JKW-KABUM-20-WA-001-016

🚧 This website is under continued development. We appreciate your patience!

Previous Text Back to Volume PageNext Text

མཁས་བཙུན་རིགས་པར་སྨྲ་བ་མངྒ་ལའི་མདུན་དུ་ཕུལ་བའི་མཆིད་ལན།

Wylie title	mkhas btsun rigs par smra ba mang+ga la'i mdun du phul ba'i mchid lan
Location	mkhyen brtse'i bka' 'bum Volume 20, sde tshan 1, Text 16, Pages 38-40 (Folios 19b4 to 20b5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. mkhas btsun rigs par smra ba mang+ga la'i mdun du phul ba'i mchid lan. In 'jam dbyangs mkhyen brtse'i dbang po'i bka' 'bum, Vol. 20: 38-40. Khams sde dge rdzong sar dgon: Rdzong sar blo gros phun tshogs, 2020.
Genre	Official Letters - chab shog  ·  Replies to Questions - dris lan

1 Texts in this Section (sde tshan or chos tshan)

16 38-40	མཁས་བཙུན་རིགས་པར་སྨྲ་བ་མངྒ་ལའི་མདུན་དུ་ཕུལ་བའི་མཆིད་ལན། mkhas btsun rigs par smra ba mang+ga la'i mdun du phul ba'i mchid lan Official Letters - chab shog   ·   Replies to Questions - dris lan	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

མཁས་བཙུན་རིགས་པར་སྨྲ་བ་མངྒ་ལའི་མདུན་དུ་ཕུལ་བའི་མཆིད་ལན། སུཀྲྀཏཤུབྷཏརོལླཀྵེཿ ཀུསུམནབཡཤཿཤླིཥྱེ། དྷུཛགགིཤུསུཏེ། གུཎསམསུབྷགཱིཔུརྞཾ ཤམིཏབྷབདིཤོཛཱིཡཱཏ྄། ལེགས་བྱས་རྐང་པས་འཐུང་བའི་དགེ་མཚན་ནི། །གྲགས་པའི་མེ་ཏོག་གསར་བས་འཁྱུད་པ་ན། །ཡོན་ཏན་མཐའ་དག་རྫོགས་པའི་སྐལ་བཟང་ཅན། །སྲིད་དང་ཞི་བའི་ཕྱོགས་ལས་རྒྱལ་གྱུར་ཅིག ༡ །རིང་ནས་དགའ་བ་རྒྱས་པའི་ཡིད་ཀྱི་མཚོར། །བློ་གྲོས་འདབ་མ་ཅུང་ཟད་དར་བའི་མོད། །སླར་ལ་གང་ཚུལ་རྟོགས་པའི་སྣང་བ་ཡིས། །ཉམས་ལྡན་ཚིག་གི་པདྨོ་འཛུམ་པར་གྱུར། ༢ །ཡིད་འཕྲོག་ཟེག་མ་རྒྱས་པའི་བདུད་རྩིའི་ཟེར། །རབ་སྦྱིན་ནམ་མཁའི་ཕ་མཐར་གཤེགས་པ་བཞིན། །བྱང་ཆུབ་སྙིང་པོའི་འཇུག་པ་གཟུགས་ཅན་དུ། །རྒྱུ་བའི་ངལ་འཚོ་སྲིད་ན་གཉིས་པ་མེད། ༣ །སྙིགས་མའི་དྲི་མ་རབ་བཀྲུས་བསོད་ནམས་ཀྱི། །འབབ་སྟེགས་མཆོག་ཏུ་མཐོ་བའི་ནོར་བུའི་རྫིང་། །གང་ན་བསྙེན་པ་ཙམ་གྱིས་འཇིག་རྟེན་གསུམ། །དབུགས་འབྱིན་ཟླ་ཤེལ་གཞོན་ནུས་ཆར་མི་ཉེ། ༤ །རིགས་དང་སྦྱོར་བས་སད་པའི་བློ་གྲོས་མཐུས། །ཤེས་བྱ་རྫོགས་པར་བཟུང་བའི་ངོ་མཚར་གྱིས། །འཇམ་དཔལ་གཞོན་ནུ་ཉིད་ཅེས་སྒྲ་དབྱངས་ལྷ། །ལེགས་བཤད་ཉམས་བརྒྱའི་ཟོལ་གྱིས་མགྲིན་པར་ལྷག ༥ །བསླབ་གཞིའི་སཱ་ལ་ཆེན་པོའི་ནགས་ཀྱི་ཚལ། །གཞན་ཕན་དྲི་ཡིས་རབ་སྒེག་དཔྱིད་ཀྱི་དུས། །ཆགས་བྲལ་ཉམས་པའི་མཐར་སྐྱེས་ཡེ་ཤེས་ཀྱི། །འབྲས་བུའི་ཁུར་གྱིས་དུད་པ་ཁྱོད་ཁོ་ན། ༦ །མདོར་ན་བསྔགས་འོས་སྤྱོད་པའི་རྒྱུད་མང་པོ། །ཐོས་པའི་རྣ་བ་རིན་ཆེན་དོ་ཤལ་གྱིས། །མཛེས་པར་འཁྱུད་པའི་ངང་ཚུལ་གཅིག་པུས་འདིར། །ཀུན་དགའི་ལང་ཚོ་ལྷན་སྐྱེས་བཞིན་དུ་དགོད། ༧ །ལྷག་པར་ཚངས་པའི་སྲས་མོའི་ནོར་བུའི་རྒྱུད། །ཉམས་བརྒྱད་གར་གྱིས་རོལ་པ་གཟུགས་ཅན་དུ། །མངོན་སུམ་འཕོས་པའི་སྙན་ཚིག་རྨད་བྱུང་བས། །དང་པོའི་ས་ཡི་དགའ་བས་ཡིད་རབ་བརླན། ༨ །གང་ན་དབེན་པའི་ཁང་བུའི་ནང་། །བསླབ་སྲོལ་རི་མོར་བྲིས་པ་ཡི། །མར་མེའི་རྗེས་སུ་སོན་བདག་ཀྱང་། །ལང་ཚོའི་འདུ་བྱེད་མ་ཉམས་བཞིན། ༩ །ཇི་ལྟར་སྦྱིན་པས་དབུལ་པོ་དང་། །ཡིད་བཞིན་རླབས་ཀྱིས་དོན་མཐུན་བཞིན། །མཁས་རྣམས་ཡོན་ཏན་ལྡན་ཁོ་ནར། །དགྱེས་པའི་སྤྱན་ཟུར་གཡོ་བའི་སླད། ༡༠ །ནོར་རྒྱས་ངལ་བའི་དཀའ་ཐུབ་ཁུང་། །བསྟེན་མིན་གང་ཚུལ་ཉིན་མོར་བྱེད། །འཆར་བ་ཙམ་གྱིས་སྔོན་མེད་པའི། །དད་སྤྲོའི་སྟེང་འཐུང་མཆོག་ཏུ་གྲོལ། ༡༡ །སླར་ཡང་ལེགས་མཛད་ནོར་བུའི་རྔ་ཡབ་ནི། །བཟུང་བ་མེད་པར་ཕྱོགས་ཀྱི་མཐར་འགྲོ་བས། །འཇིག་རྟེན་དགེ་ལེགས་བྱེད་པའི་ངོ་མཚར་ཕུལ། །སྲིད་པ་གསུམ་ན་རྟག་ཏུ་གསལ་བ་དང་། ༡༢ །འདིར་ཡང་རྗེས་བརྩེའི་འཇུག་པའི་སྣང་བ་ཡིས། །ཡང་ཡང་དབུགས་འབྱིན་མཛད་དང་ཆབ་གཅིག་པར། །ལེགས་གསུང་བདུད་རྩིའི་དོ་ཤལ་ཡིད་འོང་བས། ། ཕན་བདེའི་པདྨོ་རྟག་ཏུ་རྒྱས་མཛོད་ཀྱེ། ༡༣ །སརྦ་དཱ་ཤུ་བྷཾ་བྷཱུ་ཡཱ་ཏ།། །། ༈

[edit]

mkhas btsun rigs par smra ba mang+ga la'i mdun du phul ba'i mchid lan/ mkhas btsun rigs par smra ba mang+ga la'i mdun du phul ba'i mchid lan/___sukr-itashub+hatarol+lak+SheH__kusumanabayashaHsh+liSh+ye/___d+hudzagagishusute/___guNasamasub+hagIpur+NaM__shamitab+habadishodzIyAta?/___legs byas rkang pas 'thung ba'i dge mtshan ni/___/grags pa'i me tog gsar bas 'khyud pa na/___/yon tan mtha' dag rdzogs pa'i skal bzang can/___/srid dang zhi ba'i phyogs las rgyal gyur cig__1__/ring nas dga' ba rgyas pa'i yid kyi mtshor/___/blo gros 'dab ma cung zad dar ba'i mod/___/slar la gang tshul rtogs pa'i snang ba yis/___/nyams ldan tshig gi pad+mo 'dzum par gyur/___2__/yid 'phrog zeg ma rgyas pa'i bdud rtsi'i zer/___/rab sbyin nam mkha'i pha mthar gshegs pa bzhin/___/byang chub snying po'i 'jug pa gzugs can du/___/rgyu ba'i ngal 'tsho srid na gnyis pa med/___3__/snyigs ma'i dri ma rab bkrus bsod nams kyi/___/'bab stegs mchog tu mtho ba'i nor bu'i rdzing /___/gang na bsnyen pa tsam gyis 'jig rten gsum/___/dbugs 'byin zla shel gzhon nus char mi nye/___4__/rigs dang sbyor bas sad pa'i blo gros mthus/___/shes bya rdzogs par bzung ba'i ngo mtshar gyis/___/'jam dpal gzhon nu nyid ces sgra dbyangs lha/___/legs bshad nyams brgya'i zol gyis mgrin par lhag__5__/bslab gzhi'i sA la chen po'i nags kyi tshal/___/gzhan phan dri yis rab sgeg dpyid kyi dus/___/chags bral nyams pa'i mthar skyes ye shes kyi/___/'bras bu'i khur gyis dud pa khyod kho na/___6__/mdor na bsngags 'os spyod pa'i rgyud mang po/___/thos pa'i rna ba rin chen do shal gyis/___/mdzes par 'khyud pa'i ngang tshul gcig pus 'dir/___/kun dga'i lang tsho lhan skyes bzhin du dgod/___7__/lhag par tshangs pa'i sras mo'i nor bu'i rgyud/___/nyams brgyad gar gyis rol pa gzugs can du/___/mngon sum 'phos pa'i snyan tshig rmad byung bas/___/dang po'i sa yi dga' bas yid rab brlan/___8__/gang na dben pa'i khang bu'i nang /___/bslab srol ri mor bris pa yi/___/mar me'i rjes su son bdag kyang /___/lang tsho'i 'du byed ma nyams bzhin/___9__/ji ltar sbyin pas dbul po dang /___/yid bzhin rlabs kyis don mthun bzhin/___/mkhas rnams yon tan ldan kho nar/___/dgyes pa'i spyan zur g.yo ba'i slad/___10__/nor rgyas ngal ba'i dka' thub khung /___/bsten min gang tshul nyin mor byed/___/'char ba tsam gyis sngon med pa'i/___/dad spro'i steng 'thung mchog tu grol/___11_/slar yang legs mdzad nor bu'i rnga yab ni/___/bzung ba med par phyogs kyi mthar 'gro bas/___/'jig rten dge legs byed pa'i ngo mtshar phul/___/srid pa gsum na rtag tu gsal ba dang /___12_/'dir yang rjes brtse'i 'jug pa'i snang ba yis/___/yang yang dbugs 'byin mdzad dang chab gcig par/___/legs gsung bdud rtsi'i do shal yid 'ong bas/__/_phan bde'i pad+mo rtag tu rgyas mdzod kye/___13_/sarba dA shu b+haM b+hU yA ta//___//__!_