru rtsa spyang brun sha chen dang /__/ba bla tshil chen glang tshil glang rwa'i gzhobs/__/shu dag rma bya'i sha dang sgro gang rung /__/ba chu nus ldan dri chus 'dam btags bya/__/ril bu sran 'phos tsam dril lto stong gtong /__/tshil chen sbyar nas bdug cing byugs pa yis/__/gza' klu'i nad gdon 'phral du 'joms pa'i mchog__!__/klu bdud dzA ti shangs dril tsan+dan gnyis/__/ar nag ge sar yungs kar shu dag nag__/thal rdor sga skya sha chen gi'u waM/__/lcum rtsa bong nga shing kun ldong ros dang /__/mu zi nag po sbyar ba'i ril bu yis/__/steng gdon gza' dang 'og gdon gdug pa klu/__/'go nad zas gos gnas kyi grib kun sel/__/_!_chu 'bebs ril bu dkar po'i sbyor ba ni/__/cong zhi sol ba'i me la tshos par bsregs/_/'u skyur lha mo'i thang gi dkyil du bskyur/__/ma tshos shig gi snying tsam ma song gces/__/de steng cu gang phul gang 'debs pa gnad/__/kha bsgyur tsha chur gur gum bcu gsum dang /__/'bol bdun aM b+hi cu gang bde byed bsnan/__/'u skyur thang gis 'dam 'thags 'them par bya/__/grang chur se 'bru lnga dang chu sman gsum/__/yang na sug smel bcu la sbyor ba shis/__/glo mang 'khrugs na rgun 'brum bdun pa dang /__/tsha grang spyi la dwangs ma gnas 'jog sbyar/__/de sogs rig pa'i 'khrul 'khor bskor shes na/__/sa steng 'di yis rmu chu'i nad rigs kun/__/'dren byed bdud rtsi chu 'bebs zhes byar grags/__/snod ldan slob ma'i tsit+ta'i dkyil du spos/__/_!_bdud rtsi lo ma hong len tsher sngon dang /__/stag sha re lcags lo ma thar nu bcas/__/legs sbyar lo ma drug pa'i char rgyun gyis/__/gnyan tshad me dpung 'bar ba thabs su gsod/__/_!_thar nu legs btul shog shing gla rtsi dang /__/chig thub 'phur slebs skyer shun shu dag nag__/dpa' bo dkar po ru rta 'om lo bcas/__/lo brgyad dri chus ril bu sran tsam dril/__/dug dang glang thabs srin gyi rigs la sogs/__/khong nad kun sel dmar mo spyi 'joms so/__/_!_cu gang tsan+dan a krong sro lo dkar/__/spang rgyan bong dkar dkar po drug sbyor 'dis/__/gre 'gags rigs kun sel ba'i bdud rtsir bshad/__/_!_thar nu'i khaN+Da 1 00gser mdog 040brag zhun0 10dang /__/re 0 20lcags re ra_la 0 20stag 0 04sha ri dwags dri/__/ril bu dril ba gyur dug kun la 'gro/__/_!_rgya ma_tshal tsan+dan dkar dmar a ga ru/__/li shi ko la sug smel 'bras bu gsum/__/bong dkar 'u su spang spos ru rta dang /__/gla rtsi kha che gi waM na gi sbyar/__/ya ma klad gzer cham rims mtha' dag sel/__/mig sogs dbang po gsal zhing dwangs par 'gyur/__/si tu'i sna sman nyes sel e ma ho/__/'di steng shing kun ma ru byi tang ka__/bsnan pas nus pa mchog tu bskyed par byed/__/_!__gi'u 1wang a ru 2btsan dug 3gla rtsi dang 4/__/shu dag 5gu gul 6mu 7zi shing 8kun mtshal 9/__/dngul chu dul ma sbyar ba'i lo brgyad chus/__/ril bu dril lam yang na phye ma bya/__/nag po dgu yi sbyor ba zhes bya ste/__/zab la khyer bde rdzas srung rgya mtsho'i bcud/__/nad gdon bgegs rigs kun gyi go char bsngags/__/mang+ga laM/__/_!_oM a thA/__/a ru bzang drug 'bri ta nya phyis dang /__/dmar gsum mkhal zho bse ru 'bras sna gsum/___/shing tsha shug tsher ru rta ardzaka__/zi ra brag zhun shing mngar sdig srin bcas/___/gser mdog nyer lngar grags pa'i sman mchog 'di/___/slob dpon zhal gdams snyan brgyud zab mo ste/____/phan yon mkhal 'gram mkhal rtsa grang rigs dang /__/rkang rked rus tshig dpyi mig yan lag zug__/khrag gis bskyed pa'i mkhal 'bras gzer ba sogs/__/nad rigs phal cher sel ba'i sman mchog yin/__/_!_ko byi gser mdog cu gang dzA ti dang /___/ru rta shu dag tsher sngon sbyar ba yis/__/bad khrag srog rlung stod 'tshangs rigs kun sel/___/yang na ko byi ar nag dzA ti dang /__/tsher sngon spos dkar li shi star bur sbyar/__/stod 'tshangs nad la bdud rtsi lta bur shis/__/ko byi ar nag dzA ti ru rta dang /__/tsher sngon gu gul dkar nag sbyar ba yis/__/'bam nad stod 'tshang gzer rigs 'joms par byed/___/de steng snying zho sha chen kha tshar btab/_____/srog rlung smyo 'bogs snying gzer kun la phan/___/__!_nyang gi gter byon go gre bcu bdun ni/__/da lis ma nu 'bri ta sa 'dzin dang /__/yu mo ol gong rnams ni gtso bo la/__/cu gur li shi shing mngar spang rgyan dkar/__/ru rta a ru rgun 'brum tsan+dan dmar/__/se 'bru ut+pal pi ling ka ra sbyar/__/bad kan ol 'gags pho ba'i nad kun sel/__/_!_ru rta gzer 'joms hong len cha gsum mo/__/zhib btags chus phul khrag gi stod 'tshangs nad/__/sel byed bdud rtsi sum sbyor zhes su grags/__!/bdud rtsi lo ma a byag spang rtsi gsum/__/sbyar bas gnyan rims tshad gzer gsar pa 'joms/__/_!_bdud rtsi lo ma tshad ldan gtso 1 00bo la/__/bong dkar 0_50gla rtsi 0 0_8sbyar bas tsha rims mkhris/__/gag lhog gnyan rigs rgyu gzer dud khu 'khru/__/'brum bu ya ma'i nad la thengs pas chog__!__/bong 2 00dkar spang rtsi 1 00'dzin pa 0 50phyed cha bskyungs/__/tshad rims rgyas la bdud rtsi lta bur shis/__/_!_byi'u la phug smyag dang gser sha gsum/__/mar la btsos nas bul tog kha tshar btab/__skam nas thun chen chu skol tsha mos 'phul/__/sha dug nad kyis mi 'chi myong bas grub/__!___/mkhun pa gros 'debs 0 20gi wa~M 0 20rgya tshwa 0 05gsum/__/sgog skya'i khu bas ril bu sran tsam dril/__/gcig gnyis gsum sogs nad stobs sbyar la gtong /__/srin nad kun sel 'chi med bdud rtsir grags/__/_!_'brang gi snying khrag gser mdog gla rtsi dang /__/gu gul li shi dom mkhris sbyar ba yis/__'di steng gur gum dang /__spos dkar bsnan pa 'brong khrag brgyad pa zer/__mid 'chus nad rigs kun la thengs pas chog__/_!_cong zhi dul 6_00ma brag 1 00zhun a ru 1_00ra/__ma nu _1_00'u su 1_00ut+pal 1_00ru rta 1_00bdun/__/star ba'i 1 00khaN+Das ril bur dril ba nyid/__/bad kan 'dus nad kun la bdud rtsir mtshungs/__/man ngag sman ni lcags kyi phye 1 00ma dang /__/khrag 1 00skems ba sha ka__gzhon nur yongs 'dzin bla mas bzhed/__/_!_pho ba'i gzhi 'dzin sde se 'bru/__bzhi dar pri yang /__gdugs can/__/a ru li shi cong zhi ba'i sngags kyi rang sgra las/__'u su ka ra pho ba'i skyugs sogs sdug bsngal zhi/__/khyad 'phags 'di 'dra gzhan na 'dug gam ltos/_/__!_gtsang sbal sman sbrul gong mo khyim bya dang /__phug ron nya spre sram sha mchil pa'i klad/__/lug thug dang ni zhim bu'i rlig 'bras bcas/__/dug 'don ngar 'dogs spyi ltar byas pa'i steng /__/'bras gsum bzang drug dbang lag rtsa ba lnga/__/gi waM gla rtsi go yu sdig srin dang /__/dngul chu grang 'dul/__bre ga cong zhi mdzo 'or 'dam btags byas/__'bras sna gsum/__/dbyar rtsa rgun 'bu sro ma seng+ger bcas/__/zhib btags mngar gsum mgo bsdus ril bur dril/__/gsum lnga bdun sogs lus stobs dpag byas te/__/gar chang ngam ni 'o mas phul la gtong /__/lus zung bde ba rgyas pa'i dpal 'byor gyis/__/rgas dang rgud pa mi mnga' skra dkar grol/__/dbang gsal las nus 'chi med 'grub pa sogs/__/bdud rtsi 'di yi yon tan bsam mi khyab/__/_!_