JKW-KABUM-17-TSA-002-005

🚧 This website is under continued development. We appreciate your patience!

Previous Text Back to Volume PageNext Text

སྲོག་རླུང་གི་བཅོས་ཚུལ་སོགས་ཀྱི་མན་ངག་གུད་དུ་སྦས་པ།

Wylie title	srog rlung gi bcos tshul sogs kyi man ngag gud du sbas pa
Location	mkhyen brtse'i bka' 'bum Volume 17, sde tshan 2, Text 5, Pages 192-211 (Folios 23b4 to 33a2)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. srog rlung gi bcos tshul sogs kyi man ngag gud du sbas pa. In 'jam dbyangs mkhyen brtse'i dbang po'i bka' 'bum, Vol. 17: 192-211. Khams sde dge rdzong sar dgon: Rdzong sar blo gros phun tshogs, 2020.
Genre	Medicine Texts - gso ba rig pa
Colophon	།ཞེས་སྲོག་རླུང་གི་བཅོས་ཚུལ་སོགས་ལེ་ཚན་བཞི་ཡི་མན་ངག་ཕྱོགས་གཅིག་ཏུ་བསྡེབས་པ་འདི་ཡང་རྨོངས་པ་ཀུན་གྱི་གྲལ་མཐར་སོན་པའི་བན་སྤྲང་འཇིགས་མེད་མཁྱེན་བརྩེའི་མྱུ་གུས་སྦྱར་བ་ཛ་ཡནྟུ།།
	zhes srog rlung gi bcos tshul sogs le tshan bzhi yi man ngag phyogs gcig tu bsdebs pa 'di yang rmongs pa kun gyi gral mthar son pa'i ban sprang 'jigs med mkhyen brtse'i myu gus sbyar ba dza yan+tu

1 Texts in this Section (sde tshan or chos tshan)

5 192-211	སྲོག་རླུང་གི་བཅོས་ཚུལ་སོགས་ཀྱི་མན་ངག་གུད་དུ་སྦས་པ། srog rlung gi bcos tshul sogs kyi man ngag gud du sbas pa Medicine Texts - gso ba rig pa	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

སྲོག་རླུང་གི་བཅོས་ཚུལ་སོགས་ཀྱི་མན་ངག་གུད་དུ་སྦས་པ་བཞུགས་སོ། །ན་མོ་གུ་རུ་བྷྱཿ རྣམ་བཅས་གཟུངས་འཛིན་འཁྲུལ་པའི་འཁོར་ལོ་ཀུན། །རྣམ་པ་ཀུན་བྲལ་འཇོ་སྒེག་གིས་འཁྱུད་པས། །རྣམ་ཀུན་མཆོག་ལྡན་བདེ་སྟོང་མཚན་དཔེའི་ཞལ། །རྣམ་འདྲེན་འཁོར་ལོའི་མགོན་པོ་སྙིང་དབུས་རོལ། །ཟབ་ཅིང་ཉེ་བར་སྦས་པའི་དོན། །ཀུན་ལ་གསང་བར་རྒྱས་བཏབ་པ། །དེང་འདིར་མདོ་ཙམ་རབ་དབྱེ་ཡིས། །དཔྱོད་ལྡན་སྙིང་གི་ཐིག་ལེར་ཟུང་། ། ༈ དེ་ལ་ཐོག་མར་སྲོག་རླུང་གི་བཅོས་ཐབས་ཕན་བདེའི་དོ་ཤལ་སྐབས་སུ། ཐང ་སྦྱོར་ལས། རུས་བཅུད་གསུམ་ནི། སོག་ཁ། གཞུག་ཆུང་། སྲེ་ལོང་ངོ་། །སྨན་སྒ་སུམ་ཐང་གི་གསང་སྨན་ཀོ་བྱི་ལ་དུག་མ་ཕྲལ་བའམ། རི་སྙིང་། ། ༈ སྲོག་འཛིན་བཅུ་གཅིག་པའི་སྦྱོར་ཚད་ཛཱ་ཏི༠ ༤༠ རུ་རྟ༠ ༤༠ ཨ་རུ༠ ༤༠ ཨར་ནག༠ ༥༠ ལི་ཤི༠ ༥༠ ཤ་ཆེན༠ ༥༠ ཤིང་ཀུན༠ ༥༠ སྙིང་ཞོ༠ ༥༠ ཅུ་གང་༠ ༣༠ གེ་སར༠ ༣༠ སྤོས་དཀར༠་༢༠ བཅས་སོ། །ཀོ་བྱི་བདུན་པ་སོགས་ལ་ཀོ་བྱིའི་རྒྱབ་ཀྱི་སྤུ་དེ་བཞར་དགོས། ། ༈ བཱི་མ་མི་ཏྲའི་ལུགས་ཀྱི་སྦྱོར་ཚད་ཛཱ་ཏི༠ ༡༠ ཨ་རུ༠ ༡༠ སྤོས་དཀར༠ ༡༠ ཨར་ནག༠ ༡༠རེ། གཞན་རྣམས་ཐམས་ཅད༠ ༠༥ རེ་སྦྱར། གུ་གུལ་ཉི་ཤུ་པའི་སྦྱོར་སྡེའི་གསང་སྨན་གངས་སྐྱེས་ཀྱི་འཛིམ་པ། ། ༈ སེམས་ཀྱི་བདེ་སྐྱིད་ལ། གོ་ཡུ་སྨུག་འཇང་ཆུང་ངུ་དེ༢ ༠༠ ཨར་ནག༡ ༠༢ ཛཱ་ཏི༠ ༡༠ ལི་ཤི༠ ༨༠ ཤིང་ཀུན༠ ༤༠ རུ་རྟ༠་༧༠ སྙིང་ཞོ༡ ༠༠ སྨན་ཆེན་འབྲི་ཚིལ་ལྟ་བུ༤ ༠༠ སྒ་དམར༠ ༧༠ པི་ལིང་༠ ༦༠ ཕོ་རིལ༠ ༩༠ ཁ་རུ་ཚྭ༠ ༥༠ རྣམས་སྦྱར། ཚབ་ཆེན་ཁྱི་ཕག་མ་གཏོགས་པའི་སྙིང་སྣ་གང་འཛོམ་ཁ་ཚར་ཆ་ཆུང་རེ་བཏབ། །བུར་སྨུག་གམ་གྲིར་ཤིའི་རྐང་མར་གྱིས་རིལ་བུ་དྲིལ་བ་མན་ངག་གོ ༈ །བུར་སྨུག་གི་རིལ་བུར། བི་ཥ་ནི་བོང་ང་སྟེ། སྤྱིར་སྙིང་རླུང་སོགས་རླུང་ནད་ལ་འགྲོ་བའི་བོང་ང་ཐམས་ཅད་བཅག་ཁ་འབྲི་ཚིལ་འདྲ་བ་དེ་དགོས། ལོ་བརྒྱད་ཨེ་ཀྲོ་དྲི་ཆུ། གསང་སྨན་དར་མའི་གྲི་སྙིང་། སྦྱོར་སྡེ་དེ་སྨན་མར་ལ་སྦྱར་ན། དངུལ་ཆུ༠ ༡༠ མུ་ཟི་དུལ་མ༠ ༠༥ འབྲོང་དང་ནེ་ཙོའི་སྙིང་བཅས་འབྲས་གསུམ་སྨན་མར་ལ་བསྲེའོ། ། ༈ ཙིཏྟ་ཉེར་ལྔ། གསང་སྨན་རྒྱལ་མོ་ནི་དཔའ་བོ་གཡུལ་དུ་ཕན་ཚུན་གཉིས་ཀ་གྲིར་ཤི་བའི་སྙིང་སྲོག་རྩ་བཅས་པ་དང་༠ ༦༠ དངུལ་ཆུ༠ ༤༠ ཛཱ་ཏི༠་༤༠ མུ་ཟི༠ ༣༠ བཅས་བསྣན་ཏེ་ལོ་བརྒྱད་དྲི་ཆུ་ཅུང་ཟད་ཀྱིས་རླན་ཕབ་ནས་རྡོ་གཏུན་ཚ་མོར་མཐིང་ནག་ཏུ་མ་སོང་བར་འདུལ། དེ་སྟེང་བཙན་དུག་འབྲི་ཚིལ༠ ༥༠ ཤིང་ཀུན༠ ༣༠ སྙིང་ཞོ༠ ༥༠ རི་སྙིང་༠ ༡༠ ཏེ་ལོའི་སྙིང་༠ ༥༠ གཡག་རྒོད་སྙིང་༠ ༡༠ ཡུངས་ཀར༠ ༤༠ ཤུ་དག༠ ༠༨ གླ་རྩི༠ ༠༣ ཨ་རུ་ར༠ ༥༠ རུ་རྟ༠ ༡༠ སྤོས་དཀར༠་༢༠ སྒང་ཐོགས་པ་ཞེས་འབྲས་བུ་དམར་ཞིབ་སྣུམ་བག་ཅན༠་༢༠ ཨར་ནག༠་༤༠ ཚེར་སྔོན༠ ༣༠ གུལ་ནག༠ ༡༠ ཀོ་བྱི༠ ༢༠ ཁ་རུ་ཚྭ༠ ༤༠ ཡུག་སའི་མངལ་ཁྲག༠ ༠༣ ཙམ། སྔགས་པ་ནུས་ལྡན་དྲི་ཆེན༠ ༡༠ བཅས་བཏབ་ཏེ་འདམ་བཏག་ཡུན་རིང་བྱས་མཐར་གྲི་ཁྲག་གི་ན་བཟའ་གསོལ་ཏེ་སྲོད་དུས་སུ་ཕུལ། ༈ ཁྱུང་སྟེང་གསང་སྨན་ནི་དཔའ་བོ་གཡུལ་དུ་ཤི་བའི་གྲི་སྙིང་། སྦྱོར་ཚད་ཨ་རུ༠ ༤༠ བཙན་དུག༠ ༤༠ ཤུ་དག༠་༠༧ རུ་རྟ༠ ༥༠ གླ་རྩི༠ ༠༣ གྲི་སྙིང་༠ ༨༠ ཛཱ་ཏི༠ ༣༠ ལི་ཤི༠ ༣༠ བཅས་བསྣན། ཡང་ན་ཛཱ་ཏི་ལི་ཤི་ཕྲི་ཏེ། ཤིང་ཀུན༠ ༦༠ ཁ་རུ་ཚྭ༠ ༦༠ བསྣན་ཀྱང་རུང་། ། ༈ སྙིང་ཞོའི་སྨན་མར་ཁ་ཚར་གསང་སྨན་གཉིས་ནི། ཡུག་སའི་མངལ་ཁྲག །ནལ་བུའི་ཤ །བྲེ་སྲང་སོགས་ཀྱི་ཚད་ནི། །སྲང་གཅིག་སྤར་གང་སྲང་གཉིས་འཁྱོར་ཕུལ་གང་དང་དོན་གཅིག བ་གང་། །སྲང་བཞི་སྙིམ་གང་སྲང་བརྒྱད་བྲེ་གང་ངོ་། །ཞེས་བཤད། ། ༈ ཛཱ་ཏིའི་སྨན་མར་ལ། སྣ་མའི་འབྲས་བུ་ཛཱ་ཏི། ། ༈ རྗེས་སུ་སེ་འབྲུ༠ ༡༠ ཤིང་ཚྭ༠ ༡༠ སུ་སྨེལ༠ ༡༠ པི་ལིང་༠ ༣༠ གུརྒུམ༠ ༡༠ དེ་སྟེང་ཛཱ་ཏི༠ ༡༠ ཀ་ཀོ་ལ༠ ༡༠ སྒ་སྐྱ༠ ༤༠ སྦྱར་བའམ། ཡང་ན་གོང་སྟེང་ཛཱ་ཏི༠ ༡༠ ཤིང་ཀུན༠ ༡༠ ཁ་རུ་ཚྭ༠ ༡༠ སྒ༠་༡༠ བསྣན་པ་སྐབས་སྦྱར་བཏང་། ། ༈ སྲོག་འཛིན་བཅུ་གཅིག་གམ། སེམས་ཀྱི་བདེ་སྐྱིད་ལ་བསྣན་རྒྱུའི་གསང་སྨན་རི་བོང་སྙིང་། མེ་གསང་དངོས་བསྟན་དུ་མེད་པའི་རིགས་ཅུང་ཟད་བརྗོད་ན། སྨན་དཔྱད་ཟླ་བའི་རྒྱལ་པོ་ལས་འབྱུང་བ་རྒྱབ་ཀྱི་ཚིག་པ་དྲུག་བདུན་དང་པོ་རྣམས་ལ། ཚབ་ཆེན་ཁ་གསུམ་བསྲེགས་པ་ཞེས་གསུངས། ནུ་མའི་བར་ན་ཁ་གསུམ་དུ་བཏབ་པ་སྙིང་གསང་ཆེན་པོ་སྟེ། སྙིང་འདར་བ་དང་། བཟའ་བཏུང་ཡིད་མི་འོང་བ་ལ་སོགས་ལ། དེ་ནས་ནུབ་ཏུ་ཚོན་གང་སར་བཏབ་པས་གཡས་གཡོན་གྱི་གཟེར་ཟུག་འཇོམས། མཚན་རྐུབ་པར་དུ་བཏབ་ན་དྲན་པ་མྱོས་པ་དང་། རོ་སྟོད་ལྕི་བ་སོགས་ལ་ཕན་ཞེས་སྣང་། ཡང་ཐུར་མ་འཕང་ཡུལ་གྱི་དམིགས་རྒྱུད་ལས། བྱེ་བྲག་སྙིང་ལ་གསང་ས་བཅུ་གཅིག་སྟེ། ཞེས་ནུ་ཏོག་ནས་གཞོལ་བའི་ནུ་མའི་སྟེང་ཚོན་གང་སར་སྙིང་སྲོག་འཛོམ་པའི་གསང་། དེ་བཞིན་དུ་ནུ་རྩེ་ནས་མཆན་ཁུང་ངོས་སུ་གཞལ་བར་སྲོག་རྩ་མྱོས་བྱེད་གསང་། ཐུར་དུ་གཞལ་བར་སྙིང་ཆུ་བཙག་པའི་གསང་། བྲང་ངོས་སུ་གཞལ་བ་སྙིང་ལོག་ཆུ་སེར་དང་རླུང་འཁྱིལ་པའི་གསང་སྟེ། ནུ་མའི་ཕྱོགས་བཞིར་ཕྱིར་མཚོན་གང་ལ་བསྲེག །ཞེས་སྨྲོས་པ་དེའོ། །དེ་ནས་བྲང་ངོས་སུ་ཚོན་དོ་གཞལ་བ་གློ་སྙིང་འདོམས་གསང་། རྒྱབ་ཀྱི་ཚིག་པ་བདུན་པ་ཁ་གསུམ་ཡང་དེ་དང་འདྲ། དྲུག་པའི་ཁ་གསུམ་སྲོག་རྩའི་གསང་སྟེ། བྱ་རོག་མིག་ནས་ཕྱིར་ཚོན་གང་བཅལ་བ་རྩིབས་ བར་གོང་མ་གོ་ཆེན། འོག་མ་གོ་ཆུང་། རྐེ་སྟོང་ཅ་ར་ཁུག་རྣམས་ཏེ་དེ་དག་སྐབས་བབ་དང་བསྟུན་པའི་མེ་བཙའ་གདབ་ཏུ་རུང་ངོ་། ། ༼༒༽དེ་ལྟར་སྲོག་རླུང་གི་བཅོས་ཐབས་སྐོར་མདོར་བསྡུ་ན། ཐོག་མར་ཐང་སྦྱོར་ལན་འགའ་བཏང་རྗེས། དངོས་གཞིའི་སྨན། སེམས་ཀྱི་བདེ་སྐྱིད་དང་། རླུང་གི་མདེ་ཐུང་ལས་བཤད་པའི་ཨར་བརྒྱད་ནུ་ཞོས་རིལ་བུ་དྲིལ་རྒྱུ་ཅན་དེ་དང་། བི་མ་མི་ཏྲའི་ལུགས་འདི་རྣམས་དང་། ཁྱད་པར་ཙིཏྟ་ཉེར་ལྔ་པ་ཚད་ལྡན་སྦྱར་བས་མཆོག་ཏུ་ཕན། གཞན་མའི་སྦྱོར་སྡེ་རྣམས་སྐབས་དང་བསྟུན། ཤིན་ཏུ་གཟེར་ཆེ་ན་འབྲང་རྩེ་ལྷ་སྲས་བེ་བུམ་ལས་འབྱུང་བའི་ཨ་གར་བརྒྱད་པ། ཨ་ག་རུ་དང་ཛཱ་ཏི་སྙིང་ཞོ་ཤ །རུ་རྟ་བསྣན་པས་རླུང་ཁྲག་སྤྱི་ལ་ཕན། །ཨ་བྱག་བསྣན་པའི་ལྔ་པས་གཟེར་ལ་ཕན། །ལི་ཤི་བསྣན་ལི་ཤི་དང་ཤ་ཆེན་ཡིན་པའི་བདུན་པས་རླུང་ལ་ཕན། །རི་བོང་སྙིང་བསྣན་བརྒྱད་པས་སྨྱོ་འབོག་སེལ། །ཞེས་པ་འདི་ལ་ཨ་བྱག་གཟེར་འཇོམས་ཐང་གིས་ཕུལ་བས་འཕྲལ་དུ་ཟུག་གཅོག །དཔྱད་དུ་སྤྱིར་མེ་བཙའ་ཁོ་ན་བསྔགས་ཏེ་ཁྲག་ཤས་ཤིན་ཏུ་ཆེ་ན་སྙིང་རྩའམ། རྩེ་ཆུང་རླངས་ཐོན་ཙམ་གཏར། སྙིང་ཞོ་གདོན་ཤས་ཆེ་ན་ཤ་དང་ཛཱ་རླུང་ཤས་ཆེ་ན་ཏིའི་སྨན་མར་སོགས་སྐབས་དང་སྦྱར་ནས་སྦྱོར། སྙིང་འཁྱོས་ལའང་གོང་གི་སྦྱོར་སྡེ་ནས་འབྱུང་བའི་ཙིཏྟ་ཉེར་ལྔ་པ་དང་། སེམས་ཀྱི་བདེ་སྐྱིད། འབྲང་རྩེའི་ཨར་བརྒྱད་རྣམས་ཀྱིས་ཤིན་ཏུ་ཕན་ནོ། །སྙིང་འཕྱོའི་བཅོས་སྐབས་འབྲས་གསུམ་ནི། ཨ་རུ༠ ༣༠ བ་རུ༠ ༣༠ སྐྱུ་རུ༠ ༤༠ མ་ནུ་བཞི་ནི། མ་ནུ༠ ༣༠ ཀཎྜ་ཀ་རི༠ ༦༠ སླེ་ཏྲེས༠ ༣༠ སྒ་སྐྱ༠ ༡༠ དེ་སྟེང་ཤ་ཆེན༠ ༤༠ ཀོ་བྱི༠ ༣༠ ༈ ཨ་གར་བརྒྱད་པའི་གསང་སྨན་སྙིང་ཞོ་ཤ ། ༈ བཙན་དུག་སྨན་མར་སྦྱར་ཚུལ་ནི། རྒྱུད་ལས། བོང་ང་ཞོ་གཅིག་ཆང་དུ་སྦང་ལ་བཏགས། །ཨ་རུ་དྲུག་འགྱུར་ཕྱེ་མ་ཆུ་ལ་གདུ། །མང་བསྐོལ་བཟང་དྲུག་བུ་རམ་བཏབ་ཏེ་བཏང་། །ཐབས་དང་མི་ལྡན་ཚེ་ཡིས་བར་ཆད་འགྱུར། །ཞེས་གསུངས་པ་ཉིད་ལག་ཏུ་ལེན་ཚུལ། བཙན་དུག་འབྲི་ཚིལ་མ་སྲང་གང་ཁྲམ་ཁྲུམ་དུ་བརྡུངས་ནས་ཆང་བཟང་རང་ནུབ་ཙམ་ལ་ཞག་གཅིག་སྤངས་ནས་བཙན་དུག་ཆང་དང་བཅས་ལེགས་པར་བཏགས། ཨ་རུ་ཞོ་དྲུག་གསུངས་ཀྱང་ཞོ་བརྒྱད་ཀྱི་ཕྱེ་མ་གཉིས་བསྲེས་ལ་རྒྱ་སྣག་གི་མདོག་མ་ཐོན་གྱི་བར་དུ་འདམ་བཏགས་བྱ། གར་སླ་ཞོ་ཟན་ཙམ་དུ་སོང་ཚེ་ཆུ་བྲེ་དོ་རུ་གདུས་ནས་བྲེ་གང་བར་དུ་བསྐོལ། དེ་ནས་མཁྲིས་ཤས་ཆེ་ན་མཛོ་མོ། གྲང་ཤས་ཆེ་ན་འབྲི་འོ་བྲེ་དོ་བླུགས། དེ་ཉིད་བྲེ་གང་དུ་གདུས་ཚེ་ཞུན་མར་བྲེ་གང་བཏབ། ཆུ་ཆོད་ཚེ་སྙིགས་མ་དོར་ནས་དྭངས་མའི་ནང་དུ་བཟང་དྲུག་ཨ་གར་ནག་པོ་སོགས་ཀྱི་ཕྱེ་མ་ཁ་ཚར་བཏབ། ཐོ་རངས་དུས་སུ་ཨ་རུ་ར་ཙམ་བཟའ་ཞིང་། །སྦྲིད་ན་དེ་ལས་ཆ་ཅུང་ཟད་རེ་ཕྲིའོ། ། ༼༒༽ ཁྲག་རླུང་སྟོད་འཚང་གི་བཅོས་ཚུལ་ངོ་མཚར་སྲོག་སྟེར་སྐབས་སུ། དྲང་སྲོང་ཨར་བརྒྱད་སྟེང་བསྣན་རྒྱུའི་གཟེར་སྨན་མིང་ཅན་སེར་པོར་གྲགས་པ་དེའོ། ། ༈ ཨ་གར་སོ་ལྔའི་སྐབས། ཨ་གར་རིགས་གསུམ་ནི། ཨ་གར་ནག་པོ་འཇང་སོགས་ནས་ཡོང་བ། ལྷོ་མོན་ཕྱོགས་ནས་འོང་བའི་ཨར་སྐྱ་དང་། དེའི་མཆོག་འབའ་ཞིག་ཏེ་གཉིས་ཀ་དཀར་སོབ་ཅན། སྟོད་ནས་ཡོང་བའི་ཨ་གར་སེར་པོའམ་གོ་སྙོད་མར་གྲགས་པ་སྟེ། དེ་ཡང་། ཨར་ནག༠་༤༠ གོ་སྙོད་མ༠་༢༠ ཨར་སྐྱ༠ ༤༠ ཛཱ་ཏི༠ ༡༠ ལི་ཤི༠ ༡༠ ཅུ་གང་༠ ༥༠ གུ རྒུམ༠ ༢༠ སུག་སྨེལ༠ ༣༠ ཀ་ཀོ་ལ༠ ༣༠ སྟེ་བཟང་པོ་དྲུག ཨ༠ ༢༠ བར༠ ༣༠ སྐྱུར༠ ༤༠ སྟེ་འབྲས་བུ་གསུམ། ཙན་དན་དཀར་པོ༠ ༢༠ དམར་པོ༠ ༤༠ སྟེ་ཙནྡན་གཉིས། མ་ནུ༠ ༦༠ སླེ་ཏྲེས༠ ༡༠ ཀཎྜ་ཀ་རི༠་༣༠ བ་ཤ་ཀ༠་༢༠ ཏིགྟ༠་༢༠ གུ་གུལ་དཀར་པོ་སྤོས་དཀར༠ ༣༠ གུལ་ནག༠ ༣༠ གླ་རྩི༠ ༡༠ ཀོ་བྱི༠ ༣༠ ཤ་ཆེན༠ ༡༠ འཛིམ་པ༠ ༥༠ ཚེར་སྔོ ན༠ ༤༠ སྙིང་ཞོ༠་༣༠ གེ་སར༠ ༢༠ རུ་རྟ༠ ༢༠ ཧོང་ལེན༠ ༢༠ ཨ་བྱག་གུརྒུམ༠ ༤༠ ཨ་བྱག་གཟེར་འཇོམས་སམ་མིང་ཅན་སེར་པོ༠་༤༥ མིང་ཅན་གཅིག་ནག་པོ༠ ༤༠ སེ་འབྲུ༠ ༢༠ སྲོ་ལོ༠ ༣༠ བཅས་སོ། ། ༈ མ་ཎི་བདུན་པ་ནི་ནོར་བུ་བདུན་ཐང་སྟེ་གསང་སྨན་ཀོ་བྱི་ལ་ཡིན། བདུད་རྩི་སྙམ་ལྡན་ནི་སྐྱུ་རུ་ར། །གེ་སར་ཉེར་ལྔའི་མིང་ཅན་རྣམ་གཉིས་ནི། མིང་ཅན་ནག་པོ་དང་སེར་པོའོ། ། ༈ ཨ་བྱག་གསུམ་པའི་གསང་སྨན་ཀོ་བྱི་སྤུ་ལྡན། ༈ རྡོ་རྗེ་རབ་འཇོམས་སྐབས། རུས་ཞུན་ཁཎྜ་རྒྱུ་ནི། རབ་བྱང་འབྲོང་། འབྲིང་ཡུལ་འབྲོང་། ཐ་མ་རུས་རྙིང་དྲོད་ཅན་གང་འབྱོར་རོ། །འཁྲུལ་འཁོར་གྱིས་བཅོས་བ་འདི་ཉམས་ཡིག་སོགས་ལས་བྱུང་ངོ་། ། ༈ ཁཎྜ་བཟོ་ཐབས་ཀྱི་ལག་ལེན་ཞིབ་པ་ནི། རུ་རྟའི་རྩ་ལོའི་མཚམས་སུ་ཡོད་པའི་སིལ་ཞེས་པ་སྤོས་སྦྱོར་དུ་འགྲོ་བ་དེ་ཡི་གཙོས་པའི་ཤུག་པ་དང་། ཐང་མ་སོགས་ནགས་མིའི་རིགས་ཀྱི་ཤེལ་ཏ་སྟེ་ཐང་ཆུ་གང་འབྱོར། རུས་སྣ་ཡོངས་རྫོགས་ཀྱི་ཁུ་བ་སོ་སོར་བཞུར་ནས་ཆ་མཉམ་གྱི་ཁཎྜར་བཟོ། ཞོ་གར་ཙམ་དུ་སོང་དུས་བླངས། དེ་ནས་ཇ་ཤོག་ལྟ་བུར་བཅུག །དགོས་དུས་གཟེར་མིག་དང་འབྲུམ་ཐོར་སོགས་ལ་སྲབ་མཐུག་ཤོག་བུ་ཙམ་པ་ཤོག་མཐུག་ལ་སྦྱར་ནས་མེ་ལ་བསྲོས་ནས་བསླན། ཚབ་ཆུང་གི་རླུང་གཟེར་སོགས་མྱུར་དུ་འདྲེན། ༈ ཅར་ཁུག་མཆན་ཁུང་སྟེ། དེར་སྐར་མ་མ་ཡལ་བའི་ཆུ་མདའ་དང་། གཟེར་སྟེང་རྨོས་ལྕགས་བྱང་མ་ཆུ་ལ་བཅུག་སྟེ་བསླན། གཞན་ཡང་མནན་པ་དང་འབེབས་པ་སོགས་ཀྱི་མན་ངག་མང་དུ་ཡོད་ཀྱང་འདིར་དེ་ཙམ་མོ། ། ༈ དེ་ལྟར་ཁྲག་རླུང་སྟོད་འཚང་གི་ནད་གཞི་ཀུན་ལ། སྤྱི་སྨན་གེ་སར་ཉེར་ལྔ་དང་། ཨ་གར་སོ་ལྔ། ཁྲག་རླུང་སོགས་ཤས་གང་ཆེ་ན་ཨ་གར་སྦྱོར་བ་གཞུང་ནས་འབྱུང་བ་དང་། ཤིན་ཏུ་གཟེར་ཆེ་ན ་རྒོད་པོ་ར བ་འཇོམས་དང་། ཨ་བྱག་གསུམ་པ་ཁོང་དུ་བཏང་ཅིང་བདུག །དེས་ཀྱང་མ་ཚུག་ན་མེ་བུམ་བྱ། ཤིན་ཏུ་ཁྲག་ཤས་ཆེ་ན་རྩེ་ཆུང་ངམ་ཐོང་རྩ་གཏར་ཏེ། གཞན་ཡང་སྲོག་རླུང་སྐབས་སུ་ཡོད་པའི་སྦྱོར་སྡེ་ཀོ་བྱི་བདུན་པ་དང་བཅོ་ལྔ། ཨ་གར་ཉི་ཤུས་ཀྱང་ཕན་ནོ།། །། ༼༒༽ རྩ་དཀར་གྱི་བཅོས་ཚུལ་ཕན་བདེའི་ཕྲེང་བའི་སྐབས་སུ། ནོར་བུ་བསམ་འཕེལ་སྦྱོར་ཚད། ཅུ༠ ༠༢ གུར༠ ༡༠ ལི༠ ༠༧ ཛཱ༠ ༠༢ སུག༠ ༠༧ ཀོ༠ ༣༢ ཙནྡན་དཀར༠ ༠༦ དམར་༠ ༠༤ ཨར་ནག༠ ༠༦ གི་ཝཾ༠ ༡༠ གླ་རྩི༠ ༠༦ ཉ་ཕྱིས༠ ༢༠ བསྭེ་རུ༠ ༡༡ ཨ༠ ༠༧ བར༠ ༠༧ སྐྱུར༠ ༡༠ སྒ༠ ༠༥ པི༠ ༠༧ ཟི་ར་དཀར༠ ༠༥ ཟི་ར་ནག༠ ༠༧ སྟེ་ཟི་ར་གཉིས། རྒྱ་ཚྭ༠ ༠༨ སྡིག་སྲིན༠ ༠༧ ཤིང་མངར༠ ༣༠ ཤིང་ཚྭ༠ ༠༥ འབྲི་རྟ་ས་འཛིན༠ ༠༨ ཉི་དགའ་སྟེ་ལྕམ་འབྲས༠་༠༧ རྣམས་སོ། ། ༈ བསམ་འཕེལ་རཏྣའི་སྦྱོར་བའི་སྐབས་སུ། གསེར་ཟངས་སོགས་ཐལ་བ་བྱ། གཡུ་རྙིང་བྱེ་རུ་ཉ་ཕྱིས་རྣམས་དུག་འདོན། སྦལ་རྒྱབ་དཀར་སྨུག་བཞི་ནི། དཀར་པོ་འབྲུམ་པ་ཡོད་པ་ཕོ་དང་མེད་པ་མོ། དེ་བཞིན་ནག་པོ་ལའང་གཉིས་སུ་དབྱེ་བ་ཟུར་མཁར་དང་། ཀུན་མཁྱེན་བསྟན་པའི་ཉིན་བྱེད་སོགས་ཀྱིས་བཞེད་ཅིང་། སྦྱར་ཚུལ་གྱི་རིམ་པ་ཞིབ་མོར་རྟོགས་པར་འདོད་ན་རིན་ཆེན་གྱི་སྦྱོར་བ་སྤྱི་དང་བྱེ་བྲག་གི་སྐབས་སུ་ཤེས་པར་བྱ་བ་ལས་འདིར་སྨོས་ཀྱིས་མི་ལོང་ངོ་། ། ༈ ཁྱུང་ཆེན་ཉེར་གཅིག་གི་སྐབས་སུ། ཆུ་སེར་སྨན་གསུམ་ནི། སྤོས་དཀར། ཐལ་རྡོར། སོ་རཱ། ། ༈ གསེར་མདོག་ཉེར་ལྔའི་སྦྱོར་ཚད། ཨ་རུ༠ ༥༠ ཛཱ༠ ༠༧ སུག༠ ༡༠ ཀོ༠ ༣༠ ཅུ༠ ༡༠ གུར༠ ༠༧ ལི༠ ༠༧ ཉ་ཕྱིས༠ ༢༠ ཚོས༠ ༡༠ བཙོད༠ ༢༠ འབྲི་མོག༠ ༡༠ སྟེ་དམར་པོ་གསུམ། མཁལ་ཞོ༠ ༢༠ ཨ་འབྲས༠ ༡༠ སྲ་འབྲས༠ ༡༠ འཇམ་འབྲས༠ ༡༠ སྟེ་འབྲས་སྣ་གསུམ། བསྭེ་རུ༠ ༡༣ ཤིང་ཚྭ༠ ༡༠ ཤུག་ཚེར༠ ༣༠ ཨརྫ་ཀ་ཏེ་ལྕམ་འབྲས༠ ༢༠ རུ་རྟ༠ ༡༠ ཟི་ར་དཀར་པོ༠ ༡༠ བྲག་ཞུན༠ ༡༥ སྡིག་སྲིན༠ ༠༧ ཤིང་མངར༠ ༣༠ རྣམས་སོ། ། ༈ འབྲས་གསུམ་སྨན་མར་ཚད་ནི། ཨ་རུ༡ ༠༠ བ་རུ༠ ༥༠ སྐྱུ་རུ༠ ༢༥ ༈ །ལུམས་སྐབས་བདུད་རྩི་རྣམ་ལྔ་ནི། ཇི་སྐད་དུ། བ་ལུས་པགས་པ་མཉེན་པར་བྱེད། །འོམ་བུས་རུས་པའི་དུག་རྣམས་འདོན། །མཚེ་ཡིས་ལུས་བོང་བརྟས་པར་བྱེད། །མཁན་སྐྱས་ལུས་ཀྱི་འབྱུང་བ་འདུལ། །ཤུག་པ་ཡོན་ཏན་བརྒྱད་དང་ལྡན། །ཞེས་སོ། །རྩ་བ་ལྔ་ནི། བ་སྤྲུ་གཟེ་མ་ར་མཉེ་དང་།། ཉེ་ཤིང་ལྕ་བ་རྣམ་པ་ལྔས། །ཚེ་བསྲིང་ལུས་བརྟས་བཅུད་ལེན་བྱེད། །ཞེས་སོ། །གླ་རིལ་ཕོའི་ རིལ་མ་དྲི་ལྡན་དགོས། འདི་ཡི་ལག་ཏུ་ལེན་ཚུལ་རླངས་ལུམས་ནི་དེ་དག་བཀོལ་ཏེ་རླངས་པའི་ཁར་ཉལ་བ་དང་། ཆུ་ལུམས་ནི་དེར་ཞུགས་པ་དང་། བཅིངས་ལུམས་ནི་ཁུག་མ་ལྟ་བུའི་སྣོད་དུ་བླུགས་ནས་ནད་དམིགས་སུ་བཅིངས་པ་སྟེ་ཞིབ་པར་མཐོང་བརྒྱུད་ལས་ཤེས་པར་གཅེས་སོ། ། ༈ བྱུག་པའི་སྐབས་སུ་དེ་བ་ད་རུ་ནི་རྒྱ་ཤུག་སྣུམ་བག་ཅན། ༈ རྡོ་སྦྱོར་ལ། གངས་ཐིག༠ ༣༠ སྦལ་རྒྱབ༠ ༢༠ མདུང་རྩེ༠ ༢༠ བྱིའུ་མགོ༠ ༢༠ ཁབ་ལེན༠ ༢༠ རྡོ་རྒྱུས་བྱ་བལ་མ༠ ༢༠ མཐིང་རྒྱུས༠ ༢༠ སྟེ་རྡོ་རྒྱུས་གཉིས་དང་། བ་ནུ༠ ༢༠ ཁ་ཚར་ཆུ་སེར་སྨན་གསུམ༠ ༡༠ རེ། རུ་རྟ༠ ༡༠ ཛཱ་ཏི༠ ༡༠ ལི་ཤི་ཞོ་གང་རྣམས་སྦྱར་རོ། ། ༈ མེ་དམིགས་ལ། ཕྱི་མཆན་གཉེར་རིངས་སུ་བཏབ་པ་སྟོད་ཀྱི་ལག་པ་བཤལ་བ་ལ་ཕན། ཕྱི་ལོང་ནས་ཡར་ལ་ཚོན་གང་བཅལ་བར་བཏབ་ནས་པུས་མོ་མན་ཆད་སྦྲིད་པ་ལ་ཕན། ཐུར་དུ་དེ་བཞིན་རྐང་ནད་རིགས་ཕལ་ཆེར་ལ་ཕན་ཚུལ་སོགས་མཆིས་རུང་། འོན་ཀྱང་རྩ་དཀར་གྱི་དམིགས་ནི་གཞུང་ལས་མ་ཚོར་མ་འཐུས་པ་ཆེར་མེད་དོ། ། ༈ ནད་དམིགས་གང་ཡོད་ཕལ་ཆེར་གྱིས་འབྲོས་འདེད་ཚུལ་དུ་བསྲེགས་ན་ལེགས་པར་བཞེད་པ་ཡང་ཡོད། ། ༈ སྔགས་བཅོས་སྐབས་མདའ་འཕང་གོ་ལྡོག་ཞེས། ཕོའི་འཕང་། མོའི་མདའ་མནན། ༈ རྩ་སྦྱོངས་སྐབས། དངུལ་ཆུ། མུ་ཟི། བྱང་བ། རྒྱ་ཚྭ་བཞི་ཆ་མཉམ། གཞན་རྣམས་ཕྱེད་ཆ་རེ། དུར་བྱིད་ཉུང་ངུ་ལས་མི་བཏང་། ཤིང་མངར་དང་ཉ་ཕྱིས་ཅུང་ཟད་བསྐྱེད། ལག་ཏུ་ལེན་ཚུལ་ནི། ཀུན་མཁྱེན་བསྟན་པའི་ཉིན་བྱེད་ཀྱི་ཕྱག་བཞེས་ལྟར་ན། ཐོག་མར་རྩ་ཁུ་བྱུག་འཁྲུལ་མེད་དེ་ཀོ་ཋའི་ཐང་ཞག་གསུམ་བཏང་། དེ་ནས་གཟའ་སྐར་ལེགས་ཉིན་གཡེར་མ་དང་ཉི་དགའི་འདབ་ཚོད་ཚྭ་ཅུང་ཟད་ཡོད་པ་ཕོར་ཆུང་གང་ཙམ་བཏང་། ཉི་ནུབ་ནོར་ཕྱུག་གང་བྱུང་གི་སེ་ར་རུས་དང་། དེ་ཡི་རུས་པ་གོང་འོག་གོང་མོ་སྲེ་ལོང་ལྕམ་པ་བཅས་གདུས་ཐང་ཚྭ་ཅུང་ཟད་ལྡན་པ་བཏང་། མུན་རུག་སྣ་སེལ་གྱི་ཐང་བཏང་། དེ་ཡི་ནམ་གུང་སྨན་རིལ་བུ་བདུན་དགུ་བཅུ་བདུན་སོགས་ནད་སྟོབས་དང་སྦྱར་ལ་བཏང་། སྔས་མཐོར་བྱས་ནས་གཉིད་ལོག །ལྟོ་བ་སྙི་ན་ནམ་ལངས་དང་། སྲ་ན་ཉི་ཤར་ཐེབས། དེ་དུས་རྒྱུ་ཞབས་སོགས་ཟུག་ཆེ་ན་རྡེའུ་ཆང་བྲན་བསྲོས་པས་བདུག་འགྱིངས་ན་རྒྱམ་ཚྭ་བོང་དཀར་གྱི་ཐང་བཏང་། བྱང་བའི་དུག་ཆེ་ན་ཐང་ཕྲམ་ནག་པོའི་འབྲུ་བཞི་ཙམ་དང་། ཤིང་མངར་མཐེབ་ཙམ་གྱི་ཐང་བཏང་། ཐེབས་ན་རྒྱབ་སྐྱོར་རིལ་བུ་མང་ཉུང་ལུས་ཟུང་དང་ནད་སྟོབས་ལ་དཔགས་ཏེ་བཏང་། རྩ་བཤལ་ལ་ལྕགས་ཁོ་ན་གཙོ་ཆེ་བས། སྲེ་ལོང་ཐང་དང་ཇ་ཆུ་སོགས་སྐབས་བསྟུན་སྤེལ། རྗེས་སུ་ཐུག་པ་སྣུམ་ལྡན་ཕོར་གང་ཙམ་བཏུང་། གཞན་ཡང་བྱང་བའི་དུག་འདོན་སྐོར་བར་གཤོག་མི་དབྱུངས། ཤིང་མངར་པི་ལིང་ནས་ཙམ་དེ་ཆང་དྲི་ཆུ་དཀར་ཡོལ་གང་གི་ནང་དུ་ཞག་གཅིག་སྦངས་རྗེས་ཡོས་ཚན་དུ་གདུལ། ། ༈ དེ་ལྟར་རྩ་དཀར་བཅོས་ཚུལ་མདོར་བསྡུ་ན། སྤྱི་སྨན་བསམ་འཕེལ་ནོར་བུ་དང་། བསམ་འཕེལ་རཏྣ། བྱ་ཁྱུང་བཅུ་གསུམ་རྣམས་ཤིན་ཏུ་ཟབ། བྱེ་བྲག་མགོར་བབས་ཁྱུང་ཆེན་ཉེར་ལྔ། ཡན་ལག་ལ་ད་ལིས་བཅོ་བརྒྱད། མཁལ་བབ་གསེར་མདོག་ཉེར་ལྔ། ཁྲག་རླུང་དང་སྟོད་འཚངས་ན་ཨ་གར་ཉི་ཤུ་རྣམས་ཟབ་ཅིང་གཞན་རྣམས་སྐབས་དང་བསྟུན། དཔྱད་དུ་ལུམས་དང་མེ་བཙའ་གཉིས་ཀྱིས་ཕན་ཆེ། རེངས་འཁུམ་ཆེ་ན་རྡོ་སྦྱོར་གྱི་བྱུགས་པ་འདི་མཆོག་ཏུ་བཤད། མེ་བཙའ་བསྲེག་དུས་ཅུང་མ་བསྔས་ན་བཟང་ཞེས་གསུངས། ཁྲག་ཤས་ཆེ་ན་མགོ་བོར་ལྟག་རལ་དང་། ལག་པར་དྲུག་མགོ །རྐང་པར་བྱིན་གཞུག་རྣམས་རླངས་ཐོན་ཙམ་གཏར་རོ།། །། ༼༒༽ འབྱུང་གདོན་གྱི་བཅོས་ཚུལ་རྡོ་རྗེའི་ཟེག་མའི་སྐབས་སུ། རྫས་སྦྱོར་ཁྲག་སྣ་གསུམ་ནི། མི་ཁྱི་ར་གསུམ་ཁྲག །ཤ་གསུམ་ནི་འཕར་སྤྱང་གླག་གསུམ། རྭ་གཉིས་ནི་གཡག་རྒོད་དང་རྩོད་རུ་བཅས་སོ། ། ༈ འཁོར་ལོའི་རྫས་རྡོ་རྗེ་གསུམ་ནི། ཐལ་དཀར་རྡོ་རྗེ། ཀླུ་བདུད་རྡོ་རྗེ། ཡུངས་ཀར་གསུམ་དུ་བཞེད། འགའ་ཞིག་གི་ཡུངས་ཀར་ཚབ་ཏུ་གཟའ་བདུད་རྡོ་རྗེར་བཞེད་པ་ཡང་ཡོད། འདི་ཨོ་རྒྱན་རིན་པོ་ཆེའི་སྨན་དཔྱད་ལས་བྱུང་། ། ༈ བདུག་པའི་སྐབས་སུ། བྱཱ་ཀྲཱྀ་ནི་ཀཎྜ་ཀ་རི། ཡང་བྱི་ཀུ་ནི་སྒོག་པ། མུ་ཟི་ཀཱ་ལ་ནི་ནག་པོ། ལྷོག་དུག་ལྡུམ་སྟག་ཤའོ། །དྲི་ལྡན་གཉིས་ནི་ཤིང་ཀུན་གུལ་ནག་གོ །རྫས་ཆེན་བཅོ་བརྒྱད་ལ་བྲུན་གཉིས་ནི། སྤྱང་བྲུན་ཁྱི་བྲུན་གཉིས། གཞོབ་གཉིས་ནི་རྟ་རྨིག་དང་རྭ་གཞོབ་བོ། །ནག་པོ་གསུམ་ནི་མུ་ཟི་ནག་པོ། གུལ་ནག །མཚུར་ནག ༈ མཆོག་ཏུ་ཟབ་པ་ཁྱུང་ཆེན་སོ་ལྔའི་སྐབས་སུ། པཉྩ་པཀྵི་ནི་ཁྱུང་ལྔ་སྟེ། ཚད་གོང་དུ་བཤད་པ་ལྟར་མཉམ་སྦྱོར་ཁྱུང་རྒོད་དྲག་པོ་སྟེ་སྲོག་རླུང་གི་སྐབས་སུ་ཡོད། དང་། བཟང་པོ་དྲུག་ནི་གཞན་རྣམས༠ ༡༠རེ། ལི་ཤི༠ ༢༠ ནཱ་ག་གེ་སར༠ ༡༥ ཁ་རུ་ཚྭ༠ ༡༠ ཨར་ནག༠ ༡༥ ཡུངས་ཀར༠ ༡༠ ཟི་ར་དཀར༠ ༡༠ ནག༠ ༢༠ ཤ་ནི་སྦལ་ནག་སྦྲུལ་པུ་ཤུད་རྣམས་ཀྱི་ཤ༠ ༡༠ ཡུག་སའི་མངལ་ཁྲག །ནུས་ལྡན་གྱི་སྲིན་ལག་ཁྲག །ཁྱི་ནག་སྙི ང་དཀར་གྱི་ཁྲག་བཅས༠ ༠༥ དཔའ་བོ་གཡུལ་དུ་ཤི་བའི་སྙིང་། རྨ་བྱའི་སྙིང་། སྤྲེའུའི་སྙིང་བཅས༠ ༡༠རེ། དྲི་ལྡན་མུ་ཟི་ནག་པོ༠ ༢༠ ལྡོང་རོས༠ ༢༠ ནུས་ལྡན་རྣམ་སྣང་༠ ༡༠ དམར་པོ་གསུམ་ནི། རྒྱ་སྐྱེགས༠ ༡༠ མཁན་དམར་རྩ་བ༠ ༡༠ བཙན་འདིས་དོད་རྣམས་སུ་མེ་ཏོག་དམར་པོ་འབྱུང་ཞིང་བཅད་ཁ་ནས་ཁྲག་འབབས་པ་ཞིག་ཡོད། དུག་དམར་པོ༠ ༡༠ བཅས་སོ། །གསང་སྨན་ཁ་བསྒྱུར་ཐ་དད་ནི། རྒྱལ་གདོན་ལ་གུ་གུལ་ནག་པོ་བཙན་ལ་ཤུ་དག་ནག་པོ། གཟའ་ལ་ཙིཏྟ་གཉིས་ཁྲའམ་པུ་ཤུད་དང་པྲི་ཡང་ཀུ་བཅས། སྤྱི་ལ་མིང་ཅན་ནག་པོ་༡ ༠༠ དང་ཡུག་སའི་དོར་རྟའི་གཞོབ་སྐྱེ་བདུན་ཤ་རྣམས་ཅུང་ཟད་བཏང་། དང་པོ་ཁྱུང་ལྔ་སྦྱོར་ཚུལ་བཞིན་དུ་འདམ་བཏགས་བྱས། དེ་སྟེང་གཞན་རྣམས་གདབ་ཏེ་རིལ་བུར་དྲིལ། མངལ་ཁྲག་དང་གྲི་ཁྲག་གང་བྱུང་གིས་གོས་གསོལ། རླུང་མི་འཆོར་བའི་པར་བུར་བཅངས། ཕྱི་ནས་ཚིལ་ཆེན་སྦྱར་ལ་བྱུག་ཅིང་བདུག །ཁོང་དུ་དྲི་ཆུས་ཕུལ། ཡང་ན་གོང་གི་དམིགས་གསལ་གྱི་གསང་སྨན་ཁ་བསྒྱུར་རྣམས་ཀྱི་ཐང་གིས་ཕུལ་ཀྱང་རུང་ངོ་། །ཤིན་ཏུ་ཟབ་བོ། །ཨྠིྀ། ༈ ཁུས་འདེབས་སྨན་མར་དུ། ཚ་བ་གསུམ་ནི་སྒ་པི་ཕོ་གསུམ། གཅིན་དྲུག་ནི། བ་གླང་རྟ་བོང་ར་ལུག་གི་འོ། །བདུག་པར་རྨ་བྱའི་ཁྲག་ཞེས་ཟེར་བ་དེ་མ་རྙེད་ན་ཤའམ་སྒྲོ་གང་བྱུང་གི་ཆོག །ཚིལ་གཉིས་ནི་སྟག་དང་གྲི་ཚིལ་ལོ། ། ༈ ཟ་ཡིག་སྐབས་སུ། ཐ་དད་རྫས་ཀྱི་ཞེས། རྒྱུན་དུ་བསྲུང་བཟློག་དང་ཚེ་བསྲིངས་སོགས་ལ་བདུད་རྩི་ཆོས་སྨན། གཞན་དུ་གཟའ་ལ་སྤོས་དཀར། ལ་ཆ། རྒྱལ་པོ་ལ་གུལ་ནག །ཀླུ་ལ་གླ་ནག་གི་རྩི། བཙན་ལ་ཤུ་དག་ནག་པོ། གཉན་ལ་ཁྱུང་ལྔ། དུག་ལ་རྨ་བྱའི་མདོངས་ཐིག །ཡམས་ལ་སྤྲུ་ནག་སོགས་བྱུག །མ་འཛོམ་ཡང་ཆོག་པར་གསུངས། ཡེ་ཤེས་སེམས་དཔའ་གུ་རུ་ཞི་དྲག་སྐབས་སུ་གང་བབ་བཞིན་སྒོམ་ལ་སྤྱན་དྲངས་ཅིང་བསྟིམས་སམ། དེའི་བསྙེན་པ་དང་རང་བསྔགས་བརྒྱ་རྩས་རབ་གནས་བྱའོ། །དུས་ནི་སྲུང་བ་ལ་ཉི་ཤར། གཞན་སྲོད་དོ། །ཟ་དུས་ཚེ་བསྙེན་ནམ་སྙིང་པོ་བཟླས། ། ༈ གཞན་ཀུན་ལ་ལྷ་བསྐྱེད་སྔགས་བཟླས་ཞེས། རྒྱལ་འགོང་ལ་གུ་རུ་དྲག་པོ། བཙན་ལ་རྟ་མགྲིན། གྲེ་བོར་ཡཀྴ་མེ་དབལ་སོགས་རང་རང་གི་གཉེན་པོའོ། ། ༈ གདོན་བཤལ་དྲག་པོའི་སྐབས་སུ་ཁྲག་སྣ་ལྔ་ནི། གྲི་མངལ་རྟ་ཁྱི་ཕག་ནག་རྣམས་ཀྱི་ཁྲག་གོ །གཞོབ་ལྔ་ནི་གཡག་རྒོད་རྭ། རྟ་གསེབ་རྨིག་པ། ར་ལུག་གླང་ཐུག་གསུམ། ཡུག་སའི་དོར་རྟའི་གཞོབ་བོ། །རྨོང་ཁའི་སྦྲེ་གསུམ་ནི། ར་ལུག་གླང་ཐུག་གིའོ། །རབ་གནས་སྔགས་ནི་ཡི་དམ་གང་ཤེས་ཀྱི་སྒོམ་བཟླས་ལས་སྦྱོར་བཅས་པ་བྱ། ། ༈ བརྗེད་བྱེད་སྐབས། ཙིཏྟ་རྣམ་གཉིས་ནི་ཁྲའམ་པུ་ཤུད་ཀྱི་སྙིང་སྐམ་པོ་དང་། གསང་སྨན་མཆོག་ནི་ཏི་ཏིའི་སྒོང་ང་། ། ༈ འགོ་གྲིབ་གསོ་སྐབས། གསང་སྨན་ནི་ཆུ་ཤེལ་འཁྲུལ་མེད་ཉིད་ཡིན། སྤོས་གཉིས་ནི་སྔོ་རྒྱ་སྤོས་དང་སྤང་སྤོས་གཉིས་ཀྱི་རྩ་བ། ། ༈ བྱད་སྲུང་སྐབས། སྔགས་ཀྱི་ངར་བཏགས་ཞེས་པ་སེང་གདོང་མའི་རྩ་སྔགས་འབྲུ་བཅུ་བཞི་པ་བཟླས། ཁྱད་པར་གྲི་ལྕགས་གི་སོར་གདུབ་ལོ་ཟླ་ཟད་དུས་ཉེར་དགུའི་ཉིན་པར་བརྡུངས། དེ་ལ་གྲི་ཁྲག །བོང་ང་ནག་པོ་གྲི་སྙིང་། ཤུ་དག །གཙང་མའི་མངལ་ཁྲག །གུ་གུལ་ནག་པོ་རྣམས་ཀྱི་ཁུ་བར་ཡང་བཟློག་གི་སྔགས་བཏབ་པས་ངར་ལན་གསུམ་བླུད། དེ་ནས་ལྷ་སྔགས་ཀྱི་ཏིང་ངེ་འཛིན་དང་ལྡན་པས་སྲིན་ཕོ་གཡས་མོ་གཡོན་ལག་ཏུ་བཅིངས། ལོ་དུས་སུ་རབ་གནས་བསྐྱར། བྱད་སྟེམས་སོགས་ལ་ཉམ་ང་མེད་པའི་གདེང་དང་ལྡན་པར་བྱ། ཤིན་ཏུ་གལ་ཆེ་ན་ནང་རེ་བཞིན་སྔགས་ཀྱི་ངར་བཏགས། མཆོག་ཏུ་ཟབ། ཨྠིྀ། ། ༈ མིར་ཁའི་སྐབས། གཏི་མུག་འཁོར་ལོ་ནི་ཕག་གི་སྣ། དེའི་བདུད་རྩི་ནི་བྲུན། ཝ་ར་སྐད་ཆེན་ནི་བོང་བུའོ། །དེ་སྟེང་མུ་ཟི་ནག་པོ་ཐུན་གཅིག་བསྣན་ཏེ་སྣ་ནས་བླུག་གོ །ཡང་བྷ་ཏྲི་ཞེས་པའི་སྲིན་བུ་ཀླད་དཀྱིལ་ནས་མགུལ་བས་བརྒྱལ་བ་ལ་གཤའ་དཀར་གྱི་དྭངས་མའམ་འབྲས་གསུམ་གང་རུང་གི་ཕྱེ་མ་བོང་བུའི་ཆུ་ཡིས་སྣ་ནས་བཏང་ན་ཕན་ཚུལ་འདུག ༈ །འབྱུང་གདོན་གྱི་སྨན་བཅོས་སྐོར་ལ། ཕྱི་ནས་བྱུག་བདུག་ནི་རྫས་ཆེན་བཅོ་བརྒྱད་དང་། ཁོང་སྨན་ཁྱུང་ཆེན་མང་སྦྱོར་གཉིས་ཤིན་ཏུ་ཟབ། རླུང་ཤས་ཆེ་ན་ཨ་གར་སྦྱོར་བ་དང་། གྲིབ་གདོན་རྩ་དཀར་ཤས་ཆེ་ན་བསམ་འཕེལ་རཏྣ་ཟབ། ། ༈ བྱུག་བདུག་གི་རྫས་ངན་འགྲོ་རིགས་ལ། ཤུག་པ། རྡོ་དྲེག་དམར་པོ། མཁན་སྐྱ་བཅས་བསྲེས་ན་ལྷ་སྲུང་ལ་མི་ཕོག་པར་བཞེད་དོ། །གཞན་ཡང་དྲང་སྲོང་གི་ནད་ལ་ཐོག་མར་སྤོས་དཀར་གྱི་ཐང་བཏང་བས་བཙོན་དུ་འཛིན། དེ་རྗེས་བསམ་འཕེལ་ནོར་བུའི་སྟེང་ཙིཏྟ་གཉིས་དང་ཁྲག་བཅས་བསྣན་པ་བཏང་། ཀླུ་གདོན་ལ་ཕྱག་རྡོར་རིལ་བུ་ཚད་ལྡན་སྦྱར་བ་དེ་ཤིན་ཏུ་ཟབ་བོ། །འོན་ཀྱང་དེ་དག་གི་བཅོས་ཚུལ་སོགས་ནི་འོལ་སྤྱི་ཙམ་ཏེ་ཞིབ་པར་གཞན་དུ་ཤེས་པར་བྱ་བ་ལས་འདིར་སྨོས་པའི་སྐབས་སུ་མ་བབ་བོ། །དེ་ལྟར་ཟབ་མོའི་མན་ངག་ཨུཏྤ་ལ། སྔོན་བྱོན་མཁྱེན་སྤྱོད་ཉི་གཞོན་དཔྱིད་དཔལ་གྱིས། །རྣམ་པར་ཕྱེ་བ་གང་དེར་ལེགས་བཏུས་ཏེ། །དཔྱོད་ལྡན་སྙིང་གི་ཐིག་ལེར་སླར་ཡང་སྤེལ། །འོན་ཀྱང་བདག་འདྲ་གྲགས་པའི་ཡོན་ཏན་གྱིས། །རྣམ་པར་མ་བསྲུང་བློ་གྲོས་ན་ཚོད་བཟུང་། །ཆེས་ཆེར་ཕྲ་བས་འདི་ལྟར་སྨྲ་བྱེད་པར། །ཆུ་སྐྱེས་ཚོགས་ཀྱང་ཁྲེལ་བས་འཛུམ་པ་བཞིན། །དེ་ལྟ་ནའང་ལུང་རྟོགས་སྤྱན་ལྡན་གྱིས། །བཀའ་སྩལ་རྣ་བའི་རྒྱན་དུ་དཔྱངས་པ་ལས། །མ་བཟོད་སྨྲ་བ་གང་དེར་ཉེས་པའི་ཚོགས། །བཤགས་སོ་དགེ་བས་འགྲོ་ཀུན་སྨན་གྱུར་ཅིག །ཞེས་སྲོག་རླུང་གི་བཅོས་ཚུལ་སོགས་ལེ་ཚན་བཞི་ཡི་མན་ངག་ཕྱོགས་གཅིག་ཏུ་བསྡེབས་པ་འདི་ཡང་རྨོངས་པ་ཀུན་གྱི་གྲལ་མཐར་སོན་པའི་བན་སྤྲང་འཇིགས་མེད་མཁྱེན་བརྩེའི་མྱུ་གུས་སྦྱར་བ་ཛ་ཡནྟུ།། ། ༈ །

[edit]

srog rlung gi bcos tshul sogs kyi man ngag gud du sbas pa/ srog rlung gi bcos tshul sogs kyi man ngag gud du sbas pa bzhugs so/__/na mo gu ru b+h+yaH__rnam bcas gzungs 'dzin 'khrul pa'i 'khor lo kun/__/rnam pa kun bral 'jo sgeg gis 'khyud pas/__/rnam kun mchog ldan bde stong mtshan dpe'i zhal/__/rnam 'dren 'khor lo'i mgon po snying dbus rol/__/zab cing nye bar sbas pa'i don/__/kun la gsang bar rgyas btab pa/__/deng 'dir mdo tsam rab dbye yis/__/dpyod ldan snying gi thig ler zung /__/_!_de la thog mar srog rlung gi bcos thabs phan bde'i do shal skabs su/__thang_ sbyor las/__rus bcud gsum ni/__sog kha/__gzhug chung /__sre long ngo /__/sman sga sum thang gi gsang sman ko byi la dug ma phral ba'am/__ri snying /__/_!_srog 'dzin bcu gcig pa'i sbyor tshad dzA ti0_40__ru rta0_40__a ru0_40__ar nag0_50__li shi0_50__sha chen0_50__shing kun0_50__snying zho0_50__cu gang 0_30__ge sar0_30__spos dkar0 20__bcas so/__/ko byi bdun pa sogs la ko byi'i rgyab kyi spu de bzhar dgos/__/_!_bI ma mi tra'i lugs kyi sbyor tshad dzA ti0_10__a ru0_10__spos dkar0_10__ar nag0_10re/__gzhan rnams thams cad0_05__re sbyar/__gu gul nyi shu pa'i sbyor sde'i gsang sman gangs skyes kyi 'dzim pa/__/_!_sems kyi bde skyid la/__go yu smug 'jang chung ngu de2_00__ar nag1_02__dzA ti0_10__li shi0_80__shing kun0_40__ru rta0 70__snying zho1_00__sman chen 'bri tshil lta bu4_00__sga dmar0_70__pi ling 0_60__pho ril0_90__kha ru tshwa0_50__rnams sbyar/__tshab chen khyi phag ma gtogs pa'i snying sna gang 'dzom kha tshar cha chung re btab/__/bur smug gam grir shi'i rkang mar gyis ril bu dril ba man ngag go__!__/bur smug gi ril bur/__bi Sha ni bong nga ste/__spyir snying rlung sogs rlung nad la 'gro ba'i bong nga thams cad bcag kha 'bri tshil 'dra ba de dgos/__lo brgyad e kro dri chu/__gsang sman dar ma'i gri snying /__sbyor sde de sman mar la sbyar na/__dngul chu0_10__mu zi dul ma0_05__'brong dang ne tso'i snying bcas 'bras gsum sman mar la bsre'o/__/_!_tsit+ta nyer lnga/__gsang sman rgyal mo ni dpa' bo g.yul du phan tshun gnyis ka grir shi ba'i snying srog rtsa bcas pa dang 0_60__dngul chu0_40__dzA ti0 40__mu zi0_30__bcas bsnan te lo brgyad dri chu cung zad kyis rlan phab nas rdo gtun tsha mor mthing nag tu ma song bar 'dul/__de steng btsan dug 'bri tshil0_50__shing kun0_30__snying zho0_50__ri snying 0_10__te lo'i snying 0_50__g.yag rgod snying 0_10__yungs kar0_40__shu dag0_08__gla rtsi0_03__a ru ra0_50__ru rta0_10__spos dkar0 20__sgang thogs pa zhes 'bras bu dmar zhib snum bag can0 20__ar nag0 40__tsher sngon0_30__gul nag0_10__ko byi0_20__kha ru tshwa0_40__yug sa'i mngal khrag0_03__tsam/__sngags pa nus ldan dri chen0_10__bcas btab te 'dam btag yun ring byas mthar gri khrag gi na bza' gsol te srod dus su phul/__!__khyung steng gsang sman ni dpa' bo g.yul du shi ba'i gri snying /__sbyor tshad a ru0_40__btsan dug0_40__shu dag0 07__ru rta0_50__gla rtsi0_03__gri snying 0_80__dzA ti0_30__li shi0_30__bcas bsnan/__yang na dzA ti li shi phri te/__shing kun0_60__kha ru tshwa0_60__bsnan kyang rung /__/_!_snying zho'i sman mar kha tshar gsang sman gnyis ni/__yug sa'i mngal khrag__/nal bu'i sha__/bre srang sogs kyi tshad ni/__/srang gcig spar gang srang gnyis 'khyor phul gang dang don gcig__ba gang /__/srang bzhi snyim gang srang brgyad bre gang ngo /__/zhes bshad/__/_!_dzA ti'i sman mar la/__sna ma'i 'bras bu dzA ti/__/_!_rjes su se 'bru0_10__shing tshwa0_10__su smel0_10__pi ling 0_30__gurgum0_10__de steng dzA ti0_10__ka ko la0_10__sga skya0_40__sbyar ba'am/__yang na gong steng dzA ti0_10__shing kun0_10__kha ru tshwa0_10__sga0 10__bsnan pa skabs sbyar btang /__/_!_srog 'dzin bcu gcig gam/__sems kyi bde skyid la bsnan rgyu'i gsang sman ri bong snying /__me gsang dngos bstan du med pa'i rigs cung zad brjod na/__sman dpyad zla ba'i rgyal po las 'byung ba rgyab kyi tshig pa drug bdun dang po rnams la/__tshab chen kha gsum bsregs pa zhes gsungs/__nu ma'i bar na kha gsum du btab pa snying gsang chen po ste/__snying 'dar ba dang /__bza' btung yid mi 'ong ba la sogs la/__de nas nub tu tshon gang sar btab pas g.yas g.yon gyi gzer zug 'joms/__mtshan rkub par du btab na dran pa myos pa dang /__ro stod lci ba sogs la phan zhes snang /__yang thur ma 'phang yul gyi dmigs rgyud las/__bye brag snying la gsang sa bcu gcig ste/__zhes nu tog nas gzhol ba'i nu ma'i steng tshon gang sar snying srog 'dzom pa'i gsang /__de bzhin du nu rtse nas mchan khung ngos su gzhal bar srog rtsa myos byed gsang /__thur du gzhal bar snying chu btsag pa'i gsang /__brang ngos su gzhal ba snying log chu ser dang rlung 'khyil pa'i gsang ste/__nu ma'i phyogs bzhir phyir mtshon gang la bsreg__/zhes smros pa de'o/__/de nas brang ngos su tshon do gzhal ba glo snying 'doms gsang /__rgyab kyi tshig pa bdun pa kha gsum yang de dang 'dra/__drug pa'i kha gsum srog rtsa'i gsang ste/__bya rog mig nas phyir tshon gang bcal ba rtsibs _bar gong ma go chen/__'og ma go chung /__rke stong ca ra khug rnams te de dag skabs bab dang bstun pa'i me btsa' gdab tu rung ngo /_/_(\u0f12)de ltar srog rlung gi bcos thabs skor mdor bsdu na/__thog mar thang sbyor lan 'ga' btang rjes/__dngos gzhi'i sman/__sems kyi bde skyid dang /__rlung gi mde thung las bshad pa'i ar brgyad nu zhos ril bu dril rgyu can de dang /__bi ma mi tra'i lugs 'di rnams dang /____khyad par tsit+ta nyer lnga pa tshad ldan sbyar bas mchog tu phan/__gzhan ma'i sbyor sde rnams skabs dang bstun/__shin tu gzer che na 'brang rtse lha sras be bum las 'byung ba'i a gar brgyad pa/__a ga ru dang dzA ti snying zho sha__/ru rta bsnan pas rlung khrag spyi la phan/__/a byag bsnan pa'i lnga pas gzer la phan/__/li shi bsnan li shi dang sha chen yin pa'i bdun pas rlung la phan/__/ri bong snying bsnan brgyad pas smyo 'bog sel/__/zhes pa 'di la a byag gzer 'joms thang gis phul bas 'phral du zug gcog__/dpyad du spyir me btsa' kho na bsngags te khrag shas shin tu che na snying rtsa'am/__rtse chung rlangs thon tsam gtar/__snying zho gdon shas che na sha dang dzA rlung shas che na ti'i sman mar sogs skabs dang sbyar nas sbyor/__snying 'khyos la'ang gong gi sbyor sde nas 'byung ba'i tsit+ta nyer lnga pa dang /__sems kyi bde skyid/__'brang rtse'i ar brgyad rnams kyis shin tu phan no/__/snying 'phyo'i bcos skabs 'bras gsum ni/__a ru0_30__ba ru0_30__skyu ru0_40__ma nu bzhi ni/__ma nu0_30__kaN+Da ka ri0_60__sle tres0_30__sga skya0_10__de steng sha chen0_40__ko byi0_30__!__a gar brgyad pa'i gsang sman snying zho sha_/_!__btsan dug sman mar sbyar tshul ni/__rgyud las/__bong nga zho gcig chang du sbang la btags/__/a ru drug 'gyur phye ma chu la gdu/__/mang bskol bzang drug bu ram btab te btang /__/thabs dang mi ldan tshe yis bar chad 'gyur/__/zhes gsungs pa nyid lag tu len tshul/__btsan dug 'bri tshil ma srang gang khram khrum du brdungs nas chang bzang rang nub tsam la zhag gcig spangs nas btsan dug chang dang bcas legs par btags/__a ru zho drug gsungs kyang zho brgyad kyi phye ma gnyis bsres la rgya snag gi mdog ma thon gyi bar du 'dam btags bya/__gar sla zho zan tsam du song tshe chu bre do ru gdus nas bre gang bar du bskol/__de nas mkhris shas che na mdzo mo/__grang shas che na 'bri 'o bre do blugs/__de nyid bre gang du gdus tshe zhun mar bre gang btab/__chu chod tshe snyigs ma dor nas dwangs ma'i nang du bzang drug a gar nag po sogs kyi phye ma kha tshar btab/__tho rangs dus su a ru ra tsam bza' zhing /__/sbrid na de las cha cung zad re phri'o/____/___(\u0f12)_khrag rlung stod 'tshang gi bcos tshul ngo mtshar srog ster skabs su/__drang srong ar brgyad steng bsnan rgyu'i gzer sman ming can ser por grags pa de'o/__/_!_a gar so lnga'i skabs/__a gar rigs gsum ni/__a gar nag po 'jang sogs nas yong ba/__lho mon phyogs nas 'ong ba'i ar skya dang /__de'i mchog 'ba' zhig te gnyis ka dkar sob can/__stod nas yong ba'i a gar ser po'am go snyod mar grags pa ste/__de yang /__ar nag0 40__go snyod ma0 20__ar skya0_40__dzA ti0_10__li shi0_10__cu gang 0_50_gu_rgum0_20__sug smel0_30__ka ko la0_30__ste bzang po drug__a0_20__bar0_30__skyur0_40__ste 'bras bu gsum/__tsan dan dkar po0_20__dmar po0_40__ste tsan+dan gnyis/__ma nu0_60__sle tres0_10__kaN+Da ka ri0 30__ba sha ka0 20__tig+ta0 20__gu gul dkar po spos dkar0_30__gul nag0_30__gla rtsi0_10__ko byi0_30__sha chen0_10__'dzim pa0_50__tsher sngo_na0_40__snying zho0 30__ge sar0_20__ru rta0_20__hong len0_20__a byag gurgum0_40__a byag gzer 'joms sam ming can ser po0 45__ming can gcig nag po0_40__se 'bru0_20__sro lo0_30__bcas so/__/_!_ma Ni bdun pa ni nor bu bdun thang ste gsang sman ko byi la yin/__bdud rtsi snyam ldan ni skyu ru ra/__/ge sar nyer lnga'i ming can rnam gnyis ni/__ming can nag po dang ser po'o/__/_!_a byag gsum pa'i gsang sman ko byi spu ldan/__!__rdo rje rab 'joms skabs/__rus zhun khaN+Da rgyu ni/__rab byang 'brong /__'bring yul 'brong /__tha ma rus rnying drod can gang 'byor ro/__/'khrul 'khor gyis bcos ba 'di nyams yig sogs las byung ngo /_/_!__khaN+Da bzo thabs kyi lag len zhib pa ni/__ru rta'i rtsa lo'i mtshams su yod pa'i sil zhes pa spos sbyor du 'gro ba de yi gtsos pa'i shug pa dang /__thang ma sogs nags mi'i rigs kyi shel ta ste thang chu gang 'byor/__rus sna yongs rdzogs kyi khu ba so sor bzhur nas cha mnyam gyi khaN+Dar bzo/__zho gar tsam du song dus blangs/__de nas ja shog lta bur bcug__/dgos dus gzer mig dang 'brum thor sogs la srab mthug shog bu tsam pa shog mthug la sbyar nas me la bsros nas bslan/__tshab chung gi rlung gzer sogs myur du 'dren/__!__car khug mchan khung ste/__der skar ma ma yal ba'i chu mda' dang /__gzer steng rmos lcags byang ma chu la bcug ste bslan/__gzhan yang mnan pa dang 'bebs pa sogs kyi man ngag mang du yod kyang 'dir de tsam mo/__/_!_de ltar khrag rlung stod 'tshang gi nad gzhi kun la/__spyi sman ge sar nyer lnga dang /__a gar so lnga/__khrag rlung sogs shas gang che na a gar sbyor ba gzhung nas 'byung ba dang /__shin tu gzer che na_ rgod po ra_ba 'joms dang /__a byag gsum pa khong du btang cing bdug__/des kyang ma tshug na me bum bya/__shin tu khrag shas che na rtse chung ngam thong rtsa gtar te/__gzhan yang srog rlung skabs su yod pa'i sbyor sde ko byi bdun pa dang bco lnga/__a gar nyi shus kyang phan no//___//____(\u0f12)_rtsa dkar gyi bcos tshul phan bde'i phreng ba'i skabs su/__nor bu bsam 'phel sbyor tshad/__cu0_02__gur0_10__li0_07__dzA0_02__sug0_07__ko0_32__tsan+dan dkar0_06__dmar 0_04__ar nag0_06__gi waM0_10__gla rtsi0_06__nya phyis0_20__bswe ru0_11__a0_07__bar0_07__skyur0_10__sga0_05__pi0_07__zi ra dkar0_05__zi ra nag0_07__ste zi ra gnyis/__rgya tshwa0_08__sdig srin0_07__shing mngar0_30__shing tshwa0_05__'bri rta sa 'dzin0_08__nyi dga' ste lcam 'bras0 07__rnams so/__/_!_bsam 'phel rat+na'i sbyor ba'i skabs su/__gser zangs sogs thal ba bya/__g.yu rnying bye ru nya phyis rnams dug 'don/__sbal rgyab dkar smug bzhi ni/__dkar po 'brum pa yod pa pho dang med pa mo/__de bzhin nag po la'ang gnyis su dbye ba zur mkhar dang /__kun mkhyen bstan pa'i nyin byed sogs kyis bzhed cing /__sbyar tshul gyi rim pa zhib mor rtogs par 'dod na rin chen gyi sbyor ba spyi dang bye brag gi skabs su shes par bya ba las 'dir smos kyis mi long ngo /__/_!_khyung chen nyer gcig gi skabs su/__chu ser sman gsum ni/__spos dkar/__thal rdor/__so rA/__/_!_gser mdog nyer lnga'i sbyor tshad/__a ru0_50__dzA0_07__sug0_10__ko0_30__cu0_10__gur0_07__li0_07__nya phyis0_20__tshos0_10__btsod0_20__'bri mog0_10__ste dmar po gsum/__mkhal zho0_20__a 'bras0_10__sra 'bras0_10__'jam 'bras0_10__ste 'bras sna gsum/__bswe ru0_13__shing tshwa0_10__shug tsher0_30__ardza ka te lcam 'bras0_20__ru rta0_10__zi ra dkar po0_10__brag zhun0_15__sdig srin0_07__shing mngar0_30__rnams so/__/_!_'bras gsum sman mar tshad ni/__a ru1_00__ba ru0_50__skyu ru0_25__!__/lums skabs bdud rtsi rnam lnga ni/__ji skad du/__ba lus pags pa mnyen par byed/__/'om bus rus pa'i dug rnams 'don/__/mtshe yis lus bong brtas par byed/__/mkhan skyas lus kyi 'byung ba 'dul/__/shug pa yon tan brgyad dang ldan/__/zhes so/__/rtsa ba lnga ni/__ba spru gze ma ra mnye dang //_nye shing lca ba rnam pa lngas/__/tshe bsring lus brtas bcud len byed/__/zhes so/__/gla ril pho'i _ril ma dri ldan dgos/__'di yi lag tu len tshul rlangs lums ni de dag bkol te rlangs pa'i khar nyal ba dang /__chu lums ni der zhugs pa dang /__bcings lums ni khug ma lta bu'i snod du blugs nas nad dmigs su bcings pa ste zhib par mthong brgyud las shes par gces so/__/_!_byug pa'i skabs su de ba da ru ni rgya shug snum bag can/__!__rdo sbyor la/__gangs thig0_30__sbal rgyab0_20__mdung rtse0_20__byi'u mgo0_20__khab len0_20__rdo rgyus bya bal ma0_20__mthing rgyus0_20__ste rdo rgyus gnyis dang /__ba nu0_20__kha tshar chu ser sman gsum0_10__re/__ru rta0_10__dzA ti0_10__li shi zho gang rnams sbyar ro/__/_!_me dmigs la/__phyi mchan gnyer rings su btab pa stod kyi lag pa bshal ba la phan/__phyi long nas yar la tshon gang bcal bar btab nas pus mo man chad sbrid pa la phan/__thur du de bzhin rkang nad rigs phal cher la phan tshul sogs mchis rung /__'on kyang rtsa dkar gyi dmigs ni gzhung las ma tshor ma 'thus pa cher med do/__/_!_nad dmigs gang yod phal cher gyis 'bros 'ded tshul du bsregs na legs par bzhed pa yang yod/__/_!_sngags bcos skabs mda' 'phang go ldog zhes/__pho'i 'phang /__mo'i mda' mnan/__!__rtsa sbyongs skabs/__dngul chu/__mu zi/__byang ba/__rgya tshwa bzhi cha mnyam/__gzhan rnams phyed cha re/__dur byid nyung ngu las mi btang /__shing mngar dang nya phyis cung zad bskyed/__lag tu len tshul ni/__kun mkhyen bstan pa'i nyin byed kyi phyag bzhes ltar na/__thog mar rtsa khu byug 'khrul med de ko Tha'i thang zhag gsum btang /__de nas gza' skar legs nyin g.yer ma dang nyi dga'i 'dab tshod tshwa cung zad yod pa phor chung gang tsam btang /__nyi nub nor phyug gang byung gi se ra rus dang /__de yi rus pa gong 'og gong mo sre long lcam pa bcas gdus thang tshwa cung zad ldan pa btang /__mun rug sna sel gyi thang btang /__de yi nam gung sman ril bu bdun dgu bcu bdun sogs nad stobs dang sbyar la btang /__sngas mthor byas nas gnyid log__/lto ba snyi na nam langs dang /__sra na nyi shar thebs/__de dus rgyu zhabs sogs zug che na rde'u chang bran bsros pas bdug 'gyings na rgyam tshwa bong dkar gyi thang btang /__byang ba'i dug che na thang phram nag po'i 'bru bzhi tsam dang /__shing mngar mtheb tsam gyi thang btang /__thebs na rgyab skyor ril bu mang nyung lus zung dang nad stobs la dpags te btang /__rtsa bshal la lcags kho na gtso che bas/__sre long thang dang ja chu sogs skabs bstun spel/__rjes su thug pa snum ldan phor gang tsam btung /__gzhan yang byang ba'i dug 'don skor bar gshog mi dbyungs/__shing mngar pi ling nas tsam de chang dri chu dkar yol gang gi nang du zhag gcig sbangs rjes yos tshan du gdul/__/_!_de ltar rtsa dkar bcos tshul mdor bsdu na/__spyi sman bsam 'phel nor bu dang /__bsam 'phel rat+na/__bya khyung bcu gsum rnams shin tu zab/__bye brag mgor babs khyung chen nyer lnga/__yan lag la da lis bco brgyad/__mkhal bab gser mdog nyer lnga/__khrag rlung dang stod 'tshangs na a gar nyi shu rnams zab cing gzhan rnams skabs dang bstun/__dpyad du lums dang me btsa' gnyis kyis phan che/__rengs 'khum che na rdo sbyor gyi byugs pa 'di mchog tu bshad/__me btsa' bsreg dus cung ma bsngas na bzang zhes gsungs/__khrag shas che na mgo bor ltag ral dang /__lag par drug mgo__/rkang par byin gzhug rnams rlangs thon tsam gtar ro//___//____(\u0f12)____'byung gdon gyi bcos tshul rdo rje'i zeg ma'i skabs su/__rdzas sbyor khrag sna gsum ni/__mi khyi ra gsum khrag__/sha gsum ni 'phar spyang glag gsum/__rwa gnyis ni g.yag rgod dang rtsod ru bcas so/__/_!_'khor lo'i rdzas rdo rje gsum ni/__thal dkar rdo rje/__klu bdud rdo rje/__yungs kar gsum du bzhed/__'ga' zhig gi yungs kar tshab tu gza' bdud rdo rjer bzhed pa yang yod/__'di o rgyan rin po che'i sman dpyad las byung /__/_!_bdug pa'i skabs su/__byA kr-I ni kaN+Da ka ri/__yang byi ku ni sgog pa/__mu zi kA la ni nag po/__lhog dug ldum stag sha'o/__/dri ldan gnyis ni shing kun gul nag go__/rdzas chen bco brgyad la brun gnyis ni/__spyang brun khyi brun gnyis/__gzhob gnyis ni rta rmig dang rwa gzhob bo/__/nag po gsum ni mu zi nag po/__gul nag__/mtshur nag__!__mchog tu zab pa khyung chen so lnga'i skabs su/__pany+tsa pak+Shi ni khyung lnga ste/__tshad gong du bshad pa ltar mnyam sbyor khyung rgod drag po ste srog rlung gi skabs su yod/__dang /__bzang po drug ni gzhan rnams0_10re/__li shi0_20__nA ga ge sar0_15__kha ru tshwa0_10__ar nag0_15__yungs kar0_10__zi ra dkar0_10__nag0_20__sha ni sbal nag sbrul pu shud rnams kyi sha0_10__yug sa'i mngal khrag__/nus ldan gyi srin lag khrag__/khyi nag snyi_nga dkar gyi khrag bcas0_05__dpa' bo g.yul du shi ba'i snying /__rma bya'i snying /__spre'u'i snying bcas0_10re/__dri ldan mu zi nag po0_20__ldong ros0_20__nus ldan rnam snang 0_10__dmar po gsum ni/__rgya skyegs0_10__mkhan dmar rtsa ba0_10__btsan 'dis dod rnams su me tog dmar po 'byung zhing bcad kha nas khrag 'babs pa zhig yod/__dug dmar po0_10_bcas so/__/gsang sman kha bsgyur tha dad ni/__rgyal gdon la gu gul nag po btsan la shu dag nag po/__gza' la tsit+ta gnyis khra'am pu shud dang pri yang ku bcas/__spyi la ming can nag po 1_00__dang yug sa'i dor rta'i gzhob skye bdun sha rnams cung zad btang /__dang po khyung lnga sbyor tshul bzhin du 'dam btags byas/__de steng gzhan rnams gdab te ril bur dril/__mngal khrag dang gri khrag gang byung gis gos gsol/__rlung mi 'chor ba'i par bur bcangs/__phyi nas tshil chen sbyar la byug cing bdug__/khong du dri chus phul/__yang na gong gi dmigs gsal gyi gsang sman kha bsgyur rnams kyi thang gis phul kyang rung ngo /__/shin tu zab bo/__/a+thi+-i/__!__khus 'debs sman mar du/__tsha ba gsum ni sga pi pho gsum/__gcin drug ni/__ba glang rta bong ra lug gi 'o/__/bdug par rma bya'i khrag zhes zer ba de ma rnyed na sha'am sgro gang byung gi chog__/tshil gnyis ni stag dang gri tshil lo/__/_!_za yig skabs su/__tha dad rdzas kyi zhes/__rgyun du bsrung bzlog dang tshe bsrings sogs la bdud rtsi chos sman/__gzhan du gza' la spos dkar/__la cha/__rgyal po la gul nag__/klu la gla nag gi rtsi/__btsan la shu dag nag po/__gnyan la khyung lnga/__dug la rma bya'i mdongs thig__/yams la spru nag sogs byug__/ma 'dzom yang chog par gsungs/__ye shes sems dpa' gu ru zhi drag skabs su gang bab bzhin sgom la spyan drangs cing bstims sam/__de'i bsnyen pa dang rang bsngags brgya rtsas rab gnas bya'o/__/dus ni srung ba la nyi shar/__gzhan srod do/__/za dus tshe bsnyen nam snying po bzlas/__/_!_gzhan kun la lha bskyed sngags bzlas zhes/__rgyal 'gong la gu ru drag po/__btsan la rta mgrin/__gre bor yak+sha me dbal sogs rang rang gi gnyen po'o/__/_!_gdon bshal drag po'i skabs su khrag sna lnga ni/__gri mngal rta khyi phag nag rnams kyi khrag go__/gzhob lnga ni g.yag rgod rwa/__rta gseb rmig pa/__ra lug glang thug gsum/__yug sa'i dor rta'i gzhob bo/__/rmong kha'i sbre gsum ni/__ra lug glang thug gi'o/__/rab gnas sngags ni yi dam gang shes kyi sgom bzlas las sbyor bcas pa bya/__/_!_brjed byed skabs/__tsit+ta rnam gnyis ni khra'am pu shud kyi snying skam po dang /__gsang sman mchog ni ti ti'i sgong nga /__/_!__'go grib gso skabs/__gsang sman ni chu shel 'khrul med nyid yin/__spos gnyis ni sngo rgya spos dang spang spos gnyis kyi rtsa ba/__/_!_byad srung skabs/__sngags kyi ngar btags zhes pa seng gdong ma'i rtsa sngags 'bru bcu bzhi pa bzlas/__khyad par gri lcags gi sor gdub lo zla zad dus nyer dgu'i nyin par brdungs/__de la gri khrag__/bong nga nag po gri snying /__shu dag__/gtsang ma'i mngal khrag__/gu gul nag po rnams kyi khu bar yang bzlog gi sngags btab pas ngar lan gsum blud/__de nas lha sngags kyi ting nge 'dzin dang ldan pas srin pho g.yas mo g.yon lag tu bcings/__lo dus su rab gnas bskyar/__byad stems sogs la nyam nga med pa'i gdeng dang ldan par bya/__shin tu gal che na nang re bzhin sngags kyi ngar btags/__mchog tu zab/__a+thi+-i/__/_!_mir kha'i skabs/__gti mug 'khor lo ni phag gi sna/__de'i bdud rtsi ni brun/__wa ra skad chen ni bong bu'o/__/de steng mu zi nag po thun gcig bsnan te sna nas blug go__/yang b+ha tri zhes pa'i srin bu klad dkyil nas mgul bas brgyal ba la gsha' dkar gyi dwangs ma'am 'bras gsum gang rung gi phye ma bong bu'i chu yis sna nas btang na phan tshul 'dug__!__/'byung gdon gyi sman bcos skor la/__phyi nas byug bdug ni rdzas chen bco brgyad dang /__khong sman khyung chen mang sbyor gnyis shin tu zab/__rlung shas che na a gar sbyor ba dang /__grib gdon rtsa dkar shas che na bsam 'phel rat+na zab/__/_!_byug bdug gi rdzas ngan 'gro rigs la/__shug pa/__rdo dreg dmar po/__mkhan skya bcas bsres na lha srung la mi phog par bzhed do/__/gzhan yang drang srong gi nad la thog mar spos dkar gyi thang btang bas btson du 'dzin/__de rjes bsam 'phel nor bu'i steng tsit+ta gnyis dang khrag bcas bsnan pa btang /__klu gdon la phyag rdor ril bu tshad ldan sbyar ba de shin tu zab bo/___/'on kyang de dag gi bcos tshul sogs ni 'ol spyi tsam te zhib par gzhan du shes par bya ba las 'dir smos pa'i skabs su ma bab bo/___/de ltar zab mo'i man ngag ut+pa la/___sngon byon mkhyen spyod nyi gzhon dpyid dpal gyis/___/rnam par phye ba gang der legs btus te/___/dpyod ldan snying gi thig ler slar yang spel/__/'on kyang bdag 'dra grags pa'i yon tan gyis/__/rnam par ma bsrung blo gros na tshod bzung /___/ches cher phra bas 'di ltar smra byed par/__/chu skyes tshogs kyang khrel bas 'dzum pa bzhin/__/de lta na'ang lung rtogs spyan ldan gyis/___/bka' stsal rna ba'i rgyan du dpyangs pa las/__/ma bzod smra ba gang der nyes pa'i tshogs/__/bshags so dge bas 'gro kun sman gyur cig__/zhes srog rlung gi bcos tshul sogs le tshan bzhi yi man ngag phyogs gcig tu bsdebs pa 'di yang rmongs pa kun gyi gral mthar son pa'i ban sprang 'jigs med mkhyen brtse'i myu gus sbyar ba dza yan+tu//__/_!_/