JKW-KABUM-23-'A-004-002

🚧 This website is under continued development. We appreciate your patience!

Previous Text Back to Volume PageNext Text

དགེ་བའི་བཤེས་གཉེན་བོ་དྷི་བྷ་དྲ་ལ་གནང་བའི་གསོལ་འདེབས།

Wylie title	dge ba'i bshes gnyen bo d+hi b+ha dra la gnang ba'i gsol 'debs
Location	mkhyen brtse'i bka' 'bum Volume 23, sde tshan 4, Text 2, Pages 228-229 (Folios 2b2 to 3a3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. dge ba'i bshes gnyen bo d+hi b+ha dra la gnang ba'i gsol 'debs. In 'jam dbyangs mkhyen brtse'i dbang po'i bka' 'bum, Vol. 23: 228-229. Khams sde dge rdzong sar dgon: Rdzong sar blo gros phun tshogs, 2020.
Genre	Supplications - gsol 'debs
Colophon	ཞེས་དགེ་སློང་དགེ་བའི་བཤེས་གཉེན་བོ་དྷི་བྷ་དྲས་ཚུལ་འདི་ལྟ་བུ་ཞིག་དགོས་ཞེས་བསྐུལ་བ་ལྟར། གསུང་ངག་རིན་པོ་ཆེའི་ལམ་རིམ་མདོར་བསྡུས་པ་བརྗོད་བྱར་བྱས་ཏེ། གསོལ་འདེབས་བསླབ་བྱ་དང་འབྲེལ་བ་འདིའང་བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས་བྲིས་པ་དོན་དང་ལྡན་པར་གྱུར་ཅིག།
	zhes dge slong dge ba'i bshes gnyen bo d+hi b+ha dras tshul 'di lta bu zhig dgos zhes bskul ba ltar/_gsung ngag rin po che'i lam rim mdor bsdus pa brjod byar byas te/__gsol 'debs bslab bya dang 'brel ba 'di'ang bya bral ba 'jam dbyangs mkhyen brtse'i dbang pos bris pa don dang ldan par gyur cig

Tibetan Text

Wylie

[edit]

འཇ༷མ་པའི་དབྱང༷ས་སོགས་སྲས་བཅས་རྒྱལ་ཀུན་དང་། །དབྱེར་མེད་མཁྱེན༷་བརྩེའི༷་ཡེ་ཤེས་ཆེ་བརྙེས་པ། །མཁས་གྲུབ་དབ༷ང་པོ༷་དཔལ་ལྡན་བླ་མ་ལ། །སྙིང་ནས་གསོལ་བ་འདེབས་སོ་བྱིན་གྱིས་རློབས། །འཁོར་བའི་གནས་ཀུན་མེ་འོབས་ལྟ་བུར་མཐོང་། །དལ་འབྱོར་རྙེད་དཀའ་ནམ་འཆི་ངེས་མེད་རྟོགས། །ལས་འབྲས་བསླུ་བ་མེད་པར་ཁོང་ཆུད་ནས། །བླང་དོར་ཚུལ་བཞིན་བརྩོན་པར་བྱིན་གྱིས་རློབས། །བྱམས་དང་སྙིང་རྗེ་སྨོན་འཇུག་བྱང་སེམས་འབྱོངས། །ཞི་གནས་ཏིང་འཛིན་རྒྱ་མཚོར་འཇུག་ཅིང་ལྡང་། །ལྷག་མཐོང་ཟབ་མོའི་ཤེས་རབ་ཕ་རོལ་ཕྱིན། །སྤྲོས་བྲལ་གནས་ལུགས་མཐོང་བར་བྱིན་གྱིས་རློབས། །དབང་གིས་སྨིན་ཅིང་དམ་ཚིག་རྣམ་པར་དག །གཞི་རྒྱུད་འཁོར་འདས་དབྱེར་མེད་ལྟ་བ་རྟོགས། །ལམ་རྒྱུད་རིམ་གཉིས་ཡེ་ཤེས་མངོན་དུ་གྱུར། །འབྲས་རྒྱུད་སྐུ་བཞི་འགྲུབ་པར་བྱིན་གྱིས་རློབས། །མདོར་ན་འདི་ནས་བྱང་ཆུབ་སྙིང་པོའི་བར། །རྗེ་བཙུན་བླ་མས་འབྲལ་མེད་རྗེས་བཟུང་སྟེ། །བར་ཆད་ཀུན་ཞི་བསམ་སྦྱོར་ཆོས་བཞིན་འགྲུབ། །དོན་གཉིས་ལྷུན་གྱིས་གྲུབ་པར་བྱིན་གྱིས་རློབས། །ཞེས་དགེ་སློང་དགེ་བའི་བཤེས་གཉེན་བོ་དྷི་བྷ་དྲས་ཚུལ་འདི་ལྟ་བུ་ཞིག་དགོས་ཞེས་བསྐུལ་བ་ལྟར། གསུང་ངག་རིན་པོ་ཆེའི་ལམ་རིམ་མདོར་བསྡུས་པ་བརྗོད་བྱར་བྱས་ཏེ། གསོལ་འདེབས་བསླབ་བྱ་དང་འབྲེལ་བ་འདིའང་བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས་བྲིས་པ་དོན་དང་ལྡན་པར་གྱུར་ཅིག། །། ༈

[edit]

dge ba'i bshes gnyen bo d+hi b+ha dra la gnang ba'i gsol 'debs/ 'jaXm pa'i dbyangaXs sogs sras bcas rgyal kun dang /__/dbyer med mkhyenaX brtse'iX ye shes che brnyes pa/__/mkhas grub dbaXng poX dpal ldan bla ma la/__/snying nas gsol ba 'debs so byin gyis rlobs/__/'khor ba'i gnas kun me 'obs lta bur mthong /__/dal 'byor rnyed dka' nam 'chi nges med rtogs/__/las 'bras bslu ba med par khong chud nas/__/blang dor tshul bzhin brtson par byin gyis rlobs/__/byams dang snying rje smon 'jug byang sems 'byongs/__/zhi gnas ting 'dzin rgya mtshor 'jug cing ldang /__/lhag mthong zab mo'i shes rab pha rol phyin/__/spros bral gnas lugs mthong bar byin gyis rlobs/__/dbang gis smin cing dam tshig rnam par dag__/gzhi rgyud 'khor 'das dbyer med lta ba rtogs/__/lam rgyud rim gnyis ye shes mngon du gyur/__/'bras rgyud sku bzhi 'grub par byin gyis rlobs/__/mdor na 'di nas byang chub snying po'i bar/__/rje btsun bla mas 'bral med rjes bzung ste/__/bar chad kun zhi bsam sbyor chos bzhin 'grub/__/don gnyis lhun gyis grub par byin gyis rlobs/__/zhes dge slong dge ba'i bshes gnyen bo d+hi b+ha dras tshul 'di lta bu zhig dgos zhes bskul ba ltar/_gsung ngag rin po che'i lam rim mdor bsdus pa brjod byar byas te/__gsol 'debs bslab bya dang 'brel ba 'di'ang bya bral ba 'jam dbyangs mkhyen brtse'i dbang pos bris pa don dang ldan par gyur cig/__//__!_